מזוזות פסולות אויף Ebay
28 פאסטס אין ארכיוו · אשכול #1698230
היינט עש"ק 3 אזייגער וועט זיך פארענדיגן דער ביד פון 22 מזוזות פסולות אויף Ebay. איך האב אינפארמירט דערוועגן דעם "וועד משמרת סת"ם", זיי האבן שוין געוויסט דערפון. א שטיקל מבין בין איך, איך האב באמערקט אויף איין מזוזה זער ברייטע אותיות נ' וואס זען אויס ווי א כ', (ושננתם, ובכל נפשכם). אבער דער "וועד" טענה'עט אז רוב פון די מזוזות זענען נישט כשר. 1 מזוזה איז גאר אן אנטיק, אויף די רעטע זייט איין רייע פאר די לעצטע, וואס זעט אויס אז דער יעניגער "סופר" איז גאר גאר א.. עם הארץ גמור. זע שורה 3 "על לבבך", שטייט: לע לבבך. שורה 5 "לאות על ידך", שטייט: אל ידך. שורה 10 "יורה ומלקוש", שטייט ומלקוט. שורה 11 "ואכלת ושבעת השמרו לכם", שטייט: ואכלת השמרו בשבעת לכם. שורה 15 "מעל הארץ הטבה" שטייט: הארץ הטבע. ועוד ועוד כהנה וכנה. חוץ דער מכשול לרבים איז דער חילול ה' זייער א גרויסער. דער "מוכר" איז א היימישע יונגערמאן פין וויליאמסבורג...
פאלגענד איז דער לינק
http://cgi.ebay.com/Lot-of22-Parchment-Mezuzah-Scrolls-Variety-Sizes-Styles_W0QQitemZ6229299602QQcategoryZ1449QQssPageNameZWDVWQQrdZ1QQcmdZViewItemלוחם,
דו קענסט מיר אפשר זאגן פין וואנעט דו ווייסט אז דער מוכר איז א ווילאמבורגע יונגערמאן,
אין איבעי איז אלעס קאנפידענשאל, סקיקט אויס ווי דיין אפשאצינג איז אומבאזירט,
ביטע זיי מסביר דיין מקור צי דיינע ווערטער
תשובה לכשריקע
זיי מוחל, שטעל צוזאם איינס מיט נאך איינס ודו"ק ותשכח:
http://masoret.hevre.co.il/hydepark/topic.asp?topic_id=1695477מלחמת, אפשר קענסטו דורך עפעס א וועג זיך פארבינדן מיט'ן העכסטן בידער און אים איינמעלדן אז ער איז א קרבן פון א שווינדל.
אדער אפשר קען מען זיך פארבינדן מיט איבעי דירעקט.
כשריקע,
צו בארשט דארף מען נישט קיין ציין.
דער מוכר קען נאר זיין א וויליאמסבורגער.
א צווייטער וואלט פשוט חושש געוועהן לנפשו, צו פארקויפען פסול'ע מזוזות.
אבער א וויליאמסבורגער, פארשטייט דאך אז דער וואס קויפט א מזוזה אויף איבעי, איז דאך מילא א ריפארמער, טא וואס קען שאטען אז מ'מאכט א פאהר טאלער אין איין וועגס אויך....
דשזיד,
אין דער לינק פונעם לוחם, האט אייכלער בטעות ארויסגעשריבען דער נאמען פון דער מוכר.
חוצמזה, דארף דאס זיין גאנץ לייכט צו דערגיין, היות דער מוכר, "pinasfred2000" האט ארויף געשטעלט א ספר תורה דארט מיט א בריוו פון "שמעון זיידע" וואס איז אגב א באקאנטע סופר.
(פארשטייט זיך דאס איז נאר אויב דער בריוו פון זיידע איז נישט קיין זיוף.)
תוקן על ידי - jid_613 - 04/12/2005 3:11:30
קוטשמע, ער איז א וויליאמסבורגער כיטרער שמות קאלעקטאר.
אבער מכשיל זיין אידן איז נישט קיין ביזנעס.
איינער האט מיר געשיקט אין אישי, בשם שמעון זיידע:
דער שייגעץ וואס האט געפאוסט אויף איבעי דער מזוזות, האט פון איהם נאר באקומען א בריוו לגבי דער ספר תורה, און דער ספר תורה איז טאקע יא גוט.
פארשטייט זיך, אז ער האט נישט אין פלאן ווייטער צו האבען א שייכות מיט א שייגעץ וואס פארקויפט פסול'ע מזוזות אויף די נעט.
אויף איבעי איז דער סיסטעם אז דער מוכר אליינס האט נאך א ניק און ער ציהט ארויף דע פרייז אויב זעהט ער אז ס'גייט.
כמובן, נישט שפעטער ווי 24 שעה פארן ענד דעיט.
לויט דעם קען זיין אז דער מוכר אליינס איז דער היי בידער , אולי. אבער אינו מוכרח.
שומו שמים --- איך גלייב נישט וואס איך זעה
אזעלעכע גראבער טעותים עס איז אנבעליוועבעל
יראה הקהל וישפוט ויצחוק
[בילד – נישט אפגעהיט]
מלוה-מלכה
אויף איבעי איז דער סיסטעם, אז אויב איינער מאכט נאך א ניק און ציט ארויף זיינע סחורה מיטן זעלבער קאמפיוטער ווארפט אים איבעי תיכף ומיד ארויס.
תוקן על ידי - טובעין - 04/12/2005 18:01:20
מלחמת ה':
קודם יישר כח פארן אויפברענגען דעם פראבלעם:
דיין שנאה צו וויליאמסבורג איז פארשטענדליך, זייענדיג לכאורה א ליובאוויטשער וואלסטו געקענט באשטיין אז וויליאמסבורג זאל אונטערגיין.
אבער ס'איז א שאד דיין ארבעט, אפילו די וועסט דא חוזק מאכן פון ר' מנשה פילאפ, נשתכחה דרך הבעש"ט, די זאליס, און פון סאטמאר רב זי"ע, ווען דאס דיר גאנץ ווייניג העלפן.
איך וויל דיך נאר דערמאנען אז קרוב צו 25,000 קינדער איבער די וועלט ווערן נתחנך אויף עקסטרעמען קנאישן סאטמאר'ן וועג, אזוי ווי רביה"ק מסאטמאר זי"ע האט אוועקגעשטעלט זיינע יסודות, און דיינע אלע ליצנות'ער אויף היידפארק וועלן דיר גאנץ ווייניג העלפן.
מיט דיין תגובה קומסטו מיר פאר ווי די ציוניסטן אין ארץ ישראל, וואס יעדע פארברעכן וואס פאסירט ביי א חרדי, מאכן זיי זיכער אז דער קעפל זאל זיין "חרדי נאסר".
אויב האט פאסירט א פארברעכן צו פארקויפן מזוזות פסולות. קענסטו באשטיין דאס ארויפצושמירן אלס "וויליאמסבורגער זאך", אין די צייט וואס דער וויליאמסבורג צדיק רביה"ק מסאטמאר זי"ע, איז געווען דער צדיק וקדוש וואס האט דאס באקעמפט און מעורר געווען דערויף.
אין תשכ"א האט דער סאטמאר'ער רבי זי"ע געמאכט א כינוס הכללי אין וויליאמסבורג, ווי ער האט מעורר געווען וועגן פארשידענע פירצות און די הויפט פונקט פון די אסיפה איז געווען זהירות אין סת"ם, ער האט דאן געמאכט דערמיט א רעוואלוציע פון כשרות סת"ם. אז מענטשן זאלן וויסן אז פאר כשר'ע תפילין ומזוזות דארף מען זיין גרייט זיך צו לאזן קאסטן גרויס געלט.
איך וויל דיך נאר דערמאנען אז קרוב צו 25,000 קינדער איבער די וועלט ווערן נתחנך אויף עקסטרעמען קנאישן סאטמאר'ן וועג.
אלטימעטלי, איז דעס א גוטע זאך אדער אפשר נישט?
וואס א פראגע? זיכער איז עס א גוטע זאך!
ליידער איז דא א גרויסע מארקעט פון נישט כשר'ע סחורה, און עס ווערט פארשפרייט אין אלע ארבע כנפות הארץ.
לויט ווי הרב גרינפעלד מנהל משמרת סתם גיט איבער, גייט שוין די מכשול אן אין א גרויסן פארנעם, נאנט צו הונדערט יאר.
כמעט אלעס קומט - נישט פון קיין שמות קעסטל - נאר פריש פראדוצירט דורך פרייע חילונים און אפילו פרויען שרייבער אין ארץ ישראל.
"וועד למשמרת סתם" פירט שוין יארן א קאמף דערקעגן.
עטליכע יאר צוריק האבן זיי געכאפט און אפגעשטעלט א גרויסהענדלער אין בארא פארק וואס האט געליפערט פון ארץ ישראל און פארשלייסט צו אלע סטעיטס איבער אמעריקא לכתחילה פסול'ע סת"ם.
אויב דער סופר זיידע ווייסט ווער דער שייגעצל איז, זאל ער זיך שוין פארבינדן מיט הרב גרינפעלד פון משמרת סתם און מאכן אן עק צו די מכשילי הרבים.
איך האב געטאן דאס מייניגע, כ'האב געשיקט אן אימעיל צו די העכסטע בידער - שטעלט זיך ארויס צו זיין א פרוי - און איר געווארנט אז די מזוזות זענען פסול.
איך האב איר מיטגעשיקט א לינק צו די אשכול, אבער זי האט מיר געענטפערט אז זי קען נישט קיין אידיש.
שומו שמים!
א פרישע מעשה נבלה! א אשה א סופר'טע שרייבט ספר תורות ר"ל.
און שעמט זיך גארנישט דערמיט, נאר שטעלט אויף א וועב-סייט מיט'ן נאמן "סופרת"!!!
עד היכן הגענו. אוי לעינים שכך רואות.
http://soferet.com/aboutme.htmlזי האט אבער א שיינע כתב.
[בילד – נישט אפגעהיט]
פון איר סייט פארשטיי איך אז די שרייבט נישט קיין ספרי קודש, נאר ארט.
עפשטיין
בעסער בעט איינער זאל דיר עס איבערזעצן, איידער דו מאכסט א סטעיטמענט, דארט שטיי קלאר אז זי האט געשריבן א מגילה אין יעצט האלט זי אינמיטן א ספר תורה
תוקן על ידי - tzvibp28 - 05/12/2005 23:42:17
קוטשמע כאטש אלעמאל שרייבסטו זיס ווי צוקער מוז איך יעצט מחולק זיין מיט דיר
דער כתב פון די סופרת איז ווייט פון שיין
קען זיין האסט געמיינט בלשון סגי נהור אזוי ווי עס איז משמע פון דעם סימבאל
נו, ב"ה, עפיס האט מען אויפגעטוען. דער יעניגער מזוזות-פסולות-איבעיי-האנדלער, פרקויפט יעצט אפרישער לאט פון 30 מזוזות,
. These are not copies, they are original genuine parchment.
אבער דאס מאל שרייבט ער כאטש קלאר ארויס אז
These Mezuzah Scroll are Not kosher.
http://cgi.ebay.com/Lot-of-30-Judaica-Mezuzah-Scrolls-Mezuza-Parchment_W0QQitemZ6233616592QQcategoryZ1449QQssPageNameZWDVWQQrdZ1QQcmdZViewItemאזוי אויך פארקויפט ער יעצט תפילין פרשיות, ווי ער שרייבט ארויס קלאר אז די פרשיות זענען NOT-KOSHER
http://cgi.ebay.com/Complete-Set-Tefillin-Tefilin-Parshiat-Parshias-Judaica_W0QQitemZ6233651947QQcategoryZ1449QQssPageNameZWDVWQQrdZ1QQcmdZViewItem
מלחמת,
דיין מלחמה לה' בעמלק האט זיך מיט דעם גע'ענדיקט?
פארוואס פארקויפט דער שייגאץ פסול'ע מזוזות?
און נאך מער, פארוואס זאל א תמימות'דיגע קונה אין אקלאהאמא, קויפען פסול'ע מזוזות? ס'איז עפעס ענליך צו מילעך וואס איז שיעור נישט עקספייערד?
ס"ה, האט דער שייגאץ מיט דעם אראפ געשאקעלט פון זיך סיי וואס א לעגאלע קאנסעקווענצען, און און איינוועגס, האט ער מיט ערמה בארואיגט אונזער לוחם מלחמת ה'.
כבוד Jid_613
איך האב זער מדייק געווען מיט מיינע ווערטער. איך האב געשריבן אז מ'האט ב"ה "עפיס" אויפגעטוען, דערמיט וואס ער שרייבט שוין אז די מזוזות זענען Not kosher. פארשטייט זיך אז דער פראבלעם איז ווייט פון געלייזט. איר זענט גערעכט אז אונזער אי-בעיי האנדלער באנוצט זיך מיט טאקטיקן פון ערמה. איך האבן היינט קלאר געהערט פון וועד משמרת סת"ם, אז דער מכשול לרבים איז נאך פיל ערגער דערמיט וואס ער האט צוגלייגט די ווערטער: and needs to be checked by your own sofer before using. דא ליגט זיין געפערליכע ערמה, דער קונה זאל דערפון פארשטיין אז דער לאט פון 30 מזוזות קען מעגליך גע'כשר'ט ווערן... ווי ער לייגט דארט צו: all of them nicely written. Great deal for any judaica collector etc. Super buy and good luck. די וועד שמרת סת"ם האט מיך געבעטן איבער צו געבן מ'זאל וויסן, אז אזעלעכע תפילין ומזוזות וואס זענען פסול מתחילת כתיבתן קענען בשום אופן נישט זיין קיין good luck, נאר זענען א סכנה ממש, ווי עס שטייט מפורש אין "אור זרוע" (הלכות תפילין) אז אויב זיי ווערן געניצט שלא כהלכה, זענען די "שמות הקדושים" אין די פסול'ע תפילין (וה"ה מזוזה) א "סכנה ואין בו מצוה" רחמנא ליצלן.