נאכ'ן מעמד קידוש השם

איך בין דארט געווען מהחל ועד כלה. איך האב ב"ה געהאט זייער א פיינעם זיץ. און מיט איין קליינע אפשאצונג קען איך אזויפיל זאגן:

1) די חסידים האבן געהאט א געווינס
2) די ליטוואקס האבן געהאט א געווינס
3) כ"ק אדמו"ר מהרז"ל האט געהאט א געווינס
4) כ"ק אדמו"ר מהר"א האט געהאט א געווינס.


1) די חסידים האבן געהאט א געווינס - די ליטוואקס האבן קאנטראלירט דעם מעמד אלעס. די חסידים האבן בלויז אויסגע'פועל'ט אז דער חשוב'ער עסקן הרב יונתן מענצער זאל קענען זיין לעבן די סקרין א גאנצן צייט. צי ווייזן אז די חסידים האבן אויך עפעס א פארטרעטער. דעטס איט. די ליטוואקס האבן אנגעפירט דעם מעמד און עס קאנטראלירט לויט זייער גייסט ALL THE WAY.


2) די ליטוואקס האבן געהאט א געווינס - זיי האבן אויסגע'פועלט אז דער דזשיבויער רב זאל רעדן, און אזוי זאלן זיי האבן וואס צו טרייבן שפאס פון די חסידים, אז אויסער א ברייטע גארטל און פיינע קוגעל האבן זיי גארנישט צו פארקויפן. דער חשוב'ער זשיבויער רב שליט"א האט געמאכט א גוטע ארבעט פאר די ליטוואקס, וועלכע האבן אנגעפירט דעם מעמד 100 פראצענט לויט זייער גייסט. ער האט נישט גערעדט קיין קנאות און נישט צו דער זאך. ביז הרב מענצער האט אים געמוזט אונטערשטיפן א צעטל "נא לקצר" וואס יעדער אין זאל האט עס געזען (אויף די גרויסע סקרינס)... דער זשיבויער רב איז געווען די ליצנות פונעם אווענט.

3) כ"ק אדמו"ר מהרז"ל האט געהאט א געווינס - ער האט געוויזן אז ער קען צערייסן דעם ויואל משה מיט'ן על הגאולה און גארנישט האט פאסירט. קיינער, קיינער האט אים נישט איבערגעלאזט.


4) כ"ק אדמו"ר מהר"א האט געהאט א געווינס. - ער האט פאראויסגעזאגט אז א סאטמארער אינגערמאן האט גארנישט וואס צו זוכן. ער איז גערעכט געווען 100 פראצענט. מ'האט דארט גערעדט ציונות און אביזרייהו, מ'האט דארט מוחה געווען אויפן מחלל זיין דעם כבוד פון הרב שטיינמאן. די מערהייט דרשות און צענטער-פונקטן פונעם אווענט זענען געווען הויך-ענגליש, וואס 90 פראצענט סאטמארע אידן האבן בכלל נישט פארשטאנען !

בפרט איז מערקווירדיג ארויסצוברענגען אז די "רעקארדינג" פון די פסק הלכה פון הגאון האדיר פוסק הדור הרב וואזנער שליט"א קען מען גערן איבערהערן אין אלע זאלן אין וויליאמסבורג אויך (ווי אימער ס'איז דא א טעיפ-רעקארדער) , און מ'האט נישט געדארפט דערפאר זיין אין סטעדיום, און הערן די אלע ענגליש דרשות.

דעם גרויסן קאנטראל וואס צד מהרז"ל האט בכלל געהאט אין כינוס כללי וועט מען נאר זעהן דאהי אין היידפארק. ווייל דארט איז ער געווען א ניקס.

איך האב שוין אין'אמת'ן נישט געפלאנט מער צוריק צו קומען, איך לייג אי"ה ארויף אויף מיין פילטער א "ווייט ליסט" וואס האפענטליך וועט די לשון הרע און מלבין פני חבירו ברבים סייט היידפארק זיין אויסגעשלאסען, אבער דאך וויל איך ארויסגעבען אביסעל מיינע הרגישים פון די נעכטיגע מעמד אדיר וקידוש ה'

די הערצער האבען געקוואלען פון שבח והודיה פארען הייליגען באשעפער אז ער האט אונז געגעבען אזעלעכע עהרליכע מנהיגים וואס האבען געהאלפען צוברענגען אז מיר זאלען קענען מיטהאלטען אזא היסטארישער מעמד, און עקסטער האט זיך דערקענט די מורא'דיגע סייעתא דשמייא וואס באגלייט אונזער גרויסען רבי'ן שליט"א און די גדולי וצדיקי הדור ווי סקולענע רבי שליט"א און אדמו"ר מפשעווארסק שליט"א און אלע אנדערע גדולים וצדיקים וואס האבען באגלייט דעם כינוס און זיך משתתף געוועהן בפועל, און די אלע עסקנים לשם שמים וואס האבען אהערגעשטעלט אזא געלונגענע מעמד אויף אזא פארנעם אזוי געלונגען ברוחניות און בגשמיות, אלעס האט געקלאפט אזוי מוראדיג!

אזוי ווי מ'האט זיך אויסגענומען האט קיין איין לינקע רעדנער נישט גערעדט, אלע דרשות זענען געוועהן אויף אידיש חוץ ווי אפגעשמועסט וועט מען געבען געציילטע דרשות אויף די עגלישע שפראך פאר די טויזענטער ליטווישע יודען וואס זענען געקומען צופארען פון איבער גאנץ אמעריקע און פארשטייען נישט קיין יודיש,

צוויי רעדנערס האבען געהאקט אויף ציונות, איינער אין יודיש און איינער אין ענגליש, קיינער האט נישט גערעדט א ווארט וואס זאל אפילו אויסזעהן ציוניש, הרב מתתיהו סאלאמאן שליט"א האט אויכעט מוחה געוועזען אויף גיוס בני ישיבות, ער האט געזאגט אז אונז זענען דעם אייבערשטענס סאלדאטען..

די התרגשות און התעוררות איז געוועזען מוראדיג, תיכף בשעת די מעמד האבען זיך טויזענטער יודען פארגענומען צו גיין א שטאפעל פאראויס, אדע גאר הונדערט שטאפלעך פאראויס, איך האב געהערט ווי איין ליטווישער איד האט געזאגט, אז ער האט געזאגט פאר זיין ווייב אז ער קען נישט גיין צו די כינוס בעפאר זיי וווארפען ארויס די קאמפיוטער פון דערהיים! (די קאמפיוטער האט געהאט א פילטער), א חסידישע יוד וואס איז געזיצען נעבען מיר האט געזאגט, אז ער גייט אי"ה מארגען ארויפלייגען א שטרענגער פילטער אויף זיין אפיס קאמפיוטערס ווי ס'ארבייטען איבער צוואנציג יודישע ארבייטארענס! און ביז היינט האט ער געשלאפען רואיג אהן קיין שום פילטער!

און יעצט קומט נאך די פאלאו אפ ווי יעדע קהילה גייט אראפשטעלען זייערער תקנות, און די מוסדות גייען איינהאלטען וואס דער פוסק הדור הרב וואזנער שליט"א האט געזאגט ביים מעמד די פסק הלכות

יעדער האט זיך געשפירט דארטען ווי מ'וויל ווערען נענטער צו השי"ת, זיין פון די וואס וועלען נישט פארפאלען ווערען חלילה, נאר זיין פון די וואס וועלען זוכה זיין אהן קיין בושה צו גיין אקעגען משיח צדקינו, ס'האט זיך ארויסגעשריגען פון טיפען הארץ
"אשרי העם שככה לו"

ביידען.

איך בין דארט געווען און סאטמאר רבי'ס כבוד איז דארט ליידער נישט דערהויבן געוורן.

ביטע איגנאריר נישט די ציונות פון די רבי מתתי' סאלאמאן וועלכער האט געזאגט אז מ'טאר נישט נעמען די בחורים אין מיליטער ווייל זיי זענען די ארמיי פונעם באשעפער און אז מ'וועט נעמען בחורים אין מיליטער וועט זיין אסאך ביטל תורה רח"ל.


נישוט קיין ווארט אז אז א מדינה פאר משיח קומט איז כפירה ומינות, און אפילו א מדינה עפ"י תורה איז אסור.

נאטירלעך וועלען די דעקעלעך יעצט טרייען צו ספינען און באשאפען זאכען וואס זענען נישט געשטויגען אבי צו פארדעקען זייער וויטיגליגען מיאוסער דורעכפאל, נעבעך

לאנצוט

אויב דיין רבי האט געהאלטן אז א סאטמארער איד האט נישט וואס צו זוכן דארטן, וואס האסטו דארטן געזוכט?

און יעצט צום ענין:

לאנצוט שרייבט: "כ"ק אדמו"ר מהר"א האט געהאט א געווינס. - ער האט פאראויסגעזאגט אז א סאטמארער אינגערמאן האט גארנישט וואס צו זוכן. ער איז גערעכט געווען 100 פראצענט. מ'האט דארט גערעדט ציונות און אביזרייהו, מ'האט דארט מוחה געווען אויפן מחלל זיין דעם כבוד פון הרב שטיינמאן. די מערהייט דרשות און צענטער-פונקטן פונעם אווענט זענען געווען הויך-ענגליש, וואס 90 פראצענט סאטמארע אידן האבן בכלל נישט פארשטאנען !"

נו, פאר דעם אליינס האט זיך געלוינט אז דו זאלסט גיין. יעצט אבער זאג נישט קיין מוסר פאר אנדערע!

און בנוגע דעם כינוס: ביזט א וועלטס לוזער! מען זעט ווי דו שפייסט בלוט אויף זאכן וואס זענען נישט געווען! אלעס איז ב"ה דורך ווי געפלאנט!

אפשר זאגסטו מיר פארוואס הייסט דאס דעות כוזבות? ער האט געזאגט אז ישיבה בחורים זענען דעם באשעפערס מיליטער.. ער האט נישט געזאגט אז זיי באשיצן די מדינה וכו'. גלייב מיר אז א חסידישער ראש ישיבה וואס האט אונטערגעשריבן אויף די בחירות, און גייט צו די בחירות, שטעלט מען אויף רעדן ביים צענטראלן סאטמארער כינוס, איז אריינגעשטאכן א מעסער אין רביה"ק זי"ע!

לאנצו"ט


איז מסלף די ווערטער פון ר' מתתי' סאלאמאן, און האט בפירוש בכלל נישט געזאגט וואס די שרייבסט.


נאר די ביסט א שקרן ווי דיין רבי, און דיין רבי איז א שקרן ווי דיר

איך האלט דא אין מיין האנט א קול קורא פון "ביד"צ העדה החרדית" ה' מרחשון תשל"ה לפ"ק, בענין גיוס בני הישיבות. וזה לשונם:
עת צרה היא ליעקב, וסכנה נוראה רח"ל מאיימת על מחנה היריאים והחרדים לדבר ה', מפני גזירת הגיוס ההולכת ומחמירה מיום ליום, ה' ירחם.
וזעזוע תאחוז כל שומע כי מאיימים ליקח בני ציון היקרים וחובשי ספסלי בית המדרש לומדי תורתינו הקדושה, אשר זאת התורה מגינה ומצלת, גם בני הישיבות בארה"ק, לגיוס ח"ו, באמתלאות ואופנים שונים, ולהמסרבים השומרים אימונים מאיימים בהשלכה לכלא סבל ועינוי ח"ו.
בראותינו הסכנה האיומה לכבות גחלת התורה בארצינו הקדושה ח"ו, הלא מצאנו עוון ח"ו אם נחשה ולא נעורר רחמי שמים.
תולעת יעקב אין כחה אלא בפה לקרוע גזר הדין בצום ותפילה כבכל הדורות כאשר קמו אויבי ה' להעביר על הדת ח"ו.
לכן אנו קוראים בקריאת קודש לכל היראים בארה"ק להתאסף בהמוניהם קטנים וגדולים לעצרת תפילה לזעוק ולהריע על גזירה חמורה זו, ותעל שוועתינו אל ה'.
וביום שני פר' וירא י"ב מר-חשון תשל"ה לפנות בוקר תענית שני בתרא וכו'.
נאם יצחק יעקב ווייס ראב"ד פעיה"ק ת"ו, נאם משה ארי' פריינד, נאם ישראל משה בלאאמו"ר הגה"ק מהרי"צ זצוק"ל דושינסקי, נאם אלי' זלאטניק.
עכ"ל.

קוקט גוט איבער וויאזוי זיי זענען מגדיר די גזירה פון "גיוס בני הישיבות", ואידך פירושא זיל גמור.
(נישט וויאזוי די נטורי קרתא'ניקעס, ולאחרונה ר' מנשה פילאפף האבן ממציא געווען, אז ווער ס'זאגט אז גיוס בני הישיבות 'איז א סכנה פאר די קיום התורה, "אשר זאת התורה מגינה ומצלת", איז גאר א ציוני....)

קול קורא פונעם זעלבן צייט

התאחדות הרבנים דארה"ב  וקנדה
תורה תורה חגרי שק!
רעדה אחזתנו ותסמר שערות ראשינו, על השמועה הנוראה שהגיע אלינו מארץ הקודש שזוממים ראשי שלטון הכופרים להוציא לפועל גיוס בני הישיבות ות"ח לומדי תוה"ק גזירה איומה שעד כה חדלו מלבצע, ביודעם היטב שהיהדות החרדית רואה בזה משום הרמת יד בתורת משה ר"ל וסגירת הישיבות הקדושות בארצינו הקדושה ח"ו, והבריונים הללו רשעי עמינו רוצים לקעקע יסודתן של ישראל אפילו יבנה וחכמיה
לכן החלטנו בהסכמת כ"ק אדמו"ר הנשיא שליט"א, להכריז את יום ב' פרשה וירא הבעל"ט (תענית שני בתרא) (שהכריז ג"כ הביד"ץ של העדה החרדית בעיה"ק ירושלים תובב"א
ליום תענית ותפילה
אשר בו יתענו הגברים וכו' .


ודו"ק היטב