מהר"א בייגט זיך פאר'ן ירושלימ'ער רב און שרייבט אונטער שטרי בירורין
לאמיר גיין צו די קלארע פאקטן און קורצן!
לפי בקשתם פון די אנערקענטע שרי התורה הראב"ד והביד"צ שליט"א דקהל יטב לב דסאטמאר צום ירושלימ'ער רב שליט"א, מיט א יאר צוריק, האט דער ירושלימ'ער רב שליט"א צוזאמענגעשטעלט נאך פארהאנדלונגען ובהסכמת ב' הצדדים א בי"ד של חמש, צו שליכטן די בני ברק'ער סכסוך, ואלו הם: די דריי שלישים הרב הגאון ר' אברהם ברוך ראזענבערג שליט"א מכון להוראה, הרב הגאון ר' נפתלי פרענקל שליט"א העדה החרדית, הרב הגאון ר' מרדכי באב"ד שליט"א מכון להוראה. די בוררים פון די צווי צדדים זענען ווי פאלגענד: הרב הגאון מטשאקעווא שליט"א מטעם שיכון קרית יואל און מוסדות יטב לב, הרב הגאון ר' זלמן גראוז שליט"א מטעם "מרכז המוסדות" בני ברק.
אלע ביידע צדדים האבן שוין אונטערגעשריבן אויף שטרי בירורין, צד שיכון קרית יואל – אלע חברי הנהלה כולל דער נשיא מרן מסאטמאר שליט"א - האבן אונטערגעשריבן ד' אדר תש"ע, צד מרכז המוסדות האבן אונטערגעשריבן ז' אדר תש"ע.
זונט ז' אדר שטייט דער ירושלימ'ער רב שליט"א און בעט זיך – ווי צו א גזלן - צו ר' אהרן טייטלבוים דער הויפט אנקלאגער בערכאות שלטונות הציונים, אז ער זאל אונטערשרייבן שטרי בירורין, ואין קול ואין עונה, נישט ווי דער רב וואלט ווען גערעדט צו די וואנט, נאר ער האט טאקע גערעדט צו א וואנט.
נאך פסח האט דער ירושלימ'ער רב ווידער געבעטן ר' אהרן אונטערשרייבן שטרי בירורין, אבער דער פארשטייער זייער האט גענטפערט אז האט רעזיגנירט פון דעם פארמיטלערשאפט, און אנשטאט עם גייט פירן דעם געשעפט ר' אלישע הורוויץ פון קרית יואל, און מ'דארף מיט עם אנהייבן פריש אלע פארהאנדלונגען.
פארגאנגענע וואך האט ר' אהרן באוואשן ווי א סוטה, דעם חבר הנהלת העדה ר' שלמה פאפענהיים, און עם פארגעהאלטן פארוואס ער לאזט דעם ירושלימ'ער רב זיך אריינמישן און די בני ברק'ער סכסוך, וואס דערוועגן קענען די בני ברק'ער רבנים גארנישט טאן., דעריבער האט עם ר' אהרן געמאלדן מיט פאטאס, אז ער האלט נישט ביים אונטערשרייבן איצט שטרי בירורין.
די וואך זונטאג נאכט האט דער צד "מרכז המוסדות" ארגאניזירט אן עצרת מחאה בבית מדרשם אויף הופער קעגן די מכלומרש'טע הליכה לבג"ץ פון צד שיכון קרית יואל, און האבן מיט שווא ושקר פארקויפט אז צד שיכון קרית יואל וויל נישט גיין צו א די"ת, און האבן געשאטן קיתונות של בוז אויף זיי, און זיי אונטערגעריסן מיט בלאף און מיט שקר.
דער ירושלימ'ער רב שליט"א האט באקומען א פונקטליכן באריכט פונעם עצרת, און איז באריכטעט געווארן איבער אלע השמצות וועחכע זענען געזאגט געווארן דארטן, און עס איז עם ארויף די בלוט פון קאפ, און געלאזט רופן זיינע מקורבים און האט זיי געזאגט אז ער גייט מאכן ארדענונג, און וועט נישט לאזן מבזה זיין די וועלכע וואס זענען ציית דינא, ווען און די זעלבע צייט שטייט דער פירער פון צד השני וממאן לחתום אויף שטרי בירורין.
מאנטאג נאכמיטאג האט דער ירושלימ'ער רב שליט"א אנגערופן פערזענליך די צווי שלישים הגאון ר' אברהם ברוך ראזענבערג און הגאון ר' מרדכי באב"ד, און האט זיי געבעטן אז זיי זאלן פאררופן א מושב בי"ד שוין און די קומענדיגע טעג דאהי אין ניו-יארק, און זאל זעהן ווער עס האט נאכנישט אונטערגעשריבן שטרי בירורין, און זאל ארויסגעבן א פסק הלכה ווער עס דארף אונטערשרייבן שטרי בירורין און ער וויל עס נישט טאן.
דינסטאג אינדערפרי האט הגאון ר' אברהם ברוך ראזענבערג אנגערופן די בוררים פון די צווי צדדים, טשאקאווער רב, און הרה"ג ר' זלמן גראוז, און זיי געמאלדן אז די נעקסטע וואך איז באשטימט דער ערשטער דיון, איבער די אישו ווער עס האט נאכנישט אונטערגעשריבן שטרי בירורין, און זיי גייען בפקודת דעם ירושלימ'ער רב שליט"א פארעפענטליכן א פסק ברבים.
דער צד "מרכז המוסדות" האבן גלייך באקומען א דרינגענדע באריכט פון זייער בורר ר' זלמן, אז טאמער עס וועט נישט זיין קיין אונטערשריפט פון ר' אהרן און די קומענדיגע טעג, איז עלול ארויסצוקומען א בריוו פונעם בי"ד אז ר' אהרן וויל נישט אונטערשרייבן שטרי בירורין.
דער צד מרכז המוסדות האט געלאזט וויסן פאר ר' אהרן אז עס רעדט זיך איצט פון אן ערענסטן קריזיס, און מ'קען באצאלן א טייערער פרייז דערויף, ווען די זאלי'ס וועלן האבן וואס צו שרייען אז דער רבי האלט נישט ביים גיין צו די"ת, און די גאנצע וועלט וועט זיי גלייבן.
דער ר' אהרן פארשטייט נאר דעם שפראך, און עס איז נישט אריבער קיין גאצע צוועלעף שטונדן, און נעכטן פארנאכט 6:00 גענויע, האט ר' זלמן גראוז'ס זון, (וועלכער שרייבט זיין טאטענס בריוו'ן) אריינגעשיקט א פעקס פאר הגאון ר' אברהם ברוך ראזענבערג, א בריוו וועלכע שטייט דערין צווישן די אנדערע קורצע ווערטער ווי פאלגענד: "החתימה של האדמו"ר מהר"א מופקד אצל אאמו"ר שליט"א" וועלענדיג ארויסברענגען אז ר' אהרן האט שוין אונטערגעשריבן שטרי בירורין.
איצט איז נאר געבליבן צו זעהן אויף וואספארא נוסח השטר ער האט אונטערגעשריבן, וויל פון דעם בריוו וואס ר' זלמן גראוז'ס זון האט געשריבן, קען מען גאר מיינען אז מ'רעדט פון א חתימה אויף אן הסכמה פון א נייעם ספר, אזוי ווי אמר ולא פירש ולא יסיף.
אלעפאלענס, איז קלאר אז דער ירושלימ'ער רב שליט"א האט געטאן גאר א ריזיגן שריט, און האט בתחבולה גדולה געשטעלט דעם ר' אהרן אויף זיין ריכטיגן מקום.
בלייבט נאר צו זעהן דעם נוסח פונעם שטר, האפענדיג אז עס רעדט זיך נישט פון שטרי ליצנות נאר שטרי בירורין.
אבער ווי די באריכטן קומען איצט אן פון בני ברק, האט ר' אהרן אונטערגעשריבן נעכטן אויף א נוסח שטר הרשאה, מיט א דאטום פון כ"ג אדר (פארוואס נישט כ"ג שבט), צו מטשטש זיין די מוחות אז ער האט שוין אונטערגעשריבן מיט איבער א מאנאט צוריק.
ער האט אבער פארגעסן אז כ"ג אדר איז נאך ד' אדר.
תוקן על ידי yuchw ב- 21/04/2010 19:50:47