צאל אמעריקאנע טויטע אין איראק איבער 3,000

דער פענטאגאן האט היינט זונטאג געמאלדן אז די צאל אומגעקומענע אין איראק האט איבערגעשפרייזט דעם דריי טויזנט נומער פון טויטע זינט די מלחמה האט זיך אנגעהויבן.

אינטערעסאנט אז דאס האט פאסירט אין לעצטן טאג פונעם קאלענדער יאר פון 2006 און צום סוף פונעם טויטליכסטן מאנאט וואס די מיליטער האט געהאט אין די פארלאפענע צוועלף מאנאטן. אמווייניגסטנס זענען 111 אמעריקאנער לעבנס פארשניטן געווארן בלויז אום דעצעמבער.

גענומען פון דא.

די וואך וועט אונזער באליבטער זשורנאליסט ראביי אלבערט פר"מ זיך פאסמאקעווען מיט דעם נארישן שריט וואס דער אמעריקאנער פרעזידענט האט געטוהן דעמאלט ווען מען האט אריינמארשירט קיין איראק. ער וועט אבער פארגעסן אז אויך צווישן זיינע דעמאקראטן זענען געווען הייסע שטיצער צו דער נארישע מלחמה.

פארן הענגען סאדאם

נאך ווי ס'האט, מ'ליידט אין איראק פון די על קיידא.

שם אחר,

דאס אז מען ליידט איצטער פון זיי מיינט דאך גארנישט. זיי קומען נאר צוהילף דארט ווי מען קען טיילן צרות זייערע אמעריקאנע שונאים, אבער אז סאדאם האט גארנישט געהאט צו טאן מיט די סעפטעמבער עלעווען חורבן איז קיינער נישט מחולק.

נאר וואס דען? אין יענע צייט האט מען זיך גענומען צו די ביינער פון אלע וואס שטיצן טעראר און וויבאלד דאן האט מען געמיינט אז דער איראקער דעספאט האט מאסן פארניכטונגס וואפן, און ער איז געווען זייער עקשנותדיג נישט אריינצולאזן אינספעקטארן, ובעיקר וואס בוש יר"ה האט פאר אלע געלטער געוואלט זען דעם קאפוויי אראפ, איז מען אריין אין מלחמה.

עטליכע וואכן צוריק האב איך געליינט דעם פרעסטיזשפולן טיים מאגאזין וואס האבן צוזאמגענומען עטליכע גרויסע קעפ דורכצוגיין דעם איראקער ענין.

די ערשטע שאלה איז געווען אדרעסירט צו א לויטענענט גענעראל אין די ארמיי, וואס האט ארומגערעדט איבער די פארבינדונג צווישן 9/11 און איראק. ער מאכט דאס אוועק, און איך האף ביי א שפעטערדיגע געלעגנהייט עס אהערצוברענגען.