א שיין בילד פון רביה"ק מסאטמאר זי"ע

כבוד חברי הפארום, אזוי ווי איך זעה דא פיל אויפגעברויזטע געמיטער, אלס מנהל משנה דא וועל איך פארענפערן מיין טאהט, און איך זאג פון פאראויס, וועמען עס וועט נישט געפעלן מיין ענפער, זאל עס נישט אננעמען, איך גיי נישט אריינגיין דא אין קיין דין ודברים איבער דעם ענין, זיך טענה'ן אויף דעם איז דאס פלאץ דארט נישט דא וואס איז ברוך השם ריין פון מחלוקת און לשון הרע.

איך בין דאך דא א מנהל משנה, איז דאך לפעמים נישט דא קיין סאך נייעס דא, גיי איך קוקען אין כל העולם כולו, געווענדליך גרוילט מיך צו ליינען די אנגעפילטע פאליטיק אשכולות, כ'בין נישט קיין גרויסע חסיד פון ביידע רבי'ס, און אויך נישט קיין קליינע מתנגד, איך האב זיי אלע דארטן וואו זיי האבן מיך, אבער די קינדערישע וועג וויאזוי די טענה'רייען און קולות פון איין צד צום צווייטן צד, איז אומדערטרעגליך ממילא, ווען איך ליין דארט געווענדליך עפן איך נאר א אשכול מיט א פאזיטיווער קעפל.

נישט זייענדיג באקאנט אזוי קלאר וועלכע ניק'ס זענען ארונים און וועלכע זענען זאלונים, זעהנדיג א אשכול מיט די ווערטער א שיין בילד פון מהרז"ל, האב איך נישט געחלומ'ט אז דאס איז שוין אויך עפעס א קינדערישע גערעדעכץ, און איך עפן עס אויף, זעה איך א שיין בילד, וויאזוי מהרז"ל זיצט און לערנט אין זיין קאנטרי קוקט עס אויס, און ער זיצט אזוי ווי עמיציר וואס איז אויף אפרוה... מה כל הרעש? זעה איך אבער שפעטער מיט צוויי תגובות, אז איז א גאנצער ליצנות: 'גילוי אליהו' פויל איך מיך נישט, איך קוק איבער די היסטאריע פון 'גאסט', קומט ארויף א בילד פון אן ארוני, שטיי איך און טראכט: וואס גייט דא פאר? פארוואס ברענגט ער א שיין בילד פון זיין צד שכנגד? כאפ איך, אוי וויי, מ'האט געכאפט מיט'ן ערגסטען, וואס איז? א שאלה?! ער זיצטמיט די פוס ארויף און רחמנא ליצלן, איין פוס אויף די אנדערע, הישמע כזאת? וואו האט מען געהערט אז אזא איינער זאל מעגן זיין א רב בישראל? און כל שכן א מנהיג פון עטליכע טויזנט צו אפילו הונדערט -אינטערסירט מיך נישט אריינצוגיין אינעם געפעכט- חסידים, און קל וחומר, צו סאטמערע חסידים, האב איך זיך דערמאנט, אז איך האב אין באזיס א ספר וואס דארט איז דא בילדער וואס מ'זעהט דעם פריערדיגן סאטמערער רבי, דער בעל ויואל משה און דברי יואל, וואו ער זיצט אויך אזוי.

האב איך עס פשוט געלייגט, ווי איינער זאגט, דו ביסט משוגע, איך בין אויך..... ועל זה יצא הקצף פון גאסט, על הגאולה, און מבני בניו דארט.

און איך וועל אייך זאגן דעם אמת, אז ווען איך ווארט ווען צו א שטיק צייט, קען זיין אז כ'וואלט עס נישט געלייגט, אבער עס איז געקומען אביסל אינסטינקט.

איך האף אז באטשי פארשטייט שוין איצט יא דאס שיינקייט פון די בילדער. און אז נישט ו ועל איך אויך עסן געהעריג פרישטאג.