היידפארק — ארכיוו
זוך אין אלע ארכיוון
הויפט זייט » אידישע געדאנק » רבינו זצ"ל: יבא יום ש'עהרליכע יוד' לא יהא באפשרות לדור בא"י

רבינו זצ"ל: יבא יום ש'עהרליכע יוד' לא יהא באפשרות לדור בא"י

35 פאסטס אין ארכיוו · אשכול #2934729

סטראבערי » 29/12/2011 23:25

די סאטמאר רבי זצ"ל האט אמאל געזאגט
(איך האב נישט די פינקטליכע לשון, און מ'קען מיך אויסבעסערן)
"איך האב מורא, אז ס'וועט נאך קומען א טאג וואס א ערליכע יוד וועט אין א"י נישט קענען וואוינען!"

אין דאס האט ער געזאגט אין א צייט וואס מ'האט נאך געלעקט די פרומע, און געוויזן א אויסגעשטרעקטע האנט צו די פרימע....
מ'האט זיי נאך באווארפן מיט געלט, און זיי געמיטשעט צו זיך באטייליגן אין די בחירות און אין די פאזיציעס....
א ווארט קעגן די פרומע האט נאך דעמאלטס געמיינט פארראט אין עם ישראל....
מ'האט גערעדט פון 'ניסים' ווען זיי האבן געהאט א געווינס, און מ'האט עס מאך געזוכט צו פארוואנדלען אין א 'הלל' אישו...
די מדינה האט דעמאלטס נאך געזוכט צו כאפן הייליגע ערטער, ווי די כותל און קברים ערטער פון גרויסע לייט.... - זאכן וואס זיי צוברעכן היינט פאר יעדע הייוועי וואס זיי ווילן בויען....!

כמה גדולים דברי רבי!
ווען מ'זאל מאכן אזא העצע אין עני לאנד קעגן פרומע יודן פאר די חטא פון איינצעלע עקסטרעמיסטן (וואס איך בין אויך בכלל נישט זיכער אז דאס איז אמת, ווייל איך זעה אז די מאמע זוכט ווי מער פאבליסיטי, וואס קען נאר נאך מער שאטן פאר איר טאכטער, ווי א נישט-געשטויגענע שפיי) וואלט געווארן א פעדעראלע אויספארשינג פאר די שרעקליכע דיסקרימינעיטינג! און דארט באקומט עס גאר עפענטליכע שטיצע פון חברי כנסת און פון'ם פרעמיער מינייסטער!

סטראבערי » 29/12/2011 23:30

ס'האלט נאנטער ווי ווייטער דערצו:
אז ס'וועט ח"ו געלונגען די אלע אנטי פרימע ארגעניזאציעס זיך צאמצונעמען און אנהייבן מאכן "בלעם'ס עצה" וואס זיי פלאנען יעצט, קודם אנצוהייבן אויף אלע מהדרין ליניעס אין לאנד, זיך ארויפצו שטיפן ו' טבת, מענער און פרויען און מאכן א דירעקטע זנות מערכה, זאל דער אייבישטער אפהיטן.
ווייל זיי זענען געפערליכע להכעיס'ניקעס, ישראל שחטא, נישט סתם אז זיי זוכן ליבעראלקייט און פרייהייט, ווייל דאס קענען זיי טרעפן גענוג אין תל אביב און עילת.
זיי זוכן דירעקט צו מאכן א מבול אין די ערליכע געגנטער!

RESTLER » 30/12/2011 04:43

ווי ווייט מיינט איר האלט א געזעץ וואס וועט פארבאטן פאר די מדינה צו געבן געלט פאר א מוסד וואס האט נישט געמישט יונגלעך מיט מיידלעך? נישט צו לאנג! ויואל משה אמת ותורתו אמת, 

סטראבערי » 9/1/2012 19:50


When asked to comment on the situation in Eretz Yisrael, MBD quoted the late Satmar
Rebbe Rav Yolish M'Satmar ZT''L, ''that the time will come when a chareidi Jew will not be able to live in Eretz Yisrael''.



תוקן על ידי סטראבערי ב- 09/01/2012 19:53:50


SatmarBum » 10/1/2012 11:36

http://www.vosizneias.com/98410/2012/01/08/new-york-mbd-the-satmar-rebbe-was-right


MBD: The Satmar Rebbe Was Right

Photo by: Baruch Ezagui






















New York - In an interview with Israeli radio host Menachem Toker last Motzei Shabbos, Mordechai Ben David offered his thoughts on the current situation in Israel.Quoting the Satmar Rebbe, Reb Yoel, zt’l, MBD called the continuous clashes between the Chiloni and Chareidi community very frightening.“The Satmar Rebbe, R’ Yoelish was correct. He was completely right. He said there would come a time when Chareidi Jews would not be able to live in Eretz Yisroel. Hashem Yiracheim.”Speaking about the general anti-Chareidi bias emanating from the secular community and not the recent events in Beit Shemesh, MBD attributed the conflict to the Chiloni community becoming concerned by the rising birth rate among the Chareidi community and likened it to biblical times when the Mitzrim were afraid that they would be outnumbered by Bnei Yisroel.Advertisement:“There are so many Chareidi babies being born and iy’H we will grow in our simcha and in our Avodas Hashem and as we grow stronger our light will overcome the darkness,” said MBD.MBD also discussed his most recent album, Kissufim, and suggested that despite earlier statements that this was his final album, it is possible that there could be additional Chasidic albums in his future.Citing excellent sales of the album, which featured exclusively Chasidic music MBD said, “this proves to me that true Chasidim don’t copy music and those who are not so Chasidic are the ones who are doing the copying. I have my finger on the pulse of American buyers. In the Chasidic areas, like Monsey, Monroe, Borough Park and Williamsburg, it is flying off the shelves. Apparently true Chasidim learn Shulchan Aruch and they don’t steal.”When asked to comment regarding the interview and his possible return to the studio MBD told VIN News, “I’m not back in music. All I said to Toker is the fact that the Kissufim album, which is Chassidish, sold better than expected, proving that the chasidishe velt doesn’t copy or steal like the others. ‘Maybe’ I would consider doing another. But honestly I don’t think that’ll happen so fast. It’s just too much work.”

SatmarBum » 10/1/2012 11:42

http://www.youtube.com/watch?v=WVWrNbTmFlo



* xcodebase="http://download.macromedia.com/pub/shockwave/cabs/flash/swflash.cab" height="400" width="700" classid="clsid:D27CDB6E-AE6D-11cf-96B8-444553540000" > <*

גינגריטש » 10/1/2012 19:02

ער געבט צוויי פליקעס דא, ער אנדערקענט אז רבינו הקדוש איז גערעכט געוועזען מיט ציונות, און ער פליקט אן די נישט היימישע אז נאר חסידישע קאפירען נישט די טעיפס אן רשות

לאנצוט » 10/1/2012 20:33

דאס אז די מלכות הרשעה פון די ציונים וויל אויסרייסן די תורה און כלל ישראל איז נישט קיין נייעס. דאס גייט שוין אן נאך פאר ס'איז געווען א מדינת  ישראל.

דאס אז ס'וועט קומען א צייט וואס ערליכע אידן וועלן אין ארץ ישראל נישט קענען וואוינען, איז אויך קיין שום צווייפעל נישט.

דא וויל איך אבער פרעגן ספעציפיש - אפשר קען מען מיר מסביר זיין אבער ביטע נאר לאגיש און מיט א תורה'דיגן בליק.

פארוואס אויב די רעגירונג לאזט נישט "מהדרין באסעס" אפטיילן מענער פון פרויען אין א באס, איז עס א גזירת כלי'.
איז דען דא אין ניו יארק אנדערש מיט די שטאטישע באסעס?


= פרויען קענען זיך פרייוויליג זעצן נאר אין די אונטערשטע זיצן.
= מענער קען זיך פרייוויליג זעצן נאר אין פאדערשטע זיצן.

פארוואס אויב די רעגירונג לאזט נישט הענגען מודעות אויף די סיידוואלקס, צו פארבאטן אפטיילן מענער פון פרויען אויף די סיידוואלק, איז עס א גזירת כלי'.

איז דען דא אין ניו יארק אנדערש מיט די סיידוואלקס.

פארוואס ווען די מדינת הציונית אין ירושלים עפנט א פארקינג לאט (קרתא) אום שבת קודש, און זענען מחלל דעם שבת קדוש, איז יעצט די מדינה געווארן כופרים?

די גאנצע מדינה איז איין שטיק כפירה און מינות, וואס טוט קרתא פארקינג לאט מער חילול שבת ווי די מיליאנען חילולי שבת וואס די רעגירונג פראקטיצירט מדי שבת בשבתו?

עס גייט נישט אריין אין מיין קאפ

מלך_מלכים » 10/1/2012 21:42

דו ביסט אדער דו מאכסט זיך?
פארוואס ווען מען ארעסטירט יונגעלייט רעכט אין לינקס פאר גארנישט איז עס נארמאל ביי דיר?
פארוואס איז אזא מצב וואס דער גאנצע מדינה איז אויף געגען די פרומע אזוי ווייט אז די דוב הייקינד קלאס חרידים זענען אויף, אין דו פארשטייסט נישט


תוקן על ידי מלך_מלכים ב- 10/01/2012 21:43:23

לאנצוט » 10/1/2012 21:44

דו טראכסט אז אינעם מלכות של חסד הנקראת אמעריקע, וועט מען נישט ארעסטירן "רעכטס און לינקס" אויב פרויען זאלן זאגן אז חרד'ישע אידן שפייען אויף זיי.

זיי אויפריכטיג.

מלך_מלכים » 10/1/2012 21:46

http://video.foxnews.com/v/1370815286001/religious-secular-tensions-among-jewish-community/?playlist_id=86857

מלך_מלכים » 10/1/2012 21:48

לאנצוט כתב:[בילד – נישט אפגעהיט]
דו טראכסט אז אינעם מלכות של חסד הנקראת אמעריקע, וועט מען נישט ארעסטירן "רעכטס און לינקס" אויב פרויען זאלן זאגן אז חרד'ישע אידן שפייען אויף זיי.

זיי אויפריכטיג.


אויסדריקלעך נישט, באשולדיגן אלע חרידים אויף עפעס וואס איינער האט געטון הייסט אין אמעריקע רעסיזים, קוק דעם ווידיאוי וואס איך האב יעצט געפויסט

לאנצוט » 10/1/2012 21:48

עס קומט צום לאכן.
דוב הייקינד דארף די שטימען. יעצט לוינט אים צו האקן אויף ביבי. און דו ווערסט עקסיידעט.

דאס איז ראשית.


שנית - אטאקיר מיר נישט פאר'ן געבן דאס רעכט פאר מדינת ישראל.
איך פרעג בלויז: צו וואלט ניו יארק סטעיט ערלויבט דאס שפייען אויף פרויען. (אפילו ס'איז שקר וכזב).

ביסט מודה אז עטליכע מרשעת'ן זאגן אז  מ'האט געשפיגן. און אויך א מאמע זאגט אז מ'האט געשפיגן אויף איר קליין מיידל פון 8 יאר.


רעד צום דבר ביטע.

לאנצוט » 10/1/2012 21:53

מלך_מלכים כתב:[בילד – נישט אפגעהיט]
דו טראכסט אז אינעם מלכות של חסד הנקראת אמעריקע, וועט מען נישט ארעסטירן "רעכטס און לינקס" אויב פרויען זאלן זאגן אז חרד'ישע אידן שפייען אויף זיי.

זיי אויפריכטיג.


אויסדריקלעך נישט, באשולדיגן אלע חרידים אויף עפעס וואס איינער האט געטון הייסט אין אמעריקע רעסיזים, קוק דעם ווידיאוי וואס איך האב יעצט געפויסט


איך האב פאר דיר גרויסע נייעס. דאהי אינעם מלכות של חסד, וואלט די רשעות'דיגע פאליציי ארעסטירט דאזענס חסד'ישע אידן פאר'ן שפייען אויף פרויען.

דו ווייסט אז די פאליס דאהי אין ניו יארק האט נישט מורא צו זאגן ליגענט, און אויב "בלומבערג" גיט א צייכן אז מ'דארף אונטערדריקן הייבט מען ארעסטירט רעכטס און לינקס און אינדערמיטן.

מלך_מלכים » 10/1/2012 21:53

איך ווייס נאר פון איין פאל פון שפייען, אין פון זעקס ארעסטירטע,
די ווידיאוי פון פריער האסטו געזעהן? יענער איז אויך עפעס אויף הייקינדס זייט, אין מרדכי בן דוד? ער איז אויך עפעס א סאטמערער געווארן? אין וואס זאגסטו צו די ווידיאוי? קענסט אביסן עיברית? http://video.foxnews.com/v/1370815286001/religious-secular-tensions-among-jewish-community/?playlist_id=86857

מלך_מלכים » 10/1/2012 21:56

לאנצוט כתב:[בילד – נישט אפגעהיט]

דו ווייסט אז די פאליס דאהי אין ניו יארק האט נישט מורא צו זאגן ליגענט, און אויב "בלומבערג" גיט א צייכן אז מ'דארף אונטערדריקן הייבט מען ארעסטירט רעכטס און לינקס און אינדערמיטן.



You made my point

יא, די פאליציי אין ארץ ישראל האבן באקומען א ווינק אז די חרידים זענען הפקר, אט דאס איז טאקע געשעהן,

לאמיר דיך פרעגן, ווען דא אין אמעריקע זאל ווען געשעהן אז די חסידישע טאליבאנער שפייען אויף פרויען, אין די פליציי הייבט אן רודפן יעדען יוד אויפן דיריקטן באפעל פון בלומבערג, וואלסטו נישט געמאכט א ויצעקו? ראסיזים! פארוואס דארט פארשטייסטו נישט דאס? יא יעדער ווייסט אז עז איז דא ווילדע צידרייטע חברה וואס טוען אלעס וואס פאלט זיי איין אין די מינוט, אן טראכטן א רגע, אבער דאס מיינט נישט אז אלע חרידים זענען הפקר וועגן דעם, אויסדריקליך נישט


תוקן על ידי מלך_מלכים ב- 10/01/2012 22:01:31

לאנצוט » 10/1/2012 21:58

זאלסט מיר מוחל זיין במחילה גמירה. איך נעם זיך נישט אן פאר די מדינה פון כפירה ומינות. אבער איין מינוטקאלע

וויפיל מענטשן וואלט מען ארעסטירט דאהי אין ניו יארק פאר'ן אויסברעכן "רעד לייטס"?
וויפיל מענטשן וואלט מען ארעסטירט דאהי אין ניו יארק פאר'ן פארברענען מיסט קאסטענעס יעדן טאג"?
וויפיל מענטשן וואלט מען ארעסטירט דאהי אין ניו יארק פאר'ן נישט לאזן א NYC באס דורכפארן"?


פאפ זיך נישט !

מלך_מלכים » 10/1/2012 22:06

די רעד לייט ברעכער וואלט מען ארעסטירט
די גארביטש ברענער וואלט מען ארעסטירט
די וואס שטערן טרעפיק וואלט מען אויך ארעסטירט

אבער סתם רודפן יעדער חרידישן יוד וועגן דעם? וואלט אויסגערופן א וועלטס סקאנדאל

לאנצוט » 10/1/2012 22:22

מלך_מלכים כתב:[בילד – נישט אפגעהיט]
די רעד לייט ברעכער וואלט מען ארעסטירט
די גארביטש ברענער וואלט מען ארעסטירט
די וואס שטערן טרעפיק וואלט מען אויך ארעסטירט

אבער סתם רודפן יעדער חרידישן יוד וועגן דעם? וואלט אויסגערופן א וועלטס סקאנדאל


אין NYC מיינט דאס:
מינימום 25 ארעסטן.

KJ » 10/1/2012 23:49

לאנצוט, איך בין נישט אנטוישט ווי לינק דו רעדטס, ווען א גערער זאל יעצטנ אזוי רעדן וואלט איך געווען אביסל פארוואונדערט, ווייל רוב לינקע חרדים פארשטייען אויך אז יעצט איז א מצב וואס איז נאכנישט געווען, אבער אז דו ביסט א נארוני איז אלעס פארשטענדליך, דער עיקר אז דא איז שטיל. 

עםהארץל » 10/1/2012 23:51

לאנצוט כתב:[בילד – נישט אפגעהיט]


די גאנצע מדינה איז איין שטיק כפירה און מינות, וואס טוט קרתא פארקינג לאט מער חילול שבת ווי די מיליאנען חילולי שבת וואס די רעגירונג פראקטיצירט מדי שבת בשבתו?

עס גייט נישט אריין אין מיין קאפ


אוודאי אז מען איז אנגעלייענט מיטן טריפענעם בלאט קוקט מען אזוי אויס, מלך מלכים איך ווייס נישט פארוואס דו טוישט נאך אויס א ווארט מיט דעם אפיקורס

לאנצוט » 11/1/2012 00:08

אפיקורס איז ווינציג געזאגט.

מיין פראגע איז זייער קלאר:
ווערט די מדינה טריפה ווען זיי מחלל שבת מיט א קרתא פארקינג לאט?
זיי זענען מרשיעי ברית וכופרים בעיקר. פאר דעם פארקינג לאט איז די לאגע קיין טראפ נישט בעסער געווען.

לענינינו:
דאס וואס זיי האבן ארעסטירט 5 ערליכע אינגעלייט, איז דאס וואס מאכט מדינת ישראל טריפה?
דא אין אמעריקע וואלט געווען די זעלבע זאך. אקוראט.

אז א גרופע מענטשן פארברענען מיסט קאסטענעס דאהי יעדן צווייטן טאג, בין איך נישט מקנא די געגענט. ווייל 20 ארעסטן ווערן געמאכט.

מיט'ן שרייען בלאט, אפיקורס כופר, צייגט מען אז מ'האט נישט וואס צי ענטפערן.

sabiluna » 11/1/2012 15:35

די גרעסערע און עכטע סכנה וועט זיין (היל"ת) ווען די אזויגערופענע פרומע (אגודיסטן אא"וו) וועלן האבן דער מאכט. זייער האס און שנאה קעגן ערליכע אידן איז פילפאכיג גרעסער ווי די שנאה פון די פרייע ציונים

sabiluna » 11/1/2012 15:42


א באשרייבונג (אויף לשון קודש) וועגן אט דעם עניין

http://05731.blogspot.com/2012/01/blog-post.html

לאנצוט » 11/1/2012 18:48

עםהארץל כתב:[בילד – נישט אפגעהיט]


די גאנצע מדינה איז איין שטיק כפירה און מינות, וואס טוט קרתא פארקינג לאט מער חילול שבת ווי די מיליאנען חילולי שבת וואס די רעגירונג פראקטיצירט מדי שבת בשבתו?

עס גייט נישט אריין אין מיין קאפ


אוודאי אז מען איז אנגעלייענט מיטן טריפענעם בלאט קוקט מען אזוי אויס, מלך מלכים איך ווייס נישט פארוואס דו טוישט נאך אויס א ווארט מיט דעם אפיקורס


איינער שרייבט מיר אין אישית אז ער פארשטייט וואס איך זאג, אבער ער בעט אז איך זאל בעסער מסביר זיין.

צום ערשט צום עם הארץ'ל: אז דו רופסט מיך אן כופר און אפיקורס. איך האב אז דו האלסט מיך נישט פאר אזא סארט אפיקורס ווי דעם טריפה'נעם בענצי לאוב רח"ל. ווייל דעמאלט בין איך חלילה אינגאנצן פארפאלן.

יעצט צום ענין:

מיר זענען געוואוינט צו 2 סארט מלחמות און רשעות'דיגע גזירות נוראות וואס די ציונים פירן קעגן אחינו בני ישראל בארצה"ק:

1) אזעלכע גזירות רעות ווי גיוס בנות אדער חיטוטי שכבי וכדומה.
דאס מיינט אז זיי מאכן גזירות נוראות קעגן דת תורתינו הקדושה, און דעמאלט מוז מען זיי באקמעפן מיט אלע סארט וועגן וואס מ'קען ביז מסירת נפש, ווייל דאס זענען געזעצן וועלכע זענען געצילט אויסצורייסן טהרה וקדושה פון כלל ישראל.

2) דאס עפענען טריפה'נע טעאטערס, תערובות סווימינג פולס, אצטדיון, חילול שבת בפרהסיא וכדומה.

עס פארשטייט יעדער בר דעת, נאכאמאל, יעדער בר דעת פארשטייט, אז ווי שטארק די הירוס הדת פון די צווייטע קאטעגאריע איז, איז עס דאך נישט צום פארגלייכן צו די ערשטע קאטעגאריע. ווייל די ערשטע צווינגסטו ארויף העברה על הדת אויף אונז. משא"כ די צווייטע קאטעגאריע איז אנדערש.

יעצט לאמיר גיין צו נומער 3.
די דריטע קאטעגאריע איז, ווען די רשעים און שקרנים גיבן אריין קלאגעס אז חרדים שפייען אויף זיי, דאס הייסט אז חרדים צווינגען אז זיי טארן נישט גיין אויף די גאס אומ'צניעות'דיג וכדומה. אדער דאס טענה'ן אז חרדים צעברעכן רעד לייטס און פארברענען מיסט קאסטענעס און שטערן די אלגעמיינע געזעלשאפט צוליב זייער פראטעסט צוליב "אם המרעיבה" וכדומה.

נאכאמאל, יעדער בר דעת פארשטייט אז קאטעגאריע נומער 3, ווי שטארק עס טוט וויי, קומט עס נישט צו קאטעגאריע נומער 2, און אוודאי נישט צו קאטעגאריע נומער 1.

דאהי אין ניו יארק סטעיט ווען די פאליציי ארעסטירט א מוטער וואס איר קינד איז רח"ל געווארן אביסל פארברענט און זיי זאגן אז דאס איז מכח "טשיילד אביוז". אזעלכע זאכן מאכן זיך ליידער גאנץ אפט אין  ניו יארק, און עסקנים טוען וואס מ'קען צו העלפן די עלטערן און גלייכצייטיג גייט מען א דעליקאטע ליניע מיט די שטאטישע אינסטאנצן.

אין ירושלים ווען עס קומט פאר א "טשיילד אביוז קעיס", פארברענט מען אלע מיסט קאסטענעס און מ'ברעכט צענדליגער רעד לייטס ווי די ניגערס, און ווער עס זאגט אז דאס איז נישט דער מהלך, איז זאפארט אן אפיקורס און כופר באלקי ישראל.


***


עם הארץ'ל טייערער: ביסט טאקע זייער גרויס אין היידפארק, און זייער קלוג פאר כתה א' - אבער מיט'ן רמב"ם קענסטו דאך נישט קריגן.

לאנצוט » 11/1/2012 21:52

איך באקום יעצט אין אישי, אז מיין הסבר איז זייער צו דערזאך, אויסגעהאלטן תורה'דיג און לויט דעם קוק ווינקעל פון א סאטמארן חסיד, כשיטת רביה"ק מסאטמאר זי"ע.

איך ערווארט נישט צי ווערן אויס אפיקורס וכופר בעיקר ביי עמ הארץ'ל, אבער אויב האסטו סיי וועלכע פראגע, אדרבה פרעג.

KJ » 11/1/2012 22:04

למשל ווען מ'צווינגט חרד'ישע סאלדאטן צו הערן און זען קול באשה, אין וועלכע גדר גייט דאס אריין?

ווען מ'וויל ארויפצווינגען אויף די חרד'ישע געגנטער געמישטע באסעס אקעגן די רצון פון די לאקאלע איינוואוינער און די וואס נוצן דעם באס, אין וועלכע גדר גייט דאס אריין?

ווען עס איז פארהאנען א סיכסוך צווישן א פרייע און א פרומע וועט מען דעם פרומען ארעסטירן און דער פרייער ווערט נעבעך די קרבן, אין וועלכע גדר גייט דאס אריין?

ווען א פרומער איד זאגט פאר א פריצות'דיגע געקליידעטע אידישע שיקסע וואס זעצט זיך אין די מענער אפטיילונג פון א מהדרין באס "פרוצה", בשעת זי האט געשריבן אויף א סאשעל וועבזייטל א טאג בעפאר אז זי גייט מאכן פראוואקאציעס, ווערט דער חרדי ארעסטירט, אויף וואס? אויף נישט ווייניגער ווי "מנוולישע אטאקע", אין וועלכע גדר גייט דאס אריין?

ווען יעדער הויכע גענעץ פון חרדים ווערט באריכטעט אין די פרייע פרעסע טאג טעגליך פאר די לעצטע וואכן, באגלייט מיט שקרים און בלבולים מיט ווילדע העצעס קעגן אלע חרדים, אין וועלכע גדר גייט דאס אריין?

און ווען די פרייע באפאלן און אטאקירן פרומע קינדער, אינגעלייט און פרויען ווערט דאס קיינמאל נישט באריכטעט אין זייער פרעסע, אין וועלכע גדר גייט דאס אריין?

די ליסטע איז זייער לאנג, אבער איינער וואס זעט נישט יעצט קיין רדיפת הדת אין א"י, איז גאר נידעריג און אנגעליינט מיט כל זוהמה וטומאה, און ס'איז א שאד זיך צו טענה'ן.

לאנצוט » 11/1/2012 22:22

KJ כתב:[בילד – נישט אפגעהיט]
למשל ווען מ'צווינגט חרד'ישע סאלדאטן צו הערן און זען קול באשה, אין וועלכע גדר גייט דאס אריין?
ענטפער: קאטעגאריע 1. - אבער פארוואס גייט ער אין מיליטער לכתחילה? ווייל ער איז א נחל-חרדי'ניק.

ווען מ'וויל ארויפצווינגען אויף די חרד'ישע געגנטער געמישטע באסעס אקעגן די רצון פון די לאקאלע איינוואוינער און די וואס נוצן דעם באס, אין וועלכע גדר גייט דאס אריין?
ענטפער: קאטעגאריע 2. פינקט ווי מ'הייסט גיין אין ניו יארק סאבוועי געמישטע זיצן.

אבער פאפ זיך נישט, און פאפ מיך נישט. רוב פאסאזשירן זענען דאך חרד'ישע אידן וועלכע ווילן באמת זיצן אפגעטיילט, צי וואס דארף מען אריינשפילן און זיך רייצן מיט א חצופה. איז נישט וויליאסמסבורג-בארא פארק באס געווען די זעלבע זאך.

ביטע זיי רעאליסטיש.

ווען עס איז פארהאנען א סיכסוך צווישן א פרייע און א פרומע וועט מען דעם פרומען ארעסטירן און דער פרייער ווערט נעבעך די קרבן, אין וועלכע גדר גייט דאס אריין?

ענטפער: וועלכע סארט סכסוך. ווי א עקסידענט אדער איבער פארברענען א מיסט קאסטן?

ווען א פרומער איד זאגט פאר א פריצות'דיגע געקליידעטע אידישע שיקסע וואס זעצט זיך אין די מענער אפטיילונג פון א מהדרין באס "פרוצה", בשעת זי האט געשריבן אויף א סאשעל וועבזייטל א טאג בעפאר אז זי גייט מאכן פראוואקאציעס, ווערט דער חרדי ארעסטירט, אויף וואס? אויף נישט ווייניגער ווי "מנוולישע אטאקע", אין וועלכע גדר גייט דאס אריין?

ענטפער: אויב די פרוי וועט מאכן א קלאגע אויף דעם פערזאן וואס האט מוחה געווען, און זי וועט זאגן אז ער האט געשפיגן, וועט מען אים ארעסטירן. - דאהי אין ניו יארק, אז א פרוי מאכט חלילה א קלאגע קעגן סיי-וועמען, ווערט  יענער זאפארט ארעסטירט. יא ליידער.

דאהי אין ניו יארק וועט מען ארעסטירן דאזענס מענטשן אויב אפאר שקרים און שחצנים וועלן "באקן מעשות" אז מ'האט אויף זיי געשפיגן.

ווען יעדער הויכע גענעץ פון חרדים ווערט באריכטעט אין די פרייע פרעסע טאג טעגליך פאר די לעצטע וואכן, באגלייט מיט שקרים און בלבולים מיט ווילדע העצעס קעגן אלע חרדים, אין וועלכע גדר גייט דאס אריין?

ענטפער: ליידער האלט מען שוין יעצט ביי די נאכווייען. דער חורבן איז שוין ליידער געמאכט געווארן דורך קינדער. פינקט ווי ביי די אם המרעיבה. אויב קומען אן "היציגע פערשוינען" און טוען ווילדע אקציעס, וועלן די פרייע עוקרי הדת אפענטפערן און עס וועט פלאקערן. - יעצט איז א שעת חירום. עס איז נישט געווען קיין גיוס בנות געזעץ, עס איז נישט געווען קיין חיטוטי שכבי געזעץ.

און ווען די פרייע באפאלן און אטאקירן פרומע קינדער, אינגעלייט און פרויען ווערט דאס קיינמאל נישט באריכטעט אין זייער פרעסע, אין וועלכע גדר גייט דאס אריין?

ענטפער: לייען אויבערשטע תגובה ביטע.

די ליסטע איז זייער לאנג, אבער איינער וואס זעט נישט יעצט קיין רדיפת הדת אין א"י, איז גאר נידעריג און אנגעליינט מיט כל זוהמה וטומאה, און ס'איז א שאד זיך צו טענה'ן.

ענטפער: יעצט זעט יעדער. אבער דא איז נישט געווען קיין קאטעגאריע איינס, און נישט קיין קאטעגאריע צוויי.

KJ » 11/1/2012 22:28

איך האב נישט קיין צייט זיך שטיין טענה'ן אגאנצן טאג, די "אם המרעיבה" איז נאך א גוטע משל פון גרויליגע רדיפת החרדים, הגם דו ווייסט נאר די צד פון די פרייע, דו קוקסט אויס גוט אנגעליינט, און דיין רשעות פון איר אנרופן מיט דעם נאמען איז א חלק פון דיין פארטעמפטקייט צו די ברענענדיגע מצב אין א"י.

דו ספינסט זייער גוט, אבער מיין מסקנא איז מער ווינציגער דער קלארער ענטפער אויף דיין לאנגע מגילה,  איינער וואס זעט נישט יעצט קיין רדיפת הדת אין א"י, איז גאר נידעריג און אנגעליינט מיט כל זוהמה וטומאה, און ס'איז א שאד זיך צו טענה'ן.

לאנצוט » 11/1/2012 22:35

KJ כתב:[בילד – נישט אפגעהיט]
איך האב נישט קיין צייט זיך שטיין טענה'ן אגאנצן טאג, די "אם המרעיבה" איז נאך א גוטע משל פון גרויליגע רדיפת החרדים, הגם דו ווייסט נאר די צד פון די פרייע, דו קוקסט אויס גוט אנגעליינט, און דיין רשעות פון איר אנרופן מיט דעם נאמען איז א חלק פון דיין פארטעמפטקייט צו די ברענענדיגע מצב אין א"י.

דו ספינסט זייער גוט, אבער מיין מסקנא איז מער ווינציגער דער קלארער ענטפער אויף דיין לאנגע מגילה,  איינער וואס זעט נישט יעצט קיין רדיפת הדת אין א"י, איז גאר נידעריג און אנגעליינט מיט כל זוהמה וטומאה, און ס'איז א שאד זיך צו טענה'ן.



אם המרעיבה איז דער נאמען פון די פרשה, ווי א טשיילד אביוז קעיס.
און דיין נישט ענטפערן אויף אלע מיינע פוינטס צייגט אויף דיין לערליכע טענות.

ווייל דא אין ניו יארק סטעיט ווען אזוינס קומט פאר, איז דא 50 ארעסטירטע. כאטש וואס מ'דארף נאך אלץ טוען אלעס פאר פדיון שבויים, איז דאס נישט קיין קאטעגאריע 2, און אוודאי נישט קיין קאטעגאריע 1.

ודי בזה.

[נ.ב. כבר גליתי דעתי שבענין כפירה ומינות, ומי לכנות בשם אפיקורס, יש לנו הי"ג עקרים ממרן הרמב"ם ז"ל, וכל דברי הליצים מ'היידפארק הם בטלים ומבוטלים, לא שרירין ולא קיימין].

הנ"ל

לאנצוט » 11/1/2012 22:46

כדי אויפצופרישן דעם זכרון וועל איך אויפברענגען ברמז, א פרשה וואס איז פארלאפן מיט היפשע יארן צוריק דא אין אמעריקע, און ברענגען אן אנאלאגיע וויאזוי אזא פרשה וואלט זיך אפגעשפילט אין ארץ ישראל.

עטליכע געמיינע באנדיטן פון חסידיש'ן קרייז (איך וועל נישט זאגן וועלכע קרייז), האבן אונטערגעשטעלט אן ערלית, צו זאגן אז א געוויסער פערזאן האט איר אביוזד אויפן עראפלאן.

מ'האט ארעסטירט דעם חשוב'ן איד און דעם באגלייטער און צום סוף האט עס געקאסט תפיסה רח"ל.

דאס האט פאסירט דאהי אין דעם מלכות של חסד הנקראת אמעריקע, וואס דארף זיך גארנישט שעמען פאר רוסלאנד.

יעדער האט געוואוסט אז די מעשה איז שקר. יעדער האט געוואוסט אז פאר געמיינע רוצחים האבן עס אונטערגעשטעלט, אבער מ'האט געמאכט א סעטלמענט און די פרשה איז אראפ פון טיש.

אין ארץ ישראל וואלט פארגעקומען ווילדע דעמאנסטראציעס, עס וואלט געווען א וועלט מלחמה. און די היידפארק ליצים KJ, דזשיגאן און עם הארץ'ל וועלן מיך באלד באזינגען אלס אן אפיקורס וכופר ועוד ועוד ועוד.



פארוואס:
ווייל  מ'האט נישט וואס צי ענטפערן.

משפטים » 12/1/2012 02:33

ר' לאנצוט,

איר זענט זייער גערעכט מיט אייערע פראגעס,
און די וועלכע רייסן דיך אראפ ווי אפיקורוס וכדו' זענען נישט גערעכט, ווייל עס איז אזוי ווי דו זאגסט זיי האבן נישט וואס צו ענטפערן.

אבער אין דער אמת'ן, דו, אזוי אויך די וואס האבן נישט וואס דיר צו ענטפערן, איז דער פראבלעם ווייל איר זענט נאך זייער ווייט פון צו וויסן גענוי וואס עס גייט פאר אין ארץ ישראל, דערפאר זענען דיינע פראגעס בעיקר געשטעלט דורך צוגלייכן צו אמעריקע, און דו טענה'סט אז אויך אין אמעריקע אין מלכות של חסד וואלט מען נישט פארשוויגן פאר דעם און מען וואלט איינגעשפארט אסאך אידן.

לאמיר אנכאפן דעם ביישפיל פון "טשיילד אביוז" וואס דו האסט געברענגט, ווען אין ניו יארק וואלט די פאליציי ארעסטירט א מוטער ח"ו צוליב טשיילד אביוז מיט איר קינד (לאמיר זאגן אפילו עס וואלט ח"ו געווען אמת), וואלט מען איר געפייניגט אין תפיסה? מען וואלט איר נישט צוגעלאזט קיין לויער?

די פרוי מרקוביץ (ווי דו רופסט איר "אם המרעיבה") וועלכע מ'האט איר חושד געווען אז זי האט געפייניגט איר קינד, און איר שולד איז געווען ווייל זי איז נערווען קראנק ח"ו, און דאס אלץ נאך פאר דעם באשולדיגן און אויפווייזונג, נאר אלץ חשד, וואס פארא פיינוגען זי איז דורכגעגאנגען, וואס פארא יסורי גיהנם זי האט געליטן דארט אין תפיסה, וואס זיי טוען דאס נישט אפילו פאר די גרעסטע רוצחים, נאר אמאל פאר די גרויסע מחבלים אראבער, וואס ווען אזא זאך וואלט פאסירט אין אמעריקע, וואלט די גאנצע מידיא אפילו די גוי'שע וועלט אויפגעטרייסלט, א זאך וואס מען האט דאס געהערט נאר אין די קומניסטישע רוסלאנד, און אין אינקוויזיציע. - אבער דא האבן די ציונים געהאט צוטאן מיט חרדישע פרוי, (עס איז צו באריכות מסביר צו זיין וואס איז געווען זייער ציל מיט איר פייניגן, אפשר אין אנדערע געלעגנהייט).

לאמיר רעדן בקיצור וועגן דעם ענין פון די באסעס:
די באסעס מהדרין זענען נישט היינט געעפנט געווארן, עס איז שוין מער פון צען יאר, אנגעהויבן האט זיך דאס טאקע דערפאר ווייל די שטאטישע באסעס זענען געווען זייער אויסגעלאסן און פריצות'דיג, האבן די חרדים אפגעדונגען באסעס פון עטליכע פרייוועט קאמפעניס, מיטן ציל צו זיין אפגעזונדערט פון די פרייע באסעס, און עס איז געווען שטרענג איינגעפירט אז די מענער זיצן פון פאראנט און די פרויען פון הונטן, פארשטייט זיך אז אין אזעלכע באסעס קען קיינער זיך נישט אריינמישן, עס איז אינגאנצן פרייוועט, און וועלכע פרוי זי וויל נישט איינהאלטן די תקנות האט נישט קיין רשות ארויפצוגיין אויף דעם באס.

די שטאטישע באסעס "אגד" קאמפעני האט זיך געכאפט וואס דא טוט זיך, זי האט אנגעהויבן צו פילן אז זי דערלייגט גרויס געלט, די חרדישע אידן פארנעמען דאך א גרויס צאל אין די באסעס, האבן זיי אנגעהויבן צו פארפירן ביי די רעגירונג אז מ'זאל דאס מער נישט צולאזן, ווייל נאר זיי אליין מעגן האבן די שטאטישע באסעס, בקיצור עס האט זיך געטוהן משפטים ביז די רעגירונג האט מסכים געווען אז די "אגד" באסעס זאלן צושטעלן באזונדערע באסעס פאר די חרדים, און זיי וועלן זיין אפגעטיילט מענער מיט פרויען אזוי ווי די געדינגענע פרייוועט באסעס, און עס האט זיך גערופן "קו מהדרין", און נאך מער, די דרייווערס פון די געדינגענע פרייוועט באסעס האבן פארפירט אז מען נעמט זיי צו זייערע פרנסות, האט די "אגד" קאמפעני מסכים געווען זיי אריינצונעמען ביי זיי, און זיי זאלן דרייוון די "קו מהדרין", און אזוי איז דאס אנגעגאנגען די לעצטע יארן.

ויקם מלך חדש, עס האט זיך אויפגעשטעלט אפאר אויסגעצייכנטע באוואוסטע רשעים די להכעיס'דיגע, און זיי האבן נישט געקענט צוקוקן ווי אזוי די ערליכע אידן פירן זיך א שיין באשיידענע לעבן, (עס איז צו אן אריכות פארוואס דאס האט זיך יעצט אנגעפאנגען, דער עיקר איז וואס זיי האבן געזעהן אז די חרדים נעמען איין גאנצע שטעט און זיי צו וואקסן זיך זייער שטארק, ווי עס שטייט אין די וואכעדיגע סדרה ובני ישראל פרו וישרצו וירבו ויעצמו מאד מאד, אז אט אט פארלירן זיי זייערע גאנצע מדינה, ויאמר פרעה הבה נתחכמה לו וגו'), און זיי האבן אנגעהויבן צו פארפירן מיט א נייעם אויסגעטראכטן בלבול "הדרת נשים", דאס מיינט מ'טוט גרינגשעצן אין די נשים, ווי למשל מ'צווינגט זיי אויף די באסעס צו זיצן הונטן א.ד.ג. בקיצור, ביז דער בג"ץ האט גע'פסק'נט אז אין די שטאטישע באסעס טאר מען נישט זאגן פאר די פרויען וואו צו זיצן, יעדע פרוי קען זיצן וואו זי וויל, און זיי האבן להכעיס ארויפגעשיקט אויסגעלאסענע פריצות אויף די "מהדרין" באסעס, זיי האבן זיך געזעצט פאראנט צווישן די מענער, כדי אנצומאכן א טומל, און די חרדישע אידן האבן גע'טענה'ט צו די רעגירונג אויב איר ווילט נישט מיר זאלן איינטיילן פאר די פרויען וואו צו זיצן, איז פארוואס לאזט איר אונז נישט דונגען אייגענע פרייוועט באסעס, פארוואס צווינגט איר אונז צו פארן נאר מיט די שטאטישע באסעס.

וואלט דען אין אמעריקע געווען אזא זאך, וואלט אין אמעריקע געווען אזא זאך אז מ'טאר נישט פארן מיט פרייוועט באסעס ווי למשל די באסעס פון מאנרא קיין וומס"ב.

איך האב דאס ארויסגעברענגט זייער בקיצור, ווייל עס ליגט אין דעם נאך אסאך טיפער, אבער די צייט ערלויבט מיר נישט פאר קיין אריכות, און דאס איז נאר דער ענין פון באסעס.

און וועגן די אנדערע ענינים אי"ה אין אנדערע געלעגנהייט.

א גוטע נאכט.

לאנצוט » 12/1/2012 17:39

הרב משפטים,

איך טראכט אז מ'דארף מאכן א שהחיינו בשם ומלכות צו הערן דא נארמאלישע לאגישע רייד, בטוטו"ד אן קינדישע עפיטעטן וכו'.

איך האב שטארק הנאה פון די כראנאלאגיע אוו עווענטס ווי מ'זאגט אין ענגליש און עס איז באמת קילורין לעינים צו זעהן די אונטערלאגע פון די געשעענישן, וואס זענען היפש אומבאקאנט געווען פאר מיר, און מעגליך פאר רוב אנדערע ליינער און שרייבער דא אויפן פורום.

פון די אנדערע זייט זעה איך אבער אז דעם ענין פון די קאטעגאריע 3 סארט מחאות, ווי למשל די קרתא פארקינג לאט און אנדערע ענליכע אנשיקענישן האסטו נאך נישט בארירט, קען זיין אז דאס וועט זיין אין א קומענדיגע סעריע.

מיין פאינט איז אז די קאטעגאריע 3 (ווי איך רוף עס), זענען אזעלכע פלאגן וואס צייגט אז די מדינה וויל אויסרייסן די תורה, אבער איז נאר א פראבלעם פאר די וועלכע ווילן מאכן די "אפיקורסישע מדינת הציונית" פאר א מדינה על פי תורה".

לויט מיין קוק ווינקעל איז די מדינה דורכגעבאקן טריפה און א שטיקל עקירת הדת בכל פרטיה ודקדוקיה, מן המסד ועד הטפחים, מכף רגל ועד ראש, און איך וועל גארנישט באקליגט ווערן אז די אפיקורסים וועלן עס מאכן מער פענסי "על פי התורה". ווייל עס איז געבויט אויף אויסצורייסן תורת משה און מציאות הבורא און דעם עם הנבחר. ממילא וואס אינטרעסירט מיר צי זיי עפענען א פארקינג לאט אדער נישט.

וואס אינטרעסירט מיר אז די כופרים פרעסן חזיר און עסן חמץ גמור בפסח, איז דאס "מיין" פראבלעם?
דארף איך פראטעסטירן און מאכן מחאות קעגן זייער חילול שבת?

און טאמיר איך וועל שוין יא געווינען און זיי וועלן אפשפארן די קרתא פארקינג לאט און וועלן פארמיידן דעם דאזיגן חילול שבת איז יעצט דער חרון אף א טראפ קלענער.

מאנכע זאגן אז מ'דארף קעמפן פאר "קדושת ירושלים" און דערפאר פארברענט מען די מיסט קאסטענס און מ'שיסט אויס די רעד לייטס - פון וועלכע קדושת ירושלים רעדן זיי?

דערפאר קום איך נאכאמאל צי אז לדעתי דארף מען בלויז קעמפן פאר די קאטעגאריע איינס, וואס זענען גזירות נוראות צו צווינגען אידן אויף העברת הדת אפילו אויף א מנהג קל, עאכו"כ אויף א דרבנן. אויף דעם דארף מען ארויסגיין במלחמה אדירה ביז מ'וועט אי"ה אויספירן, אבער אויף אלע אנדערע זאכן וואס "שמעקט" פאר אנדערע צו האבן "מהדרין באסעס" ווי קיין שום פרוי "טאר" זיך נישט זעצן פארנט, האט נישט קיין זין זיך צו שלאגן, ווייל ביי חיים פריינד'ס באסעס, אויב א מרשעת זעצט זיך אין פארנט קען מען איר אויך "לעגאל" נישט הייסן גיין אין די בעק.

נאכאמאל א דאנק פאר דיין אינטעליגענטע אויפקלערונג. ממך ילמדו וכן יעשו.
תחזקנה ידיכם.

וויכטיג » 12/1/2012 19:29

איך האב נישט געוואלט דא אריינרעדן וויבאלד ס'האט נישט אויסגעזען ווי איינער האלט ביים פארשטיין וואס מ'רעדט צו אים, אבער אויב איז טאקע אזוי און לאנצוט האט פשוט תמימות'דיג נישט געוואוסט פון וואס מ'רעדט דא, וועל איך אויך אריינווארפן מייינע צוויי צענט...

מיט די קרתא פארקינג לאט פארשטיי איך אויך נישט פונקטליך וואס די מערכה איז, אבער אזויפיל זעה איך, אז ביד"ץ האט עמטליך פאררופן דארט מחאות, מן הסתם איז דאס גענוג נאנט צו די היימישע געגנט אז זיי זאלן דאס אנקוקן ווי פירצות בחומת שבת אין די היימישע געגנט, די חילול שבת דארט ווערט געטון דורך אידן, נישט גויים, ס'שוואכט זייער אפ די שבת ווען מ'זעט אין היימשיע געגנט אפענע חילול שבת, ירושלים'ער גאסן זענען פארשפארט גאנץ שבת צוליב די 99% חרדי'שע אידן וואס פארנעמען די געגנט...

אבער בנוגע די מערכה מיט די וויליאמסבורג ב"פ באס איז שווער צו פארשטיין וויאזוי די כאפסט נישט וואס דאס מיינט, וואס וואלטן אמעריקאנער אידן געטון אויב קומט ח"ו ארויס א גזירה אז מאנסי, מאנרא, ווימס"ב-ב"פ באס קאמפעניס טארן נישט האלטן אפגעזונדערט די באסעס? נישטא קיין ווערטער, די וויי געשריי וואלט געגרייכט ביז וואשינגטאן אדער האג..

דאס זעלבע וואס איינער האט דערמאנט בנוגע די אנפאלן פון "אינדיווידועלע" פרומע אויף פרייע ווערט צובלאזן און מענטשן ווערן ארעסטירט רעכט און לינק, און ווען ס'איז די זעלבע  אנפאל אויף חרדים אדער נאך ערגער שטעלט די פאליציי טויבע אויערן, און דאס זעלבע מיט די פרייע פרעסע און מידיא, זיי פייפן און בלאזן אגאנצן פון א פאל ווי איין צו'חוש'טער האט אנגעבליך געשפיגן אויף א קליין נישט צניעות'דיג מיידל, און זיי רייסן אראפ אלע חרדים צוויי וואכן צייט פאר די אומדערהערטע עולה, און ווען אידישע קינדערלעך ווערן אנגעשפיגן און צושלאגן וועט מען דאס נישט טרעפן פאר קיין געלט אין זייער העסליכע מידיא, ס'איז נאך קיינמאל נישט געווען אזוי אנגעצויגן פאר א ערליכע איד צו וואוינען אין ארץ ישראל..

לאנצוט » 12/1/2012 19:50

וויכטיג כתב:[בילד – נישט אפגעהיט]
איך האב נישט געוואלט דא אריינרעדן וויבאלד ס'האט נישט אויסגעזען ווי איינער האלט ביים פארשטיין וואס מ'רעדט צו אים, אבער אויב איז טאקע אזוי און לאנצוט האט פשוט תמימות'דיג נישט געוואוסט פון וואס מ'רעדט דא, וועל איך אויך אריינווארפן מייינע צוויי צענט...

ענטפער: א דאנק פאר דעם.

מיט די קרתא פארקינג לאט פארשטיי איך אויך נישט פונקטליך וואס די מערכה איז, אבער אזויפיל זעה איך, אז ביד"ץ האט עמטליך פאררופן דארט מחאות, מן הסתם איז דאס גענוג נאנט צו די היימישע געגנט אז זיי זאלן דאס אנקוקן ווי פירצות בחומת שבת אין די היימישע געגנט, די חילול שבת דארט ווערט געטון דורך אידן, נישט גויים, ס'שוואכט זייער אפ די שבת ווען מ'זעט אין היימשיע געגנט אפענע חילול שבת, ירושלים'ער גאסן זענען פארשפארט גאנץ שבת צוליב די 99% חרדי'שע אידן וואס פארנעמען די געגנט...

ענטפער: דו זאגסט אז דער חילול שבת ווערט געמאכט דורך אידן. איך הער אבער דערהער נישט. זיי זענען כופרים בתורת משה, און זענען גוים גמורים נאר מזרע ישראל. וואס זאגסטו דורך אידן, מורידין ולא מעלין, און האבן מיט כלל ישראל נישט קיין שייכות. ובכן צי וואס דארף מען מוחה זיין אדער מאכן געוואלדטאטן און אויסשיסן רעד לייטס ווייל אפאר מחללי שבת וועלן דארט פארקן די קארס. זיי זענען מחלל דעם שבת קודש מבואו ועד צאתו, און וואס האט דאס מיט חרד'שע אידן. וועל איך פראטעסטירן ווען איך זעה פרייע חברה דאהי אין ניו יארק זענען מחלל דעם שבת.

אין ביך אין א קאנטרי וואס א בלאק אוועק פון מיין קאנטרי געפונען זיך רוסישע אידן מחללי שבת בפרהסיא. איך האב שוין מערערע מאל זיי געזאגט וועגן שבת, און עס טוט מיר באמת וויי, אבער וועט מיר איינפאלן צו גיין שרייען און מאכן מחאות.

די מדינה איז א מדינה פון כפירה ומינות. נישט קיין אידיש לאנג. פינטל.

אבער בנוגע די מערכה מיט די וויליאמסבורג ב"פ באס איז שווער צו פארשטיין וויאזוי די כאפסט נישט וואס דאס מיינט, וואס וואלטן אמעריקאנער אידן געטון אויב קומט ח"ו ארויס א גזירה אז מאנסי, מאנרא, ווימס"ב-ב"פ באס קאמפעניס טארן נישט האלטן אפגעזונדערט די באסעס? נישטא קיין ווערטער, די וויי געשריי וואלט געגרייכט ביז וואשינגטאן אדער האג..

דאס זעלבע וואס איינער האט דערמאנט בנוגע די אנפאלן פון "אינדיווידועלע" פרומע אויף פרייע ווערט צובלאזן און מענטשן ווערן ארעסטירט רעכט און לינק, און ווען ס'איז די זעלבע  אנפאל אויף חרדים אדער נאך ערגער שטעלט די פאליציי טויבע אויערן, און דאס זעלבע מיט די פרייע פרעסע און מידיא, זיי פייפן און בלאזן אגאנצן פון א פאל ווי איין צו'חוש'טער האט אנגעבליך געשפיגן אויף א קליין נישט צניעות'דיג מיידל, און זיי רייסן אראפ אלע חרדים צוויי וואכן צייט פאר די אומדערהערטע עולה, און ווען אידישע קינדערלעך ווערן אנגעשפיגן און צושלאגן וועט מען דאס נישט טרעפן פאר קיין געלט אין זייער העסליכע מידיא, ס'איז נאך קיינמאל נישט געווען אזוי אנגעצויגן פאר א ערליכע איד צו וואוינען אין ארץ ישראל..

ענטפער: לויט מיין אינפארמאציע איז עס נישט קיין גזירה אז עס טאר נישט זיין אפגעזונדערט. ניין. עס איז דא א גזירה אז מ'טאר נישט אוועקשיקן א מכשיפה פון פארנט. ביי חיים פריינד'ס באסעס איז דא "לעגאל" די זעלבע גזירה. ווען א מרשעת זעצט זיך אין פראנט, טאר מען איר לעגאל נישט פארשיקן. דארף מען יעצט מוחה זיין און מאכן געוואלדטאטן קעגן די רעגירונג?

דאס זעלבע איז דא א "גזירה" אין די וומסב"ג/ב"פ באס, וואס מ'טאר נישט פארשיקן א מרשעת פון די פאדערשטע זיצן. און ס'איז שטיל, ווייל מענטשן דא "האבן שכל" און מ'רייצט זיך נישט, און די וועלכע ווילן דוקא זיצן אין פראנט ווען זיי זעען אז מען איגנארירט זיי, טראגן זיי אפ ווי די שווארצע פעפער.


נאכאמאל, אפשר ווען איך וואלט דארט געוואוינט וואלט איך געזען אסאך זאכן אנדערש, אזוי ווי משפטים האט מסביר געווען מיט די פרוי מארקאוויטש (טשיילד אביוז קעיס), אבער פונעם פערספעקטיוו פון ניו יארק, אז מ'הערט אז איינער ווייספיש האט פארברענט א טריפה'נע סטאר און מ'האט אים דערפאר ארעסטירט, זעה איך נישט קיין ספעציעלע גזירת כלי', ווייל דא אין ניו יארק וועט מען אויך ארעסטירן וועמען מען כאפט (אדער מען מאכט א בלבול) אז איינער האט פארברענט א געשעפט.