ליציטאציע אויף א פסול'ע ספר תורה
עס הייבט צעביסליך אן ארויסצוקומען מער שאקירנדע דעטאלן איבער די צערעמאניאנעלע ספר תורה זשאוק, וואס זאלי האט געלאזט אפקויפן פאר א האלבע מעלאנע, דורך זיין יוגענט פריינט משה שמואל זופניק.
די צוויי אלטע בחורים די 60 יעריגע ירוחם ברידער (מחללי שבת) האבן אריינגעוויקלט א פסול'ע ספר תורה און דאס אנגעהאנגען אויפן הייליגן דברי חיים, און יעצט ווען מ'קוקט איבער דעם ספר תורה, זעט מען אז עס איז עלו כלו קמשונים, כסו פניו חרולים, עס איז פסול מתחלתו ועד סופו, חסרות ויתרות, דבוקות, און אויך ליידער פסולות אינעם שם הוי-ה ב"ה.
און אויף דעם גייט מען יעצט מאכן א ליציטאציע עולה צו זיין. און מאכן ברכות לבטלות, פאר א פובליסטי סטאנט.
מיט עטליכע וואכן צוריק האט זופניק געלאזט רופן א בארימטן סופר מומחה (נישט דעם עקספערט משה דוד טייטלבוים) נאר א ריכטיגן מומחה, ער זאל זאגן זיין מבינות אויף דעם ספר.
דער סופר מישט אהער און מישט אהין און ער פרעגט משה שמואל'ן: ווער האט דאס געשריבן?
משה שמואל זאגט אים: וואס הייסט ווער? צאנזער רב'ס סופר האט עס געשריבן (אזוי האט אים דער געלער לץ פארקויפט).
עס קען נישט זיין. עס איז דא געפערליכע פסולים אינעם ספר, אינעם אות ח', וואס איז נישט לויט די שיטה פון ארי' הק' וואס איז א ו' און א ז'. און נישט צוויי זיינין' כשיטת האשכנזים.
אין די פסול'ע תורה איז דער ח' א האלבער ו און א האלבער ז', וואס איז דלא כמר. און האט קיין שום מקור נישט.
דעם צווייטן ה' פונעם שם הוי' איז אין די תורה ווי א ר'.
וואס איז קעגן דעם פסק פונעם דברי חיים אליינס (תשובת דברי חיים או"ח ח"ב סי' ד').
ביים צדיק זעט מען אז דער יוד איז נישט הפוכה כשיטת הארי' הק'. און ווי דער חת"ס שרייבט אין די תשובות (יו"ד סי' רס"ו).
דער ספר האט געזאגט זיין מיינונג פאר זופניק דעם ביטערן מציאות אז די ספר תורה איז געשלאגן מיט חסרות ויתרות און אויב דאס ווערט נישט פארראכטן איז עס פסול לכל הדעות, און מ'קען אויף נישט מאכן קיין ברכה אפילו בדיעבד, און אויב יא איז עס א ברכה לבטלה.
זופניק קען דעם אבער נישט יעצט פיקסן די תורה, ווייל עס קען דויערן איבער א האלב יאר, און מ'קען נישט מאכן די טראסק אין ראדני, און אויב עס וועט חלילה ארויסקומען וועלן נאך מאנכע באקומען ספקות אז די גאנצע זאך איז נישט מער ווי א ליצנות.
דערפאר גייט מען אן מיט די צערעמאניע און די פסול'ע ספר וואס האט גארנישט מיט צאנזער רב, וועט מען מאכן דערויף ברכות לבטלה !
נאך א פרט וואס דער סופר מובהק האט איבערגעגעבן, אז אין פרשת בשלח איז די שירה שלא כדין.
לא לחנם האט דאס קיין איינער פון די פאלגענדע רבנים ואדמורי"ם, נכדי הרה"ק בעל דברי חיים נישט געוואלט קויפן:
כ"ק אדמו"ר מסאטמאר שליט"א (מהר"א)
כ"ק אדמו"ר מבאבוב (48)
כ"ק אדמו"ר מבאבוב (45)
כ"ק אדמו"ר מצאנז קלויזנבורג (א"י)
כ"ק אדמו"ר מקלויזנבורג (בארא פארק)
נאר דער אמת'ער לא קרא, לא שנה, ולא שמש תלמידי חכמים האט עס געקויפט פאר די טראסק.
פרטים נוספים יובאו אי"ה