הרחבת גבולי הקדושה: קיט''ל מאנטריאל גומר מקח אויף 2 גרויסע בנינים
מסיבת לחיים לרגל גמר המקח אין קהלתינו הק' אין מאנטריאל
אצינד קומט דער פרייליכער באריכט, אז נאך איבערמידליכע ארבעט פון לאנגע וואכן אין חדשים, האבן קהלתינו הק' אין מאנטרעאל געשלאסן דעם מקח אויפן שכינות'דיגן בנין הארט נעבן בית מדרשינו המפואר בית שמואל בנימין, אין צוגאב צום בנין בית מדרשינו וועלכע ווערט געשלאסן מקח אין די איצטיגע טעג.
די צוויי בנינים אינאיינעם וועלן בעז"ה אוועקגעשטעלט ווערן אלס: צענטראלער מקום תורה ותפילה / הרחבה'דיגער ביהמ"ד החדש / עזרת נשים / היכל התורה מקוה מפוארה. לתפארת קהלתינו הקדושה!
לרגל די גרויסע שמחה פונעם גמר המקח איז נעכטן - דאנערשטאג פארקומען א גרויסארטיגער מעמד "מקח"ה של תורה" ומסיבת לחיים רבתי, בהיכל בית מדרשינו המפואר בית שמואל בנימין.