איז ער טאקע געווען אזא שייגאץ? #2

אצינד לאמיר גיין צום קומענדיגן באנדיט וואס מען האט אויסגעלערנט פיינט צו האבן. און נישט בלויז אים, נאר אויך זיינע חסידים. אפגערעדט דער וואס וויל פארקויפן זיינע תורות וואס דאן איז מען מחיוב אים ממית צו זיין כדת של...

דאס מאל וועלן מיר גיין צו אונזערס א שכן וואס האט געוואוינט ממש נעקסט דאר, עטליכע גאסן פון הייליגן וויליאמסבורג, אין קראון הייטס געגענט פון ברוקלין.

געוואוינט האט דארט א איד וואס פילע האבן מעיד געווען אז אין זיין דור איז ער ווארשיינליך געווען די מערסטע נאנט צו די מעלות וואס משיח ברויך צו האבן, און דעריבער האט מען געקענט איינרעדן זיינע תמימות'דיגע חסידים אז אט דער איז טאקע אויף וועמען מיר ווארטן שוין אזוי לאנג.

דער צייטשריפט האט לכבוד פורים געהאט א שיינער אפהאנדלונג איבער דער מאדנער משיחיזם באוועגונג, וואס אסאך פון זיי גלייבן נאך היינט אז אט אט וועט מען זען דעם ליובאוויטשער רעבי רייטן אויף אייזל אונז אויסצולייזן.

אלזא, ווער איז טאקע געווען דער איד?

אויף דערווייל בין איך נאכנישט אנגקומען צו הערן די דרשה פון אונזער באליבטען זייפן הרב משנה סופר, וואס האט אים שיין מספיד געווען און אים צולייגט ווי נאר ער קען אזוי גוט אראפמאלן די אלע פושעי ישראל וואס גייען נישט אין שפאן.

תוקן על ידי קאמענטאטאר ב- 28/03/2007 18:12:25

_________________

a to z

איך בין נישט דא אויף אויף היידפארק צו שמועסען וועגען רבנים, און אוודאי נישט קעגען  אבער איך מיין אז יעדער קענער וואס האט געליינט דיינע לעצטע תגובות דא אין אויך אין א פריערדיגע אשכול קען מעיד זיין אז די ביסט גאר א שוואכע היסטאריקער.

פארגעס נישט אז היסטאריע איז א פאקט אין דאס האט נישט מיט געפילען.

איך מיין פאר די שרייבסט זאלסטו מאכען אביסל מחקר כדי נישט צו זיין לעג ולקלס.

די ווייסט וואס היסטארי מיינט ?

HIS STORY

ביטע שרייב פאקטען, און קום נישט מיט דיינע הקדמות.

_________________

ביז די משיח געשעפטן האבען רוב רבנים געשעצט לובאוויטש,

און די משיח סינדראם איז נישט קלאר אז דער רבי איז אומגאנצען שולדיג אין דעם,

_________________

_________________

_________________

aaatozzz

ליין זייערע קונטרסים וואו זיי ברענגען דעם גאנצן השתלשלות וויאזוי עס איז צושטאנד געקומען דער משיח ענין, וועסטו זען גאנץ קלאר צי ער איז 'אינגאנצן' שולדיג אין דעם משיח סינדראם. 


סאכדעס
הייסט אז דער משיח ענין איז בכלל נישט קיין פראבלעם? נאר דאס אז ער איז געווען א מתנחל?...

_________________

נא להשיב כענין.

_________________

קאפלין

הגם אין השקפה בין איך סאך נענטער מיט דיר ווי מיט יענער שרייבער, אבער איך בין שטארק מחולק מיט דעם וואס די שרייבסט קעגען זיין כאראקטער..

ער האט געשריבען זייער מענטשליך, און הגם עס איז זיך נישט געועון גרינג זיך מתווכח זין מיט איהם, ווייל ער איז א גרויסער ידען, איז עס נישט קיין תירוץ אויף קערעקטער עסעסינעשאן.

תוקן על ידי גורארי ב- 01/04/2007 22:12:19

chaplain: איז דא גערעכט,

א שרייבער ווי ער איז געווען, ווערט נישט באליידיגט פון קריטיק, אזוי ווייט צו ענדיגען שרייבען, נאר וואס דעם, עפעס איז פארגעגאנגען כנ"ל, און ער האט גענוצט דעם קריטיק תירוץ צו פארשווינדען ווערן.

טשאפלעין היקר,

יעדער האט א רעכט צו קריטיקירן א צווייטן שרייבער. פאר דעם איז דער פורום געמאכט געווארן און דעריבער שרייבט מען אונטער א באהאלטענעם ניק. דאס מיינט אבער נישט אז מען מעג יענעם אריינפארן אויף זייטיגע חסרונות וואס יענער האט, ווי מען האט געטוהן ווען מען האט באשריגן יענעם שרייבער אז ער ספעלט נישט גוט, און די אויגן פאלן ארויס ליינענדיג זיינע מאמרים, ווען באמת האט דאס קיינעם נישט געשטערט און דער איינציגער פראבלעם וואס יענער האט געהאט איז געווען אז ער האט געשריבן אנדערע מיינונגען ווי למשל דער משמרת חלומותינו.

און לכאורה איז ער טאקע נישט אוועק צוליב דעם סיבה אליינס, און ווי ער האט געשריבן עטליכע מאל אז ער גרייט זיך אוועקצוגיין, אבער זעט אויס אז ער האט זיך נישט געקענט ברענגען דערצו, און ווען מען האט אים גענומען פליקן וועגן זייטיגע זאכן, האט ער דאס גענוצט.

דאס זעלבע האט מען זיך דא גענומען שיסן אויף אונזער באליבטער אטאז, וואס ווען מען שרייבט לענין, און מען ווייזט אים אויף אין זיין טעות איז איין זאך, און ער וואלט דאס אפילו רעספעקטירט אבער זיך נעמען שרייבן אויסדרוקן וואס פאסט אפילו נישט פאר דעם שרייבער זעלבסט אין אן עוולה.

_________________

דיפלאמאט היקר
אגוט מארגן .

אהן אריין צוגיין אין פאקטן.
לאמיך פארשטיין דיין לאגיק. 

דו לייגסט אריין א צדיק אין דעם אשכול וואס דו ביזט אליין מודה אז עס נישט מכובד, בלשון המעטה און סאיז א שטארקער זלזול בכבודו.
מחמת דעהם וואס זיינע קעגנערס האבן זיך אויף געפירט צו איהם זעהר געמיין 

אבער דו וועסט  אבער ח"ו נישט מזלזל זיין בכבוד פון זיינע קעגנערס.
פארוואס?
ווייל ער מיט זיינע חסידים האבן זיך אויפגעפירט איידל.  
 


ווער געדענקט נאך  די שלש סעודות תורה תשכ"ח פון רבנו זי"ע ווי ער האט פארגאסען כנחל דמעה אויף די פסוקים אים מלאכי

 "חזקו עליי דבריכם , אמר ה'; ואמרתם: 'מה נדברנו עליך' - אמרתם: 'שוא עבוד אלהים; ומה בצע כי שמרנו משמרתו, וכי הלכנו קדורנית, מפני ה' צבקות,  ועתה אנחנו מאשרים זדים, גם נבנו עושי רשעה, בחנו אלוקים וימלטוו!'

מי יגלה עפר מבין עיניך

און אויב מען קען נישט אלע תורות קען מען נישט זיין א סאטמארע\סאקמארע?

עס איז די באוויסטע נשא תורה

ער האט אויך גערעדט פון די נעקסטע פסוקים?
אז נדברו יראי ה אויף היידפארק? 

באט וואס א חילוק אויב מיר זענען סאטאמרע?

באטשי,

איך בין אויפגעצויגן געווארן אלע יארן צו האבן א טיפע האס קעגן סיי ווער עס האלט עטוואס אנדערש ווי 'אונז', און איך גלייב אז רוב פון די ליינער דא זענען אויך פון דעם חדר, און בחסדי השם האב איך זיך געדרייט אויך ביי אנדערע אידן וואס פון זיי האב איך געהערט אז דער בורא האט געגעבן זיין תורה פאר מער ווי א קליינער צאל אידן, און  אויך זיי זענען בארעכטיגט צו לאזן הערן זייער דעת תורה, דעריבער פרעג איך אויב איז ער טאקע געווען דאס וואס מען האט אונז אויסגעלערנט.

געזאגט,

דו שרייבסט זייער גוט און צו דער זאך, איך האף אז מיר וועלן קענען ליינען נאך פון דיין זאכליכן פעדער.

איבער דעם וואס דו האסט טענות אז דער אשכול איז נישט אויסגעהאלטן און א פגיעה בכבודו, מיין איך אז עס איז נישט אינגאנצן אזוי, ווייל קיינער וועט נישט קלערן אז איך האלט אז ער איז געווען דאס וואס מען האט אויסגעלערנט די וויליאמסבורגער אינגלעך.

און לעילו נשמת פון ר' אביגדור מילער ז"ל וועל איך אראפברענגען וואס איך האב געהערט ווי איינער האט אים געפרעגט וואס ער האלט פון ליובאוויטש, און ער האט זייער שיין ארויסגעברענגט ווי חשוב דער חסידות איז און במתק לשונו האט ער מסביר געווען אז זייער צוגאנג ווי אזוי צוריקברענגען אידן לאביהם שבשמים איז דער בעסטער, ווען זיי טאנצן און זינגען און געבן צו עסן און טרינקען לחיים פאר די בלאנזשענדע נשמות און דורך דעם טוהט מען זיי צוציען צום בורא.

א חבר מיינער איז געגאנגען צו זייער שטובל אין די נארט גאסן נעבן וויליאמסבורג פאראיאר סוכות און האט געזען ווי אזוי זיי האבן צוגעשטעלן א שמחת בית השואבה אנגעגרייט א טיש מכל מיני מדענים און משקאות אויף זייער געבויטן סוכה אין פארנט פון זייער ביהמ"ד, און צוגעזען ווי עס גייט צו די עבודת הקודש, און איז זייער נתפעל געווען פון די ארבעט וואס מען האט אריינגעלייגט אין די צעפארענע ארטיסטן.

שויתי טייערער,

ב"ה אז מען זעט דיר צוריק דא. מיר גלייכן יעדן שרייבער נישט קיין חילוק פון וועלכער צד ער באלאנגט און ווען איך האב דאס געשריבן האב איך אין דעם אויך אריינגערעכנט די וואס האלטן אנדערש ווי מיר.

איך קען זיך נישט דערמאנען ווען מען האט דיר פערזענליך באוואשן. פארשטיי, אז איך מיין נישט ווען מען מאכט חוזק פון יענעם אז ער רעדט נישט צום דבר אין דעם ענין וואס מען רעדט דורך, ווי עס האט שוין כמה פעמים פאסירט אז מען האט דיר געפרעגט זייער נארמאלע פראגעס און דו האסט זיך ארויסגעדרייט דערפון מיט אלע סארט נארישע תירוצים. אבער אויב מען נעמט זיך איבער סיי וועלכן שרייבער איבער פערזענליכע זאכן ווי למשל, וויפיל ער קען היסטאריע אדער אויב ער איז א גוטער שרייבער איז א געפערליכער פארברעך.

און זיי מיר מוחל אויב איך האב פארזען אזא עוולה קעגן דיר.