הפרדס זאלן: אמור מעט ועשה הרבה!!!

לדעתי איז דאס איינע פון די שטערקסטע סעמפעלס אין קאנטראסט פון רבי אהרן און זיין קלוגערן ברודער

רבי אהרן רודערט שוין אפאר יאר מיט תקנות אהער אהין, למעשה ער אליין האט נישט ''גארנישט'' אוועקגעגיבן פאר זיין עולם, קיין פעני.

ער האט טאקע נאר איין זאל וואס דאס איז בית רחל פאראדייז, אבער די איינע האט ער נישט אראפגעלאזט מיט קיין סענט דעם פרייז, די איינציגסטע לאנטש רום מיט וואס זיי פראבירן צו פארנער'ן דעם עולם וואס וואינט נישט אין ק''י, איז 'אולם עקשטיין', וואס ווער ס'איז איין מאל דארט געווען ווייסט די ליצנות דערפון, מ'האט גענומען א זאלל וואס האט קיינמאל נישט מצליח געווען פשוט, ס'איז קליין, האט לאנטש רום טיילס אויף די פלאר, שמעקט ווי א לאנטש רום, איז געגאנגען דוד עקשטיין וואס איך האב נאכנישט געהערט ער זאל אמאל האבן געגיבן צדקה, און האט געלייגט 'נייע' לאנטש רום טיילס זה הוא!,

ראוז קעסטל האט 2 מאל גארנישט מיט רבי אהרן'ן, יצחק האט דארט געהאט זייער שוואכע ביזנעס ביי יודן, איז ער געגאנגען מיט די נידעריגע גוי'שע באלן, און געטרייט זיין גליק, למעשה האט ער פארלוירן זיין אלקאהאל לייסענס, און א גוישע חתונה אן א אלקאהאל באר איז קיין מציאות, געשטינקען האט ער איבעראל ווייל די שכינים האבן פארפירט, האט ער געמאכט אז זיין זאל גיבט ער אוועק פאר ביליג. מיט רבי אהרנ'ן  האט עס אזוי ווי מיט נאססא.

יעצט כאפט א בליק אויפ'ן קליגערן ברודער, אדער אפי' נאר רבי חיים יושע פון מאנסי, - גערעדט האבן זיי גאר ווייניג דערפון -, אוודאי, מיט נדבנים און מיט די עסקנים האבן זיי שוין איין מאל גערעדט, און נאך ווי, טעג נעכט און וואכן ליגט דערין, אבער 'דער יוד' - וואס האט דאכט זיך נישט קיין שארטידזש אין טינט -, האט נישט געבאמבעלט דערמיט מער ווי עניטינג עלס, און קיין מיליאנסטל וואס דער בלאט האט גערעדט פון א זאך, וואס זייער רבי האט נישט אוועקגעגיבן, מער ווי דאס ביסל שפייעכץ ביי זיינע תקנות דרשות.

אבער ס'קומט למעשה, ווער ס'האט שוין געזעהן רבי חיים יושע'ס זאל, עס איז שוין דא דארט חתונות פון אלול ווערט נבהל ונשתומם, זיינע מוסדות האבן בכלל נישט קיין סורפלוס, און ער איז גרייט אוועק צו גיבן אלע הכנסות פאר יודן וואס זענען גרייט חתונה צו מאכן אויף א וועג אז יעדער זאל קענען זיין אייניג, און זיין זאל איז א פראכט: ריזיג גרויס, הערליך שיין, ער שטעלט צו אינקלאדינג פיקטשערס מוזיק, בלומען, אלעס פאר פיר טויזנט דאללאר א זייט!!

ווייטער כאפט א בליק אויף די נייע הפרדס זאלן, די מוסדות וואלטן זיך מחיה געווען צו האבן די הכנסה פון אזעלכע צוויי מעכטיגע זאלן פאר זיך און זיך מוטשענען א ביסל ווייניגער אויפ'ן בודזשעט- נאכדערצו ווען אין די זעלבע צייטהאבן זיי שאדן ווייל בית רחל און ויואל משה וועלן עס לכאו' א ביסל שפירן, זאגט די רבי ר' זלמן לייב ניין!, אפי' מיין ברודער האלט נישט ביים (אויפ)טוהן אביסל, וועל איך יא אוועקגיבן פון די מוסדות, און איך וועל שווערער ארבעטן אויפצוקומען נדבנים הן פאר'ן זאל, און הן פאר די מוסדות!.

גיבן קרעדיט פאר'ן אנהייבן רעדן פון תקנות, וואלט איך ענדערש געגיבן פאר די עלטערע יוד וואס קלעבט שוין יארן אן די ווענט מיט אזעלכע קאלירטע צאמגעפעיסטע ווערטער ''הרג'עט נישט קיין יונגע טאטעס וכו'...'' ער האט שוין גערעדט דערפון סך, סך פאר ספלעשי רעבבע! 
נישט אזוי?


[בילד – נישט אפגעהיט]



[בילד – נישט אפגעהיט]

[בילד – נישט אפגעהיט]

נכתב בצדו,
לפי השמועה, די סיבה פארוואס דוד האט דאס מאל דיסיידאט צו עפענען זיין פארשלאסענעם טייסטער, איז ווייל ער האט זיך פארלאזט אויף די אלפים וואס האבן געדארפט קומען פון בני יואל'ן ריכטונג, ביי די פארקינג לאט אישו, אבער איז אנולירט געווארן שפעטער דורכ'ן ריכטער.
נא, אויף אים איז נישט קיין רחמנות.

איינער פרעגט מיר אין אישי 

תוקן על ידי זעליג_כהן ב- 09/11/2009 5:00:05

עטליכע וואכן צוריק בין איך געווען ביי א חתונה אין עטרת חי' שרה (סאטמאר) אין מאנסי.
איך בין נתפעל געווארן ווי הערליך דער זאל קוקט אויס, ממש פון די שענסטע זאלן וואס איך האב נאר אמאל געזעהן, ווי נאר מען קומט אריין איז דא א הערליכע לאבי, מיט א גאלערי ווי עס געפונט זיך דער יחוד שטיבל, די זאל איז ממש אויג-פארכאפנד רייך און שיין צוגעשטעלט.
די עסן איז געווען א מחי'.
ועל כולם די DJ סיסטעם איז "מורא'דיג" שיין, לעבעדיג, היימיש, נאך אסאך שענער ווי געוויסע שפילערס וואס נעמען געלט און די וועלט אריין.


ווער עס קען זאל ברענגן בילדער פונעם זאל.

אזוי אויך וואלט כדי געווען ווער עס קען זאל ארויפלייגן א פריוויו פונעם DJ סיסטעם.
וזכות הרבים תלוי בו

זעליג
כ'ווייס דיך טאקע נישט וויאזוי צו טרייסטען
די ווייסט זייער גיט ווי ענקער זאלען וואלטען געהאלטן ווען נישט די חתונה תקנות פין די סאטמערע קהילה
אינטערסאנט אלע קהילות טוען פינקט ווי די סאטמערע אין גייען אויף די זעלבע סדר { אין נאך ווייניגער} - ווייל צו בויען א נייע זאל נעמט לענגער ווי צו נעמען א פארלאזטע זאל אין אויפלעבן.
יעדער פארשטייט אבער אליין אז ווען די בנינים אין וומ''ס זענען נישט בידי הגזלנים ומסרבים וואלט דארט שוין לאנג געווען ביליגע זאלען אין מ'וואלט נישט געדארפט ווארטן אויף קיין ''למה נגרע''

יעצט לאמיך דיר אביסל איבערראשען
בית רחל פאראדייס: גיבט יא א דיסקאונט ווען איינער שטעלט זיך צו צי די חתונה תקנות, גלייך ווען מ'האט פארמאכט די זאל אינטער ביהמ''ד הגדול - וועלכע האט ביז דאן געדינט פאר די חתונות פין מנוחת הנפש פעקעזש, כדי צו קענען בויען דעם פראכטפולען בארימטען ''היכל ראזענבערג'' האט בית רחל פאראדייס שטארק אראפגעלזאגט די פרייז פאר די אלע וועלכע מאכען חתונה דורך מנוחת הנפש

אולם עקשטיין: האט יא, היינט צו טאגס א הערליכע פארקעי פאדלאגע, אין די זאל איז הערליך איבערגעבויט, אין ס'קאסט דארט א חתונה בערך האלב וויפיל ס'גייט קאסטען אין די נייע ברכה סימא זאלען, אין די זאל איז הערליך אהערגעשטעלט

ראוז קעסיל: האט קיינמאל די לייסענס נישט פארלוירן, נאר ע''פ בקשה פין די שכנים האבען די בעלי האולם האחים החשובים בעלי צדקה וחסד  אוועקגעגבן די ליעס פאר א צווייטען וואס געקענט באשטיין צו האנדלען מיט חסידיש'ע שמחות אין נישט די אויסגעלאסענע ''עטרות אברהם'' סטייל שמחות.

סוי האלט איך שוין ביי וויפיל זאלען????

יעצט לאמיר גיין ווייטער,
מאנסי, עטרת חי' שרה: כ'הער אז ס'איז הערליך, קנאת סופרים תרבה חכמה, (אגב, כ'ווייס נישט אויב די ווייסט וויפיל מ'האט דארט ב'גנב'ט די קעיטערינג - מחשובי חסידי סאטמאר וואס האט דארט אריינגלייגט שווערע צענדליגע טויזנטער'ס, אין מ'האט אפגעמאכט אז מ'גיבט זיי עס נישט, וכדי בזיון)

ברכה סימא: געווען די לעצטע פאר א זעלטן אויסגעשפילטע זאל, ערגערע סערוויס ווי דאס וואס מ'האט דארט געגבן איז נישט פארהאן
די חופה הויף איז קיינמאל די שניי נישט געפיצט געווארען, אין אלע טייערע קליידער פלעגן שווארץ ווערן (נאכדעם וואס די מיידלעך פלגען דארט שפילן בעפאר), די פלייש פלעגט זיין אלט פין פריזער אין קאלט, אך אין וויי איז געווען פאר איינעם וואס זיין חתונה האט געדארפט זיין אין א רעגן'דיגע טאג, מ'האט דארט געקענט גיין מיט שירעם'ס, כ'רעדט שוין נישט פין די שיפע פלאר,שווארצע קבלות פנים שטיבל וכו' ווי שוין באקאנט - אבער א חתונה האט דארט געקאסט בלויז ארום 5 טויזענט דאללער...
האבען אבער די זאלי'ס געהאט מורא'דיגע פרעשור, אז נאר ביי זיי מאכט מען נישט קיין חתונה תקנות, אין די קעשענעס האבען אנגהויבן שרייען, פארוואס ביי ''אלע'' קהילות חוץ ביי אינז טוט מען? האבען די חכמי כעלעם אנדעקט אמעריקע
זיי האבען דאך א זאל וואס פיסטעוועט, אינאיינעם מיט א לאנטש רום וואס מ'קען ניצן
נו! מ'וועט אנהייבען פין די ''צווייטע'' חתונה תקנות פאזע, אין מ'וועט שרייען אמור הרבה ועשה הרבה!
אין דאך, לויט ווי ס'הייסט יעצט וועט א חתונה דארט קאסטען ''דאפעלט'' ווי ביז היינט, אבער ס'וועט דאך אינקלאדען שפילער MP3 כו'
די עצם זאל האט מען געלאזט פינקט ווי ביז יעצט, נאר מ'האט גלייך געמאכט די פלאר, אין געמאכט פרישע אריינגענג, אין איבערגעפעינט די אלטע מאלדינגס מיט נייע טשילאר'ס אין פירהענג (פינקט ווי ביי אולם עקשטיין) ווי יעדער קען זעהן אויף די בילדער
דאס הייסט ענדערש ''קנאת סופרים תרבה חכמה''

כ'הער אז די צווייטע זאל האט מען נאכנישט אנעהויבן צו בויען, ווייל דער וואס האט מנדב געווען יענע לאנטש רום (איינער י') טענה'ט אז מ'מעג אים נישט אוועקנעמן די זכות אין שם האולם.
עס איז אויך כדי צו באמערקן, אז די יעצטיגע ברכה סימא זאל איז בשעתו געווארען אויפגעבויט דורך הרה''ח ר' א'י'ל' פין מאנסי אין ס'פלעגט טאקע הענגן דארטן א שטיינערע טעוועלע ''אולם חנה לאה'', אין די בעל ברך משה ז''ל האט זיך דעמאלטס אויסגענומען אז די נאמען פינעם זאל בלייבט ווייטער ''אולם ברכה סימא'',
אין וואס פאר א היתר האבען זיי יעצט צו טוישען די נאמען? (א קשיא אויף זאלי'ס)

עס קאסט מיר צו לאכען, ווען אין די גאנצע וועלט איז באקאנט אז סאטמערע רבי שליט''א, האט דורךגעבראכען אזא זעלטענע תקנה לטובת הציבור אין די זאלי'ס שרייען ''ס'אינזער קרעדיט''

תוקן על ידי rebyankel ב- 09/11/2009 18:53:28

די ביליגסטע חתונה זאל איז אין קרית יואל, וואס  מ'קען באקומען פאר 6 אלפים אלעס אריינגערעכנט (!)

די גמרא האט אונז פארציילט דעם סוד אז "גדול המעשה יותר מן העושה".
דער סאטמארער רבי שליט"א האט ערוועקט די גאנצע וועלט צו חתונה תקונות, ער האט גערודערט, און גערודערט און גערודערט, ביז עס האט זיך א שאקל געטאן.

און יעצט איז אלעס זיין קרעדיט. פינקט ווי יעדער פארשטייט אז ר' הערשל וועבער האט שכר פאר יעדן מענטש וואס הצלה ראטעוועט היינט, וויבאלד ער האט אויפגערודערט די וועלט אז אונזערע אינגעלייט דארפן זיך לערנען צו קענען העלפן מענטשן אין א פאל פון א עמוירזשענסי.

פינקט אזוי האט דער סאטמארער רבי שליט"א אויפגעפאדערט די גאנצע וועלט, צו מאכן ביליגע חתונות, און אנהייבן איינשפארן ביי תנאים'ס, רינגלעך, בלומען, מוזיק וכו' וכו'.

די ברכה סימא זאל שטייט שוין איבער  30 יאר.

אבער נאר נאכדעם וואס "סאטמארער רבי"  האט אויפגעפאדערט די וועלט איבער ביליגע חתונות און תקנות, איז אנגעקומען דער נדבן אליעזר קעסטענבוים, צו געבן חתונות פאר ביליג.

פון תש"ל ביז תש"ע איז עס געווען א געמיינע זאל וואס מענטשן האבן זיך געשעמט דארט אריינצוגיין.

ערשט ווען די גאנצע וועלט מאכט נאך די סאטמארער חתונה תקנות, זענט עטס נאכגעקומען. ברוכים הבאים - זייער פיין, אבער קיין קרעדיט קומט אייך ניקס.

[quote]

איך האב געשריבן 30 יאר, דאס מיינט טאקע אז ברכה סימא איז שוין א זאל זינט בערך תש"מ.

יעצט, פרעגסט וועלכע וועלט עס מאכט נאך די סאטמארע חתונה תקנות.
איך פרעג ווער נישט. אפילו די זאליס מאכן שוין נאך געצווינגענערהייט.

מיין פראגע איז, לאמיר זאגן אז דו האסט זייער פיינט דעם אהרן טייטלבוים
אבער דאס נעמט נישט אוועק אז ער האט געמאכט א גוטע זאך, וואס "יעדער" מוז מודה זיין.

איך פארשטיי אז עס שמעקט דיר נישט פארוואס דיין רעבע האט גארנישט געטאן אין דעם געביט.
איך פארשטיי איז עס שמעקט דיר נישט אז רז"ל האט נאך קיין פינגער נישט געלייגט אין קאלט אדער ווארעם וואסער פאר קיין שום עסקנות בגשמיות אדער רוחניות.

האסט א ברירה, נעם צאם אפאר יונגעלייט און זעטס אז ער זאל עפעס טאן
אבער פארוואס אוועקנעמען קרעדיט פאר דעם וועמען עס קומט זיך.

עס קען קיינער נישט לייקענען אז דער גערער רבי (לב שמחה) האט נישט געלאזט העכערן די פרייז פון די ספאדיקעס.

אזוי קען אויך קיינער נישט לייקענען אז די ישיבה אין קרית  יואל האט אנגעהויבן מאכן די 1200 חתנים שטריימלעך.

און זאג מיר נישט צי עס איז שיין ווי א 5000 דאלארדיגע שטריימעל צי נישט. ווייל ברכה סימא איז אויך נישט אזוי שיין ווי עטרת אברהם. און מיר רעדן היינט פון חתונה תקנות איינצושפארן הארץ אטאקעס פון עלטערן.

יעצט ביסטו געלאדענט צו ענטפערן.

דוד
ביזט גערעכט די מערכה קעגן ציונת האט אויף נישט געפירט די רבי ז''ל
עס איז נאך געקומען פין הייליגען מנחת אלעזר, נישט די רבי ז''ל האט געראטעוועט דעם דור!

רעדסט דאך ווי אזא תינוק, נאר אז מ'ענטפערט דיר ביזטו גערעכט
ענק האבען נישט קיין פראבלעם צו לייקענען גארנישט, פין א בפ' סיעף אין שו''ע ביז א מציאות וואס ''יעדער'' ווייסט.

וואס א חילוק שמואל ווידער, משכיל, אדער אפיקורס צו כופר בעיקר. וכו' וכו' וכו'.

איך ווייס אז סאטמארער רבי האט עס איינגעפירט אין כסלו תשס"ח.
און זינט דעמאלט האט ער איינגעשפארט כלל ישראל מיליאנען דאלאר.

וועמען גייט אן די שטותים צו משכיל ווידער אדער אפיקורס דייטש, דאס איז גוט פאר די קינדער.

*       דער מציאות איז אז נאר די לעצטע יאר איז אפירגעקומען אזא מין דערהער אז מ'קען חתונה מאכן אונטער 10 אלפים א נאכט אין א פראכטפולע שיינע זאל.

*      דער מציאות איז אז נאר די לעצטע יאר איז אפירגעקומען אזא מין דערהער אז מ'קען קעיטערן בלויז .100 קאפל, און נישט דארפען צאלן די רויבערישע פרייזן פאר עסן וואס איז אין געגאנגען אין מוסט קאסטן.

*      דער מציאות איז אז נאר די לעצטע יאר איז אפירגעקומען אזא מין דערהער אז מ'קען געבן סי זי שטיינדלעך און די כלות זענען צופרידן, און מ'שפארט איין הארץ אטאקעס.

*      דער מציאות איז אז נאר די לעצטע יאר איז אפירגעקומען אזא מין דערהער אז א נארמאלער חתן קעגן גיין מיט א 1200 דאלארדיג שטריימל אין וויליאמסבורג און בארא פארק.

*      דער מציאות איז אז נאר די לעצטע יאר איז אפירגעקומען אזא מין דערהער אז מ'קען מאכן דעם תנאים אין די נאכט פונעם שידוך שליסן און שפארן שווערע אלפים, צי דער רבי ליינט דעם תנאים צי נישט. 


                                           א ש ר י ך     ס א ט מ א ר ע ר     ר ב י    !

ביים בעל דברי  יואל איז שוין אויך געווען תקנות.
אין די צייטן פונעם נודע ביהודה איז שוין געווען.
און נאך פריער ביי די ועד ארבע ארצות איז אויך געווען תקנות.


אבער ליידער ליידער האט עס נישט געהאלטן !
נישט ביים דברי  יואל און נישט ביים ברך משה.

איצט האפט מען אז מ'וועט עס יא קענען דורכפירן און עס זאל נישט צופאלן.

פארוואס:
1) ווייל מען שטעלט בעלעבאטישע שיינע זאלן פאר גאר ביליג.
2) ווייל מען פאדערט אויף יעדן איינעם ארעם און רייך דאס צו טאן.
3) ווייל מ'שליסט אן אנדערע קהלות קדושות בישראל, נישט נאר מיין ביהמ"ד.
4) ווייל מען טראמפייטערט, און מ'טראסקעט, מען פייפט און מען בלאזט און מען שרייט, מען שרייבט און מען שרייבט און מען שרייבט און מען דערגייט די יארן פון יעדן איינעם אז מ'זאל זיך צושטעלן.


טאקע צוליב דאס שרייבן הונדערט און איין מאל, טאקע צוליב די 100 דרשות, טאקע צוליב די קולות וברקים איז דאס שאנסן אז עס זאל דאסמאל נישט איינשלאפן (!)

איך גלייך נישט צו רעדן צו א בהמה, און אויך נישט ווי א בהמה.

וואס דער רבי טוט, איז נקראת על שמו, צי עס איז זיין "אידעע" אדער נישט.
ער איז דער וואס רבבות אידן זענען משכימים לפתחו, און סרים למשמעתו, און ער איז דער וואס קען דורכפירן זאכן, להגדיל תורה ולהאדירה.

דו מיינסט אפשר אז איינער רעדט זיך איין אז "דער רבי" טוט אלע זאכן?

דו מיינסט אפשר אז דער דברי  יואל האט מייסד געווען קרן הצלה סתם אזוי א גרינעם מיטוואך?

נאכדעם וואס היימישע עסקנים זענען געקומען וויינען צו אים אז זיי האבן נישט קיין געלט פאר די מוסדות אין ארץ ישראל, און זיי ברעכן אונטער - האט דער הייליגער רבי גערופן עסקנים און האט מייסד געווען א "קרן הצלה".

דא אויך, עסקנים זענען געקומען צום רבי'ן און פארגעלייגט פלענער און ער האט זיך גענומען דערצו.

די זעלבע איז מיט די אריזאנא ווייץ:

דו מיינסט עפעס אז סאטמארער רבי האט זיך אויפגעוועקט א גריננעם מיטוואך אז מ'קען נעמען ווייץ פון אריזאנא... ניין ! קיינער רעדט זיך דאס נישט איין.

א ערליכער יונגערמאן, הרב כייעם, א פרומער און א מדקדק בקלה כבחמורה, פאר אים איז עס איינגעפאלן.

איז ער אריבער צו רז"ל און אים פארגעלייגט זיין פלאן.
רז"ל פארשטייט צו ווייץ ווי דו צו א שטיקל קצות. און האט אים געשיקט צו דוד ראזענבערג.

דוד ראזענבערג האט אים באשייגעצט, און אים ארויסגעווארפן בשתי ידים. ווייל איך קען זיין דיין טאטע, און דו וועסט מיר נישט איינטיילן וואס צי טאן.

איז דער יונגערמאן אריבער צום סאטמארער רבי קיין קרית יואל. און פאר אים פארגעלייגט זיין המצאה.

עס איז אים זייער געפאלן און האט אריבערגערופן ר' אייזיק לעווי און נאך אפאר עסקנים און האט זיך אריינגלייגט דערין, מען האט אינוועסטירט שווערע הונדערטער טויזענטער'ס דערין, און ברוך השם אז היינט האבן טויזענטער אידן מצות מהדרים אן קיין שום מצומחות די לעצטע פאר יאר - אזוי ווי מרן בעל ויואל משה האט געהאט פון תשכ"ו ביז תשכ"ט.

יעצט, די אריזאנא ווייץ איז נישט דעם רבינ'ס אויפטרעף, אבער ער האט עס ממציא געווען מכח אל הפועל, דורך מוטיגן די עסקנים, דורך רעדן, און דורך אינוועסטירן געלט. און עס איז טאקע נקראת על שמו.

וואס נאך דרוקט דיר דוד?

בעזר השם, ראש חודש כסליו, גייט פארקומען די פתיחת שערים אויף די גענצליך רענאווירטע הפרדס זאלן.

אויב דו ווילסט רעדן צו מיר וועגן טעלער, וועל איך רעדן צו דיר וועגן געלבמאן.
ביטע, צו מיר זאלסטו רעדן איבער וואס איך שרייב.

איך בין זייער שטאלץ מיט די פעולות וואס סאטמארער רבי האט דורכגעפירט. אפגעזען צי ס'איז זיין אידעעע אדער נישט. אדרבה זאל יעדער אויפטוען פעולות נשגבות, אפגעזען וועמענס איינפאל.

לאמיר גיין א שטאפעל ווייטער:
וועמענס אידעע איז געווען צו גרינדן א מיידל שולע?
 א זאך וואס איז געווען בחרם אלע יארן ביז די קריג, נישט דעם רבינ'ס נאר שרה שנירער'ס. מ'האט עס נאכגעמאכט פון איר.

וועמענס אידעע איז געווען צו מאכן א שטעטל דאהי אין אמעריקע?
נישט דעם רבינ'ס,נאר רבי מיכאל בער ווייסמאנדלס אין די י' יארן. און אין די כ' יארן האט עס סקווירא רבי זצ"ל נאכגעמאכט.


אלזא, איז עס איז די שענסטע זאך אז  מ'הערט אויס פארשלאגן פון מענטשן מיט גוטע כוונות און מ'פאדערט עס איינצופירן, און עס איז נאך נקראת על שמו אויך !

 

למען האמת זענען די פאקטן ווי פאלגענד

 

ר' לייזער קעסטענבוים וואס די התחלה פון זיין עשירות באשטייט פון זיין טאטענס געלונגענע שטיק מיט די רעגירונגס אינסטאנצען און זייערע פראגראמען וד"ל, האט לכתחילה געפלאנט צו זיין דער פילאט פון סאטמאר, ועל פיו ישק כל דבר.

אמת ער האט פארשטאנען אז עס וועט זיין א רבי, אבער פאלגען וועט מען מיך.

דער פלאן פון פילאט איז נעבעך צופאלען, האט מען זיך צוגעכאפט צו זיין א מחבר פון ספרים ויקרא שמו בישראל בעל מחבר ספרי פרדס אליעזר און אזוי געהאפט צו האבן אנערקענונג אין די אידישע גאס.

 

פונעם גאנצען פרדס אליעזר האט זיך אויסגעלאזט אז יעדען יום טוב אינעם ביילאגע פון דער איד פילט מען אן צוויי זייטן מיט דברי תורה, און מען לייגט צו אז עס איז ארויסגענומען פון ספרי פרדס אליעזר, מיטען רשות פונעם מחבר הרב אליעזר קעסטענבוים שליט"א נשיא מכון דמשק אליעזר.

 

עס האט אבער גארנישט געברענגט, האט מען זיך מיישב געווען אז מען גייט גרינדען א ביהמ"ד דמשק אליעזר, א כולל דמשק אליעזר, און אין די זייט אויך עפעס א וועד הכשרות פון מוסדות התורה און אזוי ארום ארויף קומען אויף די ארענע און באקימען אנערקענונג.

 

אבער אן ערפאלג.

 

דער בראדער האט א שוהל און א כולל. דער לאשאנצער האט א שוהל. דער סאמבורער האט א שוהל און א כולל. דער זשיקיווער פון וויליאמסבורג האט א שוהל. און קעי דאבעליו האט אויך א שוהל און א כולל.

 

פלוצלינג האט דער מנהיג ישראל, דער סאטמארער רבי שליט"א, נאכען איבערנעמען דעם כתר הנהגה, זיך אנגעהערט פון אזויפיל צרות ישראל פין אזוי פיל שווערעקייטען ביים חתונה מאכען קינדער, און באשלאסען איינצופירען חתונה תקנות.

 

נו, ויבא ר' לייזער.

 

ר' לייזער דער גרויסער נדבן פון די פרדס זאלען, האט געזען, קיין פילאט, קיין מחבר ספרים, קיין ראש הכולל, קיין נשיא, עס איז גארנישט מיט גארנישט. און דא איז די גאנצע וועלט אויף מיט די סאטמארער חתונה תקנות, אלע קהלות זעען איין אז מען דארף דאס איינפירן, ויאמר הנני.

 

אויב חתונה תקנות ווערט געלויבט דורך יעדען איינעם, דאן בין איך דאך דער הויפט מחותן אויף אזא נושא.

 

זאל קיינער נישט מאכען קיין טעות, דער זאל פון ברכה סימא איז שוין קרוב צו דרייסיג יאר אונטער סאטמאר. שוין צענדליגער יארען וואס עס דינט אלס די ביליגסטע זאל אין וויליאמסבורג, און אנטשולדיג פאר מיין עקספרעשאן, עס איז געווען א גרויל דארט חתונה צו מאכען.

בלויז צו דערמאנען זיך, ווי אזוי דער קבלת פנים צימער פאר מענער האט אויסגעזען, קומט צו ברעכען.

 

במשך די אלע יארען, איז גארנישט בייגעפאלען פאר דעם גרויסען איש החסד ונדבן הגדול ר' לייזער ארויס צו נעמען א פאר דאלער פון טאש און דאס אהער שטעלען אביסעל לייטיש, כדי אז שוואכע פארמעגליכע אידען זאלען דארט קענען חתונה מאכען אויף אביסעל א נארמאלען אופן.

 

מיט עטליכע יאהר צוריק ווען יעדער האט געמאכט געלט, זאגט דער שכל אז דער נדבן ר' לייזער האט אויך געמאכט מער געלט ווי היינט. אם כן, וואס האט ער געווארט ביז יעצט?

 

דער תירוץ איז, ר' לייזער איז ארום געשווימען מיט רעיונות צווישן פילאט, ראש הקהל, ראש הכולל, נשיא מכון, ומחבר ספרים, אבער עס האט נישט צוגעשטעלט דעם סיפוק. ווען דער רבן של כל בני הגולה שליט"א האט איינגעפירט חתונה תקנות, דאן איז אפיר געקימען ר' לייזער וכסף צרורה בידו און געטוהן צו די זאך.

 

צום שלוס,

דאס אלעס איז בלויז למען האמת.

 

אבער אינטערשטע שורה, קימט זיך באמת גרויס קרעדיט פאר ר' לייזער, ער האט באמת געוויסט אז סוף כל סוף וועט מען צי שרייבען זיין זאל צום חתונה תקנות אויפשאקלונג, און פון דעסטוועגען דאך האט ער זיך צוגעשטעלט און אהער געשטעלט א פראכטפולע נאבעלע חתונה זאל, און עס קומט שוין נאך א צווייטע, און אסאך שימחות וועלען אי"ה דארט געפראוועט ווערען.

 

ר' לייזער, איר האט יעצט א כח, זעטס איין צו פירען בר מצוה תקנות, זעטס איין צו פירען סי זי שטיינדלעך, זעטס איין צו פירען ווארט און קריאת התנאים אין שטוב, זעטס איין צו פירען בלויז איין שטריימעל פאר 1200 דאלער, זעטס איין צו פירען אז די וואכעדיגע שבע ברכות זאלען זיין אין שטוב און די שבת שבע ברכות זאל נישט זיין אין טייערע זאלען, זעטס איין צו פירען א באגרענעצונג צו די צאהל מתנות פון חתן צו כלה און כלה צי חתן, און בעיקר זעטס צו טון אסאך מצות ומעשים טובים מיט אייער געלט וואס לויט טייל מענטשען איז דאס נכסי הציבור, געלטער וואס מען האט געשארט אין די מיליאנען פון אלע רעגירונגס פראגראמען (והמבין יבין), און אט געט מען עפעס, אפס קצהו, צוריק פאר'ען פאבליק.

 

יישר כח ר' לייזער

איר זאלט זוכה זיין צו זעהן אסאך יודיש נחת פון אייערע קינדער עד ביאת משיח צדקינו.

דער רבי זי"ע בעל דברי יואל האט געמאכט אויפצוטאן וחפץ ה' בידו הצליח.
דער סאטמארער רבי שליט"א האט געמאכט אויפצוטאן פאר גאנץ כלל ישראל, וחפץ ה' בידו הצליח.

אויב עס קרענקט דיר אז די וועלט גיט אים דעם קרעדיט, מוזט עס ליידער שלונגען.

ס'איז קלאר ווי די טאג אז ר' אליעזר קעסטענבוים האט דא געטון א נאבעלע שריט מיטן אויפפיקסען די ברכה סימא זאל און עס פארוואנדלען און א הערליכען פרדס (און נאך איינס קומט נאך)

ס'איז נישט קיין חילוק זיין מטרה פון עס בויען, וואס הגם איך זעה נישט זאל זיין עפעס שלעכט מיטען מיינען זיך אדער פאליטיק, כך הוא דרכה של עולם ווען איינער בויעט עפעס מיט זיין געלט פאר א ציבור מיינט ער געווענליך נאר כבוד.

און ס'קומט אים אסאך קרעדיט פארן עס טוען,
און אויך קומט זיך קרעדיט פאר די זאלי הנהלה פון 82 וואס אפילו ס'איז נישט געווען פארטייאיש געשטימט צו מאכען ביליג כידוע, מיט דעם אלעם האבען זיי נישט געקוקט אויף די פאליטישע ווינט און נאכגעקומען אליעזר'ס פארלאנג און אים דאס געלאזט אויפבויען.

פארפאלען אז ס'איז גוט איז עס גוט!


און פאר איך ענדיג טאר מען טאקע נישט פארגעסן פון געבן קרעדיט פאר כ"ק אדמו"ק הגה"ק מהר"א שליט"א פארן זיך אריינלייגען בעובי הקורי מיט אן אמת כדי צו שפארען געלט ביי אידישע קינדער,
און אויך פאר שמואל ווידער און די בלאט פאר אזויפיל שרייבען דערוועגן ביז די רבי שליט"א האט געטון למעשה...

יישר כוחכם!!!!

SatmarBum כתב: [בילד – נישט אפגעהיט] [בילד – נישט אפגעהיט]

דער בילד איז צווישען אנדערע א פרעכטיג
אויב זעה איך גיט, פין ר' צו ל', ''הרב'' יעקב בער, קעסטענבוים, דער בן השלישי, דער ''גבאי'', דער בן השני, פין אינטען ווערט אויך געזעהן ''הרב'' מאיר ראטה, וחבריו הרבנים הגאונים שליט''א

דאס קוקט לכאורה אויס ווי א פחיתת הכבוד, ווייל קעסטענבוים וואלט געדארפט זיצען אינדערמיט אין די שני רבינו פין ביידע זייטן.....
נו! איז ער נישט קיין נועם המידות?

זעליג שרייבט
אבער ס'קומט למעשה, ווער ס'האט שוין געזעהן רבי חיים יושע'ס זאל, עס איז שוין דא דארט חתונות פון אלול ווערט נבהל ונשתומם, זיינע מוסדות האבן בכלל נישט קיין סורפלוס, און ער איז גרייט אוועק צו גיבן אלע הכנסות פאר יודן וואס זענען גרייט חתונה צו מאכן אויף א וועג אז יעדער זאל קענען זיין אייניג, און זיין זאל איז א פראכט: ריזיג גרויס, הערליך שיין, ער שטעלט צו אינקלאדינג פיקטשערס מוזיק, בלומען, אלעס פאר פיר טויזנט דאללאר א זייט!!


פאר אייער אינפארמאציע גיי פרעג דיר נאך אין מאנסי זיי געבן עס מער נישט ארויס פאר די ביליגע פרייז ווייל זיי קענען עס נישט עפארדן 

למען האמת זענען די פאקטן ווי פאלגענד

 

ר' אהרן טייטלבוים וואס די התחלה פון זיין רעביסטעווע באשטייט פון זיין  געלונגענע טעראר שטיק , האט לכתחילה געפלאנט צו זיין דער פילאט פון סאטמאר, ועל פיו ישק כל דבר.

לויט זיין דומיון וואס האט שוין נישט געהאלטן ווייט פון מציאות אז ער וועט זיין דער איינציגסטער סאטמארער רבי דעם קומענדיגן דור.

דער פלאן פון פילאט איז נעבעך צופאלען, רוב רובם סאטמארע חסידים האלטן זילטש פון איהם מען האט איהם געשיקט לופטערן על מי מנוחות און ער קען זיין א רבי נאר פאר ווער עס וויל, נא דארף מען דאך עפעס ווייזן פאר
די אנדערע אידן וואס אנערקענען איהם נישט וואס מען האט אלס דערלייגט פון איהם שיקן לעזאזל דארף מען דאך בסדר אויפקומען מיט פרישע אנטדעקונגען און מעכטיגע אויפטוען אז די חסידים זאלן זיך פרייען מיט זייער באטעמט'ן רבי'ן און די אנדערע טויזענטער אידן וואס זעהען נישט זיין פרצוף ווי גרויס די יאר איז זאלן כאטשיג הערן אביסל גערודער פון זיין גריצלנדע שטימע

 

נו, ויבא ר' אהרן.

 

 

ר' אהרן דער גרויסער ממציא פון  די תקנות  זאלען, האט געזען, קיין פילאט, קיין ראדני, קיין 550, קיין נשיא אין קיין שום ארגענעזאציע, עס איז גארנישט מיט גארנישט. , ויאמר הנני.

 

אויב חתונה תקנות ווערט געלויבט דורך יעדען איינעם, דאן בין איך דאך דער הויפט מחותן אויף אזא נושא.

 

זאל קיינער נישט מאכען קיין טעות, דער זאל פון תלמוד תורה איז שוין צענדליגער יארען וואס עס דינט אלס די ביליגסטע זאל אין קרית יואל, און אנטשולדיג פאר מיין עקספרעשאן, עס איז געווען א גרויל דארט חתונה צו מאכען.

בלויז צו דערמאנען זיך, ווי אזוי דער קבלת פנים צימער פאר מענער האט אויסגעזען, קומט צו ברעכען.

 

במשך די אלע יארען, איז גארנישט בייגעפאלען פאר דעם גרויסען מנהיג און תקנות מאכער ארויס צו נעמען א פאר דאלער פון טאש און דאס אהער שטעלען אביסעל לייטיש, כדי אז שוואכע פארמעגליכע אידען זאלען דארט קענען חתונה מאכען אויף אביסעל א נארמאלען אופן.

 

נאך מער ממש לעצטנס האט ער געלאזט בויען א הערליכע חתונה זאל קרן ויואל משה אין קרית יואל נישט ווייט פון זיין הויז און זייער גוט געזעהן און מיטגעהאלטן ווי פענסי דאס איז געבויעט געווארן און געהויבן דראסטיש די חתונה סטאנדארט אין קרית יואל און מען בעט נאך דארט עד היום הזה געפעפערטע פרייזן

נאר וואס דען כלל ישראל טאר דאך נישט פארגעסן פון דעם ר' אהרן זאל סאטמארע חסידים וויסן וואס זיי האבן
דערלייגט האט שמואל ווידער גענומען מאכן גרויסע גערודער מיט חתונה תקנות א זאך וואס איז שוין לאנג
געווען ביי איעדע קהלה אויפן טיש און ביי וועם נישט וואלט דער שווערער מצב יעצט עס זיכער ארויפגעברענגט 
אויפן טיש
 און ווען ר' אליעזר קעסטענבוים איז מנדב 2 מיליאן דוללער.און די סאטמארע ישיבה געבט אוועק 2 חתונה זאלן אן קיין פעני ריווח וועמענס קרעדיט איז עס? 
נישט ר' אהרן? זעהט כאטש סאטמאר איין וואס זיי האבן דערלייגט מיטן שיקן ר' אהרן אויף קענט?
 

 העלד

אז די גאנצע וועלט מאכט אים נאך, דארף ער זיין זייער זייער העפי.

איך פארשטיי אז נישט דאס איז געווען דער בלו פרינט פון משה פרידמאן, אבער מוזט מודה זיין אז ער האט איינגעפירט א זאך וואס דורי דורות וועט מען אים דאנקבאר זיין.

נאר ער און נישט קיין צווייטער האט געראטעוועט כלל ישראל פון די שרעקליכע חתונה הוצאות.
און אראפגעברענגט די פרייזן צו ווינציגער פון העלפט פון אמאל, פאר אלעמען.

העלד טייערע
כ'זעה ביזט אזוי שוימיג אין עפעס באדערט דיך, כ'וועל דיר פראבירן צו ענטפרן

אולם עקשטיין, איז אלס געווען א ביליגע זאל - אפי' ס'האט נישט אריינגערעגנט, אין די שניי איז געווען געשארט, אין עסן איז געווען געהעריג ציגעשטעלט, אבער אויב א ביליגע אופן, כידוע
למעשה אין גייסט פין די חתונה תקנות וואס סאטמערע רבי (וועלכע?) האט איינגעפירט האט מען עס איבערגבויט אין אריינגלייגט דארט אסאך געלט, אין מ'האט געלאזט די זעלבע פרייז ווי פארדעם, אין אויב עפעס  נאך ביליגער אין היינט צו טאגס קאסט דארט א חתונה בלויז $3000 פער צד, אריינגערכנס אלעס.

ווייטער ברכה סימא, א חוץ דעם וואס עס איז געווען ביליג איז געווען די ארגסטע סערוויס וואס איז נאר פארהאן ווי באקאנט, אין יעצט ביי ''למה נגרע'' האט מען עס געמיזט איבערבויען, ווי שוין געשריבן, אבער די פרייז איז געדאפעלט געווארען צו $9000 + מ'דארף צאלען פאר די הכשר? אין די בדחן וואס קומט אויס צו א ס''ה פין $10000 פער צד - קעגן די $5000 וואס פלעגט אמאל קאסטען
ד''מ אז ווען איינער נעמט די MP3 אין בית רחל האל קומט עס אויס די זעלבע פרייז דו''ק ותשכח,

אגב, עטרת חי' שרה אין מאנסי קאסט א תקנות חתונה $5500 פער צד
אין לפי ידיעתו געבן זיי זייער שווער א דעיט ווען איינער וויל דארט מאכען א תקנות חתונה (נאר איינס אדער 2 א וואך) זיי זיכען ''ביזנעס'' אין ווילאנג די זאל איז געווען נייע, האבען זיי עס גרינג געגבן פאר תקנות חתונות אבער יעצט געבן זיי עס ביטער שווער.

איך בין געווען ביי א שיינע באלעבאטישע חתונה אין אולם עקשטיין.
און עס האט געקאסט דארט אלעס אינקלודעד 6 טויזענט דאלאר.

אויב דאס הייסט א חאזעריש, איז ויואל משה סאך ערגער.

דוד46 כתב: [בילד – נישט אפגעהיט] רעביאנקעל אז מען ווייסט נישט רעדט מען נישט אין פרדס וועט איין צד קאסטן (שוין אריינגערעכנט דעם בדחן) 5000 דאלער!!! און בנוגע אולם עקשטיין: עס איז א חאזעריי פון א זאל, און טאקע דערפאר וועסטו נישט טרעפן קיין איין באלעבאטישער איד זאל דארט חתונה מאכן. דער דוד עקשטיין האט "גארנישט" צוגעשטעלט פאר "זיין" זאל אויסער ארויסבויען א שטיקל אריינגאנג. די פלארס איז ביז לעצטענס געווען געמיינע טיילס, ביז ר' ישראל יעקב סופר האט באצאלט מען זאל מאכן פארקעי. א קאך האט מען געשנארט פון די גאווערמענט. נו, וואס נאך?

פרדס וועט 5000 נישט קאסטען, אדרבה שיק אריין א קאפי פין די קאנטראקט, אין די פאר די פרייז וואס זיי בעטן געבן זיי נישט קיין בדחן אין טשארזשען עקסטער פאר א הכשר

אולם עקשטיין קוקט אויס בערך וויאזוי ברכה סימא וועט אויסקוקען, די זאל איז הערליך אויפגעבויט כלפי וויפיל עס קאסט, וואס א חילוק פין וועם די געלט קומט?

דוד46 כתב: [בילד – נישט אפגעהיט] די סיבה פארוואס אולם עקשטיין איז אזא שוואכע זאל, איז ווייל די אהרונישע הנהלת המוסדות אין ק"י ווילן נישט צולאזן אז עס זאל ווערן א שיינע זאל וואו אויך באלעבאטישע אידן זאלן קענען חתונה מאכן כדי נישט צו דערלייגן די פאראדייז פרייז חתונות. וואו איז טאקע דיין צדיקל? פארוואס שטעלט ער דאס נישט אפ? לשיטתו דארף דארט יעדער האלטן די תקנות.

שוטה דו!
 כ'ווייס וויפיל מענטשן האבען זיך געבעטן ביי די הנהלה פין ענקערע מוסדות  אז זיי זאלען עס איבערפיקסען אין מ'זאל עס מאכען פאר תקנות אין: זייערע ווערטער זענען געפאלען אויף טויבע אוירען.
ביז ווען לעיזער האט זיי איינגטיילט אין ציזאמען מיט ליפא גפן האט מען אפגעמאכט אז מ'גייט שוין איינמאל פאר אלעמאל פארענטפרן די פילע למה נגרע געשרייען,
אין עס קומט נישט קיין שום קרעדיט פאר די הנהלה פין ענקערע מוסדות אויף דעם גאנצע פראיעקט, יענקי רובין פארציילט פאר יעדן וויפיל פיסלעך די מוסדות האבען אים געהאלטן אין איין אינטערשטעלן אין שטעלן נאך אלס, ווייל זיי ווייסען אז ס'גייט זיי א קאמפעטישען פאר ויואל משה.

ווייטער אין קרית יואל, האבען די הנהלת המוסדות אליין'ס זיך ציגעשטעלט אין  ערלעדיגט מיט די נדבן, וכו', אוואדי קענען זיי באשטיין אז מענטשן זאלען ענדערש גיין אין פאראדייס, מ'דארף דאך אויפהאלטן די מוסדות, אין דאך ווען איינער מאכט חתונה אין פאראדייס אין שטעלט זיך צו צי די תקנות באקומט מען גאר א הערליכע דיסקאונט.

Isacmandel כתב: [בילד – נישט אפגעהיט] איך בין געווען ביי א שיינע באלעבאטישע חתונה אין אולם עקשטיין. און עס האט געקאסט דארט אלעס אינקלודעד 6 טויזענט דאלאר. אויב דאס הייסט א חאזעריש, איז ויואל משה סאך ערגער.

6 טויזענט פאר ביידע צדדים ד''מ 3000 פער צד
א שטוינדע ביליגע פרייז, אין דעם איז ''אלעס אריינגערכנט'' MP3 בדחן, בלומען, הכשר, כו'

א שטיקעל אנאליז וואו אזוי די זאלי פראפעגאנדע ארבייט,

 

שנת תשנ''ח – נ''ט ר' זלמניו ווערט רב און ירושלים עה''ק, אלע אנ''ש און ירושלים עה''ק שרייבען א בריוו צו רבינו הקוה''ט בעל ברך משה זי''ע, אז מען מיז שיקען ר' זלמניו זאל מ''מ זיין רמ''א פריינד זי''ע, פשוט אז סאטמאר ירושלים זאל האבן א קיום,

 

סאטמארע חסידים האבן שוין דאן געוויסט וואס ער ווירבעלט אונעם קראנגהאפטיגען מוח פון דעם טעראריסט בן פראדעל,  האבן זיי אנגעהויבען אויף קלערען דעם ציבור, א ירושלים איז א בריק קיין וויליאמסבורג,

 

די זאלי פראפעגאנדע מיניסטעריום, האט זאפארט געפענט א מאסיווע קאנטאר אטאקע, און אפגעשלאגען די שמיעה אז ירושלים זאל זיין א בריק קיין וויליאמסבורג, ח''ו און וויליאמסבורג וואוינט דאך רבינו בעל ברך משה זי''ע,

 

ח''י סוין תשנ''ט ר' זלמניו ווערט זאב''ד הויעך אויפן נאסען בוידעם אויף 550 בעדפארד עווניו, און עס פאלגט נאך א גאנצע סעריע פון הכתרות, ממש יעדע 10 מינוט איז געווען א פרישע הכתרה,

 

האט די זאלי פראפעגאנדע מיניסטעריום האנגעהויבן א קאמפיין, למה ניגרע? די לעפקעס די יאקאבאוויטשליך, זענען ארויס געקראכען פון זייערע מייזען לעכער וואו דער ברך משה האט זיי פארשיקט ביי זיין דרשה ו אלול תשל''ט לפ''ק, און אנגעהויבען יאמערען און שרייען מיט קולות וברקים, למה ניגרע? פאר וואס קימט זיך אונז נישט קיין לאקאלער רב?

 

 איי ער קען נישט לערנען ער איז א ניקס,? אבער עס איז דאך דא די דיינים, ר' מנשה, מיט הרב פילאף – מיט הרב וויינבערגער, זיי וועלן אים שטייען צו די האנט מיט די רבנות אלזא וואס איז די פראבלעם? מען האט טאקע תיכף אויף געהאנגען א סיין ''לישכע בד''ץ'' ויהי לבד''ץ,

 

איי איז דאך שווער, פאר וואס דארף מען דאן האבן דעם ר' זלמניו? עס זענען דאך דא די דייינים, וואס לויט ווי דער מנוח וויגדור, מיט זיין קאלעגע דער רויטער קיטשי, האבן כסדר טראמפייטערט  זענען דאך די דריי דיינים פון די עמודי הוראה בדורינו?

 

אויף דעם איז אויף געקימען די אפעראציע מיטן נאמען  ר' לייבוש, דער סקלענער רבי, אד''ג

 כאילו ר' זלמניו זיצט אויף זיין געגנב'עטער פאזיציע מיט זייער גוטהייסונג, ח''ו  

 

און דאס יאר האט דאס אויך געקראכט, ר' לייבוש האט דערלאנגט פאר די זאליס א גוטס, וואס זיי האבן זיך נאך נישט באוויזען צוזאם צו קלויבען,

 

הגריח''מ האלט אונמיטען מאכען א יו טערן,

 

הגרז''ל פילאף שטעלט זיך ארויס וואו א פאלנער לא ציית לדינא, איז זיין ווארט אדער מיינוג אונגאנצען נישט רעלעווענט, ביי קיין שום  יוד וואס איז  א שומר תורה ומצות,

 

 בקיצור די גאנצע בניו ווערט צוביסליך ציביסליך צו ווארפען,  צו די גרויס צער פון די זאליבאנצעס,

 

די זאלי פראפעגאנדע מאשין אלעס געטאן צו ראטעווען די סוטעאציע, זיי האבן  אפי' פראבירט צו דינגען דעם פישיגער פעלשער הער פארמעגליך, וואס האט פראבירט מסביר צו זיין מיט אלע זיינע כוחות, אז רבינו שליט''א איז עכט א גארנישט, און ר' זלמניו איז עפעס גאר א קליגער גלוגענער מענטש, דאס איז געווען באגלייט מיט עכטע מעשיות, און פאקטען, וואס פארמעגליך האט באקימען און זיין אישי, און אימעל,  מען האט דאס פאר טיילט אונעם אלטען ביהמ''ד און ראדני, מען האט עס איבער געטיישט אויף אלע 70 שפראכען, אבער עס האט געהאלפען א מכה,

 

דאס יאר שמח''ת האבן זיך די זאליס געכאפט, אז ביים נער, איז געווען צענדליגע טויזענטער חסידים, וואס זענען געטאנצען מיט א התלהבות די הייליגע הקפות, און ביים בן החכם, האט דער פוסטקייט, און די דעמאלאזאציע געוועלטיגט ביד רמה, אמת ער האט אויך געהאט מנין, אבער ביי דעם הייפעלע יודען וואס ער האט געהאט, האט זיך נישט דערקענט די פארמעגליך געמויזעכס אויף זייערע פענימער, בקיצור די פארמעגליך דראגס איז געווען אבי ארויס געווארפען געלט!

 

איצט האבן זיי אנגעהויבן א נייער מהלך, אז און אמת'ן און ר' זלמניו יא א יש, ער קען יא לערנען, ער טיט יא אויף פאר יודישקייט, אד''ג איי קיינער ווייסט נישט דערפון?

 

אה! דאס איז ווייל ער איז א צדיק נסתר, ער באהאלט זיך פשוט, אונטער די דאכענכע, למשל, ער לערענט א גאנצע נאכט, מען קען אפי' זען וואו די לעקטער ברענט און 550 א גאנצע נאכט, מען דעקט נאר צו די פענסטער אז דער ל''ו צדיק ר' זלמניו זאל חלילה נישט ווערן נתגלה,

 

ער האט אויף געשטעלט א ביליגע חתונה האל און וומ''ס, (אמור מעט ועשה הרבה)  איי קיינער ווייסט נישט פון אזא זאך אז ר' זלמניו זאל עפעס אונטערסירען, אז יודישע קונדער קענען נישט חתונה מאכען אן קיין הארטץ אטאקעס,? דאס איז נישט, עכט אונטערסירט אים יא! ער האט נאר ''בטבע'' פיינט פראפעגאנדע ( עיין ערך נסיעה באנטווערפען, ניזוויק, וכו')

 

דער ר' זלמניו איז פוסט און לעהר בתכלית הלעהרקייט, ער איז א ניקסט, וואס אלע ניקסען פון די וועלט קען זיך פארשטעקן פאר אים, ער האט מיט די נייע ביליגע חתונה זאל אזוי ער האט מיט די גמרא,

 

די זאל האט אויפגעבויעט אונזער אלטער באוויסטער ידיד לייזער קעסטבוים דער באוויסטער בעל הפרדס, דאס האט אונזער לייזער אויף געבויעט להגדיל שמו, צו פארגרעסערן און פארשענערן זיין נאמען, ער זאל פשוט נישט גיין פון דער וועלט מיט אזא נאמען וואס ער האט זיך ערווארבען און די לעצטע יארן,

נאך מער אונזער לייזער האט שוין די חזקה אז יעדער זאך וואס ער טיט לטובת הכלל זאל ער ציריק באקימען בעולם הזה בכפל כפליים (עיין ערך ODA קרית ויואל משה, איחוד העולמי, וכו') פון די דאזיגע  זאלען וועט נאך לייזער  מאכען א סאך געלט,

 

אבער מיט ר' זלמניו האט דאס גארנישט, ער האט נישט אריין געלייגט די פונגער און קאלט וואסער פאר דעם ביליגען זאל, ער האט נישט פארמינערט פון זיין שינת צהריים קיין רגע לטובת די זאל, איין זאך וואס ער האט יא געטאן, און עס קימט זיך אפשר קרעדיט, איז אז ער האט אראפ גענימען זיינע לאפעס איינגעהילט און ווייסע שטרימפ, פונעם שלחן, און ער האט איבערגעלאזט זיין ווילא, וואו ער האלט זיך אונמיטען אויסרוען, פון זיך אויסריען, און ארויס געפארען מיט משה וואלף'ס שיינע אוטו קיין ברוקלין צו טרינקען א גלעזעל משקה מיט ר' לייזער'ען און די פרדס זאל,

 

משה וואלף גיבט איבער אז און די קאר האט ר' זלמניו נישט דעבטעלט די צייט ער האט איידל אויסגעהערט די נייע קאסעטע פון ר' מיכאל זאל לעבן,

 

געהערט פון מקור ראשון:
אליעזר קעטנבוים האט פאריגע וואך געזאגט מיט התרגשות פאר א באבוב'ער איד (רמ"ד) אז ער דאנקט דעם באשעפער וואס האט איהם חונן דעת געווען צו מנדב זיין די פרדס זאל א זאך וואס מיינט ריין צו העלפן אידן אן קיין שום פאליטיק, און דערמיט שפירט ער אז ער גיבט א קרבן תודה פאר'ן באשעפער אויף די נסים וואס ער איז אריבער אין זיינע ביזנעסער.

איין ווארט וואויל איז דער וואס גלייבט!!!

מיר קענען שוין דעם לייזער לאנגע יארען, מיר זענען אים נישט חושד ח''ו אז ער האט אונזון צו העלפען יודען!!!

[בילד – נישט אפגעהיט]

די זאל זעהט באמת אויס ווי א פראכט!

ב"ה אז די זאליס האבען זיך ארויפגעכאפט אויפן וואגען פון תקנות

די זאלי'ס זענען העפי
וואס איז, זיי זענען שוין ענדליך מיטן וואגען, ביי זיי מאכט מען שוין אויך חתונה תקנות, טאקע פין די לעצטע, אבער דער למה נגרע הערט מען שוין נישט אזוי שטארק.

לאמיר אביסל צילייגען די נייע זאל, נישט אז ס'קומט זיי נישט קיין קרעדיט, נאר אז זיי מאכען אזא איבערקערענישט ווי קליינע קינדער מיט זייער נייע זאל, דאן לאמיר הערן פין וואס מ'רעדט דא:

ווי באקאנט האט סאטמערע רבי שליט''א אויפגעפאדער א שטיק צייט ציריק זיין הייליגע עדה, מ'זאל אנהייבן איינצופירען פרישע תקנות בנוגע צומצם הוצאת החתונה - טראץ וואס עס זענען שוין איינגעפירט יארען לאנג געוויסע תקנות וואס פריעדיגע רבנים ובראשם רביה''ק בעל ב''מ ז''ל האבען איינגעפירט, אבער במשך די יארען זענען אפירגעקומען פרישע הוצאת אין פרישע משוגע'תן אין די גאנצע סטאנדארט איז מורא'דיג ארויף,
אין פין די אנדערע זייט דארף איך נישט שרייבען ווי שווער ס'איז היינט צו טאגס חתונה מאכען א קינד פאר א עווריזש פארדינער לויטן פאריעריגע סטאנדארט,  

מ'האט זיך אראפגעזעצט מיט עסקנים אין איינגעפירט תקנות
די רעזולטס זענען ב''ה געווען למעלה מן המשוער, אין עס ב''ה געווארען נאכקאפירט ביי רוב ק''ק בישראל

די ערשטע פאזע איז געווען בעיקר אויף ביז די ליל החתונה וואס איז ב''ה שטארק סוקסערסירט, סיי די דיימאנט,שטריימעל,ברעיסלעט, תנאים, וכי'

די צווייטע פאזע איז געווען טאקע די ליל החתונה, וואס דאס מאכט ב''ה פראגערעס חודש'ליך

המשך יבוא

  אין ליכט פין די צווייטע פאזע, איז די הנהלת המוסדות פין ק''י געווען די נחשונים, נישט קוקענדיג אויף די שאדען, ווייל די זאלען זענען א גיטע אינקאם פאר די מוסדות, אין געשאפט א חשוב'ע נדבן אין הערליך איבערגעפיקסט דעם שוין היינט באקאנטען ''אולם עקשטיין'' (פאר די וואס האבען עס נישט געזעהן – מ'האט דארט געמאכט בערך די זעלבע זאך ווי אין ברכה סימא, נאר מיט ווייניגער פאמפע, ד''ה, געבויט נאך א אריינגאנג, געטוישט די פלאר, נייע קאך, איבערגעפעינט כו' – קען זיין אז ס'האט נישט געקאסט אזויפיל ווייל די בילידינג איז געווען קער גענומען פין פאר דעם אין די פלאר איז נישט געווען שיעף, אבער די ס''ה איז געווען איבער א מיליאן דאללער געשאפען פין 3 קוועלער/נדבנים)
אין דער עיקר: א חתונה קאסט דארט היינט נישט מער ווי 6000$ פאר ביידע צדדים אינאיינעם אין דאס רעכנט אריין ''אלעס''

דער צווייטער זאל איז ווייטער געווען פין די ק''י מוסדות, דאס איז געווען דער עלעגאנטער בית רחל פאראדייס זאל, וועלכע האט אנאנסירט א פעקעזש פאר די וועלכע שטעלן זיך צו צי די חתונה תקנות וואס קומט אויס בערך 9000$ פאר ביידע מחותנים אינאיינעם אריינגערעכנט ''אלעס''

אינצווישען זענען אויפגעקומען נאך עטליכע זאלען אין ווי ראוז קעסיל אין וומ''ס אין רענעסאנס אין ב''פ אין עטרת חי' שרה אין מאנסי וועלכע האבען אויך אנגעהויבן צוצישטעלט גאר ביליגע פעקעזשעס פאר די וואס וואלען חתונה מאכען מיט די חתונה תקנות, וזכות הרבים תלוי בהם.

נאכדעם קומט דער ברכה סימא זאל, וואס פלעגט אמאל קאסטען בערך 5000$ פאר ביידע צדדים (מיינט נישט א חתונה האט דארט אויסגעקוקט ערגער ווי א........ אריינגערענט, קאלטע עסן, וכו' כידוע)
דאס איז צישטאנד געקומען נאכדעם וואס פילע זאלי'ס האבען אנגעהויבן פארפירן ביי די הנהלה פין זייערע מוסדות  ''למה נגרע'' אבער זייער געשריי איז אייביג געפאלען אויף טויבע אויערן,אין אזוי איז דורך א שטיק צייט
 ביז עס איז אויפגעשטאנען אפאר עסקנים פין יענע מחנה אין האבען אליין געשאפען א נדבן, (עס קומט זיך פאר זיי קרעדיט אז זיי האבען זיך נישט ציגעהערט צו עטליכע ראשים פין זייער מחנה וואס האבען עדות געזאגט אז די קרעדיט וועט נאך אלעם גיין פאר סאטמערע רבי שליט''א, אין נישט געקוקט אויף דעם) אין נאך לאנגע געשלעגן מיט די הנהלת המוסדות האט מען ענדליך גענדיגט איבעבויען דעם זאל, אבער:
די פרייז איז ארויף צו 9000$ פאר ביידע צדדים, ס'רעכנט טאקע אריין, שפילער & זינגער /MP3, פיקטשערס, פאלטשע בלומען, וכו', אבער פאר די בדחן אין השגחה דארף מען אליין צאלען, סוי ד''מ כאטשיג 10000$ די ליל החתונה, טאקע ביליג אבער.....

אין אנדערע ווערטער ווען איינער זאל חתונה מאכען אין בית רחל אויף העיווארד סט', לויט די היינטיגע אומשטענדן פין ברכה סימא גייט אים א חתונה אויסקומען די זעלבע פרייז אדער נאך ביליגער דו''ק ותשכח.

סוי די ס''ה איז: די הנהלה פין 82 האט קיין פינגער נישט ציגעלייגט צום נייעס זאל נאר פראבירט צו שטערן, אין אפי' נאך אלעם האט מען ארויפגעצויגען די פרייז – אין די צייט וואס די גאנצע געלט איבערצובויען איז געקומען פין א נדבן וואס דרויסענדע עסקנים האען געשאפען, אין די אנדערע זאלען ווי ויוא''מ / בית רחל / עטרת איז געבליבן די זעלבע פרייז ווי ביז יעצט, אין מ'באקומט נישט דארט קיין שום דיסקאונט אפי' מ'שטעלט זיך צו צי די תקנות.

אבער זיי דרייען איבער די שטאט ווי קליינע קינדער, פארדעס פארדעס.... נו! וועם שטערט עס?,
כ'האף נאר אז זיי וועלן נישט איין טאג איינפירן אז זיי געבן עס נאר פאר זייערע מענטשן אדער נאר ווער ס'גיבט א געוויסע סכום דינער געלט, אזווי ביי שמח תשמח.

יעצט בין איך נייגעריג ווען זיין גייען שוין אויך נאכמאכען די ערשטע פאזע פין די חתונה תקנות, אין פארלאנגען זיינע ''חסידים'' זאלען קויפן CZ אדער ליינען תנאים ביים ווארט אינדערהיים, וכו'

אלס איז פיין און וואויל.

אבער עפעס קלינגט מיר נישט אין די אויערן דעם קעפל: אמור מעט ועשה הרבה. איז עס וואר ?

מ'האלט דא ביי די איין און איינציגע פעולה פון ר' זלמן לייב'ן זייט זיין אנהויב רעביסטעווע פאר צמצום הוצאות ביי חתונות, און מ'רעדט שוין נישט אז דער פראיעקט שלעפט זיך שוין באלד 2 יאר, און מ'רעדט שוין נישט אז יעדע 2 וואכן איז געווען אין "איד" בילדער און מודעות איבער'ן זאל, און מ'רעדט שוין נישט אז דער זאל איז שוין געשטאנען פון פריער און מ'האט עס נאר געדארפט איבערפיקסען.

נאר מ'רעדט פון דעם וואס עס איז ערשט יעצט געווען די קביעת מזוזה און מסיבת לחיים, און שוין איז עס דא אין אלע אינטערנעט וועבסייט'ס נאך אסאך מער געדעקט פון די ליובאוויטשער באנקעט.

אמור מעט ועשה הרבה...