אחר הדברים האלה, צייט צו טוישן דעם סיסטעם!

אחר הדברים האלה, יעצט נאכדעם וואס דער קאמפף אין געריכט איז לכאורה פארטיג, און פארלוירענערהייט מוזן מיר צוקוקן מיט די אייגענע אויגן ווי 'אונזערע' בנינים, 'אונזער' פארמעגן, ווי 'אונז' האמיר אריינגעלייגט שווער אויסגעהארעוועטע געלטער מיט בלוט און שווייס גייט ענדגילטיג אריבער אין פרעמדע הענט, אין די הענט פון אונזערע שונאים. און דאס איז אלעס אדאנק די אייניגע יחידים המשטלתים על הציבור וועלכע האבן זיך מיט קיינעם נישט גערעכנט, און פאר זייער אייגענע כבוד ושררה האבן זיי קאמאנדעוועט אויף די הייליגע קהילה און אירע מעמבערס און בנינים, און אלעס גענומען צו זיי אין די הענט אריין.

אין אזא צייט ווי יעצט דארפן מיר מאכן א חשבון הנפש, מיר ברויכן אביסל אריינטראכטן, צו קען נישט די זעלבע זאך נאכאמאל פאסירן? צו קען זיך היסטאריע נישט איבערשפילן אין יארן ארום נאכאמאל??

לאמיר אריינטראכטן, מיר געבן שווערע געלטער איבעראל זיך צו בויען, פשוטע אידן געבן טויזנטער דאללארן צו בויען מוסדות אין וויליאמסבורג, פאר די מוסדות אין מאנסי, מען גיבט כסדר געלט פאר די מוסדות אין קרית יואל, פאר די מוסדות אין בארא פארק, און פאר די מוסדות איבעראל אין די גאנצע וועלט. אזוי אויך צאלן מיר אלע מעמבערשיפ פאר די קהילה, און מיר זענען א חלק פון די קהילה.

יעצט איז די פראגע זענען מיר פראטעקטעט? איז אונזער געלט פארזיכערט? טויזנטער אידן האבן געגעבן שווערע געלטער פארן נייעם בית המדרש אין וויליאמסבורג אויף ראסס סט., האבן מיר עפעס דערפון? ניין! אונזערע שונאים, די וואס האבן געלאכט פון אונז דעמאלטס, די וואס האבן חוזק געמאכט פון אונז דעמאלטס, זיי וועלן זיך באזעצן אויף 'אונזערע' פלעצער און זיך ברייט באקוועם מאכן אין 'אונזער' ביהמ"ד!

איז דא עפעס וואס גאראנטירט אונז אז אין די מוסדות ווי 'אונזער' געלט ווערט יעצט אינוועסטירט וועט ווערן גענוצט פאר 'אונזערע' אייניקלעך???! איז דא עפעס א גאראנטיע אז די בתי מדרשים ווי 'אונזער' געלט ווערט יעצט אריינגעלייגט וועט ווערן גענוצט דורך 'אונזערע' אייניקלעך??! ווער פארזיכערט אונז אז די נייע חכמים עומדים בראש וועלן נישט קענען טון מיט אונז די זעלבע וואס משה פריעדמאן האט מיט אונז געטון?!!

איז נישט די העכסטע צייט צו טוישן דעם סיסטעם?!

רביה"ק דער בעל דברי יואל זצוק"ל האט מייסד געווען די קהילה קדושה און האט אראפגעשטעלט שטאטוטן וויאזוי די קהילה זאל זיך פירן, למעשה איז די קהילה 'נישט' געפירט געווארן די אלע יארן לויט די שטאטוטן נאר לויט די אינטערעסן פון יחידים, און 'דאס' האט געפירט צו דעם חורבן אין וואס מיר שטייען יעצט!

למעשה יעצט נאך דעם פסק זענען מיר אויסגעשטעלט צום זעלבן חורבן אינעם עתיד! אויב מיר וועלן נישט מאכן קיין טויש אינעם סיסטעם לאדענען מיר היסטאריע זיך איבערצושפילן! עס דארף אראפגעשטעלט ווערן שטארקע יסודות עפ"י תורה ועפ"י געזעץ וואס זאל פארזיכערן אז 'אונזער' קהילה נאה וחסידה, און 'אונזערע' מוסדות הקדושים, בכל מקומות מושבותיהם, זאל פארבלייבן 'אונזער', עס זאל שטענדיג פארבלייבן אין די הענט פון 'רוב ציבור'!

לאמיר נישט ווערן פארשוועמט פון 'געפילן', לאמיר טראכטן 'שכל'!

_________________

100%גערעכט

די ערשטע זאך איז פרישע וואלן (עס איז שוין יארן נישט געווען קיין וואלן) ביז יעצט איז געווען א גוטע תירוץ אז מ'האלט אינמיטן די קאורט

אוודאי די קהלה לייט וואס האבן ביז יעצט געטיען דארף מען מחזק זיין

אבער אויב וויל מען זיך פאראויסריקען מיז מען אריינעמען אסאך פרישע ענגערישע מענשטן
ן
וויאזוי האסטו נאר פריער געשריבן
רביה"ק דער בעל דברי יואל זצוק"ל האט מייסד געווען די קהילה קדושה און האט אראפגעשטעלט שטאטוטן וויאזוי די קהילה זאל זיך פירן,

אין לנו אלא דברי בן עמרם

לכו חזו מפעלות א-קים . יעצט קען מען זעהן אז א מענטש אפילו א קהילה און אפילו א היינטיגער רבי קען גארנישט טון אליין. נאר אלעס ווערט געפירט פון אויבען.
יעצט אחי ורעי אהובי עליון. מען דארף זיך אפלערנען א מוסר השכל פון דעם וואס איז געשעהן .
אז טאמער איינער טעראריזירט יודען (אפילו מען נעמט זיך פארן טאטענס כבוד וכדומה) סוף כל סוף זעהט ער זיך מיט א סאך שונאים. עס איז נישט נאר די יחידים המשתלטים על הציבור עס איז אויך דא אונטער זיי הונדערטער שונאים וואס יעדער האט זיך זיין חשבון וויאזוי מען האט עהם אדער זיין חבר וויי געטון אדער באעוועלט.

ווייל ווען נישט אפילו די משלטים וואלטן גערודערט . וואלט זיי דאך קיינער נישט אויסגעהערט.


דאס זעלבע היסטאריע גייט זיך טאקע זיכער איבערחאזערן ... לעת עתה איז דאס נאר אויף היידפארק אבער פריער אדער שפעטער וועט דאס אי"ה זיין א ווירקליכקייט.

זאגען מיר דא צו רז"ל און זיין פארטיי. אם בדרכי תלך ואם את משמרתי תשמור וגו' וגם תשמור את חצרי (נישט נאר מקרב זיין דעם טאטענס שונאים . און מרחק זיין זיינע גוטע פריינט) נאר אויב מקרב זיין דעמאלס יעדען מקרב זיין ודו"ק.
ונתתי לך מהלכים בין העומדים האלה(זכריה ג פסוק ז') כה אמר ד' צבקות אני לקחתיך מאחר הצאן(ביסט געווען אונטען. ביסט ארויף געקומען אויבן) להיות נגיד על עמי על ישראל ועשיתי לך שם גדול כשם הגדולים אשר בארץ (וויא די אמאליגע צדיקים וואס זיי זענען שוין באהאלטן) זאגט דער מלבי"ם אבער נאר בתנאי כפול. אז דו וועסט קיין שום יוד נישט וויי טון.

אבער ח"ו אם יעזבו תורתי ופקדתי בשבט פשעם ח"ו.
אויב טעראר וועט ווייטער אנגיין וועט דאס זעלבע געשען מיט דיר.

יעצט לשיטתך אז דו האסט געזעהן וואס איז געשען מיט דיין ברודער . ער האט לשיטתך פארשטינקענע פיש געגעסן און ארויס פון די שטאט. און הערשט קען ער נאך האבען פראבלעמען אפילו אין קרית יואל
זאג איך דיר די ווערטער פון רש"י אנפאנג פרשת אחרי מות אזוי וויא דער צווייטער דאקטאר שלא תמות כדרך שמת פלוני
דו האסט דאך שוין געהאט פון וועם זיך צו לערנען.
יעצט כרוזא קרא בחיל . וועסטו אויסלערנען דיין ציבור אפילו דו משוגעים און רשעים צו זיין ארענטליך און נישט פארדרייען א קאפ פאר אנדערע יודען וואס זענען נישט סרים למשמעתך. זיי באלאנגען צו א אנדערע קהלה.(רעד נישט איין קיינעם אז דו מיינסט דעם רבינס כבוד ווייל עס וועט גארנישט העלפן וד"ל)  
 האסט טאקע לכאורה לויטן קארט געווינען סאטמאר אין וויליאמסבורג.

אבער וויליאמסבורגער  האסטו דאך נישט געווינען. פאפא איז נישט דיין ווין איז נישט דיין. און אלע קהילות און סתם יודען באלאנגען דאך נישט צו דיר.
און אז דו וועסט  אויפהערן מיט די פינסטערע העצערישע דרשות של דופי. פון אני ואפסי. אז איך(אדער סאטמאר)  וויל משתלט זיין אויף די גאס. און מיט העעצן אין דיין טמאנעם צייטונג(פאשקעוויל) קעגן יודישע קינדער שומרי תורה ומצוות.

וועט דיר זיין גוט ונאמן ביתך וממלכך.

אז נישט וועט דיר זיין דאס זעלבע עס וועט ווערן  א אויפשטאנד מכם ובכם און טויזענטער יודען וואס ווערען יעצט טעראריזירט דורך דיינע הינט י ב ט וכדומה. וועלן זייך פרייען . אשרי המחכה ויגיע.


עס וועט נישט העלפן אלע נארישע תירוצים . אז הלל איז דערשולד אבער א צווייטער . אדער עס האט נישט מיט מיר אלע תירוצים של הבל ופאני.. די גמרא זאגט אין מס' שבת. פרתו של רבי אלעזר בן עזרי' . און אין חגיגה זאגט די גמרא על הכל יביא א-קים במשפט על כל נעלם אפילו הרק בפני חבירו. און אפילו ער שרייט אז ער מיינט לשם שמים.
ראה הזהרנוך.
פאר תשנ"ט האט די קרית יואל פארטיי נישט געגלייבט אז עס קען אזוינס געשען. אל תאמר דבר שאי אפשר להשמע . שסופו להשמע. כי לא לעולם חוסן
זעסט דאך וויא סאטמאר און ספינקא איז געווארן איינס. אדער מונקאטש און סאטמאר. אדער בעלזא מיט מונקאטש וואס עס איז געווען א חרם פון מונקאטש קעגען בעלז.

זעסט דאך דער היינטיגער בעלזער רבי וויל שוין שלום מאכען מיט אלע וואס ער האט געהאט צוטון מאכנובקא אדער עדה החרדית
איך ווייס אז אלע מיינע ווערטער וועט גארנישט העלפן ווייל יעצט זיצט דו דאך אויפן בענקל. אבער אמאל ווען דער בראך וועט קומען. און עס וועט זיכער קומען ווייל טויזענטער יודען וואס ווערן גערודפט דורך דיינע בחורים און יונגעלייט ווארטן אויפן טאג פון דיין בראך בקרוב.  דעמאלס וועלען היסטאריקער זיך דערמאנען וואס דא איז פארגעגאנגן.

און מען וועט פונקט אזוי פארשטיין פארוואס דאס איז געשען אזוי וויא דאס איז יעצט געשען קען מען אויך פארשטיין.  אזוי ווועט אי"ה דאס דעמאלס אויך געשעהן.

עבד עברי

דיין שטותים מיט הבלים וואס די רעדסט דא צאם פארלאנגט זיך ניטאמאל אן ענטפער

לכבוד הסופר הותיק המכנה עצמו בשם גיור נ"י

. קודם כל ווארט איך נישט אויף קיין ענטפער. איך האב נאר געזאגט דבריים כהווייתן

צווייטענס. דו מיינסט אז יעדער איז א ערענסטער מענטש אזוי וויא דו. ממילא זענען זיי נישט אינטערסירט אויף שטותים מיט הבלים.  רוב מענטשען ליגען אין שטותים מיט הבלים . און זיי זענען ביזי מיט יענעמס חטאים . צו זיי האב איך געשריבען מיינע ווערטער.

ועל השלישית לו אשיבנה. ווייל דו ביסט גערעגט ? לאזטו אויס דיין כעס אויף מיר בחנם? איך האב דיר דאך גארנישט געטון . דו האסט דיין מיינונג . און איך האב מיין מיינונג. אויף דעם זענען מיר דא צו דעבאטירן. ובפרט איך בין גארנישט מחולק מיט דיר בכלל. אלע דיינע ביז יעצטיגע תגובות זענען דאך נארמאלע תגובות. נו! פארוואס ביסטו היינט אזוי אין כעס.


כבר היה לעולמים. הונדערטער מאל אזעלכע זאכען. קודם כל גלייך ביים חורבן בית מקדשינו ותפארתינו. לא האמינו כל יושבי תבל ושוכני ארץ כי יבא צר ואויב בשערי ירושלים.
א בית המקדש וואס אונדז האבען מיר אויפגעשטעלט מיט מילליאנען דאללערן בכסף וזהב. איז געקומען טיטוס הרשע ואדריאנוס קיסר. און אוועקגערויבט פון אונדז מיטן כח פונעם דעמאלסדיגן קאורט סיסטעם . און זיי האבען זיך דארטן באזעצט . און אונדז גייען מיר זייט דעמאלס נע ונד. וואס האבען מיר דעמאלס געזאגט. שפחה תירש גבירתה  
ב"ה יודען זענען געבליבן. דער קרייז פון די סאטמארע קרית יואל חסידים זענען זייער שיין געטריי און איבעגעגעבן ב"ה. בליעה"ר ביי די חתונה און ביי די שבע ברכות זענען געווען נאר אנשי שלומנו. וזר לא נתערב בשמחתינו. נישט קיין קוקערס און קיין להכעיסניקעס. נאר אייגענע גוטע פריינט כאיש אחד בלב אחד. און ב"ה אלע רבנים אויסער די פעיראלל רבנים זענען אלע געקומען. אפילו דער תולדות אהרן רבי. אדער רבי בערל כץ אדער הגאון הגדול מקארלסבורג וכדומה.

און דעם שקר פון די צווייטע פארטיי פון וויליאמסבורג זעסטו דאך יעצט אפען וויא זיי זענען גרייט צו פארקויפן די גאנצע תורה פאר א נזיד עדשים אזוי וויא עשיו הרשע. זיי רופן לערכאות א מקוה יוד וועגען א פאר טאלער. מיט טויזענט פאלשע היתירים. אני ואפסי איך מעג יענער טאר נישט. . אפילו די מקוה וואלט ח"ו פסול געווען וואלט זיי אויך אנגעגאנגען אין די לינקע פאה. .
 
אפילו צום ציוניסטישען ערכאות האבען זיי  גערופן וואס לשיטת סאטמאר גרענעצט זיך דאס מיט יהרג ואל יעבור.

זייער אייגענער דיין פון סאוט 8 טאמער ער טאנצט נישט מיט ... מיט זייער ערכאות האבען זיי עהם מבזה געווען בריש גלי. בכלומערשט האבען זיי עהם געגעבן ברכה סימא מאי שנא פארוואס דארט מעג מען יא עולה זיין. ?  ברוך א-לקינו שבראנו לכבודו והבדילנו מן התועים ונתן לנו תורת אמת

גולה אחר גולה גלתה יהודה כולה . והשב שבות אהלי יעקב והושיענו למען שמך.

עבד עברי, ס'פאסט נישט. אז דו ביזט א זאלי בלייב א זאלי, פארוואס קומסטו שפילן אהרוני? דיינע ווערטער שרייען אז דו ביזט א זאלי. דו מוזט זיך נישט מאכן פאר קיין אהרוני אפילו דו שטיצט דעם עירוב און דו רעדטסט זיך איין אז די אהרונים שטיצן עס אויך.

צווייטנ'ס, פארוואס פארדרייסטו די טעמע פונעם אשכול? גיי געב ארויס דיינע בויך קוועטשענישן דארט וואו ס'קומט אריין.

לפותח האשכול, אדרבא, וויאזוי האלטסטו אז דאס קען פאסירן?

לכבוד ידידי געגאנגען נ"י.

אז דו ווילסט אז מען זאל נאר רעדן פון נארמאל טוישן דעם סיסטעם.

וועל איך דיר דערציילן. אז אין קראון הייטס פאר יארן צוריק האט דער קערעסטירער רבי זצ"ל אביו של הרה"צ רבי ישעי' גרויס שליט"א אדמו"ר מקערעסטיר וויליאמסבורג. געהאט א ביהמ"ד מיט א מקווה מיט שיינע דירות אין א ריזיגע הויז 711 איסטערן פארקוועי. קעגען איבער ליובאוויטש. . דער ליובאוויטשער רבי פלעגט אנפאנג צייטן אליינס גיין אויך אין די מקוה.  עס איז דארט געווען א משב"ק יענקעלע. איינמאל האט ער בשתיקה איבערגעשריבען דאס הויז מיטן ביהמ"ד אויף זיין נאמען און געאוטארייזט אז עס איז פארגעקומען וואלן און ער איז געווארן פרעזידענט און ער האט געהאט א רעכט צו שרייבען דאס הויז אויף וועמענס נאמען ער וויל

ווען מען האט זיך געכאפט און מען איז געגאנגן אין קאורט .נאך אלע שלעפערייען און לויער געלט האט דער יענקעלע געווינען און מען האט די גאנצע קערעסטירע משפחה ארויסגעווארפן פון זייער אייגען בית המדרש און הויז..  מען קען קיינמאל נישט וויסען מה יולד יום
אזוי וויא בערך סאטמאר אין מאנסי האט געמאכט א אינוואזיע אויפן בית המדרש חרדים.
און קיוויאשד אין וויליאמסבורג האט געמאכט א אינוואזיע אויף קיוויאשדער בית המדרש אין פען סטריט.

דוד המלך זאגט אין תהלים מזמור לאסף באו גויים נחלתך. פרעגט די הייליגע גמרא . היתכן עס שטייט מזמור לאסף. דאס בית המקדש ווערט אוועקגעגאנבעט און ווערט ל"ע פארברענט פארוואס זינגט אסף?
קינה לאסף מיבעי לי' ? אסף וואלט געדארפט וויינען און זאגען קינות.   ענטפערט די גמרא
ער האט זיך געפרייט . ווייל שפך חמתו על עצים ואבנים.  די שטראף איז נאר געקומען אויף די עצים ואבנים פון בית המקדש.  אבי די יודען זענען געבליבן . נישט אזוי וויא ביים לעצטן חורבן  תרצ"ט  תש"ד רח"ל וואס "כי אכל את יעקב ואת נווהו השמו" מען האט פארברענט טויזענטער הערליכע בתי מדרשים מיט ישיבות  (נווהו איז טייטש די שיינע בתי מדרשים)  און אויך כי אכל את יעקב מען האט נעבעך די יודען אויך פארברענט אבער דא ב"ה איז נאר שפך חמתו על עצים ואבנים.
זאל ער זיך האלטן מיט די עצים ואבנים אבי די יודען זענען נישט זיין.

אפילו דער מלך סדום האט פארשטאנען און געזאגט פאר אברהם אבינו ע"ה "תן לי הנפש" ענדערש געב מיר די חסידים "והרכוש קח לך" האלט דיך מיט די בניינים.  האט עהם אברהם רבינו גענטפערט "  ח"ו" מענטשען נפשות זאלען בלייבן בי מיר . און אז איך קען נישט ערלעדיגן די רכוש . דעמאלס  זאל ענדערש בלייבן די רכוש ביי דיר "

דו שרייבסט אז איך רעד מיך איין אז די אהרונים שטיצען דעם דעם עירוב.

באמת איז מיר און רוב תושבי וויליאמסבורג כמעט נישט קיין נפ"מ צו דער רבי (סאטמאר קרית יואל) האלט פונעם עירוב אדער נישט. ב"ה עס איז דא רבנים גדולי עולם וואס זענען עס מחזק ואטו כי רוכלא . הגאון ר' פישל. והגאון הישיש מאודווארי. הגאון ר"י ראטה מקארלסבורג. הגאון רח"ל כץ מסערדאהעלי. הגאון מיאקא. ולהבחל"ח הגה"צ נוחי עדן מייסדי היישוב מפאפא. מווין ר"י שטייף. רחמ"ד ווייסמאנדל. מאראד. מסאמבאטהעלי. משטשאקעוו. משארמאש. ממאזשוי. מהר"י מאשכנזי בשם רבה"ק מסאטמאר . זכר כולם לברכה. פון די אלע איז דא געשריבענע ברייוון בכתב יד קדשם אין ספר אוצרות ירושלים.
ומי שמשתמש בהעירוב יש לו ב"ה על מי לסמוך. חאטשיג נאך וויא אויף די מקוה (ירחצו ידיהם על ראש החלל) און חאטשיג נאך וויא אויפן בוטשער ממליחה ואילך וכדומה. .
 
( און ער קען זיך אויך פארלאזן אויף די צוואנציג יאר ווען מען האט זיך נאך געמעגט משתמש זיין מיטן ראדני עירוב חאטשיג עס איז פתוח צו לי עווע. און צו בעדפארד (וואס לשוטתם איז עס א רה"ר דאורייתא) .
נאר וואס דען דעתי איז יותר נוטה צו די שיטה פון הרבי מסאטמאר קרית יואל ווייל ער האט בפירוש געזאגט דעת תורה מיט נארמאלשאפט.אז קיינער זאל דעם צווייטן נישט נאכשרייען (עיין תוס' ריש יבמות אז מען זאל מעגן נאר חתונה האבען מיט אשת אחיו איינמאל יא און נישט עיי"ש זאגט תוספות. אז טאמער מען זעהט משוגעת קען עס נישט זיין אז דאס איז תורה. ווייל דרכיה דרכי נועם.אונזער תורה איז נישט געשטעלט מצער צו זיין יודען ...לעונג ניתנה ולא לצער)

אלע(רובם ככולם)  וואס דרייען זיך ביי רז"ל פארטיי איז נאר ווייל זיי ווילען איינרעדן די גאס אז מען גייט שוין בדרכי נועם. זיי האבען עפעס חשבונות מיטן רבין (קר"י) .וועגען דעם קום איך דא אויף היידפארק  מגלה זיין פני הלוט וואס יעדער ווייס ממילא . אז להד"ם לא היה דברים מעולם. . יעצט איז נאר ער דער טעראריסט . הוא ואין בלתו.

ווען נחום האט נאך נישט געהאט קיין האט ליין. פלעגט ער כסדר אויסשיקן בריוון צו אלע רבנים .(מען קען זעהן די בריוון אויף 613אינטערנעט)  האט ר' הלל הידוע . געזאגט פאר רז"ל . דער רבי מוז עפעס טון ווייל דער נחום מאכט חרוב דאס יודישקייט . האט רז"ל גענטפערט. ווער הייסט דיר לייענען וואס נחום שיקט? האט ר הלל געזאגט . מען באקומט דאך עס אויף די פאסט. האט רז"ל גענטפערט. אזוי וויא זעה אז עס קומט פון נחום צורייס איך עס עס אינטערסירט מיך נישט וואס ער האט צוזאגען ! והמבין יבין.    
אז א מענטש האט נישט קיין געפיל איז ער בבחינה והגבעונים לא מבני ישראל המה. (סימן יש באומה זו) 
די נאכט וואס זיין ברודער און להבחל"ח זיין שוועסטער ע"ה מאכען חתונה זייערע אייניקלעך און ער דרייט זיך מיטן א היט פרעך. ווייזט ער ארויס אז ער איז טאקע א בעל מדות (כדברי רח"ו על הפסוק גבי מרגלים "אנשי מדות")  אזוי וויא דער הייליגער ראפשיצער רב זי"ע האט געזאגט. רירט עהם נאר אהן דעם עק בעקיטשע וועט איר זעהן צו ער איז א בעל מדות.
א וודאי וועט ער זיינע שמד שטיק אריינלייגען אין די תורה. לא חרבה ירושלים אלא על שהעמידו דבריהם על דין תורה. אלעס האבן זיי געזאגט אז דאס איז די תורה.

ער האט ברבים ארויסגעוויזן אז זיין טאטענס ווערטער איז גארנישט מיט גארנישט. נו! ואס קען א בחור קלערען . אז וואס דער ברך משה האט געזאגט מיינט גארנישט. דעמאלס מסתם וואס דער דברי יואל ויואל משה זאגט. איז אויך גארנישט.
ביי די פרשה פון עירוב האט די גאס אפען געזעהן. אז נישט וועגען דעם איז סאטמאר ברוגז אויף די ציונים . ווייל דאס האט צו טאן מיט אמונה. נאר פשוט אז איינער זאגט אנדערש וויא זיי דארף מען עהם רודפן. דבר שהיה בכלל ויצא מן הכלל לא ללמד על עצמו יצא אלא על הכלל כולו יצא. און  דאס האט ב"ה מורינו ר"א ממתיק געווען. און האט געוויזן אז לאו דוקא ... נישט יעדער וואס טוט אנדערש וויא אונדז איז אפיקורס און מען דארף עהם רודפן.
נאר דער וואס צוברעכט און האקט אויף אונדז דאס איז שוין עפעס אנדערש. דאס וואלט רבינו הקדוש זי"ע אויך נישט צוגעלזאגט כמובן.
ווער ווייס דען נישט אז איינמאל האט הגאון הקדוש רבי שאול בראך זי"ע מסדר קידושין געווען אויף א פלאץ וויא דער מנחת אלעזר האט געהאט רשות. האט דער מנחת אלעזר עהם רח"ל געשאלטן בגידופין נוראים. (אין רצוני לכתוב הדיבורים) 
  דאס האט נישט געהאט צו טון מיט ציונות. ווייל רבי שאול בראך(זיידע פון רבי בערל פ"מ נ"י) רבו המובהק פון קאשויער רב הגה"צ רבי רפאל זי"ע)   איז נאך געווען אזא קנאי וויא דער מנחת אלעזר. אבער דאס נעמט נישט אראפ ח"ו פון די קדושה און צדקות און גאונות פונעם הייליגען מנחת אלעזר זי"ע וואס ער איז געווען א רשכבה"ג באמת כגובה ארזים גובהו בנגלה ובנסתר. . ווייל אזוי וויא יענער האט אנגעגריפן איז די זאך אנדערש כמובן.

משא"כ סתם צו באפאלן מענטשען וואס טוען אנדערש וויא רז"ל פארטיי וויל . דאס איז פרעך און שחץ און אני ואפסי. עס ווייזט וואסערע בעל מדות ער איז מיט זיינע מענטשען. און עס ברענגט ארויס געפילן אז די גאנצע טעם וואס רבה"ק האט גערודפט די פרומע ציונים איז אויך נאר ווייל זיי זאגען אנדערש וויא ער .
א בחור פרעגט מיך אזוי.    אלע יארן האב איך געוויסט אז אונזער רבי דער ברך משה . זיינע ווערטער האבען עפעס געמיינט . יעצט נאכן הספד אויף מהר"א לייטנער ז"ל זעה איך אז זיינע ווערטער זענען גארנישט. איז מסתם דאס וואס ער האט געהאקט אויפן בעלזער אויך גארנישט ווייל עס איז נאר געווען סטריקלי ביזנעס וועגען הכשרים. והא ראי ביי די הנחת אבן הפינה אין ארץ ישראל האט באשיינט הרב שך . א ציוני ממש. און אויך הרב אויערבאך א תלמיד פון הרב קוק. .

דעמאלס האט מיך דער בחור געפרעגט קומט אויס אז דעם ויואל משהס ווערטער זענען אויך גארנישט . נו! וואס האט מען טענות דוקא צו רבי א. אז ער האט אויפגענומען דעם ערלויער וואס איז מתנחל און א עכטער ציוניסט. נו! וואס איז יא דער אמת.???

און צו דעם פותח האשכול וואס דו האסט טענות אז דאס באלאנגט נישט אהער . באמת באלאנגט דאס אין יעדעס שטיקעל ווייל דאס איז איין קייט פון שנאת ע"ה לת"ח. זיי קענען נישט צוצוקען אז זיי זענען געבליבן נאר מיט בניינים אבער חסידים שמעקן און ווייסן דעם אמת. ב"ה.

עס איז געווען עטליכע חסידים אין די שטאט מאדע אין אונגארן    .און דער שוחט פון וועם די גאנצע שטאט האבען געגעסען איז נישט גוט געווען פאר די חסידים זיי האבען זיך גענומען א אייגענעם שוחט (קר"י שחיטה בדרך הלצה)
דער רב האט נישט פארשטאנען וואס איז שלעכט מיט דעם שוחט.  שפעטער האט מען געכאפט דעם שוחט רח"ל בתוך עלמות תופפות . האט דער רב געהאלטן א דרשה און געזאגט ברבים.. יעצט זעה איך אז חסידים האבען א שמעק און זיי וייסען ווער עס איז יא און ווער עס איז נישט.

אזוי דא ביי אונדז אויך.  ב"ה חוץ די פעיראלל רבנים..  אלע רבנים און אדמורי"ם בין בארץ בין בחו"ל . זקני החסידים האמיתיים. ואטו כי רוכלא. רבי יוסף יושע גראס. רבי שמואל בראך. רבי יקותיאל הערש. רבי מרדכי גאנז. רבי וואלף גליק. רבי מאיר שטיין. רבי יצחק גוטמאן אביו של רבי חיים קלמן. רבי שמואל אבערלענדער. רבי זכרי' ברונער. רבי זלמן ליכטמאן. רבי יוסף חיים גרינוואלד. רבי שמעי גרינבוים. רבי יונה ראטה. רבי חיים אלטר. רבי שמשון ראאב.
די אלע זענען נישט איינגעשטעלטע. ווייל פון איינגעשטעלטע איז קיין שום ראי' כמובן. (כעין מה שכתבו הפוסקים שדעת הרא"ש ובנו הטור ותלמידו רבינו ירוחם ושאר ...הם נחשבים רק כדעה אחת לפי שהם כפופים לו.) (להבדיל בין הראשונים צווישן די היינטיגע)
א פרוי פון א עם הארץ האט ביים סדר ווען מען האט געזאגט אין די הגדה "מעשה ברבי אליעזר ורבי יושע ורבי טרפון ורבי עקיבא" האט זי  געמיינט אז דאס איז די מכות.  האט זי אראפגעגאסען וויין פונעם בעכער . האט דער מאן געפרעגט וואס טוסטו??  האט זי געזאגט אז דאס איז דאך די מכות ווען מען דארף גיסן וויין.  האט ער געשריגען ! געוואלד! דאס איז דאך רבנים!    ווען עס איז שפעטער געקומען צו די מכות  "דם . צפרדע. כינים ." וכדומה האט די פרוי שוין מורא געהאט צו גיסן. האט איר דער מאן געפרעגט. פארוואס גיסטו נישט וויין?  האט זי גענטפערט אז דאס איז דאך רבנים!!! האט ער גענטפערט.  ניין!  די פריערדיגע זענען טאקע געווען רבנים!! אדער די יעצטיגע זענען שוין מכות!!!

אבער מה דאך מה דאך ! מכ"ש מכ"ש ! מה דאך אמאל איז א איינגעשטעלטער נישט געווען גערעכענט כ"ש היינט. וד"ל
ברוך א-לקינו שבראנו לכבודו והבדילנו מן התועים ונתן לנו תורת אמת.

עבדעברי

הגם בדרך כלל ביסטו קרעדעיבל אבער מיט די קרערעסטירער מעשה האסטו נישט קיין הענט אין פוס

יענער האט נישט איבערגעפירט גארנישט אויף זיין נאמען, ער האט פשוט נישט געוואלט ארויסמופען פון דארט ווען זיי האבען געוואלט פארקויפען דעם בנין, ווייל ער האט אלעמאל געפריט דעם בית מדרש. אבער זיי זענען געגאנגען אין קאורט אין אים ארויסגעווארפן.

אין ער האט געמופט קיין בארא פארק.

ב"ה אז די זאך איז פארטיג. מיט דעם האט זיך געשלאסן א תקופה פון אויסגעבן מיליאנען פאר די קאורטס.

ר' אהרן מ'סאטמאר איז א בעסערער פירער, און מיט בעסערע טאלאנטן צו זיין רבי ווי זיין ברודער ר' זלמן לייב.

אבער ער קען נישט זיין אליינס. ער האט געמוזט האבן א קאמפעטישען וואס דא איז אים זיין יונגערע ברודער געקומען צו הילף. אן אים, איז ער דאס ערגסטע וואס נאר שייך.

טויזנטער! בלי גוזמא זענען דורך זיינע מענטשן טעראריזירט געווארן. מוז נישט זיין אז עס איז אויסגעפירט געווארן מיט זיין פערזענליכע שליחות. א פאקט איז אז די אלע חסידים פון ר' ז"ל זענען זיינע געשוואוירענע שונאים, און דאס קומט נישט איבערנאכט. דאס איז הארעוואניע פון יארן שווערע ארבעט.

פארשטענדליך, אז צורויבן מיליאנען דאלער'ס נכסים איז נישטא קיין שום רעכט.

מה' יצא הדבר, אז דוקא זיי האבן געווינען, און עס איז זיכער לטובה פון אלעמען.

תוקן על ידי הערשעל ב- 21/11/2007 19:12:27

וואס איז די מעשה מיט די אלע בני יואלס וואס האבן זיך אריינגעצויגן אין אונזער פארום, עבד עברי, השר מקוצי, הערשעל און קליינע קאפ.

ערשטנס, סטעמפל נישט אפ קיין מענטשן. גאנץ מעגליך אז דו ביסט זיך טועה.

שנית, לייען גוט מיינע ווערטער. איך האלט אז ר' אהרן איז זייער פאסיג צו זיין רבי, ער איז מלא מעלות, חוץ איין גראבע חסרון אז זיינע מענטשן האבן געוועלטיגט מיט א אייזערנע שפיציגע פויסט קעגן אנדערע מענטשן.

ועוד בה שלישית, אז דארפסט זיך פרייען אז דער פארום ווערט נייטראל מיט אנדערע מיינונגען ווי דיר.

_________________

הערשעל שרייבט צודערזאך מען מוז האבן א קאנקורענט אז נישט טוט מען מיט'ן עולם וואס מ'וויל

געגאנגען כתב: [בילד – נישט אפגעהיט] לפותח האשכול, אדרבא, וויאזוי האלטסטו אז דאס קען פאסירן?

דאס איז טאקע מן הסתם א גאר שווערע מערכה, אבער אויסדריקליך נישט אוממעגליך.

ס'איז זיכער אז אזוינס אויסצוארבייטן דארף מען אריינלייגן קאפ, כח און מח, אבער אויב מיינט מען עס ערנסט קען זיך עס אויסארבייטן.

וויאזוי מען קען דאס דורכפירן?

נמנו אנשים חכמים ונבונים, אנשי חיל יראי אלקים, אנשי אמת שונאי בצע. מ'שטעלט צוזאם אזא קאמיטע פון דיינים מיט א דעת תורה און אנשים חשובים מיט א דעת בעל הבית, עלטערע און יונגערע. און מ'זעצט זיך אראפ און מ'ארבעט אויס שטארקע יסודות'דיגע און קלארע שטאטוטן וויאזוי די קהילה זאל זיך פון היינט און וויטער פירן און אנגיין. ביז ווי ווייט וועמענס כח גייט יא און ווי ווייט נישט.

וועמען? איך וועל געבן א משל. אין קרית יואל איז דא א ביד"ץ פאר חושן משפט, דארט זיצן יונגעלייט דיינים, ערנסטע און קלוגע בעלי דעת, וועלכע פארשטייען דעם דעת תורה און אפילו מיט א בעל הבית'ישן בליק. אז מען שטעלט צוזאם א קאמיסיע פון אזאלכע דיינים ווי זיי, (נישט קיין פעיראלל דיינים), צוזאמען מיט ערנסטע בעלי בתים עקזיסטירנדע ראשי קהילה וועלכע קענען די תהלוכי הקהילה, ווי אויך סתם בעלי בתים חשובים וועלכע פארשטייען 'אונז' די 'בני הקהילה', קען מען אויסארבעטן שטארקע קלארע און ווירקזאמע יסודות צו פרובירן בעזה"ש צו פארזיכערן אונזער עתיד.

ס'איז שווער צו זאגן אויף איין פיס 'וואספארא' תקנות מען דארף מתקן זיין, און 'וויאזוי' דאס אהערצושטעלן. אבער די איין זאך איז גענוג אנצואווייזן, אז 'וואלן' מוז פארקומען יעדע פאר יאר, 'וואלן' איז אן אומבאשרייבליכער כח, און ווען עס איז נישט דא קיין וואלן איז דאס אן אומבאשרייבליכער חורבן, און די גרעסטע עוולה וואס איז נאר דא.

ווען סיי ווער ביים שפיץ ווייסט אז ס'וועט קומען א טאג פון 'וואלן', א טאג וואס אויב 'אונז' זעמיר נישט צופרידן פון די ארבעט וואס ער טוט וועט מען אים אראפשטעלן, דעמאלטס איז דא אסאך מער שאנסן אז ער וועט זיך אנשטרענגען צו טון דאס בעסטע לטובתינו, פאר 'אונזער' טובה און פאר די טובה פון די קהילה, נישט נאר פאר זיין אייגענע טובה.

עס קען אויסקוקן ווי חלומות, און עס איז זייער מעגליך אז עס איז חלומות, אבער נישט וועגן ס'איז נישט מעגליך דורכצופירן. מיר האבן א כח! יא, 'אונז' די מעמבערס האבן א כח, 'אונז' די פשוטע אידן האבן א שטארקן כח! ווייל 'אונז' זעמיר די וואס גיבן געלט, 'אונז' זעמיר די וואס זענען מנדב געלט אויפצוהאלטן די קהילה און בתי מדרשים, 'אונז' זעמיר די וואס זענען מנדב געלט אויפצוהאלטן און אויפצושטעלן די מוסדות! און 'אונז' האמיר די רעכט, און יא אויך די מעגליכקייט צו פארלאנגען דראסטישע טוישן אינעם סיסטעם צו פארזיכערן אז די ליידן וואס מיר האבן שוין געליטן, די ווייטאג וואס ציפט נאך, די אומרעכט וואס שטעכט נאך, זאל זיך מיטן אייבירשטנס הילף נישט נאכאמאל איבערשפילן!

יא עס איז מעגליך! צו וועט דאס געשען? דאס ווענד זיך אין 'אונז', אבער דאס איז אויסדריקליך אז מעגליך איז עס. רבי געלט האמיר שוין באקומען. מיסטעיקס פון וואו זיך צו לערנען האמיר שוין געהאט איבער און איבער גענוג!

אויב מיר פארלאנגען דאס גענוג שטארק, אויב 'אונזער' פאראייניגטע קול איז גענוג הויך, דאן קען דאס בעזהשי"ת דורכגעפירט ווערן.

_________________

איך בין איבערצייגט אז רז"ל אין זיינע זיבן י אר, האט אויסגעטיילט פיל מער רשעות פאר זיינע שונאים ווי מ'האט געטאן אין די אלע יארן.

און לאמיך ארויסברענגען עטליכע פאינטס

פאינט 1  = די טענה פון טעראר: האט זיך עס אפגעשטעלט?
אין קרית יואל האט מען קיינמאל נישט גע'רודפט קיין ארונים. נאר בני יואל וכת דילם.
איצט ביי די זאלונים איז די זעלבע זאך... זיי טשעפן נישט זייערע מענטשן (חוץ כ"ץ)... זיי טעראריזירן נאר זייערע שונאים...

פאינט 2: = די טענה פון "הנהגת התורה /  רבנים זאלן האבן א ווארט וכדומה:
די טענה פון די זאלונים איז געווען אז מ'דארף אריינברענגען דעם בעל מדות, ווייל ער וועט לאזן אלע רבנים זאגן זייער מיינונג.... אן קיין טעראר - ביז ביז ביז...
דער מציאות איז אז קיין שום רב האט נשט קיין רעכט צו זאגן זיין מיינונג קעגן זאלי און זיין קאמפאני, איבער דעם עירוב. ער ווערט פארשריגן.
ווער געדענקט נישט ווען די זאלונים האבן אנגעהויבן טעראריזירן רבי שמעי' גרינבוים, דערנאך הרב ביק, דערנאך אנדערע רבנים - פאר'ן נישט גיין אין שפאן.

פאינט 3: = פעיראלל בית דין - מקבלי שוחד. פינקט ווי משפט שלום.
דער נועם המידות האט פאר פאליטישע צוועקן געמאכט א בית דין. א ראבד"ד מיט א גראב"ד.
ווען איינער האט א סכסוך מיט זייער קהל, רופן זיי אים אין קאורט - און זייער פורים בית דין איז שטיל...
ווען יענער גייט זיך באקלאגן צום פורים בית דין, זאגט מען אים קלאר: מיר קענען גארנישט טאן. מיר וועלן גארנישט טאן ! וואס איז דאס?
פאני בעלאני בית דין? סדום בית דין? ג' רועי בקר? אדער גאר א סאדאם כוסעין טריבונאל.

מיין טייערער ידיד כל בית ישראל "גוטזאגער" נ"י

קוק וואס איך האב געשריבען אין אנדערען פורום . ביי א אשכול אז עס איז יעצט א גוטע שאנס שלום צו מאכען
איך האב געשריבען דארטן וויא די וויליאמסבורגע נועם המדות פארטיי האט גענומען אזא יוד וויא רבי יוסף יושע גראס נ"י  מזקני תלמידי רבינו הקדוש זי"ע  א צובראכענעם איד א אלמן. און אינמיטן לערנען אין ביהמ"ד אין ראדני עהם באשריגען . שייגעץ און ארויסגעווארפן בחרפה ובושה . ווייל ער איז נישט מיטשטימיג מיט די היינטיגע הנהגה . דאס איז נישט טעראר? נאר דאס איז בארעכטיגט!!!
וויא זענען די חברה וואס עס ווייטיגט זיי טעראר ?  יענעמעס בלוט איז הפקר? עס איז דאך ממש רציחה המלבין פני חבירו ברבים . . נאר ווייטער אני ואפסי !!! איך מעג טעראריזירין . דו טארסט נישט .. פארשטאנען. . עד כאן .. קוק דארט נאך ויונעם לך . זיי געבענטש מיט אלע שרייבערס צוזאמען את אשר ישנו פה ואת אשר איננו פה עמנו עומד היום. כולם יתברכו ממעון הברכות

קודם ווילן מיר זיך דא באדאנקען פאר ידידי (החדש) הר"ר גערשל פארן ארויפברענגען דעם נושא צום אויבערפלאך.
צווייטנס וואלן מיר געוואלט הערן אן אויפריכטיגן פלאן וויאזוי דאס קען צושטאנד קומען אזא טויש, וואס דאס איז נייטיג אין ביידע פראקציעס.
צו איז דא א מעגליכקייט אז אז דער אלגעמיינער עולם זאל ארויפצווינגן פרישע וואלען מיט אייגן באשטימטע קאנדידאטן אדער וועט דאס פריש איבערגיין אז נאר פון פאראויס באשטימטע קאנדידאטן קענען לויפען פאר די אמטען, וואס דאן איז ח וזר חלילה

ידידי הישן מאז ומקדם קליינקאפ.נ"י

חזק ואמץ ..כבר היה לעולמים. . דער עלצטער ברודער פון די קינדער פונעם בנין דוד. דער בעל מקוה מים ז"ל..  (דער בנין דוד אוהעלער רב נישט לשיטת סאטמאר) האט געהאט 4 קינדער דער מקוה מים. דער ווייצנער דיין רבי הערשעלע מייזליש. דער אוהעלער רב. דער סארוואשער רב. ז"ל. )

בקיצור דער מקוה מים אפילו ווען ער האט נאך געוואינט אין וויליאמסבורג איז ער קיינמאל נישט  געקומען צו קיין אסיפה ביי די התאחדות הרבנים אפילו ווען רבה"ק מסאטמאר זי"ע האט דאס אנגעפירט.    האט מען עהם איינמאל געפרעגט אין צאנזער קלויז(ער פלעגט דארטן דאווענען מנחה מעריב ווינטער)  פארוואס גייסטו נישט זאגען דיין מיינונג ביי די מיטינג. האט ער גענטפערט. אז מען וועט דאך ממילא נאר טון וואס דער רבי זי"ע זאגט. איז "ודברת בם בשבתך בביתך" נאכצוזאגען באם באם!! קען מען זיצען ביי זיך אין שטוב.

יעדער ווייס דאך אז די בילדינג אויף 85 דיוויזשאן וואס האט אמאל געהערט פאר סאטמאר קהל האט איצא גליק צוגענומען און ער איז גענצליך בעה"ב אויפן זיגל פון די התאחדות. און אלע כשרות מיט אלע איסורים קונמות וחרמות. איז ער גענצליך בעה"ב. . כאמור

נאר אמאל ווען איינער האט אפילו דאס געזאגט. אז איצא איז בעה"ב.  אדער אז איינער האט ח"ו נאכגעזאגט דאס ווארט פון בעל מקוה מים "ודברת בם" האט מען עהם געקענט צוברעכען דעם קאפ.  ווער געדענקט דען נישט וויפיעל רדיפות רבינו בעל ברך משה האט געהאט פון די אינשי דלא מעלי פונעם רבה"ק הויז. וויא איך האב אליין געזעהן כמה פעמים. און אזוי וויא ער האט אליין דערציילט ברבים ו' אלול תשל"ט אין ביהמ"ד דראדני נאך די הסתלקות פונעם רבין זי"ע . מען קען עס הערן אויף די טעיפס.

אבער היינט איז ב"ה א אפענע וועלט. יעדער מאן דהו קען זאגען וואס ער וויל אויף א האט ליין. אדער שרייבען אויפן אונטערנעט. והבוחר יבחר.  

יעדער נארמאלער טאטע דארף אויסלערנען זיינע קינדערלעך. אז אונדז גיי מיר אויף אונזער וועג וואס אונדז האבען מיר מקבל געווען פון אונזערע הייליגע רעביס עפ"י דרכו של רבה"ק בעל דברי יואל ויואל משה זי"ע.
און די אנדערע יודען. ליטווישע וכדומה גייען אויף זייערע וועגען פון רבי אהרן קאטלער. און רבי משה פיינשטיין. און די ארץ ישראלדיגע ליטוואקען גייען אויף דעם וועג פון הרב אלישיב און הרב שטיינמאן און הרב קניבסקי.
און די אנדערע חסידים יעדער פירט זיך לויט זיין רבינס דרך . צו דאס זאל זיין בעלז אדער סקווער אדער וויזניץ. . דעמאלס וועלן אי"ה די קינדער נישט אוועקפאלן.
ווייל טאמער מען וועט זיי פארקויפן נארישקייטן. אז ר"א איז א שייגעץ אדער פארקערט . און קינדער ווערן עלטער .   וועלען  זיי זעהן  אז שקר נחלו לנו אבותינו . קענען זיי נאכדעם נישט מבחין זיין און זיי וועלן קלערען אז אלעס איז ח"ו שקר.  אפילו די תורת אמת. .
 
על כן הנח להם לישראל.....  פון תמימי לב קען נישט שטיין די דורות . עס איז גאנץ גוט אז עס איז דא תמימי לב. וואס רייסען ארויס אין אלע ספרים די נעמען פון ליובאוויטש אדער הרב אלישיב אדער הרב עובדי(חאטשיג היינט איז דאס שוין דא כמעט אין אלע ספרים . אנגעהויבן ביי די גמרות און אויסגעלאזט ביי אלע הלכה ספרים) . אבער למעשה ווערט די וועלט אויפגעקלערט און טאמער משיח וועט ח"ו נישט קומען אט אט. דארף מען זיין גרייט.
דער הייליגער ראפשיצער רב זי"ע פלעגט זאגען אז ער וועט זעהן אז מען וועט פירען א "נאר" אין גן עדן. וועט ער נאכשרייען "נאר בלייבט נאר" .
מען פלעגט אייביג ארומשרייען קלאצענבורגער גלח ימ"ש . וכדומה. איך האב לעצטן שבת געהאט א קידוש אין קלויזענבורג . איך האב נאך אלץ מורא געהאט אריינצוגיין אין קלויזענבורג. עס האט זיך מיר געדאכט אז איך שפיר א מין טומאה רח"ל.

אבער ביי די דרויסענדיגע  וועלט און בפרט אין ארץ ישראל איז דער קלויזענבורגער מקודש ונערץ. מען זעהט זיינע מוראדיגע חיבורים דברי יציב. מביני דבר זאגן אז עס איז געוואלדיג. ביי זיין לווי' האט זיך אויך משתתף געווען הגאב"ד ירושלים רבי משה ארי' זי"ע און אויך כ"ק אדמו"ר הגה"ק מתולדות אהרן זי"ע וואס איז געווען א תלמיד מובהק פונעם רבין זי"ע
היינט איז ביי מיר מער נישט קיין קשיא פארוואס מוהר"א שליט"א האט אויפגענומען דעם ערלויער רב וואס איז א מתנחל און אינגאנצען מיט די שיטה פון די ציונים. ווייל למעשה איז ער א שומר תורה ומצוות און א ערליכער יוד. מער וויא די פעיראלל וואס לאזן צו גניבה וגזילה אהנע דין תורה .
 מילא דאס בית המדרש האט מען געגאננבעט.  אבער דאס הויז און די שאר ירושה חפצים דאס איז דאך עכט גזילה לעיני השמש. ומדשתקי רבנן ש"מ דניחא להו. זאלן זיי נישט רעדן אויף אנדערע וואס קטנם עבה ממתניהם. .

אחר הדברים האלה

פיר איך  אויס מיט דיין ברכה ברוך שהבדילנו.

קליינעקאפ זיי נישט אזוי קליינקעפיג... דו ביזט גערעכט מיט דיינע טענות ווייסט ווען? אויב אלעס בלייבט אזויווי עס איז, אויב מען טוישט נישט דעם סיסטעם. יעצט וואס ווילסטו טון, איינגעבן דיינע רעכטן'ס רעזיגנאציע פאפירן? ליבערשט ווילסטו געבן פינף טויזנט דאללאר פאר די נייע מוסדות און אין א צאל יארן פון יעצט וועט דער זאלי -פון וועם דו ביזט אוועקגעגאנגען- דארט לערנען? וואס וועסטו דעמאלטס טון, נאכאמאל קומען 'רעדן פון הארץ אויף הייד פארק'?

די אלע שוואכקייטן וואס דו רעכנסט אויס, דאס טאקע זאל מען טוישן און מאכן שטארק! ניין, וואלן זאלן נישט זיין קיין דריקערס צעטלעך. ניין, די קהילה זאל נישט זיין קיין לעדערהעד. און ניין, דעם רבינ'ס יוצאי משרתים זאלן נישט קענען טון וואס זיי ווילן.

קוק אהער, די קהילה האט דאך פאקטיש שטאטוטן אלץ געהאט, לדעתי איז דער גרויסער פראבלעם אבער אז מען האט זיך קיינמאל נישט געהאלטן דערצו, מ'האט זיך אייביג אנגעפיפן דערויף, יעצט האמיר אונז געוואלט קומען ווי חכמים און זיך פאררופן אויף די שטאטוטן, נו, ס'גייט נישט אזוי. איך האלט אז דאס האט אסאך אויסגעמאכט. ווייל אויב די קהילה פירט זיך אויף א שטרענגן סיסטעם איז אסאך אסאך שווערער פאר א יחיד צו קומען דרייען דערמיט.

תמימות?  ס'איז נישט קיין שום תמימות זיך צו לאזן טרעטן, ס'איז טיפשות. איך פארשטיי דיך נישט, איך קען פערזענליך פילע פשוטע אידן, נישט קיין גבירים, וואס האבן שוין אינוועסטירט סך הכל אין 'אונזער' קהילה/מוסדות זייט תשנ"ט הכל בכל מכל אזא גוטע צען ביז צוואנציג טויזנט דאללאר! טראכט אריין, דו קענסט זיכער אויך אזוינע מענטשן, מיט אלע נדבות פאר יסוד איתן, כוללים, אדני קודש, וכו'. וויאזוי וועלן די אידן שפירן אויב ח"ו עס וועט פאסירן מיט די מוסדות/קהילה וואו עס ליגט 'זייער' געלט די זעלבע זאך וואס עס האט פאסירט יעצט?! ווייסט וויאזוי זיי וועלן שפירן? אזויווי דו שפירסט יעצט! און כ'גלייב אז ס'איז זייער זייער נישט געשמאק.

תמימות? וואס איז די חכמה, מיר זענען געווען תמימים פאר צוואנציג יאר! און נאכדעם זעמיר געווארן חכמים, נע, דער רבי זאגט נישט, דער רבי וויל נישט, משה, לעיזער, יענער, דער, מ'זעמיר אלע שוין געווארן חכמים, אויס תמימים, אבער אביסל צו שפעט!

ליבערשט זיי יעצט א חכם וועסטו נאכדעם קענען זיין א תמים.

א קלארע אידיש'ליכע סיסטעם עפ"י תורה מיינט נישט חוצפה, די תורה איז נישט קיין חוצפה! לויט דיר איז די אלטע שטאטוטן אויך חוצפה. די אלטע שטאטוטן געבט אויך נישט די רעכטן פארן רבי'ן צו בטל'ען וואלן רעכטס און לינקס. די אלטע שטאטוטן גיבט אויך נישט פארן רבי'ן דעם כח צו טראסקענען ראשי קהילה ווען דעם גבאי גלוסט זיך.

נאר וואס דען, מ'האט געטרעטן אויף די שטאטוטן, מ'האט זיך אויסגעלאכט דערפון, מ'האט געטון וואס 'דער רבי האט געוואלט' און טאקע מיט גרויס 'תמימות', אבער ווען מ'האט אליין געכאפט דעם פראסק, ווען 'דער רבי האט (כלומר'שט) געוואלט' עפעס דראסטיש וואס אפילו אונזער 'תמימות' האט פארשטאנען אז ס'איז ראנג, האמיר זיך אויסקורירט פונעם 'תמימות' און מ'האט אנגעהויבן שרייען שטאטוטן. טו לעיט.

יעצט אבער איז די צייט צו טוישן, ווייל יעצט פארשטייט יעדער, בעסער געזאגט יעצט 'שפירט' יעדער אז דער סיסטעם איז ביטער, יעצט 'שפירט' יעדער אז דער סיסטעם איז קארופאטירט, יעצט קען מען פארלאנגען א טויש.

איך גלייב אז אפילו די עקזיסטירנדע ראשי קהילה, די עקזיסטירנדע שיסל זיצערס, די עקזיסטירנדע עומדים בראש, זיי פארשטייען אויך אז דער סיסטעם איז פארפוילט און מען דארף מאכן א טויש, אבער זיי פארשטייען דאס מן הסתם נאר ביי 'יענעם', ביים אנדערן ראש הקהל, ביים אנדערן מנהל המוסד, דארט דארף מען טוישן. און דעריבער איז טאקע נישט צו ערווארטן אז די יעצטיגע שפיץ קעפ זאלן עפעס וועלן טוישן מרצונם הטוב, ווייל זיי ווייסן אז דאס מיינט זיי אויך.

אבער 'אונז', די מעמבערס, די טאטעס פון קינדער אין די מוסדות, די געלט געבערס, די טישן זיצערס, מיר קענען דאס יא פארלאנגען, און אז דער קול פון פארלאנג וועט זיין גענוג שטארק און פאראייניגט איז עס אויסדריקליך מעגליך דורכצופירן! ווייל ווי אויבן געזאגט זעמיר 'אונז' די וואס געבן דאס געלט, אן 'אונז' איז נישטא קיין קהילה, אן 'אונז' איז נישטא קיין מוסדות.

_________________

איך האלט אז מ'דארף יא עטוואס טוישן דעם סיסטעם.
כאטש וואס יעדער נארמאלער מענטש ווייסט אז די שטאטוטען זאגן קלאר אז דער רבי האט בעלות נאר איבער רוחניות - דאך וויבאלד עס איז למעשה פאלש אויסגעטייטשט געווארן - איז לדעתי מען מחויב דאס צו פאררעכטן און קלארשטעלן.

2) קעגן בוכ"ע קען מען זיך ממילא נישט באווארענען. אויב איז פאר סאטמאר באשערט נאך עגמת נפש, וועט עס סייווי פאסירן, אין עצה ואין חכמה נגד ה', אבער מיר דארפען טאן וואס מ'קען.

3) איך קריג שטארק מיט קלייניקאפ. איך האלט דווקא פאר א גרויסע מעלה אז דער שלייער פון די סדומ'ער פעיראלל פורים בית דין איז גאר שטארק מבוזה ומשוקץ - אפילו ביי זיי אליינס.

אדרבה, איך האלט אז מיר האבן אפשר נישט יוצא געווען דעם חוב פון "ליצוניתא דע"ז, און אראפגרייסן נאך מער די השחתה פון די עושי מעשי זמרי. אנגעהויבן פון רז"ל, ר' מנשה פר"מ, קיטשי זאלי, און וויינבערגער מיט דיין קעצל.

זיי זעענען שוחד נעמער, און זייער דעת תורה איז דארט ווי עס איז קוק'ס.
מ'וועט אויסרייסן די תורה הקדושה פאר זייער פארטיי. זיי וועלן אראפגיין לחרפה ולדראון עולם.

פינקט ווי דער בעל מחלוקת א.י. איז געשטארבן און ליגט אויף א שיין ארט אין ביה"ח, און טראץ דעם ווייסט יעדער איינער, קינד און קיינד, אז ער איז געשטארבן מיט א שרעקליכן עונש אז אלע זיינע קינדער זענען  נעבעך איינגעשפארט... הקיצור - מ'קען נישט פאפען די וועלט. כאטש וואס מ'שרייבט אוף אים "אזל גברא דמסתפינא וכו' וכו'. א פגום  ווערט מען נישט אויס.

_________________

איך מיז געבען א קאמפלימענט פאר די שרייבערס כל אחד בשמו יבורך דא אויף די טעמע זענען אין א זייער א שיינע שפראך אין מלא טעם  אין איך זעה נישט פארוואס די זארגסט דיך  אז דער מנהל וועט דאס אויסמעקען

פאר עבד עברי מיז איך זאגען אז די גייסט אין דעם זעלבען גאנג ווי ר נחום רזב' אין זיין האט ליין וואס באלאנגט נישט צי קיין איין פארטיי נאר זאגט אפען ארויס עוולות וואס ער זעהט ביי ביידע צי איך האלט מיט עיהם אדער נישט  פערצופאל יעצט זעהט ער ריכטיג אז ר אהרן  זייט ער האט זיך אפגעריסען פין דער מחרחר ריב משה פרידמאן וואס ער אליין איז געווען אריין געכאפט אין זיין נעץ האט ער א גאנצע צייט געפיערט זיינע חסידים אויף א וועג פין דרכיה דרכי נועם אינקלאדינג צי אנדערע חסידות אפילו וואס זענען געווען נישט סאטמערע פריינט

דאס קען א יעדער נארמאלער מענטש זעהן אין די מהות פין א  טיפיקעל גיטסקייט פין א אהרוני אין די פארביסינקייט פין א  זלמוני 

איך דריק דאס ווארט טיפיקעל ווייל עס איז דא א מועט פין ביידע זייטען פארקערט

קליינקאפ איך האב מיך צילאכט וויאזוי די לייגסט  אראפ וויאזוי די זאלונים טיען זייער רשעות אין דערנאך געבען זיי צדקה

איך וואלט געוואלט בעטען  יאנקעלע אז ער זאל אביסעלע אינז ביילייכטען מיט זיין שכל הישר אין שיינע פענע אויף דעם גאר חשובע טעמע

איך ברענג דא א חלק פין  א ארטיקעל אין דעם  JERUSALEM POST וואס ציטירט פין דעם גרויסען וואשינגטאן לאיער NATHEN LEVINE אז טאמער מען וועט זיך יעצט נישט אראפ זעצען צי דין תורה וועט זיין גרויסע צרות

One of the potential benefits of a court's refusal to "get involved," is that it can "drive parties to try to come up with a religious solution," said Lewin. He pointed to other examples of leadership disputes, such as the current dispute in the Bobov dynasty, in which a secular court forced the parties to bring their dispute before a religious court.

In this case, the secular court did not force the Satmar faction to turn to a religious court, but Lewin said they might end up there.

"If they don't," Lewin said, "they are left with very serious difficulties."

 

 

בנוגע אפטע וואלען האלט איך אז דאס איז א שטעקען מיט צוויי עקען
עס איז ריכטיג אז דאס האלט די ערוועלטע עהרליך אין פלייסיג  דאס ברענגט אדער ארויס אסאך אינערליכע מחלוקת וואס יצא שכרו בהפסדו

אויך געט דאס נישט קיין קאנפידענס פאר ארענטליכע אין מענטשליכע עסקנים צי וועלען לויפען ווען ער וועט וויסען אז אין צוויי יאר ארום וועט ער זיין אויסצישטיין א עלעקשאן קאמפעין וואס איז נישט לכבודו אין במילא וועט נישט זיין קיין וואלאנטיערס פין די העכסטע קוואליטעט

איך קלער אזוי

אז יעדער ערוועלטער זאל זיין אויף 8 יאר
 
א יעדע 4 יאר זאל זיין וואלען אויף האלב פין די ערוועלטע

דער רבי (גבאי) זאל זיך נישט אריין מישען אין די וואלען אזוי ווי אין דער אלטע היים

א מעמבער זאל האבען א רעכט צי פאריפען וואלען שלא בזמנו טאמער ער ברענגט אינטערשריפטען פין אנדערע מעמבערס 25% וויפיל עס האט געוואט ביי די פאריגע וואלען

דער רבי זאל האבען צוויי גבאים (עס קען ווערען א נייע מחלוקה צווישען זיי?)

ביטע יעדער זאל געבען זיינע קאמענטארען אפשר וועט מען דאס ליינען ווען מען וועט ציזאם שטעלען די פארבעסערטע שטאטאטען

נאך איין ענין וויל איך מוסיף זיין לגבי דעם ענין וואס מען פארהאנדעלט דא אין דעם שיינעם אשכול.

אז די שרייבערס גערשל און רבי יונה זענען געוואלדיג ממש פערל ווערטער קולעין אל השערה  אמתדיגע רייד. אבער ואת עלית על כולנה דער 13 הופער איז עולה על כולם. ער איז א פיקח עצום זיינע ווערטער זענען מוראדיג זאכליך.  מכותלי מכתבו זעהט מען אויך אז ער איז זייער אפיינער מענטש השי"ת יאריך לו ולכולם ימיהם ושנותיהם ויתברכו בכל טוב לנצח. 

 איך מיש מיך נישט אריין אין דעם ענין בל"נ.

ווייל אז איינער האט געקענט דא מכחיש זיין את הידוע . אז דער יענקעלע וואס איז געווען משב"ק אין קראון הייטס און האט בפירוש צוגענומען דאס בית המדרש און מקוה אויף 711 איסטערן פארקוועי און ער האט געווינען אין קאורט . האיך החי יכול להכחיש את החי.? מען קען דאך פרעגען הגה"צ רבי ישעי' גרויס קערעסטירער רבי שליט"א וואס וואינט אין וויליאמסבורג וואס ער האט פרובירט מציל צו זיין בערכאות זיין פארמעגען און זיין טאטענס פארמעגען ולא עלתה בידו

א גוטע נאכט לכולכם ושלום וברכה והצלחה

עבד עברי

עם כל הכבוד מאכסטו דאס מאל א טעות. נישט עק וועלט.

איך האב געקענט יאנקל נאך ווען מען האט אים ארויסגעווארפן פון קערעסטיר אין זיך געצויגען קיין בארא פארק נע ונד, ער האט אפילו געגעסן ביי מיר אפאר מאל

איך האב אפילו געזען א קליפ אויף יו טוב ווי ער זיצט ביי איינעם אין שטוב אין בארא פארק ( א קערעסטירער אייניקל}

ס'איז נישט אזוי פשוט,
רבות מחשבות בלב איש ועצת השם הוא תקום,
לדעתי איז נישט אזוי פשוט זיך צו אינגאנצן פראטעקטן,
פון רמאים איז זיך זייער שווער צו פראטעקטן ווייל זיי וועלן
אלץ טרעפן א וועג דיך אפ צו שווינדלען,
עס דערמאנט מיך וואס איינער פון אונזערע ראשי הקהלה האט מיר פארציילט,
כידוע איז דער שיכון קרית יואל אין בני ברק געווען איינגעשריבן אויפן פריוואטן
נאמען פון דעם הייליגן בעל דברי יואל זי"ע, לאחר פטירתו איז געקומען א בריעוו
פון רבי בנציון יאקאבאוויטש שליט"א (דער געוועזענער מנהל המוסדות אין
בני ברק) צו רבינו בעל ברך משה זי"ע, און דארט שרייבט ער אז ער האט באקומען
א טעלעפאן קאל פון א באקאנטן זיינער א גרויסער לויער אין תל אביב ווי ער זאגט
אז ער האט אצינד דא געהאט ביי עהם א איד פון ניו יארק מיטן נאמען מאיר שפיטץ
און ער איז געקומען בשליחות פון די רעבעצין אלטע פייגא טייטלבוים איבער צו
שרייבן דעם גאנצן שטעטל מיט די מוסדות אויף איר נאמען, ווייל אזוי ווי לויט די חוקי
המדינה איז זי דער יורש וויל זי דאס האבן, און אלץ ידיד פאר רבי בנציון האט ער
געפילט א פליכט עהם לאזן וויסן אז מען זאל זיך פראטעקטן מען זאל נישט פארלירן
די נכסי הקהלה, דער ברך משה וואס איז דאן געווען סאטמאר-סיגוטער רב האט
באלד אריבער גערופן די הנהלה הקהלה פון מוסדות יטב לב בארה"ק וואס איז באשטאנען
פון ר' עזריאל גליק, ולהבחל"ח  ר' אהרן טייטלבוים ר' משה ארי' גליק,
ר' אברהם ווערצבערגער און נאך איינער אדער צוויי, און זיי געוויזן דעם בריעוו
און מטכס עצה געווען כדת מה לעשות וואס מען זאל טוהן, מען האט מחליט
געווען צו רופן א לויער און אנגרייטן פאפירן אז די רעבעצן שרייבט איבער די אלע נכסים
אויף די הנהלת מוסדות יטב לב בארה"ב, און כך הווא מען איז אריין צו די רעבעצן
מיט די אלע פאפירן און זי האט נישט געהאט קיין ברירה און האט דאס אינטערגעשריבן,
און אזוי האט מען געראטעוועט די מוסדות בני ברק,

על כל פנים אזוי האט מען געמיינט, ביז דער לאנגער שד משה גבאי מיט זיין שותף
לעיזער קעסטענבוים האבן זיך אריין געשריבן אלץ חברי הנהלת מוסדות יטב לב
און זיי האבן צוגעלייגט (זיכער בפקודת אדמו"ר שליט"א...) נאך אפאר פון זייערע גנבים
און היינט ליידט מען פון דעם צרות צרורות, משה גבאי וכת דילי זענען עמטליך די
בעלי בתים אויף אלע נכסים אין בני ברק און מען שלאגט זיך דערויף אין די קארטס,

סא, ווען דו מיינסט אז דו האסט דיך פראטעקטעט ווערסטו געוואר אז אדרבה דו האסט
נאר ערגער געמאכט, לאמיר זעהן, ווער מיינט איר דארף זיין דער פיינעל ווארט אין די קהלה,
דער רבי?, דער פרעזידענט?, רוב חברי הנהלת הקהלה?, רוב מעמבערס? אויף יעדע
אפציע איז דא פיל פראגעס, און ס'איז נישטא איין גראדער ענטפער, האט דער רבי א רעכט
צו שטעלן זיין זוהן אלץ רב אין א בית המדרש?, די אהרונים וועלן ענטפערן אז יא,
ווייל אין קרית יואל האט דער רבי געשטעלט זיין זוהן אלץ רב בניגוד דעת רוב
חברי הנהלת הקהלה בשעתו, נו, האט משה גבאי אויסגענוצט דעם פאקט
און געמאכט דעם רבין וואס איז שוין ליידער געווען קפצה עליו זיקנה, זאל קרוינען זלמן לייב אלץ
רב אין וויליאמסבורג, איי מיר אלע ווייסן אז באמת איז דאס נישט געווען זיין רצון נאר ער האט
ליידער בעוונותינו הרבים נישט צופיל געוויסט וואס ער טיט, זיי האבן עם יעדן טאג געשלעפט
קיין קווינס אין זייער ישיבה און דער האט געזאגט פאר מיין שווער (באזני שמעתי) אז
ער איז יעדן טאג אין קרית יואל'ער ישיבה, נו, אויף דעם איז די סעלאשאן פשוט,
דער רבי האט א רעכט צו שטעלן זיין זוהן פאר רב, אבער ער האט נישט קיין רעכט צו וועפן...,

סא, האבן מיר שוין א פראבלעם מיטן מאכט פון די הנהלת הקהלה, און אויך פונעם רבי,
יעצט זיך אינגאנצן פארלאזן נאר אויף חברי הקהלה איז זייער שעדליך פאר אידישקייט,
נאך אביסל אריין טראכטן וועט יעדער מודה זיין אז עס דארף צו זיין א ערליכע רבנישע
אויבערהאנט, און דאס האט טאקע רבינו הקדוש זי"ע פראבירט צו פראטעקטן מיט די
ביי-לאס פון די קהלה אבער יעדער ווייסט היינט אז דאס האט אונז נישט צופיל געהאלפן,

אלזא לדעתי קען מען נישט פאראויס זעהן אלע היכי תמצי'ס זיך צו פראטעקטן,
אבער מיר האבן דזשאסט געלערנט אין מסכת גיטין לא חיישינן לרמאים, עם כל זה האלט
איך אן אז מען זאל צוזאם שטעלן א וועד פון צוויי לויערס, צוויי רבנים, צוויי קלוגע ביזנעס
לייט, און אלע זאלן צוזאם שטעלן א פראפאזעל פאר צופיקסן די עקזיסטיגע ביי-לאס,
און דערנאך זאל א ערוועלטע קאמיטע צוזאמען שמעלצן אלעס זאל זיין אויסגעהאלטן
על פי תורה ולהבדיל על פי חוקי המדינה, ולהשם הישועה,

איין זאך איז מיר זייער געפאלן וואס איינער האט געשריבן, און ס'איז זייער וויכטיג, אז מען זאל
וועהלן א טראסטבארע קאמיטע וואס אלע קאמיאניקאציעס פונעם רבין  צו קהל,
ווי אויך צו די מנהלי המוסדות זאל דארפן גיין דורך זיי, דאס וואלט געווען א געוואלדיגע אויפטוה, 
דער גבאי דארף נישט זיין דעם רבינס מיניסטער, ער זאל זיכער מאכן אז דער רבי האט זיין
קאווע אינדערפרי, און אז די קאר זאל זיין גרייט ווען דער רבי דארף עס, און דעטס איט.
הא? WISHFULL THINKING נישט אזוי?

הארעי יענקעלע קלאר מיינע ווערטער

וואס אגב האט מען ווייטער געמעקט

ר גערשעל איך האב בכלל נישט געשריבען וועגען ארבייטען פאר די עלעקשינס שווער
איך האב געזאגט אז טאמער א איידעלער עהרליכער עסקן וועט מיזען זיין אויסגעשטעלט
צי וואלען א יעדע 2 יאר וועט ער בכלל נישט לויפען מעיקרא

איך האב נישט געזאגט אז מען זאל ארויפצווינגען די גבאים אויף דעם רבי נאר אז ער זאל אליין זיי אויפנעמען אין לדעתי זאל ער זיך אדורך רעדען מיט די ראשי הקהלה וועגען זיין געפלאנטע אויפנאמע אפשר ווייסען זיי עפעס וואס ער ווייסט נישט (אוי ווען דער רבי זי"ע וואלט דאס נאר געטאהן)

 

ר יאנקעלע (פין בפ  נישט פין קראן הייטס) א גבאי איז דווקא יא געמאכט צי זיין דער פערזענליכער סעקרעטאר פין א רבי

סיי מיט ערלעדיגען זיינע אפאינטמענטס 
 
 ברענגען עיהם אינפארמאציע פין וואס עס טיט זיך אין דער גאס אויך אין עולם החסידות

אויפנעמען טעלעפאנען מזכיר זיין אין שרייבען קוויטליך

מיט גיין מיט עיהם אויף אלע פונקציעס

אין איבערגעבען זיין מיינונג צי יחודים אדער נישט צי די ראשי הקהלות והמוסדות וואס דאס וועט מיזען דער רבי אליין רעדען מיט זיי, אזוי ווי דער באשעפער האט געזאגט אנכי ולא יהי אליין אין נישט דורך א שליח

אויב עס וועט זיין צוויי גבאים וועט דאס א ביסעלע רעדוצירען די מעגליכקייט פין קאראפציע
אין רודף שלמונים רייך ווערען אויף דעם חשבון פין דעם שווערער פארדינער מיט זיינע קינדער וואס ווילען באלאנגען צי זיין חסידות

 דער רבי וועט מוזען שרייבען א צוואה וואס ער וועט מעגען טוישען לויט דעם מצב כרצונו
אין וועט דאס מוזען פערזענליך איינלייגען ביי דריי פין די טובים פארמאכטערהייט דאטירט
אין אינטערגעשריבען ביי זיי אז זיי האבען דאס באקימען פינעם רבין פערזענליך ביום פלוני ופלוני

ווען דער רבי ווערט 80 יאר אלט מיז ער ברבים אויפנעמען א רב הצעיר וואס ער וועט עיהם ציהעלפען צי פארגרינגערען דער עול

קליינע קאפ.

דו קענסט דא געהעריג שרייבן, אין דעם פארום זענען דא זייער קלארע פרינציפן און דער שפיץ פון זיי איז פרייהייט פון ווארט. אבער מיר זענען אויך זייער שטרענג קעגן פאלשקייט. יעדער מעג שרייבן וואס ער וויל אבער נישט שפילן אז ער געהער צו די אנדערע זייט פון וואו ער געהער באמת.

איך האף אז איך וועל נישט דארפן נאכאמאל אריינקומען אין די סארט דעבאטעס.

מיט דאנק און שעצונג
בשמחה תמיד

קריטיק אויף די הנהלה געהער אין אישית. איך האב דיר דארט געענטפערט.

תוקן על ידי - בשמחה_תמיד - 23/11/2007 21:47:30

_________________

זאלונים,
איר דארפט שוין נישט גיין פאר קיין קלאריפיקעשאן,
אונזער חשובער פריינט עבד עברי שליט"א האט שוין קלעריפייד
אז יאנקל כהנא איז לעגאל פרעזידענט פון קהל יטב לב דסאטמאר,
איי דער קארט האט דאס קיינמאל נישט באשטעטיגט,
אבער לפי דעת עבד עברי איז ער לעגאל דער פרעזידענט,


קראתי ושניתי וחזרתי וקראתי איך האב איבערגעליינט די פסקים
פון באראש, אפעלעט און קארט אף אפיעלס, און עס שטייט אינעגעץ נישט
אז יאנקל כהנא איז פרעזידענט, אמת לדעתי איז ער אויפן שוועל פון
ווערן ערקלערט פרעזידענט, און מעגליך אז להבא וועט ער דאס באקומען,
אבער לעת עתה איז ער שוין עטליכע יאר אויפן שוועל, און ווען איך שרייב
אויפן שוועל מיין איך טאקע פון אינדרויסן, און נאר א דאנק די אהרונים
וואס פראבירן צו שפילן מיסטער "נייס גיי" פירט ער זיך מעשה פרעזידענט,
מיילא ביז היינט פארשטיי איך אז די אהרונים האבן גארנישט געוואלט
טוהן ווייל זיי האבן מורא געהאט אז דאס וועט משפיע זיין לרעה ביי די ריכטער,
אבער אצינד וואס האבן זיי מורא?, וואס וואלט געווען ווען די אהרונים לערנען
פשט אין באראש'ס פסק פונקט ווי ראזענוואסער האט פארשטאנען,
און הייבן אן צו עקטן ווי פרעזידענט, סיי מיט די בענק, סיי מיט פארלאנגען
פערמיטס אויפן נייעם בית המדרש, און אויב די שטאט נעמט דאס נישט אן
זאל מען קלאגן די שטאט, איך מיין אז ס'איז דא א טשענס זיי אנצומאכן
פלענטי קאפ ווייטאג, די שטאט זאל זיך נישט קענען קיין עצה געבן,
אמת ס'איז דט א שטיקל טשענס אז דער קארט וועט דאס זיי יא געבן,
נו, ס'לוינט זיך צו נעמען דעם טשענס, ווייל זיי וועלן דארפן מסביר זיין
פארוואס יעצט מעגן זיי זיך יא מישן, און אויב פארלירן מיר וועט נישט זיין מער ווי
כאשר אבדתי אבדתי, ווייל אויב טוהן מיר גארנישט האבן מיר דאך
במילא שוין פארלוירן,

וואס וואלט געווען אויב די אהרונים פארופן וואלן, בפקודת כ"ק אדמו"ר שליט"א
מיט די גוטהייסונג פון די דיינים, וואס וועלן זיי זאגן אז זלמן איז רבי?
דאס איז זיכער א קלארע רעליגיעזע אישוי אין וואס זיי קענען זיך זיכער נישט מישן,
קען זיין אז איך בין זייער נאאיוו, אבער איך וואלט פארקריפעלט דעם סיסטעם
מיט צענדליגע לא סאטס, זאלן זיי ברעכן קאפ אין מסביר זיין פארוואס ביי אונזערע
לא סאטס מעג מען זיך מישן און בעפאר נישט, די אלע קשיות וואס די ריכטער
האבן געפרעגט ביי די אראל ארגימענטס דארף מען ברענגען צו ריאליטי,
אלע הייפעטעטיקל פראגעס וואס ריכטער סמיט האט געברענגט
דארף מען פארווירקליכן, און דאפלען און טריפלען עשרת מונים,
ביז אולי ואולי וועט מען לייגן אזוי פיל פרעשער אז מען וועט זיין
געצווינגען זיך אדער אדורך קומען אדער גיין צו דין תורה,

אדרבה לאמיך הערן דעם מיינונג פון די חברי היידפארק,
בין איך סתם נאאיוו, אבער יש דברים בגו, און ס'לוינט זיך
צו נעמען א טשענס,

אמן!!!!!!!!!

_________________

ר יאנקעלע
איך האלט אז דיין קשיא איז גאנץ א גיטע נאר דער תירוץ מיז נישט ווערען אויסגעשמיעסט אין פאבליק (אפשר דער קשיא אויך נישט) אז די ווילסט באמת דיבעיטען
שרייב מיר אין אישית