רובין: דעם שבת שקלים בין איך געווען ביי א קידוש אין ביהמ"ד באבוב 48
האב איך געטראפן מיינס א ידיד, און געפרעגט וואס איז נייעס דא ?
ידיד: עס איז גרויסע בזיונות פאר אונז.
רובין: וואס איז געשעהן, וואס האט יעצט פאסירט ?
ידיד: עס שטעלט זיך יעצט ארויס אז לויט די חשבונות פון די חתימות, האבן לכל הפחות 31 פראצענט פון קהל באבוב אפען (בגלוי) אונטערגעשריבען אקעגען 48.
רובין: עטס ווערטס אפגעשראקען פון 31 פראצענט ?
ידיד: יא, געדענק, דאס זענען באבובער חסידים וועלכע האבן זיך געווייקט אין באבוב אלע יארן, און זיי האבן אן פחד און אן שרעק, נאר מיט שטאלץ, מיט זייערע האנט אפען געחתמעט.
און דערצו, איז דא נאך הונדערטער וואס מען האט נישט אריינגערעכנט אין די 31 פראצענט.
1) די אלע וואס וואוינען אין וויליאמבורג אדער מאנסי, ווי זיי האבן א גרעסערע ציבור פון אונז, האט מען נישט אריינגערעכנט.
2) די אלע יונגעלייט וואס האבן חתונה געהאט די לעצטע דריי יאר פון יב אדר תשס"ה, און זיי האבן מער פון אונז, האט מען אויך נישט גערעכענט.
3) און נאנט צו 200 אידען האבן נישט געחתמעט, און זיי זענען אוודאי נישט פון אונזערע.
און אפילו פון די חתימות פון אונזערע מענשטען זענען מיר אויך נישט זיכער מיט זיי, איך קען מענטשען וואס האבן דא געחתמעט פאר 48, אבער זיי זענען חסידים פון 45. אז עס וואלט געווען פארמאכטע חתימות וואלטן זיי געחתמעט פאר 45.
רובין: און ווי האלט עס מיט'ן דין תורה ?
ידיד: דער מצב איז, זיי האבן אפגעשניטן נאנט צו האלב פון באבוב, און אויפגעשטעלט א גרויסער חסידות דא אין בארא פארק, און איבער די וועלט בכל אתר ואתר. און דער דין תורה קען שוין גארנישט טוען אקעגען דעם.
רובין: און וואס איז מיט'ן נאמען באבוב ?
ידיד: ביי די שאלות פון דעם נאמען און נכסים האבן זיי נאך מערערע פראצענטן. און מיר ערווארטן פארלוסטן אויך ביי די נכסים און ביים נאמען.
רובין: איז וואס שמועסט דער עולם דא ?
ידיד: דער סך הכל איז, אז די גאנצע "חתימות פרשה" האט פאר אונז נישט געטויגט, אן די חתימות האבן מיר כסדר געשריגען, זיי האבן גארנישט און עס איז גארנישט, אז זיי זענען בלויז 15 – 18 פראצענט, און יעצט שטעלט זיך ארויס "אז זיי זענען א גוטע עטליכע פערציג פראצענט", און זיי האבן געוואונען די מערכה.