איך וועל אנהייבן מיט די הערליכע סעודת מלוה מלכה בבית המדרש הגדול דקהל יטב לב ד'סאטמאר, וואו דער בעל ההילולא האט אפגעראכטן זיין עבודת הקדוש במשך די לעצטע 10 יאר.
א ריזיגער ציבור פון הונדערטער אידן האבן זיך משתתף געווען. די חשוב'ע ארגאניזירער — בראש פון דעם בארימטן עסקן ומסדר המלוה מלכה מדי שבוע בשבוע הרב בנש"ק ר' יעקב שמשון גאלד שליט"א מנאמני בית כ"ק מרן רבינו הגה"ק בעל ברך משה זי"ע — האבן זיך פשוט נישט געקענט גלייבן וואסערע עולם עס איז זיך צוזאמענגעקומען. עס האט פשוט אויסגעקוקט ווי דער עולם קומט יעצט אריין פון די קאנטרי... מען האט כסדר געדארפט צושטעלן טישן און בענק צו קענען אקאמאדירן דעם ריזן ציבור.
עס איז געווען צוגעגרייט א סעודה כיד המלך (דאס איז באמת נישט קיין רבותא ווען מען רעדט פון ר' שמשון וואס יעדער וואס באטייליגט זיך ביי די וועכנטליכע מלוה מלכה אין ביהמ"ד הגדול זעט מיט וואסערע הרחבה עס ווערט צוגעשטעלט מדי שבוע בשבוע).
עס האבן אויפגעטרעטן מיט דרשות ווי פאלגענד:
דער בארימטער גבאי דקהילתינו הק' הרה"ח ר' מאיר שניצלער שליט"א — אליינס געווען א הויז-בחור ביי רביה"ק זי"ע – וועלכער האט אין קורצע ווערטער איינגעלייטעט די מסיבה.
דערנאך האט דער עולם געהערט א מייסטערהאפטע דרשה פון הגה"צ רבי מאיר שפיץ שליט"א אבד"ק ביסטריץ — וואס זייענדיג אן איידעם ביי הרב ר' יוסף אשכנזי ז"ל משב"ק ואיש אמונו פון רביה"ק זי"ע האט ער געהאט די זכי' במשך פון די לעצטע 14 יאר צו זיין פון די משמשים בביתו נאוה קודש — וועלכער האט געהאלטן דעם עולם געשפאנט מיט זיינע הערליכע רעיונות און דערציילענדיג העכסט אינטערעסאנטע עובדות פון יענע יארן.
דערנאך האט אויפגעטרעטן מיט א הערליכע דרשה הרב החסיד רבי יעקב כהנא שליט"א ראש הקהל דקהילתינו הק', וועלכער האט דערציילט וואונדערליכע עובדות "בדידי הוה עובדא" פון אינדערהיים אין סאטמאר, וואס דער עולם האט געשלונגען מיט דורשט.
עס איז שוין געווען נאך 2:30 אזייגער ווען מען האט געבענטשט, אבער א גרויסער עולם איז נאך געבליבן זיצן און געשמועסט פארשידענע עובדות וענינים.
תוקן על ידי עכטער_חסיד ב- 03/08/2010 19:10:03
תוקן על ידי kj1234 ב- 03/08/2010 21:02:11
תוקן על ידי המהדרין ב- 03/08/2010 23:09:21