גזירת גירוש קאנטרי

ס'איז אן אלט ווערטעל אז ווען דאס פארן אין קאנטרי זאל ווען זיין א גזירה פון די רעגירונג, וואלט מען גורז תענית געווען דערויף.

ווער ס'האט געזעהן וויאזוי די וויליאמסבורגער גאסן האבן היינט אויסגעזען, קען זיך אביסל פארשטעלן, וואס דאס מיינט א "גירוש".....

וואס איז אייער מיינונג איבער די מכת מדינה וואס הייסט קאנטרי.

איז דאס א משוגעת וואס קאסט אוצרות געלט, און קיינער טוט גארנישט דאס אפצושטעלן.

אדער איז דאס גוט צו אפשטעלן דעם געלויף פונעם גאנצן יאר און זיך אביסל לופטערן.

טיילט מיט אייער מיינונג, איבער די טעמע?





גלייכצייטיג, אויב ווילט איר זאגן וואס איר טוט דעם זומער, ווי איר גייט, שרייבט אין דעם פריערדיגן אשכול.

איך וויל וויסן פין ווי מען נעמט די עקסטרע $5000 צי באצאלן די קאנטרי?
איך געדענק דער בלאט האט געהאט אן ארטיכל דערוועגן פאראיאר

די זומער קאסט אהן אסאך מער געלט, אפילו אויב מען בלייבט דא אין שטאט, די דעי קעמפס נעמען קעה"ר נישט ווייניג.

גיין אין קאנטרי איז א געוואלדיגע זאך פאר קינדער, זיי לעבען דארט אויף, זיי האבען די וועלדער און פעלדער, און ווי צו שפרינגען און טאנצען, און פארען מיט די בייקס, וכו' וכו'.

אמת עס קאסט אסאך געלט, אבער קיינער צווינגט קיינער נישט צו פארען.


רבנים רעדען כסדר וועגען די נסיונות וואס די מענער וואס בלייבען אליין האבען. די פאקט איז אמת, אבער לדעתי אסאך איבער געטריבען אין פראקטיק, די מענער וואס א גאנץ יאר זענען ערליך און פרום האבען זומער נישט קיין ירידות, ווידער אמאהל די וואס א גאנץ יאר דארפען א ישועה, זענען זומער אזוי ווי א גאנץ יאר.

פיסטע נארישקייטען פאר די וואס זאגען אז די קאנטרי איז א גזירה:

איעדען צופרי, איך שטיי מיך אויף 6 פארטאגס מיט א נייע התחדשות. אהההה! היינט גייט זיין א גיטען טאג אי"ה! איך פאר אין ביהמ"ד: איך ווארט א האלבע שעה פאר א פארקינג ספאט! מען קען ווערן צוקראכט!

איך גיי קויפען פרישטיג, איך שטיי מיך אין די שורה ווי א gentleman און אוי א בראך, איך בין שוין כמעט נעקסט אין די ליי קומט אריין א שיינער יוד אדער סתם עפעס א בעסערע מענטש מיט fancy גלעזער אין זיבן און אכציג beepers און שרייט הויעך מאך מיך א אייער שפייז מיט א קאווע! Some Chutzpa

איך פאהר מיך שיין אין די ארבייט און מען cut מיך פון אלע זייטען! אדער די משוגעים וואס רעדען אויף'ן סעלל פאון און כאפען נישט אז עס איז שוין גרין.

איך גיי אין פאסט אפיס, ווידער זיך פארקינג. איך גיי אין באנק... ווידער זיך פארקינג... מען ווערט צופלאצט אויף רעטס אין לינקס!

איך קים אהיים, שוין... יעצט וועט שוין זיין מנוחה... די אשל חיל לייגט מיר נאכטמאהל מיט א שמייכל... איך הייב אהן קלערן פון אביסל מנוחה און ברררר.... די טעלפאון קלינג... מען הייבט אויף וואס הערט מען: G & G א ריזיגן סעיל, בעקיטשעס מיט חתנים, קיין דיסקרימינאציע, איך גיב א האק אראפ! עס העלפט נישט! ווייל די אהנשיקעניש וואס ריפט פונקט אין די most busy time לאט זיך נישט אראפהאקען. אויב הערט איך נישט אויס די גאנצע, ריפט ער צירוק! (דאס איז א טעמע פאר זיך).

יעצט הייבט זיך אהן מיט די קינדער... דער 6 יעריגעס נערווען האלטען נישט ביים זיצען איינגעמאכט, קודם צירייסט ער די גרויסע שוועסטערס home work, דערנאך נעמט ער און ווארפט ארויס די 3 יעריגע שוועסטערס dolls פון די פענסטער, דערנאך נעמט ער א magic marker און מאכט א שיינע tattoo אויפן בעיביס פיס! רעדט, שריי און שלאג, עס העלפט נישט.

OK! מען פארט אין קאנטרי! יא, plenty עגמת נפש מיטן פאקען, פארען, דמים תרתי משמע. אבער די ערשטע זאך ווען מען קומט אהן פאקט מען אויס די בייקס! די 6 יעריג אינגעל דארף שוין נישט טשעפן די בעיבי. ער זעצט זיך ארויף אויף'ן באק and is gone like the wind!

שפעטער ווען איך זיך איהם צו קומען עסען נאכטמאהל זעה איך איהם לויפען מיט די קליינע פיסעלעך. אין קאנטרי גייט ער נישט, ער לויפט נאר! איך גיי קיקען, ער האט שוין א גאנצע selection פון אלע מיני שטיינדעלך. דאס איז פאר מיין הויז! אז די bad wolf זאל עס נישט קענען ציברעכען. זיין שוועסטער וואס אין שטאט איז שונא נומבער 1 איז דא די בעסטע פריינט. זי לויפט נאך ווי א קליינע נאר און העלפט בויען וכדומה.

עס ווערט טונקעל, מען ברויך זיי נישט ריפען, זיי קומען אהן אין באנגעלוי. עסען ווי די הנוגעריגע בערען, אריין אין וואנע פאר א שנעלע באד, קריאת שמע, און א סקונדע נאך דעהם ווי די קאפ רירט אהן די קישען, מען שלאפט!

די אשת חיל איז אסאך רואיגער, איך בין אסאך רואיגער, מען העט געדולד פאר די קינדער און עס איז א מחיה!

א גזירה אין וואינען אין שטאט א גאנץ יאהר!

מורי ורבותי, שטיל זיין אפאר מינוט עס איז אן ערנסטער אפיעל,

אונזער אלעמען באקאנטען פריינד "בארא_פארקער" איז ליידער אריין געפאלען אין א שווערן מצב און עס פארלאנגט זיך די שטיצע פונעם עולם אים ארויסשלעפן פון די בלאטע

קודם ווער עס איז דא א דיין זאל ביטע שאפען א בורט קאנטראל היתר ווייל די קינדער נעמען אים אראפ פון זינען

צווייטענס ווער עס ווייסט פון א באנגעלוי וואס איז עוועילעבעל א גאנץ יאר מיט א בית המדרש וואס האט פארקינג, א סטאר וואס איז מסודר און קיינער (בפרט די מיט די שיינע גלעזער) קען זיך נישט אריין כאפען, און ראוד שכנים וואס רעדן נישט אויפן סעלפאן ווען מען פארט זאל זיך ביטע מעלדן

צום לעצט ווער עס קען שאפען ביליג נערוון בארואיגונג מיטלען למצוה גדולה יחשב

ובזכות זה זאלען מיר זוכה זיין אז די מענער זאלען נישט האבען קיין נסיונות א גאנץ יאר...

תזכו למצוות

זיידי:

די ביסט טויט משוגע! די וועפסט!

קודם כל בין איך "בארא_פארק" און נישט "בארא_פארקער". צוייטענס, וואס עפעס בוירט קאנטראל? מען ברויך ארויס פון שטאט וועט איעדער האבען נערווען. נישט די קינדער מאכן מיך משוגע, די צידרייטע שטאט מאכט מיך משוגע.

היימישע "חסידישע" אידען האבען כמעט אלעמאהל געוואוינט אין די שטעטלעך. אונזער הייליגע גמרא זאגט ישיבת כרכים קשה. די בעסער חברה האבען געווינט אין די גרויסע שטעט ווי עס איז גיווען פארווילונג הייזער, טיאטערס וכדומה. אבער די ערליכע היימישע האבען גאווינט אין שטעטל. איש על מחנהו ואיש על דגלו. מען האט געהאט א גרויסע הויף, א פאר עופות וכדומה.

נא... וואס האקסטו מיך אין קאפ מיט שטותים? די וועפסט! מיר האלטן און איין שרייען:
We need affordable houses!
נו... ברויך מען זיך צוען אויסער די שטאט. וויליאמסבורג מיט בארא פארק איז א גזירה מיט א מכה אשר לא כתובה בתורה.

קינדערלעך, נישט פייטן!

(זיידי: אבער האסט געהערט וואספארא מכיצעף ער'ז געווען? אין מיינע צייטן האט אזוינס קיינמאל פאסיערט!)

אבער זיידי! ער'ז א פיצל קינד. וואס ווייסט ער פון דערעך ערעץ?

בארא פארק שרייבט
וויליאמסבורג מיט "בארא פארק" איז א גזירה מיט א מכה אשר לא כתובה בתורה.
מילא שרייבסט אויף דיר אז די ביסט א מכה אשר לא כתובה, אבער וואס ווילסטו פון וומ"ס

איך בעט דיך איבער זיידי!

אבער די אשכל איז "איז די קאנטרי א גזירה אדער נישט". איך האב נאר געשריבען מיין מיינוג אז עס איז א מחיה. איהר קענט האלטען וואס איר ווילט. הלוואי די קאנטרי א גאנץ יאהר!

בארא_פארק האסט א ברירה טו ווי איך ממאפט ארוין קיין ק"י (מיז נישט זיין דוקה קרית יואל עס קען אויך זיין מאנסי וכדו'

בארא_פארק איך ווייס נישט צו סאיז דיינע נערוון אדער אז די ביסט פשוט פון די "אינגווארג" עפעס מוז זיין די סיבה אז די שפרינגסט אזוי ארויס פון די כלים און ווי אלע "אינגווארג" שרייסטו גראד אז איך וועפ, א מין גערעדעכץ

אזויפיל בין איך יא באזארגט, אויב די וועסט וואוינען אינדרויסען פון שטאט א גאנץ יאר וועט דאך די שוועסטער צוריק זיין שונא No.#1 ומה הועילו חכמים בתקנתם?

נאך א פארשלאג: אפשר זאלסטו זיך אריבערציען קיין קרית קאשוי, עס איז א שטעטל ווי סאיז איש על מחנהו ואיש על דגלו, אויך עופות קענסטו האבען דארט לרחצה...

וואס איז מיט די אינגווארג ?

ווי גרינגער דאס לעבן ווערט האט מען מער און מער מיט די נערוען, מען נוצט סעלפונ'ס פאר רואיגקייט און דערווייל ווערט מער מער צוזעצט

מען פארט אין די קאנטרי זוך אויסצוריען, מען בויט זיך א הערליכע דופלעסק דירה, אבער קיין גויטע איז נישט דא, מען דארף אליינץ רייניגען די נערווען ווערן מער צופלאצט.

זיידה

קאשוי איז אין הערליכע ארט א שאד וואס עס ליגט ביי זיי אין די הענט.

BEDFORD HILLS איז גערעכנט אלס איינע פון שענסטע אין טייערסטע דZIP CODE אין גאנץ אמריקה.

איו ווייל דער גאנצער לאט איז אויפען ישיבה'ס נאמען איז אלעס TAX FREE

באראפארקער

די סיבה פון דאס משוגענע לעבען אין בארא פארק און אין -יא- אפילו וויליאמסבורג עיר הקודש איז נאר איין זאך ZONNING! חרדי'שע אידען ליידער על פי רוב האבען נישט קיין מושג פון אזא זאך ווי באגרענעצונגען.
ווי עס איז דא ZONNING ISSUES שרייעט מען אנטי סעמעטיזמ!

קיינער קלערט נישט ווען מ'נעמט א לאט פון 50 ווי עס האבען געוואוינט צוויי איטאליענער מיט א הונט און מבויעט דארט צוויי ניי בנינים און מ'שטופט אריין 6 משפחות מיט נאך צוויי מאדנע (גרושות, בע"ת, גרים, גוים בחורים וכו') משפחות אין בעיסמענט אז דאס איז א געוואלדיגע שאדען פאר די איכות הסביבה.

אויב איינער האט $250.000 פאר א CONDO האט ער דעןנישט $500 פאר א כולל-קאר? אין ווי פארקט מען אזא כלי?? אבי מ'בויעט

ווער מאכט געלט דא? נאר די שפעקולאנטן וואס קויפען לאנד ארום אידישע געגענטן, נאכער לויפט מען צו די פאליטישען'ס אין משרייעט WE WANT HOUWSING אוודאי בשם כל הקהל הקודש.

נאכ דעם בויעט מען אויף MONSTER בנינים אהן א טעם וריח אבי געבויעט. פארקינג מאן דכר שמיה.

צום סוף וועלן די 'בעסערע' פון אונזער ציבור אנטלויפן אין בארא פארק אין ווילי וועלן זיין די ערשטע חסידישע SLUMS אין היסטוריע

WE WANT MOSHIACH NOW
למטה מעשרה טפחים
נישט אויף WALLABAUT אויפען 9טן שטאק.

בארא פארק הוא כנראה תושב וויליאמסבורג
ולכן העצבים שלו קצת לא בסדר, אולי הגיע הזמן להודות שאין שום מצוה לגור בוומסב"ג דוקא ואפשר לחיות במנוחה במונסי לייקווד או בחד מן הישובים החדשים שהולכים ונבנים.
וויליאמסבורג היא ארץ אוכלת את יושביה

וועילקאם טו די קלאב בשרוחלב באטשי, די זעהסט נישט אויס ווי קיין היימישער אדער אן "אונזעריגער", כשר ביסטו זיכער נישט...

זיידע יאנטשי,
איך בין מוחה אפילו אויף א הוה אמינא פין זיך קריגען אויף מיר...........

בשרוחלב

אתה כנראה לא מבין את הענין

בואם של חרידים לאיזה עיר מביא עמהם את הערכים שלהם לגבי ערך החיים.

תעשה תיור מקרית יואל או בוויניץ מונסי ותראה במו עיניך מגורים עם צפיפות הרבה יותר לכל SQ FOOT ממה שיש בוויליאמבורג.

לפני כמה שבועות ראיתי בונים מגורים ב'כתר' בלי אף שורה קטנטנית של דשא NOT EVEN A BLADE OF GRASS

כלל זה נקוט בידך

קודם קומען די 'בעליבתים' נאך דעם די עמך נאך דעם די שנארערס

די בעליבתים וואס האבען געקויפט אלע פיינע LOTS טוהן SUB DIVIDING אין מ'שטופט אריין ווי פוהל ס'גייט..

וויליאמסבורג איז שוין אין מונסי מונרוי לייקואוד בני ברק ירושלים.. און לאמיר נישט פארגעסען פון טאהש קהילה קדושה

כתר איז ממש שרעקליך

א חילוק שמים וארץ, פון איין גאס צום צווייטער צווישען כתר אין נארמאלער מאנסי.

ווי איך קוק עס און ליידען אסאך היידפארק מעמבער'ס פונעם גירוש, זייט דער קאנטרי סעזאן האט זיך אונגעפאנגען איז גאנץ שטיל דא.

קען מען האבען DSL אין די קעטסקיל בערג.?

יוחי718:
די פרשה פון קרית יואל מיט אירע שכנים טוט זיך מיט דעם פראבלעם פון בויען צוזאמגעשטיפט.
אגב, מאנסי, קוקט שוין אויך נישט אויס ווי אמאל, ווער 'האט נאר געקענט האט אריינגעבויעט נאך א הויז אויף זיין גראז-לאט, און געווארן נתעשר דערפון.
בלעה"ר דער וואוקס ביי אונז אידן, און די ארעמקייט ראטע איז העכער ווי ביי די אלגעמיינע באפעלקערונג, טווט דער בעה"ב וואס ער קען צו מאכן א פאר טאלער, און דער טענענט נעמט וואס ס'איז ביליגער אבי צו האבן א דאך איבער'ן קאפ

בארא_פארק:
ווען די קומסט אריין אין שטאט צוריק
צו די ארבייט, פארגעס אונז נישט צו געבן אן הומאריסטישן UPDATE פון דיין קאנטרי-לעבן, דו האסט געשטעלט דעם אשכול אויף די שינעס, קום זיי ממשיך.

נו Jewboy
וואס טוט זיך וועגן די DSL לאז אונז וויסען ווילאנג ס'איז אינטערעסאנט
summer is over soon

אייםסארי, איך האב נישט דעם לינק, ס'ליגט אין מיין פעיווערטס, באט מיין קאמפיוטער האט געדארפט באקומען א טאָנאַפ.

בארא פארק
באראפארקער
היידפארקר

ווי זעהט איהר דא א שטיקל פארק? אין בארא פארק?

אז דאס איינציגע ביסעל גרינס וואס ס'איז דא
איז אין די קעשענע פון די פאליטישענס

Jewboy
וואס טוט זיך מיט דיין טונאפ, אפשר קען מען דיר העלפן?
דער עולם דארף דעם לינק, יישר כח

יעצט אז איך בין צוריק אין שטאט, מוז איך זאגען אז דער קאנטרי איז נישט געווען אזוי שלעכט.

אבער וואס טוט מען נישט פאר פרנסה.

אינגערמאן:
האסט געבעטען אן update
אט איז ער! די קאנטרי איז אזוי געשמאק אז איך ווייס נישט ווי אנצוהייבען. אסאך בעסער פון ווילי מיט בארא פ. הן בגשמיות והן ברוחניות.

ברוחניות: אין שטאט מאכט זיך אייביג א שמחה, חתונה, טיי אווענט וכדומה כאטשיג איינמאהל א וואך וואס איך פארפאס מיין שיעור. אין קאנטרי איז דא א שיעור ווי "איעדער" פון די קאלאני קומט. עס איז א בושה נישט צו קומען. מיר האבען א פיינע מגיד שיעור וואס לערענט פאר בטוב טעם ודעת אפאר מאהל דורכען וויעקענד. ממש א מחיה. אויך די דאווענען האט אזא געשמאק. ממש מעין עולם הבא. איך וועל שוין נישט רעדען פון די שיינע שבת'דיגע קדישים שבת אחים גם יחד.

בגשמיות: איך זעץ ארויס פון מיין באנגעלוי אינטער מיין favorite בוים און איך קען זיצען שעות ארוכות. איך הער נישט קיין פייפען, שרייען שבת, מחלליה מות יומת און נאך אלע ערליי קנאות שלא לשם שמים. און די קינדער, זיי קענען נישט גלייבען וויפיל געדולד דער טאטע האט!

מיר זענען געגאנגען שיפלען, געמאכט picnics מיט פיינע Bar-B-Ques מיט אלטע פריינט און משפחה וכדומה. איך האב אסאך secret locations אין די קאנטרי ווי די נאטור איז מורא'דיג אבער עס איז נישט דא קיין crowds.

בקיצור, מען לערענט, מען דאווענט און מען לעבט! די בני בית איז זיך אויך מחיה. די קינדער שפילען אגאנצען טאג און ביינאכט דארף איך נישט פארציילען פאר זיי מעשעלעך פאר א שעה, ווייל ווי נאר איך הייב אהן צו זאגען איין מאהל איז גיווען א גרויסע קעניג... שלאפען זיין שוין!

איך זאג נישט אז עס איז All Rosey. איך האב שוין געהאט צוטוהן מיט אפאר local anti-semites וכדומה. אבער רוב locals זענען very nice!.

איך גיי נאר צו די קליינער local growers וכדומה. איך האב אויך זייער ליעב די garage sales און
antique shops.

דאס האב איך נישט ליעב:
Walmart
Shoprite
Rt. 42 on Friday Afternoont
(Always traffic, take the back country roads)

Hey, it's late, I gotta go work a little
or my boss will kick me out!

More to come...