דער נייער (איבערגעבויטער) זאל אולם עקשטיין

האנעסט גערעדט, נישט אויף דעם האב איך זיך געהאט געראכטן.

ווען מען האט גערעדט פון איבערבויען דעם זאל בין איך געווען זיכער אז מען גייט עס מאכן פאר א יופי, אז מחותנים זאלן נישט האבן אפילו נאר קיין נסיון פון וועלן צאלן טייער געלט חתונה צו מאכן ערגעץ אנדערש.

איך וויל ח"ו נישט אוועקמאכן די שיינע נדבה פון דעם חשוב'ן נדבן. דאס איז קלאר אז ער האט געטאן א געוואלדיגע זאך וממנו ילמדו וכן יעשו. עס איז א מסירת נפש ארויסצונעמען אזויפיל געלט פון טאש און אוודאי ווען מען רעדט פון אויפטאן פאר'ן ציבור. מען זעט טאקע אז מען האט אריינגעלייגט אסאך געלט צו נעמען די פיר נאקעטע ווענט און מאכן דערפון א זאך.

וואס איך וויל נאר ארויסברענגען איז אז מען האט אומנויטיג געהעכערט די עקספעקטעישאנס פונעם עולם.

ביז אהער און קי קהל, איר זענט נישט הונדערט פראצענט גערעכט
איך בין נעכטן אויך געווען ביי די שבע ברכות, און איך האב געזען דעם זאל, אוודאי אויפן ערשטן בליק (און כש"כ אויפן פיקטשער) איז עס הערליך, און מילד גערעדט די פרויען זאל איז נישט אוועקצומאכן, ס'איז ווי מ'זאגט בחסד, אפגערעדט פונעם קויט רום ס'האט דאך סערעמיק טיילס, נו אפגעקויפט די וועלט, אבער מיט די מענער זאל האסטו ליצנות געמאכט פונעם גאנצן ציבור, אנטשולדיגט נישט פון דעם האט מען גערעדט, איך רעד נישט פון די טשילארס, אז ס'מוז האבן עטליכע הונדערט שטיקער קריסטאל, נא, ס'איז גוט ווי ס'איז יעצט, אבער די פאר דאלער וואס קאסט איבערצומאכן די פלאר פאר פארקעי (לאמיר אננעמען אז ס'קאסט פופציג טויזענט דאלאר ווי איינער האט נעכטן געוואלט פארקויפן) שפארט מען זיך, דוכט זיך אויב איך געדענק גוט האט מען געזאגט פאר א יאר צוריק אז ר' דוד האט מנדב געווען א מיליאן דאלאר איבערצובויען דעם זאל, אפשר זאגט איר מיר ווי אין דעם זאל ליגט נאר א האלב מיליאן דאלאר.
בקיצור לאמיר מאכן א סך הכל, לכתחלה האט יעדער פארשטאנען אז ווען מען רעדט פון איבערמאכן דעם זאל מיינט דאס די ערשטע זאך א אנדערע פלאר, און פארשטייט זיך מסתמא וועט מען מאכן געוויסע טאטש אפס פון פענטן, טשילארס, א. א. וו.
בדיעבד וואלט מען אראפגעשלינגען ווען מען מאכט כאטש די פלאר ביי די מענער אזוי ווי מען האט יעצט געמאכט ביי די פרויען, ס'זאל עכ"פ לפנים אויסקוקן נארמאל, אבער עס צו לאזן אזוי כאילו לא היה מיינט ליצנות געמאכט פונעם עולם.

און יעצט צום אויספיר, איך -ווי אסאך תושבי קרית יואל חסידי רבינו- האב געוויסע טענות אויף ר' דוד, ב"ה נישט וועגן זיין ארבעט אין וועד הצניעות, איך שעץ עס זייער שטארק, נאר בנוגע זיין ארבעט אין די קהלה וואס דא איז נישט דאס פלאץ אויסצושמועסן, און גלייבט מיר אז ר דוד וואלט זיך געקענט אביסל אפווישן דאס שמוציג פנים מיטן אהערשטעלן דעם זאל, סוכ"ס א מיליאנער וואס שטייט בראש פון א קהלה צוואנציג יאר, און קיינמאל גארנישט מנדב געווען, און יעצט ענדליך כאטש איין נארמאלע זאך אהערגעשטעלט און מנדב געווען (ווייל ווען מען האט נעככטן גערעדט פון זיינע פעולות לטובת הקהלה האט מען נאר גערעדט ווי ער האט געשניטן הוצאות פאר די מוסדות, און לאמיר נישט רעדן ווער ס'האט געליטן פאר דעם), אפילו די וואס גלייכן אים נישט (איבער זיינע פעולות אין קהל) וואלטן אים אפרישיעט.
און דא ניטאמאל איין נארמאלע גוטע זאך קען ער אהערשטעלן, ס'זייער נישט שיין,
אויף אזא זאך זאגט רש"י (בראשית מ"א י"ב) זייער א שארפן אויסדרוק.

תוקן על ידי גאסט ב- 06/01/2009 18:11:04

תוקן על ידי גאסט ב- 06/01/2009 18:11:26

גאסט, האסט מיר נישט גוט פארשטאנען, ליין גוט איבער מיין תגובה און נאכדעם רעד, דו האסט גענומען דעם טפל און דאס געענטפערט,

איך האב נאר איין זאך ארויסגעברענגט אז ער האט געהאט א געלעגנהייט זיך שיין צו מאכן און ער האט עס פארפאטשקעט.

איך דארף נישט קיין בילדער ווייל איך בין נעכטן דארט געווען

יעצם צום עיקר, נישט קיין נפק"מ צו א מיליאן צו א האלב מיליאין (מען קען עס נאכקוקן ווי אזוי ס'איז געווען דעמאלטס געשריבן), צו וועם איך האב דערוויל גערעדט איז יעדער מודה אז אן טוישן די פלאר איז עס איז נישט א דבר השלם.

איך ווייס אז מען גייט ערשט אנהייבן חתונה מאכן סיון, און פארדעם פרעג איך נישט אויף די ווינדאו שעדס צו אויף אנדערע קלייניקייטן, ווייל איך ווייס ס'גייט נישט אויסקוקן ווי אזוי ס'האט נעכטן אויסגעקוקט, אבער די פלאר האבן די עסקנים קלאר געזאגט אז דאס בלייבט אזוי.

אויב קאסט עס פאר ר' דוד'ן צו סאך, פעלן דען נדבנים וואס וועלן עס משלים זיין, ס'זאל נישט אויסגערעדט זיין וויפיל מענטשן האבן שוין אין די פארגאנגענהייט געוואלט איבערמאכן די זאל און "איינער..." האט נישט געלאזט, און אז יענער האט געוואלט כאפן די מצוה טו עס כאטש בשלימות

ביסט גערעכט אז די לאבי איז הערליך און פענסי, און ווי שוין דערמאנט האט די קויט רום הערליכע סערעמיק טיילס, אבער האט איר שוין געזען א זאל וואס די קויט רום האט א שענערע פלאר ווי די זאל אליין

תוקן על ידי גאסט ב- 06/01/2009 19:48:25

שפיטצער06

איך בין מודה צו דיר הונדערט פראצענט אז דאס איז א געוואלדיגע דורכברוך פאר די תקנות, און אלמלא לא באתי נאר וועגן די מוזיק אויף MP3 איז אויך איבער גענוג.

יעצט וואס דו שרייבסט "מען האט" צוגעבויט א גאנצע פליישיגע קאך, איך האב פאר דיר נייעס מען האט נאכנישט צוגעבויט, און די גאנצע נייע קאך איז נאך אונטער א פראגע צייכן, און אויב ביז ר"ח סיון וועט זיין א קאך ביסטו גערעכט, אבער דערווייל....

און די זעלבע זאך איז מיט די דראפ סילינג, ס'איז אויסדרוקליך נישט ניי, ס'איז נאר איבערגעוואשן, וועסט גוט קוקן וועסטו זען אין געוויסע פלעצער אז ס'איז צובויגן, און דאנט געט מי ראנג, ס'איז אויסדריקליך נישט וויכטיג עס איבערצוומאכן נישט ביי די מענער און נישט ביי די פרויען, לייג עס נאר נישט אריין ביי די הוצאות.

קי קהל שרייבט:

וואלן לויט ווי איך זעה איז דיין עיקר פראבלעם מיט די פלאר ביי די מענער. ס'איז דא א פלאן עס איבערצומאכען. טאקע נישט אויף פארקעי נאר אזוי ווי ביי די פרויען וואס איז אויך זייער שיין

נו, אם כדבריך וועט טאקע זיין פיל בעסער, טאקע נישט אזוי גוט ווי פארקעי, אבער אז איינער וועט זאגן אז ס'איז א שלימות'דיג ארבעט וועט ער נישט מגזם זיין, אבער צו דעם די זעלבע זאך, לאמיר גיין קוקן ר"ח סיון, דערווייל איז עס נישטא, און די עסקנים וואס איך האב גערעדט זאגן אז ס'איז נישט אין פלאן.

טאטלע שרייבט:

וואלען קימט אוס אזוי ר דוד נעמט זיין אייגען געלט א האלב מיליאן דאלער אז אונז זאל מער קענען חתונה מאכען פאר 9 טויזענט דאלער ביידע צדדים אדער ווער עס האלט איין אלע חתונה תקנות פאר 6 טויזענט ביידע צדדים אין די האסט א פראבלעם מיט פארקעי די ווילסט טאקע אלעס אומזינסט?????????????? 

אנטשולדיגט, ווען ר' דוד איז דער ערשטער מיטן געניאלן פלאן ביסטו גערעכט, אבער אויב זענען שוין געווען דא עטליכע אידן וואס האבן אין די לעצטע יארן דאס געוואלט טון, און ער האט דאס נישט צוגעלאזט, און יעצט זאגט ער איך גיי מאכן א דזשאב, מאך א גאנצע דזשאב, און אויב קענסטו נישט, אדער וילסטו נישט, ס'איז דא ב"ה אסאך אידן אין קרית יואל מיט (אפשר נישט אזויפיל געלט ווי אים אבער) ברייטערע הערצער ווי אים.

ביז אהער פרעגט

וואסערע אינטערעסע אין די וועלט האט ער געהאט נישט איבערצומאכן די פלארס?

ער וויל נישט קלאפן בית רחל פאראדייס אין קרן ויואל משה (וואס איז געבויט פון אויסגעהארוועטע צדקה געלד און מען רייסט די הויזן דארט).

און דאס איז די סיבה פארוואס ער האט ביז היינט נישט געלאזט עס איבערבויען

היינט האט ער נישט קיין ברירה ווייל די ווינט בלאזט פאר עפארדעבל

יעצט צום שלוס, מען קען זיך דא טענה'נען א גאנצן טאג און נישט פערטיג ווערן, איך גלייב שווער אז פון די אלע וואס האבן מיר דא געענטפערט געפינט זיך איינער וואס וואוינט אין קרית יואל און ער איז שוין געווען ביי די זאל און ער איז נישט פון די מענטשן וואס האבן אינטערעסע פאר דוד עקשטיין'ס מאכט און שיינעם נאמען.

עכ"פ יעדער זעט אז דא זענען דא מענטשן וואס זאגן  דאס גייט מען נאך פאררעכטן און דאס גייט מען נאך פאררעכטן, קען זיין, איך האב נישט מער וואס צו ענטפערן ביז ר"ח סיון, וואס דעמאלטס וועלן מיר זען ביז דאס שלימות האט דערגרייכט.

ונזכה ונחי'

וואלן איך האלט די דארפסט פארן אויף סעמערינג זיך אביסל אויס ריען

די זאל קאסט 6000 דאלער הכל בכל מכל.

אין די רעדסט פין א פלאר..... 

שעם דיך. 

זיסקייט, זייט נישט אזוי בייז, אז מען איז בייז איז מען נישט זיס, בארואיגט אייך.

איך ווייסט נישט ווי דו וואוינסט, אבער לאמיר דיר געבן א שטיקל הסבר, און אויב בין איך ראנג פאררעכט מיר, אבער רואיג.

מאיר הירש און דוד עקשטיין האבן שונאים

סיבות איז דא עטליכע

בראש וראשון, יעדער וואס שטייט בראש פון א זאך און טוט פאר אנדערע האט שונאים, דאז איז פשוט פשט

נאכדעם איז דא מענטשן וואס קענען בטבע נישט פארגינען מענטשן וואס האבן געלד און קוקן אויף די גאנצע וועלט פון אויבן אראפ, צו ווייל ער האט אויך געוואלט האבן געלט, צו בטבע דערליידט ער נישט בעלי גאה.

די דריטע קאטגאריע מענטשן זענען וואס פילן זיך באעולה'ט און זיי האלטן אז דער מענטש טוט נישט זיין דזשאב ריכטיג, צו נישט באמונה, צו מיט אייגענע אינטערעסן, וכדומה (וואס איך גיי נישט באצייכענען אויף קיין איינע פון די צוויי, ווער ס'וואוינט אין קרית יואל קען עס אליין באשליסן ווי אזוי ער וויל עס אנרופן)

די פערטע סארט מענטשן זענען מענטשן וואס האבן פריוואטע סכסוכים, צו זיי זענען געפאלן א קרבן צו די געזעץ געבער, אזוי ווי דער יונגערמאן וואס שעלט דעם פאליס וואס געט אים א טיקעט פארן ספידן.

יעצט לענ"ד (אויב בין איך ראנג פאררעכט מיר) צווישן 60 און אכציג פראצענט תושבי ק"י וואס באלאנגען צו אנ"ש תלמידי וחסידי רבינו שליט"א, זענען אין די דריטע קאטאגאריע, וגם אני הקטן בתוכם חלילה איך האב קיין אינע פון זיי נישט פערזענליך פיינט, און איך גריס זיי ביידע ווען איך טרעף זיי, אבער ס'איז נאך אלץ דא טענות, און דאס מיינט צוזאגן, אז בכלליות איז למשל ר' מאיר הירש פירט גוט די מוסדות, א גוטער מנהל (פאר גשמיות...) וכדומה, אין די זעלבע זאך ווי ער פירט די וועד הקרי', ס'איז נאר דא לעכער וואס מענטשן האבן טענות, און גערעכטע טענות (אזוי האלט איך עכ"פ, מען מעג מחולק זיין), יש אומרים אז מען צופרידנשטעלן דעם ציבור ואס האט טענות, ויש אומרים אז מען קען נישט. עכ"פ די וואס האבן טענות און זענען ברוגז האלטן אז מען קען יא צופרידנשטעלן.

און די זעלבע איז מיט ר' דוד, ער האט אסאך זאכן וואס ער טוט זייער גוט ובכללם וועד הצניעות לכאורה אויך, אבער ס'איז דא מער ווי אביסל זאכן וואס ער טוט זייער ראנג, (וואס איך גיי נישט דאס אויסרעכענען ווייל ס'איז אכ"מ), און אז ער באקרוינט זיך נאך אלס ראה"ק אויך ווען רוב בני הקהלה האלטן אנטשולדיגט, לאז איינעם האבן א ווארט אויף דיר, איז דא מענטשן וואס האלטן מיט זאכן פון דער נאנט און האבן נאכדעם טענות, און ס'איזווי געזאגט פריער י"א וי"א.

יעצט בנוגע דעם זאל האב איך שוין אויבן געשריבן, איך האלט ער האט געטון א מורא'דיגע זאך, אבער נישט קיין שלימות, ואכ"מ כמו שהארכתי לעיל.

יעצט לאמיר רעדן צום טאטלע

חוץ ר' מענדל עקשטיין ווייס איך פון אמווייניגסטן נאך פיר נעמען, און נישט אלע פון די באלאנגן אפילו היינט צוטאג צו אונזער לאגער, ממילא ווייס איך נישט אויב ס'איז וויכטיג אויסצורעכענען, און איך גלייב אז ס'איז דא נאך וואס איך ווייס נישט.

רעכטער טענה'ט: אבער קענסט נישט צוליב דעם פלאר אוועקמאכן דעם גאנצן זאל.

גערעכט, און איך האב עטליכע מאל מיין איך געשריבן אז ס'איז קלאר ער טוט א געוואלדיגע זאך, אבער ס'איז נישט קיין שלימות

און די תירוץ אויף פארקעי וועגן ס'איז נישט ליידיג זומער, דוכט זיך אז די זאלן זענען ליידיג גאנץ חודש ניסן און גאנץ חודש תשרי, און צווייטנס איך ווייס נישט אויב מען סקרעיבט בית רחל פאראדייס יעדעס יאר