"אגרת מענה לחכם" אויפ'ן ספר ויואל משה ערשינען!

http://theantitzemach.blogspot.com/2008/12/response-to-vayoel-moshe.html
ווייסט איינער צו די ספר איז צו דער זאך אדער נישט?

לויט וויפיל איך פארשטיי זוכסטו דא צו ברענגען עמיצן וועלכער האט ענדליך נאך פופציג יאר באוויזן אפצופרעגן דעם ויואל משה, דער ערשטער תלמיד חכם וואס איז אויפגעשטאנען אין פופציג יאר.

איך שיהי', איך האב עס איבערגעבליקט און בסך הכל דארף מען עס צעטיילן אין צווייען:

1) די ערשטע האלב וואו ער צונעמט זייער שיין די שיטה פון רביה"ק זי"ע, און איז לכאורה הונדערט פראצענט גערעכט מיט זיין טענה אז ר' מנשה פילאפף ודעימי' [נאמען נישט ערווענט דארט] זענען מסלף דברי אלקים חיים ווען ער וויל צוזאמשטעלן יעדע פעולה קעגן א גוי מיט דעם שרעקליכן איסור פון שלא ימרדו באומות, און זענען אין כלל פון כל המוסיף גורע.

[בנוגע די פעולות אין ווארשעווער געטא לאזט זיך דעבאטירן אין מציאות, אויף וויפיל איך האב געליינט דערוועגן קוקט יא אויס אז זיי זענען געגאנגען אויף מער ווי זיך צו ראטעווען, זיי האבן לכאורה פלאנירט אנצוהייבן א געהעריגע מרידה אינאיינעם מיט די פוילישע רעוואלוציע, אבער דאס לאזט זיך דעבאטירן. אין פרינציפ איז דער שרייבער גערעכט].

2) דארט וואו ער נעמט זיך 'אפצופרעגן' די ווערטער פון רביה"ק זי"ע מיט פארשידענע ראיות, איז אזוי:

באמת איז איבריג אריינצוגיין אין א דעבאטע איבער די נקודות, ווייל די אלע פונקטן וואס ער טענה'ט זענען בכלל נישט נוגע למעשה, אפילו לויט זיינע טעאריעס איז קלאר אז די מדינה איז אויפגעשטעלט געווארן שלא ברשות האומות, און איז במילא אפילו לויטן אבני נזר קלאר אין כלל פון עלי' בחומה, מרידה באומות, און דחיקת הקץ.

במילא דארף קודם קלארגעשטעלט ווערן אז אפילו לויט זיינע ווערטער איז קלאר אז די מדינה איז אין יסוד געשטעלט אויף מרידה במלכות שמים, און די איבריגע דעבאטעס זענען בלויז אויף טעאריע.

אבער כדי נישט צו מאכן קיין ליצנות פון די אלע גאונים מפורסמים וועלכע האבן געלעבט און געווירקט אין די לעצטע פופציג יאר, כאילו קיינעם פון זיי איז נישט בייגעפאלן די מוראדיגע טענות וועל איך אין די קומענדיגע תגובה זיך באציען אין פרטיות צו זיינע איבריגע זאכן.

תצחי

תוקן על ידי געגאנגען ב- 24/12/2008 7:01:12

צבי, איז דער קונטרס נישט געבויט אויף א קונטרס פון ר' יואל כהן (אדער גאר א העתק)

צבי28 דו שטעלסט אן דעם פנים פון א תם און שטויסט ווי א מועד.

דער "מענה טיפש" וואס דו רופסט אן "ספר", איז בכלל נישט יעצט "ערשינען", אז דו נויטיגסט זיך פשוט צו וויסן אויב ער איז "גערעכט"..
 לאמיר אפען אויסשמועסן, דיין ציל דא איז צו טשעפען די סאטמאר'ער חסידים, אז מען האט אפגעפרעגט דעם ויואל משה. איך גיי מיך נישט יעצט אננעמען פארן ספר ויואל משה, עס נויטיגט זיך נישט אין מיין פארטיידיגונג, און איך פארשטיי דיין ווייטאג צוצוקוקן וויאזוי פאר בלויז עטליכע טעג צוריק האבן טויזנטער טויזנטער אידן איבער די גארער וועלט געטאנצן און געפייערט דעם יום ההצלה אין וועלכן דער סאטמאר'ער רבי בעל דברי יואל זי"ע איז געראטעוועט געווארן.

דער ויואל משה איז בכלל נישט "אפגעפרעגט", דער ויואל משה האט אפגעראטעוועט טויזנטער אידן פון נישט נאכטאנצן דעם עגל הציוני.

זייט די שרעקליכע טראגעדיע אין אינדיע ביזסטו געפערליך ברוגז אויף חסידי סאטמאר, פארוואס זיי האבן נישט אנערקענט אז דער דרך פון ארויסשיקן בחורים, מיידלעך און יונגעלייט אויף נאנטע און ווייטע מדינות, אויסגעמישט צווישן טויזנטער גוים, דאס איז דער דרך אשר ילכון בה.
דעם נאציאנאלן בענעפיט האט כאטש ליובאוויטש געוואלט אפלעקן פון די טראגעדיע אז די וועלט זאל איינזען ווי וויכטיג ס'איז צו האבן שליחים און אינדיע, טשיינע, וויעטנאם וכו'.

איך זאג דיר אפען מיר פארשטייען דאס נישט!!! דער שרייבער פון די שורות האט פארגאסן טרערן צוליב די ביטערע טראגעדיע, אבער עס האט מיר געגריצלט אין די אויערן אז מען פלאנט צו שיקן דעם קליינעם משה'לען ווייטער קיין אינדיע.

דער גאנצער כלל ישראל האט מער באוויינט די טייערע נפשות פון משפחת האלצבערג ווי ליובאוויטש אליין, די גרעסטע דאגה וואס ליובאוויטש האט ארויסגעברענגט איז געווען אז די "פעולות חב"ד", זאלן נישט געשטערט ווערן אין אינדיע, דאס איז נאך א גרעסערער פראבלעם ווי די ביטערע טראגעדיע ווען עס זענען פארשניטן געווארן נפשות יקרות מישראל.

אמת אז מענטשן וואס פארן ארום איבער די וועלט האבן הנאה פון די בתי חב"ד, אבער עס ווערט נאכנישט ריכטיג וועגן דעם, אידן טארן זיך נישט געפונען אין מקומות סכנה, ספעציעל ווען מען ווייסט אז זיי זענען א צילפונקט פאר טעראריסטן!

 און עס דעקט אויך נישט אויף די אנדערע התגרות באומות'ער וואס חב"ד פירט אן, סיי אין ארץ ישראל און סיי און חוץ לארץ.

און כדי צו ענדיגן מעין הפתיחה, וויל איך דיר טאקע דערמאנען, טאקע אין גייסט פון כ"א כסלו, אז טראץ דער סאטמאר'ער רב האט נישט געשיקט בחורים מיט מיידלעך טיילן לאטקעס אין טיימס סקווער, האט ער אבער יא אויפגעשטעלט טויזטנער אידן שומרי תורה ומצות מדקדקים בקלה כבחמורה.

דער ביכל מענה כסיל.

טשעפעט נישט אמאל דעם הייליגן קדוש ה' מרן רביה"ק רשכבה"ג קודש הקודשים מסאטמאר זי"ע, וועלכער האט מברר געוועהן עפ"י דעת תורה דעם גאנצן ענין אין ספה"ק ויואל משה.

און די אלע נארישע שטותים וואס ער בריינגט אראפ דארטן מיט דברי זלזול און פגיעה בקודש הקודשים, איז נישט אמאל ווערד אפילו א ענפער.

אבער, וועמען דער קונטרס איז עכט פוגע בכבוד קדושתו, איז אין מרן הרה"ק מבעלזא זי"ע, וועלכער ער בריינגט אראפ אז ער האט געהלטן רח"ל אז די ציוניסטישע מדינה איז א ישועה פאר אידן, רח"ל מהאי דעתא.

א פאקט וואס היינט צו טאג דארף מען נישט אמאל זיך מתווכח זיין איבער דעם.


יסכר פי דוברי שקר הדוברים על צדיק עתק בגאוה ובוז.

מיטן פוגע זיין בכבודו פון הרה"ק מבעלזא זי"ע

די ביכל איז היינט ערשינען, אבער ס'איז גשריבען געווארען באלד נאך די ספר ויאל משה, אזוי אז ס'האט נישט גענומעם "פופציג יאר" צו ענטפערען

כלל ישראל: איר האט דורכגעליינט דעם גאנצען ספר אז איר מאכט אזעלכע סטעיטמענטס?

אבער, וועמען דער קונטרס איז עכט פוגע בכבוד קדושתו, איז אין מרן הרה"ק מבעלזא זי"ע, וועלכער ער בריינגט אראפ אז ער האט געהלטן רח"ל אז די ציוניסטישע מדינה איז א ישועה פאר אידן, רח"ל מהאי דעתא.

כלל_ישראל: דעס אז די פארשייסט נישט דעם צדיק אדער דעס וואס ער האלט אנדערשט פון א צווייטע צדיק מאכט דאס נאך נישט קיין רח"ל מהאי דעתא.

עס איז קלאר אז ער האט געזאגט וואס ער האט געזאגט.

ערליכע ידען מיט א ברייטע קיק האבן געקענט זען די חרבן וואס די  ציוניסטישע מדינה ברענגט מיט זיך איו די זעלבע צייט אויך זען ווי זוי דאס איז א ישועה פאר אידן,

עס איז היינט א פאקט וואס קיינער קען נישט לייקענען אז אי א"י איז דא איבער א מיליאן ב"ת. 
עס איז היינט א פאקט וואס קיינער קען נישט לייקענען אז אין אמעריקע איז די אסימעלאציע זייער גרויס
עס איז היינט א פאקט וואס קיינער קען נישט לייקענען אז ווען נישט מדינת ישראל וואלט אסך ידען אינגאנצען פארגעסען אז זיי זענען ידען אין וואלטן נטמע געווארן בין העכי"ם. אין היינט ווערן זייערע קינדער ב"ת
 

 

תוקן על ידי findodort ב- 24/12/2008 22:35:43

עס איז היינט א פאקט אז ס'נאך בעולם קיינמאל געוועהן אזא שמד מאשין ווי מדינת ישראל.

יוצאי תימן, ילדי טעהראן, מאראקא יוכיח!

findodort
איך ווייס נישט ווי א מענטש קען אזא זאך פארלייקענען.

די ציונים, און די מדינה האבן געטאן בעבר, און זיי טוען בהווה, אלעס אין די וועלט אויסצורייסן תורת משה, און צו מאכן דעם כלל ישראל א גוי ככל הגוים, וואס זענען כופר בתורה ובהשי"ת, זיי האבן ליידער אויסגע'שמד'ט מיט געוואלד הונדערטער טויזנטער אידן וואס זענען געקומען פון אייראפע פון ערליכע שטובער, זיי האבן אויפגערייצט אנטיסעמטיזם, זיי האבן גורם געווען מען זאל פארטרייבן טויזנטער טויזנטער ספרד'ישע אידן פון אראבישע לענדער אין תימן, איראן, עגיפטן, מאראקא, ועוד. נאכדעם האבן זיי זיך געשטעלט ווי "מצילים" און זיי געברענגט קיין ארץ ישראל, ווי מען האט געטאן אלעס אין די וועלט זיי אפצושמד'ן און ליידער עלתה בידם.

דאס וואס אידישקייט האט זיך געהאלטן אין ארץ ישראל, איז נאר אדאנק די ביטערע מסירת נפש'דיגע מלחמות קעגן די ציונים.

ווי איז שייך צו געבן קרעדיט פאר רשעים, וואס טוען אלעס אין די וועלט קעגן די תורה, אז דורך זיי איז גאר געקומען א טובה פאר כלל ישראל?

ווען נישט די ציונים, וואלטן רוב רובם פון די בעלי תשובות געהאט עלטערן שומרי תורה ומצות, און געשוויסטער (אסאך), און עס וואלט  געבליט אידישקייט אין צענדליגער לענדער, "מקצה הארץ ועד קצה הארץ" אזוי ווי עס שטייט אין די תורה.

און לאמיר דיר אויפפרישן דעם זכרון אז די מדינה האט ארויפגעברענגט אויף ארץ ישראל בערך א מיליאן רוסישע גוים, שונאי ישראלים, וועלכע מען האט אריינגעזיגט אין זייערע פאספארסטן "יהודי", און זיי זענען זיך ליידער מתבולל מיט אידן, און דאס איז אויסער דעם פראבלעם פון ממזרים וואס דאס לאנד איז פול, וואס העלפט נישט אפילו קיין גיור.

עס איז פונקט ווי די זאלסט שרייבן אז די טעראריסטן אין אינדיע זענען געווען א ישועה פאר די האלצבערגס, ווייל זיי האבן נישט געשאסן דעם קליינעם משה'לע.

היעלה על הדעת???

צבי
דער ביכל האט א דאטום תשס"ז.

אין קיינער דא דארף נישט ענטפערן דעם נארישן ביכל, אין די צייט וואס דיין משיח השקר האט נאך שטודירט אין קאלעדזש, האט דער סאטמאר רב זי"ע זיך נישט געלייגט אין בעט און געהארוועט על התורה ועל העבודה, און ערווארט נישט אז איינער זאל אפילו אריינקוקן און דיר ענטפערן עפעס א ביכעלע וואס א בן בלי שם האט אנגעפירקלט.

ענדערשט זאלסטו פארענטפערן דיין רבי'נס משוגעת'ן און קרומע סברות, און אפמאכן צו ער לעבט אדער נישט..

כלל ישראל האט אלע רעכטן צו מאכן זיינע סטעיטמענטס אפילו ער האט נישט דורכגעקוקט די שטותים פון יענעם ביכל...

צבי, א גראבן ליגנט, ער שרייבט בפירוש אינעם קונטרס אז ס'איז שנת תשמ"ג. קוקט אויס אז בשעת רביה"ק זי"ע האט געלעבט האט ער זיך נישט געוואגט ארויסצוקומען מיט אזעלכע נארישע סילופים אין רבי'נס ווערטער זעלבסט.

באמת האב איך נעכטן געהאט אפגעשריבן א גאנצע תגובה קעגן די דברי הבל, וועלנדיג מקיים זיין דעם "ענה כסיל כאולתו בדברי תורה", נישט צבי זאל דא קומען פארפירן אז מ'האט אים נישט וואס צו ענטפערן.

אבער נאך ווען איך האב געזען אז דער שרייבער שרייבט אזעלכע געבראטענע נארישקייטן כאילו רביה"ק זי"ע אליין האט נישט באמת געהאלטן אז די מדינה איז געבויט אויפן יסוד פון כפירה ומינות, און דער רבי זי"ע וואלט "חלילה" נישט געוואלט אז די מדינה זאל אונטערגיין, ועוד כהנה הויפענעס שטותים, האב איך אנערקענט אז דער שרייבער איז נישט סתם פארבלענדט און פארנארט, נאר א פשוט'ער גראבער מסלף דברי אלקים חיים.

אויב אין דעם רבי'נס אפענע ווערטער קען ער אריינלערנען אזעלכע צודרייטע פשעטלעך, איז שוין פשוט ומובן מאליו זיין צוגאנג אין שאפן ראיות, און דערביי גייט שוין אן דער "אפיקורס ישראל כל שכן דפקר טפי". אשר על כן צי איך צוריק און איך וועל נישט זיך מתווכח זיין ברבים מיט יענעם אדער זיינע פאן טרעגער. אויב עמיצער איז שטארק נייגעריג קען מען מיר אנפרעגן אין אישית.

uta אין kj2008:

  די ביסט גערעכט מיט כמעט אלעס וואס די שרייבסט וועגן די ציונים אין נאך אסך מער.

 אין איך געב נישט קיין קרעדיט פאר רשעים נאר פאר דער פין אויווען וואס פירט זיין וועלטעל.

 די פאקט איז אבער אז אין די גאלדענע אמעריקע האבן זיך פיל מער אידען אפגעשמט אינגאנצען אן די ציונים אין די פילע גוים דא זענען זיך מתבולל מיט אידן, און דאס איז אויסער דעם פראבלעם פון ממזרים וואס דאס לאנד איז פול, וואס העלפט נישט אפילו קיין גיור.

אויב עפעס, האט די מדינה געפוילט אויף די פרייע אין אמעריקע זאלן זיך ווייטער אידענטפייען אלס ידען   

 איך וויל דיר שרייבן א קליין אויסצאג פון א בריוו וואס דער פאפא רב זצ"ל שרייבט וזל"ק

 "...והרבה נצטערתי בראותי זאת, על מה עשה ה' ככה לארץ הזאת...ואף שב"ה לא קשה לי כלל... [כי לא] מחשבותי מחשבותיכם... אבל...ודע מה שתשיב וכו', וכאשר התבוננתי על מהות האנשים האלה נזכרתי בימי עניי ומרודי כאשר נפל גורלי... שמעתי כמה פעמים ממקצתם שקיבלו עליהם רח"ל להשתמד אחר שיצאו מן הצרה כדי להציל עכ"פ את זרעם מצרות כאלה שסובלים עם בנ"י... [ו]כדי שלא יצאו ח"ו מן הדת לגמרי וישארו תחת שם ישראל דאז יש לקוות דילמא נפקו מינייהו זרעא מעליא, לטעם זה ניתן להם מדינה שיתגאו בה...והקב"ה חפץ שלא ידח ממנו נדח ח"ו "

געגאנגען, איך האלט אז די דארפסט עס יא שרייבן, כדי מ'זאל נישט זאגן אז אונז האמיר נישט וואס צו ענטפערן

גלייב מיר, אז איך וואלט מיך געדארפט נעמען די מיה און אויך שרייבן דערוועגן, אבער איך האט נישט די צייט יעצט, אבער אויב די האסט שוין עפעס געשריבן, ביטע אל תמנע טוב

נ.ב
אויב איינער וויל אביסל בעסער פארשטיין וואס ציונות איז בכלל, און אפילו וואס די בעלזע פרשה איז געווען, האב איך נישט לאנג צוריק באקומען פון איינעם די סייט http://www.drushes.com/teller.html מיט שיינע דרשות וועגן ציונות

אויב איינער דארף דעם ויואל משה אדער על הגאולה זאל קליקן אויף די לינק אונטער דעם תגובה

_________________

ויואל משה - על הגאולה ועל התמורה

פיינד, איך ווייס אז איך בין נישט דער בעסטער בעל הסבר, אבער ההכרח לא יגונה.

עס איז באקאנט די מעשה ווען איינער פון די ציונים איז געווען ביים מהרש"ב פון ליבאוויטש, און דער ליבאוויטשער רבי האט אים געזאגט אז די ציונות וועט אפפירן דעם כלל ישראל, האט דער ציוני צוריק געפרעגט, איר זאגט רוח הקודש? האט איר אים געענטפערט ניין, דער הסבר איז זייער פשוט, ביז היינט ווען א איד כאפט אן א הרהור תשובה, גייט ער אין ביהמ"ד זאגט א קאפיטל תהילים, גייט מקיים זיין א מצוה וכדו', און ווייסט אז צו זיין א איד מוז מען פאלגן די תורה, אבער אויב וועט זיין א אידישע מדינה, וועט מען וויסן אז צו זיין א איד מוז מען שטיצן די מדינה און מער נישט, און דאס וועט דאס מערסטע אפפירן דעם כלל ישראל. און יעצט פיינד ווער פירט אפ די אידישע קינדער אין אמעריקע????

_________________

תוקן על ידי גאסט ב- 25/12/2008 6:13:17

ויואל משה - על הגאולה ועל התמורה

און יעצט פיינד ווער פירט אפ די אידישע קינדער אין אמעריקע????

די יצר הרע.

די מהרש"ב האט גערעט און זיין צייט וואס איז געווען נוגע.  די אסעמילירטע אידען און אמעריקע זענען בכלל נישט אינטערעסירט אין ידישקייט כלל וכלל "מקצתם קיבלו עליהם רח"ל להשתמד אחר שיצאו מן הצרה כדי להציל עכ"פ את זרעם מצרות כאלה שסובלים עם בנ"י" 

אין זיינער צייט האט נאך די מדינה געהאט עפעס מיט רעליגיע היינט ווען די אמעריקנע אסעמילירטע איד שטיצט די מדינה איז דאס נישט ווייל ער וויל געפעלן פאר דער בורא עולם.

די פראבלעם וואס דער מהרש"ב שרייבט איז היינט שייך מיט ריפארם און קאנזערוועטיוו. ודו"ק

תוקן על ידי findodort ב- 25/12/2008 6:36:34

פיינד.

בקיצור דו ווילסט זאגן אז ווייל מכת ערוב איז שווערער איז מכת ארבה א ישועה?

יעדער ווייסט אז אמעריקע איז א טמא לאנד, אן ארץ אוכלת יושביה, וואס אמאליגע צייטן האט מען זיך געזעצט שבעה ווען איינער איז געפארן קיין אמעריקע.

אבער צו זאגן אז ווייל אמעריקא איז טריפה איז די מדינה א ישועה פאר אידן? רח"ל מהאי דעתא, אמעריקא איז א לאנד וואס מען ליגט אין תאוות עולם הזה, און מען נעבעך פארשלינגען צווישן גוים, אבער די רעגירונג פון אמעריקא רעספעקטירט אידן, און אלע רעליגיעס, און הונדערטער טויזנטער אידן לעבן פריי און דינען השי"ת בריש גלי.
משא"כ אין ארץ ישראל איז מען ליידער אונטער א ממשלת הכפירה, וואס זוכט איבערצוהאקן דעם שלשלת פון אורייתא וקוב"ה וישראל חד הוא, ביי זיי איז דא איין זאך א "לאנד", און זיי האבן אלעס אויפגעטוישט אויף דעם.
אין אמעריקא איז טאקע זייער ביטער, אבער השי"ת האט אונז געשיקט אין גלות,
עס שטייט קלאר אין פסוק אז דאס וועט פאסירן: ואבדתם בגוים ואכלה אתכם ארץ איביכם:
אבער אין ארץ ישראל שטייט קלאר אין פסוק, אין חז"ל אז ווען מען האלט נישט די תורה איז טויזנט מאל ערגער צו זיין ארץ ישראל.

אבער לאמיר זיך נישט מתווכח זיין וועלכעס ס'איז ערגער, ס'איז ביידע ביטער, אבער צו זאגן אויף די מעשי הכופרים אז דאס איז א ישועה פאר כלל ישראל, איז חס מלהזכיר.

ליין נאכאמאל איבער וואס פאפא רב שרייבט.

עס איז נישט דא דער שאלה ווי עס זענען מער אידען אפגעפארן - עס איז קלאר אין אמעריקע.

אין קיינער געט נישט קיין קרעדיט פאר קיין כופרים - חס מלהזכיר

אבער די הייליגע  בעלזא רב אין די הייליגע פאפר רב האבן און די מדינה אויך געזען א זאך וואס kj2008 האט נישט זוכה געווען צי זען - די יד השם

און דארך די מדינה איז דא א מעגליכקייט פאר די אמעריקאנע איזרעלי תשיבה צו טון. למען האמת איז דאס בשעתו געווען א רוח הקודש בבית מדרשו. וואס נישט איעדער האט געזען.

תוקן על ידי findodort ב- 25/12/2008 7:44:51

עס איז היינט א פאקט וואס קיינער קען נישט לייקענען אז אין אמעריקע איז די אסימעלאציע זייער גרויס

עס איז אבער אויך א פאקט אז מדינת ישראל האט געברענגט די לעצטע יארן הונדערטער טויזנטער גוים פון רוסלאנד אזוי אז אסמעלאציע איז אויך זייער גרויס אין מדינת ישראל.

הרב פינדאדארט (?).

דער רמב"ם (אין די נייע, וואו מ'האט צוריקגעלייגט די צענזור שטיקלעך), דוכט זיך מיר אין הל' שופטים, שרייבט אז דער רבש"ע האט בכוונה צוגעשטעלט יאשקע ימ"ש (מענינא דיומא...) און מוחמד כדי זיי זאלן צוגרייטן די וועלט איידער ביאת המשיח צו אחדות הבורא, וואס נאר די דאזיגע רעליגיעס האבן מצליח געווען אויסצורייסן די עבודה זרות וואס די וועלט האט דאן געדינט, און דאס וועט פארגרינגערן פאר די אומות אנצונעמען דעם עול פון הקב"ה נאך וואס משיח וועט אייננעמען די גאנצע וועלט, בב"א.

[איך האב אין זעלבן זין געהערט לעצטנ'ס פון א חשוב'ן איד, אז דער רבש"ע האט געגרינדעט על קאידא אז זיי זאלן אויסרייסן פאר ביאת המשיח די לעצטע עבודה זרה רעליגיע וואס געפינט זיך נאך אויף דער וועלט - די הינדו'ס אין אינדיע].

וועט עמיצער לכבוד דעם פארמינערן פון דעם שרעקליכן אומגליק וואס פאנדראק האט געברענגט אויף כלל ישראל? וועסטו מער נישט זאגן "וכל המינים כרגע יאבדו"?

די מדינה איז געווען דער גרעסטער אומגליק פארן כלל ישראל זינט מתן תורה. קיין זאך האט נאכנישט געברענגט אזויפיל שמד און גזירות ווי די פארשאלטענע מדינה. יעדער ערליכער איד דארף מתפלל זיין יעדן טאג אז די מדינה זאל בטל ווערן אן קיין שאדן פאר קיין אידיש קינד, אזוי אז מיר זאלן שוין ענדליך זוכה זיין צו גיין קעגן משיח צדקינו - וועלכער איז בלי ספק אויפגעהאלטן בלויז אדאנק די פארשאלטענע רשעים.

[דאס איז שוין נניח אז דער בריוו פון פאפא'ער רב איז אמת, וואס פערזענליך האלט איך אז נישט]

געגאנגען: ענדליך איז דא איינער וואס פארשטייט וואס איך שרייב. kj2008 דיגט זיך מיט מיר כאילו איך בין פאר די מדינה אין ער אלס קנאי איז געגן די מדינה. 

אמת, די רמב"ם שרייבט אזוי אויף יאשקע אין די רמב"ם זעט אין דעם א קלארע יד השם. (אפשר האט די צענזאר דאס ארויסגענימן ווייל kj זאגט חס מלהזכיר) די רמב"ם  טוט מיט דעם גארנישט פארמינערן פון די צאוה רותחות וואס מען איז דן דעם אותו איש. 

לכבודך וועל איך ברענגן נאך א שטיקל פון דעם בריוו, דערנאך וואס ער ברענגט ארויס די געוואלדיגע שיינקייט אין וויזוי תורה בליט אין  א"י שרייבט די פאפער רב בזה"ל:
 
" אבל כבר אמה"כ את זה לעומת זה עשה א', וראיתי בעווה"ר גם לאידך גיסא הרבה והרבה ענינים אשר אני מתיירא להעלות על הכתב, כי הלא צריך ללמד זכות על ישראל כמאמר חז"ל במדרש ... אבל תמסר שערות אנוש וכמדומה שהפסולת מכל ארבע כנפות הארץ נקבצו ובאו לכאן והרבה מהם הם כתינוק שנשבה בין העכו"ם ואינהו נפישי טפי מינן הרבה פעמים."


[די בריוו איז צים לעצט געווען געדריקט אין א פאפא חודשלעכע אויסגאבע (אור חדש אב תשס"ז)]

 

תוקן על ידי findodort ב- 25/12/2008 18:28:03

אז מען רעדט שוין פון רמב"ם לאמיר נאכקוקן נאך א רמב"ם.

רמב"ם ספר המצות - מצות לא תעשה - מצוה כ
מצוה כ - שהזהיר המוסת שלא ללמד זכות למסית ואפילו ידע לו זכות אינו מותר לו להזכירו ולא ללמדו והוא אמרו ית' ולא תחמל ובא הפירוש לא תחמל לא תלמד עליו זכות:

ווער עס קוקט און ספרי חסידות, ווייסט אז אין יעדע זאך איז דא א "יד השם", אפילו אין די גרעסטע חטאים וכו', וואס איז למעלה מהשגתינו, אבער צו גיין שרייבן אויף כופרים ומינים וואס זוכן אויסצורייסן תורה אז דאס א ישועה מן השמים. איז "חס מלהזכיר", אפילו ווען עס וואלט געווען אמת, און אוודאי ווען ס'איז נישט.

איך האב באקומען א מעסעדזש פון דעם וואס נעמט קעיר פון דעם סייט וואס איך האב נעכטן ארויף געלייגט אז ער האט עס אפדעיטעט אז מען קען דאונלאודן אלע דרשות אויף MP3 פארמאט

http://www.drushes.com/teller.html

_________________

ויואל משה - על הגאולה ועל התמורה

kj די רמב"ם רעד פין א מסית, א מסית, א מסית  
לע"ז. און נישט א יעדע רשע מרושע גייט אריין און די כלל.  

וואס יא צי זאגן אין וואס איז "חס מלהזכיר" לאז איבער פאר גרעסערע פון דיר.

 

תוקן על ידי findodort ב- 25/12/2008 22:16:54

אויב די ציונים אין די מדינה, פרייע ווי פרומע, זענען נישט בכלל פון "מסית", און טאקע "מסית לעבודה זרה", ווייס איך נישט אויב ס'איז אמאל באשאפן געווארן עמיצער וואס גייט יא אריין אין דעם כלל.

פיל גרעסערע פון KJ האבן געזאגט אז ס'איז חס מלהזכיר, במילא האסטו געוואנדן דיין תגובה צום ראנג אדרעס. צו זאגן אז דורך כפירה ומינות קען קומען א ישועה פאר אידישע קינדער דאס זעלבסט איז כפירה ומינות. דער זאגער איז ווייניגסטנס משוחד אדער בלינד אדער ביידע.

ענטפער מיר נאר ביטע איין קלייניגקייט: דו גלייבסט אין די ווערטער/הבטחה פון די תורה הק' "ולא תקיא הארץ אתכם בטמאכם אותה"?!

וויאזוי איז שייך פאר א איד א מאמין צו טראכטן אז די וועלכע טרעטן בשאט נפש אויף יעדן פון די תרי"ג מצוות, מיט א ספעציעלן דגוש אויפן "בטמאכם אותה", זענען נישט געוואנדן אינעם ריכטונג פון "תקיא הארץ אתכם" - צום דריטן מאל, בעוה"ר?!

הקב"ה איז א מאריך אף, ער האט דאס ערשטע מאל געווארט אזוי לאנג ווי 850 יאר, אבער ס'איז ברור אז אויפן וועג וויאזוי זאכן גייען יעצט שפאצירט די מדינה אויף א זיכערע בריק פון זעלבסט פארניכטונג, ברוחניות ובגשמיות. וויאזוי קען עמיצער דאס באטראכטן אלס "ישועה" אפילו אויפן קורצן טערמין?!

אומגלויבליך!

kj איך פארשטיי דיין געפיל. אבער ווערטר האבן באגריפן אין "עבודה זרה" מיינט טאקע עבודה זרה עבודה זרה, עבודה זרה. געצען דינעריי.

אמת עס איז געווען אזלעכע וואס האבן געהאלטן "חס מלהזכיר" פון די אנדערע זייט זענען געווען גדולים וטובים וואס זיי האבן געהאלטן - און געשריבן - אז עס איז אויך דא און דעם א חסד און א יד השם.

אין דאס איז נישט פאר kj אין נישט פאר פינדאדארט צי נעמען א שטעלונג.

דעס וואס די פרעגסט אויף "תקיא הארץ אתכם" גלייב איך נישט איז היינט שייך ווייל ביז דערווייל זענען מיר נאך און גלות זייט די צווייטע חרבן. וד"ל

אמת א"י האט א גרעסערע קדושה, און קדשה לעתיד לבא, און א איד וואס איז חוטא בפלטרן של מלך באקימט א גרעסערע עונש. אבער ווער זאגט אז דער עונש איז חל אויף כלל ישראל. אויף א אופן תקיא הארץ אתכם.

קודם כל האסטו מסתמא מיר געמיינט און נישט KJ.

צווייטנס איז נישט געווען קיין איין אמת'ער גדול וועלכער האט געזאגט אדער געשריבן אזוינע נארישקייטן, מילד גערעדט, כאילו די מדינה איז א 'ישועה' פאר כלל ישראל.

ווען דער שטן האט געפייניגט איוב איז אויך געווען דערין א יד ה', איז עס דעריבער געווען א 'ישועה'?! יעדע זאך אין דער וועלט, מטוב ועד רע, איז א יד ה', אבער דאס מיינט נישט אז ס'ליגט דערינען א ישועה אדער ענליכע שטותים.

דריטנ'ס, ווער האט גערעדט פון גלות וגאולה? איך רעד פון "תקיא הארץ אתכם", דאס איז א הבטחה וואס האט קיין שייכות מיט גלות אדער גאולה. די מעשים וועלכע זענען אויפן וועג פון זעלבסט פארניכטונג קענען נישט און זענען נישט אין דער זעלבער צייט קיין 'ישועה', בשום פנים ואופן.

געגאנגען ביזט גערעכט איך האב נישט באמערקט.

איך האב דיר געברענגט א בריוו פין פאער רב

והרבה נצטערתי בראותי זאת, על מה עשה ה' ככה לארץ הזאת...ואף שב"ה לא קשה לי כלל... [כי לא] מחשבותי מחשבותיכם... אבל...ודע מה שתשיב וכו', וכאשר התבוננתי על מהות האנשים האלה נזכרתי בימי עניי ומרודי כאשר נפל גורלי... שמעתי כמה פעמים ממקצתם שקיבלו עליהם רח"ל להשתמד אחר שיצאו מן הצרה כדי להציל עכ"פ את זרעם מצרות כאלה שסובלים עם בנ"י... [ו]כדי שלא יצאו ח"ו מן הדת לגמרי וישארו תחת שם ישראל דאז יש לקוות דילמא נפקו מינייהו זרעא מעליא, לטעם זה ניתן להם מדינה שיתגאו בה...והקב"ה חפץ שלא ידח ממנו נדח ח"ו

און די ווייסט אויך וואס בעלזא רב האט געזאגט.

יעצט האסטו צוויי ביררות אדער מחליט זיין ווער איז א אמת'ער גדול אדער קענסטי מחליט זיין אז די גלייבסט נישט דעם בריוו און דאס האבן די פאפענע נאר געפלשט ווייל זיי האבן פיינט דעם רבין וכד'.

ביחס צו "תקיא הארץ אתכם"  (איך האב נישט געקיקט מפרשים) איז בפשטות פשט די אייבישטער זאגט צו פאר כלל ישראל א"י לנחלה. און ווארענט זיי אויב וועלן זיי זיך נישט אויפפירן ווי עס בעדארף וועלן זיי דאס פארלירן אין גיין און גלות.

 

תוקן על ידי findodort ב- 26/12/2008 0:03:56

אין פאפא'ער רב'ס בריוו שטייט נישט קיין ווארט וועגן 'ישועה'. וועגן בעלזער רב ווייסטו זייער גוט אז ס'איז שוין נישט געבליבן איבער וואס זיך מתווכח צו זיין. די ברירות אפצומאכן ווער ס'איז אן אמת'ער גדול ליגט דוקא ביי דיר, וד"ל.

ס'איז קלאר אז "תקיא הארץ אתכם" איז נישט באגרעניצט צו גלות וגאולה, ס'איז א נאטירליכע קללה וואס דער רבש"ע האט צוזאמגעבינדן מיטן "בטמאכם אותה", די הייליגע ערד פארטראגט פשוט נישט קיין גראבע עבירות ובעלי עבירה.

איך האב אויך נישט געשריבן 'ישועה', אבער וואס איז א נ"מ. 

ועגן  די ברירות אפצומאכן ווער ס'איז אן אמת'ער גדול ליגט דוקא ביי דיר האב איך באמת נישט פארשטאנען. ביי מיר זענען אלע ערליכע אידען זייער חשוב.

איך ווייס נישט צי די ביסט גערעכט מיט דיין פשט תקיא הארץ אתכם אבער נניח אז יא מן ימר אז דאס איז א חרבן אויף כלל ישראל סך הכול וואס דאס זאגט איז אז דער שגץ אין א"י באקימט א גרעסערע עונש ווי דער שגץ אין חו"ל

תוקן על ידי findodort ב- 26/12/2008 0:19:31

... 

תוקן על ידי געגאנגען ב- 26/12/2008 2:18:00

אויב דו מוזט דוקא האבן דאס לעצטע ווארט פארגין איך דיר עס הארצן גערן, אבער אז דו ווילסט קומען דא רעדן האלבע צי גאנצע ציונות מאך עס כאטש מיט טאקט.

דאס ציטיר איך פון דיין תגובה אויף די ערשטע זייט:

"ערליכע ידען מיט א ברייטע קיק האבן געקענט זען די חרבן וואס די  ציוניסטישע מדינה ברענגט מיט זיך איו די זעלבע צייט אויך זען ווי זוי דאס איז א ישועה פאר אידן"

און דערויף האב איך דיר געענטפערט אז ניין, ערליכע אידן האבן נישט געקענט זען וויאזוי דאס איז א ישועה פאר אידן. מ'קען זען דערין דעם יד ה', מ'קען אפילו פרובירן צו טרעפן די גוטע זייט פון די סאמע ערגסטע [ערליכע אידן האבן געטראפן די גוטע זייט אפילו פונעם האלאקאוסט רח"ל. און ניין, ס'איז נישט געווען אז מ'קען פארן אויף איראן זיך קושן מיט דעם צורר היהודים], אבער דאס מיינט נישט אין קיין שום וועג אז דאס איז א ישועה אויף סיי וועלכן אופן, חס מלהזכיר.

בנוגע "תקיא הארץ אתכם" איז קיין גרויסע נפ"מ וואס דאס זאגט, איין זאך וואס ס'לאזט נישט איבער קיין צווייפל איז דער פאקט אז די מעשים תעתועים וועלכע וועלן בהכרח ברענגען דעם שרעקליכן עונש קען בשום אופן נישט זיין קיין ישועה פאר כלל ישראל, אפילו אויב מ'זעט נישט אויפן פלאץ החטא ועונשו.

און כדי צו זיין קלאר, איך בין מיט דעם מסיים ווילאנג דו גייסט איבער ווידער און ווידער אויף דיינע זאכן ככלב השב על קיאו. כ'האב קיין געדולד איבערצוקייען נאכאמאל און נאכאמאל די זעלבע זאך, און כ'געב דיר גערן דאס לעצטע ווארט.

תוקן על ידי געגאנגען ב- 26/12/2008 2:25:45

איך האב נישט באמערקט אז איך האב געשריבן די ווארט "ישועה" אין ווי איך האב אויבען געשריבן זעי איך נישט קיין נ"מ. צווישען "א יד השם לטובת ב"י" און די חס מלהזכיר ווארט "ישועה".  

איך בין דאס אבער גרייט צי טוישן לכבודך

"ערליכע ידען מיט א ברייטע קיק האבן געקענט זען די חרבן וואס די  ציוניסטישע מדינה ברענגט מיט זיך איו די זעלבע צייט אויך זען דעם יד ה' אין אויך טרעפן די  גוטע זייט דערפין  לטעם זה ניתן להם מדינה שיתגאו בה...והקב"ה חפץ שלא ידח ממנו נדח ח"ו "

אויב די ווילסט דאס ריפן "רעדן האלבע צי גאנצע ציונות" זאל עס זיין אזוי. 

פאר איך פארגעס: איך בין אויך מודה צו דיר אז אלע וואס טיען אפ מעשים תעתועים וועלן בהכרח באקימען א שרעקליכן עונש אפילו אויב מ'זעט נישט אויפן פלאץ החטא ועונשו.

 

תוקן על ידי findodort ב- 26/12/2008 17:12:43

האלט איינער אז בעלזער רב אגער פאפא'ר רב איז גרעסער פון הלל אדער רבי עקיבא. וועט היינט עמיצער לייקענען אין ביאת המשיח און ברענגען א ראי' פון די גמרא אז הלל זאגט אין משיח לישראל??? צי וועט איינער זאגן היינט אז משיח איז שוין געקומען און ברענגען א ראי' פון רבי עקיבא וואס האט געהאלטן א בר כוכבא איז משיח??? סאו ס'איז גא א שמועה א דער הייליגער בעלזער רב האט אזוי גע האלטן 50 יאר צוריק, וואו-ווי!

דער מקור איז א ירושלמי תענית כ"ד
ר' עקיבה כד הוה חמי בר כוזבה הוה אמר דין הוא מלכא משיחא
(בר כוכבא איז דער זעלבער ווי בר כוזיבא אדער בר כוזבה).

איך האב געהערט אז הרה"צ ר' סופר שליט"א האט געשריבן אין 'נייעס באריכט' אין זיין וועכנטליכן רובריק, איבער דעם 'אגרת מענה לחכם', ווייסט איינער וואס פארא גרויסע סברות ער האט דארט געשריבן?

(שלום עליכם דיפלא. לאנג טיים דידנט ספיק..)

מענה לחכם איז סברות נישט קיין מקורות אין הלכה

שוין געהערט אזאנס

עפשטיין
משא"כ די ויואל משה?......

שוין, דער ויואל משה איז אפגעפרעיגט, יעצט דארף מען רופען רביה"ק זי"ע דער "בעל דברי יואל"