וועד הדירות VS גני שמש

ווער ווייסט עפעס מער וועגען "וועד הדירות"?
האט עס די זעלבע פנים פין "גני שמש", וויא א פריוואטער איד איז געבליבען STUCK מיט זיין דיוועלופמנט אין עס פראבירט צי פארקויפען פאר אחב"י כאילו לשם עסקנות ולשם שמים ולשם ארוסציהעלפן די מאנגעל אין ביליגע דירות? אדער איז עס טאקע א ריינע לשם שמים דיוועלופמנט?

ס'איז דא 6 ערליי סייזעז פון דירות דארט.

אנגעפאנגען ביי 1500 ס"פ ביז 4000 ס"פ, עס קומט אויס בערך $130 א סקווער פיס!, ד.ה. די 1500 ס"פ דירה קאסט צוויי הונדערט טויזענט דאללער! מיט א צען פראצענט דאון פעימענט, און אזוי ארויף.

די דירות ווערן געבויעט אויף א שטח פון א פערטעל עיקער פער הויז. אלעס איין פאמיליע הייזער.

עס באלאנגט נישט צו קיין שום סעפיצישע קהלה, יעדער קען דארט קויפן, א שטייגער ווי מאנסי.

די געגענט וואס מ'האט אפגעקויפט צו קענען בויען האלט יעצט ביי 1500 עיקער! (קרית יואל איז בערך די העלפט דערפון) און עס איז אין פלאן צו קויפן גאר בקרוב נאך לאנד.

די "וועד הדירות" האט געפענט א אפיס אין וויליאמסבורג אויף ראטלידזש קארנער בראדוועי, העכער די נייער "עמעזינג סעיווינגס" געשעפט.

מ'קען אהין גיין אין אפיס אפנעמען אן אפליקעשען און זעהן די אויסשטעל פון די דירות און די בלו פרינט'ס, פינקטליכע מאפע'ס פון די געגענט און פארהאנדלען איבער די פרייזן.

אריינצוגעבן אן אפליקאציע איז די פרייז $5000 און עס איז ריפאנדעבעל.

עטליכע צענדליג מענטשן האבן שוין אריינגעגעבן אפליקאציעס און געצאלט די פרייז, עס איז נאר פאר ערנסט אינטערסירטע.

לאמיר האפן אז עס וועט זיך אויסארבייטן, די מצב אין וויליאמסבורג איז שרעקליך, די פרייזן פון די דירות איז אומהערבאר, ס'איז נישט מעגליך בכלל אז די קינדער פון אלע מענטשן וואס וואוינען היינט אין וויליאמסבורג זאלן דא פארבלייבן, עס וועלן זיך מיזן פארמירן אנדערע פלעצער ווי צו וואוינען, לאמיר האפן אז דער ערשטער וועט זיך אויסארבייטן און אזוי וועט עס גיין ווייטער.

פאר 130$ קען מען שוין גיין וואוינען אין קרית יואל.

ווי מען בעט היינט ביי 150$ א סקווער פיס.

דאס זעלביגע איז געווען אין דער בלאט פאר יו"ט דירות אין מאנסי פאר 149 א סקווער פיס.

פלוס ווען נאך מן הסתם יעדער דארפן באצאלען פאר די קאסט פון נייע מוסדות בית המדרש וכו'.

אז איינער וויל מופען וואס האט ער ביליגער אינעם נייעם שטעטל?

פארשטייסט אליין אז נישט יעדער וואס וואוינט אין וויליאמסבורג קען גיין וואוינען אין קרית יואל, און עס נישט פאר יעדעם געמאכט.

דאס האט נישט מיט קיין שום קהלה, עס איז נישט סאטמאר, איך וווייס פון עטליכע גרופעס פון אנדערע קהלות וואס האבן דארט גענימען אן אפליקאציע.

חוץ דעם וואס אין קרית יואל איז היינט די פרייז צווישן הונדערט אכציג און צוויי הונדערט דאללער א ס"פ, איך האלט גראדע אז ס'איז זייער ביליג, אבער דאס איז ביליגער, פלאס וואס די באקימסט דא א פריווטע איין פאמיליע הויז געבויעט אויף א פערטל עיקער לאנד.

אידן פון אנדערע קהילות קעגן גייין אויף מאנסי ווי מען פארקויפט איצט פאר זייער ביליג דירות.

און קרית יואל לויפט היינט די פרייז צווישען 150 און 170, 180 - 200 איז שוין געשטארבן.

נישט אז איך האלט נישט פון דיי נייע שטעטל, נאר אדרבה ואדרבה עס וועט זיין א גרויסער ישועה אז עס וועט זיין, נאר איך וויל פשוט זעהן צו עס קען זיך אויסארבעטן.

די ריכטיגע ענטפער איז: ימים ידבירו.

רבי יונה
האט איר מברר געווען די אדווערטייזמענט פון מאנסי???

דאס איז נאר אויב אין קויפט מיטן אויבעשטן שטאק און אן אונפינישט בעיסמענט
דעמאלט קומט אויס 149

אנדערש איז דאס אסאך טייערער

דא איז דאס ביליגסטע וואס איז פארהאנען

מען סקרינט דעם עולם און דוקא יא סזאל זיין היימייש און נישט פארטייאיש

יכול
איך זאג נישט אז עס קען נישט מצליח זיין אבער די פראבלעם פין א דעוולאפמעהט וואס ווערט געפירט אדורך א פרייוועט מענטש וואס מיינט נאר געלט קען זיין גאר גרויס,

וואס געשעיט אויב איו א יאהר ארים וועט ער זעין אז עס גייט נישט וויא אזוי ער האט געמיינט, אדער עס וועט אינטערקימען פארשידענע פרבלעימען פין די שכנים אדער TOWN וואס ער האט זיך נישט געראכטען אין פין א ביזנעס פוינט וועט זיך עם מער נישט לוינען וויטער ממשיך צי זיין, אין ער וועט מחליט זיין צי פארקויפען די דיוולאפמענט פאר גוים וכו' (ארטיסטען LOL) אדער ער וועט אויפהערען צי פאנדען די מוסדות אדער פארקויפען די קהל בנינים, אין נאך פארשידענע פרבלעמען, וואס וועט זיין מיט די ערשטע 150 משפחות?? ווער וועט שטיין צי זייער האנט?

מיר קיקט עס אויס אביסל מאדנע די גאנצע זאך,
 א.  עס האט זיך אנגעהויבן בערך פאר א חודש פאר פסח אין עס איז באשריבען געווארען אין דער בלאט "אז האט זיך געגרינדערט א וועד וואס וויל ארויסהעלפן די דירות מאנגל אין די וועד גיט ארויס אפליקאציע'ס כדאי צי וויסען וואס דער עולם זיכט".
 ב.  צוויי וואכען דערויף איז באשריבען געווארען אז עס איז ב"ה אריינגעקימען א גרויסע ריספאנס אין די וועד קיקט אדורך די אלע אפליקאציע'ס כדאי צי קענען לערנען וואס דער עולם זיכט וכו' אין לפי וואס דער עולם זיכט גייט די וועד אנהייבן צי זיכן א פאסיגע פלאץ.
ג.  ערב פסח איז שוין באריכטעט געווארען אז ב"ה אז די וועד האט שוין געטראפען א פאסיגע פלאץ אין אויך האט שוין די וועד איינגערישט א פילען אפיס אין שוין געפרינטעד שיינע פלענס אין ביכלעך אין מען נעמט שוין דיפאזיטס.
אין מיין שאלה איז,
 וויא אזוי ארבעט דאס אזוי שנעל??
וי אזוי איז שוין דא אן אפיס אוועק געשטעלט? וי אזוי איז שוין אזוי שנעל דא פארטיגע פלענס אין ביכלעך?
צי האט מען דען גיט בודק געוועין די אלע ליגאלע פראבלעמען וואס קענען אינטערקימען?
צי האט מען גיט בודק געוועין אויב עס איז נישט דא קיין ENGINEERING פראבלעמען?   

1.מען האט קוים געפרעיגט דעם עולם ווייניגער וי א חודש ציריק?
2. מען האט קוים אנגעהויבען צי זיכן א פלאץ?
3. מען האט נאר יעצט געטראפען דאס פלאץ.
אין שוין פארקויפט מען?

אזוי אויך מען רעדט שוין פין דעם 5 וואכען, אין איך האב נאך נישט געזעין קיין איין נאמען פין ווער עס שטייט אינטער דעים, אפי די אינטערוויא אין די בלאט איז אן א נאמען, איז ווער נעמט די דיפאזיטס? ווער פראטעקט דאס?

איך זאג דיר נאר וואס איך טראכט, עס קיקט מיר אויס זייער מאדנע.

דאס וואס די שרייבסט אז מ'האט קוים אנגעהויבען טראכטען דערפון און שוין קויפט איז אביסעל נישט ריכטיג,

מ'האט טאקע יעצט אנגעהויבען רעדן דערפון צום עולם אבער ארבעטן ארבעט מען שוין דערויף פאר א לענגערע צייט.

לעבעדיגער

ליין די היינטיגע דבר יום ביומו!!

"נייע הערליכע דירות, געפעינט אין סקרעיפט אין ק"י פאר $165 א ס"פ"

די עד אין דבר יום ביומו רעדט זיך בלויז פון 'איין' דירה, וואס איז שוין עדווערטייזט דארט עטליכע טעג, און קוקט מיר אויס אביסל אינטערעסאנט אז יענער האט נאך אלס נישט געטראפן א קונה פאר אזא ביליגע פרייז.

אלץ א בארא פארקער האלט איך נישט ביים פארען קיין ווילימסבורג צו נעמען אן אפליקעשאן, פאר איך ווייס נישט אז מען מאכט נישט פון מיר פורים,

אבער איך בין זייער פאראינטרעסירט זיך ארויסצוזעהן פון מיין 2 בעדראם לאך וואס איך צאל דערפאר צוויי טויזענט דאלאר, אויב איינער איז שוין געווען אין די 'וועד הדירות' אפיס, קען אפשר מיטטיילען מער פרטים לגבי די דירות און געגנט?

באקומען אין אימעיל

ללא נושא

אזוי ווי איך האב נישט רשות כתיבה, לייג דאס ארויף פאר די טובה פון די לייענערס: איך בין נישט הונדערט פראצענט מיט יעדע ווארט אבער גענוג קראנט צו מעלדן. און אדרבא, ווער עס ווייסט מער, זאל זיך אנרופן.   אזוי ווי איך האב געהערט פון חבירים וואס טראכטן ערנסט פון דעם נייעם וועד הדירות ישוב, איז א פליכט צו זאגן אביסל וואס דא רעדט זיך אז מ'זאל וויסן די פאקטן. נישט אז עס קען נישט זיין א גוט געשעפט צו קויפן א הויז, אבער ווען איינער וויל טון אזא שריט איז ער בארעכטיגט צו וויסן פונקטליך פון וואס דא רעדט זיך און "אלע" דעטאלן. קודם כל מיינען מענטשן אז דאס איז די זעלבע פראיעקט פון די איחוד הקהילות , איז גוט צו וויסן אז עס איז א צווייטע זאך און האט נישט מיט זיי. דא רעדט זיך יעצט פון צוויי פריוואטע אינוועסטארס וואס זענען דורכגעפאלן מיט דעם שטח וואס זיי האבן געהאט געעקויפט, זיי האבן שוין פרובירט ביי עטליכע גרופעס דאס צו פטר'ן, אבער עס איז נישט געגאנגען. און יעצט זענען זיי געקומען צו די ארונים און פרובירן דא צו מאכן עפעס דערמיט און אין ערגסטן פאל, כאטש צוריקזען דעם קרן. עס איז א ריזיג פלאץ און יעדער באקומט א פערטל עיקער, אבער, יעדע לאט באשטייט פון עטליכע עיקער, דעריבער וועלן די אינוועסטארס זיין א שותף אין יעדנ'ס דיד. (אויף וועלכע זיי קענען, אויב ארבעט זיך עס גוט אויס, בויען הייזער אויף זייערע פראפערטיס). ביז עס גייט אפראווט ווערן אלס א ווילידזש , אויב עס וועט בכלל דורכגיין, דארף דויערן לכאורה ווייניגסטנס ארום צען יאר. דערווייל גייט מען וואוינען "זייער" אויסגעשפרייט איינער פון אנדערן. (ווייל יעדע לאט באשטייט פון פיר פינף עיקר און יעצט איז נאר איין הויז אויף א לאט). קען זיין עס איז דא פאר ווער עס איז א מעלה, איך זאג נאר די פאקטן. אבער אויב גייט זיך עס נישט אויסארבעטן אלס ווילידזש, (למשל אויב שכיניםוועלן זען אז אידן רוקן זיך אן און וועלן שטערן , וואס וועל איך טון מיט מיין הויז?) דאס אלעס האב איך געהערט פון איינעם וואס קען אביסל די זאכן פון אינעווייניג און איך געדענק שוין נישט אלעס וואס ער האט מיר געזאגט, אבער דאס איז מיר זיכער קלאר געווארן: מ'האט מיר נישט געזאגט אלעס וואס מ'וואלט געדארפט זאגן איידער איך גיי צאלן פאר א הויז. עס קען זיין עס לוינט צו פרובירן און אריינטאנצן, עס איז מעגליך עס זאל זיך יא אויסארבעטן. אבער דער פאקט וואס האט זיך מיר ארויסגעשטעלט אז מ'זאגט נישט אלעס ארויס גראב פאר'ן עולם פונקטליך פון וואס דא רעדט זיך, דאס צינדט מיר אן א לעמפל. נאך א קליינע משל. ווען דער בלאט האט אין אנהויב געלייגט אנגעבליכע פראגע בויגן אז דער עולם זאל אויספילן וואס זיי זוכן און וויפיל זיי ווילן צאלן, און גלייך דערנאך געמאלדן אז "עס איז געלונגען צו טרעפן א צוגעפאסטע פלאץ", האבן זיי שוין געהאט אפגעמאכט מיט די אינוועסטארס אז זיי גייען עס פרובירן צו פראומאטן ביי די ארונים, איז פארוואס קומען זיי מיט מעשיות ווי גלייך צוליב א פארלאנג פון ציבור וואס זיי האבן געזען אויף אפליקאציעס האבן זיי געזוכט א פלאץ און "געטראפן"? פארוואס נישט שרייבן אפן: עס זענען געקומען אינוועסטארס וואס ווילן פארקויפן שטח, מיט גוטע דיעלס, פאראינטערעסירטע זאלן זיך שנעל אנרופן, וכל הקודם זכה"? קיינער האט נישט קיין פראבלעם דערמיט. ממילא בין איך סקעפטיש. קודם וויאזוי קען איך געטרויען נאך אמאל דעם בלאט? און וואס ווייס איך צי די אינוועסטארס צאלן פשוט פאר'ן בלאט דאס צו פאמפן, און זיי שרייבן אז עס זאל אויסקוקן גוט. אבער נישט די דעטאלן וואס קען זיין א טוירן-אף פאר מענטשן. איז דאס אבער גערעכט? האב איך נישט געמעגט וויסן פאר איך געב 5,000 דאלער , פאר איך קויף א הויז, "אלע " דעטאלן? מעג איך נישט וויסן איין איינציג נאמען ווער עס איז דער פאראנטווארטליכער פארשוין דא? וועל איך קענען סוען דעם בלאט אויב האט מען מיך אויסגעפאפט?...

ר' דיפלא

א דאנק פאר די אינפארמאציע, אישית שטערט מיך נישט אז דאס איז "צוויי פריוואטע אינוועסטארס" אויב איז דאס אן אינטערסאנטע פלאץ און קען ווערען א שיינע ישוב.

אדרבה, קען איינער אויפקלערען פון וואס דא רעדט זיך?

 

ווען גייט אן אז אינוועסטערס האבן עס לכתחלה נישט געפלאנט צי פארקויפן פאר אידן???
ווער זאגט אז עס איז נאר פאר ארונים?? אין פארוואס פעלט אויס אייביג פרובירען צי באגראבען יעדע גיטע זאך???

דרך אגב, איין קלייניקייט, יעדער ווייסט ווי גרינג עס האט זיך איצט געשאפען צוויי נעבן קר"י
עס איז א גלאטע שקר אז עס קען נעמען 10 יאר, יענטץ האט ניטאמאל גענימען א האלב יאר

איך בין געוווען אין די אפיס פון די וועד הדירות, איך זאג ענק איך טראכט ערענסט פון מופען דארט, אזאלעכע שיינע דירות ממש פאר בחינם, איך האלט אז זיי דארפן ארויף לייגן דא די בילדער פון די דירות, מיט די פרייזן דערפון, וועלן זיי האבן 100'דערטער דיפאזעטס תיכף.

זיי זאגן אז זיי האבן שוין אן ערך פון 100 דיפאזעטס פון $5000.

עס קוקט אויס אז די זאך וועט ווערן ווייל עס אזי היינט צוטאגס נישט דא אזאלעכע ביליגע הייזער פאר אידן און "גאנץ ניו יארק סטעיט", מיט אזא ריזיגע שטח.

איינער וואס קען מופן אהין ד.מ. אז ער ארבעט אן ליין, מארגיטש בראקער וכו' כולל אינגערמאן וכו' איז א פלענער משוגענער אז ער מופט נישט אהין.

מיטן מופן אהין, פארדינט ער תיכף ומיד אן ערך פון א האלב מיליאן דאלער וואס וואלט אים געקאסט מער אזא דירה אין ווילי.

רבי יונה

קודם א דאנק פארן אהינגיין אפשר קענסטו געבען אפאר תשובות וואס דערווייל הערט מען נישט דערפון, די זאגסט טאקע אז זיי האבען הערליכע בילדער (זלמן לייב האט א הערליכע בילד פון זיין בית מדרש אויף ראסס - און הערליכע בילדער מוצאי יו"ט פון זיין עולם - אבער אין ריאלטי ווייסט יעדער וואס ער האט) בילדער מיינען גארנישט.

א. אין וועלעכע טאון איז דאס? די זאגסט לעבען מאנרא האט גענומען א יאר, אויב די קענסט אביסל היסטאריע מיינט דאס גארנישט, יעדער טאון איז אנדרעשט, אין מאנסי (רעמעפא) האט עס גענומען פאר 'כתר' וויזניץ קרוב צו 25 יאר!

ב. ווער גייט צושטעלען מוסדות?, וויפיל גייט קאסטען שכר לימוד?

ג. וואספארא טראנספערטעשן איז דא?, אויב מיין איך פארשפעטיג די באס ווי אפט וועט זיין טראנספארטציע?

ד. ווי איך פארשטיי גייט דאס זיין פאר 150 משפחות אין אנהייב, ווי פיל גייט זיין פון יעדע קרייז? - גייט מען שרייען 'שבת' אויב עס איז דא אן עירוב....?

ר' יונה: מיך אינטערסירט גאר ווייניג אויב דאס זענען פריוואטע אינוועסטער, אבער ווי לאנג עס שטייט נישט אויפען ארויס ווער דאס איז יא, האב איך א פראבלעם.

"זיי זאגען" - "וועד הדירות" - "צענדליגע קהלות" > ביטע זאגט אונז "איין" נאמען פון אן עסקן וועם מיר קענען טראסטען וואס שטייט אינטער דעם, דערווייל איז דאס פונקט ווי גני שמש

גיי אהין און זיי וועלן דיר אלעס זאגען, פון זיצען אויף הייד פארק און פרעגן וועסטו קיין קלארע ענטפער נישט באקומען

לכאורה  ווי איך פארשטיי איז דאס אן אינטערנעמונג פון פריוואטע אינוועסטירער וואס ווילען טון א גוטע זאך און פארשטייט זיך אויך מאכען געלט דערביי,
(א שטייגער ווי שלמה לייב וו"ב פון ק"י וואס טוט אסאך גוטע זאכען פארן ציבור ווי למשל מנוחת הנפש א.נ. און ער מאכט נישט קיין סוד דערפון אז ער טוט עס פאר געלט)

דא ביי די פראדזשעקט גייט (קען) ווערן געבויעט טויזענטער דירות,
ס'גייט זיין איינגעטיילט אין סעקשאנס (שכונה'ת), די ערשטע סעקשאן וואס ווערט געבויעט פירט אן א סאטמארע אינגערמאן וואס וויל עס בויען אומאפציעל פאר סאטמארע איגעלייט,
דהיינו- לכתחילה וויל ער אז ס'זאל זיין 90% סאטמארע אינגעלייט מיט א "סאטמאר געשטימט" ת"ת און מיידל סקול,
(א שטייגער ווי קאנטרי וואס האט רוב סאטמארע משפחות וואס זענען אויך דע 10% נישט סאטמאר)

נאכדעם וואס די ערשטע phase/סעקשאן וועט זיין באוואוינט וועט מען בויען phase/סעקשאן/שכונה #2 וואס וועט זיין ג'בעיסט אויף 90% בעלזא אא"וו מיט אלע קהלות וואס ווילען.

און ווען ס'וועט זיין גענוג גרויס וועט ווערן אן אפציעלע סאטמארע ביהמ"ד און מוסדות


דאס איז אלעס מיינע אייגענע השערות וואס טוט נישט רעפרעזענטירען די "וועד הדירות"
די אינפארמאציע איז גענומען געווארען דורך צאמשטעלן פון אידען וואס זענען געווען ביי די "וועד הדירות" אפיס

די מצב פון דירות אין וויליאמסבורג איז אומדערטרעגליך, מ'דארף העלפן יעדעם וואס וויל עפעס אויפטון, נישט צוברעכן

כללטוער - גערעכט! און אדרבה מען דארף זיי העלפען, אבער ווי עס קיקט מיר אויס האבען זיי א שלעכטע מארקעטינג פירמע, מען פארקויפט אונז לאקשען וואס ברענגט אז מען קען נישט קלייבען קיינעם, ווען איך קום אהיים צו מיין דירה הייב איך שוין אן צו טראכטען צו קיין צו דעם וועד, אבער איך מיין אז געגענטער אזוי ווי 'ברך משה' אין מאנרא איז בעסער (יא, אביסעל טייערע) ווי פאנטאזיע וואס די חברה פארקויפען.

meadowview
-נעכטען האסטו מציע געווען איך זאל פארען קיין ווילימסבורג אין אליינס באקומען תשובות, היינט ברענגסטו אינפארמאציע "גענומען געווארען דורך צאמשטעלן פון אידען וואס זענען געווען ביי די "וועד הדירות" אפיס" דאס הייסט נישט קיין שום קראנטע אינפארמאציע.

-אויף די קשיא וויפיל גייט קאסטען שכר לימוד, זעה איך נישט קיין תשובה.
-אויף די קשיא פון ווי נעם איך די אחריות אז מען גייט דארט בויען טויזענטע דירות, זעה איך נישט קיין תשובה.
-אויף די קשיא ווער איז דאס "וועד הדירות", ענטפערסטו "פירט אן א סאטמארע אינגערמאן" איז דער וועד באשטייט פון איין יונגערמאן? - זיי מאכען פון אונז פורים?
-אויף די קשיא וואספארא טראנספערטעשן איז דא?, זעה איך נישט קיין תשובה.

און צום סוף פין דיינע "אייגענע השערות" שרייבסטו אז שפעטער גייט זיין "90% בעלזא אא"וו מיט אלע קהלות וואס ווילען" - ווען איך האב געפרעגט היינט א בעלזא עסקן אין בארא פארק וואס ארבייט פאר זייער קהילה האט ער בכלל נישט געוויסט צו זאגען פון דעם נייעם שטעטעל,

דאס איז אלעס מיינע אייגענע השערות וואס טוט נישט רעפרעזענטירען מענטשען וואס מען קען פאר זיי פארקויפען די "ברוקלין ברידש"
די אינפארמאציע איז גענומען געווארען דורך צאמשטעלן פון אידען וואס האבען אביסעל שכל אדער זענען שוין דורך די "וועד" וואס מיינען אז מען קען פון יעדען מאכען פורים ווי "גני שמש"

רבותי! דער מצב איז שרעקליך און מען טאר זיך נישט לאזען פארפירען פון שטותים, עס איז שוין די העכסטע צייט זיך ארויסצוציען ארום קרית יואל - יא מען וועט אפשר דארפען באצאלען פאר סקול טראנספארטאציע - אבער איך וועל נישט זיצען דארט און ווארטען פאר מוסדות, סטאר'ס, דאקטארים אא"וו

אגב, איך טראכט יעצט צו עפענען א 'דריי גוד' סטאר, האט איינער א גיטען נאמען אזוי ווי "וועד למען נקיון" פאר מיין ביזנעס?

משה הלוי,

איך מיין די בעסטע נאמען פאר דיין דריי גוד סטאר וועט זיין "וועד מלביש ערמים" אדער "וועד הלבשה" אבער קודעם דארפסט די איינקופען די סחורה, אין נאכען איינקויפען די סחורה דארף מען ארויס שיקען אפליקציעס צי זעין וואס דער עולם וויל אנטיען.

איך מיין עס איז צייט פאר די וועד הדירות זאל אפעציעל ארויסשטעלען א פאסיגער מענטש וואס זאל זיי רעפרעזענטירען אויף הייד פארק, פארפאלען, די אינטערנעט איז היינט די שופר פון אינפארמאציע אפילו פאר חרדיש'ע אידן, עס איז דא אזוי סאך אינגעלייט דא וואס ווארטען צו הערן עפעס מער אינפארמאציע, און דא קען מען געהעריג אויסשמועסען אן ענין.

אדער אז נישט הייד פארק, זאל זיין ערגעץ אנדערש אויפן אינטערנעט, און מודיע זיין דעם עולם וואו מען קען גיין פאר מער אינפארמאציע.

א דאנק פאר די טויזענטע ליינער וואס האבען אריינגעשיקט עצות אויף די נייע דריי גוד סטאר, וואס ווי באקאנט קאסט היינט קליידונג טויזענטע דאלער, צו ווייסט איר אז א היט קאסט היינט קרוב צו צוויי הינדערט דאלער פאר א בר מצוה בחור'ל?

א ספעציעלע דאנק פאר די 'כלל טוער' און 'עסקנים' וואס בעטען מען זאל נישט שוואך מאכען די עסקנים, און ווי אויך פאר די עסקן וואס האט אריינגעשיקט דער נייער לאגא פאר די וועד.

פאלגט נאך די מודעות אין דער בלאט, ווי איר וועט זעהן אינזערע נייעס באשריבען כאילו דאס איז נייעס פון די רעדאקציע, אן צושרייבען אז דאס זענען באצאלטע מודעות.

 [בילד – נישט אפגעהיט]

תוקן על ידי משה_הלוי ב- 06/05/2008 22:12:27

משה_הלוי, זיי נישט ברוגז, אבער עס קיקט אויס ווי די האסט דא א אגענדא
אזוי אויך האסטו אויסטערליש שנעל באקימען די לאגא נאך א אינסעניט שמיעס כלומפעריש מיט יכול, אפילו אויב דאב איז די מציאות, איז עס אויך נישט קיין פעלער, אבער ביטע באהאלט עס נישט

+++++++

יעדע נייע שטעטעל גייט האבן שוועריקייטען,
די שווערסטע חלק וועט קימען פין מכם ובכם, פין אזעלכע וואס כלל ישראל איז געבענטשט, ארינטער צי רייסען יעדע זאך וואס שמעקט נאר ווי איינער וויל עפעס אויפטיען, דערנאך וועט מען האבען צי טיען פין די דרויסענדיגע גאס, די גוים וואס ביי זיי ליגט עס אין די בלוט

משה, דארפסט פארשטיין, - אין איך מיין אז יעדער פארשטייט -  אז לעת עתה מיז ער גיבען די וויינגעסטע אינפערמעשין וואס עס איז מעגליך, ווייל ער וויל עס נישט טרעפן איבער מארגען באשריבען אין די דרויסענדיגע צייטונגען, וואס ווען עס וועט זיין באשריבען וועט יעדע פרט זיין טויזענט מאל שווערער, אין עס איז לא ימלט אז איינע פין די בכם ומכם וועט מאכען אזא דשאב, צי ווייל ער האט אביסל ריעל עסטיעט אין די סיטי, אדער אנדערע חשבונות, איך פלאן אי,ה זיך שטארק צי אינטערסירען איבער די פראדשעקט, אפילו מיט די ווייניג אינפערמאציע וואס עס איז דא, עס איז מיר אסאך בעסער ווען עס שטייט בראש איינער וואס זיכט צי מאכען געלט, ווי ווען א עסקן איז בראש, ווען א אינוועסטער וואס קען דערלייגען געלט איז אין טאפ אויף א פראדשעקט, וועט ער זיכער מאכען צי טיען די מאקסימום אז עס זאל געקרוינט ווערן מיט הצלחה,
אבער ווען עסקנים אבעטען לשם שמים אן קיין געלט אינטערעסן, האט עס 50 פראצענט טשאנס עס זאל דורכפאלען {עיין ערך בעסוואטער..} געלט איז די מאטער, אז אויב מען האט סייעתה דשמיא וועט די זאך זיין מיט הצלחה

שר,

איך האב מיט משה הלוי נישט גערעדט (הלוואי ווען איך קען מאכן אזא שיינע גראפיק אזוי שנעל...) און איך בין בכלל נישט אויף זיין זייט, אדרבה איך האב ערנסטע פלענער זיך ארויסצוציען דארט, איך האב נאר געוואלט אז איינער וואס ווייסט זאל פארענטפערען די אלע קשיות וואס איז שווער דא פאר מענטשען.

ביטע ווארף מיך נישט אויף די זייט פון די מהרסים.

ר' שרמקוצי

א. איך בין נישט ברוגז, איך זאג אפען איך האב אן אגענדע - מיין אגענדע איז עס איז מיר נמאס געווארען צו זעהן ווי אפאר מארקעטינג חברה מאכען פורים פון דער עולם,

ב. איך זעה אז די ביסט נישט אזוי באקאנט מיט גראפיקס אין די מיינסט אזא לאגא נעמט אפאר וואכען צו מאכען, די קענסט דאס מאכען מיט פאטאשאפ אדער קאראל אין צעהן מינוט.

ג. איך ווייס נישט פון וועלעכע "אינסעניט שמיעס כלומפעריש מיט יכול" די רעדסט.

און יעצט צום פוינט: די פרטים וואס איך האב געפרעגט זענען נישט פרטים וואס מען קען נאך נישט ארויסגעבען לדוגמא ווער שטייט אינטער דעם?, די ביסט גערעכט אז אן קיין געלט נאר עסקנות גייט עס אין ערגעץ נישט, אבער מיינען אז דער עולם איז משוגע און קויפט יעדע שטות איז אויכעט טפשות!

ווען זיי וואלטען געווען גראדע מענטשען (איך זאג נאכנישט אז זיי זענען נישט) וואלטען זיי ארויסגעקומען אפען און געזאגט מיר זענען א קאמפאני דא צו מאכען געלט, נישט "וועד הדירות" און געגעבען מער קלארע תשובות צו דער זאך!

(ווען מען שרייט מהרס און מען ענטפערט נישט צו דערזאך, איז דאס א קלארע תשובה)

מיט דאנק!

משה, איך רעד נישט אינעם נאמען פין די וועד,
איך זע אבער אז עס ברענט דיר צי וויסען תשובה אויף די פאר שאלות, בעפאר דו גיבסט די אפליקעשען, וועל איך דיר פראבירען צי ענטפערען לפי קט שכלי, אבער געדענק, די בעסטע עצה אאלעס צי וויסען, איז דורוך אראפגיין רעדן מיט די מענטשן אין אפיס, זיי וועלן דיר גערן ענטפערען,

משה_הלוי כתב: [בילד – נישט אפגעהיט] -אויף די קשיא וויפיל גייט קאסטען שכר לימוד, זעה איך נישט קיין תשובה. -אויף די קשיא פון ווי נעם איך די אחריות אז מען גייט דארט בויען טויזענטע דירות, זעה איך נישט קיין תשובה. -אויף די קשיא ווער איז דאס "וועד הדירות", ענטפערסטו "פירט אן א סאטמארע אינגערמאן" איז דער וועד באשטייט פון איין יונגערמאן? - זיי מאכען פון אונז פורים? -אויף די קשיא וואספארא טראנספערטעשן איז דא?, זעה איך נישט קיין תשובה

אויף די קשיא וויפיל גייט קאסטען שכר לימוד, זעה איך נישט קיין תשובה.

דערווייל קען מען נישט וויסען, עס ווענט זיך אין די הוצאות פינעם מוסד, אבער בדרך כלל וועט עס זיין אין עווריטש מיט אלע חסידישע מוסדות, וואס האבן בערך די זעלבע פרייז

-אויף די קשיא פון ווי נעם איך די אחריות אז מען גייט דארט בויען טויזענטע דירות, זעה איך נישט קיין תשובה.

קיינער נעמט נישט קיין אחריות, 500 הינדערט דירות פאר די ערשטע 5-10 יאר איז געניג, עס שטייט נישט אז מען דארף זיין אין א שטאט וואס זענענן דא העכער טויזענט איינוינער, אבער בדרך כלל ווי לאנג די בוירט ראטע וועט אנגיין ווי עס גייט יעצט אן, וועט עס זיכער האבן ביז 10 יאר איבער טויזענט איינוינער, דאס קען דיר יעדער איינציגער נערמאלער מענטש צי זאגען {דרך אגב, וואס פאר מין גאראנטי ברויכסטע אז עס גייט זיין טויזענט דאלער איינוינער, אין פארוואס דארפסטע די גאראנטי, אין ווער ווילסטע זאל עס  אינטערשרייבען, ווער קען עס בכלל אינטערשרייבען??}

-אויף די קשיא ווער איז דאס "וועד הדירות", ענטפערסטו "פירט אן א סאטמארע אינגערמאן" איז דער וועד באשטייט פון איין יונגערמאן? - זיי מאכען פון אונז פורים?

מען מאכט נישט קיין פורים, ווייל יעצט גייט זייןל"ג בעומר, בסך הכל וויל דער אינוועסטער זיך יעצט נישט אויסטיען פאר די גאס אין צייטונגען, אי"ה ווען עס וועט נוגע זיין - אויב עס וועט נוגע זיין- דאס הייסט, פארען געבן דאון פעמינטס, וועט עס יעדער וויסען

-אויף די קשיא וואספארא טראנספערטעשן איז דא?, זעה איך נישט קיין תשובה

אזוי ווי אלע אפסטעיט שטעטליך האבן,{ מאנראו באס, אין מאנסי טרעליס וועלן זיך אדורוך קימען ווער  עס זאל באקימען די ראוט.



וואס נאך ווילסטע וויסען????

תוקן על ידי השר_מקוצי ב- 06/05/2008 23:38:23

א דאנק!

גענוג!

פאר איך גיי דיר געבען תשובה, און על אף וואס די דעבאטע פילט אביסעל אן מיין טאג האב איך מחליט געווען צו גיין א טריט פאראויס, איך וועל אליינס אראפגיין און באקומען תשובות.

אי"ה מארגען האף איך צו האבען מיט פינף טויזענט דאלאר ווייניגער נאכען געבען א דיפאזיט, הלוואי!

משה'לע, לאז מיר אייך דערציילן א מעשה'לע. אפשר אזוי וועסטו דאס פארשטיין.

געווען א איד וואס האט געקויפט ריזיגע שטחים אין א געגענט, געפלאנט האט ער אז ווען די צייט וועט רייף ווערן וועט ער בויען דערויף דירות, פארקויפן פארן עולם און מאכן א מיאנטיק מיט געלט, געמיינט האט ער אז עס וועט קומען דער טאג און ער וועט שארן גין גאלד, ער וועט זיין א רייכער מאן, ווועט האבן פעלדער און וועלדער אא"וו.

יארן זענען דורך געלאפן, ווי גייט דאס ווערטעל "דער מענטש טראכט און פון הימל מ'לאכט" די פרייזן פון די שטחים הייבן אן צו פאלן, דער איד, אינזער בעל החלומות דערזעהט זיך מיט אן ערנסטער פראבלעם, ער קען אויף די שטחים קיין דירות נישט בויען, ער קען קיין געלט נישט מאכן דא, די פרייז איז פילפאכיג געפאלן, בעסער געזאגט געטראסקעט, אויב בויעט ער יעצט וועט ער נאר דערלייגן די גאטיעס. וואס טוט א איד?

ער ווענדט זיך צו אנדערע סוחרים אויב זיי ווילן דאס אפקויפן, למעשה נאכן שטיין ווייס-איך-ווי-לאנג מיטן שטח און נישט פארקויפן האט ער שלום געמאכט מיטן מצב אז ער מיז דערלייגן געלט און זיך ארויסזעהן פון דעם דיעל.

*

אין איינע פון די הייזער אין די רוישיגע שטאט וויליאמסבורג זיצט א פרוי מיט אירע זעקס געבענטשע קינדערלעך און פראבירט זיי צו לייגן שלאפן, די דירה האט - וווי רוב איינוואוינער - צוויי שלאף צומערן, (איינס פארן פארפאלק און די אנדערע פאר די זעקס קינדער בליעה"ר) א קאך, ביה"כ, און דיינונג רום.

יעדע נאכט איז דאס אן עקסטערע מיטמאכעניש וויאזוי צו לייגן די קינדער שלאפן, א חלק זענען קליינע וואס גייען פרי שלאפן, אנדער זענען שוין גרעסער וואס קומען הערשט אהיים אסאך שפעטער און זיי וועקן אויף די קלענערע, קיין סאך פלאץ אין די דירה איז נישטא ווי זיך צו דרייען, אויב יא איז עס די בית הכיסא און די קאך, עפעס אנדערש איז נישטא. אויב ווילסטו זיך אויסצוען גיי אויף די שטיגן אינדרויסן, נישט אינדערהיים. ס'איז נישטא קיין פלאץ.

דער טאטע איז נישט רואיג, עס גייט אום שוין אויף די נערווען (פארן מאמען איז עס שוין געגאנגען א שטיק צייט צוריק..) ווי קען מען אזוי לעבן, רענט צאלט ער אכצן הונדערט דאללער פלאס געז און עלעקטריק און מענעדזשמענט און א דירה האט ער אין די ווערט פון קוים זיבן הונדערט טאללער.

אין א שיינער קילער טאג, זייענדיג אין די ביזנעס איבער א הויפן פאפירן און פיילס הערט ער פון א חבר זיינס אז א געוויסער איד האט זיך אנגעקויפט מיט שטח וואס עס גייט אום נישט, און ער איז שוין מסכים צו דערלייגן געלט אבי איינער זאל דאס אפקויפן פון אום. דער איד איז נישט קיין צוויטער ווי דער אויבערדערמאנטער איד.

נאכן איבער קלערן די זאך מיט מומחים און זיך דורכרעדענדיג מיט עסקנים האט ער זיך אריינגעליייגט אין די זאך,  ער גייט בויען א פלאץ אין די אפסטעיט געגענט ווי מ'וועט קענען קויפן ביליגע דירות, ביליגער ווי אין אלע היימישע חרדישע געגענטער היינט אין ניו יארק, נאכדערצו נישט ווייט פון שוין א געבויעטן ווילידזש קרית יואל.

צו טאפן דעם דופק, אויב דער עולם וועט טאקע ארויסקומען וואוינען האט ער אריינגעלייגט אין "דער בלאט" - א צייטונג וואס פארפירט שוין א וויילע וועגן בויען נייע ישובים - א פראגע בויגן צו זעהן אויב דער האלט דערביי.

נאכדעם וואס ער האט צוריק באקומען הונדערטער אפליקעישאנס מיט א פאזעטיווער ענטפער האט ער פרייליכערהייט געמאלדן אז מ'האט שוין ב"ה א געאייגענטער פלאץ דערפאר און מ'גייט זיך שוין נעמען דערצו.

ע"כ המעשה.

יעצט למעשה, אויב ווילסטו וויסן אמת'ע פאקטן, איז דא איין עצה.

דער "וועד הדירות" האט א אפיס אין וויליאמסבורג אויף ראטלידזש צווישן העריסאן און בראדוועי (העכער עמעיזינג סעיווינגס) און איר זענט העפליך געלאדענט ארויפצוגיין אהין אין הערן אלעס וואס איר ווילט, דארט האט איר א נאמען פון א מענטש צו וועם איר קענט רעדן, דארט האט איר דעטאלירטע פלערנער אא"וו.

שרייבן אויף הייד פארק, אפילו איינער זאל דיר ענטפערען איז בכלל נישט קיין הוכחה אז די פאקט איז טאקע אזוי.
 

געדענק:
אויב ווילסטו באמת וויסן פאקטן איז דא איין עצה. גיי ארויף אין אפיס.

 

משה הלוי,
שיינע ארבעט,

השר מקוצי,
ליידער זעיט די "וועד הדירות" אויס, אזוי ווי משה הלוי'ס דריי גוד סטאר,
מען פאנגט אן מיט דעם, אז עס האט זיך געגרינדעט א וועד וואס גיט ארויס אפליקציעס כדאי צי קענען לערנען וואס די עולם זיכט, אין די אפליקאציע פרעגט מען די קימענדיגע שאלות,
1. ווי ווייט מעג די ישוב זיין?
2. כדי אנציהויבן א נייעם ישוב איז פארשטענדליך אז מען קען נישט קויפן א שטח וואו מען קען תיכף ומיד בויען הונדערטער דירות. וויפיל וואלט געווען די מינימום צאל דירות אנציהייבן אזא ישוב?
3. אין נאך אזעלעכע שאלות,

אין מאכט חוזק פין דעם עולם אז עס ווענדט זיך ממש אין זייערע ענטפערס, אין לפי די ענטפרס פין עולם "פינקלעך אזוי וועט מען זיכן,אין די צייט וואס מען האט שוין די פראפערטי, דאס איז די ערשטע פראבלעם וואס איך האב מיט דעם.

די צווייטע פראבלעם איז, אז אויב שטייען אינטער דעם פריוואטע דיוועלאופרס (וואס זענען נעבעך סטאק געבליבען מיט זייער דיוולאפמענט ווייל די גוישע מארקעט איז שטארק געפאלען) פארוואס זאגען זיי נישט דעם אמת אז מיר זענען פריוואטע דיוולאפערס וואס ווילען אויף בויען א נייע אידישע שטאט? פארוואס באהאלטען זיי זיך איטער די מאסקע פין א "וועד"? "עסקנים"?

באמת האט שוין "לעבעדיגער" אלעס זייער פיין פארענפער, ציקער זיס, די סך הכל איז, אז וואס די ווילסט וויסען איז דא איין אדרעס, דאס איז אין וומסב"ג העכער אמעזיניג סעוויניגס, זיי ענטפערן גערען, אין זיי בעטען נישט קיין אפצאל, א שאד זאלסט זיך דא מיטשען פאר א ענטפער בשעת די באקימסט עס גרינגערהייט ביי זיי אין אפיס

כנגדכולם כתב: [בילד – נישט אפגעהיט] השר מקוצי, ליידער זעיט די "וועד הדירות" אויס, אזוי ווי משה הלוי'ס דריי גוד סטאר, מען פאנגט אן מיט דעם, אז עס האט זיך געגרינדעט א וועד וואס גיט ארויס אפליקציעס כדאי צי קענען לערנען וואס די עולם זיכט, אין די אפליקאציע פרעגט מען די קימענדיגע שאלות, 1. ווי ווייט מעג די ישוב זיין? 2. כדי אנציהויבן א נייעם ישוב איז פארשטענדליך אז מען קען נישט קויפן א שטח וואו מען קען תיכף ומיד בויען הונדערטער דירות. וויפיל וואלט געווען די מינימום צאל דירות אנציהייבן אזא ישוב? 3. אין נאך אזעלעכע שאלות, אין מאכט חוזק פין דעם עולם אז עס ווענדט זיך ממש אין זייערע ענטפערס, אין לפי די ענטפרס פין עולם "פינקלעך אזוי וועט מען זיכן,אין די צייט וואס מען האט שוין די פראפערטי, דאס איז די ערשטע פראבלעם וואס איך האב מיט דעם. ?? די צווייטע פראבלעם איז, אז אויב שטייען אינטער דעם פריוואטע דיוועלאופרס (וואס זענען נעבעך סטאק געבליבען מיט זייער דיוולאפמענט ווייל די גוישע מארקעט איז שטארק געפאלען) פארוואס זאגען זיי נישט דעם אמת אז מיר זענען פריוואטע דיוולאפערס וואס ווילען אויף בויען א נייע אידישע שטאט? פארוואס באהאלטען זיי זיך איטער די מאסקע פין א "וועד"? "עסקנים"?

דו האסט באמת צוויי זייער זייער שטארקע קשוית,
ווי באלד אבער איך ארבייט נישט פרען וועד ווייס איך נישט די תירוץ
אבער, עס קען זיין אז זיי האבן שוין געהאט די לאט, זיי זענענן נאר געוואר געווערן פינעם ציבור'ס תשובות אז עס איז טאקע גע'אייניגט פארען ציבור, פאר דעים האבן זיי עס נישט געוואלט אנטראגען פארן ציבור צי קויפן,
אדער קען זיין, אז פאר PR איז בעסער צי גיין מיט די וועג, כדי דער עולם זאל מסכים זיך צי לאזן העלפן אין גיין ווינענן אויף א פערטעל עיקר, אנשטאט די 800 הינדערט סקווער פיס וואס מען האט  אין וומסב"ג וואס איז דעם איז שוין אינקלאדעט די עלעוועטעיר

 

תוקן על ידי השר_מקוצי ב- 07/05/2008 0:13:54

השר_מקוצי כתב: [בילד – נישט אפגעהיט] אויף די קשיא וויפיל גייט קאסטען שכר לימוד, זעה איך נישט קיין תשובה. דערווייל קען מען נישט וויסען, עס ווענט זיך אין די הוצאות פינעם מוסד, אבער בדרך כלל וועט עס זיין אין עווריטש מיט אלע חסידישע מוסדות, וואס האבן בערך די זעלבע פרייז  איך האב טאקע נישט מער ווי א דריי גוד סטאר, אבער אפשר ביסטו מיר מסביר ווי אזוי מען האלט אויף אזא מוסד ווען דער גאנצער געגענט איז פון 150 משפחות? ווען די עווריטש מוסד האט אסאך מער אין דאך שרייען זיי כסף מנלן? -אויף די קשיא פון ווי נעם איך די אחריות אז מען גייט דארט בויען טויזענטע דירות, זעה איך נישט קיין תשובה. קיינער נעמט נישט קיין אחריות, 500 הינדערט דירות פאר די ערשטע 5-10 יאר איז געניג, עס שטייט נישט אז מען דארף זיין אין א שטאט וואס זענענן דא העכער טויזענט איינוינער, אבער בדרך כלל ווי לאנג די בוירט ראטע וועט אנגיין ווי עס גייט יעצט אן, וועט עס זיכער האבן ביז 10 יאר איבער טויזענט איינוינער, דאס קען דיר יעדער איינציגער נערמאלער מענטש צי זאגען {דרך אגב, וואס פאר מין גאראנטי ברויכסטע אז עס גייט זיין טויזענט דאלער איינוינער, אין פארוואס דארפסטע די גאראנטי, אין ווער ווילסטע זאל עס  אינטערשרייבען, ווער קען עס בכלל אינטערשרייבען??} אנטשולדיג, ביז יעצט זאגט מען 150 משפחות, אין עס טאנצט גלייך אויף 500, אויב עס איז טאקע 500 ביסטו גערעכט, מארגען וועל איך זיי פרעגען אויב מען רעדט פון 500 דירות וואס דאן פאלט אוועק אסאך פון די שאלות -אויף די קשיא ווער איז דאס "וועד הדירות", ענטפערסטו "פירט אן א סאטמארע אינגערמאן" איז דער וועד באשטייט פון איין יונגערמאן? - זיי מאכען פון אונז פורים? מען מאכט נישט קיין פורים, ווייל יעצט גייט זייןל"ג בעומר, בסך הכל וויל דער אינוועסטער זיך יעצט נישט אויסטיען פאר די גאס אין צייטונגען, אי"ה ווען עס וועט נוגע זיין - אויב עס וועט נוגע זיין- דאס הייסט, פארען געבן דאון פעמינטס, וועט עס יעדער וויסען יא, די ביסט גערעכט עס גייט זיין ל"ג בעומר, האסט מיך אפגעפרעגט... -אויף די קשיא וואספארא טראנספערטעשן איז דא?, זעה איך נישט קיין תשובה אזוי ווי אלע אפסטעיט שטעטליך האבן,{ מאנראו באס, אין מאנסי טרעליס וועלן זיך אדורוך קימען ווער  עס זאל באקימען די ראוט. באמת? זאג נאר האסטו אמאל געהערט ווי אזוי מאנסי טרעילס האט זיך אנגעהויבען? האסטו אמאל געהערט פון 'מזל' באסעס? אדרבה פרעג די ערשטע מאנסי איינווינער, אויף יעדע באס איז דא לפחות 60 פלעצער, די גאנצע געגנט גייט ארויף אויף דריי באסעס צוזאמען מיט די קינדער, און דערפאר וועלען זיי צושטעלען באסעס א גאנצע טאג? וואס נאך ווילסטע וויסען????   תוקן על ידי השר_מקוצי ב- 06/05/2008 23:38:23

משה איך וויל דיר קלאר מאכען אז איך רעד נישט אינעם נאמען פינעם וועד, זיי האבן מיר נישט אויטערייזט צי רעדן אין זייער נאמען, אין איך האב נישט געבעטן קיין רשות פין זיי צי רעדן אין זייער נאמען, איך בין נישט מער ווי צוויי מאל דארט געווען אין איך האף בקרוב צי געבן א אפליקאציע מיט 5000 טויזענט דאלער, פרעג מיר נישט אפ מיט זאכען וואס כ'האב דיר פריער געשריבען, ווייל כ'האב עס נאר געשריבען כדי זאלסט זען מיט דיינע אויגן אז די דראפעסט זיך אויף די גראדע ווענט, אדרבה טי וואס לעבעדיגער האט דיר גע'עצה'ט גיי ארויף אין אפיס רעדט מיט די פערסענאל דארט, זיי וועלן דיר גערן העלפן,

דרך אגב, איין זאך דארפסטע וויסען, יא, כל התחלות קשות פאר די ערשטע הינדערט פופציג מענטשן וועט אפשר זיין געוויסע שוועריקייטען, אבער זיי נישט קיין נער, זיי וועלן האבן א דאך איבערן קאפ, אויף א פערטעל עיקר פאר אינטער צוועלף הינדערט דאלער מארגיטש, נישט קיין דירה סריחה ווי אין ווילי וואס איז בשותפות מיט די מייז, וואס עס קאסט אין די אלף השיש, פארשטיי די חילוק, אויב נישט פרעג דיין ווייב

תוקן על ידי השר_מקוצי ב- 07/05/2008 0:44:44

לגבי די תלמוד תורה
האב איך געהערט אז זיי זוכן טאקע משפחות נאר פון די גאנץ קליינע כיתות לאמיר זאגן ביז כיתה ג-ד
און אויס ס'וועט נישט זיין קיין פולע כיתות וועט מ' (די ערשטע יאר) צוזאמשטעלן צוויי עידזשעס אזוי ווי אין קאנטערי

תוקן על ידי איציק_מיכל ב- 07/05/2008 0:40:22

משה, לידעתך. שר מקוצי איז נישט דער אפיס אויף ראטלידזש.

לגבי די טראנספאטעישן
א ווען וואלט שלעכט געווען פון אנפאנג?

פון קרית יואל קיין ב"פ איז יארן געווען נאר א ווען
אויך פון קרית יואל קיין מאנסי

טאמער וועט א 15 פעס, זיין צו גרויס וועט מען נוצען נאר א מיני ווען

לעבעדיגער, א דאנק פאר די אינפארמאציע

יעצט לאמיך רעדען אביסעל פון דיין שיינע מעשה, נאר איין טובה טיע מיר לאז מיין נערווען קראנקע ווייב ארויס דערפון [דער טאטע איז נישט רואיג, עס גייט אום שוין אויף די נערווען (פארן מאמען איז עס שוין געגאנגען א שטיק צייט צוריק..) ]

די שרייבסט א שיינע מעשה וואס ווען עס רעדט זיך נישט פון מיר וואלט איך אויך הנאה געהאט, אבער "נאכן איבער קלערן די זאך מיט מומחים און זיך דורכרעדענדיג מיט עסקנים האט ער זיך אריינגעליייגט אין די זאך" דאס איז וואס רעגט מיך דאס מערסטע, שרייב ארויס אפען "איך האב א גרויסע לאט אין איך טראכט אפשר וועט דאס גיט זיין פארן ציבור" האק נישט אין קאפ אריין מיט 'עסקנים' מיט א 'וועד'

שנית: די מינוט וואס איך האב געזעהען אז מען רעדט דא פין א פי אר קאמפיין - האב איך אנגעהויבען צו פרעגען קשיות, איך ווייס פשוט נישט וואס איז אמת אין וואס איז פי אר.

לסיכום: איך האב געזאגט איך גיי שווייגען ביז מארגען - שווייג איך ביז איך גיי אהין, א גיטע נאכט

די וועד ווערט אנגעפירט לויט ווי איך הער, פון העסגן הרב החסיד רבי דוד שטיינבערג ני"ו, וואס ווי יעדער ווייסט איז רבי דוד א מורא'דיגער עסקן נלהב וואאס איז ממש נישט דא זיין גלייכן.

רבי דוד האט פאריאר אנגעפירט די נייע מחנה רב טוב דסאטמאר ליווינגסטאן מענער, וואס האט געקלאפט ווי א זייגער און יעדער האט דאס באוואנדערט, ווי אזא ריזיגע קעמפ פון 800 קינדער זאל די ערשטע יאר אזוי קלאפן.

דאס זעלביגע דא אז רבי דוד שטייט בראש פונעם וועד וועט דאס זיין א מעכטיגער סוקסעס אי"ה.

משה הלוי

ווילסט ארויף לייגען א שלאס אויפן גאנצע קאנסעפט פון מארקעטינג? לייגען א שלאס אויף מעדיסאן עוו?

נו, משה, מיר ווארטן צו הערן פון אייך.

אויב זענט איר שוין דארט געווען דערציילט אינז אביסל וואס עס טוט זיך.

געווען - געזעהן - געהערט!

יא, איך בין היינט געווען אין דעם אפיס, איך בין דערווייל נישט קלאר אויף עטליכע ענינים, וואס איך האף מברר צו זיין אין די נעקסטע פאר טעג, דאס קען איך יא זאגען אז אסאך פון מיינע קשיות זענען פארענטפערט געווארען לטובה - אין עס קען זיין א געוואלדיגע פלאץ.

אבער דערווייל וועל איך שווייגען ביז איך האב מער פרטים

נא....

משה_הלוי
איך ווארט צו הערן פון דיר

איינער האט מיר געשיקט א לינק צו די היימישע קרעטשמע, דארט איז דא אביסעל מער אינפערמעישען וועגן די נייע שטעטל.

 http://heimishekretchme.com/viewtopic.php?t=4182&postdays=0&postorder=asc&start=60

תוקן על ידי האקאבו ב- 19/05/2008 0:15:33