אומגלויבליך! איזראעלי פרעסע אויסגעטאן נאקעט

פאר חרדי'שע אידן איז ווייט נישט קיין סוד אז די פרייע פרעסע אין מדינת ישראל איז איינזייטיג און בלינד ווען ס'קומט צו סיי וועלכע טעמע וואס בארירט די רעכטע אין מדינת ישראל. ווער רעדט נאך ווען ס'קומט צו א חרדי זענען זיי גרייט אים אויפצועסן לעבעדיגערהייט. אלע שיינע פראזן וועגן יושר און אמינות ווערן צעבלאזן ווי איי שאלעכץ ווען ס'קומט צו האקן אויף א חרדי.

אין די לעצטע פאר וואכן האט דער רבש"ע אזוי געפירט אז ס'זאל נתגלה קלונם ווערן אויף אזא העסליכן אופן, ביז אפילו דער גרעסטער טייל פון די פרייע האבן זיך אנגעהויבן עפנטליך וואונדערן וואס איז געשען מיט די א.ג. "אביעקטיווע זשורנאליזם", וואס דארף זיין דער גרונד-פרינציפ פון יעדן זשורנאליסט און מידיא פארשטייער?

אנגעהויבן האט זיך עס מיט די אומבאהאלטענע איינזייטיגע דעקונג און אפענער האס-שיסנדער גיפט קעגן די חרדי'שע מאמע וועלכע האט 'געוואגט' ארויסצוגיין אין א קאמף מיט די רוצחים/רופאים פון הדסה שפיטאל, וועלכע שטעלן געווענליך אהער א שיינעם פנים ווי א תם, אבער אונטערן טיש באגייען זיי זיך מיט די חרדים אויף א שרעקליך שענדליכן אופן. אויך דא האבן זיי פרובירט צו כאפן די פיש פאר די נעץ און ווען זיי האבן זיך דערשראקן אז די מאמע גייט זיך עפענען דאס מויל האט מען באשלאסן איר צו מאכן וואס זיי רופן א "רצח אופי", און איר 'ערלעדיגן' נאך פאר זי קען אנטון עפעס שאדן.

דורך זייערע פארבינדונגען אין די פאליציי, פראקוראטור, און די מידיא האבן זיי אנגעהויבן א שרעקליכן שמוץ קאמפיין קעגן די געטרייע אומשולדיגע מאמע. ווי נאר מ'האט איר ארעסטירט האט די גאנצע פרייע מידיא ווי אין איין כאר גענומען זינגען "האם המרעיבה" - קעגן די אנגענומענע פראצעדור, און דער פרינציפ אין יעדע דעמאקראטישע מדינה, אז יעדער באשולדיגטער איז ריין ביז ווען ער ווערט באשולדיגט - innocent until proven guilty.

בדרך כלל וועט טאקע די מידיא באצייכענען א באשולדיגטן אלס "חשוד ב......", אבער ווען ס'האנדלט זיך פון א חרדי'שע מאמע איז אלעס מותר.

דער פאקט אליין האט שוין געהויבן פילע אויגן ברעמען ביי די פרייע, אבער דערווייל האט מען עס נאך אקצעפטירט.

המשך יבוא.

#2

דערנאך האבן אנגעהויבן קומען די שאלות. יעדער נארמאלער מענטש האט באלד געזען אז עפעס שטימט נישט דא. א געהעריגע מאמע פון פינף קינדער באשליסט איין טאג אויפן צווייטן אז פונקט איין קינד וויל זי רח"ל ..... און וואו איז דער שפיטאל געווען ביז היינט, אא"וו.

כדי צו פארענטפערן די פראגעס זענען דער שפיטאל און דער פראקוראטור ארויסגעקומען מיט די באמבאסטישע דערקלערונג אז די מאמע ליידט פון א זעלטענע קרענק, דער "מינכהאוזען סינדראם", וואס האט איר געברענגט זיך אויסצוגעבן אויפן קינד. די פרייע מידיא, אנשטאט פרעגן וויאזוי דער שפיטאל קען באשטעטיגן אזא זעלטענע קרענק אן די געהעריגע נויטיגע איבערזיכט פראצעדורן האט באלד אנגעהויבן צעשמירן אז די מאמע איז 'נעבעך' קראנק, און אז די צעווילדעוועטע חרדים דרייען סתם איבער ירושלים זיך אנצונעמען פאר א קראנקע מאמע וואס וויל הרג'נען איר קינד.

אזוי האט זיך ארויסגעשטעלט א מאדנער פאראדאקס. אנדערש ווי געווענליך ווען דער פראקוראר שרייט אז דער באשולדיגטער איז געזונט [און קען במילא שטיין פאר א משפט], און דער אדוואקאט וויל אויפווייזן אז זיין קליענט איז גייסטיג קראנק, האבן דא ביידע געטוישט זייטן. דער אדוואקאט האט געשריגן אז די מאמע איז געזונט און שטארק [און במילא אויב האט עפעס פאסירט מיטן קינד איז עס דער שולד פון שפיטאל - ווי ס'וועט זיך בע"ה ארויסשטעלן, אפילו אויב נישט דורכ'ן מקור הרשע פון ציוני'סטישן בית המשפט], קעגן די פראקוראטור וואס האט זיך געהאלטן ביי אירס אז די מאמע איז קראנק.

ווען די מאמע האט צוערשט אנטזאגט אדורכצוגיין דעם פסיכיאטארישן פראצעדור פעסטצושטעלן איר געזונט צושטאנד - צוליב די מורא פון פילע עסקנים, אין שפיץ פון כ"ק גאב"ד ירושלים שליט"א, אז זיי וועלן עס אויסנוצן אנצושטאפן מיט מעדיצינען און קראנק מאכן אויף אן אמת - האט די מידיא ווידער טרומפייטערט אז דאס איז א באווייז אז זי איז ווירקליך קראנק.

ענדליך איז די מאמע איינגעגאנגען דורכצוגיין אן אונטערזוכונג, נאר אנשטאט גיין צו דעם וועמען זיי האבן לכתחילה געוואלט, האט זי אויפן ראט פון ערפארענע עסקנים אויסגעקליבן א צווייטן דאקטאר פון די ליסטע אויף וואס דער פראקוראטור איז איינגעגאנגען אלס לעגיטימע דאקטוירים אין דעם פאל.

די מידיא האט געהאלטן אז זייערע העצערייען אינאיינעם מיטן אומגעהויערן דרוק פונעם שפיטאל און אנדערע אפיציעלע אינסטאנצן וועלן זיין גענוג 'אויפצוקלערן' דעם דאקטאר אז די מאמע איז עכט יא קראנק... למעשה האט יענער דאקטאר באשטעטיגט וואס יעדער ערליכער איד האט געוואוסט, אז די מאמע פעלט ב"ה גארנישט אויסער אירע לעכטיגע קינדערלעך וואס מ'האט פון איר ברוטאל אוועקגעריסן [ - וואס שטעלט פעסט אז די גאנצע געשיכטע איז א געהיימע קאנספיראציע פון די רעגירונג'ס אינסטאנצן צו פארוואסערן דאס רשעות פונעם הדסה שפיטאל].

די ערשטע מינוט האט די מידיא נישט געקענט צוזיך קומען פון גרויס איבערראשונג. די פראקוראטור האט טאקע געברענגט זייער אייגענעם שטאטישן פסיכיאטאר וועלכער האט 'פעסטגעשטעלט' - אן אפילו איינמאל דיאגנאזירן די מאמע - אז זי איז יא מסוכן פאר אירע קינדער, אבער למעשה האט דער גאנצער 'קעיס' וואס די מידיא האט אויפגעבויט ביי די פרייע באפעלקערונג געכאפט א מיאוס'ן זעץ.

ס'האט נישט גענומען קיין צוויי שעה, און די מידיא האט מיטאמאל 'אנטפלעקט' אז דער זעלבער פסיכיאטאר האט שוין מיט יארן צוריק אויך געגעבן עפעס א צווייפלהאפטן דיאגנאז וואס האט זיך ארויסגעשטעלט אומקאפעטענט - א בפירוש'ער באווייז אז אויך יעצט איז ער דורכגעפאלן, ווייל דאס איז דאך קלאר אז די מאמע איז קראנק!

אפילו די פרייע ליינער זענען שאקירט געווארן ווי איינזייטיג און בלינד די מידיא באנעמט זיך צו די פרשה. בלויז נעכטן איז ער געווען גענוג גוט צו זיין דער חשוב'ער דאקטאר, און די מאמע איז באוואשן געווארן מיט חירופין וגידופין פאר די 'חוצפה' פון אנטזאגן דורכצוגיין זיין פראצעדור, און יעצט ווי נאר ער האט געזאגט עפעס אנדערש ווי דאס וואס זיי האבן געוואלט הערן, ווערט ער באלד אפגעפרעגט און אומקאפעטענט.

צווישן די טויזנטער "קאמענטס" אויף זייערע סייטס (וואס זיי רופן טוקבקים) האט זיך אנגעזען א ריזיגער ציבור פון די פרייע עלעמענטן וועלכע האבן געשטורעמט קעגן די מידיא. אפילו די וועלכע זענען יא געווענליך בלינד פארגלייבט אין אלעס וואס די מידיא פארקויפט זיי האבן יעצט אפן געזען אז עפעס טויג נישט. אנדערע פון די לינקע האבן געהאט טענות פארוואס די מידיא פרובירט נישט כאטש צו מאכן דעם אנשטעל - ווי געווענליך - אז זי פרובירט צו זיין אביעקטיוו...

המשך יבוא.

http://www.*************/ViewArticle.aspx?catID=3&itmID=1115

עסקן זעיט אויס היידפארק בלאקד די לינק, לייג עס איבער מיט א ספיעס אינדערמיט

#3

אין די זעלבע צייט האט זיך אפגעשפילט אן אנדערע געשיכטע ווען א יונגערמאן וועלכער לערנט זיך צו ווערן א דיין אין די רבנות הראשית האט אראפגעקלאפט אן עטיאפער פרוי. די פונקטליכע פרטים זענען נישט רעלעוואנט און נישט אינטערעסאנט. וואס איז יא נוגע איז דער פאקט אז די מידיא האט אים א נאמען געגעבן "האברך הדורס", צו דערמאנען כסדר אז דא רעדט מען פון עמיצן וואס פלאנט צו ווערן א דיין אין די רבנות.

אבער ווען אין זעלבן טאג איז א העלדישער יונגערמאן אריינגעשפרינגען אין א גאז גרוב אין פרואוו צו ראטעווען א דריי יאריג מיידל, האט די מידיא בכלל נישט געפינען פאר וויכטיג צו דערמאנען אפילו אז יענער איז א שותומ"צ - עמיצן וואס זיי גלייכן אזוי שטארק צו רופן "חרדי" אין פאל ער טוט עפעס נישט אויסגעהאלטן!

והעולה על כולנה.

דעם שב"ק איז פארגעקומען א שרעקליכע געשיכטע אין מדינת ישראל, וואס איז א דירעקטער רעזולטאט פון דעם פארדארבענעם פרייען חינוך און די גרויליגע נאכאנאנדע העצע קעגן פרומע אידן. א לינקער שלום אקטיוויסט, וועמענ'ס ווייב איז געווארן א בעלת תשובה און דעריבער אים איבערגעלאזט, האט באשלאסן זיך נוקם צו זיין אין איר דורך אוועקנעמען איר טייערסטער פארמעגן - ער האט מיט די אייגענע הענט דערשטיקט רח"ל איר איינציג דריי יאריג טאכטערל, וואס איז 'פערצופאל' אויך געווען זיין אייגענע טאכטער!

טראץ וואס דער טאטע האט זיך קלאר מודה געווען אין דעם שרעקליכן טאט, און אין גם אחד וואס פארלייקנט עס - אפילו זיין אדוואקאט פרובירט נאר צו נוצן די טענה אז ער איז נישט געווען גענצליך ביי זיך, וואס איז לכאורה ליגנט - פארט האט די מידיא ביים באריכטן די טרויעריגע פרשה אים כסדר אנגערופן "האב החשוד"! הונדערטער מאל האבן זיי איבערגעשריבן דעם "החשוד", כאילו ס'איז דא עפעס וואס צו צווייפלען.

ולא זו בלבד. זיי האבן נאך אראפגעברענגט מערערע ציטאטן פון זיינע פריינט און משפחה מיטגלידער וואספארא פיינער מענטש ער איז בעצם, און אז ס'האט אים זיכער אנגעכאפט עפעס א רוח. איינער פון זיי איז געגאנגען אזוי ווייט און גאר ארויפגעלייגט די שולד אויף די מאמע און איר חזרה בתשובה, וואס האט אים "צערודערט"! די נידערטרעכטיגע פארשוינען האבן זיך נישט געשעמט צו שרייבן די ווערטער "הכל בגלל החזרה בתשובה"!

דער אבסורדאלער דאפלטער סטאנדארט איז שוין געווען אזוי שטארק בולט, אז Ynet, די הויפט מידיא סייט וואס געהער צום פרייע צייטונג "ידיעות אחרונות", האט געמוזט ארויפלאזן אן ארטיקל וואס ברענגט אראפ דעם אויפברויז פון חרדי'שע נייעס סייטס איבער דעם מכלומרשטן 'אביעקטיוויטעט' און 'נייטראליטעט' פון די פרייע מידיא.

אפילו דאן האבן זיי בלויז ארויסגעברענגט די טענה פארוואס ביים חרדי שרייבט מען עס ארויס אין קעפל, און נישט ביים לינקן פרייען שלום אקטיוויסט. אבער די ריכטיגע רשעות - אז ביי די אומשולדיגע מאמע האבן זיי פארזיגלט איר גזר דין אן קיין געריכט, און ביים שולדיגן טאטן ווייסן זיי נאר פון "חשדות" צו זאגן - דאס האבן זיי שוין געמוזט פארהוילן פון זייערע ליינער.

א בליק אין זייערע קאמענטס (טוקבקים) צייגט וויאזוי די גרעסטע לינקע שטיצער זענען ביטער פארלוירן אין פארצווייפלטן פרואוו צו פארטיידיגן דאס וואס זיי מוזן גאנץ אפן מודה זיין אז די איזראעלי מידיא האט נישט אין זיך דאס מינדסטע נייטראליטעט ווען ס'קומט צו חרדים און אפילו שוואכער דערפון.

שוין לאנג נישט געליינט אזא גוטן ארטיקל.

געגאנגען, עי 1.

געגאנגען אויב די קענסט (אדער א צווייטער) שרייב עס אויך און ענגליש, און שיק עס אריין צי די ישיבה וואלרד מעילבאקס.

אל גודס, די חברה קענען אידיש. זיי זענען דאך ישיבה'שע. שיק זיי אריין דעם לינק ווי ס'שטייט און גייט.

איך וויל ער זאל עס פאסטען אין "אט אף די מעילבאקס" (איך גלייב שווער ער וועט עס טהון) זאלען עס די חברה מיט פארדרייטע השקפות אויך זעהן (די קאמענטערס וואס זענען נאר ביזי מיט שנאת חינם ווען מ'רעדט פון א פרייער רוצח וואס האט געהארגעט זיין אייגען קינד) געגאנגען קענסט אפי' צולייגען פארן אריינשיקען, בנוגע די "סעילף העיטונג דזשאס" קאמענטערס אויף די היימישע בלאגס

כ'שטעל מיר אויך צו צום ביטע, אז איינער וואס קען זאל דאס איבערטייטשן אויף ענגליש, פארשפרייטען אזא ארטיקעל אויף ענגליש קען האבן א געואלדיגן תועלות.

אויב געגאנגען טייטש עס נישט איבער, מיין איך אז זיסקייט איז דער פאסיגער מענטש עס איבערצוטייטשען,

געגאנגען לאז דיך הערן אויב די גייסט עס אליין טהון?

מעיגליך יעצט וועט ער עס שוין יא פאסטען, נאכדעם ער האט שוין געפאסט קשיות אויפען שפיטאל פון די עדה.

אפי' יעצט האבען נאך קאמענטערס א "חוצפה" צו זאגען היתכן די עדה נעמט א שטעלונג אן אויסהערען ביידע צדדים, וואס אפי' עס וואלט געווען אמת, פארוואס פרעגט ער נישט די זעלבע קשיא אויף זיין אייגענע קאמענט? פארוואס פרעגט ער נישט די זעלבע קשיא אויף די פרעסע? פארדרייטקייט האט אויך א שיעור!!!

א דאנק פאר די קאמפלימענטן.

היות כ'בין נישט קיין גוטער שרייבער אין ענגליש, וואלט ראטזאם געווען אז עמיצער אנדערש זאל עס טון, ולמצוה גדולה יחשב.

היות געגאנגען האט זיך אפגעזאגט פון שרייבען אויף ענגליש, בעטען מיר פון הער זיסקייט זאל ארויפשארצען די ארבעל,

ולמצוה גדולה יחשב!

זייער גיט געשריבען!!!!

_________________

קיקט אויס אז דער שפירא פין יעשיווע ווארלד האט שוין גענאשט אביסעל פין ארטיקל:

Murder of Toddler Brings Awareness to Mainstream Media

July 28, 2009 *--

*

http://www.theyeshivaworld.com/news/General+News/37469/Murder+of+Toddler+Brings+Awareness+to+Mainstream+Media.html

Update on Meah Shearim Mom

Earlier on Tuesday, it was reported that psychiatrist Dr. Yaakov Weill recanted his mental evaluation of the mother, stating that he did not have the tools to make the clinical assessment presented to the Jerusalem court. Dr. Weill stated that he cannot state the mother does not pose a danger to her children as indicated in the papers submitted to the court. In a letter obtained by YWN Israel from Katzar.net, written by Dr. Weill two days ago to the Jerusalem district health ministry head psychiatrist, Dr. Moshe Klein, Weill seeks to protect himself, stating he does not want either side to draw conclusions that may have negative consequences. He explains that after reevaluating his clinical evaluation letter that was submitted to the court, which included the sentence in my professional opinion, the patient may continue parenting (stating the name of the hospitalized toddler) without posing any danger. He explains that he lacked the tools to arrive at such a conclusion. In a later portion of the letter he adds, I wish to state that I do not mean to hint that Mrs. — poses any danger to her children. In my opinion, in order to evaluate this aspect of the evaluation, significantly more information and time are needed. This latter portion of the letter was not included when the state earlier today announced the doctor recanted on his statement, announcing the expert opinion that claimed the mother does not pose a danger to her children is no longer valid. (Yechiel Spira YWN Israel)

http://www.theyeshivaworld.com/news/General+News/37561/Update+on+Meah+Shearim+Mom.html