דער וויליאמסבורגער עם הארץ ווערט מער און מער דעפרעסט מיט יעדן טאג וואס ס'גייט אריבער. דער פלאץ איז אים געווארן ענג אין וויליאמסבורג, איז ער אנטלאפן קיין קווינס קעמפ, וואו ער האט נעבעך געמוזט בלייבן מיט די צוויי אברומיס, ברוין און מענדלאוויטש, און מיט עפשטיין. און אינדערוואכן האט ער אינגאנצן נישט געהאט קיין מנין.
אין קווינס ווערט ער אבער אויך שרעקליך לאנגווייליג (באורד בלע"ז), אזש אז ער שפירט אז ער באקומט א נערוון אטאקע, האט מען דעריבער בסוד סודות אראנזשירט א נסיעה, וואס וועט פארקומען קומענדיגן שבת שירה קיין אנטווערפן. עס האט געדארפט צו הייסן א שרעקליכער סוד, אבער די חברה האבן דאך געמוזט אראנזשירן טיקעטס פאר דעם עם הארץ און זיינע עם הארצ'לעך, איז די גאנצע סוד ארויסגערינען פאר'ן פובליק.
ווי עס הייסט וועט דער סיגעטער שטופן די צייט אין אנטווערפן מיט'ן פרובירן שלום צו מאכן צווישן די צוויי שפלינטער זאלי פראקציעס, פון מרדכי שטויבער און הערשל דרעזנער, וואס הרג'ענען זיך ביז בלוט.
_________________