היינטיגן חודש אב ווערט אפגעצייכענט 10 יאר זינט דער שליח לדבר עבירה פון ר' אהרן טייטלבוים, דער מסור יוסי בראך האט אריינגעשלעפט ק"ק סאטמאר אין ערכאות של עכו"ם אויף א שענדליכן פארנעם אן קיין שום היתר בית דין. דער כת וואס האט נישט געהאט קיין שום ציהל אויף די וועלט חוץ צו באפרידיגן זייער אויסגעשפילטן מנהיג דעם עם הארץ, האט פארלאנגט אז דער געריכט זאל ארויסגעבן א 'ריסטרעינינג ארדער', ד.ה. א אפהאלט פון אפעראציע אויף אלע סאטמארער מוסדות און אינסטוטוציעס. דער גאנצער עיקול האט ב"ה אנגעהאלטן קוים אפאר שעה, און דאס איז נאר געווען פון די ערשטע און קליינע פאזע פון דעם לענגערן חיי שעה שפיל.
זינט יענעם טאג האבן זיך די הליכה לערכאות און מסירות נישט אויפגעהערט פאר אפילו איין טאג, ווען דער קלימאקס איז געווען דאס רופן לערכאות דעם רבי'ן דער ברך משה זצ"ל באחרית ימיו.
ליידער האבן זיי נישט חוזר געווען ממעשיהם הרעים, און אין די טעג אריינגעגעבן א פרישע קלאגע, אן קיין שום היתר בית דין, מיט קיין שום שייכות צו פריערדיגע געריכטן, וואו זיי פארלאנגן דאס בעלות אויף די פיר קעמפ'ס מחנות רב טוב. די קלאגע איז אריינגעטראגן געווארן באגלייט מיט העסליכע מסירות קעגן די ראשי הקהלה און מנהלי הקעמפ'ס.
צו די זעלבע צייט שטעלט מען דעם פנים ווי א נרדף, און מ'פראקלאמירט וואך איין וואך אויס אין בלאט מיט א הייסע בקשה צום צד שכנגד זיי זאלן זיך שטעלן צו די דין תורה. דאס פנים פלאמט פאר בושה ווען מ'זעט ווי ווייט אחב"י האבן זיך דערקייקעלט פאר ביליגע תאוות אני אמלוך. אפגערעדט פון דאס ליצנות וואס ווערט געמאכט פון דעם מושג דין תורה, נאר דאס פשוט און פראסטע הליכה לערכאות וואס ווערט פראקטיצירט מידי יום ביומו אויף א שטייגער וואס איז נאך קיינמאל בעפאר געווען אין די אידישע היסטאריע.
היינטיגן מאנטאג, חמשה עשר באב, גענוי צען יאר פון די ערשטע הליכה לערכאות פון דעם כת, וועט פארקומען דער ערשטער זיצונג אין געריכט דן צו זיין איבער די קעמפ'ס.
עס איז אומגלויבליך. די אהרונים זינגן אפיציעל דעם ניגון אז מיר זענען אזא צופרידן פאלק, מיר האבן די גרעסטע בעסטע מוסדות, קהלה און רבי, מיר זענען נאר פארנומען צו בויען אונזער חסידות און גארנישט מער. אבער דער "וכל זה איננו שווה לי" פלאמט זיך אויף ביי זיי יעדע שטיק צייט. לשטיתך בוסטו דאך דער גרעסטער געווינער פון יאר הונדערט, טא וואס גייט דיר אן אז דער קליינער ברודער, דער פיצי רבי מיט פיצי מוסדות און קהלה האט אין זיין באזיץ פיר פיצי קעמפ'ס, וואס אלע צוזאמען קומען נישט צו צו די גרויסקייט פון דיין קעמפ?
האט זיי שוין אבער דער כלב אהרן געלערנט אז ניין, איך קען האבן אלעס אין די וועלט, ווילאנג יענער האט נאך עפעס, נישט קיין חילוק וואס, איז מיר דאס גאנצע לעבן נישט ווערט.
(נישט פארגעסן, דאס איז דער זעלבער מחנה רב טוב וואס די כלב אהרן'ניקעס האבן געגארעט פארן זומער אז דאס איז א עקעלדיג פלאץ, פארשטינקענע מאטראצן און געמיינע עסן...)
יעצט באקומען דעם באריכט אז דער ריכטער האט געלאזט די קעמפס אויפן נאמען פון "מחנה רב טוב" און האט דערווייל זיך אויסגעלאכט פון די נארוינימס געשרייען און האט נישט צוריקגעדרייט ווי זיי האבן פארפירט.
השי"ת זאל העלפן אז המה כרעו ונפלו ואנחנו קמנו ונתעודד.
AnashSatmar: BREAKING: all the deeds of the Williamsburg
buildings that the Zaly's transferred from Cong. Yetev Lev to a
different name, are BACK to CYL!
איך געדענק נאך די צייטן פון די בעדפארד ראזענבערג דירות מיט בערך 25 יאהר צוריק. ווען ידידינו ר' בערל האט זיך געגרויסט אין בית המדרש. איך האב דעם רעבי'ן אין פאקעט.
ווייל דעם בית החיים אין ק"י האט א ריכטער געזעלבסשטענדיגט אז דאס איז לעגאל געטרענספערט.
אין קהל יטב לב זענען צד מהר"א - לעגאל - די זעלבע בעלי בתים ווי צד מהרי"י, דעריבער קענען זיי פונקט אזוי איבערשרייבן, דער געריכט האט שוין עטליכע מאל קלארגעשטעלט אז זיי מישן זיך נישט אין דעם קאנפליקט.
ווילאנג דאס וועט נישט אריבער גיין קיין דין תורה, שטייט צד מהרי"י טעגליך אין א ספק אז זייערע געביידעס זאלן פארשלאסן ווערן.
מורא'דיג קלוגער ספינער. מ'רעדט פון הודו ענטפערט ער פון כוש. די אהרונים האבן געמאכט עטליכטע פרואוון צו פארכאפן דעם קעמפ, קודם זענען זיי געגאגגען אין געריכט (וואס אויף דעם האט שוין לאנצוט געגעבן א היתר אויפן ערשטן בלאט פון דעם אשכול), ווען דער געריכט האט זיי גארנישט געברענגט האבן זיי פרובירט שפיצלעך ביים העלט דעפארטמענט אז זיי זאלן נישט ארויסגעבן די נויטיגע פערמיטן, און דאס האט מען בחסדי השם היינט אויך דורכגעבראכן.