נאכדעם וואס די אונטערנעמער פונעם פראיעקט האבן (נאך לאנגע באמיאונגען) באוויליגט נישט צו גראבן נאר לויט די הוראות פון א משגיח, וועלכע איז טאקע געווען דארט יעדן טאג, און ווי איך האב באריכטעט האט מען פאריגע וואך געטראפן א מערה און דאס איבערגעהיפט, אויפן באפעל פונעם משגיח.

היינט האט דער אנפירער דארט אנגערופן הרב אהרעלע יאקטער, און ער זאגט אזוי: ווי דו זעהסט גייען די פראטעסטן קעגן אונז ווייטער אן, און יעדע פאר טאג קומען אינגעליייט שטערן די ארבעט, טראץ וואס די קברים ווערן אפגעהיטן.

דאס האבן מיר שוין געהערט פון דיר, אז מיט די סיקריקים קענסטו דיך נישט אן עצה געבן, און אויף דעם האמיר פארקוקט.

יעצט אבער האבן די משוגעים אריינגעגעבן א קלאגע אין בג"ץ. מיר גייען ענטפערן אויף אלעם, און די שאנדע פון די חברה וועט ארויסקומען. אבער דאס קאסט אונז עקסטערע כח און געלט, און מיר קענען אזוי נישט ארבעטן מיט ענק.

דעריבער זאגט ער: יעצט אז עטס זענטס אריין אין בג"ץ, וועט זיך אלעס ווענדן אין בג"ץ. אויב וועט דער בג"ץ אונז אפשטעלן – וואס אונזערע לויערס זאגן אז ס'איז א פראצענט פון איינס אין א מיליאן – איז פארפאלן פאר אונז, אויב אבער וועלן מיר געווינען, קומען די ארכילאגן דא אריין, און אלע קברים גייען ארויס פון דא.

ער איז שנעל אריבערגעפארן צו זייער אפיס, און פרובירט צו שתדלען אויפן בעסטן, און מסביר געווען אז עס איז א שאד זיך צו צוקריגן מיט גאנץ כלל ישראל, בלויז צוליב עטליכע משוגעים. נאך אפאר שעה איז געבליבן אזויפיל: אויב וועט אהרעלע קענען צושטעלן א רב, וועלכע זאל קומען מיט משגיחים קוקן צו די פארבליבענע קברים זענען גויים אדער אידן, און אויב עס איז גויים "וועט ער ארויסקומען מיט א פסק דין" און ארויסזאגן אז אלעס איז אויף זיין אחריות, דעמאלס גייען מיר איין צו ארבעטן ווייטער צוזאמען.

אצינד (ביינאכט אין אר"י) איז שוין הרב אהרעלע געווען ביי עטליכע גרויסע רבנים, אבער ווי עס זעהט אויס וועט זיין נישט גוטע נייעס, צוליב וואס ליידער ליידער איז די מצב אזוי, צו איר גלייבט צו נישט, אז יעדער רב האט מורא זיך אנצוהייבן מיט די טעראריסטישע מאפיא גרופע פון אתרא קדישא\סיקריקים. דאס איז דער ווייטאגליכער פאקט, און די ווייטערדיגע הצלת ביה"ח וועט היבש מעגליך צוטרייסלט ווערן צוליב 2 סיבות: 1) ווייל די משוגעים זענען אריין אין [טמאנעם] בג"ץ [בית מינים], 2) ווייל אלע רבנים ציטערן ליידער פון די טעראריסטן.

הרב אהרעלע, וועלכע איז א פארנומענע מענטש וואס פירט א קאנסטראקשן ביזנעס, אבער רייסט זיך אוועק זיינע מינוטין און שעהן, טעג און נעכט, להצלת קברי ישראל, האט זיך אויך גענומען די מיה, און ארומגעגאנגען צו די "הנהלה" פון די עדה החרדית, ער איז שוין היינט געווען ביי רוב פון זיי (ביי יעדן עקסטער פריוואט), און זיי אויפגעוויזן וואסערע חורבן דער תביעה אין בג"ץ מאכט דא אן, און געבעטן אז היות עס גייט ארום אין די גאס אז די "עדה" זענען די קלעגער, זאלן זיי זעהן וואס זיי קענען טוהן דאס אפצושטעלן.

אלע ווי איינער האבן געענטפערט, אז די קלאגע האט מיט די עדה חלילה גארנישט, עס איז קיינמאל נישט געווען אין די עדה אפילו א דיון דערוועגן, און מאידך גיסא האבן אלע געזאגט אז זיי קענען גארנישט טאהן דאס אפצושטעלן, ווייל אפילו אויף אתרא קדישא האט די עדה נישט קיין ווארט, כ"ש ווען דאס איז געטוהן געווארן דורך אפאר יחידים, וואס אויף די סיקריקים האבן זיי נישט קיין שום ווארט אדער השפעה.

עס איז א ווייטאג ווי מיר האלטן אויף דער וועלט, עבדים משלו בנו. און דער פרייז וועט ווידעראמאל זיין: חילול קברים.

יא, ליידער ליידער, איז דאס א גרויסע געווינס פאר אתרא קדישא! "ב"ה! ס'איז געלונגען! זיי ווילן שוין יא ווייטער גראבן קברים!".

השם ירחם על עמו ישראל.

איך וועל פרובירן איבערצוגעבן די ווייטערדיגע פרטים, וויאזוי די מצב וועט זיך דרייען.

1)      פאפנהיים האט גארנישט מיט די עדה.

2)      "ככר השבת" באקומט טיטל "שבתדיגע ברויט".

3)      ככר השבת איז "אויסגערופן" מיט אירע ליגנטס.

4)      די עדה איז שוין צענדליגער מאל אריין אין בג"ץ. (עפ"ל).

והתשובות כדלהלן:

1)      איך האב שוין מקדים געווען פאריגע וואך אז חיי שעה האט אויפגענומען א נייע הנהלת העדה.

2)      ווער גיט נאר טיטלען? יא, כדערמאן זיך, רבי יונה. (דיין פארלוירנקייט מעג ווען זיין אביסל איינגעהאלטן).

3)      ככר השבת איז א סייט ווי אלע סייט'ס, וועלכע זענען אומ-פונקטליך, אבער וועלן נישט עפענען א גאנצע מעשה שלא היה, בפרט אויפן נאמען פון א מענטש, און בפרט ווען זיי פארדינען דערפון גארנישט. יא, געוואלדיג, ער האט געטראפן אז זיי האבן געשריבן מהר"א אנשטאט מהרז"ל... מוראדיג מוראדיג, מרפסין איגרא.

ככר איז א שטארק אויפגעכאפטע סייט, זיי האבן מיט די סאטמארע אישו'ס גארנישט, און מיט אתרא קדישא נאך ווייניגער. זיי שרייבן נאך א שמועס וואס זיי האבן געהאט, און ווי געזאגט איז דא נאך נייעס סטאנציעס וועלכע זאגן די זעלבע.

4)      די קעלבער פארלאנגען אז דו זאלסט זיך נאכפרעגן פארן ארויסגעבן אזא אומ-באלימפערטע סטעיטמענט.

יא, מען האט זיי שוין אסאך מאל גערופן אין בג"ץ, און זיי האבן געענטפערט. אבער אריין אין בג"ץ? אפשר קענען מיר זעהן א קאפי? אזויפיהל זענען די קעלבער ווערד! וואלטסט זיך געמעגט מטריח זיין פאר זיי. יישר כח.

(איך רייב מיר די אויגן ווי ווייט מען קען אנקומען מיטן זיך איינרעדן אז מ'איז א געלונגענע לץ, און אזוי פירט מען אריין א גאנצע עדה אידן אין פארוואגלניש).

איז אזוי, דאס פארשטייט יעדער אלס א דבר פשוט, אז די עדה החרדית אויב ווילן זיי עפעס מודיע זיין, גייט דאס נישט דורך קיין משלחת'ן צו קיין סייט'ס וכדו'.

דא אבער האט זיך געהאנדלט פון א ענין פון הוצאות שם רע, ווען די אינטערנעט סייטס און קווים האבן אנגעלייגט, מיטן באשטעטיגונג פון יואליש קרויס, (איינער פון די וועלכע די עדה זאגט אז ער קען נישט רעדן אין זייער נאמען...) אז "די עדה" האט בלית ברירה אריינגעגעבן די קלאגע אין בג"ץ.

אין אזא פאל, פארשטייט יעדער אז די וועג מודיע צו זיין אז דאס איז נישט ריכטיג, איז דורכן זעלבן מהלך. מען איז מודיע פאר אלע ווארטזאגער, און די מנהלים פון עדה גיבן איבער מפה לאוזן: חלילה לנו מעשות כן.

אלזא, שטיי איך און איך וואונדער זיך, שטייט דא א ניק, וועלכע האט געברענגט א "קראנטע" באריכט אז די "עדה" איז אריין אין בג"ץ. פון וואו שטאמט דאס? ווייל די אינטערנעט סייטס האבן אליינס געשריבן אז די עדה באצאלט די לויער'ס.

פלוצלינג ווען די סייטס הייבן אן נאכצוזאגן פארקערטע סטעיטמענטס, ווערן אלע צוערשט אומבאגלייבט [באקאנטע ליגענער...], און דערנאך איז שוין דא א הודעה פון עדה א יאר צוריק אז קיינער קען נישט רעדן אין זייער נאמען.

נו, הדרא קושיא לדוכתא: ווער האט אייך געהייסן חלומ'ען אז דער קלאגע האט חלילה שייכות מיטן עדה???

(אגב, נפל, איך ווארט אויף א תשובה, וויאזוי עס קען זיין אז פון איין זייט האט דאס די עדה אריינגעגעבן, און פון די צווייטע זיט שרייט מ"ד ניערמאן אז "ער" האט דאס אריינגעגעבן, און ער באצאלט עס. האיך יתקיימו שניהם?

פאר די וועלכע פרעגן ווער עס זענען די מענטשן פון עדה וועלכע האבן מודיע געווען איבערן שארפן אפטרייסלונג פונעם בג"ץ קלאגע:

1)      ווי נעכטן געזאגט איז ר' שמואל חיים פאפנהיים געווען די ערשטע צו מעלדן די מודעה אויף ככר השבת. נעכטן נאכט, ווען דארט איז שוין געווען טאג, בין איך נאכגעגאנגען פון וואו ער נעמט דאס און בשם וועמען ער רעדט, מיינס א ידיד פון אר"י האט אנגערופן אים אליינס אנפרעגן, האט ער געזאגט אז ער האט באקומען א קלארע באפעהל פון הרב יענקל ראטה הי"ו, דער מזכיר העדה, צו גיין איבערגעבן פאר אלע וועלכע האבן געמאלדן איבערן תביעה אין נאמען פון די עדה, אז די עדה טוט זיך שארף אפשאקלען דערפון, און קיין איינער פון די רבני העדה האבן דאס חלילה נישט מתיר געווען.

2)      ר' יוסף לייב יאקאב – ווי אלע היימישע אידן – זוכן צו שטיין ווייט פון א קריגעריי מיט די סיקריקים, וואס דאס קען קאסטן דאס לעבן. דעריבער מעלדט ער אלעמאל אלעס וואס זיי זאגן און וויאזוי זיי פארלאנגען, אריינגערעכנט וואס ער האט געמאלדן איבער די תביעה אין בג"ץ פאריגן פרייטאג, מיטן גאנצן פראכט, און ער האט טאקע בכלליות נאך קיינמאל נישט געמאלדן די אמתע פאקטן, וועלכע ווערן אייגנטליך אין ערגעץ נישט געמאלדן, ווי שוין מסביר געווען עטליכע מאל.

יעצט אבער אז ער האט באקומען אזא באפעל פון ר' שמואל חיים, האט ער באשלאסן אליינס אראפצוגיין אין לשכת הבד"ץ, און אנפרעגן צו דאס איז קראנט.

אנקומענדיג דארט האט ער געטראפן נאך פילע חברי הנהלה פון די עדה, און אלע האבן אים געזאגט אז ער זאל מעלדן "בכל החומר" אז די פעולות ווערן געטאהן דורך פריוואטע אואויטאריזירטע מענטשן וועלכע טוען אייגענע פעולות וואס האבן נישט קיין שייכות מיט די עדה, טראץ וואס זיי רעדן אין זייער נאמען, און די עדה איז שארף דערקעגן צו אנערקענען אין טמאנעם בג"ץ, א זאך וואס זיי האבן נאך קיינמאל נישט געטוהן, ביי קיין שום מערכה אין די אלע צענדליגער יארן ביז היינט.

אצינד זעהט איר שוין אז נישט נאר די "באקאנטע ליגנערישע" (?) ככר השבת מעלדט די נייעס, נאר אויך די "קראנטע פונקטליכע" בחדרי חרדים, וועלכע זענען געווען די העלדישע צו מעלדן איבער דעם אז די עדה באצאלט די לויער... זאגן שוין אליינס אז דאס וואס "בחדרי חרדים און קול הציבור" האבן געמאלדן אז די עדה האט אריינגעגעבן די קלאגע האט אויפגעשטורעמט די בי"ד.

 וואס מיינט איר? חיי שעה וועט פארלירן זיינע חיי שעה? אוודאי נישט. ער איז שוין דא מיט א רפואה פאר די מכה: אויפן באריכט אין בח"ח ווערט דאך דערמאנט דאס ווארט "קול הציבור", וואס דאס איז דאך ר' יוסף לייב, איז דאך די גאנצע באריכט הבלים (טראץ וואס דאס קומט פון די קראנטע בח"ח)...

דער ציבור פארלאנגט אבער, אז חיי שעה זאל מהיום והלאה בעסער אריינקוקן בעפארן שרייבן: "וואס" זאגן זיי וועגן קול הציבור, און דאן וועט חיי שעה זיין איבערצייגט אז די משמעות איז גאר פארקערט, אז די "ערשטע נישט ריכטיגע" באריכט איז געווען אויף קול הציבור, און טאקע דאס ווערט פארדאמט דורך די עדה, און אזוי ארום האפט דער ציבור אז חיי שעה וועט אפירקומען מיט בעסערע חיי-שעה-ספין'ס, און די זאלונים וועלן אפאטעמען רואיג.

נעכטן האבן די סיקריקים פון אתרא קדישא אפגעהאלטן א "פראטעסט" אין בית שמש, פארנט פונעם שטוב פון ר' שמואל חיים פאפנהיים הי"ו !!!

די פראטעסט איז געווען אויסצודרוקן א שארפע מחאה פארן גיין אקעגן דעם ווינט, און ברעכן די אייז זיך צו טרויען איבערצוגעבן מעסעדשעס וועלכע זענען קעגן די אינטערעסן פון די טעראריסטן!

די נייעס קען דינען ווי א קליין-שטיקל דוגמה מקצת מן המקצת, צו קענען באגרייפן פון וואסערע סארט חברה מען רעדט דא, און פארוואס אלעס ציטערט צו זאגן דעם אמת, און פארוואס ווען מען רעדט פון דאס ווארט "קברים" לויפן אלע רבנים אוועק כמטחוי קשת פון אריינצורעדן א ווארט.