הויפט זייט » חדשות אנ"ש אין בילדער » ווי אזוי פירט מען זיך ווען מען שערט אפ א קינד ביי די 3 יא...

ווי אזוי פירט מען זיך ווען מען שערט אפ א קינד ביי די 3 יא...

9 פאסטס אין ארכיוו · אשכול #2195305

הצלה2006 » 27/4/2007 03:05

ווי אזוי פירט מען זיך ווען מען שערט אפ א קינד ביי די 3 יאר

ל"ג בעומר וועל איך אי"ה אפשערן מיין עלטסטע זין, אזוי ווי דאס וועט זיין מיין ערשטע מאל, דארף איך א ביסל אינפארמעישן פונעם עולם דא.

וואס דארף איך אנגרייטן צו האבן אויף די טאג?

ווען טראג איך מיין קינד אין חדר?

וויפל פעקלעך זאל איך צוגרייטן?

וואס זאל איך אנגרייטן פאר די לחיים?

וואס נאך דארף איך וויסן אין דעם טאג?

עבדעברי43 » 30/4/2007 09:25

דארפסט אים אנגרייטן . א קאפל. מיט א טלית קטן. מען דארף האבן א שערל . ווייל מען קען נישט גלייך שניידן מיט א שער מאשינדל. בעסער זאל עס טאן איינער וואס קען גוט שערן .
מען דארף אנגרייטן לעקעך און בראנפן מיט פעקעלך נאש. . גלייך נאכן שערן זאל מען אים אפוואשן דעם קאפ און אנטון א קאפל . וויא אויך דעם טלית קטן. טאמער ער קען זאל מען מיט עהם מאכן די ברכה אשר קדשנו במצוותיו.
נאכדעם טראגט מען עהם אין חדר. מען דארף זיך איילן ווייל איך מיין אז ל"ג בעומר איז נאר דא האלבן טאג.. מען פירט זיך אז מען טראגט אים צוגעדעקט מיט א טלית ער זאל נישט זעהן גוויים.
דער מלמד . זאגט מיט עהם אלף בית און מען לעקט האניג און ער זאגט די פסוקים וואס דער מלמד ווייס שוין.און דאס קינד טיילט פעקעלעך פאר די יונגלעך.

יה"ר ער זאל אויפוואקסן א ת"ח און א ערליכער יוד. א מוצלח און דו מיט דיין משפחה זאלען האבען פון עהם און פון אלע דיינע קינדער א סאך יודיש נחת . און די שמחה זאל דיר ברענגן א סאך שמחות עד עולם.

עפשטיין » 30/4/2007 19:19

ביסט זיכער אז מען טראגט אין חדר ל"ג בעומר און נישט בו ביום ווען ער ווערט 3 יאר?

הצלה2006 » 1/5/2007 04:35

יישר כוח עבד עברי

האט איינער א תשובה אויף עפשטיין'ס שאלה?

_________________

שלוםשטוב » 1/5/2007 06:16

וואס מען טוט דא היר אין חוץ לארץ ווייס איך נישט.
אבער אין ארץ ישראל, איז דא גאר אסאך וואס פירען זיך אנשערען אלע קינדער ל"ג בעומר, און טוען אהן א קאפעל און לערנען אלף בית דעם טאג וואס זיי ווערען דריי יאר אלט, אזוי אז קינדער קענען זיך דרייען העכער א האלבע יאר מיט א קאפעל אהן פאות.

דא קומט עס נאר אויס ל"ג בעומר, מען וואלט באדארפט עס טוהן דעם טאג וואס ער ווערט דריי, אבער מן הסתם טוט מען נישט אזוי, ווייל מען איז נישט געוויינט דא הי צו צוטיילען די זאך אזוי ווי אין א"י.

_________________

עבדעברי43 » 1/5/2007 08:42

לכבוד הצלה 2006

מען טראגט אין חדר ביום ל"ג בעומר ווען מען שערט אפ. הצלחה

עבדעברי43 » 1/5/2007 21:47

א סאך יודען פירען זיך . אז די אפגעשוירענע האר פונעם קליינעם יונגעלע הי"ו. . שיקט מען קיין מירון. צו פארברענען דארטן אויפן ציון הקדוש. עס איז א גרויס ענין.

הצלה2006 » 2/5/2007 05:28

יישר כוח

_________________

איןבעיה » 6/5/2007 22:04

מזל טוב והרבה נחת............