ויקם דזשיגאן חדש = סקווירא

איך ענטפער נישט געווענטליך אויף אזעלעכע דברי טיפשת, אבער יעצט איינמאהל וועל איך ענטפערן, און נאך די איינמאהל, קענסטו מגיב זיין וואס די ווילסט, איך וועל בל"נ נישט ענטפערן,

קודם ווילן מיר דיר זאגן, ווערסט נאך נישט פארעכענט פאר אזא גרויסע חכם מיט דיין שפראך,
פארוואס?
ווייל כבר קדמוך, דער שפראך איז שוין אלט עטלעכע 30 יאהר, ווען בעלזא האט דאס געשריבן און מחנה החרדי יעדע וואך, 
ווערסט יא פארעכענט אלס א חלק פון די וואס האבן דעם רבין אזוי געוואלט אראפ מאלן, אבער ווילאנג ער האט געלעבט און די ריכטיגע מציאות פון די קדושה איז געווען מיט אינז, האבן זיי נישט געהאט קיין הצלחה דערמיט,

שפעטער ווען דיין רבי האט געוויזען א סעמפעל ווי אזוי מען טוט אפ רשעות מיט כל מיני פסלנות'ער, און מען ריפט דאס קנאות, אט דאס האט געגעבן די פתחון פה פאר די אלע אויבען דערמאנטע, 

און קורצן, 
דעס לעבן און שאפן פון אלע אמת'ע קנאים איז געווען אנגעפילט מיט צדקה וחסד, די אלע צדיקים וקדושים פון די אנגארישע חדר וואס האבן געפירט פארשידענע מערכות למען כבוד שמו יתברך, די זענען צי די זעלבע צייט אויס געגאנגען פאר א צווייטע איד, זיי האבן זיך מצער געווען בצערתן של ישראל, און זיך געפרייט בשמחתן, זיי האבן געטון אסאך מער ווי זייער מעגליכקייט צי העלפען א צווייטן איד, און זייער גאנצע לעבען איז געווען ווי א קייט פון צדקה וחסד, און ווען זיי האבן זיך באניצט מיט קנאות איז געווען ניכר מתוך מעשיהם אז עס איז לשם שמים, און נישט קיין אייגענע אינטערעסן,

משא"כ די היינטיגע חתנים דינן איז זייער לעבן און שאפן אנגעפילט מיט רשעות א קעגען פירוואטע מענטשן, פערזענליך, זיי האבן שוין יורד געווען לחיים און ציגרונד געלייגט אן א צאהל משפחות, א פשוט'ע אמשילדיגע טובה (אן פראפעגאנדע) פאר א צווייטע איד איז פון זיי נאך נישט ארויס געקומען, זיי רעדען ביי א יעדע געלגנהייט נאר פון זיך מיך איך, און עס איז ניכר ממעשיהם הטובים אז דא רעדט זיך פשוט און פראסט פון שלעכטע מענטשן מיט שלעכטע אום אויסגעארבעטע מידות, מידות נשחתות, זיי זענען דא נאר זיך צי פאשענען, און אראפ רוימן וועם אימער עס שטייט זיי און וועג,

דרך אגב הער איבער די טעפ פון די מיטונג ביי די פרשה פון די שווארצע, וועסטו זעהן, אז מען האט קיינעם נישט בפועל ארויס געווארפן פון בית המדרש, מען האט זיי אויסגעשלאסן פון קהל, און מען האט געבעטן דעם עולם אז ווען איינע פון זיי וועלען אריין קומען און בית המדרש זאהל קיינער אים נישט גריסן און נישט רעדען צי אים, דאס איז געווען די ערגסטע שטראף, און פרעג דיך נאך, וועסטו זען אז ווער עס האט געהאט די קעראזש אריין צי קומען און בית המדרש (און עס איז געווען איינצעלענע) האט מען אים באשטראפט נאר מיט דעם אז קיינער האט אים נישט אנגעקוקט, דאס אלעס, מען האט נישט געהויבן קיין הענט, מען האט נישט געשריגן, און אפילו נישט געשטופט, די סיבה דערפון איז, ווייל ווען מען דארף טון אזונע סארט זאכן, טוט מען נישט מער מיט איין טראפ פון וואס עס פעלט אויס, צום ציל פארוואס מען טוט עס. 

איך בין נישט מוסיף גארנישט, דאס איז קאפי פעסט פון אויבען,