ווי דער מקוה איד הרה"ח ר' הלל ווייס גיט איבער, האט זיך שוין עטליכע מאל געמאכט אז די האנטוכער אינעם "דרייער" האבן זיך אנגעצונדען פונעם היץ, אבער מען פלעגט דאס כאפן געוג באצייטנס. בשעת די שריפה איז קיינער נישט געווען אויפן ארט, צוליב דעם וואס דער דרייער האט זיך געזאלט אויסלעשן פון זיך אליין, וואס דאס האט ווארשיינדליך געברענגט דעם שריפה.
דער רויעך איז באמערקט געווארן דורך די לומדי היכל צבי ראזענבערג אין די שפעטע שעה, וועלכע האבן גלייך אלאמירט מצילי אש וועמענס העעראישע וואלונטירן שיחיו האבן זיך געפונען אויפן אין סקונדען.
צוליב דעם שווערן גרוך וואס די רועך האט איבערגעלאזט, האט מען צוריקגעדרייט די זייגער א צען יאר, און זיך געזעצט לערנען אין היכל ביהמ"ד הגדול. די וואס זענען אויפגעשטאנען אביסל שפעטער האבן זיך שוין געקענט זעצן לערנען אין דעם גן עדן התחתון הנקרא היכל צבי ראזענבערג, צוליב וואס די גרויסע פענס האבן מער ווייניגער געטון דאס זייעריגע.
צוליב די אויסגעלאשענע בוילערס זענען די שויער היינט געווען ארויס פון דינסט, בשעת די מקוה איז געווען עטוואס קילער ווי געווענליך. אויב דאס וואלט פאסירט אין א גרינעם דינסטאג וואלט דר'עולם זיכער געווען מלא טענות, אבער אנדערש איז געווען היינט ווען מען האט אפגעגעבן א שבח והודאה פאר'ן רבוש"ע אז מען האט באצייטנס פארלאשן די שריפה.
