אין די קומעדיגע שעות וועט אין אלע אידישע געגענטער אין ניו יארק אין ניו דזשערסי אנגעהויבן פארשטפרייט צו ווערן, דער נייער אויגפארכאפענדען וועכענטליכע מאגעזין "די וואך", דער מאגעזין באשטייט פון בילדער פון געשענישן אין אלע רבישע הויפן און נאך, אין פארמאגט א זעלטן שיינעם אויסשטעל מיט הערליכע גרעפיקס.
אזאנס ווי דער נייער אויסגאבע איז נאך ביז היינט נישט געוועהן, ווען דער גאנצע אויסגאבע פון דעקל צו דעקל איז אינגאנצען אויפן שטייגער פון אונזערע אמעריקאנער אידן, אנגעהויבן ביי די בילדער, ווי עס וועלן געדעקט ווערן אונזערע היימישע רבנים בעיקר פון אמעריקא, די הערליכע גרעפיקס וואס זענען אויף א ריינעם איידעלן חסידישן סטיל, די קעפלעך זענען אין אידיש, די לעצטע פאר עמודים פונעם גליון זענען אזעלכע בילדער וואס וועלן קאסטן א שמייכל פאר די ליינער, אין בכלל וועלן קינדער אין פרויען קענען הנאה דערפון, אין וועלן זיך גארנישט נישט דארפן פלאגן צו פארשטיין ווארים די טעקסט איז דאך אין אידיש.
דער פרייז דערפון איז צוויי דאללער, עס איז וויכטיג ארויסצוברענגען אז "די וואך" שטייט אצינד ביים ערשטן אויסגאבע, וואס הגם ס'איז א הערליך געלונגען שטיקל, איז דאס געמאכט געווארן אין א יאגעניש, אין ס'איז דאס בלויז א טייל וואס איר וועט זעהן אין די קומעדיגע וואכן, ווען עס וועלן אנהייבן ערשיינען דערין פארשידענע אינטרעסאנטע פראיעקטן, אין די ברייטע אויסוואהל פון בילדער וועט זיך כסדר מערן, אין אויך די גרעפיקס וועלכע איז שוין די וואך א כלילת יופי, וועט זיך אינעם צוקומפט נאך מער פארשענערן, אין אויך אינטרעסאנע ארטיקעלן וועלן אנהייבן ערשיינען.