פורים אין מירון: תו"א רבי קומט אן מיט חב"ד'סקער קאסטן...!

איך מיין איר האט זיך טועה מיטן פורום, אזא שרייבעריי געהערט נישט אין א ציוויליזירטע פורום.

ווען איך וואלט נישט נאכגעקוקט די היסטאריע פון דעם שרייבער וויינשטאקל וואלט איך געווען ביי זיך זיכער אז ער איז א אנטי-אהרוינים וואס פראבירט אראפצומאלן די אהרוינים אלס נארישע. אבער נאכן טרעפן אין זיין היסטאריע אז ער האט געפירט א מערכה און פראבירט אויף אלע מיטלען אפצושטעלן פארמעגליך בלייבט נישט קיין ספק אז ער איז נעבעך טיף פארטינקען מיט זיינע דמיונות וועלכע ער זעט אלס פאקט כרגיל ביי קליינע קינדער.

ולעצם הענין, עס איז קיין ספק נישט געווען אז ווען די אהרוינים האבן אינאכט גענועמן אז זייער לעצטיגע שמוץ קאמפיין קעגן תולדות אהרן לאזט זיך אויס מיט א זייפן בלאז נאכדעם וואס די עדה האט ארויסגעגעבן זייער פסק פאר אלע דיינים מעטם די עדה אז עס איז קיין שום איסור פאר כהנים ארויפצוגיין. וועלן זיי זיכן פון אינטער דערערד און טרעפן פרישע סחורה. ביי מיר איז קיין שום ספק געווען אז זייער מערכה קעגן תולדות אהרן ענדיגט זיך נישט דא. והנה, איך האב זיך נישט גענארט.

גרויסע צולייגער'ס וואס זאגן ענק צו דעם?

תולדות אהרן רבי ווערט געפירט אין א ארון



[בילד – נישט אפגעהיט]


[בילד – נישט אפגעהיט]

באדאפעס, די גאנצע מערכה קעגן תולדות אהרן קומט פונם יפוער נישט פון תולדות אברהם יצחק און זיכער נישט פון די אהרוינים.

נעקי, די אולי'ס קענסטו פארקויפן פאר דיינע חברים, נישט פאר מיר.

איינע פון ענקערע מהלכים איז "אנזייען פאניק" ביים צד שכנגד, איר פראבירט דאס צו טון דורך אויפקומען ערב-ובוקר-וצהרים מיט פרישע "מעכטיגע מחלוקות" וואס האבן אויסגעבראכן אינערהאלב די פארטיי, צווישן משה משתמש און שמואל קאמפאט...

וואקס אינטער, פארוואס נאך 10 יאר האט איר נאך נישט אנערקענט אז דאס ארבעט פשוט נישט?

יא, עס איז קלאר דא א מציאות פון פירוד לצדיקים, און חז"ל זאגן דערויף רע להם ורע לעולם. אמת הגה"צ אב"ד סאטמאר ירושלים שליט"א איז א אויסגעשפראכענער קנאי, פארט איז ער נישט ענקער נאר, ער ווייסט זייער גוט אז קהלת תולדות אהרן איז דאס שענסטע וואס מיר פארמאגן אין ירושלים, אמת אז אין געוויסע ענינים איז ער פרומער ווי די חברי הבד"ץ (יבול נכרי אין שמיטה ועוד). ער פארמאגט פארט נישט די העצערישע קינדישע בליט וואס זיין פעטער פארמאגט. און ער פירט זיינע מערכות אויף א קליגן אופן אזוי ווי מען פירט א מערכה קעגן א גוטע פריינד.

בנידון דידון ווייס איך נישט וואס ער הלאט, וואס איך ווייס יא איז אז די מערכה איז געווארן געפירט דורך קהלת תולדות אברהם יצחק בראשות ר' משה בראנדסארפער און כ"ק אדמו"ר אליינס. נישט דורך די זאליס און נישט דורך די אהרוינים.

סך הכל איז די תפקיד פון די אהרוינים אריישטעלן גרויסע אומפארשטענדליכע קעפעלך אין דער בלאט און באשרייבונגען אוין אינטערנעט מיט כל מיני וויצן און טשעפעריי קעגן תולדות אהרן פארן זיך נישט מכניע זיין פאר זייער פירער. די פרשה איז פשוט נאך א געלגענהייט פאר די אהרוינים צו פארשווארצן די נאמען פון תולדות אהרן און זיי לייגן אריין אלע כוחות ס'זאל זיי געלונגען. אבער דערווייל נעבעך אן הצלחה.

דרך אגב, במשך די צייט וואס איך דריי זיך אויף הייד פארק האב איך אינאכט גענועמן אז ענק רופן הגה"צ אב"ד סאטמאר י-ם מיטן צונאמען "דער יפוער". וואס איז פשט דערפון?

עס קומט אפשר נישט אריין דא, אבער איך פארשטיי נישט וואס א טייל שרייבן דא אז תו"א איז עפעס אנטקעגן ר"א. דער תו"א רבי פרובירט מיט אלע כחות צו לעבן בשלו' מיט אלע פארטייען, ער גייט באזוכן שטענדיג אין קרית יואל דעם מרא דאתרא, אודאי אי אפשר לצאת ידי שניהם, מען קען נישט זיין אינגאנצן אויף ביידע זייטן, אבער ער מצדו פרובירט דאס מאקסימום וואס מעגליך. ווער עס קען אים ווייסט דאס.

איך ווייס באמת נישט וואס מען וויל פון זיין לעבן האבן.

איך בין שוין אויך געווען דארט עטליכע מאל אין מירון בשעת די תולדות אהרן הדלקה, און ווער עס איז דארט געווען וועט מודה זיין, אז ס'איז א זעלטנהייט פון א שיינקייט.

הקנאה והתאוה והכבוד מוציאין את האדם מן העולם.

אז מען קוקט אביסל צו די שרעקליכע קנאה שנאה וואס די אהרונים ווייזן ארויס קעגן קהל תולדות אהרן, און קעגן איר גרויסן מנהיג כ"ק אדמו"ר ר' דוד קאהן שליט"א, לאזט זיך עס ממש נישט גלייבן. ממש זיי האלטן נישט אויס די הדלקה, 

צוקוקנדיג ווי רבבות אידן טאנצן און פרייען זיך לכבוד התנא האלקי רבי שמעון בן יוחאי, באתרא קדישא מירון, קריכט זיי ארויס די אויגן פון די לעכער און שפריצט פון זיי פונקען פון שנאה קעגן תולדות אהרן וואס מען האט שוין לאנג נישט געזען.

אבער איך אויפמערקזאם מאכן דעם עולם, אז כאטש די אהרונישע ליצים ומשכילים ובראשם שמואל ווידער, שרייבן אינעם קינדער פארום אן אויפהער אז דער אוהל חוצץ איז א פורים, און "יעדער" לאכט דערפון, איז דאס בכלל נישט קיין ליצנות, פארקערט א תלמיד חכם האט מיר אנגעוויזן אז מען טרעפט דאס שוין אין משניות מס' פרה.

משנה מסכת פרה פרק ג 

דער כהן וואס האט געדארפט מאכן די עבודה פון שריפת הפרה, האט מען געמאכט פארשידענע חומרות מען האט ארויפגעלאט ברייטע טירן אויף אקסן וכדומה, צו מאכן א חציצה פון קברים.

ווען די אהרונישע לצים וואלטן זיך דארט געפונען וואלטן זיי זיכער אפגעלאכט פון דעם כהן וואס פאר אויף פאני טירלעך אויף א "פיקאופ" אקס.

און באקומענדיג א לעבעדיגן באריכט פון מירון, קען איך אזויפיל זאגן, 

אשריכם אשריכם חסידי תולדות אהרן, ומי שלא ראה שמחה זו לא ראה שמחה מימיו.

ברוך השם אז מען האט זיך מתגבר געווען אויף אלע אומפארגינערס און מען האט נישט צושטערט די שמחת הילולא פון ר' שמעון בן יוחאי זכותו יגן עלינו

און בדרך אגב האבן טויזטנער אידן געלערנט הלכות חוצץ בפני קבר התהום.

יגדיל תורה ויאדיר.

דער "כהן" השורף בשעת'ן טאן די עבודה.

אשרי חלקם

http://www.bhol.co.il/news_read.asp?id=16678&cat_id=2

הטוב_שמך

קיין שום שרייבער האט דא "נישט" געשריבן אז אדמו"ר מתו"א איז קעגן ר' אהרן! דאס פארקערטע יא, און צו דעם ביסטו אויך מודה.

איך אליינס האב געהערט פון אהרוינים צענדליגע תירוצים פארוואס ר' דוד איז א שגץ... "ער האט נישט געוואלט באזוכן די פאבליק סקול", "ווען ער איז אין וו"ב שבת, דאווענט ער אינעם גע'גנב'עטן ראדני שול", ועוד ועוד...

איך פארשטיי. טאקע דאס איז מיין קשיא. ער קען דאך נישט זיין אינגאנצן אויף ביידע זייטן. נעמט ער דעם "שב ואל תעשה עדיף". ער פרובירט ווי ווייניגער אריינשטעקן א געזונטן קאפ אין א קראנקן בעט.. אבער אנשטאט ביידע זייטן זאלן דאס פארשטיין, אז נישט יעדער מוז דאך נעמען א צד אין די ספקות; אדרבה, דער ענטפער פונעם פוקס "איך קען נישט שמעקן" איז דער בעסטער ענטפער (כידוע המשל לגבי מחלוקת), עם כל זה כאפט מען זיך אן אויף שטרוי צו ווייזן פארוואס ער איז א ש...

עס האט מיר אמאל געזאגט א חסיד פון ר"א, אז ער (ר' דוד) האט געוויזן דעם וועג פאר די וועלט אז מען קען אוועקכאפן די "בכורה", ד.ה. די רבי'סטעווע פונעם עלטערן ברודער, און דאס האט געהאט א שטארקע עפעקט אויף די ענינים פון סאטמאר. איך האב זיך נישט געקענט איינהאלטן פון לאכן. איך האב אים געענטפערט, לשיטתך, אויב דאס איז דער פראבלעם, וואס טוט זיך מיט אביסל היסטאריע, כבר הי' לעולמים, מיר טרעפן שוין ביי יעקב און עשו... נישט ח"ו אז איך פארגלייך א אידיש קינד צו עשו, חס מלהזכיר, אבער פארן נארישן קשיא איז דאס א גוטער "עם עקש תתפתל".

איך ווייס באמת נישט וואו מען נעמט דא דעם היתר צו באשמוצן א איד וואס זיצט אלע יארן על התורה ועל העבודה, ממש לא פסק פומי' מגירסא נאך פון אלס יונג בחור, זיין יראת שמים איז ידוע, זיין עבודת התפלה, זיך צוברעכן דאס גוף בתעניתים וסיגופים בכל עת ועונה, זיינע צדקות, בפרט פאר די אלמנות ויתומים וואס איז ידוע אין א"י, און נאך און נאך, וויאזוי האט מען נישט מורא פאר כבוד התורה, כבוד תלמידי חכמים, נאר בלויז ווייל ער דערשרעקט זיך נישט פון יעדנס לאכערייען און טוט ווייטער זיינס כאילו לא הי'.. איך קען דאס נישט פארשטיין.

איי ער האט עפעס א סכסוך מיטן ברודער, נו, דאס איז זיין דאגה, נישט די דאגה פון די וועלט-בארימטע שופטים און "וואטש-דאגס" אויף היידפארק....

גורו לכם מיום הדין!