צהלו ורוני יושבת ציון:
ירושלים גרייטן זיך בהכנה דרבה לקבל משב"ק רבותיה"ק הרה"ח המרומם הרב עזריאל גליק שליט"א.
דאס יהדות החרדית בארץ הקודש בכלל און תושבי ירושלים בפרט גרייטן זיך אין די טעג בהכנה דרבה וברגש דקדושה צו מקבל פנים זיין הרה"ח המרומם הישיש הרב עזריאל גליק שליט"א וועלעכע האט שוין דער זכי' און דינט אלס משמש בקודש ביי דער דריטער מנהיג פון אדמור"י בית סאטמאר און איז דער לעצט פארבליבענער לאנגיעריגער משמש בקודש ואיש אמונו פון מרן רביה"ק והטהור קוה"ק רשכבה"ג זיעועכי"א
דער נאמען "רבי עזריאל גליק", איז ברייט באקאנט ביי די רבבות תלמידי וחסידי סאטמאר פון איבער דער וועלט, און יונג און אלט ווייסן צו פארציילן א מעשה אדער א עובדא וואס רבי עזריאל האט בייגעוואוינט און פארציילט ביי די פילע געלעגנהייטן וואס רבי עזריאל האט אויפגעטרעטן לפני כל עם ועדה אנגעהויבן ביי די גרעסטע כינוסים במקהלות רבבות ישראל און אויסגעלאזט ביי די דרשות פאר די אלפי תשב"ר תלמידי מוסדותינו הק' ביי די יערליכע באזוכען פון רביה"ק בעל ברך משה זי"ע און כהיום ביי די באזוכען פון יבלחט"א ממלא מקומו מרן רבינו שליט"א.
דער נאמען "רבי עזריאל גליק", איז געשעצט ביי אידן פון אלע שיכטן און קרייזן ובפרט ביי תלמידי וחסידי סאטמאר פארשטעלנדיג מיט זיך א גאר רייכע און הייליגע היסטאריע זייענדיג דער איש סודו ונאמן ביתו ומשמש בקודש לפני ולפנים ביי רבינו הק' והטהור קוה"ק מרן בעל ויואל משה זצוקללה"ה זיעועכ"י פארוועם ער האט זיך אוועק געגעבן לייב און לעבן לעשות רצון קדשו בכל עת ובכל זמן במסירת נפש ממש און רביה"ק זי"ע האט אים פארטראסט מיט די האקעלסטע ענינים איינזעענדיג אין אים א געוואלדיגע נאמנות און א אויסערגעווענליכע נאנטשאפט, ולאחר פטירתו פונעם רבין זי"ע איז ער ווייטער געשטאנען ווי אן עבד נאמן ומשמש בקודש ביי רביה"ק בעל ברך משה זי"ע וכעבדא קמא מריה איז ער געשטאנען לימין קדשו עד יומו האחרון, און ווי באקאנט פלעגט אים דער רבינו זצוק"ל גאר שטארק שעצן רבי עזריאל שליט"א ווי דער רבי האט זיך אויסגעדריקט דעם באקאנטן ווארט אויף אים "עבד מלך מלך". און כהיום שטייט ער ווייטער בכל כוחותיו לימין קדשו לממלא מקומם כ"ק מרן אדמו"ר שליט"א מיט א געוואלדיגע געטריישאפט און מיט א אויסערגעווענליכע הכנעה.
אצינד גרייט זיך רבי עזריאל שליט"א ארויסצופארן בשליחות הקודש פון כ"ק מרן אדמו"ר שליט"א צו באשיינען און אויפטרעטן ביי דער צענטראלער סעודת הודאה כ"א כסליו הבעל"ט בעיה"ק ירושלים במעמד אלפי ישראל ובהשתתפות גדולי ישראל ובראשם כ"ק מרן גאב"ד ירושלים שליט"א והגה"צ אבד"ק ור"מ סאטמאר ירושלים שליט"א וואס וועט אויך דינען אלטס א כינוס חסידי סאטמאר מרחבי ארה"ק.
לויטן פלאן וועט דער געהויבענער גאסט ארויספארן היינטיגן מיטוואך אינדערפרי, און ווי עס איז געפלאנט וועט דער באזוך זיין איינגעטיילט קודם אין ירושלים בקרב קהלתינו ומוסדותינו הק' און באזוכען ביי גאר געציילטע אדמורי"ם ורבנים ובראשם ביי מרן הגאב"ד ירושלים עיה"ק שליט"א.
פאלגט נאך ווייטערדיגע מעלדונגען אין דעם אשכול
יהא בואו לברכה
מיר האפן דא צו מעלדן די כסדר'דיגע באריכטן תיכף ביים אנקום פונעם געהויבענעם גאסט
תוקן על ידי המהדרין ב- 25/11/2010 14:50:39
תוקן על ידי המהדרין ב- 25/11/2010 20:19:10