די אמתדיגע גוטע השגחה

ענדליך הויבט אהן דער אמת ארויסצוקומען. אז די פראזען סטראבעריס . זענען פונקט אזוי ווערעמדיג וויא די די פרישע. אזוי וויא דער קארלסבורגער בית דין און הרב מנחם פישער האבען ארויסגעגעבן.

און די אלע שקרנים סיי בפועל און סיי אויפן פארק וואס האבן געוואלט פארדרייען דעם עולם אז די געפרוירענע ווערעם מעג מען עסן . האבן פלעין מכשיל געווען את הרבים ליידער..  די שרייבער האבן מכשיל געווען בלא יודעים . און די מכשירים האבן במזיד מכשיל געווען און זענען נאך אלץ מכשיל. און די אנדערע רבנים ציטערן פונעם טעראר פון די התאחדות און זייער קליקע כנהוג מימים ימימה.

ברם זכור אותו הרב לטוב. דער איינציגער ערליכער רב ובעל המכשיר וואס האט געהאט די קוראזש מודה צו זיין על האמת און נישט חס געווען אויף זיין כבוד און אויף זיין פרעסטידזש און אויף זיין שאדען. פארן כבוד פון רבש"ע און פארן אמת. איז דער חשובער וועלאווער רב הגה"צ רנ"א ט"ב שליט"א וואס ער האט גלייך מפרסם געווען מיט זיין לעטערהעד

.אז אלע געפרורענע סטראבעריס פון מהדרין דעירי סיי אין די בעגס וויא אויך אין די פושקעס איז קלאר געווארן אז מען זאל זיי נישט  נוצען

יעצט ווען יעדער וואס איז אביסל באקאנט ווייס שוין דעם ביטערן אמת אז די בודק פראזען סטראבעריס איז טויזענט מאל מער ערגער וויא די מהדרין.  און מה דאך מהדרין טאר מען נישט נוצען דעמאלס טאר מען בודק אוודאי און אוודאי נישט נוצען

לאמיר יעצט מאכן די פראבע און זעהן אויב די התאחדות וועט אפען מודה זיין על האמת באשר הוא אמת אז די בודק טאר מען נישט נוצען. אדער זיי וועלן ווייטער בלאפן און מכשיל זיין יודען אזוי וויא די או יו.

מיר לאזן דעם ענטפער פארן מנהל "אללוועיס" און פאר "טראנט-לאט" וד"ל.

WOW WOW WOW די איינציגסטע סיבה מיינע איז געווען אויב דער וואלאווער לאזט זיינע פראזן מסתמא איז עס טאקע גוט. אלזא אפשר קען איך זעהן די בריוו.

עבד עברי

איך בין אויך מסכים צו מאכן יעצט דעם פראבע און זען אויב די התאחדות וועט צוריק ציען.

נאר איך וויל אויך זען נאך עפעס, וואס די קריטיקירער וועלן זאגן.
אויב ציען זיי נישט צוריק שרייט יעדער אז עס איז פשוט ווייל עס פאסט זיי נישט און זיי ווילן בעקן זייער פירמע בודק.
אויב התאחדות וועט יא צוריקציען, צי וועסטו זאגן אז עס ווייזט אז ווען זיי האבן זיך איבערצייגט אז עס טויג טאקע נישט מיט די פראזען האבן זיי שנעל צוריקגעצויגן, וווייל זיי זענען ננשט גרייט צו מכשיל זיין אידן.
אדער וועסטו באלד אויפטאנצן אז זיי האבן נישט געהאט קיין ברירה און פאר דעם האבן זיי "געמוזט" צוריקציען.

ונחי' ונראה

איך קען אפשר זען דעם בריוו פונעם וואלאווער?

אין די גראסערייען פארקויפט מען עס געהעריג.

allways, נו וואס מיינסטו ? האבן זיי א ברירה.



































עיין ערך (מזונת מבין)

שירעם קוק אין די טצייטונג.

למעשה זעה איך אז התאחדות האט אויך געהייסן בודק אראפנעמען זייערע סטראבעריס אינגאנצן.

איז מען טאקע געבליבען בלויז מיט פירמאנט, מיט די הכשר פין רב גאלדמענצער?

עבד עברי, די גאנצע התאחדות אפיס שטייט און ווארט בכליון עינים זאלסט זיך אונטערגעבן, לויט מיינע מקורות שטייען ר' יחיאל יצחק גליק, גאלאנטער רב, און רב ביק העכער ר' זלמן לייב פילאפף ביי א קאמפיוטער, גאלאנטער רב שרייט יעדע מינוט "ריפרעש די בלאט", רב ביק רעגט זיך: עבד עברי קען נאר געבן קריטיק? מיר האבן געטון וואס ער פארלאנגט קומט זיך אונז נישט קיין קאמפלימענט?. מען האט פריער אנגעקאלט ר' משה דוד נידערמאן צו ער האט קאנטאקטן מיט די הנהלה פון הייד פארק. קיין שאלות וועלן נישט געהעריג געענטפערט ווערן פון התאחדות אפיס ביז שפעטערדיגע מעלדונגען.


איך בעט דיך, לאז זיך נישט ווארטן.

דבר שהי' בכלל ויצא מן הכלל לא ללמד על עצמו יצא אלא על הכלל כולו יצא.(י"ג מדות שהתורה נדרשת בהן תו"כ)  
.עטץ מעגסט מאכן חוזק וויפיעל עטץ ווילטס. אבער דבר א-לקינו יקום לעולם .   דאס איז ברור ואמת אז די דברי חז"ל המקודשים וואס רוב כלל ישראל האט אנגענומען פאר א הלכה פסוקה און זאגען דאס יעדען טאג ביים דאווענען און גלייך דערנאך זאגט מען קדיש דרבנן. . איז אמת און הייליג.   

קומט אויס קלאר פאר וועם עס וויל וויסן דעם אמת לאמיתו. אז דבר שהי' בכלל " סטראבעריס" איז געווען אין כלל פון אלע בודק פרדוקטען ויצא מן הכלל. אז עס איז נישט נבדק (בודק) און מען טאר עס נישט עסן. (עיסה שנחתומה מעיד עלי'(ב"ר ל"ד) (הודאת בעל דין כמאה עדים דמי) חאטשיג ממש אז א וואך פריער איז קלאר געשטאנען מיטן פסק פון דעם זעלבן בית דין אז מען מעג עס יא עסן. .

לא ללמד על עצמו יצא (נישט נאר סטראבעריס אליין פון בודק טאר מען נישט עסן) אלא על הכלל כולו יצא (אויף די גאנצע כלל פון בודק אז דער נאמען בודק און די גאנצע בודק איז א שטיק בלאף און מען טאר עס נישט נוצען ) ווייל אז נישט יעצט וועט עטץ געוואיר ווערן שפעטער . נאך אינמיטן דאס יאר פאר ראש השנה תשס"ח.

אין אמתן אריין איז פשט על הכלל כולו יצא. אויף די אלע הכשרים פון די התאחדות אז מען טאר עס נישט עסן . נאר איך וויל עס נישט שרייבן מכמ"ט . אויך ווייל סוף כל סוף באין ברירה האבן זיי מודה געווען במקצת אויף די בראקלי און אויף די סטראבעריס.

און יעצט מוז איך דיר זאגען אשריך א מ ג. (חאטשיג איך בין נישט מסכים מיט דעם וואס דו רעדסט אויף אלע צדיקי הדור החיים אתנו לאויוש"ט און אויך אויף די וואס זענען שוין נישט בין החיים. און חאטשיג עס איז נישט דיין שולד ווייל דו ביסט א תינוק שנשבה. אזוי האט מען אונדז אויסגעלערנט אין סאטמאר אלע אונזערע יארן. דאך בין איך אויסדריקליך נישט מסכים מיט דיר)

אבער דא קומט דיר קרעדיט ווייל דו מיט דיין קול שופר האבען צוריקגעהאלטן טויזענטער אידען פון עסן טריפות שקצים ורמשים . ווייל דו ביסט דער "וואטשדאג" אויף די התאחדות. וואס ווען נישט דו ווער ווייס צו זיי וואלטן אמאל מודה געווען על האמת. והא ראי' אז אויף די איבריגע זאכען זענען זיי נאך אלץ נישט מודה..

יעצט לענייננו אויפן סאטמארען וויליאמסבורגען בי"ד האב איך נישט קיין קשיא ווייל זיי זענען דאך ביזי מיט אמעגא אויל. נישט מיט ווערעם.

אבער די קשיא איז געוואלדיג אויף הרב גיסינגער און די או יו. וואס דער גיסינגער איז די זעלבע בחינה וויא הרב ברעסלויער אין מאנסי וואס האט געגעבן יארן א הכשר אויף פינקל און ער וואלט אפשר נאך אלץ געגעבן ווען עס ווערט נישט אזא א איבערקערעניש. . און אויף אזא איינעם וויא גיסינגער האט זיך די התאחדות פארלאזט און זיי פארלאזן זיך נאך אלץ. און זיי זענען מכשיל רבבות יודען בלא יודעים. וואס ביי אזא איינעם וואלט קיינער פון אונזערע ערליכע יודען ניטאמאל געטרינקן א גלאז וואסער וד"ל.
עכ"פ די סיסטעם פון וואשן סטראבעריס איז לכולי עלמא רואינירט. און די סיסטעם פון בודק איז רואינירט און ווערעמדיג.

או די זעלבע זאג איך ענק נאכאמאל מעין הפתיחה דבר שהי' בכלל ויצא מן הכלל לא ללמד על עצמו יצא אלא על הכלל כולו יצא. עטץ האטס געזעהן אז איך שריי שוין אז די פראזען טויג נישט . און סוף כל סוף האט עבד עברי געוויסט וואס ער רעדט איז דאס געווען אין כלל פון עבד עבריס ווערטער.
 לא ללמד על עצמו יצא . נישט נאר מיט דעם איז עבד עברי גערעכט אלא על הכלל כולו יצא. ליידער איז ער גערעכט מיט אלעם וואס ער זאגט. עטץ אלע וואס ווילטס וויסן דעם אמת וועט עטץ זוכה זיין צו זעהן.. אמן

די קאמפיוטער אויף וואס איך שרייב איז צובראכען געווארן נאך די לעצטע תגובה וועגן וועלאווער. און ב"ה יעצט איז עס געפיקסט געווארן ענדליך.

לכבוד " אהלי צדיקים"

פריערדיגע צדיקים וואס האבען געפויעלט ישועות און רפואות פאר יעדען יחיד פון כלל ישראל . זענען ברוגז געווען אז טאמער איינער איז געהאלפן געוואן און איז נישט געקומען דערציילן וועגן די ישועה. זיי פלעגען זאגן אז נאר צרות ח"ו דערציילט מען או גוטס נישט.
חאטשיג עס איז געווען רעביס וואס האבן ממילא געוויסט ברוח קדשם. אבער עס שטייט דאך אין פסוק "וישב משה את דברי העם אל ה' " (רש"י שמות י"ט פסוק ח) אז חאטשיג משה רבינו ע"ה האט נישט געדארפט ענטפערן ווייל דער אייבישטער ווייס דאך אלעס . אבער ללמדך דרך ארץ ממשה שלא אמר הואיל וידע מי ששלחני איני צריך להשיב (לשונו המתוק והקודש של רבינו רבן של ישראל רש"י הקדוש. (ומקורו ממכילתא).
ממילא לכבודך וועגען דיין טענה. האב איך אין די פריערדיגע תגובה צוגעשריבן די מעשה אז דער קאמפיוטער איז געווען צובראכן. וד"ל ..זיי געבענטשט בתוך כלל ישראל.

ווער האלט אז עס קימט פאר התאחדות א קניפ און בעקל פאר ארויס קימען מיט א איסר נאכן וועלאווער זאל פליז אויפהייבן די הענט.

OK
אהליצדיקים
allways

ווער נאך?

לאמיר מאכן וואלן, אדרבה, זאל די גאנצע וועלט זען אז די וואס האלט יא פון התאחדות גייען זיגן אויף חדשות אנש, און די כבוד פון התאחדות וועט דערהויבן ווערן ביז העכערן כסא הכבוד. און פון היינט און ווייטער וועלן זיי אנערקענט ווערן דורך אידן פון אלע שיכטן און קרייזן.

אה מ'רעדט פון וואלן, איז אזוי: לכאורה איז דאס א לשיטתי' פונעם עירוב, אדער אנדערע חסידישע פאליטיק'ס. ווער עס האלט אז דער עירוב אדער אנדערע חסידישע פאליטיקס זענען פון די יסודות אין אידישקייט, און לויט דעם דארף געשאצט ווערן יעדער ענין, ביי אים איז דאך אויטאמאטיש די "התאחדות", וועלכע באשטייט פון ר' הלל וו"ב מיט הרב ביק, דאס ארגסטע וואס קען נאר זיין. און וויאזוי זיי זאלן נאר נישט טוהן, און וואס זיי זאלן נאר נישט טוהן, וועט סייווי נישט גוט זיין, אמער זיי זענען דאך מגדולי המתנגדים להעירוב וכדו'. משא"כ ווער עס האלט אז דער עירוב און די אנדערע פאליטיקס זענען נישט מיסודי היהדות, דער וועט יעדן נושא באזונדער דן זיין לענינו, און וועט נישט אננעמען דעם "על הכלל כולו יצא".

ומנא תימרא?
ווייל אויב אנדערע כשרות ארג. האבן געשריבן דאס זעלביגע ווי "התאחדות", בנוגע די פראוזן סטראבעריס, האט מען אויף זיי געהאט און געטראפן טויזנטער תי', און מען האט אריינגערלערנט אין זייערע ווערטער דרושים ופשטים, משא"כ אין די ווערטער פון די התאחדות האט מען פאר קיין געלט נישט געטראפן קיין לימוד זכות...

איז ביי וואס בלייבט מען? אז מען דארף יעדע זאך דן זיין לענינו! איז לאמיר זען וואס דא איז פארגעקומען. די "התאחדות" מיט נאך כשרות ארגאניזאציעס האבן אין תחלת געשריבן אז אויף פראוזן סטראבעריס איז נישט דא קיין שאלות. איז געקומען הסופר החשוב ר' עבד עברי נ"י און אויפגעוויזן שווארץ אויף ווייס אז די סיבה פארוואס די "התאחדות" שרייבט אז פראוזן סטראבעריס איז דערווייל גוט איז פשוט "בלויז" מחמת נגיעה און קיין שום אנדערע סיבה האט ער נישט געקענט טרעפן דערין. ער האט דאס ברוב ידיעתו און מיט זיין שיינעם פעדער דאס שיין צוברייטערט און גוט אראפגעלייגט עד שדבריו עשתה רושם. גוט, מסכים, נתקבלו את דברי הרב עבד עברי, וקבל את ה"אמת" ממי שאמרו. און לכאורה איז ער גערעכט, ווייל פארוואס דען נישט? איי לכאורה ס'דאך דא נאך ארגאניזאציעס וואס זאגן דאס זעלביגע? אבער מאכט נישט, אויף זיי וועט מען שוין טרעפן עפעס פשטים'לעך, דער עיקר איז אז די "התאחדות" איז וואס זיי זענען. והיות לכאורה דער נושא דא איז דאך נישט "ווער" ס'זאגט, נאר די נושא איז דאך "וואס" מען זאגט, ס'הייסט, דער עיקר דער איז דאך צי מען מעג עס יא עסן צי נישט, דעריבער מחמת "זהירות" האט מען פארשטאנען אז דבריו נכונים, נישט קיין חילוק צי התאחדות אדער אנדערע ארגינאזאציעס זאגן דערווייל מותר.

אבער אצינד ווען ס'האנדלט זיך איבערן צוריק ציען, וואס די אלע ארגאניזאציעס וועלכע האבן מודיע געווען דעם ציבור מיט א וואך צוויי פריער אז דער פראבלעם איז חל דערווייל בלויז אויף פרישע, זענען ארויס געקומען מיט א צעטל, אז ניין! די פראוזן טאר מען אויך נישט, קען מען זיך דאך אבער שוין ערלויבן צו פרעגן: ומאי שנא "התאחדות" משאר הארגאזינאציעס וואס האבן אין תחילת געזאגט אז פראוזן איז נישט קיין שאלה? פארוואס איז דער היתר פון די "התאחדות" געווען אזוי זיכער "בלויז" מחמת נגיעה בשעת ווען אויף די אנדערע ארג. האטסטו געטראפן כל מיני תי' ותי' שונים? ותו קשה, פארוואס ווען עס קומט צום צוריק ציען, זענען זיי ווידער גערעסערע שקצים ווי די אנדערע ארגאניזאציעס, ומאי שנא?

דער תירוץ איז עבדים היינו "להתאחדות" וקליקע שלהם. ואכתי עבדים אנחנו עבדי אחשוורוש אנן.

קודם כל האב איך די או יו אראפגעריסן א סאך ערגער וויא די התאחדות. ווייל זיי האבען ביז דערווייל  נאך אלץ נישט צוריקגעצויגען זייער פאלשען היתר אויף די ווערעמדיגע סטראבעריס.

והשנית והוא העיקר " חז"ל הקדושים זאגן "  "במדה שאדם מודד מודדין לו" אנדערע ארגנעזאציעס האקען קיינמאל נישט אויף קיין צוווייטן. זיי זענען נאר ביזי מיט זיך . צו זייערס איז יא גוט אדער נישט זאל זיך יעדער אליין נאכפרעגען

אבער די "התאחדות" וואס זייער גאנצע ציעל און פלאן איז נאר צו האקן אויף אנדערע . די מכלומערשטע שוואכע השגחות. כאילו וויא זיי זענען די גוטע.

דער גאנצער ביכל פון דעם מנהל פאר פסח איז כמעט נישט פאזיטיוו ווואס איז יא גוט אדער נישט גוט. עס איז כמעט נאר נעגעטיוו . אז דער טויג נישט און דער טויג נישט נאר אני ואפסי
חוץ דעם  די חז"ל זאגען במדה שאדם מודד מודדין לו . וועגען דעם קומט ארויס א מ ג  נאר קעגען זיי . און זייער צוריקציעהן איז נאר בעל כרחך וכדומה.
חוץ דעם זאגט דאך די גמרא (חגיגה ט)אין אומרים בקרו גמל אלא בקרו טלה והמבין יבין.

 איך וויל נישט מער מאריך זיין אין דעם ענין
עס וויל וויסן דעם אמת קען לייענען אויך צווישן די שורות. און פאר וועם עס וויל נישט העלפט עס ממילא נישט.
און וואס איך האלט באמת וועגען די שערורי' פון די סטראבעריס . אויב מען קען עס אפוואשען אדער נישט. איז ממילא דא אויפן היידפארק נישט קיין חילוק. וד"ל.
און איך מיין אז איך וועל בל"נ נישט שרייבן לעת עתה מער איבער דעם ענין.

לחיים, לחיים

 די שאלה איז בכלל נישט יא עירוב נישט עירוב - אבער  פון נישט עירוב ביז נאכשרייען מענער פרויען און קינדער איז דא א ווייטע ווייטע וועג. אין איז שוין איינמאל מיסודי היהדות.

 יא, די התאחדת האט שטארק פאלוירן זייער נמנות ביי א יעדען גלייך דענקאיגער  מענטש ביי די פרשה פין עירוב.

 א ארגענעזאציע וואס איז געשטעלט אויף חיזק הדת, און דארף לכורה געבען די טאן דא אין ווילי אין איז גרייט צו לייגן א בלינד אויג און א שטילע גיט הייסונג ווען א פרוי ווערט אנגעשפיגן, אדער נאכגעלאפן ווייל אזוי שטימט מיט זייער פאליטיק קען נישט עקספעקטן קיין ריספעקט. אין זייער השגחה קען נישט געטראסט ווערן.
 
אן אנדער אשכל וואס איז דן וועגן בודק
http://bh.hevre.co.il/forum/topic.asp?topic_id=2148924
 
זע א אינערעסאנטע מעשה מיטן מלבי"ם וואס איז נוגע אינזער שמיעס. 
http://eruvonline.blogspot.com/2007/05/malbims-appearance-in-court-to-defend.html

 

תוקן על ידי findodort ב- 01/06/2007 22:31:37

התאחדות/סאכדעס וואס וועט זיין מיט דיר? 

אלזא אלס התאחדות וועל איך לאזן פאלן מיינע עטליכע דיבורים איבער התאחדות בכלל און זייערע השגחות בפרט.

אין יענע זמנים ווען ס'יז געווען די שערוריה מיט מזונות מבין דענק איך, יעמאלט ביניך ארויסגעקומען שארף שארף קייגן התאחדות הרבנים דארצות הברית וקנדה, וואס פילע האבן זיך געוואונדערט, היתכן?! סאכדעס האקט אויף סאכדעס.

איז אזוי מורי ורבותי, סיז זעהר אן האקעלער נושא, אבער זאכן וואס מוז געזאגט ווערן קען מען נישט פארשווייגן. כולי עלמא מודי אז סאטמאר רב זצוק"ל דער בעל חידושי תורה תשט"ז ועל הגאולה האט אויפגעשטעלט די התאחדות הרבנים בארצות הברית. זיין כוונה איז באוואוסט, אז עס זאל זיין א צוזאמענהאלט צווישן אלע רבנים אויף דעם אמעריקאנעם קאנטינענט, לכשיצטרך, ווען עס וועט זי אויספעלן אז מ'זאל דארפן עפעס אויפטוהן פאר'ן כלל אדער פאר'ן פרט, זאל זיין א פלאץ וואו די רבנים זאלן זיך צונויפזעצן און דן זיין בכובד ראש אויף אלע ענינים.

מהיכן ירק זה חי??? איז מען אויפגעקומען מיט א געדאנק, מיט די גוטהייסונג פון סאטמאר רב זצוק"ל, מ'האט אויסגעארבייט 'צוקער און זאלץ' פאר פסח, און פון דארט וועט אריינקומען גענוג און נאך געלט.

אבער דאס איז קלאר געווען ביי יעדן רעכטדענקענדיגער מענטש אז התאחדות הרבנים גיבט זיך נישט אפ מיט קיין הכשרים אדער דיני תורות, עס איז געווען א_ווי די אגודת הרבנים איז געווען אין פוילן, די רבנים זאלן זיין אינאיינעם, מ'זאל מלבן זיין אלעס וואס מ'ברויך מלבן זיין בדיבוק חברים וכו' כו'.

א דוגמא, ביי די חלב פרשה - ווען עס זענען געווען עטליכע וואס האבן געוואלט מאכן א שערורי' אין די גאס, כאילו מ'איז מאכיל נבילות וטריפות אין די מאסן - איז נישט געווען יעמאלט קיין שום בוטשער מיט אן השגחה פון התאחדת הרבנים. אבער אן אסיפה פון התאחדות הרבנים איז געווען, און אלע רבנים פון התאחדות -אויסער איינצעלנע- האבן ערשיינט, און ס'חלק פון זיי זענען געווען אליינ'ס בעלי מכשירים אויף בוטשער סטאר'ס, א_ווי דער פאפא רב, סאטמאר רבי - דער נשיא, סאטמאר דיין פון ב"פ - קארלסבורגער רב, און נאך. וואס היות דער עיקר כוח פון די חברה איז געווען אז עפעס הזנחות זענען פארגעקומען צווישן די ווענט פון די בוטשער געשעפטן, האט מען זיך צוזאמענגענומען און געזעהן וואס מ'ברויך מתקן זיין. א_ווי מ'קען הערן דעם פאפא רב, מאנטעווידעא רב, און נאך וואס זאגן וואס און וויאזוי מ'זאל פארעכטן אלעס וואס מ'ברויך.

מיט די צייט איז ערגעצוואו אריינגעשווימען אין די קארפערעישן א איד מיטן נאמען א. ג. און ער האט שוין זיכער געמאכט אז דאס וואס דער מייסד האט געוואלט זאל נישט זיין. וואס יא? אהה מ'געט זיך אן עצה, הכשרים, דיני תורות. געלט וועט זיין לרחצה, און אויף פאר מוציא מצה, די רבנים און דער ציבור וועלן נאך ווייטער סטיקן צו דעם קארפערעישן, אמער מ'שטיינס געזאגט, קוקט אויף קריק ווער איז געווען דער מייסד.

און היות דער אויבנדערמאנטער איז א ליידאק א פוסטער באלעבאס, ער האט נישט קיין יראת שמים, און איהם באדערט נישט אויב האט עמיציר געגעסן חלב עכום אדער א קליין ווערימל ווייניקער פון א כזית, לא נראה לעינים, וכו' וכ'ו, אלע קלייניקייטן, פארשטייט זיך אז שומן חזיר וועט ער פאר קיין מיליכיגע רעסטוראנט נישט לאזן נוצן, מחמת צוויי סיבות, א' סיז דאך פליישיג, ב' סיז פארט חזיר. אבער אין א פליישיגע רעסטוראנט, במקום וואס עס ווערט בטל בשישים, און די טשעק איז גוט, עס באונסט נישט, און צוגאב צו דעם אלעם איז דער טעם דערפון ליילע ליילע, נו אויף דעם וועט ער דיר געפונען א זאק מיט תירוצים, א גוטע קאפ האט ער און שוין..

איז אזוי עס לאנג מיר האלטן דא, און ער זיצט אויבן אן, וועט מען צו קיין שום זאך נישט אנקומען, כ'ווייס אז ער האט דעם קאפ אויפן פלאץ, און אזוי פארטושט ער די מוח פון די רבנים, וואס זענען באמת ערליך, און כאפן נישט וואס ער טוהט מיט זיי, א שטייגער ווי ר' משולם פאלטשעק, כ'בין נישט דא אויסן אריינצוגיין ווער דער גאון איז, אבער אזא איד, כאפט נישט וואס דער א.ג. טוט מיט אים, און אזוי נאך פילע ערליכע פיינע רבנים.

אלזא, ס'איז נישט דא דא וואס צו רעדן, אפילו אויב סאכדעס זאל ארויסקומען מיט מורא'דיגע תקנות על הכלל ועל הפרט, און אפילו זיי זאלן 'צום סוף' יא אסר'ן די פראזן סטראבעריס נישט קיין חילוק מאיזה סיבה שיהי'. אויב איז ער באלעבאס דארט, איז עס אין א בחי' פון 'רק אין יראת אלוקים במקום הזה' און צום סוף איז ואנכי לא ידעתי, אבער ווער עס וויל קען עס קוקען.

פרובירט נאר אנרופן מיט א פראבלעם איבער כשרות ר' הלל וויינבערגער, וועסטו זעהן צו וועמען ער וועט דיך שיקן, אדער פרעג איהם אן פשט אין א היתר פון די סאכדעס בוק אויף כשרות, צו וועם שיקט ער דיך??? אלא מאי דא קענסטו זעהן ווער איז דער ביגבאס אין התאחדות הרבנים דארצות הברית וקנדה, און ביז יעמאלט ירא אלוקים וישפוט, ווער עס האט שכל וועט זיך היטן צו עסן זייערע הכשרים, אדער כאטש נאכגיין צו די קאמפאני איז אוקיי. ווייל ווי אויבנדערמאנט, זוכט ער נישט מאכיל צו זיין נבילות וטריפות, אבער אויב רינט די שמאלץ וואס קען ער דען טוהן. מיילע ווען א קאמפאני איז אין א גוטע קאנדישן, א דוגמא ווי גאלדען טעיסט, כ'בין עס נאכגעגאנען, און עס איז גוט, כ'זאג נישט קיינעם עס צו עסן אויף מיין אחריות, אבער יעדער קען דאס טוהן.

האט'ס מיר א גוט שבת.

דא קען מען זעין ווי דער "עבד בנעני" איז פול מיט בעלאוני, עים באדערט נישט קיין ווערעם אין קיין סטאבעריס, עים באדערט נישט יודען שטאפען זיך מיט מאכלים אסורים, ער האט דא פרעזעינדליכע חשבונות מיט התאחדות און מיט סאטמאר, און ווער ווייס מיט וועים נאך, ער האקט און פליקט אויס זיין ווייטיג אנגעזאמעלט פון יארען לאנג

דא האט ער פארפירט אז התאחדות געט צו עסען בודק ווערעם, און ווען התאחדות האט געשריבען אז בודק סטאבעריס איז נישט גוט, איז ער פארשוויגעון געווארען אשטאטץ צו געיבען דעים קאמפלימענט פאר זיי ווען סקומט זיך זיי, וועט ער ווייטער האקען אויף עכטץ און לינק,

איין קאמפעני האט דא נישט צוריקגערופען זייערע סטאבעריס, און דעיס באדערט עים בכלל נישט... דיך באדערט אז יודען עסען ווערעם? אדער דיך באדערט פרייוועט חשבונות מיט התאחדות?

אויב דו האסט א ברעקעל ווייטיג וועיגען ווערעם, פארוואס זאגסטו נישט קיין ווארט אויף יענע קאמפעני וואס איז געבליבען די איינציגסטע וואס געבען א השגחה אויף סטאבעריס?

נאר אלעס איז איין שטיק בלאף און שנאה מיט האס, קיין שום שייכות מיט קיין אמת אדער ווייטיג אויף מאכלים אסורים, נאר אני ואפסי, אייגענע פאליטיקס צו זוכען ווי מער האקען אויף התאחדות בייטאג און ביינאכט אבי אין די וועלט אריין

אויב וואלט דיך געבאדערט כשרות אפילו א ברעקעל, וואלסטו דיך נישט אזוי אנגענומען מיט אייפער פאר דעי מכשילי הרבים מיט פאלטשע שמן זית אין חנוכה

אשריך פינקל וואס סוף סוף האסטי אויפגעהערט צו שטאפן די עולם מיט מאכלים אסורים.

שויתי כ'האף נאר אז דיין תגובה דא האסטו נישט ארויסגעפרינט און פארשפרייט און ראדני, א_ווי דיין עירוב שטות...

איז אזוי נחזור לענינינו. עטליכע האבן מיך אנגעפרעגט אין אישית, וואס כ'פרעג זיך נאך אויף א קאמפאני??? און וואס נאך פון סאכדעס איז גוט.

איז אזוי איין קאמפאני האב איך שוין דערמאנט, נאך א קאמפאני וואס כ'ווייס אז סיז גוט איז וויינבערגער'ס, און אויך שווארץ/שופרע.

די ערשטע זאך דארף מען וויסן צו דער באלעבאס איז אן ערליכער, און עס איז דא אזעלכע אידן וואס נישט געלט איז פאר אלעם. אויב איז ער אן ערליכער, פרעגט מען אן אינסיידער וואס באקומט נאר א וועידזש וכדו', אויף אזויפיל אז ער האט נישט קיין שום שוחד צו זאגן אז כ'זאל קויפן דוקא זיין באלעבאס'נס פראדוקט, און מ'פרעגט איהם דו ביסט באקאנט וויאזוי ס'גייט צו מאכן די פראדוקט?
וויפיל מאל קומט אן דער משגיח?
קומט ער אן פלוצים?
ווען ער קומט וואס טוט ער?
האט ער שוין אמאל געטראפן א פראבלעם און האט איבערגעקערט די שטאט?
האט מען איהם געמוזט פאלגן? 
האט דער משגיח א מושג אין די אינגרידיענס?
איז דא א סוד וואס דער משגיח ווער אויסבאהאלטן דערפון?
געווענדליך וועט ער דיר ענפערן.

און אזוי איז דא זעהר אסאך כשר'ע פראדוקטן וואס האבן די השגחה פון סאכדעס רעבנים, אבער דאס איז נאר ווייל אזוי גייט בעסער דער פראדוקט. מאנכע אבער נעמען די השגחה ווייל אזוי קען מען טוהן וואס מ'וויל, און נאכמאל און נאכאמאל, דער עיקר פראבלעם איז אז עס זיצט בראש א קל און א ליידיג גייער. אפשר ווען ער זיצט נישט ביי אזא פאזישען וואלט ער געווען א געשמאקער איד. אבער ליידער אסאך איסורי נבילות וטריפות איז אויף זיין קאונטע. און הכסף יענה את הכל זאגט שוין שלמה המלך, וואס קענען מיר טוהן?
 
איצט איז דאך דא ברוך השם גענוג גוטע בעלי מכשירים אויף די מארקעט. וואלאווע, נירבאטור, סקווירא, מאגרוב, בד"צ, הרב לאנדא. וואס א הכשר מיינט עפעס, אויב דער בעל חידו"ת האט שוין געשריבן אין תשובת דברי יואל אז אן ערליכער פארלאזט זיך נישט אויף קיין שום הכשר, גיי איך דאך נישט זאגן אז יעדער זאל עסן די אלעס זאכן. אבער לכל הפחות מ'קויפט שוין יא אלע נאשערייען, צו וואס זאל מען נוצן דעם סאכדעס'נס הכשר??? מ'קען כמעט אלעס האבן כשר, נאר כדי צו פארטעמפן די קעפ פון די קינדער?

אלזא מורי ורבותי, ווען כ'קום אריין אין געשעפט און כ'זעה מיין ניק אויף פראדוקטן טוט עס מיר יעדע מאל עקסטער וויי, ערשטענסט ס'איז דאך מיין ניק, צווייטנ'ס, ביז ווילאנג עפעס דראסטיש וועט געטוהן ווערן, אוי להאוכלים אוי להמאכילים, האט רחמנות אויף ענקערע קינדער.

און נאכאמאל צו די אלע וואס עסן עס בלינדערהייט, ווייל דער רבי זיכרונו לברכה האט עס מייסד געווען, איז א 'כסיל בחושך הולך', ווייל דער רבי האט בכלל נישט מייסד געווען קיין התאחדות הרבנים פאר הכשרים/דיניתורות, נאר פאר א צוזאמענהאלט פון די רבנים. און ווער עס וויל קען וויסן דעם אמת.

שלום לך כבוד הרב "התאחדות"

ליינענדיג דיין ערשטן אנגריף אויף די הכשרים פון די "התאחדות הרבנים" האב איך געטראכט, און ס'ביי מיר געווען אזוי האלב זיכער, אז א יוד וואס ויקרא ניקו בישראל "התאחדות", ע"ש הקאמפאני זצ"ל, איז מן הסתם זיכער באהאווענט אין עניני הקאמפאניס וכשרות. איי, מהיכן דנתני? האסט אפגעשריבן א גאנצן ארטיקל און נישט צוגעצייגט קיין איין לאגישן אדער פאקטישן איבערצייג אויף דיינע ווערטער, אבער כך הוא דרכו של אדם, אז א מענטש ליינט א שריפט גייען אים די ווערטער אריין אין מח און ער איז עס מקבל. איבערהויפט ווען עס האנדלט זיך אין עניני כשרות המאכלים, וואס ביי דעם פארלאנגט זיך דאך א גרויס זהירות. און אזוי ווי דיינע ווערטער זענען דאך בלויז געווען אן אויפקלערונג אויף א בחינה פון  "שב ואל תעשה", ס'הייסט אז מ'זאל נזהר ניין 'נישט' צו ניצן די הכשרים פון די התאחדות, דעריבער זענען דיינע ווערטער געווען נתקבל על הלב.

אצינד אז דו האלטס שוין נאכן צווייטן ארטיקל, ובנוסף לזה האב איך א שטארקע נגיעה צו די התאחדות ווייל איך בין דאך אנגעגעסן מיט די הונדערטער פרדוקטן וואס טראגן זייערע הכשרים..., וועל איך זיך ערלויבן צו פרעגן: "מהיכן דנתני?". האסט אראפ געשטעלט א פאקט איבער דער מציאות וויאזוי די הכשרים גייען צו ביי די התאחדות הרבנים, און דערויף געבויט גאנצעטע בנינים, אבער האסט נישט אנגעגעבן צו דער זייט קיין שום הוכחה צו דיינע ווערטער. איך מיין אז ס'האט נישט קיין זין סתם ארונטערצורייסן אן ארגענעזאציע אן קיין שום אויפקלערונג. אדרבה קום ארויף און גיב ארויס דיינע סודות 'מיט הוכחה'ס' וואס דו ווייסט איבער זייער צוגאנג אין כשרות.

ועוד, לויט ס'שיינט פון דיינע ווערטער ביסטו א שטיקל בקי בעניני כשרות, צי מחמת פרנסה צי מחמת אן אנדערע סיבה, איז זיי מוחל טוה אונז צו וויסן טוהן אויך דער גוטער חלק פון די השגחה'ס. דהיינו, דערצייל אונז בהדרגה'דיג וועלכער הכשר איז לכתחלה און וועלכער ס'בדיעבד, וועלכער ס'איז למהדרין און וועלכער ס'איז למהדרין מן המהדרין, און פארשטייט זיך אלעס מיט קראנטע הוכחת.

ועוד, איך ווייס נישט וואו דו וואוינסט און וואו דו דרייסט זיך, אבער ווילסט מיר טאקע זאגן אז די פראדוקטן וואס טראגן אויף זיך די הכשרים פון די התאחדות דארף צו זיין אין די אויגן פון א חסידישן אינגערמאן ממש אזוי ווי די הכשרים פון די או. יו.? האלטסטו טאקע אז די אלע אידן וואס שטאפן זיך מיט די פראדוקטן וואס טראגן אויף זיך די הכשר פון התאחדות הרבנים זענען מפוטם מיט מאכלות אסורות? ותו, עסטו טאקע קיינמאל נישט קיין פראדוקט מיט'ן הכשר פון די התאחדות? ותשמע אזניך מה שאתה מוציא מפיך, שאין אדם משים עצמו...

און נאכאמאל, איך טוה נישט אין כשרות אבער דיינע ווערטער האבן מיר געברענגט צו אן אויפמערקזאמקייט און איך וויל פשוט וויסן מהיכן דנתני? און צי אנדערע זענען בעסער, און ווער ס'איז דער בעסטער?

ואגב עוד אחת, דו שרייבסט בתוך דבריך וז"ל: די ערשטע זאך דארף מען וויסן צו דער באלעבאס איז אן ערליכער, און עס איז דא אזעלכע אידן וואס נישט געלט איז פאר אלעם. אויב איז ער אן ערליכער, פרעגט מען אן אינסיידער וואס באקומט נאר א וועידזש וכדו', אויף אזויפיל אז ער האט נישט קיין שום שוחד צו זאגן אז כ'זאל קויפן דוקא זיין באלעבאס'נס פראדוקט, און מ'פרעגט איהם דו ביסט באקאנט וויאזוי ס'גייט צו מאכן די פראדוקט?
וויפיל מאל קומט אן דער משגיח?
קומט ער אן פלוצים?
ווען ער קומט וואס טוט ער?
האט ער שוין אמאל געטראפן א פראבלעם און האט איבערגעקערט די שטאט?
האט מען איהם געמוזט פאלגן? 
האט דער משגיח א מושג אין די אינגרידיענס?
איז דא א סוד וואס דער משגיח ווער אויסבאהאלטן דערפון?
געווענדליך וועט ער דיר ענפערן. עכ"ל

איך ווייס נישט צי דו ביסט א סוחר צי א סעלף עמפלויט, אבער לכאורה אן ארבעטער ביי א צווייטן זיכער נישט. געווענדליך א געטרייער ארבעטער וועט קיינמאל נישט בארעדן די אינטערעסן פון זיין ארבעטס געבער, קודם, פשוט אלס געטריישאפט, דערנאך אויס מורא פאר זיין פרנסה. אז א מענטש באקומט פרנסה פון זיין בעל הבית איז ער משוחד צו זיין בעל הבית, און אז דער בעל הבית נעמט א הכשר פון די התאחדות אויף זיינע פראדוקטן האט סיי דער בעל הבית און סיי דער ארבעטער א נגיעה צו זאגן אז די הכשרים פון די התאחדות זענען גוט, ווייל טאמער זאגט ער אז די הכשרים פון התאחדות זענען נישט אזוי גוט מאכט ער זיך אליין שאדן בידים זיין פאבריק, ואטו בשופטני עסקינן?... טא אויב אזוי, מיין איך אז די עצה פון פרעגן אן ארבעטער איז נישט דער ריכטיגער וועג, ווייל דער ארבעטער האט שוין אויך אביסל נגיעות.

לחיים לחייים טובים ולשלום.

קודם וויל איך זיך פארענפערן פאר די דילעי, כ'האב שוין געהאט געשריבן יעמאלט א האלבע תגובה דא, אבער מה עשה הקב"ה סיהאט זיך פארמעקט. איצט אז עס איז ווידער נוגע, נאכדעם וואס סאכדעס (לייען א.ג.) האט געהאט די חוצפה צוריקצולייגן די השגחה אויף די בודק סטראבעריס. בו בזמן וואס צוליב עפעס א יתכן האט מען גע'פסל'ט לולבים וואס קומען פון ערגעצוואו און האט נישט די השגחה הרמה פון א.ג. בין איך נאכאמאל אנגעקומען אהער. און כ'וועל דיר ענפערן כיד ה' הטובה עלי.

א) ליינענדיג דיין תגובה, האביך נישט אנגעהויבן פארשטיין וואס ווילסטו דא? ווילסט כ'זאל אין דעם ווירטואלישן וועלט שרייבן פונקטליך אלע מעשיות וואס כ'האב געהאט מיט התאחדות הרבנים? כ'מיין כ'האב דאך נישט קיין ספק אז א.ג. לייענט דא יעדע תגובה, אלזא, וויל איך דאך נישט אז מארגן זאל זיין מיין נאמען באשמירט בראש כל חוצות אלס א כופר וואס זאגט מאי אהני לן רבנן. וואס דאס איז דער טאקטיק וואס דער פירער באויפטראגט די רבנים אז זיי זאלן פארפירן און בארעדן יעדן וואס דעקט אויף דאס שלייער פון די התאחדות הרבנים דארצות הברית וקנדה.

ב) אויב ביסטו איבערצייגט אין די ווערטער וואס דו שרייבסט אליינס: "האב איך א שטארקע נגיעה צו די התאחדות"  וואלסטו אליינ'ס געברויכט נישטערן און זוכן אויב ס'איז דא אמת אין מיינע ווערטער, דו האסט דאך א נגיעה דא. און ביי אזא פאל אויב ביסטו ירא וחרד וואס עס וועט זיין ווען מ'וועט שטיין לפני הקב"ה אפגעבן דין וחשבון. וואלסטו זיך נישט געוואגט צו שרייבן מיט אזא ביטול אויף די אלע ווערטער, בפרט וואס אויב האב איך רעכט, קענען נאך אנדערע אפלאכן פון דעם צוליב דיין תגובה, און די אחריות איז אויף דיר, און אויף דיין קאונטע.

ג) שרייבסט: "האסט אפגעשריבן א גאנצן ארטיקל און נישט צוגעצייגט קיין איין לאגישן אדער פאקטישן איבערצייג אויף דיינע ווערטער" אזוי??? לאמיר דיר צייגן, אין מיין ערשטע תגובה שרייב איך בזה"ל: "פרובירט נאר אנרופן מיט א פראבלעם איבער כשרות ר' הלל וויינבערגער, וועסטו זעהן צו וועמען ער וועט דיך שיקן, אדער פרעג איהם אן פשט אין א היתר פון די סאכדעס בוק אויף כשרות, צו וועם שיקט ער דיך???" כ'האב דאס געשריבן איבערצייגענד דורך מיר אליין, און דאס איז צוויי באזונדערע עפיזאדן.
אין אן אלטן אשכול ביי די  פלייש שערוריה שרייב איך אזוי: "פון התאחדות קומט נישט קיין משגיח אריבער פון איין יאר צום צווייטן אויסער אויפצופיקן די טשעק - אויב שיקט דאס נישט די קאמפאני אויף פָּאסט צו התאחדות" און דאס ווייס איך קראנטער פון קראנט. קענסט ליינען דארט ווייטער וואס כ'שרייב בנושא אביסל מער ביאור. און אזוי אויך נאך עטליכע תגובות דארט.

[אגב; אזוי ווי כ'האב שוין באזוכט דארט וועל איך דיר צייגן נאך עטליכע תגובות וואו איך צייכן אן אז כ'פרעג זיך שוין נאך יארן איבער כשרות דא און דא]

ד) דו פרעגסט אזוי: "איך ווייס נישט וואו דו וואוינסט און וואו דו דרייסט זיך, אבער ווילסט מיר טאקע זאגן אז די פראדוקטן וואס טראגן אויף זיך די הכשרים פון די התאחדות דארף צו זיין אין די אויגן פון א חסידישן אינגערמאן ממש אזוי ווי די הכשרים פון די או. יו.?" איך ווייס אויך נישט וואו דו וואוינסט, אבער וואס איז די חידוש? אויב טויג נישט דער הכשר זאלסטו וואוינען אין הרי אררט, עס טויג נישט און פארטיג, און אויב ווילסטו מיך פרעגן? יא, עס דארף זיין אין אונזערע אויגן ארגער ווי OU, זיי האבן כאטשיג סטאנדארטן, וואס א.ג. האט דאס נישט...

ה) דו פרעגסט: "האלטסטו טאקע אז די אלע אידן וואס שטאפן זיך מיט די פראדוקטן וואס טראגן אויף זיך די הכשר פון התאחדות הרבנים זענען מפוטם מיט מאכלות אסורות?" ניין, כ'זאג דאס נישט, ווייל מענלי האבן רובא דרובא זאכן אויף זיך דעם הכשר פון OU, וואס ליידער א.ג. פארלאזט זיך אויף זיי זעהר אסאך. אלזא קיין פיטום פון מאכלות אסורות וואלט איך זיך נישט געטרויעט צו זאגן.
אבער ליידער ליידער אויב וועסטו לערנען וואס עס שטייט איבער עסן מאכלות אסורות, וועסטו עטוואס פארשטיין די ריזן ירידה פון אונזערע קינדערלעך אין די חדרים..... די פארשטאפטע קעפ זענען אומגלויבליך געוואקסן די לעצטע צען יאר, פילפאכיג מיט א שרעקליכע דזשאמפ ארויף. וואס בלי ספק האלט איך אז עס געבינדן צו דעם.

ו) פרעגסט: "ותו, עסטו טאקע קיינמאל נישט קיין פראדוקט מיט'ן הכשר פון די התאחדות? ותשמע אזניך מה שאתה מוציא מפיך, שאין אדם משים עצמו..." אויף דעם האביך שוין געשריבן, אז מ'קען נאכגיין די השגחות, און וואס ידי יד כהה איז מברר עס איך און איך לאז די קינדערליך, פארשטייט זיך אויב עס איז נישט וויכטיג, אדער ס'איז דא אנדערע פון די זעלבע הכשר, וועל איך עס נישט עסן.

ז) דאס וואס דו פרעגסט מיך אויף די נאמנות פון אן ארבייטער, כ'בין שוין דאס אויך געווען אין ביי עטליכע בעלי בתים, קודם פארשטייט זיך אז דו מוזסט זיין אין גוטן מיט דעם וועם דו פרעגסט, ווייל א_נישט וועט ער טאקען מורא האבן צו רעדן, צווייטנס, ווען איך האב געארבייט ביי מיין באלעבוס, און עס איז געווען א געוויסע פראדוקט וואס כ'האב געזעהן אז מיין באלעבוס פאפט מיט דעם א קאסטומער, האביך געזאגט דעם קאסטומער: גיי קויף דאס ערגעץ אנדערש ביטע.... דריטנס, פארשטייט זיך אז ער זאל נישט זיין דער סעילספערסאן, און געווענדליך ווער עס באקומט א וועכנטליכע וועדזש, וועט נישט האבן קיין פראבלעם צו זאגן פונקטליך וויאזוי עס גייט צו ווען עס פאסירט עפעס א שאלה פון כשרות, איהם וועט נישט באדערן צו זאגן: הערויס, דער משגיח קומט נישט אריין נאר אויפצופיקן דעם טשעק.. אדער: דער באלעבוס געט זיך גאנץ גוט אן עצה מיט'ן משגיח.... כדו' כדו', ווער עס וויל קען דורך דעם דערגיין וואס מ'זאל אין מויל נעמען און וואס נישט.

כ'האף אז אלעס איז פארענפערט...