א נייער האטליין וועגען די קאראפציע אין בתי דינים,
מגלה סודות פין חדר אויף א מאסיווער פארנעם.
הערט און האטס הנאה.
2129906003
ער רעדט דארט פין א קונטרס שפוט השופטים
טאמער קען איינער זיין א מזכה הרבים זאל ער עס ארויף לייגען דא.
איך האב אים געהערט זייער שיין.
ער באשמוצט קיינעם נישט, אין גיט א שיינע שיעור.
זעט אויס אז דער מצב איז ליידער ביטער.
טאקע זייער אינפארמאטיוו פאר בעלי דינים (און אויך פאר די היינטיגע דיינים וועלכע האבן ניטשט קיין געדולד דורכצולענרנען און קענען נאכנישט געהעריג די אלע הלכות און די זכותים פון א בעל דין...
ווי אזוי הייסט דער בעל דרשן דארט?
עס דאכט זיך מיר אז דאס איז דער רב געשטעטנער פון מאנסי וואס האט ארויס געגעבען א סירוב אויף איצא גליק.
_________________
ר' אברהם שמואל געשטעטנער פון מאנסי
געזאגט
בנוגע דיין לעצטן פאראגראף פון דיין תגובה.
איך מיין גארנישט פערזענליך, אבער דער בחינה פון דורכקוקן א קונטרס און נאר קוקן די ערשטע און די לעצטע בלאט דערפון, שפיגלט אפ דעם היינטיגן מצב. א מענטש קען ברענגען טויזנט ראיות לדבריו אויפגעוויזן מיט הונדערטער מראי מקומות, אבער אלעס איז מופרך מיט א מאך פון דער האנט, וויבאלד עס שטייט ביים לעצטן דף אז איינער האט געגעבן געלט צו קענען דרוקן דעם קונטרס. קענסט מיט דעם טענה אפפרעגן אלע שאלות ותשובות ספרים וואס האט ביים סוף נעמען פון זיינע תומכים....
קען זיין אז דא ליגט עפעס טיפער, אבער דאס אז אויב איינער האט צושטייער געגעבן פאר'ן קונטרס פרעגט אפ הונדערטער בלעטער מיט מראי מקומות, דאס איז דער היינטיגער דור...
בכלל, וואלסטו אויך געמעגט קוקן אויך אויף איינס פאר די לעצטע בלאט, וואו ער שרייבט אז ער גיט 50,000 דאלער, פאר ווער עס פרעגט אים אפ און וויייזט אויף אז ער איז נישט גערעכט מיט זיינע טענות...
גוטע נאכט,
ר' אלוועיס:
דאנט געט מי ראנג, איך האב העכסט הנאה פון דעם רעיון פון זיין בית דין, א בית דין אן קיין טוענים, א בית דין וואס נעמט נישט (אדער א מינימאלער) פסק געלט, א בפירוש'ער הלכה מה אני בחינם אף אתה בחינם, ועל כולם, א בית דין וואס געט ארויס א מהיכן דנתוני, וואס איז א מאוסט בעיסיק רעכט און איז איינגעפירט ווי ווייט איך ווייס בכל תפוצות ישראל.
בושני מכל עם, די רבנות אין ארץ ישראל געט ארויס יעדעס שטיק צייט א באנד מיט אלע זייערע פסקי דין מיט א בירור אויף יעדען פסק, און אונזערע רבנים וועלן דיר אנקוקען ווי פון זונען אראפ פאר נאר פרעגן נאך אזא סארט בירור. דארפסט דיך פארלאזען באמנונה פשוטה, ווער ביסטו דען - א פראסטער באלעבאס, וואס פארשטייסטו, אונז האט מען געגעבען א כח פון מוריח ודאין, פסק'ענען ווי עס שמעקט מיר... שודא דדיינא...
אזוי אויך אז ער זאל זיך נישט שרעקען פון די ריש בריוני, דער הדיוט קופץ בראש וואס איז אין א גרויס חלק שולדיג אויף די מצב וואס די עולם קוקט אזוי אראפ אויף בתי דינים, און ארויס שרייבען ברחל בתך הקטנה אז ער איז א מנודה ומוחרם כמבואר בשו"ע, חן חן לו.
אבער אליה וקוץ בה, צו נעמען א ספאנסארשיפ פון א גבר אלים וואס האט שוין באראבעוועט א שיינע פאר יודען, ופקע שמי' פאר זוכען צו אינטימעדעיטען בתי דינים, צו דורך אויף שטעלען דעם משפט שלום עד שהגולם קם על יוצרו, וכו' וכו', שמעקט מיר עפעס נישט. איין לימוד זכות האב איך אז ער קען נישט דעם פארשוין ותעלוליו.
עס קען טאקע זייער זיין ער שרייבט צו דער זאך אין דעם קונטרס'ל. איך האב פשוט נישט געהאט דעם צייט דאס ארויס פרינטען און דורך קוקען געהעריג (ווען איך קוק שוין יא אריין א יודיש ווארט זאל איז כאטש זיין...), איך האב נאר געוואלט האבען א מושג פון וואס עס רעדט זיך דא האב איך אזוי ארום געבליקט דעם קונטרס ווי מען רופט עס פון דעקל צו דעקל...
בנוגע צו דעם פרס וואס ער זאגט צו פאר ווער עס פרעגט אים אפ, לענ"ד ווי לאנג ער איז דער איינער וואס וועט מחליט זיין צו דער אפפרעגער רעדט צום דבר, און שטעלט נישט פאר א תנאי אז א דריטער זאל זיין דער מחליט אז תיובתא, דער פירכא איז גערעכט, איז א שאדע יעדעס שאס. די חתם סופר זאגט שוין אויף כגון דא - שערי תירוצים לא ננעלו.
עס דערמאנט מיר פון דעם ליפשיץ פון ירושלים וואס זאגט צו 20,000$ פאר ווער עס פרעגט אים אפ (אז עס נישטא קיין היתר שבעולם צו גיין א שייטל). איך האב אמאל פראבירט מיין מזל מיט אים, וואס זאל איך אייך זאגען, עס איז מיר זייער שנעל פארגאנגען דעם אפעטיט. ער פשוט פאר רעדט דיר דער ציין, ער שרייט ער פאכעט מיט די הענט, פאנגט אן מיט דעמאגאגיע, ער לאזט ניטאמאל קומען צום ווארט.
נאך א מאל, מי יתן והיה ועם ה' כולם זאלען זיין מיט דעם איידיעל בית בית דין, איך נאר נישט קיין איינונג צו דער רב געשטעטנער (וואס זעהט אויס צו זיין א יודע ספר, אדער גאר איינער וואס ווייזט וויאזוי זיך צו באנוצען מיטען בר אילן...) איז דער ריכטיגער אלטערנענטיוו.