אין בארא פארק איז די לעצטע טעג אנגעקומען א פאשקעוויל אין ענגליש, מיטן אנשטעל אז דאס איז געשיקט געווארן דורך די טאהשער קהילה קעגן די סאטמארער קהילה אין בארא פארק.
איך וויל זיך נישט אריינלאזן אים דעם גאנצן ענין ווייל נאך אלעם וועט דאס נישט ברענגען קיין כבוד פאר דעם יחיד וואס שטייט בשאט נפש הינטער די מסירות קעגן בוי פונעם נייעם בית מדרש הגדול דקהל יטב לב ד'אטמאר בארא פארק אויף די 52'סטע גאס.
אבער אזויפיל מוז ארויסגעברענגט ווערן, אז דער פאשקוויל שטאמט פון אים זעלבסט, ער האט דאס פינאנצירט און די טאהשער קהילה שטייט ווייט פון דעם גאנצן ענין.
אדרבה, עס האלט ביי דעם אז אויב ער וועט ווייטער אנגיין מיט זיינע מעשים, דראעט עס אים ארויסגעשטעלט צו ווערן פון די טאהשער בית המדרש.
יעצט הייסט עס אז מען פארהאנדעלט, די שאלה איז נאר ווי מען וועט אנקומען דערמיט, און צו דער פאשקוויל איז נאר א מיטל צו ציען צייט.