מעלות פון וומס"ב איבער אנדערע ישובים

איך וואוין אין גאנץ א באלעבאטיש הייזקע דא אין הייליגן וויליאמסבורג. איך קען זיך נישט אפרעדן, איך קום זייער פיין אויס דערמיט. מיט די צייט זענען אבער די קינדערלעך אויסגעוואקסן, און מען מוז געבן א קוק אויף ווייטער, און ווי עס זעט אויס וועל איך אין די קומענדיגע טעג זיך נעמען זוכן א פרישע מקום.

אין גמ' ווערט דערציילט איבער א תלמיד וואס האט איבערגעלאזט זיין וואוינארט און געגאנגען אביסל ווייטער און עס ווערט נישט געשריבן אין א גוטע ליכט. (איך געדענק נישט אויף די מינוט די גמ'. אפשר וועל איך עס א צווייט מאל צולייגן)

וויל איך הערן פון חשוב'ן עולם אויב וויליאמסבורג קען פאררעכנט ווערן אלס א פלאץ וואס איז בעסער, די זעלבע, אדער גאר ערגער ווי אנדערע ישובים?

תורה ווערט נישט אזוי ווייט רעספעקטירט דא. דאס איז אזוי ווייל פאר די שיטה הק' קומט בעסער אויס אז מען איז משפיל יענעם'ס תורה, אבער אין אלגעמיין זעט מען פילע זאכן וואס האט אין וויליאמסבורג קיין פלאץ נישט. צב"ש גוי'אישע צייטונגען האט נישט קיין ארט דא (אויך נישט די טריפה'נע המודיע...).

אין נאמען פון א רעספעקטפולן ראש ישיבה געט מען איבער אז ער איז זייער נישט צופרידן ווען א תלמיד גייט זיך אריבערציען קיין ווילי. (געהערט פון א מקור מוסמך)


תוקן על ידי - דיפלאמאט - 18/11/2005 3:47:30

פארוואס עס איז דיך אפילו איינגעפאלן אז וויליאמסבורג איז מעולה איבער אנדערע מקומות איז פשוט ווייל אזוי וועלן מאנכע פרובירן צו פראפאגאנדירן.

אבער לאמיר א מינוט אריינקוקן לאמת:


>>אין וויליאמסבורג זענען אזוי געריפענע חסידישע אידן מחלל שבת בפרהסיא.

>>אין ווליאמסבורג וואוינען אזעלכע וואס ווילן ווייזן אז די בעלות פין שטאט איז נישט אין די הענט פין רבינו זי"ע.

>>אין וויליאמסבורג פארקויפן אפאר געשעפטן די המודיע.

>>אין וויליאמסבורג דרייווט מען עס. יו. ווי'ס.

>>אין וויליאמסבורג פארקויפט מען די כל העולם כולו.

>>אין וויליאמסבורג האט זיך כמעט גע'עפנט גל פז, רח"ל.

>>אין וויליאמסבורג האט מען ליידער געדארפט פארברענען שייטלעך - הייתכן, טראגן שייטלעך?

>>אין וויליאמסבורג דארף מען נאך אפילו בעטן אין דערמאנען אז די בחירות זענען גע'אסרט.

>>אין וויליאמסבורג דארף מען נאך איבערקייען יעדעס יאר די הארבקייט פין ה' אייר.

>>אין וויליאמסבורג מעגען מענער אין פרויען וואקן אויף די זעלבע זייט גאס.

>>אין וויליאמסבורג האבן מענטשן סעל-פאון'ס מיט קאלערדעיג סקרין'ס.

>>אין וויליאמסבורג זענען דא מיידלעך וואס ארבעטן אין אפיסעס - מען פאפט פשוט אן די מודעות, רח"ל.

>>אין ווילימסבורג גייט מען מיט שמאלע געפאסטע קליידער.

אין וויליאמסבורג גייט מען מיט ביי האר.

>>אין וויליאמסבורג האבן מענטשן איי פאדס, רח"ל.


קען זיין אז די זאכן זענען נישט אמת, איך האב נאר ציזאמן געקליבן אפאר נקודות וואס ווערן פארשפרייט טאג איין טאג אויס. די צעטלעך, קונטרסים, מודעות, ריקלאמעס, קארן מיט הויך הילכערס, וכו' וכו', זאגן דאס, נישט איך.

----------

א קרוב מיינס פין בארא פארק פרעגט מיך איין טאג: וואס מיינט "איי פאד?"

זאג איך עם: דאס איז אזא כלי וואס מ'קען אויף דעם לייגן מוזיק אין עס שפילט אהן קיין טעיפ אין אהן קיין סי. די.

פרעג איך עם: פארוואס פרעגסטו? - איך האב געמיינט אז אפשר וויל ער קויפן א "ש"ס פאד."

זאגט ער מיר: איך בין געוועהן ביי א בר מצוה אין וויליאמסבורג, אין איך האב געזעהן אין בית המדרש הענגן א צעטל אז עס גייט זיין א מלחמה אקעגן די איי פאדס. וויל איך פשוט וויסן וואס דאס איז.

------------

דאס איז שוין א בארא פארקע אינגערמאן, פין דעם עיר הנדחת. איך קען ענק אלע צוזאגן אז אין וויליאמסבורג איז שוין היינט נישט דא קיין קטן שהגיע לחינוך וואס ווייסט נישט וואס איי פאדס איז, פונקט ווי זיי ווייסן וואס שמאלע געפאסטע קליידער מיט ביי האר איז.


ביי אינז רופט מען דאס:לטהר טמאים ולטמא טהורים

איז שוין אלעס קלאר, אדער איז עס דיך אפילו נישט שווער געוועהן לכתחלה?

וויליאמסכורג האט פון שטענדיג גיהאט א פאראייניגטן כח לעמוד בפרץ נגד מהרסי הדת שלא יחבלו שועלים את כרמינו.
און אפילו גאר לעצטענס - ווען עס האט זיך גיעפעפנט אין וויליאמסבורג א געשעפט וואס האט פארקויפט מוזיק קאסעטעס שאין דעת רוח חכמים נוחה הימנו - האט מען מיט סייעתא דשמיא באוויזן דאס אינטערצוברענגען.

מוזיק קאסעטן שאין רוח חכמים נוחה הימנו? אדער חנות שאין חניות השכניים נוחה הימנו?

דער פאגראם האט זיך אנגעפאנגן נאך פאר די טעיפס זענען געוועהן אויף די פאליצעס. הער שוין אויף טרינקן די לעמאנאדע מיט וואס מען טיט דיך אנטרינקען.

אין ווילי איז אויך דא ניוז סטענד'ס וואס פארקויפן כל מיני מאגאזינען און קיינער האט נאכנישט מוחה געווען אויף דעם. פארוואס?

I'M GLAD THAT I DONT USE A KUTCHMA EVEN IN THE WINTER

לויט ווי איך געדענק, איז די מערכה געווען אנגעפירט דורך אלע וויליאמסבורג מוסדות.

ווי וועלן די שוויצערס קויפן די וואל סטריט דשזורנעל אין די ניו יארק טיימס, אויב נישט ביי די ניוס סטענד?

אגב, ביי העוועמייער איז דא א מקדאנעלדס, הייתכן מען האט דאס נאך נישט מבער געוועהן?

תוקן על ידי - Kutchma - 18/11/2005 5:56:44

לויט ווי איך געדענק, איז די ערשטע מאל וואס דער געדאנק, אז עס איז געוועהן אנגעפירט דארך אלע וויליאמסבורגע מוסדות'ן, איז בכלל אפיר געקומען איז געוועהן אין די משמרת מוחותינו, די פארגאנגענע וואך.

נאך געדענק איך, א פאקט וואס אלע ווייסן, אז די מערכה איז אנגעפירט געווארן דארך היציגע בחורים אין אינגעלייט וואס זענען אויסגעניצט געווארן דורך א געשעפט אויף די זעלבע גאס וואס, אגב, פארקויפט ער די זעלבע טעיפס שאין דעת חכמים נוחה הימנו, וואס גל פז האט פארקויפט.

איך פארשטיי אז די לעמאנאדע איז בחנם, אבער צו טרינקן דערפין גאלאנען? זיי שוין נישט אזוי נאאיוו.

KUTCHMA,
פרעגט אייך נאך, אוואו מען קאן באקומען אביסעלע FOCUS FACTOR.
טרינקט דאס מיט א גלעזעלע לעמענאדע.

אויף צו מאכן א וויץ קימסטו גיט צינוץ, אבער צו ברענגן פאקטן טויגסטו היפש קנאפ.

פאר די FOCUS FACTOR. אגב איז רוח חכמים נוחה הימנו?

,KUTCHMA
I DONT REMEMBER
I DID NOT USE IT RECENTLY.

מלחמת העולם,

איך שרייב ליבערשט ווי בעפאר די מלחמה.

קוטשמע
ביסט אמאל אריין צו גל פז אויף דרייצענט עוועניו?
וועלכע געשעפט אין ווילי (קעגען איבער, לויט דיר) פארקויפט קאסעטעס פון שרית חדד?

ס'איז דא טויזענטער אידען אין ב"פ וואס טרעטען נישט אריין אין "גל פז"
מען קען מיינען אז אין וויליאמסבורג האט מען "אריין גישלעפט" מענטשען מיט כח,
דער פוינט איז, ווער הייסט דיר גיין קיין גל פז?
אויב דו האלסט אז עס איז נישט פאר דיר, זיץ איינגילייגט
ווער זאגט אז מען קען נישט זיין אן ערליכע איד אז עס איז דא א גל פז אין שטאט?
אין ירושלים וואינען נישט קיין ערליכע אידען?
אין ב"פ זענען נישטא קיין ערליכע אידען?
נאר אז מען האט נישט וואס צו פארקויפען, איז דא א עצה ,
מען וועט "מוחה" זיין,
אין , און דעם איז וויליאמסבורג די "בעסטע"

צדוק
איך ווייס נישט צו ס'דא עהרליכע אידען אין ב"פ.
פארוואס זאל מען נישט עפענען א בית ..... קעגען איבער דיין שטוב? קיינער וועט דיר נישט צווינגען אריינצוגיין.

תוקן על ידי - allnewspic - 18/11/2005 19:27:43

זעט אויס אז די וויסט נישט ווי ב"פ איז,

אין וואס איז דאס פארגלייך פון גל פז צו דעם וואס די האסט עס פארגליכען?

אין, איך מיין אז א בית .... הייסט נישט א "פירצה" אין וויליאמסבורג

צדוק
איך האב פארגליכען? אבער די סברא איז די זעלבע

איך וויל נישט שטערען די ווילי אידן פון זייערע דמיונות, עס וואלט געווען ביטער ווען זיי כאפען זיך ווי זיי שטייען, אבער ב"ה אז זיי ווילען נישט אריבערגיין קיין בארא פארק.

זיי קומען נישט קיין בארא פארק ווייל זיי קענען נישט, זיי פילען ווי אזוי מען קוקט אויף זיי.

צדיק!

האסט גערעט ווי א קינד!
ווער הייסט דיך אריינגיין/אריינקוקען
די פאקט איז אז גל פז אין ב.פ. איז א באר אין א קלאב
פאר אלע שקצים פון גאס
אז די ווילסט קען איך דיר טראגען ווייזען

אין דאס האט מען נישט געוואלט סזאל געשען דא אין ווילי
אין ב"ה מהאט מצליח געווען!!!!!!!!!!!!

נאך עפעס שווער?

תוקן על ידי - געלט123 - 18/11/2005 17:12:40

קוטשמע, איך מיין דו דארפסט דיר טוישן דיין ניק אויף "איפכא מסתברא"
און שוין זאלסטו דאס טוהן בעפאר באטשי וועט דיך אויסכאפן...

אלס א זייטיגער וויל איך פרעגען א קשיא וואס יעדער וויל פרעגען
פארוואס אין ווילי איז די יודישקייט אין לעבען געבויט אויף טאג אין נאכט קריגען שלאגען העצען מוחה זיין
עירוב - האט ליין - אייער - וואסער - שייטלען - אייפאד - גיורת - קליידער - פלעיס - גל פז - האט קאפס - אינטערנעט - סעלפאונס וכו' וגו' (די מחאות פארלירען באלד די קראפט) סקוקט אויס אז כמעט אוממעגליך און אומדערטרעגליך צו זיין א ערליכע יוד
אינטערעסאנט קעגען קריגען אליינס איז קיינער נישט מוחה (שמ"ע)

זשובוי,

פאר דיין אינפארמעישן, סאיז דא אין די פאנאטישע וויליאמסבורג א יונגערמאן וואס צאלט יעדע וואך א סכום געלט פאר די פאר מאגאזין געשעפטן אויף בראדוועי זיי זאלן נישט פארקויפן קיין טריפה מאגאזינען

סאיז א מוראדיגע זאך,

מי כעמך ישראל

איך רעדט ווי א קינד?

ווען די וואלסט גילאזט "גל פז" זיין דער "באר" וואלט דער "ראדני" ביהמ"ד נישט געווען א "באר"

איך מיין אז פאר מיר איז בעסער נישט אנטייל צו נעמען אין דעם דעבאטע, ווייל איך האב קאלטס און ווארעמס סיי פאר ווילי און אויך פאר ב.פ.
איז בעסער לאז מיך שווייגן, און זאלן ביידע זיין די געווינער.
איין מעלה וועל איך יא געבן פאר ביידע צו פארדינען.
ב.פ. איז לכאורה פיל א שטערקערע מקום תורה.
ווילי האט די מעלה, אז יעדער שייגעץ בעפאר ער וויל עפעס איינפירן אדער טוהן אין ווילי, טראכט ער דריי מאל, ווייל ער ווייסט אז דארט איז מען מוחה "ביג-טיים"..

ווילי האט אויך נאך א שטארקע מעלה,
אז אויב די האסט די גיטע "קאנקשענעס" מיט די ריכטיגע חברה דאן מעגסטע טיען וועלכע פרצה די ווילסט

>ווי למשל, עטרת אברהם
וואס ווען נישט די קאנקשענעס וואלט עס שוין לאנג געווען פארשפארט,

>אויב די ווילסט קענסטע ארויס נעמען א,היתר מסירה כללית,
אין קענסט גיין מסר'ן רעכטס אין לינקס,אין די היתר ווערט נאך דערצי קאפירייט אז נאר די מעגסט עס ניצען,

קענסט למשל זאגען זאגן אויף זאכן וואס פריערדיגע גדולים האבן געגעבן א היתר אז עס איז אסור

>ווי למשל, קאווע פסח אין ביהמ"ד,

>אדער א עירוב אין איינצעלע גאסן וואס עס איז מותר געווען יארן איז פליצלינג איז עס אסור געווארן,לצורך פאליטיק

בקיצור עס איז א פלאטץ וואס אויב די ווייסט צי וועם צי רעדן האסטע א פרייען האנד

תוקן על ידי - שלום_משה - 18/11/2005 18:54:59

איין הוספה צי שלום משה, כמעט פארגעסן,

אויך די בית .... מידי שבת בשבתו אין "ראוז קעסל" מעג טין וואס ער וויל, ווייל ער האט די ריכטיגע קאנעקשאנס

תוקן על ידי - allnewspic - 18/11/2005 19:30:00

געלט

די וואוינסט אין יהופיץ?

איך בין אין באראפארק איך גיי פון מאל צו מאל אריין אין גלפז אין איך זע נישט קוים א נפש חיה דארט.

ווי אזוי שרייבסטו?
"די פאקט איז אז גל פז אין ב.פ. איז א באר אין א קלאב
פאר אלע שקצים פון גאס"

זעט אויס אז עס איז נישט דא קיין שקצים אין באראפארק.
ווייל אין גלפז זעט מען אמאל קוים איינעם קויפען א טעיפ, אבער א קלאב? מן דכר שמיה?

מען פארקויפט ענק אין וויליאמסבורג וואס מען וויל, ווייל מען ווייסט אז איר גייט נישט בודק זיין.

גראדע וואסעדיף פון די סיקריקין, האט יא געשריבען צו די זאך, ווייל ער האט אפשר פרייע טעיפ'ס אין זיין סטאק, אבער איך בין משוכנע אז אין וויליאמסבורג וואלט ער דאס נישט געהאט, ווייל ער ווייסט אז דארט איז נישט דא קיין פרייע ישראלים ווי אין באראפארק וואס געברויכען דאס.

טובעין
ערשטענס אמאל איז נישט דא אזא זאך ווי סיקריקין
צווייטענס אמאל, געהער איך נישט פאר די סיקריקין
דריטענס אמאל, ס'ליידער נישט פרייע איזראעלער וואס קויפען זיינע קאסעטעס נאר היימישער.

מקל אל הכבד:

בןמלך: וואס די ווילסט ווייס איך אינגאנצן נישט, אויב ווילסטו באציאונג, זיי מסביר דיין הערה, אדער הארה, עפעס וועגן איפכא.

וואסא-דיף, עס איז ליידער נישט קיין נפקא מינא טאמער פארקויפט גל פז אין ב"פ טעיפס פין פרייע זינגערטעס אדער נישט ווייל דאס האט אויסדריקלעך נישט געשפילט קיין ראלע אין די מערכה. עס איז א דבר ידוע לכל אז א געשעפט אויף יענעם בלאק, אין איך גיי נישט זאגן וועלכס חאטש עס איז נישט קיין סוד, איז געוועהן די ריקען ביין פין די געוואלדאטן.

פונקט ווי מ'האט ענק איינגערעדט אז דער רבי אדער יענער רבי איז אן אפיקורוס וועגן דעם בלויזן זינד פין האלטן אנדערש ווי ענק אין פארשידענע מקצועות, אין פונקט ווי ענק האבן מיט דארשט געטרונקן יעדן אנץ פין די משקה המשכר, אזוי האט מען ענק אויך איינגערעט אז פאר דעם סיבה אדער יענעם סיבה ברויך מען דעם גל פז אפווישען פין בלאק.

אין צוגאב, לאמיר זיין ריאליסטיש, אין וויליאמסבורג וואלט דער אייגענטימער קיין טעיפס פין ציונים נישט פארקויפט, ווער רעדט פין זינגערטעס אדער פרייע? ער האט ניטאמאל געהאט טעיפס פין פרימע וואס אנדערע געשעפטן אין וויליאמסבורג מעגן יא פארקויפן נאר ער אלץ גל פז האט מורא געהאט. נאר וואס דען, די פארנאטישע ווייסן נישט פין קיין מיטעל וועג, אין אנשטאט די אזוי געריפענע עסקנים זאלן גיין רעדן מיט די בעל הבית אין עם מסביר זיין די הארבקייט פין די נושא, גייט אזוי זייער הילוך המחשבה נאכען ווערן אנגעדרייט: בארא פארק = גל-פז = העברעיש = ציונות = כפירה = הירוס הדת = נישט אין וויליאמסבור = אלע מיטלען עם עוקר צו זיין אפילו עס איז בניגוד צו די תוה"ק. לאז ביטע אויס די רעשט, דאס איז דיך שוין איינגעפאלן, נישט פאר די לוחמים.


נאך איין קליינע נקודה:

איינער האט פריער ארויף געברענגט די פאקט אז איינער צאלט געלט פאר די ניוז סטענדז אז זיי זאלן נישט פארקויפן קיין אויסגעלאסענע מאגאזינען. דער וואס האט עס ארויף געברענגט האט עם געריפען פארנאטיש. איך האלט אבער נישט אז ער זאל ווערן קאטעגאראזירט אלץ א פארנאטישער. איך רוף אזא איינער א העלד. די סיבה דערפאר איז ווייל ער גייט נישט מיט קיין געוואלד, כמנהגינו בוויליאמסבורג.

די שאלה איז נאר, וואס זענען די מאטיוון פין אזא איינער? איז ער טאקע א העלד, אדער האט ער פשוט נישט קיין ברירה, ווייל מיט די גוים וועט געוואלדאטן נישט ארבייטן? למאי נפקא מינה? די חילוק איז אזוי:
פארוואס האנדעלט מען מיט א גוי, מיט זאדענע הענטשקעס, אין פארוואס פאר א פרומע איד קומט זיך אכזריות? פארוואס צאלט מען געלט, בדרכי נועם, פאר א גוי, אבער פאר א איד וועט מען אנפארבן זיין געשעפט מיט סוואסטיקעס - נאצישע סיבאלן?

קענט איר דאס רופן אויסגעהאלטען?

איך מיין, אין אזוי איז פשוט, אז מיט א איד ווארפט מען זיך, מען האט נישט קיין מורא אז ער וועט אנקלאגן, מען טאר דאך נישט, אזוי שטייט דאך אויף די מודעות. מה שאין כן לייג א סוואסטיקע אויף די ערל'ס טיר...

וואסא-דיף, קלער אביסל אינדרויסן פינעם קליין קעסטעלע אין וואס מ'האט דיך אריינגעלייגט, עס וועט דיך נישט שאטן.

תוקן על ידי - Kutchma - 18/11/2005 20:52:42

קוטשמע
שרייבסט דאך גוט. ער וואלט נישט פארקויפט (עכ"פ אנהייב) מיאוסע קאסעטעס ווייל ער האט מורא
אנדער וואלטען אויך נישט פארקויפט ווייל זיי האבען מורא
ווען מ'וואלט זיך אויפגעפיהרט אזוי איידעל און שיין ווי דו ווילסט וואלט מען שוין לאנג פארקויפט ווייל זיי וואלטען נישט געהאט קיין מורא
פארשטאנען?

איך וויל נאר צוגעבען, אז די מהר"ש פלעגט רעדען פין ווילי מיט א מורא'דיגער ביטול, און איך וועל אנגעבען צוויי דוגמאות.
ווען ער האט גערעדט וועגען איינער וואס איז קליא געווארען, האט ער געזאגט בתוך הדברים, "ער האט געהאט וויליאמסבורגער חברים".
ווען איינער האט לאנגער פאות, האט ער עס גערופען "וויליאמסבורגער פאות", מיט א שמייכעל אזא, מען האט נישט געהאט קיין טעות וואס ער האט געמיינט.

די פאקט איז אז וויליאמסבורג איז א שיינער חסידישער ישוב, נאר גאר אסאך מענטשען דארט רעדען זיך איין אז דארט איז "זייער" שטאט און טוהן דארט ככל מה שעולה על רוחם, און פאר דעם רעדען זיי זיך איין אז ב"פ איז שטאפעל ווייניגער ווי ווילי.

אבער די אמת איז, אז ב"פ איז די אמת'ע מקום פאר א איד וואס וויל לעבען מיט א חסידישען טעם, אהן קיין פרעשור פין "משוגעים" און ליידיג גייער וואס לייגען אהן א ביטערע נאך טעם אין יעדעס דבר שבקדושה.

אבער צו קרן הצלה איז ער געקומען קיין וויליאמסבורג.

פארשטאנען? איבערהויפט נישט!

פארוואס ארבעט געלט ביי א גוי, אבער ביי א איד נישט? פארוואס געט מען בכלל געלט פאר א גוי אבער פאר איד טיילט מען אויס צרות?

איך הייב אן טראכטן אז אפשר פארשטייסטו טאקע נישט. אפשר ביסטו אויך מצדיק אנשמירן סוואסטיקעס אויף סטארס. אויב יא לאז וויסן, אין די וועסט זיך מער נישט דארפן טענה'ען מיט די עולם.

הפלא ופלא איך שבארא פראקר סיבב כאן את מו"ר המהר"ש זצוק"ל.

קוראים יקרים, המהר"ש היה איש השלום בארא פארקר וחבריו מסלפים את מה שאמר רבינו זצוק"ל לאדם פרטי.

ומזה תבינו איזה שקרים אנו מקבלים מחסידי מהרב"צ בן מהר"ש מבאבוב. וד"ל

אז מ'רעדט שוין פון דברי האדמורי"ם בנוגע ווילי, איז כדאי צו דערמאנען, אז מהר"ש מבאבוב זי"ע, האט פארוויילט גענוי איין שבת אין זיינע כמעט זעכציג יאר אין אמעריקא, אין ווילי. אגב, איז יענע שבת געוועהן דער ערשטע שבת וואס ער איז געוועהן דא אין אמעריקא.

קאמענטארען זענען איבריג.

דער קלויזענבערגער זי"ע איז נישט קיין סוד וואס ער האט געהאלטען בנוגע ווילי.

דער בעלזער שליט"א, הייסט נאך עד היום הזה, זיינע אינגעלייט זיך ארויס ציען פון דארט.

ס'איז שוין באלד נישט קיין ווינדער, אז זיי שלאגען זיך יעצט ציווישען זיך, די אנדערע האבען זיי פשוט מצליח געוועהן צו פארטרייבען...

שבת שלום ומבורך.

קוטשמע
די שאלה איז נישט צו געלט ארבייט ביי דער איד נאר צו סוואסטיקאס וואלטען געארבייט ביי'ם גוי.
פארוואס זאל מען ארויסלייגען געלט ווען מ'קען עפעס מאכען פאר אומזינסט?
ס'וועט דאך ווערען א גאלד גרוב. יעדער מנוול וועט קומען סטראשען ער מאכט אויף עפעס א געשעפט אין וויליאמסבורג צו קענען מעלקען נאך א ביסעל געלט.
מיר זיינען אין גלות און אנוז קענען זיך נישט אנרייצען מיט די גוים, וואס פארשטייען סיי ווי נישט וואס מ'וויל פון זיי און פארוואס מ'טאר נישט פארקויפען שמוץ.
אבער אז א איד קומט פארשמוצען א אידישע געגענט קומט עם אין באק ציינער אריין.

intresting in willimsburg there are 2 groups that makes every body run away from there
group no 1 artisten
group no 2 i dont want to write vehamevin yovin

די שרייבסט אבער אז א איד קומט פארשמוצען א אידישע געגענט קומט עם אין באק ציינער אריין. בזה יצאת ידי חובתך. ענק האב קיין אהבת ישראל קיינמאל נישט געהאט אין קענען ניטאמאל באגרייפן דעם מושג. ענק ווייסן נישט פין קיין השתוות, נאך ערגער, ענק ווילן דעפין נישט הערן.

געט'ס עם אין די באק ציינער אריין!

יישר כח, פאר'ן שמייכל. איך רעד וועגן דיין גאונישע כאפ אז טאמער וועט מען נישט לייגן סוואסטיקעס וועלן מענטשן דווקא קומען פארשמוצען וויליאמסבורג כדי צו מאכן געלט. דיין געדאנקען גאנג איז אזוי גראד ווי א רעגן בויגן. נאךדעם טיסטו דיך אן דעם גארטעל, פארגלייזטיך די אויגן, מיט א לשם יחוד זאגסטו: וואס קען מען טין, מען איז דאך גלות מען טאר זיך נישט רייצן מיט די גוי התגרות באומות. אבער מיט די איד, דאס איז דאך אידישקייט, דאס האט מען דאך אינז אויסגעלערנט, דערנידער דער וואס איז נישט איינשטימיג מיט דיך עד להמית. שעלט, גנבע, שלאג, נעם אוועק פרנסה, מסור, זעץ איין, ווארף אייער, פעינט סוואסטיקעס, באשמיץ וכו' וכו'.

ווען ענק וואלטן ווען געוויסט אז דאס וואס ענק טיען איז פשוט אין פראסט נישט אויסגעהאלטן וואלט געוועהן א האלבע צרה, די חורבן איז אז ענק זענען ליידער תינוקות שנשבו - מען האט ענק נישט אויסגעלערנט בעסער.


איך האף אז די האסט חאטש א פערטל אזא הנאה פין שרייבן דיינע געלעכטערישע תגובות ווי איך האב פין זיי ליינען. אין שמחה כהתרת הספיקות, די לאזט גארנישט איבער פארן כח הדמיון, די שרייבסט קלאר ארויס פין וועלכע טייג ענק זענען געקנאטן.

KUTCHMA
YOU MADE MY DAY
אז א איד האט נאך פיר מאל אזוי הנאה פון ליינען מיינע תגובות ווי איך האב פון זיי שרייבען געט מיר מוט צו שרייבען ווייטער..

לא כצורינו צורם, איך בין יא א פארגינער.

קוטשמע ריזיג עס אלוועיס
איינער אין ווילי זאגט מיר די בעלזע רבי קומט אריין צום טיש מיט א בעידינג סוט
מיטן פולסטן ערענסקייט אן קיין טראפ שמייכעל
דאס האט מען אויסגילערענט אז נאר שלאגן שעלטען כנ"ל והא ראי' אז פארן זיך שלאגן אין ביהמ"ד מיט די הילף פון הונט און שחורים האט נאך קיינער נישט מוחה גיווען
[בילד – נישט אפגעהיט]

וועלטסקריעג
וואס, נאר מיט א בעידינג סוט אויך נישט? שומו שמים!

עס דערמאנט מיר, דער קלויזענבורגער, גייט דאך מיט א לעדערנעם דשזעקעט.

קומט, וואסא-דיף, די פארטרעטער פין חסידישע טערור, ובעל כרחו, ווייל ער האלט דאך אויך אזוי, עונה אמן.

קוטשמע
אז דער בעלזער וויל אריינגיין צו'ם טיש ווי איך גיי אריין אין מקוה, ווער בין איך אנטקעגענשטעלען? איך פארגין עם
נישט נאר אמן נאר אמן יהא שמי' רבא
נאר וואס ענק לאכט זיך אויס פון א תמימותדיקע וויליאמסבורגער איד וואס האט עם צוגעלייגט א בעידינג סוט מפני הכבוד פארשטיי איך נישט..

תוקן על ידי - wassa_dif - 18/11/2005 22:26:54

נאר דעס פארשטייסטו נישט? חוץ דעם איז דיך אלעס שוין פארענטפערט?

קוטשמע
ליידער איז דא א סאך זאכען וואס איך פארשטיי נישט.
אז דו וועסט מיר דאס פארענטפערען וועט זיין איינטס ווייניגער

דאס איז צווישען אונז וואס איז מיט חילול השם?
פארענדיג מיט א סיטי באס ל"ע פרעגט מיר איינער אן די ביסט א ראביי ? פרעג איך פארוואס זאגט ער אז זיי פארשטייען נישט ווי אזוי די ווילי יודען פירען זיך אויף און פרעגט הויך פארוואס די ראבייס טועהן גארנישט האב איך גיענפערט אז איך ווייס אין בפ איז דא פיינע יודען און העלפען אויך גוים ובזה הוסר חרון אף ב"ה

זייער פיין
אנשטאט צו פארענטפערען אז ס'א פאר יחידים, אדער עפעס אן אנדערע תירוץ האסטו באשמוצט אלע וויליאמסבורגער אידען פאר א גוי.
און דו רעדסט נאך פון חילול ה'

כפארשטיי נישט פארוואס אז די ביסט ברוגז אויף איינעם וועגען א געוויסע סיבה מיינט שוין אויך אז ער איז א שייגעץ א מומר חשוד אויף אלעס וכו' אין איבער אלעס אז ער קומט צום טיש .... און פון וואס האט זיך עס אנגיפאנגען ווייל ער האט אביסל אנדערש די השקפה (אויב מען גידענקט נאך )