די מאסא המאלכעס אין לאנדאן

אינטערסאנטע נאטיצן פון די 'היסטארישע מסע' (אוודאי, אויב רירט מען זיך קוים ארויס פון די וויליאמסבורגער ד' אמות, אודאי איז דאס היסטאריש)

- ביים מעמד קבלת פנים האט דער וועלטס גאון מחדש געווען א נייע פסוק אין תהלים "נברכה לפני ה' אלוקינו" (אנשטאט עושינו) די ארטיגע עולם איז אונטערגעשפרינגען פאר שמחה פון דעם נייעם חידוש.

- לויט ווי איינער וועלכע האט זיך געדרייט אין שטוב דארט גיבט איבער, האט דער שטריק געכאפט נעכטן א דריי שעה'דיגן שלאף פון 11 ביז 2 נאכמיטאג ברציפות להחיות נפש צדיק

- נעכטן ביים אפיציעלן זמן קבלת קהל האט א ריזן עולם פון קרוב צו 5 מענטשן און נאך 6 בחורים געווארט אין די רייע אריינצוגיין, מרדכי דוד האט ב"ה געקענט ממשיך זיין די זיסע שלאף אהן וואס קיינער זאל איהם שטערן.

- בנוגע די פארשפראכענע אנדעהאלבן מיליאן יורא, לויט ווי עס זעהט אויס וועט מען זיין היבש צופרידן אויב עס וועט געלונגען צו שאפן כאטש א דריטל דערפון, דערווייל האלט עס בערך ביי א 3-400 טויזענט. (די בערגערס 180, בעריש ווייס ובניו 50, מרת גראס 90, עליש 50, עסטרייכערס 10 - גרויס איז געווען די בושה ווען מען האט געפענט דעם טשעק און מען האט געזעהן בלויז 10000 דאלער, ר' זלמן האט פרובירט צו מאכן א וויץ אז דאס איז נאר די איינגאבע אבער לא הועיל כלום, זיי האבן נישט געהאלטן ביים געבן מער, כאטש אז מען האט זיי אראפגעברענגט ר' לייבוש און ר' זלמן) - יחזקאל שרייבער 36'  נאך  75 פון די אינגעלייט און בע"ב און 40 ביים מסיבת נגידים. צוזאמען איז דאס 531 טויזענט דאללער = 420 טויזענט יורא.

- נאך פאמפען אויף א צורה שלא היתה כמוהו און צוזאם גערופן די גאנצע שטאט, קול קורא'ס פון אלע שטאטישע רבנים, אראפברענגן אלע רבנים פון אנטווערפן, איז אבער זייער עצרת שטארק דורך געפאלן סיי בכמות און סיי באיכות. די זאליס האבן דאס געמאכט פאר א שטאטישע מסיבה און גערופן דעם גאנצן לאנדאנע עולם אנטייל צו נעמען און ראטעווען דעם אנטווערפענער מוסד מיטן תירוץ אז עס דינט אלס מוסד פארן גאנצן שטאטישע עולם ווי רוב לאנדאנע האבן קרובים, דאס האט זיך שטארק אנגעזעהן ביים עצרת ווען איבער האלב דערפון זענען געווען סתם עמך אידן וועלכע האבן זיך גערישט אויף אן אינטערסאנטע רייכע מסיבה אבער זענען שנעל אוועקגעגאנגען נאך וואס עס איז געווען בלויז בענקלעך און דרשות. הארט איידער רזל איז אריינגעקומען האט מען שנעל ארויסגענומען 8 רייעס בענקלעך עס זאל נישט אויסזעהן אזוי שיטער (גיבט א גיטן בליק אויפן בילד וואס דרייט זיך ארום בשעת די עולם שטייט ווען ער קומט אריין און קוקט וואס טוט זיך אונטער די שטייער' ס און זעהט ווי ליידיג עס איז דאן געווען), שפעטער האט זיך דאס אביסל אנגעהויבן אנצפילן מיט די שטאטישע עולם אבער דאס האט אנגעהאלטן בלויז 10 מינוט (בערך 10 אזייגער) אזוי האט דאס אנגעהאלטן די גאנצע צייט ווען די שטאטישע עולם קומט און גייט כסדר. פארשטייט זיך אליינס אז צום געלט טישל איז קיינער נישט צוגעגאנגען די פאר אידן וואס זענען געזעצן דארט האבן געהאט אזויפיל ארבעט ווי זייערע קוויטל שרייבערס.
לכתחילה האבן זיי טאקע געפלאנט צו מאכן א דינער און א זאהל אבער ווי נאר די מעסעזש איז געקומען פון ר' לייבוש אז ער בלייבט נישט, איז דאס געקענסלט געווארן וויסענדיג איז קיינער וועט זיך נישט ארויסשלעפן מחוץ לעיר בלויז פאר ר' זלמן.


בדרך אגב, ווי נאר ר' זלמן האט זיך באגעגענט מיט בעריש בערגער, איז די ערשטע פראגע געווען צו מען האט אנגעגרייט גענוג האומלענד סעקיורעטי העליקאפטער'ס, עס איז נישט צום באשרייבן די רוגזה און אנגעבלאזנקייט וואס האט זיך דאן באוויזן אויפן צורת הצדיק...