אכטוג: בוטשער און מאנסי געכאפט מיט טרפה פלייש רח"ל

רבותי אין די ליכט פון די פאסירונג איז געקומען די צייט זיך אפצושטעלן אן טראכטן.

ווי אזוי קוקט אויס כשרות אין אמעריקא? וואס געבן מיר פאר אונז, אונזערע קינדער, אונזערע שטובער? מיט וואס איז מען אונז מפטם? אויף וועמען פארלאזט מען זיך? איז א רב גענוג א תירוץ אויף יענע וועלט? דארף מען אליינ'ס נאכזוכן און פארשן אויף יעדע זאך וואס מ'נעמט אריין אין שטוב?

די געשעהניש האט געצייגט אלעמען אז:
1. א הכשר פון א חשוב'ער רב און אן ערליכער בעל הבית, קען זיין נבילה ממש.
2. א פלאץ וואס איז נישט דא א משגיח תמידי, איז נישט מעגליך אז קיין פראבלעמן זאלן נישט פארקומען.
3. מיר עסן פון גוטע הכשרים, בו בזמן ווייסן מיר נישט אויב די פראדוקט איז אויסגעהאלטן אין כשרות.
4. די סיסטעם פון כשרות אין אמעריקא איז טיף טייער אין דער ערד.

רבותי לא עת לחשות, מ'דארף איבערקערן די וועלט, מ'דארף אויפרודערן אמעריקא, מ'דארף בויקאוטן אלע הכשרים וואס שטעלן נישט צו פארן ציבור וואס עס פארלאנגט זיך, ווי למשל משגיחים תמידיים אין בוטשערס רעסטוראנט'ס וכו', זיך נישט פארלאזן אויף קיין אנדערע הכשרים ווען די הכשר איז פון אן אנדערן, לדוגמא התאחדות הרבנים זאל זיך נישט פארלאזן אויף קיין OU משגיחים אויף זאכן וואס זיי געבן הכשרים, בעלי מכשירים פון גראסעריס זאלן ארויפלייגן זייער הכשר אויף די געפאקטע טשאקלאדן וכדו', און נישט שרייבן דארט CRC אדער אן אנדערע הכשר וואס געט די הכשר אויף די גרויסע פעקל וואס קומט אן אין גראסערי פון וואס מ'צוטיילט דאס אין די קענ'ס, 'אויב' וויל איך מיר פארלאזן אויף CRC און נישט אויפ'ן בעל המכשיר פון די גראסערי, זאל איך נישט נכשל ווערן אין עסן זאכן וואס דער בעל המכשיר ברוב גאונותו האט אויפגעטוהן אז מ'קען לייגן פון אנדערע הכשרים אונטער די נאמען פון CRC וכדו'.

ס'איז נישט קיין סוד, אז התאחדות הרבנים איז פון די שוואכסטע הכשרים אין אמעריקא, וואלאווע אין נירבאטור פאקן זיי איין אויב נישט הונדערט מאל איז טויזנט מאל, א הכשר פון זיי איז קראנט, פון התאחדות קומט נישט קיין משגיח אריבער פון איין יאר צום צווייטן אויסער אויפצופיקן די טשעק - אויב שיקט דאס נישט די קאמפאני אויף פָּאסט צו התאחדות, וואס פאר א ליצנות מאכן זיין פון אונז?! זענען מיר פאטריקאנער? זיי הייסן די בעסטע הכשר, און זיי נעמן אויף דעם אדווענטיטש, און זיי מיט זייער מזכיר טוען כל מה שלבם חפץ, מיר וועלן עס נישט פארשווייגן, איך אין שטוב האב ארויסגעווארפן יעדע זאך וואס האט נאר התאחדות, זאכן וואס איך פיל מיר גענוג רואיג זיך פארלאזן אויף OU ווי למשל טונא, און התאחדות לייגט אויך זייער מאש, האב איך געלאזט, רבותי, אויב התאחדות וועט רואיג אנגיין, און פארמאכן די מויל פונעם ציבור מיט אן אסיפה נעקסטע וואך, וועלן מיר עסן ווייטער טריפה און נבילה, ביז מ'וועט כאפן נאך א בוטשער ל"ע און מ'וועט יעמאלט דארפן כשר'ן וכו' וכו'.

דאס איז זיכער אויב וואלט התאחדות זיך נישט פארלאזט אויף נאמנות פון א בעלהבית, -וואס אגב דער עולם איז מורא'דיג פארמישט מיט דעם ענין, אמאל האט מען געגעבן א הכשר נאר פאר בעלי בתים וואס האבן א נאמנות, און אויב נישט האט מען בכלל נישט געטראסט צו געבן א הכשר, אבער דאס איז זיכער אז אויף א בעל הבית קען מען זיך נישט פארלאזן, די הארץ רייסט די אויגן זענען נאס אויף די בהמה'שקייט פון די רבנים, זיי האבן באקומען עפעס א נאמנות אויף די בעלי בתים-ווייל אזוי האט מען זיך געפירט, און אויף דעם גייט ארויף די מאש מיט'ן פולן פראכט, אוי לאותה בושה אוי לאותה כלימה- וואלט'ן ווען די אנדערע רבנים אפילו די נישט חסידי'שע מער קער גענומען פון די הכשרים, זיי וואלטן זיך צוגעשטעלט צו די בעסערע הכשרים, ווער וויל דען אז זיין הכשר זאל הייסן שוואך? נאר וואס דען, בושנו ונכלמנו, הרב ברעסלויער'ס הכשר איז גארנישט שוואכער פון די הכשר פון התאחדות הרבנים וואס פירן ערליכע פרומע רבנים מיט ווייסע/שווארצע זאקן, איז פארוואס זאל ער צושטעלן א משגיח תמידי, בו בזמן דער גאנצער ציבור עסט ערליך פון התאחדות הרבנים וואס קוים א משגיח לא תמידי קומט אמאל אין געשעפט אריין?

רבותי איצט איז די צייט, יעדער זאל אנפאנגן נאכפרעגן און נאכגיין הכשרים, אן ערליכער רב, א פרומער, מוז נישט זיין אז ער קען זיין א בעל מכשיר, א בעל מכשיר מוז זיין א כיטערער, צו קענען כאפן א שווינדל פונעם בעל הבית, הויבט אן עסן פון בעלי מכשירים אויף וועמען איר וואלט זיך פארלאזט מיט א $1000.00 דאלער פאר א צוויי-דריי טאג, און ער וואלט דאס טאקע אפגעגעבן. א בעל מכשיר דארף זיין שטארק און נישט קיין געפאלענער, אז ווען ער טרעפט א פראבלעם זאל ער האבן שטארקייט דאס צו פארעכטן, און נישט נתפעל ווערן פון די אויגן וואס דער בעל הבית שטעלט אן מיט א דראונג אז דער טשעק וועט נישט אנקומען, אפשר אזוי וועלן די גרויסע רבנים פון התאחדות נעמען די זאך אין די האנט אריין.

ליידער קען מען זאגן אז די איינציגסטע זאכן וואס האבן א גוטן הכשר פון התאחדות, איז די וואלעווע און נירבאטור, וואס אויב ביי זיי וואלט געווען עפעס א הזנחה, וואלטן די התאחדות ארויסגעקומען בחרב וחנית מיט א קול קורא באקלעפט אין אלע גאסן.

מיר דארפן אריינגיין אין אלע רעסטוראנטן, קוקען די השגחה, אנרופן דעם משגיח, איך בין א רעסטוראנט, איר געט דא די השגחה? ווען זענט איר דא געווען די לעצטע מאל? וואסערע פלייש/מילך/טשיז/ראלס נוצט מען דא? איר זענט דא ווען עס קומט אן די פראדוקטן? וואסערע לעטעס נוצט מען? ווער באקוקט די ווערים? די גוים/טעס אדער דער משגיח? ווער איז דער ריכטיגער בעל הבית דא, איר אדער דער בעל הבית פון די רעסטוראנט? האט איר מורא פון איהם, אדער ער פון אייך? און אז ער וועט אונז אנקוקען ווי פון די לבנה אראפ, זאגט איהם קליפ און קלאר אייער הכשר וועט ווערן פארשפרייט אלץ א שוואכע הכשר, אדער נעמט איר דאס אין די האנט אריין, אדער נעמן מיר דאס אין האנט אריין. די זעלבע מיט די בעקערייען, ווער צינדט אן די אויבן, די גויטע'ס אדער דער משגיח? ווער באקוקט די מעל/אייער? פאפט איר אריין אומגעראכט פון צייט צו צייט? ווילאנג נעמט דאס פון איינמאל צו די צווייטע? קיין איין בעל מכשיר זוכט זיך נישט קיין צרות, מיר באצאלערס פאר די עסן, וואס מיר צאלן מער ווייל די הכשר קאסט געלט, זענען בארעכטיגט צו וויסן אויף וואס מיר באצאלן טייערער פאר א שטיק פלייש ווי מ'זאל דאס קויפן אין א רעסטוראנט פון OU אין מאנהעטן, למה לא תהא כהנת כפונדקית?

יא מיר וועלן טעראריזירן אלע בעלי בתים און בעלי מכשירים, ביז ווילאנג אונזער געוויסן וועט זיין רואיג, אז דאס וואס מיר נעמן אין מויל אריין איז כשר מהדרין למהדרין.

רבותי אן קאפעראציע פונעם ציבור, וועלן מיר צו גארנישט אנקומען, יא! מיר קענען און 'דארפן' ברענגן א תיקון אין די סיסטעם פון קארופטירטע הכשרים, אנשטאט ווארפן פאשקעווילן אויף די מעשה וואס איז שוין אווער, זאל מען פון היינט און ווייטער ווארפן פאשקעווילן אויף די בעלי מכשירים וואס זענען מזניח די השגחות, מיר דארפן נישט אזויפיל נאש אויב איז דא חששות אין די פראדוקטן, און אויב איז די הארבע חששות אין פראדוקטן, און דאך געט דער בעל מכשיר א הכשר, זאל ער דאס מפרסם זיין אין די גאנצע וועלט, מיר ווילן זיך נישט מפטם זיין מיט מאכלות אסורות, וואס די השלכות פון דעם איז נישט צו פארמיידן.

איך האף אז דער עולם איז מסכים צו וואס איך שרייב דא, און מ'וועט מיט שטיין, אדרבה אויב האט איר אן הערה, לאמיר דאס אויסשמועסן דא, און פון דא וועט ארויסגיין די אלע נעמען פון די בעלי מכשירים - רעסטוראנטן - בעקערייען - גראסעריס וואס טויגן נישט וכו'.

ווער איז חיים לייב כץ?

אגב ווי איז מאגרוב רב? (דאכט זיך מיר הייסט ער אויך כץ?) ער שרייט שוין לאנג אויף דעם

הרה"ג רבי חיים יודא כ"ץ איז דער סערדאהעליר רב אין בארא פארק

וואס איז דיין שאלה איבער דעם מאגרוב'ער? ער איז מסתמא אינדערהיים, (דזשאוסט קידינג) ליידער האט ער ביז היינט געטאפט א וואנט, מענטשן זענען געווען רואיג, אז מסתמא איז אלעס גוט, אבער איצט האט דאך יעדער געזעהן וואס עס פאסירט, סאו האופפאלי וועט זיך דער ציבור אויפוועקן, און נאר אזוי וועט מען האבן הצלחה אז מיר זאלן האבן כשר'ס אין שטוב.

יעדער פארשטייט קלאר אז מ'דארף אויפרודערן די וועלט פון הכשירים נאך אזא גרויסן מכשול
,אבער דאס וואס דו עצה'סט אז מיר דארפן דאס נעמען אין דער האנט אריין און פרעגן די צענדליגער קשיות פוון די געשעפטן, גראסעריס רעסטוראנטן וכו' , איז קודם כל וויל איך וויסן צי איך בין מחויב דאס צו טון, קען זיין אז יא, אבער איך דארף א מקור. איז דאס דען נישט די אויפגאבע פונעם בעל מכשיר , פוןנעם משגיח  און פונעם רב צו אבבאכט געבן דערויף. עס איז דאך אין לדבר סוף אויב יעדער דארף מאכן אייגענע חקירות ודרישות.

אויסער דעם האב איך מורא אז ביי די איצטיגע מעשה וואלט מען קיין סאך נישט אויפגעטון מיט די אלע קשיות. דער פ ינקל האט געהאט גרייט א פאק מיט תירוצים אויף יעדע זאך, ווי מענטשן זאגן און האט אלעס כיטרע אויסבאהאלטן. אן איש זדון איז שווער צו פאקן.
אויסערדעם וועט דאס אין פאקט נישט געשען, ווייל קיינער גייט נינישט אנהויבן מאכן אן אויספארשונג ווען מ'וועט אריינגיין אין געשעפט, סיי מחמת בושה און סיי מחמת מאנגל אין נערוון, ביים היינטיגן דור, און ס'איז א גרויסע ספק מיט וואס מ'וועט ארויסקריכן נאך די אלע קשיות.
דעריבער דארפן די רבנים ומכשירים זיך זארגן, ווייל זיי קענען דעם פעלד, זיי ווייסן - ווען זיי  ווילן- וואס צו פרעגן, זיי ווייסן ווי די לעכער קענען זיין, זיי קענען דעם סיסטעם, דעריבער וואלט איך דאס געלאזט פאר זיי, מיר קענען סייווי נישט קיין סאך אויפטון, . דער לעזונג איז אויסשליסלעך ביי די מכשירים אין דער האנט און דאס ביסטו גערעכט אז אויף זיי דארף מען לייגן דרוק.

די ליסטע פון הכשרים איז זייער אומריכטיג און איז סתם נישט אקוראט.
ווער האט דא אפגעמאכט וואס איז יא גוט און וואס נישט? געב סיבות דערצו.

יישר כח התאחדות פאר דיין ווארימע דרשה. עס איז ריכטיגע דברים יוצאים מן הלב. פאר די וואס פרעגן הלמאי התאחדות שרייבט אזוי אנטקעגן "התאחדות", איז דער תירוץ אז טאקע היינו טעמא, וויבאלד ער איז אין די "התאחדות", ווייסט ער דאך אביסל וואס דארט גייט פאר.

האמת ניתן להאמר, אז ליידער איז ער גערעכט, איך האב שוין מערערע פלעצער מיטגעהאלטן וואס האבן א הכשר פון התאחדות, און ממש מען קומט קיינמאל נישט אראפ, נאר אפשר איינמאל א יאר, און דאס אויך נאר אויפצופיקן דעם טשעק פארן לאזן נוצן זייער הכשר זיגל... פון אן אנדערן קראנטן מקור האב איך געהערט פון א קרוב אז ער האט אמאל געארבעט אויף א פלאץ וואו התאחדות גיט א הכשר, און אונטערן טיש פלעגט מען נוצן אנדערע זאכן, הגם כשר, אבער נישט אויף די סטאנדארט וואס התאחדות פארלאנגט. און זיי פלעגן האבן א שומר הפתח וואס אויב א משגיח איז געקומען האט מען אלעס תיכף באהאלטן. די קאמפאני איז פון די אויסגערופענסטע כשר'ע קאמפאניס היינט. איך וועל נישט דא מזכיר בשמם זיין. אוי לדור שכך עלתה בימיו! אז זיי פירן די הכשרים און זיי זענען די התאחדות הרבנים... זיי רופן צוזאם אן אסיפה? זיי דארף מען צוזאמענרופן און אביסל אויפשאקלען!

------------------------------

לעצטע וואך איז געווען א ריזן אסיפה אין סאטמאר ביהמ"ד מאנסי. אן אזוי-גערופענעם "עצרת". די רבנים האבן בקול בוכים מעורר געווען אויף די שרעקליכע תקלה און בושה וואס האט באטראפן דעם עיר כלילת יופי מאנסי יצ"ו. דער ריזיגער ביהמ"ד איז געווען געשטאפט מן הקצה אל הקצה. נישט געווען אפילו קיין פלאץ צו שטיין, טראץ דעם וואס מען האט געעפנט דעם גרויסארטיגן חדר הלימוד. קיינער האט נישט געוואלט פארפאסן אזא געוואלדיגע מעמד. חוץ די מענטשן וואס זענען נעבעך געשטאנען אין די רייע צו כשר'ן זייערע כלים האבן נישט געקענט קומען.

קודם האט הר"ר משה גרין שליט"א גערעדט, און מעורר געווען בעניני תשובה, און אז דער עולם זאל מער נזהר זיין וואס מען נעמט אין מויל אריין. דערנאך האט גערעדט דער רב הקהלה הר"ר חיים יושע האלבערשטאם שליט"א, וואס האט ארומגערעדט א געוואלדיגע דרשה, און צוגעגליכן דעם מצב צו אן אנדערע תקלה פון א מקוה וואס איז פארגעקומען במשך 14 (!) יאר, אין די צייטן פון זיין זיידן דער דברי חיים ז"ל, עס ווערט צוגעברענגט אין שו"ת דברי חיים. ער שרייבט דארט אז הגם דער עולם איז נישט מער ווי אונסין וואס האט זיך געפירט עפ"י הוראת הרב, אעפ"כ איז מען מחוייב צו האבן א כפרה.

נאכן גיסן זאלץ אויף די וואונדן מצד אחד, האט ער מחזק געווען דעם עולם אז באמת מצד שני דארף מען יעצט זיין בשמחה, אז כאטש פון היינט און ווייטער וועט מען נזהר זיין, מה דהוה הוה ומכאן ואילך חושבנא. ער האט געזאגט, אז עס איז א געוואלדיגע סייעתא דשמיא אז מען האט דאס אויסגעפינען איצט, ווייל נאך 3 חדשים האט דער ליעס צווישן הצלחה גראסערי מיט שבח פלייש געזאלט אפלויפן, און דער עוכר ישראל וואלט געגאנגען ערגעץ אנדערש, און מיר אידן וואלטן קיינמאל נישט אויסגעפינען וואס דא איז פארגעגאנגען, און קיינער וואלט נישט געוואוסט צו כשר'ן די כלים, און מקבל זיין א תשובה, און נזהר זיין פון היינט און ווייטער. ממילא איז חסדי ה' אז עס איז נתגלה געווארן באצייטנס, אזוי כאטשיג ווייסן מיר וואס מיר האבן צו טון מהיום והלאה.

ער האט אנגעהאנגען די זכות פארוואס מ'איז ממש אצינד געוואר געווארן דערפון, אין דעם אז לעצטנס האבן זיך אלע מוסדות צוזאמענגענומען אויסצוראטן דעם אינטערנעט פון היימישע שטובער, וואס איז אויך א זאך וואס איז מטמטם דעם הארץ פון א איד, הגם מ'האט אלעמאל זיך געשטעלט דערויף, איז אלץ געווען אסאך מסרבים, אבער איצט האבן אלע מנהלי המוסדות בלי יוצא מן הכלל זיך צוזאמענגענומען בכל התוקף, און טאקע די וואך ביי די רעגיסטראציע האט מען געמוזט חתמ'ענען דערויף, און ווי דער ווינער דיין הרב פישער שליט"א האט שפעטער ארויסגעברענגט, אז מ'האלט אין איין קלאפן אויף די טיר פאר אן "אישור" פון א רב צו מעגן האלטן א קאמפיוטער אינדערהיים לצורך, און נאר מיט א היתר לאזט מען אריין אין די מוסדות. האט השי"ת געהאלפן אין די זעלבע וואך איז נתגלה קלונו געווארן פון דעם שבח פלייש.

דערנאך האט ער מעורר געווען פארשידענע ענינים מענין לענין באותו ענין. למשל אז אידן טרינקען קאווע מיט מילך אין גאז סטעישאנס, ווי ס'איז פאראן א שאלה פון חלב עכו"ם. ער האט אויך ארומגערעדט פון מאכן אן ערליכע ברכה, דאן קען מען האבן סייעתא דשמיא נישט אדורכצופאלן מיט א דבר שאינו כשר ח"ו. און מ'זאל מחנך זיין די קינדער צו זאגן יעדן טאג די מאה ברכות מיט כוונה, און מיר זאלן זיך מתבונן זיין הונדערט מאל א טאג אז מיר דארפון אנקומען צום בורא כל עולמים.

אלס רב הקהלה, האט ער געזאגט פאר זיינע מענטשן, אז מ'זאל זיך מקבל זיין צו פאסטן א' סליחות, אלע מענטשן 18 יאר און העכער. פרויען און מענטשן וואס האבן נישט קיין כח דערצו זאלן זיך אויסלייזן מיט געלט. מ'פאסט דאך ממילא א האלבן טאג – האט דער רב שליט"א באטאנט – טא זאל מען שוין אויסציען ביז פארנאכט. באמת וואלט מען געדארפט פאסטן כמנין נבל"ה, אזוי ווערט געברענגט, אבער אין אונזער שוואכן דור זאל מען כאטשיג דאס טאן.

דערנאך האט גערעדט הרה"ג ר' חיים שרגא פייוול שנעעבאלג שליט"א, א אנגעזעעהנער און באליבטער דיין אין מאנסי, ורב דקהל אברכים במאנסי יצ"ו. ער האט ארויסגעברענגט אין זיין דרשה פארוואס עפעס האט פונקט אין מאנסי געמוזט פאסירן דער שרעקליכער מכשול. האט ער מבאר געווען דעם שפל המצב אין וואס מאנסי איז לעצטנס אריינגעפאלן בענינים שונים, אמאל האט מען געוואוסט אז מאנסי איז א שטילע אפגעזונדערטע שטאט, די כוליגאנעס און פראסטע מענטשן האבן נישט געהאט וואס צו זוכן דא. מענטשן פלעגן קומען פון דער שטאט קיין מאנסי כדי זיך פורש צו זיין פון די גשמיות אין וואס מ'איז איינגעטונקען. ישיבת כרכים קשה.

היינט ליידער האבן זיך געעפנט רעסטוראנטן ווי שוואמען נאכן רעגן, און אלע ליידיגגייער זיצן דארטן אפ, דער הכשר איז א באזונדערע פראבלעם, אבער לו יהא אז דער הכשר איז יא בסדר, וואס דארף זיך אלץ א איד אנזעהן ביז ער קומט אן צו קויפן/באצאלן א פארציע? ראיות אסורות ממש! בכלל איז א רעסטוראנט נישט קיין איידעלע זאך, אבער אין די היינטיגע באקוועמע וועלט קוקט מען נישט אויף גארנישט. מ'גייט מיט די משפחה אין א רעסטוראנט און מ'עסט אפ א נאכטמאל. ס'קומט מוצש"ק, און מ'האלט שוין נישט אויס פון די קדושת השבת... מ'לויפט קויפן הייסע בייגלס... א מין פרעסעריי! האט זיך דער רב אפגערעדט.. ער האט אויך מעורר געווען אויף געוויסע געשעפטן וואס פארקויפן מלבושים נישט צניעות'דיג, וואס איז אויך אימפארטירט פון בארא פארק קיין מאנסי!

דער גאנצער ציטער פאר כשר'ע עסן האט זיך אפגעשטעלט אין אמעריקע. ווי אזוי קוקט היינט אויס א פסח ביי אסאך שטובער? מ'עסט פון אלעם וואס האט נאר א הכשר, בו בזמן וואס ביי אונזערע עלטערן האט מען גארנישט געגעסן נאר דאס ביסעלע מצה, פלייש, אייער און קארטאפל! מ'האט נעבעך רחמנות אויף די קינדער! ער האט פארציילט עטליכע דוגמאות ווי שטארק מ'דארף זיין נזהר פסח (א מעשה מיט עפל דזשוס).

און אין גראסערי די זעלבע מעשה. מ'קוקט נישט ווער דער בעל מכשיר איז, און וואס די זאך איז, יא אדער נישט איבערגעפאקט. אויב האט עס נאר עטליכע אידישע אותיות גייט עס גלייך אריין אין וועגעלע. און אלעס כדי מזכה צו זיין אונזערע קינדער יעדע וואך שבת מיט אן אנדער סארט נאש, און זיכער מאכן אז זיי באקומען טאקע מכל המינים, לקיים מה שנאמר בשר ודגים "וכל מטעמים" – "לא תחסר כל בו" – אכול משמנים שתה ממתקים, וכדומה.

ער האט געבעטן מען זאל איינפלאנצן אין די קינדער א שטאלץ אז מ'עסט נישט מכל הבא ליד, נאר מען דארף חוקר ודורש זיין. ער האט פארציילט בשם א אינגערמאן, אז זיין קינד האט זיך איין טאג אנגערופן אין חדר אז זיי עסן נישט א געוויסע הכשר, און די אנדערע קינדער האבן אים אויסגעלאכט. הזאת נעמי? דאס לערנען מיר אונזערע קינדער? פונקט פארקערט, מיר דארפן לערנען אז אלע קינדער זאלן אזוי זיין!

אויך האט ער שטארק אנגעזאגט אז מען זאל מער נישט עסן פון קיין שום זאך וואס איז איבערגעפאקט! חק ולא יעבור! נישט נאר פלייש, נאר אויך צוקערלעך, טשאקאלאדלעך, ניסלעך, געטרוקענטע פרוכט, א.א.וו. אגב, הרב ווייסמאנדל וואס פלעגט געבן די הכשר אויף א געוויסע גראסערי אין מאנסי וואס פאקט איבער פראדוקטן, האט געהאנגען צעטלעך אז לאור דעם התעוררות וואס אידן ווילן מער נישט עסן די איבערגעפאקטע זאכן, וועט ער מסלק זיין דעם הכשר!

דערנאך האט הרב שנעעבאלג שליט"א איבערגעגעבן אז די רבנים פלאנען אלע ארויסצוגעבן א רוף צו מאכן יום א' דסליחות פאר א יום צום ותפלה, מ'זאל אויסזאגן גאנץ תהלים און פאסטן אלע העכער 18 יאר. אויך א תשובה פרטי, אז יעדער פאר זיך זאל זיך איינהאלטן א שטיק צייט נישט עסן עפעס א מאכל וואס איז אים שטארק חביב. צב"ש א געוויסע אייזקרעים אדער טשאקאלאדע, זאל מען זיך מונע זיין פון דאס צו עסן לכה"פ א קורצע צייט פון עטליכע וואכן.

דערנאך האט גערעדט דער ווינער דיין הרב פישער שליט"א, וועלכער האט אויך ארומגערעדט און מבאר געווען דעם חוב אויף אונז בשעה זו. ער האט נישט געוואלט מאריך זיין ווייל עס איז געווען שפעט, און דער עולם איז געזעסן 11 אזייגער נאך פאר מעריב.

עס איז געווען א געוואלידעגר מעמד קידוש השם, א מעמד תשובה דרבים וואס איז ממש כתשובה מאהבה, און א מעמד התחזקות. אינדרויסן זענען געשטאנען אינגעלייט עסקנים און געבעטן פאר חתימות אז מהיום והלאה זאל זיין שטרענגע הכשרים מיט תיקונים אין דעם ענין. יעדער איינער בלי יוצא מן הכלל האט גע'חתמ'עט לאור דעם התעוררות פון דעם שרעקליכן מכשול.

זאל השי"ת העלפן אין זכות פון די תשובה וואס אידן טוהען, זאל ער אונז אנשרייבן דעם יאר א כתיבה וחתימה טובה און פאר א שנת גאולה וישועה, בב"א.

אין אנדערע נייעס, האט הרב ברעסלויער שליט"א געמאלדן אויף צעטלעך אין די בתי מדרשים אז לעת עתה גיט ער מער נישט קיין הכשרים אין ערגעץ! עס טוט אים וויי אז אזא מכשול איז ארויס מתחת ידיו. עס איז כדאי צו באמערקן אז רוב רעסטוראנטן אין מאנסי האבן זיינע הכשרים.

איןבעיה,

שקר וכזב!!!
די שמועה גייט אז איינע פון די קעיטערערס פון בארא פארק וואס האט אמאהל געהאט דעם זאל האט גענומען פון דארט פלייש.

מ'רעדט פון איינעם ו..... וואס האט אויך געהאט מנורה און ארמון טערעס

דער קעיטערער האט קיינמאהל נישט געקעיטערט קיין סאפערס.

ניין, נישט פארשטאנען!

שכוח פאר די מוסר שמועס, אבער אוואו זעהסטו אז איך בין "מצדיק די רשע?" איך האב פשוט געפרעגט פארוואס נאר פינקל איז די רשע דערווייל, פארוואס איז מען נישט מגלה ווער די אנדערע זענען?

אויך קען מען זאגען אז קנאים זענען בטבע שלעכטע מענטשען וואס טוהען אויסלאזען זייער שלעכטסקייט אויף כביכול קנאת ה' צבקות,

שמעון טאביק ....
דער ווארט איז פון נודע ביהודה.

בעל גאאוה

במחכ"ת איל מיין די האסט געכאפט דעם קאטער, דער טעם וואס מיז זעהן אזוי אויס איז ווייל

א whistleblower הייסט ביי דיר א מויל מאכער.
היינו דאהני לן


 דיקשאנערי :
An informant who exposes wrongdoing within an organization in the hope of stopping it

קען זיין איך האב נישט דעם ריכטיגן ווארט
אבער די כוונה איז די זעלבע
ער האט ליב צו שרייען בוודאות אויף זאכן וואס ער מיינט און עס דאכט זיך
פארדעם האט מען עם נישט גענומען גענוג ערנסט
ווייל קיינער האט נישט געחולמט אויף טריפות ביי די מעשה מיט די צונגען
און ער האט געשריגן וודאי טריפה אן קיין פאקטן

RE: Moshe finkel said that if he would know how much
"BITIL TOIRAH" his "MASAH NEVULAH" will bring, he would never do it...

א פונקט.

די גאנצע סבה פארוואס דער בעה"ב אליין איז נישט באגלייבט און ער מו ז האבן א הכשר ( ווייל לכאורה וואלט ער דאך אליין געקענט לערנען די הלכות און ער וואלט אליין געקענט געבן די השגחה און האבן א חזקת כשרות) איז נאר ווייל דער בעה"ב איז נישט באגלייבט ווייל ער האט א נגיעת ממון , און דעריבער וואלט ער פארקוקט , ער וואלט מקיל געווען, און מ'קען אים נישט געטרויען.
דאס איז א דבר פשוט.

איצט איז די הארבע פראגע אויף וואס איך האב נישט קיין תירוץ.

לויט די אויבנדערמאנטע סבה (וואס שטייט קלאר אין הלכה) זענען דאך די היינטיגע בעלי מכשירים אין די זעלבע מדריגה און אינעם זעלבן פעקל.

ער האט דאך די זעלבע נגיעה צו פארקוקן, און עס אי ז קלאר אז די בעלי מכשירים לויפן ענדערש נאך די פירמעס און בעט ן זיך ביי זיי, און דארפן צוקומען צו זיי, עס איז א פאקט אז פילע פירמעס סטראשען די משגיחים ווען עפעס שמעקט זיי נישט, אז אויב נערווירסטו מיך צו סאך וועל איך זוכן אן אנדערן, נו , איז דאך דער זעלבער פראבלעם. די בעלי מכשירים האבן דאך פונקט אזוי זייער אייגענע נגיעת ממון, זיי ציטערן דאך צו סאך זיך אריינצומישן אדער צו קומען צו אפט און פלוצלינג, ער ווי ל דאך דער בעה"ב זאל זיין 'צופרידן' פון זיין השגחה ארבעט, דעריבער ווי קען מען זיי געטרויען. עס איז דאך א גאלד גרוב פאר זיי.

זיי מוזן זיך האלטן דאס מויל. ווי יעדער האט איצט געזען. יעצט קומען ארויס די אלע מעשיות אז די משגיחים האבן שוין לאנג פארדעכטיגט. איי, פארוואס האסטו נישט געמאכט א געוואלד, פארוואס האסטוו עס געלאזט לויפן? פארוואס האסטו עס דערשטיקט  ביי דיר? אה, דער טאש האט געמאנט. איך וויל נישט ריסקן מיין השגחה ביזנעס. קאמען סענס. כי השוחד יעור ... ויסלף דברי "צדיקים".

איז דען א ספק אז וווען די בעלי מכשירים זאלן באקומען א געהאלט - לאמיר זאגן פון קהל'ס קאסע - און די פירמע זאל זיי סייווי דארפן נוצן צו קענען האבן א הכשר, וואלטן זיי געווען פיל שטרענגער, זיי וואלטן נישט געטראפן די פילע קולות וואסס זיי טרעפן אלץ אויס און אויף וואס זיי פארלאזן זיך, בטל בשישים, נט בר נט, באלף, אינו בן יומו און די גאנצע ליסטע, . איך וויל וויסן צי פאר אומזיסט וואלטן זיי דאס אויך צוגעשטעלט? צי דאן וואלטן זיי געווען אזוי פרום און מדויק ווי ביי אנדערע נישט-אזוי הארבע זאכן.

שלום

א איד ווי רובאשקין, א בעל חסד, א צדיק, איז כמעט נישט דא. נאר וואס? ער איז א "חאבאדסקער", ממילא מעג מען רעדן אויף אים וואס מען וויל. נו נו.

בעל גאוה
וועגען קבוע וויסטו נישט וואס די רעדסט.
איך קען דיך גאראנטירען אז די האסט נישט אנגערירט קיין שולחן ערוך סימן ק"י, ווען יא וואלסט די נישט געשריבען די עם הארצות וואס די שרייבסט.
קבוע איז נישט ווייל די פלייש איז קבוע, איך ווייס נישט וואס די מיינסט צו שרייבען, אבער עס איז זיכער אז מען גייט נאך רוב ווען פלייש ליגט אין א געשעפט.
און צום לעצטען מאל, ווען עס איז א ספק פין וועלכע געשעפט מען קויפט, און איין געשעפט פארקויפט טריפה, דעמאלס איז עס א ספק אין קביעות, אבער ווען מען ווייסט נישט וועלכע שטיקעל פלייש מען האט גענומען, איז די ספק אין די פלייש, וואס איז "נישט" קבוע. פארשטאנען?
און יעצט, פאר די שרייבסט איבער דיין "שיטה", פרעג א תלמיד חכם וואס האט געלערנט אביסעל ק"י, און ווייסט אביסעל מער, און נאכדעם קום צוריק און זיי א מודה על האמת.

און לגבי רובאשקען, איך ווייס נישט די אמת, אבער וואס איך שרייב וועגען א בודק דארט, דאס זאגען די פריעדיגע משגיחים פון מארגרעטען, אין אישית קען איך דיך שרייבען א נאמען, איך ווייס נישט צו זיי זענען גערעכט, אבער הגע עצמך, כל זמן דער מארגרעטענער האט געגעבען די השגחה, האב איך זיי געגלייבט אז די פלייש איז כשר, און יעצט ווען זיי זאגען אז נישט, זאל איך זאגען עד כאן, איך גלייב זיי נישט????? למיחש מיהא בעי.

אדרבה ואדרבה, זאל מיסטער רובאשקען אדער דער ווייסמאנדעל קומען מיט א מכתב גלוי און אפענטעפערען זייערע טענות. (גלייב מיר אלע בעלי מכשירים ווייסען וואס ווערט געשריבען אין דעם אשכול - און אלע הערען אויס גאלדבערגערס קאלד ליין). דער אופן פין איגנארירען איז א ראי' אז זיי האבען עפעס מורא צוריק צו זאגען מחמת פחד פין די פריערדיגע משגיחים.

און דאס וואס די זאגסט אז די בעלי בתים פין הצלחה האבען קיין אנונג נישט געהאט.
שקר וכזב, דערווייל איז די מעשה פין משגיח שעהן גענוג אויף צו ווייזען אז עפעס האבען זיי יא געוויסט, און עס האט זיי גענוג געקיצעלט, אז זיי האבען געפרעגט א שאלה ביי רב גרין.
איך בין בטוח, אז שעהן איז נישט געווען די איינציגסטער, און זיי אליין האבען געהאט די אויגען אפען.

וגם, עס איז ידוע אז מיט בעלזער פלייש איז געווען אן ענליכע פרשה מיט א חודש צוויי פאר קרית יואל (אז זיי האבען אויף געהערט געבען פלייש פאר שבח, און זיי האבען געהערט אז ער פארקויפט נאך), און הצלחה האט גארנישט געטוהן, און דער רב המכשיר רב ברעסלוי, האט נאך געהאט די חוצפה און טפשות צו זאגען אז ער מעג דאס טוהן. שומו שמים אויב דאס מיינט א רב א ירא שמים.

און צום שלוס, איינער האט מיך אויף מערקזאם געמאכט אין אישית, אז איך מאך א טעות, איך האב געשריבען אז אונז דארפען מיר נישט תשובה טוהן, נאר די רבנים. שרייבט מיר יענער, אז עס איז נישט אזוי, אונז דארפען מיר אויך תשובה טוהן, אויף דעם וואס אונז האבען מיר זיי מקבל געווען פאר רבנים.

איז צום נייעם יאר, זייט אייך מקבל, אז אויף הכשר וואס איז דא א רינון, עסט נישט, האלט אייך איין, עסט נישט יאקע, עסט נישט פין האמאראד - עמרם ראטה, איר קענט אים געבען די חלה צו פארברענען פאר פסח, ווייל דאס טוט ער ברבים, אבער מער נישט, עסט לכתחלה נישט רובאשקען.
בעסער איז, טאמער איינער קען, זיך צוריק האלטען פין עסען בהמה פלייש בכלל, און עופות זאל ער נאר קויפען ביי פריוואטע שוחטים. אבער דאס איז שוין געמאכט פאר איינער וואס איז מער א בעל מעשה.

גייט מען זאגן דעם יאר
על חטא שחטאנו לפניך באכילת נו"ט?

נישט נאר און מאנסי נאר איבעראל
ווער עס האט געגעסן ביי עני שמחה קען נישט וויסן זיכער

לפענ"ד וואלט די בעסטע זאך פאר איהם געוועהן צו טוהן תשובה ברבים. ווי למשל ער זאל אויפטרעטן ביי איין אסיפה.

שרייבן צעטלעך האט נישט קיין פשט. סהיינט א וועלט פון פאשקווילן מיט זיופים.

איך גלייב אז סאיז פשוט מסוכן פאר איהם דאס צו טוהן

איז במקום זה זאל ער אויפטרעטן ביי זאב ברענער אויף די ראדיא. אין מתוודה זיין ברבים. עס וועט זיין א קידוש השם.

טאמער אויב ער איז שוין אזא בעל תשובה אז ער איז שוין מקפיד ניט אריין צו נעמען זאב ברענער אין שטוב ווייל ער איז א נישט קיין היימישער.

דעמאלטס קען ער סעטלען פאר קאנטרי יוסי

ער האט א היתר מאה רבנים

שלוםשטוב

די גאנצע זאך האט נישט קיין הענט און קיין פוס.

מכשיל געוועהן אידען האט ער ברבים, לכל דכפין, מיט א ריזיקען הפסד ממון.

מתקן זיין וויל ער דורך א צעטל וואס קיינער זעהט נישט ( ווי האט ער דאס מפרסם געוועהן?), נאר יחידים, און דאס געלט וועט ער אחלק געבן פאר א צדקה וואס ער וועט אליין באשליסן.

פארוואס זאל ער נישט געבן געלט פאר א מאנסי בי"ד צו באצאהלן היזיקות פון אידען?

גזל ואינו יודע ממי גזל יעשה מהם צרכי רבים. נישט זיינע אייגענע צדקות, ער'ט  נאך באצאלן שכר לימוד מיט דעהם געלט.

זאל ער פאררעכטן דעם פראבלעמאטישן עירוב אין מאנסי!

דער בריוו שטייט נישט בהסכמת הרב נויווירט. ס'שטייט "היה למראה עיניו"

ער קען אויך יעצט צו שרייבן היה למראה עיני "באטשי" ו"שלוםשטוב"

די טשיקענס וואס ער האט פארקויפט זענען אויך " היו למראה עיניו של המשגיח"

עפעס שטימט נישט דא

שמעקטאביק

"ואישר אותו" מיינט אז ער האט מסכים געוועהן אז דאס איז גענוג?
דאס מיינט אפשר אז ער האט מקיים געווען די חתימת ידיו

נאדיר, דא האסטו א גרויסען חידוש!

סדא אפאהר מנינים ערליכע אידן און מאנסי וואס האבן  נישט קיין אינטערנעט! אין זיי האבן געגעסן דאס פלייש און געקאשערט די כלים! 

פון ווי דארפן זיי וויסען פון דעהם?

ער האט געמאכט אשטינק ברבים, אנגעקומען ביז אין דעם ניו יארק טיימס. זאל ער מתקן זיין ברבים.

גיין אויף די ראדיא LIVE איז די איינציגע עצה. אבער קודם גוט מפרסם זיין. איך בין בטוח אז זאב ברענער ודוגמתו וועט עס בחפץ לב אהננעמען, די פאבליסיטי וועט זיין אין לשער. 

וועגען צרכי רבים, מיינט עס לכאורה על פי פשטות אין די שטאט ווי ער האט מזיק געוועהן. 
נישט גאנווענען אין ניו יארק און באצאהלען אין ירושלים.

ער דארף עס נישט געבן פאר ארב מיט מוסדות, ער קען זעצען א בית דין וואס זאל באשליסן וואס ער זאל טוהן. אדער מאכען א קופת גמ"ח, אדער עירוב, אפילו אויס צאהלען הוצאות פון א מקווה פאר א יאהר, מזאל קענען גיין בחנם לכל דכפין. ספעלט וואס צוטוהן?

זיין ווייב?

קודם האט עס מיך אויך געבאדערט וואס זי איז איהם נישט געשטאנען צו הילף בעת צרתו. כמאה"כ :ואשה בכל אלה לא מצאתי.

אבער יעצט ווי איך זעה אז ער נעמט נישט ערנסט די גאנצע מעשה. פארשטיי איך איהר שוין בעסער.
איך מיין פון זיין לשון אין דעהם בריף אז ער באגרייפט נישט פשוט די היסטארישע עוולה וואס ער האט אפגעטוהן.

ווי גייט דאס ווערטל. 

If Mr Finkel  would have known how much bitul torah and loshon horah it will cause' he would never have done it