הויפט זייט » כל העולם כולו » מלכות סאטמאר: חתונה היינט מאנטאג וויליאמסבורג

מלכות סאטמאר: חתונה היינט מאנטאג וויליאמסבורג

48 פאסטס אין ארכיוו · אשכול #2882135

רבי_יונה » 7/3/2011 20:15

היינט מאנטאג נאכט קומט פאר די גרויסע סאטמאר חתונה אין בית המדרש הגדול דקהלתינו הק' וויליאמסבורג.

די חתן איז א זון פון הגה"צ רבי העניך אשכנזי שליט"א, און די כלה איז די טאכטער פון הגה"צ רבי זלמן האלבערשטאם שליט"א.

די חופה וועט פארקומען אויף קענט עוו. אזוי ווי ביים מעמד הבאגלייטען, און נישט ווי אלעמאל אויף ווייט עוו. ביי די תלמוד תורה, צוליב וואס די ווייט עוו. גאס איז צו שמאל, און ווייניג קענען זעהן, און די גאס אויף קענט עוו. איז דאפעלט ברייט.

שישו ושמחו בשמחת רבינו.

מלך_מלכים » 7/3/2011 20:32

סא חצפה, אריינשלעפען דעם רבין ביי יעדע אייניקלס חתונה, פארוואס קען מען נישט ברענגען די חתונה צום רבין? אזויפיל קען מען נישט פאר די גרעסטע רבי פון דע וועלט?

האנדא » 7/3/2011 20:45

יא! יא! מען פארשטייט אז מלח ווערט אנגעווייטאגט יעדעס מאל רבינו שליט''א קימט אריין אויף וויליאמסבורג

לויטען פלאן פון בן פראדל דער ידיד נפש פון הער מלח מלחים, וואלט רבינו שליט''א נישט געקענט אפי' אריין שטעקען די שפיטץ פון זיין נאז און וויליאמסבורג, אוודאי און וודאי נישט מאכן קיין חיפות און הארץ פון די שטאט וואו ר' זלמן מן הארץ שווערט זיך און בן פראדל'ס ווייסע פייאות אז ער איז דער שטאטס רב, דער זאב''ד..

עניווע לאמיר נישט לאזט דעם מלח מלחים פארדרייען דעם אשכול כדרכו,

קול רנה וישיעה באהלי צדיקים

קושקע » 7/3/2011 21:25

מ'האט שוין געהערט ארגערס, נישט צי לאנג צוריק האט אסאך גרעסערע רבי פון ניו יארק, זיך געשלעפט איבער 1000 מייל אוועק צו די רוחות קיין מיאמי אינעם טאג פון זיין ערשטע אין איינציגער אור-אייניקלס חתונה, איז דאך נישט מער ווי רעכט ער זאל אביסל גיין בדרכי אבותיו הק'

סאטמארבילד » 7/3/2011 22:04

מודעות

שמחה בחצרות קדשינו

סאטמארבילד » 7/3/2011 22:07

שמחה בחצרות קדשינו

SatmarBum » 8/3/2011 08:12

http://www.mahnishmah.com/system/s/modules/admin/pages/show_page.cgi?p=17786

נאטראל » 8/3/2011 18:53

[בילד – נישט אפגעהיט]

טראכטן » 8/3/2011 18:58

פון ווען איז דער בילד?

תוקן על ידי טראכטן ב- 08/03/2011 19:00:14

נאטראל » 8/3/2011 19:06

* xcodebase="http://download.macromedia.com/pub/shockwave/cabs/flash/swflash.cab" height="344" width="425" classid="clsid:D27CDB6E-AE6D-11cf-96B8-444553540000" >

rebyankel » 8/3/2011 23:24

וי אייביג א זעלטענע שיינע חתונה ב''ה
ווי גליקליך איז געווען ווער עס האט געכאט א פלאץ אין חלל פין ביהמ''ד אדער אויף די הויכע פארענטשעס
אשרי עין ראתה כל אלה

די חופה איז געווען אויף זייער א גיט פלאץ
די סיבה פין טוישן פלאץ איז נישט געווען וועגן די ברייטערע גאס
נאר די רבי שליט''א האט געהייסן מ'זאל מאכען די חופה אויף מזרח כנהוג
אין אויף ווייט עס אויסגעקומען זייער שווער פאר אזא ריזיגען ציבור מיטצוהאלטן האט מען עס געטוישט צו קענט אין הופער
וואס איז אגב אסאך מער געאייניגט פאר אזא גרויסע מעמד, די ספעצעיל ברייטע גאס האט ערלויבט פאר'ן ריזיגן ציבור מיצוהאלטן די מעמד החופה

עס האבען זיך באטייליגט פילע רבנים ווי אייביג, צווישען אנדערע וויען, אדמו''ר דשינסקיא, גאב''ד קארלעסבורג, טשערנאבל, דומ''ץ באבאוו, צעהלים אין נאך
ווי אויך האט זיך אנגעזעהן די באטייליגונג פונעם רומענישן אמבאסאדער וועלכע איז אינטער די איינפלוס פין די געהויבענע דעלעגאציע פין אדמת קודש צו ראטעווען די ביה''ח אין שטאט יאסוועלכע האט זיך אויך באדאנקט פין די געוואלדיגע ארבעט אין סיגוט

אבער עס מיר געכאפט די אויפמערקזאמקייט
די באטיילוגונג פין הגה''צ ר' חיים אורי פריינד חבר ביד''ץ,
וועלכע האט זיך א לענגערע צייט באטייליט בבגדי שבת
טראץ וואס לויט די זאליס האבען אים די ארונים גערופן אין בג''ץ
אין ירושלימער רב האט שוין אפי' ארויסגעגבן א צעטיל קעגן די ארונים וואס ליגט ערגעץ אין איד אפיס....
דער חבר הביד''ץ האט זיך שוין באגריסט מיט מרן רבינו שליט''א אין געזיסן א לענגערע צייט
אויב איינער האט נאך געהאט א הו''א איבער די נאמנות פין די זאלי טעגליכע ספינעריי האט זיך עס נאכמאל געקענט איבערצייגן

חסידי סאטמאר גרייטן זיך צו געהויבענעם שבת שבע ברכות אין ''וויליאמסבורג''
קול רנה וישעה באהלי צדיקים

תוקן על ידי rebyankel ב- 08/03/2011 23:31:01

מלך_מלכים » 9/3/2011 01:21

יאפס, דער אויבן אן קוקט אויס געוואלדיג, א געפאקטע אויבן אן מיט בלעק בעריס,

rebyankel » 9/3/2011 02:04

ער מיינט ער איז אין די לעיקוואד אשכול
אויף די בילד זעהט מען בלויז איין ב''ב
קוקט אויס ווי די ווייטוג אויף די חתונה וואס ער לאזט שוין הערן אין די פריעדיגע תגובה טראגט אים אוועק

היראים » 10/3/2011 18:51

שבת של שמחה – עלי' לתורה בצל הקודש

דעם שב"ק וועט זיך אי"ה אנהייבן די שמחה בחצרות קדשינו מיט די אויפרוף פון נכד מרן רבינו שליט"א החתן הרב יואל שליט"א בן הגה"צ ר' העניך שליט"א חדב"ן ורב ביהמ"ד אבני צדק אין קרית יואל.

דער רבי שליט"א וועט אי"ה ארויסגיין אינאיינעם מיט די חתן און די שושבינון פון שטוב פונעם מחותן אבי החתן שליט"א ארום 20 מינוט נאכ'ן זמן הדה"נ צום ביהמ"ד אבני צדק בשכונת עצי התמרים ווי די תפילות ליל שב"ק וועט אי"ה אפגעראכטן ווערן.

דער רבי שליט"א וועט אי"ה אריינקומען צום טיש אין היכל השלחנות אינאיינעם מיט די בחורי חמד תלמיד הישיבה ארום 8:30, און במשך פונעם טיש וועלן אי"ה אריבערקומען די חתן מיט די זיידע'ס און מחותנים ווי מען וועט אי"ה פראווען די שמחה בשירות ותשבחות.

יום שב"ק וועט אי"ה פאהרקומען דער עלי' לתורה אין ביהמ"ד הגדול, באגלייט מיט א קידושא רבה נאכ'ן דאווענען.

אויך וועט אי"ה פאהרקומען דער קידושא רבה לרגל די געבוירט פון נכדת מרן רבינו שליט"א – א טאכטער ביי חדב"ן הגה"צ ר' שמעון זאב שליט"א רב ביהמ"ד ישמח משה.

דער מסיבת פארשפיעל לרגל די שמחה בחצרות קדשינו וועט אי"ה פאהרקומען אין ביהמ"ד הגדול תיכף נאך שלש סעודות.

-ומשמחות זו ישפע לנו שפע רב-

היראים » 10/3/2011 18:54

שב"ק שקלים – עלי' לתורה – קידושא רבא – בצל הקודש

ערב שב"ק עטליכע מינוט נאכ'ן זמן הדה"נ האט מרן רבינו שליט"א לובש געווען דעם חתן מיט'ן שטריימל אין שטוב פון הגה"צ ר' העניך שליט"א חדב"ן און דערנאך איז דער חתן מיט די שושבינון בראשות פון רבי'ן שליט"א ארויס אויפן וועג צום ביהמ"ד אבני צדק אין די שכונה ווי די תפילות ליל שב"ק זענען פאהרגעקומען.

צו קבלת שבת איז צוגעגנאנגען דער מחותן אבי הכלה הגה"צ מ'טשאקעווע שליט"א, און נאכ'ן דאווענען האבן די תושבי השכונה מתפללי ביהמ"ד געהאט די זכי' אדורכצוגיין לברך ולהתתברך בברכת גוט שבת.

ארום 8:45 איז דער רבי שליט"א אריינגעקומען צום טיש אין היכל השלחנות, מיט כל מקדש איז מכובד געווארן הרה"ג ר' משה מנחם כהנא שליט"א רב דביהמ"ד אוהל נחמן אין בני ברק בן האדמו"ר מ'ספינקא-ירושלים שליט"א, מיט מנוחה ושמחה איז מכובד געווארן הרה"ג ר' מנחם לייפער שליט"א מ'טעמעשוואר.

ביי די תורה האט זיך דער רבי שליט"א געשטעלט אויפן פסוק "אלה פקודי המשכן משכן העדות", און מיט עטליכע אופנים אויסגעטייטשט על דרך דרוש בעניני מודעה רבה לאורייתה ועניני תשובה.

מיט קה רבון עלם איז מכובד געווארן הרה"ג ר' יואל האלבערשטאם שליט"א בן הגה"צ מ'טשאקאווע שליט"א וחתן הגה"צ גאב"ד דקהלתינו ב"פ שליט"א, מיט קה אכסוף איז מכובד געווארן הר"ר הערשל אשכנזי שליט"א בן הגה"צ אבד"ק אלעסק שליט"א.

מיט ברהמ"ז האט דער רבי שליט"א מכבד געווען הגה"צ מ'טשאקאווע שליט"א, עובדות וסיפורים האט דער רבי שליט"א דערציילט פון זקינו הרה"ק ר' ברוך מ'גארליץ זי"ע וועמענס יארצייט עס געפאלט מארגן – ב' דר"ח אדר, און דערנאך מכבד געווען דעם מחותן הגה"צ מ'טשאקאווע שליט"א וועלכער איז אויך אן אייניקל פונעם בעל הילולא אויך צו דערציילן מעשיות פונעם בעל הילולא, מיט אז ביום השביעי איז מכובד געווארן הר"ר אהרן טייטלבוים שליט"א בן הרה"צ אבד"ק דקהלתינו 15'טע עוו.שליט"א.

שב"ק אינדערפרי האט מען באגליייט דעם חתן מביתו נאוה קודש פון מרן רבינו שליט"א, די תפילות און דער שמחת עלי' לתורה איז אפגעראכטן געווארן אין ביהמ"ד הגדול.

דער רבי שליט"א האט יורד געווען לפני התיבה אויף שחרית און מוסף און עולה געווען מפטיר - און אויך געליינט - מפטיר שקלים כנהוג.

הגה"צ ר' שמעון זאב שליט"א חדב"ן האט עולה געווען רביעי לרגל די שמחת הולדת בתו למז"ט, ויקרא שמה בישראל פעסיל נאך הרבנית הצדיקת ע"ה.

נאכ'ן דאווענען איז געפראוועט געווארען דער קידושא רבה לרגל די דאפעלטער שמחה ווי עס זענען געזינגען געווארן ניגוני שמחה,און דער רבי שליט"א האט געוואונטשן לחיים פאר'ן חתן, פאר חדב"ן אבי הבת שליט"א, די מחותנים און לכל הקהל הקודש.

דערנאך האט דער רבי שליט"א משמיע געווען דברות קודש ווי דער רבי שליט"א האט ארויסגעברענגט די גרויסקייט פון די דאפעלטע שמחה און זיך געשטעלט אויפן פסוק אלה פקודי המשכן, אל"ה איז די אותיות לא"ה, און דער רבי האט ארויסגעברענגט אז לאה איז געווען די מאמע פון כלל ישראל ווייל זי האט אראפגעשטעלט דעם יסוד פון חינוך הבנות, ווייל זי איז געווען די ערשטע פון די אמהות וואס האבן געהאט א טאכטער מחנך צו זיין.

ביי די דברות קודש ביי שלש סעודות האט זיך דער רבי שליט"א געשטעלט אויף די קריאה דיומא פון פרשת שקלים און אויסגעטייטשט בדרך רמז מוסר והתחזקות אז דער אייבערשטער איז מצרף די גוטס וואס א מענטש גייט טון לעתיד.

נאך שלש סעודות איז געפראוועט געווארן דער שמחת הפארשפיעל לרגל די שמחה בחצרות קדשינו.

•♦•

היינט אינדערפרי האט מרן רבינו שליט"א געדאווענט שחרית אין ישיבה גדולה – שיעור א'. פאר'ן דאווענען איז אין ביהמ"ד הגדול פאהרגעקומען די ברית'ן לבן הנולד לר' יואל חיים פילאפף הי"ו, לבן הנולד לר' אנשיל זאלדאן הי"ו, און לבן הנולד לר' ליפא שפילמאן הי"ו.

•♦•

הכנות צו די שמחה בחצרות קדשינו

אצינד גייען אהן די לעצטע הכנות אין וויליאמסבורג צו די געהויבענע חתונה וואס וועט אי"ה פאהרקומען בבית מדרשינו הגדול. די חשובע עסקנים וועלכע זענען וויליג ארויסצוהעלפן ביי די חתונה ווערן געבעטן זיך צו ווענדן וואס פריער צו ר מרדכי יונה ווידער הי"ו אויף: 347-482-6151

•♦•

די הערליכע סידי וועלכער איז פרעזענטירט געווארן דורך "די סאטמארער קאפעליע" און אנטהאלט שיינע נייע ניגונים לכבוד די שמחה בחצרות קדשינו איז שוין אצינד דא צו באקומען אין אלע געשעפטן און ביי די מקוה אידן דקהלתינו הק'.

-צו הערן אויסצוגן פונעם הערליכן סי.די. דרוקט אויפן עד-

•♦•

האדמו"ר מ'דושינסקיא שליט"א באזוכט ביי ראשי ונדיבי קהלתינו הק'

נעכטן – מוצש"ק האט האדמו"ר מ'דושינסקיא שליט"א וועלכער האט געוויילט אין וויליאמסבורג אויף שב"ק העעל"ט – אפגעשטאהט א באזך ביי הרבני הנגיד מוה"ר יצחק ראזענערג הי"ו סגן ראה"ק דקהלתינו הק' און ביי הרבני הנגיד מה"ר אביגדור פרענקל הי"ו מהנהלת מוסדותינו הק' אין וויליאמסבורג.

•♦•

צו הערן אויסצוגן דרוקט אויפ'ן עד

היראים » 10/3/2011 18:57

בקודש פנימה

נעכטן נאכמיטאג זענען די תלמידי ישיבת דרכי תורה פון פאראקוועי אריין אל הקודש פנימה אינאיינעם מיט זייערע רמ"י הישיבה שליט"א מקבל צו ברכת קדשו פון מרן רבינו שליט"א.

•♦•

יום החופה

היינט אינדערפרי האט מרן רבינו שליט"א געדאווענט שחרית אין ישיבה גדולה – שיעור ג'. פאר'ן דאווענען איז אין ביהמ"ד הגדול פאהרגעקומען דער ברית לבן הנולד לר' יואל ברד"ש בערגער הי"ו ווי דער רבי שליט"א איז געווען סנדק און מוהל.

נאכ'ן דאווענען האט דער רבי שליט"א געליינט א קוויטל כוללת פון אלע תלמידי הישיבה – שיעור ג' לרגל דעם יום החופה און דערביי געגעבן ברכת הקודש פאר די בחורים.

•♦•

שפעטער פארמיטאג האט זיך דער רבי שליט"א באטייליגט ביי א סיום אין ישיב"ק חלק ב' – בהנהלת הר"ר חיים לייב זילבערשטיין שליט"א ווי 12 תלמידי הישיבה האבן געמאכט סיומי מסכתות אין די מסגרת פון חבורת קנין תורה ווי בחורים לערנען צו זייטיגע מסכתות חוץ פון די סדרי הישיבה.

דער רבי שליט"א האט געוואנטשטן לחיים און געגעבן שיריים פאר די מסיימים, און דערנאך משמיע געווען דברות קודש פאר די בחורים ווי דער רבי שליט"א האט ארויסגעברעגנט אז עס איז א בחינה פון "משנכנס אדר מרבין בשמחה" – און "אין שמחה אלא תורה", און וואספארא קנאת סופרים דאס דארף צוברענגען.

אויך האט אויפגעטרעטן דער מנהל הישיבה וועלכער האט ארויסגעברענגט די געוואלדיגע זכי' אז די בחורים האבן זוכה געווען אז דער רבי שליט"א איז פערזענליך געקומען זיך משתתף זיין ביי דעם סיום.

•♦•

זמן כניסה – קודם החופה

אנגעהויבן פון 4:30 ביז 5:30 פונקטליך, וועט זיין א געלעגנהייט אריינצוגיין אל הקודש פנימה להתברך בברכת הקודש פאר די חופה, בביתו נאוה קודש פון מרן רבינו שליט"א אויף היוז סט.

גלייך דערנאך – ארום 5:40 בדיוק וועט אי"ה כ"ק מרן רבינו שליט"א ערשיינען אין ביהמ"ד הגדול צו די קבלת פנים, אינאיינעם מיט'ן חתן און מחותנים.

די קבלת פנים און סעודת החתונה פאר די נשים וועט אי"ה פאהרקומען אין די זאלן פון ראוז קעסטל.

די חופה וועט אי"ה פאהרקומען פארנט פון ביהמ"ד הגדול אויף קענט עוו., און די סעודת החתונה וועט אי"ה סערווירט ווערן אין היכל בהימ"ד הגדול פאר'ן גאנצען ציבור.

דער רבי שליט"א וועט אי"ה אריינקומען צו דער סעודת החתונה אום 8:45 פונקטליך, און אום 11:00 אזייגער וועט אי"ה זיין ברכת המזון און תיכף דערנאך וועט זיין דער מצוה טאנץ.

מען בעהט דעם עולם צו פאלגן די אנווייזונגען פון די עסקנים דוירכאויס די גאנצע חתונה.

-קול רנה וישועה באהלי צדיקים-

•♦•

מארגן אינדערפרי וועט אי"ה מרן רבינו שליט"א דאווענען שחרית אין ביהמ"ד הגדול אין וויליאמסבורג אום 8:30.

•♦•

היראים » 10/3/2011 18:58

דער התרוממותד'יגער שמחה בחצרות קדשינו

ונתנו ידידים זמירות שירות ותשבחות למלך קל חי וקים – א הערליכע שמחה מלא התרוממות איז נעכטן אפגעראכטן געווארן בחצרות קדשינו בבית מדרשינו הגדול אין וויליאמסבורג.

מרן רבינו שליט"א איז ערשינען אין ביהמ"ד צום מעמד קבלת פנים אינאיינעם מיט'ן חתן און מחותנים ארום 5:45, מיט דברי בדחנות ביים קבלת פנים האט אויפגעטרעטן האברך ר' שמואל קרויס הי"ו, און נאכ'ן זינגען ניגוני התעוררות כנהוג האט דער רבי שליט"א געוואנטשן לחיים און משמיע געווען דברות קודש.

בפקודת מרן רבינו שליט"א כדי די סדר החתונה זאל אנגיין צייטליך האט מען נישט מסדר געווען די כתובה ביים מעמד קבלת פנים, וויבאלד עס איז נאכנישט געווען די זמן צאת הכוכבים.

ארום 6:45 איז דער רבי שליט"א אינאיינעם מיט די חתן און מחותנים געגנאגען צום ראוז קעסטל זאל צום באדעקן, און דערנאך האט דער רבי שליט"א אנגעטאהן די קיטל פאר'ן חתן און דערביי געבענטשט דעם חתן בברכת הקודש.

מיט די עדי כתובה זענען מכובד געווארן הרה"ח מוה"ר אברהם ווידער הי"ו ראה"ק וראש העיר ד'קרית יואל, און הרה"ח מוה"ר אברהם יושע גראס הי"ו פון וויליאמסבורג.

ארום 7:15 איז דער חתן אין באגלייטונג פון רבי'ן שליט"א און די זיידע'ס און מחותנים ערשינען אויפן בימת החופה פארנט פון ביהמ"ד הגדול אויף קענט עוו.

מיט סידור קידושין איז מכובד געווארן דער גרויסער עלטער זיידע כ"ק גאב"ד מעלבוירן שליט"א, מיט עדי קידושן איז מכובד געווארן הרה"ג ר' משולם פאלאטשעק שליט"א אבד"ק מגד מיהודה און הרה"ג ר' שמחה שלום שטיינבערג שליט"א רב ומו"ץ ביהמ"ד דברי חיים בקרית יואל.

מיט קריאת הכתובה איז מכובד געווארן הגה"צ רב דק' רמת שלמה שליט"א אין שופט, מיט די ברכות ראשונות איז מכובד געווארן דער אבי הכלה הגה"צ אבד"ק טשאקאווע שליט"א, און מיט ברכה אחריתה איז מכובד געווארן דער זיידע האדמו"ר מ'אלעסק שליט"א.

נאך די חופה האט דער רבי שליט"א מאציל געווען ברכת קדשו לכל הקהל הנאספים, און דערנאך זיך ארויסגעלאזט אין א פייערדיגע טאנץ.

אלס עדי יחוד זענען מכובד געווארן מוה"ר דוד שמואל גאלדבערגער הי"ו און מוה"ר הערשל וועבער הי"ו.

א גאהר געלונגענע ארבעט איז אהערגעשטעלט געווארן דורך די געניטע עסקנים דקהלתינו הק' וועלכע האבן באזעצט איש על מחנהו ואיש על דגלו און פארטיילט דער סעודת החתונה וועלכער איז געפראוועט געווארן בהיכל ביהמ"ד הגדול.

ארום 9:00 אזייגער זענען די מחותנים שליט"א ערשינען אין ביהמ"ד הגדול צו די סעודת החתונה און תיכף עטליכע מינוט דערויף איז מרן רבינו שליט"א ערשינען אין פול געפאקטן ביהמ"ד צו דער סעודת החתונה.

עס האבן זיך אנגעזעהן פארשידענע אדמורי"ם ורבנים שליט"א ביי די שמחה בחצרות קדשינו, ווי: האדמו"ר מ'סקווירא שליט"א ובניו הרה"צ שליט"א, האדמו"ר מ'וויען שליט"א, הגה"צ גאב"ד צעהלים שליט"א, הגה"צ ר' חיים אורי פריינד שליט"א חבר בד"צ העדה החרדית, הגה"צ גאב"ד קארלסבורג שליט"א, האדמו"ר מ'דושינסקיא שליט"א, האדמורי"ם מ'זידיטשוב-בערעגסאז שליט"א, הגה"צ אבד"ק ישראל והזמנים, הגה"צ אבד"ק ציעשנוב וראש ישיבתינו ב"פ שליט"א, האדמו"ר מ'קארלסבורג שליט"א, האדמו"ר מ'ספינקא שליט"א, האדמו"ר מ'קאלוב שליט"א, האדמו"ר מ'דעעש ירושלים שליט"א, האדמו"רים מ'גארליץ וזמיגראד און רודניק שליט"א, הגה"צ מ'טארטיקוב שליט"א, האדמו"ר מ'טשערנאביל שליט"א, הגה"צ ר' אהרן זילבערשטיין שליט"א דומ"ץ צעהלים, הרה"ג ר' שלום אייזיקאוויטש שליט"א, הגה"צ אבד"ק צאנז-גריבוב שליט"א, האדמו"ר מ'מעליץ שליט"א, הגה"צ אבד"ק נעפלימיץ שליט"א, הרה"ג ר' חיים יעקב טויבער שליט"א דומ"ץ באבוב, הגה"צ אבד"ק דעירעש שליט"א, האדמו"ר אלכסנדר שליט"א און נאך פולע רבנים שליט"א.

גאהר דערהויבן איז געווען די ריקודין ביי די חתונה, ווען די מחותנים שליט"א און דער חתן טאנצן אין היכל הביהמ"ד מיט די קרובים וידידים און בני משפחה. באזונדער האט זיך אנגעזעהן די נאנטע התקרבות וואס די אנ"ש תושבי שכונת עצי תמרים בקרית יואל האבן צום מחותן אבי החתן הגה"צ ר' העניך שליט"א חדב"ן ווען זיי האבן זיך געפרייט מיט'ן רב שליט"א אויף די געהויבענע שמחה.

אום 11:00 אזייגער האט מען געענדיגט טאנצן און תיכף צוגעגרייט דאס ביהמ"ד צום מצוה טאנץ.

מיט'ן ברכת המזון איז מכובד געווארן הגה"צ גאב"ד דקהלתינו ב"פ שליט"א וועלכער איז אן עלטער פעטער מצד החתן און א מחותן מצד הכלה, מיט די ברכות ראשונות איז מכובד געווארן הגה"צ מ'דיערעש שליט"א א פעטער מצד הכלה, און מיט ברכה אחריתה איז מכובד געווארן הגה"צ אבד"ק טארטיקוב שליט"א.

דאן האט דער בדחנא דמלכא הר"ר מרדכי דוד עסטרייכער הי"ו עולה געווען על שלחן מלכים מאן מלכה רבנן און אויסגערופן מרן רבינו שליט"א צו די מצוה טאנץ בדברי פי חכם חן ווען גרויס התעוררות הערשט אין גאנצן ביהמ"ד ווען דער בדחן דערמאנט די גרויס זכות אבות און די התקשרות צו אונזערע פריערדיגע רבי'ס זי"ע.

אין א בחינה פון וינועו אמות הספים האט זיך געשפירט די התרוממות הנפש אין היכל הביהמ"ד בשעת דער רבי שליט"א האט געפראוועט די עבודת הקודש פון די געהויבענע מצוה טאנץ א לענגערע צייט, און דערנאך געטאנצן מיט'ן חתן און מיט נכדיו - בני וחתני חדב"ן אבי החתן שליט"א, און דערנאך האט נאכגעפאלגט א רירענדע טאנץ מיט אלע יוצ"ח פון כ"ק מרן רביה"ק זי"ע.

דערנאך האט דער רבי שליט"א מכבד געווען גיסו הגה"צ גאב"ד דקהלתינו ב"פ שליט"א צו טאנצן מצוה טאנץ און דערנאך האט דער רבי שליט"א געטאנצן מיט'ן רב שליט"א.

נאך די שיינע מצוה טאנץ האט מען אויסגערופן בפקודש רבינו שליט,א אז די בחורים זאלן פארלאזן דעם ביהמ"ד, און מען האט ממשיך געווען מיט די מצוה טאנץ פון הגה"צ מ'אלעסק שליט"א און די מחותנים שליט"א.

•♦•

היינט אינדערפרי האט מרן רבינו שליט"א געדאווענט שחרית אין ביהמ"ד הגדול אין וויליאמסבורג, ווי דער רבי שליט"א האט געלייגט תפילין פאר הבחורים חתני הבר מצוה, הב' בן מוה"ר אליעזר ראטה הי"ו און הב' חתן הבר מצוה בן מוה"ר אברהם וויינגארטן הי"ו, נאכ'ן דאווענען איז פאהרגעקומען דער ברית לבן הנולד לר' ישראל שלמה ווערצבערגער הי"ו ווי דער רבי שליט"א איז געווען סנדק און מוהל.

•♦•

בקודש פנימה

היינט פארמיטאג איז האדמו"ר מ'לעלוב-ניקלשבורג שליט"א פון ארה"ק געקומען אויף א באזוך צו מרן רבינו שליט"א בביתו נאוה קודש אין וויליאמסבורג ווי עס האט זיך אנטוויקעלט א שיינער שמועס.

•♦•

מרן רבינו שליט"א באזוכט ביי גדולי הרבנים שליט"א און בהיכלי הישיבות

שפעטער נאכמיטאג איז דער רבי שליט"א געגאנגען אויף א ביקור גומלין צו מחותנו האדמו"ר מ'דושינסקיא שליט"א אין זיין אכסניא אין וויליאמסבורג, ווי סע האט זיך פארמירט א שיינער שמועס וועגן די היסטאריע פון עירי האבות אינדערהיים.

•♦•

פון דארט איז דער רבי שליט"א געגאנגען באזוכן זקן האדמור"ים דער קיוויאשדע'ר רבי שליט"א לאוי"ט, ווי עס האט זיך פארמירט א שיינער שמועס.

•♦•

דערנאך איז דער רבי שליט"א געגאנגען צום שטוב פון הרה"ג ר' מנחם זכרי' זילבער שליט"א אבד"ק פריימאן לרגל די שמחה במעונו מיט די חתונה פון זיין זוהן ני"ו.

אנוועזנד ביים באזוך איז געווען בנו החתן און בניו הי"ו, ווי עס איז אנטוויקעלט געווארן א שיינער שמועס בהל' ועניני מילה ועוד.

•♦•

אויך האט דער רבי שליט"א אפגעשטאהט א פלוצלינגדיג'ער באזוך אין היכל ישיבת מבצר התורה ד'סאטמאר ווי דער רבי שליט"א האט ארומשפאצירט צווישן די תלמידי הישיבה בשעת'ן סדר הלימוד.

•♦•

דאן האט דער רבי שליט"א געגעבן א ביקור גומלין ביי לעלוב-ניקלשבורגער רבי'ן שליט"א בבית האכסניא.

•♦•

און פון דארט איז דער רבי שליט"א געגאנגען צום בנין ישיבת היכל התורה ווי דער רבי שליט"א האט באשיינט א מסיבת סיום און משמיע געווען דברות קודש – דברי חיזוק והתעוררות.

•♦•

אויך איז דער רבי שליט"א ערשינען אין היכל הכולל אין ביהמ"ד הגדול אין וויליאמסבורג אינמיטן די סדר הלימוד פון די הונדערטער אינגעלייט בליעה"ר.

•♦•

היראים » 10/3/2011 19:00

בילדער דורך: ד.ה. כרם/ י.ש.א.

מעמד קבלת פנים

בשעת די דברי כיבושין

ביים וואונטשן לחיים פאר'ן חתן און די מחותנים שליט"א

ביים צוגרייטן די כתובה נאכ'ן באדעקן

מוה"ר אברהם ווידער הי"ו ראה"ק וראש העיר דקרית יואל, עד

מוה"ר אברהם יושע גראס הי"ו, עד

♦♦♦

היראים » 10/3/2011 19:02

מעמד החופה

פארענט פון ביהמ"ד הגדול

הגה"צ אבד"ק רמת שלמה שליט"א פון ארה''ק - א פעטער מצד הכלה - קריאת הכתובה

אבי הכלה שליט"א - ברכות ראשונות

דער ריזן פארזאמעלטן ציבור בליעה"ר

ובכן צדיקים יראו וישמחו

♦♦♦

דער אימעיל פונעם מערכת פאר קאמענטארן, נייעסן, בילדער,

און וויאזוי אויך ארויפצוגיין אויף אונזער רשימה איז:

BechatsrosSatmar@Gmail.com

ארויפצוגיין אויף אונזער ליסטע, אדער אראפצוגיין

מוז אריינגעשיקט ווערן א אימעיל אדרעס מיט א נאמען

פונעם ערהאלטער פון יענער אדרעס און שטאט ווי מען וואוינט.

בכבוד רב

המערכת

היראים » 10/3/2011 19:09

בילדער דורך: ד.ה. כרם/ י.ש.א.

די מחותנים שליט"א ביי די סעודת החתונה

האדמו"ר מ'מעליץ שליט"א ביי די שמחה

הגה"צ אבד"ק צעהלים שליט"א ביי די שמחה

היראים » 10/3/2011 19:11

בעת דער רבי שליט"א האט ערשינען צו די סעודת החתונה

האדמו"ר מ'גארליץ שליט"א

צעהלימע'ר רב שליט"א וואונטשט מזל טוב פאר מרן רבינו שליט"א

האדמו"ר מ'זמיגראד שליט"א

האדמו"ר מ'רודניק שליט"א

היראים » 10/3/2011 19:15

דער "סאטמארער קאפעליע" ביי די שמחה

די עסקנים לייגן אראפ א געניטע ארבעט ביים אויסטיילן די סעודת החתונה

ר' יואל קויפמאן הי"ו, משמש, העסקן ר' יואל שפילמאן הי"ו

העסקנים ר' יואל קאהן הי"ו, ר' מרדכי יונה ווידער הי"ו

העסקן ר' שלון מיטעלמאן הי"ו

ווערט געזעהן: העסקן נמרץ הר"ר יעקב אטיק הי"ו פון בית שמש העלפט טיילן דאס עסן

הרב הירץ פרענקל הי"ו לאנגיעריגער מנהל בית רחל ביי די שמחה

דער רבי שליט"א וואונטשט מזל טוב פאר'ן מחותן אבי הכלה שליט"א

הגה"צ אבד"ק רמת שלמה שליט"א אין שועפט

הר"ר סיני מוליבצקי שליט"א

הרה"ג ר' חיים צבי דאווידאוויטש שליט"א חתן הגאון רבי משה האלבערשטאם זצ"ל

הרה"ג ר' יעקב דוד האלבערשטאם שליט"א ראה"כ תולדות אלעזר אין ירושלים

הרה"ק ר' שלום וואגשאהל שליט"א מ'לאנצוט

דער רבי שליט"א וואונטשט פאר חדב"ן - אבי החתן שליט"א

דער רבי שליט"א וואונטשט לחיים פאר'ן ציבור

האדמו"ר מ'חרדים-זידיטשוב שליט"א

האדמו"ר מ'וויען שליט"א ביי די שמחה

בשעת דער חתן איז ערשינען צו די חתונה

דער רבי שליט"א טאנצט מיט'ן חתן און מחותנים

הגה"צ אבד"ק דקהלתינו וומסב"ג שליט"א, אבד"ק נעפלימינץ שליט"א,

אדמו"ר מ'זידיטשויב-חרדים שליט"א

האדמו"ר מ'סקווירא שליט"א ביי די שמחה

♦♦♦

היראים » 10/3/2011 19:19

הגה"צ אבי החתן שליט"א טאנצט מיט בנו החתן און בניו וחתניו

אבי החתן שליט"א טאנצט מיט די מתפללי ביהמ"ד אבני צדק

היראים » 10/3/2011 19:20

הגה"צ רבי חיים אורי פריינד שליט"א חבר הבד"ץ העדה החרדית ביי די שמחה

היראים » 10/3/2011 19:22

הרה"ג ר' אהרן זילבערשטיין שליט"א דומ"ץ דק"ק צעהלים

הגה"צ רב דק' דראהביטש שליט"א

דער בימת הכבוד בשעת די ריקודין

האדמו"ר מ'טשערנאביל שליט"א ביי די שמחה

היראים » 10/3/2011 19:22

הרה"ג ר' נחום מאיר גערמאן שליט"א ר"מ בישיבת באבוב

הגה"צ דומ"ץ דקהלתינו ב"פ שליט"א

היראים » 10/3/2011 19:23

רומענישא'ר קאונסיל דשענעראל מאריאן פארראל

וועלכער האט שטארק ארויסגעהאלפן מיט די ביה"ח אין שטאט סיגוט

היראים » 10/3/2011 19:25

דער ציבור ביי די ריקודין

הגה"צ ראש ישיבתינו בבני ברק שליט"א

הרה"ג רב דק' ישראל והזמנים שליט"א

הגה"צ רב דק' ציעשנוב וראש ישיבתינו בב"פ שליט"א

הרה"ג יעקב הורוויץ שלי"א ר"י בית מאיר

חלק פונעם אויבן אהן ביי די ריקודין

האדמו"ר מזידישוב-בערעגסאז שליט"א

♦♦♦

היראים » 10/3/2011 19:26

קלארשטעלונג!

עס איז נישט ערלויבט נוצן קיין בילדער אהן ערלויבעניש פונע'ם מערכת בחצרות סאטמאר

דער אימעיל פונעם מערכת פאר קאמענטארן, נייעסן, בילדער,

און וויאזוי אויך ארויפצוגיין אויף אונזער רשימה איז:

BechatsrosSatmar@Gmail.com

ארויפצוגיין אויף אונזער ליסטע, אדער אראפצוגיין

מוז אריינגעשיקט ווערן א אימעיל אדרעס מיט א נאמען

פונעם ערהאלטער פון יענער אדרעס און שטאט ווי מען וואוינט.

בכבוד רב

המערכת

תוקן על ידי היראים ב- 10/03/2011 19:29:54

היראים » 10/3/2011 19:36

בשעת'ן אויסרופן כ"ק מרן רבינו שליט"א צום מצוה טאנץ

בדחנא דמלכא הר"ר מרדכי דוד עסטרייכער הי"ו בשעת'ן גראמען

די עבודת הקודש ביי די ריקודין של מצוה פון כ"ק מרן רבינו הגה"ק שליט"א

דער רבי שליט"א טאנצט מיט נכדו החתן הי"ו

דער רבי שליט"א טאנצט מיט חדב"ן אבי החתן שליט"א און דער חתן הי"ו

היראים » 10/3/2011 19:37

טאנצנ'דיג מיט נכדיו היקרים - בני וחתני חדב"ן אבי החתן שליט"א

דער רבי שליט"א טאנצט מיט זיינע קינדער און אייניקלעך שיחיו

די גאלדענע קייט זאל זיך ווייטער ציען....

דער רבי שליט"א טאנצט מיט די קינדער אייניקלעך און אור-אייניקלעך פון מרן רביה"ק זי"ע

היראים » 10/3/2011 19:39

הגה"צ גאב"ד דקהלתינו ב"פ שליט"א ביי זיין מצוה טאנץ

מרן רבינו שליט"א טאנצט מיט הגה"צ גאב"ד דקהלתינו ב"פ שליט"א

דער זיידע האדמו"ר מ'אלעסק שליט"א לרפו"ש ביי זיין מצוה טאנץ

הגה"צ ר' העניך שליט"א חדב"ן - אבי החתן ביי זיין מצוה טאנץ

הגה"צ אבד"ק טשאקעווע שליט"א - אבי הכלה ביי זיין מצוה טאנץ

מלובש מיט די גארטל פון הייליגן דברי חיים זי"ע

דער רבי שליט"א טאנצט מיט'ן מחותן שליט"א ואחיו וגיסיו

בני ויו"ח פון הגאון רבי משה האלבערשטאם זצ"ל חבר בי דינא רבה בירושלים עיה"ק

♦♦♦

היראים » 10/3/2011 21:00

http://www.bhol.co.il/Article.aspx?id=25476

חכםאתיק » 10/3/2011 22:22

נאכען זען די בילדער מיין איך אז עס וואלט געווען פאסיג צי טוישען די קעפעל פין די אשכול צי שמחת בית פאפא...

קושקע » 10/3/2011 22:33

פארוואס, דו זעסט ערגעץ דא פאפא רבי?

חכםאתיק » 10/3/2011 22:38

ניין ווייל איך זעה א פאפא עולם....

מישמאש » 10/3/2011 22:41

די אומב' חיינ'טער טיפוש

קושקע » 10/3/2011 22:43

ווי זעסטו א פאפא עולם, איך קוק און קוק יעדן בילד און זעה נאר סאטמארע חסידים,

סטראבערי » 10/3/2011 23:08

דא אויף די פארענטשעס זעהסטו פאפאנע מענטשן?

חכםאתיק » 10/3/2011 23:16

אזא לצנות געט א קיק וואס איז געווארען פין דעם געוועזענעם רב הצעיר

האנדא » 10/3/2011 23:22

יא! יעצט קען טאקע יעדער זען, אז פאר די זאליבאנצעס באדערט נישט לעקוואד!

קושקע » 10/3/2011 23:27

ניין איך זעה בלויז א אינגל קריכן, נו ווי קומט פאפא דא אין פיקטשער

rebyankel » 11/3/2011 01:32

אים קרענקט די מערסטע
אז אין סאטמאר דארף מען שוין נישט מאכען קיין טראסק מ'שטופט אריין די חתונה אין גרויסען ביהמ''ד
אין די אידן וואס וואינען אין די אנדערע געגענטער באגעניגן זיך מיט די לאקאלע שבע ברכות

זיי קרענקט אז אין סאטמאר איז מען שוין אויסגעוואקסען די גרויסע טראסק, אין להבדיל זשיגאן דארף נאך די פראפאגאנדע ווי ליפט צו אטעמען
הערשט איז ער געוען אין לעיקוואד מיט די וועלטס פראפאגאנדע אין PR
אין די קליקע וואס ער האט מיגענומען זענען געווען די מערהייט פין די געסט ביי זיינע מסיבות וואס האט אגב געפירט צו שוידערליכע בזיונות ווען נאך היינט ווערן זיי ווילד ווען מ'רעדט פין לעיקוואד
ער וואלט זיך געווינטשן צו האבען ביי א חתונה ווי ער דרייט איבער די גאנצע שטאט כאטשיג נאנט צו די ציבור וואס סאטמאר האט בליעה''ר יערליך שמחות תורה ביי די הקפות

די שמחות אין סאטמאר איז צירוק מיט איר אריגינעלן חן, אן קיין עקסטרע געלט אויסברענגרייען
דער עולם שטיפט זיך אריין אין ביהמ''ד וועלכע ווערט אויסגעשטעלט די בעסטע וואס איז שייך
אין די גרויסע געלטער וועלן מיר ענדערש ניצן להרחיב גבולי הקדושה מיטן בויען די פראכטפולע מוסדות, בתי מדרשים, מקוואות וכו'
ניטעמאל האט מען געהאנגן א סיין אין ביהמ''ד,

ב''ה, נישט די פראפגאנדע אין קינדערישקייטן וועט ציפרידן שטעלן אינזער ציבור

היראים » 11/3/2011 20:07

היראים » 11/3/2011 20:33

שבע ברכות בביתו נאוה קודש

א גאהר אייגענארטיגער שיינער שבע ברכות איז נעכטן געפראוועט געווארן בביתו נאוה קודש פון מרן רבינו שליט"א צוגעשטעלט דורכ'ן רבי'ן שליט"א, ווי עס זענען געלאדענט געווארן אלע שובי"ם דקהלתינו הק'.

ביי דער שבע ברכות איז עטליכע מאהל אויסגעשמועסט געווארן פארשידענע הלכה'דיגע ענינים בנוגע הל' ועניני שחיטה, ווי דער רבי שליט"א האט דוירכגערעדט מיט די שוחטים פארשידענע אקטועלע ענינים.

דער רבי שליט"א האט דערביי משמיע געווען דברות קודש – דברי תורה לכבוד די שמחה, און דערנאך משמיע געווען דברי הדרכה פאר די שוחטים אין זייער עבודת הקודש.

מיט ברכהמ"ז איז מכובד געווארן האדמו"ר מ'דעעש ירושלים שליט"א – א פעטער מצד הכלה, מיט די ברכות ראשונות איז מכובד געווארן הרה"ג ר' יעקב יודא האלבערשטאם שליט"א ראה"כ תולדות אלעזר אין ירושלים, און מיט ברכה אחריתה איז מכובד געווארן הרה"ג ר' יואל שמעון האלבערשטאם שליט"א ראה"כ דברי משה.

נאך די שבע ברכות איז ספעציעל אויסגעשמועסט געווארן מיט די שוחטים און באטייליגטע רבנים שליט"א ובראשם מרן רבינו שליט"א דריי אקטועלע שאלות פון אינדיק'ס וועלכע האבן א געשוואלענעם דפק.

•♦•

היינט אינדערפרי האט מרן רבינו שליט"א געדאווענט שחרית אין ביהמ"ד הגדול, פאר'ן דאווענען איז פאהרגעקמען דער ברית לבן הנולד לר' חיים אליעזר ווייס הי"ו פון קרית יואל ווי דער רבי שליט"א איז געווען סנדק און מוהל.

דער רבי שליט"א האט געלייגט תפילין פאר הב' חתן הבר מצוה בן מוה"ר מרדכי צבי דוד גאטליעב הי"ו פון וויליאמסבורג.

•♦•

היראים » 11/3/2011 20:35

•♦•

שבת שבע ברכות – וויליאמסבורג יצ"ו

דעם שב"ק וועט אי"ה געפראוועט ווערן דער שבת שבע ברכות בחצרות קדשינו אין וויליאמסבורג.

די תפילות ועריכת השלחנות וועט אי"ה געפראוועט ווערן בביהמ"ד הגדול, דער רבי שליט"א וועט אי"ה אריינקומען צו מנחה ערש"ק 45 מינוט נאכ'ן זמן הדה"נ, און צום טיש ליל שב"ק אום 9:45.

מען בעהט דעם חשוב'ן ציבור אויסצופאלגן די אנווייזונגען פון די עסקנים בשעת'ן געהויבענעם מצוה טאנץ וואס עס וועט אי"ה פאהרקומען נאך ברכהמ"ז.

צו שחרית שב"ק בייטאג וועט אי"ה דער רבי שליט"א ארינקומען אום 9:15, און צו שלש סעודות 6:20.

•♦•

מוצאי שבת שבע ברכות – דינער השנתי להחזקת כולל עצי חיים לצדקת ר' מאיר בעה"נ

מוצש"ק ווערט ערווארטעט דער השתתפות פון א ריזן ציבור אנשי שלומינו צום גרויסארטיגן דינער השנתי לטובת כולל עצי חיים לצדקת ר' מאיר בעל הנס בבני ברק וועלכער איז בארימט אין די עיה"ת אלס מעכטיגע תורה פעסטונג ווי עס זיצן אריבער 100 אינגעלייט מאנ"ש און לערנען תורה בהתמדה מתוך הדחק.

עס איז פאר קיינעם פארהוילן די גרויסע סגולות וואס אנשי שלומינו האבן שוין געזעהן דורך שטיצן אט דעם כולל -וועלכער איז ממשיך דער "סיגוטע'ר רבי מאיר בעה"נ פושקע" - און יעדע געלגנהייט.

אלס נואם הכבוד וועט אי"ה אויפטרעטן דער גאסט פון ארה"ק הרה"ג ר' מתתי' דייטש שליט,א רב רמת שלמה וועלכער האט די פארגאנגענע וואך באזוכט אין היכל הכולל און וועט משמיע זיין זיין פערזענלכיע עדות אויפן כולל.

דער דינער השנתי איז היי יאהר קאמבאנירט אינאיינעם מיט'ן צענטראלן שבע ברכות לרגל די שמחה בחצרות קדשינו – בנישואי נכד מרן רבינו שליט"א, וועלכער וועט דארט געפראוועט ווערן ברוב פאר והדר.

דער מעמד וועט אי"ה פאהרקומען אין די אימפעריעל זאל, און צילוב'ן רוקן די זייגער דעם מוצאי שב"ק איז דער מעמד אנשפראכן זיך אנצוהייבן און ענדיגן גאהר פונקטליך.

-שושו ושמחו בשמחת רבינו – אלקא דמאיר עננו-

•♦•

היראים » 16/3/2011 21:36

שבת שבע ברכות בצל הקודש

א שיינער שבת של שמחה איז אפגעראכטן געווארן בחצרות קדשינו אין וויליאמסבורג.

מיט קבלת שבת איז מכובד געווארן האדמו"ר מ'דעעש ירושלים שליט"א – שוואגער פונעם אבי הכלה הגה"צ מ'טשאקאווע שליט"א איידעם פון הגה"צ רבי משה האלבערשטאם זצ"ל, נאך קבלת שבת איז דער ציבור אדורך געגאנגען זאגן גוט שבת זאגן פאר מרן רבינו שליט"א.

ארום 10:00 אזייגער איז דער רבי שליט"א אריינגעקומען צום טיש אין היכל ביהמ"ד הגדול ווי עס האבן שוין אפגעווארט אלפי חסידים ואנשי מעשה. מיט כל מקדש איז מכובד געווארן הר"ר חיים הערש דאווידאוויטש שליט"א איידעם פון הגה"צ רבי שמה האלבערשטאם זצ"ל, מיט מנוחה ושמחה איז מכובד געווארן הרה"ג ר' ישעי' ווייס שליט"א שוואגער'ס פונעם מחותן הגה"צ מ'טשאקאווע שליט"א.

די תוכן דברות קודש פון די תורה וועט אי"ה נאכפאלגן.

מיט קה אכסוף איז מכובד געווארן הר"ר ישראל טווערסקי שליט"א נכד האדמו"ר מ'סקווירא שליט"א, מיט קה רבון עלם איז מכובד געווארן הרה"ג ר' יצחק אהרן גאלדבערגער שליט"א דומ"ץ בק"ק פאפא.

מיט ברכהמ"ז איז מכובד געווארן הגה"צ גאב"ד דקהלתינו בארא פארק שליט"א, מיט די ערשטע זעקס ברכות איז מכובד געווארן הגה"צ אבד"ק דקהלתינו וומסב"ג שליט"א, און מיט ברכה אחריתה איז מכובד געווארן הגה"צ ר' חיים צבי מייזליש שליט"א ראש ישיבת מהרי"ט בבני ברק.

דאן איז דער בדחנא דמלכא הר"ר מרדכי דוד עסטרייכער שליט"א ארויף אויפ'ן שלחן הטהור ווי ער במתק לשונו האט אויסגערופן מרן רבינו שליט"א צו די ריקודין של מצוה כנהוג, און דערנאך האט מרן רבינו שליט"א אפגעראכטן די לענגערע עבודת הקןדש מיט די געהויבענע מצוה טאנץ, און דערנאך געטאנצן מיט די חתן און מחותנים.

נאכ'ן רבי'ן שליט"א'ס מצוה טאנץ האט דער רבי שליט"א מכבד געווען הגה"צ גאב"ד דקהלתינו ב"פ שליט"א מיט א מצוה טאנץ און דערנאך די צוויי מחותנים שליט"א, און דערנאך האט מען געטאנצן אז ביום השביעי נחת.

שב"ק בייטאג ארום 9:15 איז מרן רבינו שליט"א אריינגעקומען צו שחרית אין ביהמ"ד הגדול. צו תפילת מוסף איז צוגעגאנגען הגה"צ ר' העניך שליט"א חדב"ן.

ביי דער סעודת יום שב"ק וועלכער איז געפראוועט געווארן אינייאנעם מיט די חתן און מחותנים וקרובי המשפחה אין ביהמ"ד המפואר דקהלתינו, איז מיט ברוך ה' יום יום מכובד געווארן הרה"ג ר' יעקב דוד האלבערשטאם שליט"א ראה"כ תולדות אלעזר פון ירושלים עיה"ק, און מיט ברוך קל עליון איז מכובד געווארן הר"ר יעקב דייטש שליט"א בן הרה"ג ר' מתתי' שליט"א אבד"ק רמת שלמה.

מיט ברכהמ"ז האט דער רבי שליט"א מכבד געוואן הרה"ג ר' אברהם מאיר האלבערשטאם שליט"א דומ"ץ דקהלתינו 18'טע עוו., מיט די ערשטע זעקס ברכות איז מכובד געווארן הגה"צ ר' חיים צבי שליט"א אבד"ק סיגוט בן מרן רבינו שליט"א, און מיט ברכה אחריתה איז מכובד געווארן הגה"צ ר' חיים יושע באב"ד שליט"א אבד"ק דראהביטש.

נאך שלש סעודות האט מרן רבינו שליט"א געמאכט קידוש לבנה פארנט פון ביהמ"ד הגדול אויף הופפער סט. ברב עם הדרת מלך.

•♦•

שפעטער מוצש"ק איז דער רבי שליט"א אריבערגעגאנגען צום שטוב פון הרבני הנגיד מוה"ר זלמן לייב אבערלאנדער הי"ו זוהן פון הרבני הנגיד הרה"ח מוה"ר שמואל הי"ו סגן ראה"ק, לרגל די שמחה במעונו מיט די חתונה פון א קינד וועלכער איז פאהרגעקומען דעם פארגאנגענע וואך העעל"ט וועלכער האט לרגל די שמחה מנדב געוען א סכום הגון לטובת מוסדותינו הק' אין וויליאמסבורג.

•♦•

דאן איז דער רבי שליט"א אריבער אין שטוב פון הרה"ח ר' משה פאלקאוויטש הי"ו ווי עס איז פאהרגעקומען א ענגע מסיבת שבע ברכות לרגל די שמחה בחצרות קדשינו, און פון דארט איז דער רבי שליט"א אריבער אין אימפעריעל זאל ווי עס איז פאהרגעקומען דער דינער השנתי לטובת כולל עצי חיים לצדקת ר' מאיר בעה"נ אין בני ברק, קאמבאנירט מיט'ן צענטראלן שבע ברכות לרגל השמחה בחצרות קדשינו.

•♦•

א באריכט פונעם מעמד הדינער לטובת כולל עצי חיים אינאיינעם מיט'ן שבע ברכות וועט אי"ה נאכפאלגן.

•♦•