מעמד הדלקה וריקודי שמחה - אשרי עין ראתה!

מי שלא ראה שמחה זו לא ראה שמחה מימיו, אלץ איינער וואס פארט גאנץ
אפט קיין מירון, און האט שוין מערערע מאל מיט געהאלטן די הילולא פון רבי שמעון
אין מירון, דארף איך אייך זאגן, אז על כל פנים לפי עניית דעתי שטייגט דאס אריבער
די חדוה עילאה עשרת מונים, דאס ווארעמקייט, געהויבענקייט,
היימישקייט, ועל כולם דאס באקוועמליכקייט איז פיל העכער
ווי אין מירון, גרייפטס מיך נישט אן, איך מאך נישט חלילה אוועק
דעם ציבור אין מירון, ווי מען רופט דאס דער "קאלירפאלער ציבור",
דארט קומען זיך צוזאם אלע ערליי אידן, אמת א שיינער ציבור טאנצט
מיט א געהויבענקייט, אבער א גרויסער חלק פון ציבור קומט סתם פאר
שוואוילטאג, דער פאדערשטער חצר איז צר מהכיל, גאר א קליין
פלאץ, און דארט ווי פארשידענע קהילות האבן די חזקות פאר זייערע
הדלקות איז על פי רוב געווארן אזא מין שוי, רוב עולם שטייט דארט
ווי ספעקטעיטערס, און באטראכטן דאס ווי סתם א קונצערט, און נעמען
בכלל נישט אן טייל אין די ריקודין של מצוה.

מה שאין כן דא אין קרית יואל, ווי איך האב נעכטין געהאט די זכי'
אטייל צונעמען אין די ריקודין, עס איז געווען א תענוג רוחני לעילא
ולעילא מיט צוהאלטן די ריקודין לכבוד התנא רבי שמעון בר יוחאי,
כמעט דער גאנצער ציבור איז ווי מיטגעשלעפט געווארן אין די
געהויבענע ריקודין, וואס איז געווען צו געשטעלט אויף א מוסטערהאפטן
פארנעם, און, יא, מען האט שוין ווייטער משנה געווען, נישט נאר פון הייליגן
בעל דברי יואל און בעל ברך משה זי''ע, נאר מען האט משנה געווען אפילו
פון די מנהגי והסדר פון בעל לב אהרן שליט''א, מען האט דאס מסדר געווען אויף א
פרישן אויסשטעל כדי צו אקאמאדירן די צענדליגע טויזענטער אידן,
וואס האט זיך ארויסגעשטעלט צו זיין א געוואלדיגער סוקסעס, 

איין קליינע נקידה, דארט ווי איך בין געשטאנען, איז געשטאנען א אינגערמאן
וואס איך בין זייער היימיש מיט זיין פאטער, נאך פון די ישיבה, און קענענדיג זיין
פאטער וואס וואוינט אין בארא פארק און איז פון די גרעסטע קעגנער צו כ''ק
רבינו שליט''א, ער איז פון די אנפירער פון זייער קהלה, און דער דאזיגער זוהן
איז א איידעם ביי א חצי בני יואל חצי זאלוני, וואס וואוינט אין קרית יואל,
און וואוינט אויך אין קרית יואל, און עס איז מיר געווען א פלא גדול, וואס טיט
ער ביי די הדלקה, איך געב עם א פרעג מיט א שמייכל, דיין טאטע ווייסט
אז דו ביסט דא? זאגט ער אז ער האפט אז נישט, און וואס איז מיט דיין שווער?
זאגט ער, געטס א קיק, דארט שטייט מיין שווער, ער איז אויך דא, און ווייזט
מיר ווי זיין שווער טאנצט מיט א דערהויבענקייט, פרעג איך עם ווי אזוי ארבייט
דאס? די הדלקה איז דאך לא עלינו ולא עליכם א גרויסע עוון פלילי, מען איז דאך משנה
פון הייליגן רבי זכרונו לברכה, נו, הייתכן איר באטייליגט זיך אין די הילולא קדישא,
זאגט ער מיר, אז פאר דריי יאר צוריק זייענדיג א פרישער אינגערמאן נאך די חתונה
האט ער באשלאסן זיך אזוי אריינכאפן בגניבה צו די הדלקה אז ער זאל קענען
חוזק מאכן פון ר' אהרן'ען, אבער ער איז אזוי באגייסטערט געווארן אז אומוועלענדיג
איז ער מיטגעשלעפט געווארן מיט די ריקודין אז ער פארפאסט דאס שוין נישט און
היינט צוטאג האט ער שוין חזקה דאס מיט צו האלטן,

און וואס איז מיט דיין שווער? געב איך עם א פרעג, גיט ער א שמייכל,
מיין שווער איז געוואויר געווארן דאס ערשטע יאר אז איך האב מיך רח''ל
משתתף געווען אין די "אהרונישע חינגא" כלשונו, און האט מיך זייער דערקיטשעט
דערוועגן, פרעג איך עם, וואס איז אזוי געפערליך אהין צו גיין טאנצן לכבוד
דעם תנא רבי שמעון?, גיט ער מיר א לעקציע מיט גאנצע פארציע הסברה, אז
צו גיין מיטן ס''מ איז רח''ל דער בריק צו די נו''ן שערי טומאה, וכל באי' לא ישובון,
פרעג איך מיין שווער מיט גרויס דרך ארץ, אויב איך מעג עפעס ענטפערן, זאגט ער
אוודאי!, זאג איך עם, דער שווער זאל זיין געזינט האט דעם פאריגן שבת (דאס איז
געווען דער שבת פאר מיין ערשטן ל''ג בעומר אין קרית יואל) דערציילט ביים טיש
פון די גרויסקייט פון צו זיין ל''ג בעומר אין מירון, און טראץ וואס דער הייליגער חת''ם סופר
איז געווען דערקעגן, האט דער רבי זי''ע געזאגט ביים ל''ג בעומר טיש בשנת תשי''א
אז ער איז בטוח אז דער חת''ם סופר איז געווען דערקעגן נאר ווייל ער איז קיינמאל
נישט דארט געווען, אויב וואלט דער חת''ם סופר דארט געווען אין מירון, וואלט ער זיכער
נישט געווען דערקעגן, זאג איך עם, שווער טייערער!, איך בין זיכער אז דער שווער איז
דערקעגן, נאר ווייל דער שווער איז קיינמאל נישט דארט געווען, איך בין זיכער אז אויב דער
שווער וואלט זיך באטייליגט ביי די הדלקה וואלט דער שווער אנדערשט געהאלטן, 
מיט דעם האט זיך גענדיגט אונזער שמועס, אבער איך האב געזען אז דאס איז עם עפעס
אריין אין קאפ, מיין שווער האלט זייער פון מיר, און אויף אזעלעכע קלארע דיבורים האט ער
נישט געקענט מחולק זיין, די רעסט איז היסטארי, לשנה השנית, האט ער זיך אזוי אריין 
געשטיפט אין א ווינקל צו צוקיקן די הדלקה און די ריקודין, און היינט צו טאג טאנצט ער
שוין מיט, כחד מבני החבורה, ער איז נאכנישט קיין אהרוני, ער איז ווייט פון צו זיין א חסיד
פון ר' אהרן, אבער די דיבורים וואס איך האב פון עם געהערט דאס ערשטע יאר, הער איך
שוין נישט פון עם, און איך וועל אייך מגלה זיין א סוד, אז ביי עם אין שטוב קומט נאר אריין
פלייש פון ר' אהרן'ס בית השחיטה, 

איך בין אזוי באגייסטערט געווארן דערפון אז איך האב באשלאסן דאס מיט צוטיילן מיט
אונזערע חשובע ליינערס.         

צוויי הערות פאר נעקסטעס יאר, משיח זאל זיכער ווי פריער קימען

1}די גרויסע פראדשעקטערס ליכטיג צו מאכען, איז געווען זייער נישט און פלאטץ, עס האט אריינגעשיינט און די אויגן פאר ווער עס האט געוואלט קיקען אויפן פייער, אדער אויף רבינו שליט"א, עס דארף ווען ליגען מער און די זייט, אזוי ווי צווישן פת שחרית, און די בוים {אלטע השבת אבידה שטיבל}

די פארענטשעס פאר די קינדער, איז געווען צו אריין, עס דארף וועל לינגען אינגאנצן אויף די זייטיגע פארקינג לט, נישט אויף די פראנט פארקיניג לאט

אלס א פרעמדער, דערקען איך נישט אזוי דעם עולם דארט, אבער איך האב אלס געהערט אז פילע זאלונים האלטן מיט דעם מעמד, און אצינד זעה איך דא אז א זאלונישער ניק איז טאקע אויך געווען דארט.

ווילן מיר בעטן בשם כל הקהל הקודש, היות די געדרענג ביים טאנצן איז גאר גאר שווער, זאלן זיי ביטע שטיין אינדרויסן פונעם שטח, אדער אויסהערן די מוזיק פון שטוב.

זייער היגער שליח קען אריבערפירן די בקשה, ויישר כח.

אויב מיינט איינער אז ער האט נישט פארשטאנען, וויל איך אייך בארואיגן: ער האט גוט פארשטאנען.

ביטע אים ווייטער לאזן שפילן די געים, בינו לבין עצמו.

איך האב נישט געשריבן אז ס'איז ענדערשט צו זיין ל''ג בעומר אין
קרית יואל ווי אין מירון ביים ציון הקדוש, מיר האבן נישט קיין השגה
וואס עס הייסט צו זיין אין מירון ביומא דהילולא פון הייליגן תנא רבי
שמעון בן יוחאי, פונקט ווי מיר האבן נישט קיין מושג פונעם גדלות
פון רבי שמעון בן יוחאי, דער רבי שליט''א ביי די תורה האט געברענגט
(דאכט זיך) פון הייליגן דברי יחזקאל דאס ווארט, שתולים בבית השם
בחצרות אלוקינו יפריחו, שתולים בבית השם איז ר''ת שמעון בן יוחאי
אז אפילו "בחצרות" אז מען האט נישט די זכי' צו זיין לפני ולפנים, 
נאר מען איז זיך מקשר בבחינת "בחצרות" איז אויך יפריחו, יעדער 
פארשטייט אז קרית יואל איז נאר בבחינת מירון, 

וואס איך האב געשריבן איז: אז לפי עניית דעתי איז די חדוה עילאה
העכער פון מירון עשרת מונים, דאס ווארעמקייט, געהויבענקייט,
היימישקייט, ועל כולם דאס באקוועמליכקייט איז פיל העכער
ווי אין מירון, און דאס איז קיינער נישט מחולק, על כל פנים קיינער
מיט וועם איך האב גערעדט וואס איז שוין געווען אין מירון און האט
זיך משתתף געווען דא אין קרית יואל, דאס התרגשות פונעם "גאנצן" 
ציבור איז געוואלדיג, דער עולם האט זיך געהויבן אין די לופטן,
אין מירון זעט מען אויך א עולם טאנצן און שפרינגען מיט א התרוממות
דקדושה, אבער רוב ציבור שטייען ארום און קיקן זיך צו און פשוט 
זענען נישט א פארט פונעם באגייסטערונג, אמת מען זעט דא עטליכע
צענדליגע אדער גאר הונדערטער אידן טאנצן מיט א געהויבענקייט
דארט טאנצן א קיבוץ אידן, אבער אז רבבות אידן כולם כאחד זאלן
טאנצן צוזאמען כאחד, מיט אזא התרוממות והתרגשות האט אני הקטן
נאך נישט געזען, דאס איז מיין מיינונג. 

עס קוקט אויס אז די התרוממות'דיגע הדלקה טוט עפעס זייער וויי פאר די בני זאליס אז זיי ברויכן אהער שיקן אלע זייערע ניקס צו פרובירן צו פארדרייען דעם שמועס מיט שטותים און לאקשען.

מוצש"ק נאך די הדלקה זעה איך ווי צוויי בני זאלי בחורים שפאצירן זיך אהיים נאך די מסיבת לחיים קרוב צו דריי אזייגער פארטאגס, און איינער איז מסביר פארן צווייטן אז עס איז געווען מערסטנס 2-3 טויזענט אידן. דער אנדערער מער א אויפגעקלערטער, נעמט זיך מסביר זיין אז ס'איז געווען אסאך מער, און דאס איז שוין דער קליינער חלק ווייל ער געזעהן אז רוב עולם איז שוין אהיים געפארן גלייך נאך די הדלקה בעפאר די מסיבת לחיים. יענער האט נאך צוגעלייגט זאלץ צו די וואונדן מיטן ערקלערן אז ס'איז געווען א הערליכער און ווארימער מעמד.

ס'וואלט מיר געווען אינטערסאנט מיטצוהאלטן זייער ווייטערדיגע שמועס, אבער צוליב דעם שפעטן שעה האב איך  מיר אריינגעזעצט אין קאר און אהיימגעפארן מיטן האפענונג אז ווען דער כ"ק רבינו שליט"א האט מזכיר געווען פאר'ן תנא רבי שמעון די אלע וואס קענען נישט שלאפן נאכט נאך נאכט, האט ער זיי אויך אינזין געהאט.

אלענפאלס, אויסער דעם גרויסן דאנק וואס קומט זיך פאר האחים החשובים ר' דוד יודא און ר' חיים שאול קאהן פארן אויסארבייטן דעם מייסטערהאפטיגן סדר, קומט זיך באזונדער א דאנק פאר די אלע וואס האבן נישט געשפארט זייער הערות און זייער געדאנקן פאר די עסקנים כדי דער אומפארגעסליכער געהויבענער מעמד זאל זיין צוגעשטעלט אן צד היותר טוב.

נעבעך הופפער, דו האסט פארפאסט א גיטס, די צוגעמאכטע אויגן פיל מיט טרערן און די גרויסע לעקטער האבן דיר פארשטעלט דעם מחזה הוד, ווי רבבות אידן בלי שום גוזמא האבן זיך געהויבן אין די ליפטן מיט אזא התרוממות עד אין לשאר, אפילו דיין אשת חבר כחבר האט אויך געהאט איין אויג פארמאכט אויב זי האט נאר געזען 5000 נשים צדקניות...

איך בין שוין געווען אין מירון, איך האב שוין געזען אלע קליפס פון אלע רבי'ס, הויפן, חסידות'ן, הדלקה'ס.

אין מירון זענען טאקע דא איבער א מיליאן מענטשן, אבער קיין שום איינציגע הדלקה קומט נישט צו אפס קצהו פון דעם מעגא-מעמד אין קרית יואל.

אדרבה, אויב עמיצער האט עני קליפ, פון עני הדלקה אין מירון וואס קען זיך קאמפערן צו קרית יואל: ביטע ברענג עס.

(דיסקלעימער: איך רעד נישט פון התרגשות/התרוממות/קדושה/געגועין/כיסויפין און פעסער מיט אהבה וואס מ'קען נישט מעסטן - וכו' וכו'. איך רעד בלויז פון א מעמד הדלקה, ווייל דאס קען מען ענדערש מעסטן - ודי בזה).

ניזי קליפ ונחזי