פיינעלי: דער אמת איבער די מחללי קברים "אתרא קדישא"

הקדמה.

"אתרא קדישא" ווערט געפירט דורך עמרם טייטלבוים און נחום עתיק און נאך עטליכע טעראריסטן (איך וויל נישט זאגן נעמען, נאר די וועלכע זענען שוין ממילא אין די נייעס), וועלכע האבן אין לעבן זייער אסאך ציהלן, אויסער איין זאך: כבוד שמים.

יעדער ווייסט וואספארא שמוציגער פנים די חרדישע אידן טראגן ליידער היינט צוטאג אין ירושלים. אין די צייטן פון ר' עמרם בלוי זי"ע, ווען מען האט אויך לוחם געווען אן קיין פשרות קעגן יעדע פירצה, איז נישט געווען קיין שמוץ! עס איז געווען "איידעלע אבער שטורמישע מערכות!" דער מושג פון ברעכן פענסטער און שלאגן פאליציי און אפילו נאכשרייען "נאצי", דאס איז אמאל נישט געווען.

די אלע מעשים פון די חברה, האט איין ציהל: פאן! נישט אלע, עס זענען דא מיטגלידער וועלכע העלפן זיי ארויס און מיינען עס נעבעך ערנסט, אבער עפ"י רוב די מערכות וואס ווערן אנגעפירט דורך זיי זענען אויף דעם שטייגער און זיען אן א חילול שם שמים איום ונורא.

אבער, נישט דאס איז אונזער נושא דא, עס איז נאר גוט דאס צו וויסן, און אויך ברויך מען וויסן אז די "עדה" ווערט היינט ליידער געפירט דורך זיי. נישט אז די רבנים שעצן זיי, רוב רבנים פון די עדה האבן זיי פיינט שנאת מות, נאר, יעדער האט מורא צו זאגן א ווארט! יא, אזוי ווי איר הערט. אלעס ציטערט פון די טעראריסטישע גרופע, וואס ווער עס וואגט זיך נאר צו טראכטן אנדערש ווי זיי איז "אחת דתו להמית" בלי גוזמא! (דער גאבד איז יא מיט זיי, זיי האבן אין אפגעקויפט און זיי זענען זיינע בני בית.

צום ענין.

שוין זייער אסאך מאל האט זיך געמאכט אז מען האט זיך איבערצייגט אין די קראנטקייט פון די מערכות פון אתרא קדישא בראשות ר' דוד שמידל שליט"א.

עס געדענקט יעדער ווען דער ברך משה האט זיך געבייזערט אויף זיי ביי זייער מערכה מיט קדמונינו.

דער ברך משה האט דעמאלס געזאגט אזא ווארט: עס איז דא א נוסח וואס מען זאגט "ויה"ר שיתקדש שם שמים על ידינו", האט ער געזאגט, ביי אתרא קדישא איז דער "על ידינו" פריער ווי די "שיתקדש שם שמים"... ודפח"ח.

און דאס דארף מען קיינעם נישט דערציילן, יעדער האט מיטגעהאלטן וואס עס האט זיך אפגעטוהן ביי שפאניע, ווען מען האט געהאט דערגרייכט אן אפמאך מיט די דארטיגע רעגירונג צו צוריק באגראבן די ביינער, און שוין נאכן באגראבן, זענען געגאנגען די חברה און אנגעפירט א מערכה מיט די שפאנישע רעגירונג. א שרעקליכע התגרות באומות אן קיין שום תירוץ, נאר די איינע: אויב נישט איך בין דער מציל, איז עס טריף.

אבער, וואס נישט יעדער ווייסט איז, אז דאס זענען נאך פון זייערע מצוות.

עס איז דא א פיל טיפערע קארופציע ווי דאס אז מען לאזט נישט א צווייטן טוהן. ווייל דאס אליינס, אויב טוען זיי ווען יא ריכטיג, וואלט געווען א האלבע צרה.

די מעשה איז אבער אז ווי איר וועט באלד הערן איז דא דא א מיסיע צו מאכן "מהומות". ווייזן אז מען לעבט. מען קען דאס אנרופן אז זיי ווילן ווייזן אז די חרדישע אידן לעבן, און מען קען זאגן אז זיי ווילן ווייזן אז אתרא קידשא לעבט. אבער איך שיהיה, איז דא אזא באגריף, אז אפילו ווען אליבא דאמת וואלט מען זיך געקענט דורכקומען מיט די ציונים איבער א געווייסע גזירה אדער פראבלעים, אז זיי זאלן אפשטעלן זייערע מעשים, וועט מען ענדערשט לאזן קראכן די פארהאנדלונגען, אזוי ארום וועט זיין "לעבעדיג"...

איז דאס דער דעת תורה? איז דאס דער דרך פון רביה"ק זי"ע? איז דאס דער דרך פון אלע פריערדיגע לוחמי מלחמות השם? אוודאי נישט!.

יעצט צו אונזער ענין מיט די חילולי קברים.

אשקלון:

די סדר איז געווען ביז היינט, אז דער הויפט פון די ארכילאגן (די רשות העתיקות), ווען זיי ווערן אראפגערופן צו א פלאץ צוליב וואס דארט זענען פאראן אלטע זאכן, שיקן זיי א פאקס פאר אתרא קדישא, און אתרא קדישא שיקט אהין א משגיח וועלכע מאכט זיכער אז ס'איז נישטא קיין קברים, און אויב אז מען זאל נישט גראבן נאר לויט די הלכה.

דער הויפט פון די ארכילאגן אין ירושלים איז איינער אופמאן (שר"י!). ווען מען האט אנגעהויבן גראבן אין אשקלון, האט דער אופמאן געזאגט פאר ר' דוד שמידל אז מען גייט דארט גראבן, אבער דא קען ער אים נישט העלפן, ווייל די רעגירונג איז אנטשלאסן צו גראבן. נו, אוודאי עפנט מען א מערכה כבידה קעגן די רשעים.

איז אבער אתרא קדישא (סיקריקים בלע"ז) געגאנגען, און אנגעזייט פריוואטע חורבנות פאר דעם אופמאן. איבראל ווי ער ארבעט אין א פלאץ, וואס אייגנטליך וויסט אתרא קדישא דערפון נאר צוליב אופמאן'ס וויליגקייט אריינצורופן משגיחים אויפן פלאץ, און אתרא קדישא גייט אהין איבערדרייען! מען מאכט שריפות, מען צושטערט זייערע גראבונגען (נישט ביי מקום קברים).
דער אופמאן בעט זיך צו זיי: וואס ווילט עטס פון מיר? גייטס צו די רעגירונג, גייטס קיין אשכלון, גייטס וואו עטס ווילטס, אבער איך האב דאך ענק נאר גוטס געטוהן, (נישט אז ער איז א צדיק. ער איז א רשע אז ער גראבט קברים, אבער ווען ער טוט עס ווייל ער מוז און די רעגירונג לאזט אים נישט פארהאנדלען, איז נישט די וועג צו טעראריזירן אים פריוואט!).
וואס איז די תוצאה פון אזא נארישע טעראריסטישע אויפפירונג? אז דער אופמאן וועט מער נישט וועלן פארציילן ווען ער גראבט ערגעץ אנדערש, און וועט אויפהערן שיקן די פאקסן, וועלנדיג אפהאקן מיט די משוגעים. נישט אזוי?

וכך הוה!.

די לעצטע דריי חדשים האט ער אויפגעהערט איינצומעלדן וואו מען גראבט און קיינער ווייסט נישט צו מען גראבט יעצט ערגעץ קברים! יעצט זאגט איר: איז אתרא קדישא מציל קברי ישראל? אדער מחלל.

אבער, איר האט נאך געהערט נאר די פארשפייז.

יפו

דא קומט דער עיקר.

יעדער האט מיטגעהאטלן, און האלט ווייטער מיט, די שטורמישע מערכה אין יפו. אויך האט מען מיטגעהאלטן ווי א עסקן נמרץ לש"ש הרב אהרלע יאקטער האט זיך אריינגעלייגט אין די מערכה. ער האט נישט גערוהט א רגע, ער האט אויפגענומען איינעם פאר טייער געלט צו פירן זיין ביזנעס (קאנסטראקשן), ער איז יעדן טאג געגאנגען נעמען פערמיטס פאר די פראטעסטן כדי די פאליציי זאלן זיין עטוואס רואיגער, ער איז יעדן טאג געווען אין יאפו און פרובירט צו בארואיגן די פאליציי ביי די שווערע סיטואציעס, זאגנדיג אז ער וועט ושין מאכן סדר, ער האט געברענגט פאר די מוחים וואסער מיט אייז יעדן טאג, ער איז ארומגעלאפן צו רבנים ארלעדיגן חתימות אויפן חרם קעגן אלקטרה, (ער האט שוין אפילו געהאט א צוזאג פון עטליכע פרעמדע רבנים פון נישט היימישע קרייזן, ווי הרב אלישיב, אז אויב הייבט מען צוריק אן גראבן שרייבן זיי אויך אונטער, נאך וואס ער האט זיי פארגעהאלטן פארוואס די חילול קברים באדערט נאר פאר די ערליכע קרייזן אין די צייט וואס דאס האט נישט מיט קנאות צוטוהן), ווען עס איז געווען די פראטעסט אין אנטווערפן און איין קהילה האט דאס פרובירט צו צושטערן האט ער געמאכט טעלעפאן קאלס צו זיי און זיך הארציג געבעטן און מסביר געווען אז מען קען נישט פירן קיין חשבונות ווען מען גראבט אויס אונזערע עלטערן, און אזוי ווייטער און ווייטער.

ער האט ווי פארשטענדליך געארבעט צוזאמען מיט אתרא קדישא, הגם ער האט זיך צוהאנקערט מיט זיי דא-דארט, למשל, ער איז אריין צו די פאליציי סטאנציע אין יאפו, און איבערגעגעבן א שיינע בריוו ווי ער איז מסביר אז מען מיינט נישט זייער שלעכטס נאר מיר קענען נישט איינרוען ווען מען גראבט קברים, און האט זיי מסביר געווען אז עס איז זייער מעגליך אז מען גראבט זייער אייגענע עלטערן און די עלטערןו אויף יענע וועלט קוקן זיך צו ווי מען שלאגט די וואס נעמען זיך אן פאר זייער כבוד. עטליכע פאליציי אפיצירן האבן געוויינט! הערנדיג זיינע שיינע געבעטן, און דאס אלעס האט ער געטוהן כדי צו פרובירן אז די פאליציי זאלן זיך אויפפירן אביסל רואיגער, אבער דא זענען שוין די אתרא קדישא חברה געווען אויף אים טויט ברוגז, היתכן ער "רעדט" מיט די פאליציי. זיי זענען שקצים! מען טאר ניט זיי נישט שטיין אין ווארט!. אבער א נארמאלער מענטש פארשטייט אז מען מוז פירן א מערכה מיט אביסל שכל, און אויב ווערן די קעפ פון מוחים געשפלינדערט איז די בעסטע וועג זיך צו בעטן ביי די פאליציי. אבער גיי זיי מסביר פאר די טעראריסטישע קעפ. אבער, דערוייל האבן זיי נאך געארבעט צוזאמען.

וואו האט עס אויסגעפלאצט?

ווי יעדער ווייסט זענען געווען צוויי וואכן שטיל וואס מען האט נישט געגראבן. וואס איז דעמאלס געווען? קיינער ווייסט נישט. דאס איז סאמטינג פישי. זיי האבן דאך אפגעשטעלט די ארבעט פאר א סיבה, זיי ווילן פארהאנדלען. נו? וואס איז למעשה געווען? וואס האט מען פארהאנדלט? פארוואס איז עס דורכגעפאל? קיינער ווייסט נישט. וועל איך אייך דערציילן:

אהרלע יאקטער האט זיך אראפגעזעצט מיט די קאמפאני און מיט די לויערס, און זיי האבן מסביר געווען אז עס איז שון נישטא מער קיין קברים, די איבריגע חלק שטח האט נישט קיין קברים. האט ער גאזאגט אז ער טראסט זיי  נישט. (מען קען זיי באמת נישט טראסטן).

ער האט פארלאנגט פון זיי אז מען זאל צוערשט לאזן מאכן א ליקוט עצמות, און דערנאך וועט מען זעהן ווייטער. האבן זיי געזאגט אז מען קען קומען דאס מאכן. אבער, יעדער וואס גייט אריין מוז אונטעשרייבן פאר א לויער אז ער גייט נישט קלעימען קיין אינשורנס. אהרעלע איז אריבער צו שמידל, און פארציילט אז מען קען גיין מאכן א ליקוט עצמות. האט שמידל געזאגט אז מארגן צופרי וועט ער שיקן 50 אינגעלייט, און אזוי האט מען טאקע אפגעשמועסט מיט ביידע צדדים.

צופרי איז אהרעלע אנגעקומען, עס זענען געווען דארט די לויערס און די קאמפאני. ער ווארט און ווארט און קיינער קומט נישט, רופט ער אן שמידל, ענטפערט ער אז "מען איז אינטערוועגנס". נו, ווארט ער האך אביסל. ווייסט איר ווי לאנג די ביסל איז געווען? אכט שעה! אכט שעה איז ער געזעסן און געווארט אינאיינעם מיט די לויערס און קאמפאני פארטרעטער, ואין עונה. נאר אכט שעב זאגן די לויערס פאר אהרעלע: דו זעסט נישט אז דו ארבעטסט דא מיט בהמות? מיר ווארטן נישט מער, מיר גייען אהיים.

אהרעלע רומט אהיים צובראכן, ער גייט ארויף צו שמידל און פרעגט אים וואס איז פשט? זאגט שמידל, מיר קענען נישט באשליסן צו מאכן א ליקוט עצמות, מען מוז גיין צו די רבני העדה.

גוט, אהרעלע לויפט צו די רבנים. ווייסט איר וואס זיי ענטפערן? יעדער עקסטערע האט געענטפערט אז זיי רעדן נישט אריין אין א זאך וואס האט צוטוהן מיט קברים, וויל אויב יא האט ער מארגן א פראטעסט ביי זיין שטוב (!), און דעריבער זאל ער נאר רעדן צו שמידל. ביז ער איז אנגעקומען צום ראב"ד, און דער ראב"ד האט געזאגט אז זיכער ברויך מען מאכן א ליקוט עצמות, וואס איז די שאלה.

ווי נאר ער גייט ארויס פון דארט, הייבט אהרעלע אן צו באקומען טעלעפאן קאלס פון די חברה, וואס? דו ביסט געווען ביים ראב"ד רעדן זאכן וואס געהערן צו שמידל? דו ווייסט נישט אז מען טאר נישט רעדן וועגן קברים נאר מיט שמידל? זאגט ער אז וואס הייסט, שמידל האט אים געשיקט. זאגן זיי, וואס הייסט, דו  ווייסט נישט אז דאס איז נאר "דאמירן בעלמא"? מען טאר נישט למעשה רעדן צו קיינעם!!!

דא האט ער שוין אנגעהויבן זעהן מיט וואספארא חברה ער האט צוטוהן.

למעשה איז ער דאך געגאנגען זיצן מיט די קאמפאני (עס איז דא דארט איינער מטן נאמען שחר פערי וואס נעמט קער פונעם פראיעקט), און פרובירט צו פארהאנדלען ווייטער, האבן זיי אים גאזאגט, שרעקעדיגע ווערטער! הערט און שטוינט!!!

מיט עטליכע יאר צוריק האבן מיר שוין געשיקט פאר אתרא קדישא אלע בוי פלענער, און אנגעפרעגט וואס זיי האבן צו זאגן, און קיין אנטווארט איז נישט געקומען!!!

עד היום האבן זיי מיט אונז קיין ווארט נישט גערעדט, נאר טעראריזרט און פראטעסטירט!

נישט אז מיר גייען מצדיק זיין א רשע וואס גראבט קברים, אבער איר הערט וואס דא טוט זיך?! די חברה זענען געווען געהעריג גרייט אפצולאזן די קברים און בויען לויט די אנווייזונגען! ביז.. זיי האבן געזעהן אז זיי האבן דא צוטוהן מיט משוגעים! עס איז נישטא מיט וועמען צו רעדן, אויסער פראטעסטן, נו אויב אזוי האבן זיי באשלאסן צו טוהן ואס זיי ווילן און פארטיג.

אהרעלע האט אבער ווייטער פרובירט זיי צו בייגן און איבעררעדן אז ער וועט ארלעדיגן אז שמידל זאל אריינקומען און גיבן אנווייזונגען אויף ווייטער וכו'. און: זיי האבן מסכים געווען! דהיינו: זיי זענען מסכים אז מען זאל אריינקומען מאכן א ליקוט עצמות, צוריק באערדיגן אויפן זעלבן פלאץ, און נישט בויען ווייטער נאר מיט א משגיח. פשש! געוואלדיג! וואס ברויך מען מער. גייט ער צו ר' דוד שמידל, און פרובירט צו מסביר זיין אז די מערכה קען זיך ענדיגן, זיי זענען מסכים אויף אלעם. אבער ר' דוד זאגט אן אנטווארט וואס איר ווילט זיך נישט גלייבן: "לטובת המערכה" דארף די מערכה ווייטער אנגיין". (!!!!!!!!!!)

יא! כאפט אייך אן אין בענקל, און ליינט דאס איבער!

פארשטייט איר וואו מיר האלטן יעצט? זיי זענען מסכים צו פארהאנדלען, זיי זענען מסכים אויף אלעם, (איך ווייס נישט צו יעצט נאך אויך, מסתמא האבן זיי שוין לאנג אויפגעגעבן צוליב דשי משוגעים), אבער מען שיקט ווייטער דעם עולם פראטעסטירן! ווער גייט ארויס קיין יאפו? נישט עמרם טייטלבוים, נישט עתיק, נישט קיינער פון די טעראריסטן, מען שיקט דעם עולם גולם! זאל דער עולם גולם כאפן קלעפ ווייל איך וויל אז עס איז זאל זיין ווייטער א "טובת המערכה". זאלן די ביינער פון אונזערע עלטערן זיך וואלגערן, ווייל "טובת המערכה", זאלן די ארכילאגן גראבן איבעראל און נישט פארציילן מער פאר קיינעם, ווייל, טובת המערכה.

און נאך איין נקודה, אפילו ווען זיי זענען נישט גרייט צו פארהאנדלען, ווערט האט דיר פארציילט אז עס איז נאך דא קברים? ווער זאגט אז מען מוז גיין ווייטער אויף מסירת נפש? אפשר איז אמת אז עס איז נישטא מער קיין קברים??? פארוואס זרלן קעפ צעשפאלטן ווערן ווען קיינער איז נישט געווען אינעווייניג צו זעהן אפילו צו ס'איז נאך דא קברים? פארוואס זעהסטו נישט אז מען זאל אריינלאזן א משגיח און מען זאל בודק זיין צו ז'איז נאך בכלל דא קברים, א זאך וואס די קאמפאני האט גערן מסכים געווען?

און טייערע ידידים! ווערט נשט איבערגענומען ווען איר זעהט ווי די מערכה גייט ווייטער אן און אלע ערליכע רבנים שיקן ארויס דעם עולם און די עדה שרייבט ווייטער אז מען גראבט, ווייל:

נעמט אייך גוט אריין אין קאפ! מיר לעבן אין א "עולם השקר"!!!

יא, די טעראריסטן פירן די מערכות, טייל רבנים ווייסן נישט וואס דא טוט זיך אונטער דעם, און די אנדערע טייל האבן מורא ארויסצוזאגן וואס זיי וייסן, און אלעס פארט ווייטער...

===========

אלזא אצינד אז די טעראריסטן האבן געזעהן אז דער אהרעלע האט ארויס די קארופציע און ער לויפט ארום צו רבנים און ס'איז צרות, וואס טוט מען?

קיין פראבלעם.

מען הייבט אן פארקויפן א מעשה: די ציונים האבן געהאט ביי אונז באהאלטענע אגענטן, ב"ה מיר זענען פשטור געווארן פון זיי!

פשוטו כמשמעו... א מעשה פון עמרם טייטלבוים.

פארוואס זאס איך דאס? ווייל אויב וועט איר ליינען ערגעץ אין די קומענדיגע טעג אז די ערב רב וויל חרוב מאכן אידישקייט און מישט זיך אריין אין זאכן וועלכע געהערן נאר צו די רבני העדה (לייען: ר' דוד שמידל און עמרם ט"ב), זאלט איר וויסן פון וועמען מען רעדט.

=======

עס איז דא נאך אסאך צו זאגן, אבער דאס איז גענוג אויף דערווייל.

תוקן על ידי FiveBoro ב- 18/08/2010 18:44:30

אני הקטן האלט שוין מיט, מערכות אין ארץ ישראל, צענדליגער יאהרן, איך וויל נישט חס ושלום מזלזל זיין אינעם כבוד פון הרה"ג ר' דוד שמידל שליט"א - וואס איז באמת א עסקן לשם שמים, אבער זיין וועג וויאזוי ער פירט זיינע מערכות אלע יאהרן, איז עס שטענדיג געוועהן מיטן קאפ אין וואנט.

עס איז דערמאנט געווארן אויבן 'קדמונינו' - ווייסט אימער ווער דא, וויאזוי קדמונינו איז נתייסד געווארן?

איז אזוי: געוועהן איז דאס מיט כמעט דרייסיג יאהר צוריק, האבן די רשעים די ציונים געוואלט אויסרייסן די הייליגע קברים פון די אמוראים 'אביי ורבא' - וואס געפינט זיך אין א פלאץ וואס מען רופט 'אבנית' - אויף דעם פלאץ פון די קברים, האט די ציוניסטישע ארמיי געוואלט בויען געוויסע עקוויפמענטס, דער פלאץ געפינט זיך קעגן איבער  סורישע געביטן.

עס איז אין יענע צייט אנשטאנען וויא פארשטענדליך, אגרויסער אויפברויז ביי כלל ישראל אין די וועלט בכלל, אין אין ארץ ישראל בפרט, עס איז געוועהן א שווערע מערכה, ר' דוד וויא באקאנט האט נישט געוואלט זיצען ביים טיש און אנדלען - אבער עס זענען געוועהן ביי אתרא קדישא - אפאהר סאלדאטן, וויא ר' מרדכי יצחק ליכטנשטיין, ר' גבריאל פאפנהיים (אקאזין פון דעם באקאנטן 'גבריאל פפנהיים'), ר אביגדור רוזנפעלד, ר' יחיאל כהן, ר' שמחה בונם נויפעלד (שפעטער האבן זיי אריין גענומען ר' משה קרויס), די 'סאלדאטן' האבן געזעהן אז מען קען יא דורעכקומען מיט די אינסטאנצן.

מיט די פולהייסונג פונעם בית דין פון העדה החרדית - בראשות דעם רב דער בעל מנחת יצחק זצ"ל, האט מען זיך אראפ געזעצט מיט די אינטאנצן - למורת רוחו פון ר' דוד'ן - מען האט אויס געארבעט א הסכם - און ב"ה די קברים זענען געבליבן גאנץ אומבארירט - נאכמער די אינסטאנצן האבן מסכים געוועהן צו לאזן די קברים אינדרויסן פונעם שטח פונעם ארמיי, אז מען זאהל קענען קומען מתפלל זיין.

וויא פארשטענדליך האט זיך געשאפן א ריס צווישן ר' דוד'ן מיט זיינע אויבנדערמאנטע סאלדאטן, און זיי האבן זיך אפגעאקט פון אתרא קדישא, גלייך האבן זיי אנגעהויבן צו בויען א אוהל אויף די קברים - וואס שטייט נאך עד היום הזה, דאס איז געוועהן דער ערשטער פרוייקט וואס די נייע 'קדמונינו' ארגאניזאציע - האט געבויעט.

היינט איז די עדה החרדית אהן קיין אמתער געטרייער שטארקער פירער - אזוי וויא ר' גרשון שטעמער זצ"ל, איז ליידער דער מצב זייער אומסטאביל - און דאס זענען א חלק פון די תוצאות.

גערעכט כתב: [בילד – נישט אפגעהיט] איך וויל נישט חס ושלום מזלזל זיין אינעם כבוד פון הרה"ג ר' דוד שמידל שליט"א - וואס איז באמת א עסקן לשם שמים,

ר' משה בער בעק מיינט אויך לש"ש, אלא מאי? פאר דעם איז ער גערעכט? דער ברענגט דאך א חרבן אויפן יהדות החרידית איבער די גארער וועלט,

איך גלייב נישט וואס איך ליין דא!!!

זיי ווילן נאכגעבן אלעס און מען נעמט עס פשוט נישט אן??? און מען איז נאך מוחה???

מען מאכט דאך דא פורים פון כלל ישראל!

איך קען דאס נישט פארדייען. נישט צום גלייבן.

שאקירנד! ביי די מעשה פון שפאניע האט זיך יעדער געוואונדערט. וואו קומט צו ר' דוד שמידל זיך אריינצולאזן אין אזא אפענע שמוץ??? יעצט ווייסט מען שוין ליידער. דעמאלטס האט מען געזאגט אז אתרא קדישא אין א"י האט נישט מיט אמעריקע. ווייל זיי זענען דאך גוט?!?! היינט איז שוין ליידער נישט שווער. עס קען זיין אז הרה"ג ר' דוד שליט"א איז זייער אן ערליכער יוד. אבער פונקט ווי רב ברעסלויער וואס האט געגעבן די הכשר אויף פינקל איז "באמת" אן ערליכער. נאר צו זיין א בעל מכשיר דארף מען קענען. על אחת כמה וכמה ביים פירן מערכות. וואס איז "אסאך" א גרעסערע אחריות דארף מען זיין "מוראדיג" געלונגען. נישט נאר ערליך --------------------------------------------------------------------------------------------- יעצט גייט ווי פארשטענדליך קומען א "מעכטיגע" ארטיקל פון פארמעגליך. וועלכער גייט מיט הויכשטאפלדיגע חלה דעקל'ישע ווערטער "מסביר זיין" אז די ארונים (מיטן ב"מ...)זענען פשוט קורצקעפיג און פארשטייען נישט וויאזוי זייער סטראטעגיע ארבייט... מיר שטעלן אויף די חזקה אז ער וועט אונז נישט אנטוישן... רבותי! סקומט וואס צו ליינען... ער גייט פארשטייט זיך וויסן ווי שטארק עס באדערט פאר די ארונים זיין ארטיקל... קיפ איט אפ מר. פארמעגליך! אפשר יעצט וועט עס אנהייבן באדערן...

http://www.bhol.co.il/news_read.asp?id=19055&cat_id=1

דער הויפט אשכול
http://bhol-forums.co.il/topic.asp?topic_id=2817474&forum_id=16386

יא יא ליידער איז אזוי די מעשה אין ירושלים דאס איז אמת ויציב ונכון וקיים, דא ביסטו גערעכט מיט די טענה, אבער מיין טענה קעקען גערעכט איז פארוואס פאר 10 יאר צוריק ווען די חברה האבן מוחה געווען קעגען תולדות אברהם יצחק רבי וואס פירט א טיש אין שוק מאה שערים, נגד רצונו של הגר"א האט דער תולדות הארון זיך נישט אנגענומען נאר מיט געלאכט

הולך, נישט אין יעדע אשכול מוז אריינקומען די נושא פון תו"א. (אגב, היינט ווייס איך שוין נישט ווער עס איז באמת גערעכט, אפשר דאס אלעס וואס איך ווייס אז תו"א ציהט צו לינקס איז א תורה שלימה פון טייטלבוים און עתיק וועמען מיר האבן געגלייבט בלינדערהייט? ווער ווייס).

==============

בנוגע די באשרייבונג וועגן די עצמות וואס אתרא קדישא האט איבערגעזלאזט אויפן פעלד (וואס היראים האט אראפגעברענגט):

דאס איז געווען א מעשה ליצנות בפני עצמו, ווען אתרא קדישא האט געהערט אז יאקטער וויל מעגליך מאכן אליינס א ליקוט עצמות, זענען זיי שנעל געלאפן מאכן א ליקוט עצמות.

וויאזוי? וואספארא ליקוט מאכט מען? (אינעווייניג קענען זיי דאך נישט אריינגיין אן רשות, און רשות טאר מען נישט נעעמן ווייל מען טאר דאך נישט פארהאנדלען מיט די רשעים אלקטרה..), הערט: מען מאכט א ליקוט "אינדרויסן פון די גדר" (א זאך וואס זיי קענען ווען יעדן טאג טוהן....), און דער עיקר: מען האט גענומען שיינע בילדער, און שוין.. די בילדער זענען שוין דא, און עס ווערט שוין אויסגעהאנגען אין גאנץ ירושלים, און "אתרא קדישא" איז פעסט, יעצט קענען די ביינער בלייבן ביי די מיסט.

============


אבער די אלע זאכן זענען א טפל צום הויפט עיקר:

ווען נישט אתרא קדישא איז נישטא קיין גראבונגען אין יאפו!!!

צו אתורהאיד 1)איך מיין אז די תירוץ איז אז יאקטער איז נישט פארמישט מיט פאליטיק. און זאג מיר "איין" יוד וואס האט טאג טעגליך איבערגעלאזט זיין קאמפאני און פאר טייער געלט געדינגען איינעם וואס זאל אים פארטרעטן דארט. און געגאנגען פארהאנדלען. 2) וויפיל מאל האסטו געהערט אהרלע יאקטער ביי די פרשה און וויפיל מאל אתרא קדישא?? וויפיל ריזיגע צעטלעך וואס נעמען קרעדיט האסטו געזען פון יאקטער? און וויפיל פון א"ק?? 3)איעדער האט זיך געוואונדערט. פארוואס האבן זיך די ציונים אזוי "צולאזט" יעצט ווי קיינמאל בעפאר?? פארוואס אמאל פלעגט מען קענען פארהאנדלען און היינט נישט??? די תירוץ איז פשוט... אז מען פארהאנדלט נישט פארהאנדלט מען נישט... די תירוץ איז אז נישט אז אמאל האט מען געקענט און היינט נישט. נאר אמאל "האט מען" פארהאנדלט און היינט נישט!!!!

הולך_לבגץ כתב: [בילד – נישט אפגעהיט] יא יא ליידער איז אזוי די מעשה אין ירושלים דאס איז אמת ויציב ונכון וקיים, דא ביסטו גערעכט מיט די טענה, אבער מיין טענה קעקען גערעכט איז פארוואס פאר 10 יאר צוריק ווען די חברה האבן מוחה געווען קעגען תולדות אברהם יצחק רבי וואס פירט א טיש אין שוק מאה שערים, נגד רצונו של הגר"א האט דער תולדות הארון זיך נישט אנגענומען נאר מיט געלאכט

באגאצניק:
קענסטו מיר אפשר געבן א דאטום, אדער עפעס אנדערע אינפראמיישען, ווען איז געוועהן א מחאה בכלל, קעגן תוא"י? און אפילו לפי דבריך, וואס פונקטליך האסטו ערווארטעט אז תו"א זאל טוהן???

איך וועל גיין נאך א טריט מיט דיין עקלדיגע - שקר'דיגע, געמויזעכטס:
וואלטן די חברה מוחה געווהן קעגן די זאליס, וואלסטו זיך אנגענומען פאר די זאליס???

אויששש, 'באגאצניק' - קיין טראפ אינטעלעגנציע פארמאגסטו נישט, די שנאה צו תו"א נעמט דיר צו דעם דעת, און טראסקעסט תגובות אויף רעכטס און לינקס - אהן קיין שום אחיזה במציאות הדברים.

פייו שרייבט:
.....הולך, נישט אין יעדע אשכול מוז אריינקומען די נושא פון תו"א. (אגב, היינט ווייס איך שוין נישט ווער עס איז באמת גערעכט, אפשר דאס אלעס וואס איך ווייס אז תו"א ציהט צו לינקס איז א תורה שלימה פון טייטלבוים און עתיק וועמען מיר האבן געגלייבט בלינדערהייט? ווער ווייס).

פייו:
איך ווייס יא, נישט פון היינט, נאר שוין צענדליגע יאהרן, נישט ביי דעם היינטיגן תו"א רבי'ן, נאר שוין ביי זיין טאטן - דעם פריערדיגן תו"א רבי''ן זי"ע.

בכללות רעדט זיך דא פון א חבורה פוסטע ליידיגערס, וואס האבן נישט - און ווילן נישט אהן נעמען קיין שום סמכות אדער דעת תורה.

קיין פרנסה דארפן זיי נישט ברענגען, ווייל ענק 'קעלבעלך' שטאפן - און פיטערן זיי - מיט גרויס געלט, די אלע מערכות - אדער רוב מערכות וואס די פוסטע ליידיגער באקן אונז חדשים לבקרים, ווענדעט זיך וויפל גרינע עס ליגט אין סעייף, ווען עס ווערט אויסגעליידיגט דער סעייף, באקט מען א פרישה מערכה - און די 'קעלבעלעך' פון ברוקלין - און אומגעגענט, שיקן פילע הויפענס מיט גרינע - כיד המלך.

בפרטות כלפי תו"א:
המפורסמות אינם צריכים ראיה, תו"א איז היינט צום טאג, די גרעסטע - שענסטע - און ערליכסטע היימישע קהילה אין ארץ ישראל, תו"א איז שטענדיג - וויא היינט, געשטאנען בראש מערכות קודשי ישראל - לפי הוראת רבם זי"ע - ולהבחל"ח שליט"א - און דעם ירושליימער בית דין פון די העדה החרדית.

דו פוסטע ליידאקעס - זענען שוין באקאנט צענדליגער יאהרן, אלס מחוצפים קעגן דעם בית דין פון העדה"ח, זיי פלעגן קיינמאהל קיין הפגנות נישט מיט האלטן - אנטשולדיגט זיי פלעגן יא מיטהאלטן - איר ווייסט ווען? ווען א מערכה איז געגעאנגען געלייזט ווערן דורך די עסקנים פון די העדה"ח, דענסמאהל האבן זיי געשיקט מייקס אין די גאסן - און געשריגן 'געוואלד' - געווארפן פאשקעווילן קעגן דעם בי"ד - און קעגן די עסקנים.

תולדות אהרן - אלס סאלדאטן פון העדה"ח, וויא שטענדיג פלעגן זיי זיין די ערשטע און עומדים בראש המחנה, צו ערשיינען און מיטאהלטן - כאפן קלעפ - און ווערן ארעסטירט אין די ציוניסטישע תפיסות, איז וויא פארשטענדליך תולדות אהרן אויך געוועהן די הערשטע צו האפשטעלן די הפגנות - וויא נאר עס איז ארויס א הוראה פונעם בי"ד - אז די מערכה איז געפארטיגט - זענען די עסקנים פון תו"א, ארויס און גאס - לויט די הוראה פונעם בית דין - און א היים געשיקט דעם עולם, שוין צענדליגער יאהרן וואס תולדות אהרן נויגט צו 'לינקס' - ווייל זיי זענען די סאלדאטן פון בית דין העדה"ח - על ימין - ועל שמאל.

עס פלעגט זיך ארויס שטעלן א סיטאעיישן, אז ווען תו"א לפי הוראות הבית דין - איז ארויס, איז געוועהן א מערכה - ווען דער בית דין האט פארשטאנען נישט צו מיטהאלטן א מערכה פון די 'עקשען' זיכערס, זענען די תו"א אינגעלייט געבליבן ביים בלאט גמרא - קומט נישט פאר תולדות אהרן צו ווערן אנגעריפען אז זיי ווערן גענויגט לינקס?

אלס דעם 'חטא' - פון נישט מיטהאלטן די מערכות פון די פוסטע ליידיגער, האבן די ליידיגערס מחליט געוועהן, צו יורד זיין לחיים פון תולדות אהרן בכלל - און דעם תולדות אהרן רבי'ן בפרט.

און עטס - יא עטס ארוינים, כאפן זיך צו, צי יעדן נארישן פאטשקעוויל - קעגן תו"א, וויא צו א געבראטנס, און יעדע מעשה וואס האט נישט קיין הענט און קיין פוס - אבער עס איז קעגן תו"א - ווערט דאס אויפגענומען מיט פילע הויפענס.

תוקן על ידי גערעכט ב- 19/08/2010 10:01:37

גיבט'ס א קוק אין בחדרי חרדים תגובה 9

http://www.bhol.co.il/news_read.asp?id=19170&cat_id=1

ס'גלייבטס זיך ממש נישט, אזא טעראר קענען זיי אנלייגן?

גערעכט. ווואס ווילסטו ארויסברענגען? עמרם ט"ב איז א תולדות אהרן'ער?

פריינדליך כתב: [בילד – נישט אפגעהיט] גערעכט. ווואס ווילסטו ארויסברענגען? עמרם ט"ב איז א תולדות אהרן'ער?

איך אין דעם אשכול רעד נאר וועגן דעם נושא פון אתרא קדישא, נישט וועגן ע"ט.

שלמהווייס כתב: [בילד – נישט אפגעהיט] גיבט'ס א קוק אין בחדרי חרדים תגובה 9 http://www.bhol.co.il/news_read.asp?id=19170&cat_id=1 ס'גלייבטס זיך ממש נישט, אזא טעראר קענען זיי אנלייגן?

איי, ווען דו זאלסט וויסן וואס טעראר מיינט...

לדוגמה וועל איך פארציילן איין פאקט וואו מען קען אביסל באגרייפן וואספארא טעראר זיי פירן אן, און וואספארא פחד יעדער האט פון זייער באנדע:

מיט אפאר וואכן צוריק (אין די צייט ווען מהאט נישט געגראבן אין יאפו) האט זיך געטוהן, ווען מען איז געוואויר געווארן פון איין טאג אויפן צווייטן אז מגייט גראבן אין "תלפיות", און אויפצומארגנס צופרי האט מען געמאכט פראטעסטן אויפן פלאץ, און די ארבעט האט זיך אפגעשטעלט.

ווייסט איינער וואס איז געווען דארט ווייטער? ווידעראמאל: קיינער ווייסט נישט. וועל איך פארציילן.

"אהרעלע יאקטער" האט זיך אראפגעזעצט מיט זיי (נישט אתרא קדישא, סיי ווייל זיי ווילן מען זאל יא גראבן [!] און סיי ווייל די ארכילאגן ווילן שוין נישט הערן פון דאס ווארט אתרא קדישא) און זיי בויען יעצט ווייטער אן צורירן צו די קברים, און ארבייטן לויט די הוראות פון א משגיח וואס קומט יעדן טאג אויפן פלאץ. דער משגיח איז א איד וואס האט געארבעט פאר אתרא קדישא ביז בערך 15 יאר צוריק, ווען ער האט זיך אפגעטיילט פון זיי פאר די זעלבע סיבות ואכמ"ל.

ווילט איר הערן דער עיקר שאק?

דער משגיח גייט יעדן טאג אריין, מיט א "שייטל"! ער זאל אויזעהן ווי א פרייער. (איך ווייס נישט צו איך מעג דאס פארציילן דא, אבער כקען מיך נישט איינהאלטן!) פארוואס? ווייל אויב זאל אתרא קדישא געוואויר ווערן אז ער איז דארט משגיח אן זייער רשות, איז זיין לעבן - און די לעבן פון זיין משפחה - אין געפאר!

יא! איר הערט גוט.

(גערעכט, ביטע נישט גיין ווייטער מיט תו"א דא, אבער מיינע ווערטער זענען געווען בנוגע זייער געלינקטקייט, עס זענען דא נאך אישוס, וואס זייער פלאץ איז נישט דא).

יענקי, אויב איז דיין טענה אז ער איז א מענטש אליינס, דאן הער צוויי פונקטן:

1) דו ווייסט בעסער ווי מיר אז ער איז נישט קיין יחיד וואס האט ארויס דעם פראבלעים, און דו ווייסט אויך וואספארא גענגסטער גרופע אתרא קדישא איז,
ער איז אבער יא א יחיד אין איין זאך: ער איז דער יחיד וואס האט באשלאסן צו איינשטעלן זיין לעבן און מפרסם זיין דעם אמת!

2) עס ערווארט דיר גרויסע סורפרייזעס בעז"ה...

יענקי123 וואס זאגסטו יעצט????איז בי"ד משוגע געווארן??? גענומען עפעס א "צודרייטן" יאקטער צו אנפירן אין יפו????

שלמה. דאס מיינט אז ער קען זייער גרינג פארנארט ווערן

פאר הרב יאקטער דארף דאס זיין א געוואלדיגע כבוד צו ווערן אטאקירט פין זיי, הכל לפי וכו'

אין א צווייטן אשכול האב איך שוין געהאט געשריבן אנהויב וואך איבער די נושא אין קורצן, און די צייט ערלויבט מיר נישט צו שרייבן יעצט מער באריכות, אבער דאס איז טאקע  די מעשה.

היות די מחללי קברים "אתרא קדישא" האבן זיך דערזעהן אז מען הייבט אן לאכן פון זיי, און דא אט אט דערנענטערט זיך דער קאמפיין ערב יום הקדוש, און.. וואס וועט מען זאגן פארן עולם גולם?

האט מען זיך גענומען זוכן וואו צו מוחה זיין, און אז מען זוכט טרעפט מען.

דארט אין גני טל, אינעם דערפל וואס הייסט "חפץ חיים", איז דא א מעיאר וואס איז דער מעיאר אויף עטליכע דערפלעך, דער מעיאר איז א ספרדישער, זייער א ערליכער, ער העלפט ארויס מוסדות התורה און אלע סארט הצטרכות פאר חרדישע אידן.

ווען עס האט זיך אנגעהויבן די בוי ארבעט און מען האט געפינען מעגליכע קברים, האט ער געזאגט אז עס איז דא גענונ פלאץ צו בויען, און מען זאל נישט בויען דארט.

אצינד האבן די ארכילאגן געוואלט בלויז עפענען און מאכן בילדער, אבער נישט צורירן צו די קברים.

נעכטן זענען אנגעקומען אינגעלייט וועלכע לויפן מיט א תמימות וואו אתרא קדישא שיקט, און מוחה געווען.

דער ערליכער מעיאר האט דאס נישט אויסגעהאלטן. וואס ווילן די משוגעים דא?

הרב אהרעלע איז אנגעקומען צום פלאץ, און ער האט אנגערופן עטליכע רבנים פארציילן. ער האט פארבינדן דעם מעיאר מיט איינעם פון די רבני העדה, וועלכע האבן אין אויסגעפרעגט און געבעטן א פעקס נומער, און אריינגעשיקט א פסק אז מען מעג לאזן די ארכילאגן דאס טאן. אויך האט ער אים פארבינדן מיט נאך רבנים פון נאך קרייזן, און ער האט געהאט דריי גרויסע אויסגערופענע רבנים.

היינט אינדערפרי ווען די חברה זענען ווידער אנגעקומען, האט דער מעיאר געזאגט פאר יחזקאל קאלמאנאוויטש (אתרא קדישא) אז ער איז פארבינדן מיט רבנים, און אויב ביז 5 מינוט זענען די חברה נאך דא, גיבן אים די רבנים א בריוו אז הרב אהרעלע יאקטער איז ממונה צו מפקח זיין דאס פלאץ און גיבן די אנווייזונגען!

ביז "דריי" מינוט איז געווען ליידיג דארט!


==============

עס מוז ווערן צוגעלייגט אז דער מעיאר איז אויך מעיאר אויפן דערפל "יסודות", וואו אתרא קדישא האט א פעלד וואו זיי זאגן אז זיי האבן דאס אפגעקויפט פאר גרויס געלט כדי צו באערדיגן דארט די עצמות וועלכע ווערן אויסגעגראבן ה"י דורך די אריכלאגן. פארשטייט זיך אז מען פאנדרעיזט אויף דעם חשבון וואס מען האט "געקויפט" דעם שטח.

דרוקט זיך אבער היינט דער מעיאר אויס פאר הרב אהרעלע: איך פארשטיי נישט די מענטשן, איך בין דאך אזוי גוט צו זיי, פארוואס טוען זיי צו מיר די פראבלעמען? איך האב דאך זיי צוגעשטעלט "בחנם" דעם שטח אין יסודות, און ארלעדיגט אז די ארטיגע חברה קדישא זאל טוהן אלע ארבעט אויפן פלאץ "אומזינסט"!...

קאמענטארן זענען איבריג.