די רשעות'דיגע האנדלונג פון די מדינת ישראל פאליציי

נבוכד.

איך בין זיך משתומם אויף דיר

ווי איך פארשטיי האדלט זיך דא פון א קעיס פון א קינד א מיידעלע וואס איז נפטרת געווארען אין דעם שטאט אשדוד. זי האט געהאט פיבער און נאך ווען זי איז נפטרת געווארען האט די פאליציי געוואלט פעסט שטעלען דעם אורזאך פון וואס דאס קינד איז נפטרת געווארן.

ביז ווי לאנג די פאליציי איז געגאנגען צו די מדינת ישראל ערכאות אפ-צושטעלען די לוויה און מאכען א בלוט טעסט כדי צו פעסשטעלען דעם סיבה.

(די פאליציי טענה'ען אז עס איז גאר וויכטיג היינטיגע טעג ווען א קינד שטארבט פון היץ אז מ'מוז זען צו זי האט נישט געהאט למשל BIRD FLUE וכדומה, ווייל אויב יא איז דא א סכנה פאר גאר אסאך מענשען פון שטאט און מ'מוז דאס באצייטענס אפשטעלען רח"ל)

ביינע לביינע זענען געקומען צו פארען פון בית שמש קיין אשדוד קנאים און עס זענען זיך צאם געלאפען 100טער חרדים פאר איינגאנג צום בית החיים. כדי צו פארמיידען דעם גע'פלאנ'טען נתוח המת.

עס זענען אונגעקומען די רבנים פון שטאט א גערער א בעלזער מיט א וויזניצער. די רבנים מיט זק"א האבען אויסגעארבעט א פשרה ווי אזוי צו האנדלען דאס קינד.

ווען מ'איז אריין אין צימער פון קינד האט מען באמערקט אז מ'האט דעם גוף גע'גנב'ט ואיננה נישט דא!

גאנץ ארץ ישראל גייט אויף רעדער און די עלטערען פון דאס קינד ווילען צוריק זייער אייגעם קינד.

לפי התגובות אין בחדרי חרדים זעט אויס אז די קנאים פייפען אויף אלעמען כולל די עלטערן
1) די רבנים זענען פשרנים זענען פארקויפט פאר די מדינה, זייער פסק איז נישט קיין פסק.
2) די עלטערען זענען מער נישט בעלי בתים אויפען קינד, פונקט ווי מ'האט געמעגט פארכאפען יוסעלע שוכמאכער מעג פארכאפען דעם גוף פונעם קינד אף על פי וואס די עלטערען זענען דא חרדים ושומרי תורה. דאך אזעלכע וואס פרעגען שאלות ביי א בעלזער רב אדער א וויזניצער רב וואס דינען דעם ע"ז הציונית האבען נישט קיין כח הפסק.

______

לפי זק"א האלט אויך די עדה החרדית אז דעם גוף מוז צוריק געבען.

פארשטייט זיך אליין ווי איך האלט כשיורדים יורדים עד לעפר די נידריגקייט פון די קנאים איז דאך אין לשער. קען זיך דען איינער פארשטעלען אז דער חתם סופר האט דאס געמיינט?? האט דאס דער סאטמאר רב זיך פארגעשטעלט אז גנב'ענען גופות איז דער דרך התורה דארט ווי די עלטערען האבען זייער אייגענע פוסקים?

זיך אפילו צו דינגען איבער דעם איז דאך א עקעל!

נבוכד.
ווי אזוי טוט מען דא אין ניו יארק ??
האסט אפשר א מושג??
נו פרעג די אנשי חברה קדישא און זיי וועלען דיר זאגען אז וואס די פאליציי האט געוואלט טון אין ארץ ישראל טוט מען אין אמעריקע כמעט בכל יום!

פאלט דען איינעם איין דא אין אמעריקע צו מאכען א ראיאט איבער אזא אומגליק?!
אודאי נישט!

דער אייבישטער זאל מיך אפ היטען פון צו וואוינען צווישען חילונים מצד אחד און די קנאים מצד אחר אלע ביידע זענען שונאי ישראל בגוף ונפש!

yohcee718

איך האב געפרעגט א פשוטע שאלה און איך האב דיר אריינגעברענגט אין א חרון אף....

איך בין בכלל נישט באהאוונט וואס מען טוט אין ניו יארק און וואס די פאליציי אין מדינת ישראל האבן געוואלט טון, איך וואוין נישט אין אשדוד איך בין נישט דערביי געווען ביי די מעשה איך האב געשריבן מיין תגובה נאכן ליינען 11 בלעטער תגובות אין בחדרי חרדים, איך האב אזויפיל פארשטאנען אז די פאליציי קען מען נישט געטרויען, און אסאך מדינה סימפאטיקער דארט שרייען יעצט אז עס איז רשעות און מען האט אין קיין פאל נישט געטארט צולאזן אז דאס קינד זאל אנקומען צו די הענט פון די פאליציי וועלכע האבן אויסגעאיבט א פלאן מיט די רבנים אז זיי ועלן בלויז נעמען בלוט פאר א איינפאכע DNA טעסט אין א געויסן אנשטאלט.

רוב עולם איז באוואוסטזיניג אז דאס איבערגעבן דאס שעפעלע צו די הענט פון די פאליציי מיינט מפקיר זיין דאס קינד, ווי נאר דאס קינד וועט אנקומען אהין וועלן זיי וין געפינען אויסריידן אז מען זאל "מוזן" שניידן דעם קערפער ל"ע, און דאס איז טאקע מתקבל על הדעת, איבערהויפט לויט די היסטאריע זייערע.

פיהלע פרעגן א פשוטע פראגע: אויב זענען זיי געווען אויסן בלויז צו נעמען בלוט, פארוואס האט מען געמוזט אוועקפיהרן דאס קינד פון טהרה שטיבל? בלוט קען דאך נעמען א איינפאכע שוועסטער (נוירס), נאכוואס האט די פאליציי אומבויגזאם געפאדערט אן איבערליפערונג?

דו געטרויסט יא די חברה? קיינער קיינער, אפילו אויסגערופענע מזרחי'סטן אויפן פורום זענען מודה אז נישט, און אז בדיעבד האבן די קנאים גוט געטון, און זיי לויבן זיי אויס פאר די געוואגטע, ריזיקירטע שריט.

וואס איז דיין טענה גענוי? מען זאל האבן צוגעלאזט ניתוחי מתים? די הלכה זאגט, אז אין פאל ווען רשעים פארלאנגען מען זאל ארויסגעבן איין געוויסן מענטשן איהם צו טייטן, דאן מוזן אלע זיך איבערגעבן צום טויט ולא ימסרו נפש אחת למיתה, די זעלבע איז מיט א פרוי לטומאה, דא איז נישט אנדערש, אויב עס איז נישט דער פאל ממש. וואס די עדה האט גע'פסק'נט ווייס איך נישט, משי זהב איז אן אלטער פאררעטער.

ווען דו וואלסט געלעבט בזמן זמרי בן סלוא וואלסטו געשטאנען אויף זיין זייט, דער עיקר זיך מתרחק זיין פון קנאים עד קצה האחרון, נישט אזוי? זיי נישט נאריש.

ועל כולם ועל כולם, האב איך סתם געפרעגט א קנא'ישע (אויב) פראגע: די רשעים וועלכע זענען אזוי אויפגעברויזט הלמאי א פאטער אדער מוטער האט צוריקגעהאלטן (אויב) מעדיצין פון א קינד, און ווילן זיי אורטיילן אלס מערדער - וואו זענען די זעלבע געזעצן ביי אנדערע פראגעס אין צוזאמענהאנג מיט מארד אדער הפקרות? זיי פארשטייען אז מען מוז מאכן א מיליטער געמישט יונגען און מוידן און זיי צווינגען צו זינדיגן (איך שרייב נישט דעטאלן משום הרחק מן הכיעור)? שווים-באסיינען און ים-בארטנס מיט די געמיינסטע סארט זוהמא - דאס איז לטובת החינוך ולטובת המדינה? דו ווייסט די צאל מארדן ועלכע ווערן דורכגעפיהרט פון יוגנטליכע אונטער 25 אין מדינת ישראל? דער חינוך סיסטעם איז אין ארדנונג אין זייערע אויגן, מען דארף אפירזוכן א מערדער ביי די פרומע? ריכטיגע מערדערס און באלעסטיגער פון די פרייע לאזט ארויס אויף דער פריי מיטן קומענדיגן זון-אויפשיין, אבער די פרומע וועט מען האלטן אין ארעסט גאנצע טעג, און צומאל וואכן. די חברה גייט אהן אויב עס איז דא א פארדאכט פון מארד? זיי זענען מפקיר די לעבנס פון מיליאנען אידן אונטער זייער רעגירונג בלויז צו קענען הערשן אויף די היסטארישע לאנד, וויפיל לעבנס זענען שוין פארשניטן געווארן זינט זייער רעוואלט אין תרפ"ט? א קאמיש בילד: מערדער ווילן אורטיילן מערדער...

אז עס איז נאך דא א מנין קנאים אונטער די ממשלת הרשעה איז א חידוש פלא, מען דארף דאנקען דעם רבונו של עולם יעדן טאג, זה לעומת זה, די רשעים זענען ברוטאל און גרויזאם אויסער יעדן פראפארץ - קומען די קנאים וועלכע טרייבן אפטמאל איבער מיט זייערע פראוואקאציעס, אבער היטן כבוד שמים און ווייזן אידן איבער דער וועלט אז נישט אלס איז פארקויפט פאר די רשעי הדת.

שלא מן הענין: דו ווייסט וויפיל יאהר מען האט זיך געדארפט שלאגן מיט די מדינה זיי זאלן ערלויבן ארויפשטעלן א שילד וועלכער ווייזט ווייזט דעם קיין בני ברק (דער אמאליגער סימבאל פון א פרומע שטאט אין מדינת ישראל)? די רשעים ווילן נישט שלום צאכן מיט דעם פאקט אז טויזנטער אידן זיצן און לערנען אין א שטאט פאר זיך (איך לאז זיך נישט יעצט אריין אין איינצעלהייטן בנוגע בני ברק עיר הגדולים).

<פארוואס איז מיין הודעה פריער אריינגעקומען ווייס?>

יוחי
 
איך מיין אז די פארדרייסט די פאקטן (איידל געזאגט)

וויפיל איך האב געליינט דא אין הייד פארק חדשות

http://masoret.hevre.co.il/hydepark/item.asp?id=1644&cat_id=1
 
האט די עדה גארנישט מיט די פארהאנדלונג און די משפחה איז צופרידן אז מען האט דאס גוף ארויס גענומען פון די הענט פון די ציונים

עוד הרגיז את השוטרים הוא העובדה שנציג המשפחה, גיס האב, הביע סיפוק מהדבר. לדבריו, מקובל שהמשפחה לא מגיעה להלוויה ולא יודעת היכן הקבר לעולם בגיל שכזה, והם סומכים שהגופה תיקבר כדת וכדין. העיקר שלא ינתחו את הילדה הרכה.

און וויפיל פון אשדוד זענען דארט געווען??

מצד הציבור האשדודי התאספו כאלף איש יחד עם כמאה ירושלמים

עפעס גייט פאר מיט דיר. וויפיל עס קוקט מיר אויס ביזטו סתם א שונא ישראל (נישט מדינת ישראל)
 

צו די פאליציי זענען רשעים אין מאן דכר שמיה

איבעראל איז געזאגט דער עצה פון דער משנה "אל תתודע לרשות"

די שאלה איז ביי דער פאל דארף מען זיך איינרייסען צו נישט.  און אויב יא ביז ווי ווייט. די רבנים דארט האבען אויסגעארבעט א פלאן מיט זיי און דאס איז פארשטערט געווארען.

יא איך האב געליינט אז א שוואגער פון די עלטערען האט יא הנאה געהאט אבער איצט בעט די משפחה צוריק זייער קינד'ס קערפער. סאיז נישט די ביזנעס פון קיינעם דא צו זאגען א דעה נאר זייערע רבנים אין די עלטערען.


נבוכד.

קודם צו דעם נייעם הלכה דיינער פון תנו לנו אחת מכם איז דער זעלבער דין ביי א מת איז גאר א נייער חידוש דין. הפלא ופלא.

לגבי ניו יארק: אויב מ'דארף זיך צו שלאגען דארף מען זיך דא אין ניו יארק אויך

איך האב אין מיין משפחה נישט איינס, נישט צווי,י נאר 3 אנשים וואס ארבעטען אין חברות קדישא דא אין ניו יארק. אלע זאגען אז ביי א יעדעס פאל פון א "אומנאטירליכען" טויט ל"ע מאכט מען אן אטאפסי אן אן אויסנאם

די אנשי חברה קדישא גייען מיט און זענען אין צומער מיט דעם MEDICAL EXAMINER און טאקי היטען אפ אז זיי זאלען נישט טוהן קיין שום זאך מער וואס עס איז אבסעלוט וויכטיג צום פארשונג.

אויב מ'דארף מאכען ראיאטען פארוואס מאכט מען עס נישט דא הי??

דער קעיס אין ארץ ישראל איז אבער גאר שווער. ווי די פרייע צייטונגען באריכטען זענען די עלטערען געוועהן פון די וואס גלייבען נאר אין נאטירליכע מעדיצין און האבען פארנאכלעסיגט דאס קינד. נישט וועלענדיג געבען דאס קליינע מיידעלע אנטי בא-אטיק, און לדעתי מוז מען אזעלעכע עלטערען אריינלייגען אין חד גדיא איין מאהל פאר אלא מאהל.

ליידער ליידער קען איך פערזענליך קראנקע מענטשען וואס זייערע עלטערען האבען בשום אופן זיי נישט געוואלט היילען מיט אנטי בייאטיג און זענען נעבעך געווארען אומגליקליך

עס זענען פארהאנן א סאך פעלער וואס דער עולם ווייסט פון קינדער וואס זענען נפטר געווארן ל"ע פון אזעלעכע פאנאטישע עלטערען

יא איר קענט מיך רעכענען פאר א שונא פון די אנשים אכזריים א שונא ישראל מ'כלומר'שט, ואפילו יהי' מי שיהי' כגובה ארזים גבהו  ת"ח ו"ירא שמים" (חוכא טלולא)  וויל איך אים זען אין JAIL 

ווייל אנכי נפשי כתבית יהבית איך האב ליב קליינע אומשילדיגע אידישער זיסע קינדערליך שלא טעמו טעם חטא!

יא זיי האב איך שטארק ליב און ווער עס האט א חלק און לאזען זיי נפטר ווערן זאל שוין אחת דתו גיין אין חד גדיא

למען ישמעו ויראו!!!

כל זה כתבתי אויב די פאקטען זענען אזוי באמת געוועהן. יתבררו ויתלבנו!

נאך 3 נקודות*:namespace prefix = o ns = "urn:schemas-microsoft-com:office:office" />

1)      מזעט אז יוחי וייסט נישט קיין נפק"מ צווישן א אמעריקאנער חוקר און א ארץ ישראלדיגע'ר חוקר, צווישן א אמעריקאנער פאליציי און א ארץ ישראלדיגן, א אמעריקאנער קומט מכח זיין ארבעט איבערקוקן און טוהן אלעס וואס מ'דארף, א שוטר און מדינת ישראל ביי א חרדי קומט ער די ערשטע זאך מיט א שנאה כבושה צו עם, והשנאה מקלקלת את השורה, (איך געדענק איך האב געהאט צווי חברים אין ישיבה אין אר"י און זיי זענען געווען אין געגנט פון הפגנות אויף איינשפארן דרעי (א אלטע פרשה) אבער זיי האבן גארנישט געהאט מיט די הפגנה, ס'איז געווען ממש אין שטאט, אין פלוצלינג האבן זיי באמערט ווי פאליציי לויפט נאך יעדן איינעם זענען זיי אריין דארט אין א בנין פון א ישיבה פלוצלינג קומען אפיר צווי חברה זענען די בחורים ארויפגעלאפן אויבען פון פחד, אין די פאליציי האט זיי נאכגעיאגט ביז א געוויסע צימער אין דארטן האבן זיי געשלאגן די צווי בחורים מכות רצח, זיי האבן גאנץ גוט געוואוסט אז דאס געהער נישט צו די חסידישע בחורים ווייל דאס איז געווען בעיקר א ספרדישע מערכה, אבער אז מ'קען שלאגן א חרדי עד זוב דם, דאס איז דאך די גרעסטע הנאה) און אויב וועט זיך איינער וועלן אנקלאגן וועט ער קענען טאנצן אויף די לבנה, ווייל קיין שום אפיס אין מדינת ישראל וועט איהם נישט אויסהערן, בפרט אויב איז ער א חרדי, און פארגעס נישט אז אין אר"י איז דא א מטרה אויסצומאלן פאר יעדן אז די חרדים האבן אסאך קינדער און זיי געבן נישט אכטונג אויף זיי וכו' אין צו די מטרה ניצן זיי אלע אמצעים.

2)      עלטערן זענען די ערשטע וואס זיי זארגן פאר זייער קינד, אין עס איז קלאר אז ווען דעס קינד האט געוויינט נעבעך פון פיבער וכדו' איז די עלטערן'ס הארץ אויסגעגאנגען פאר צער, און האבן פראבירט צו טוהן וואס זיי קענען, אז מ'האט נישט געגעבן קיין אנטיביאטיק מיינט נאכנישט גארנישט, עלטערן האבן א רעכט (ע"פ תורה זיכער) צו ניצן האמאפאטישע רפואות פאר זייער קינד, בפרט ווען יצא שמם בעולם אז די רפואות האבן שוין אסאך געהאלפן, אין בפרט אז די ארץ ישראלדי'גע דאקטוירים ווייסן נישט אלעמאל וויפיל אנטיביאטיקה צו געבן אין ס'איז שוין געווען ליידער מעשיות פארקערט אז מענטשן זענען אוועק פון נעמען צופיל אנטיביאטיקה, אדער ווייל דער דאקטער האט זיך נישט געהריג אפגעגעבן, און אויב וועט זיך איינער וועלן אנקלאגן וועט ער קענען טאנצן אויף די לבנה, ווייל קיין שום אפיס אין מדינת ישראל וועט איהם נישט אויסהערן, בפרט אויב איז ער א חרדי.

3)      און דער עיקר איז אז "אלעס איז באשערט" יא יא וויפיל ס'איז נמאס פאר געוויסע מענטשן צו הערן אדער צו ליינען דארף מען עס אלץ איבערחזר'ן "אלעס איז באשערט" אין צו באשולדיגן אין אזא פאל די עלטערן ווייזט אויף א חסרון אין אמונת השגחה פרטית, זיי האבן געטון זייער השתדלות און דער באשעפער האט געוואלט אנדערש, זאל מען הערן גוטע בשורות.

לכל מאן דבעי למידי,

ווי עס שטעלט זיך יעצט ארויס איז דאס מיידעלע יא גיווען Immunized

דאס אז די מאמע איז געלאפען צום דאקטער תיכף ווען דאס קינד האט באקומען פיבער וויזט ארויס אז די עלטערען זענען פאראנטווארטליכע עלטערען. אפגיזען פונעם פאקט אז זי האט נאך נישט גיהאט געגעבען די מעדיצין (ווייל דער דאקטאר האט גיזאגט אז זי זאל דאס געבען נאך א פאר טעג אויב די פיבער וועט נישט אוועק גיין).*:namespace prefix = o ns = "urn:schemas-microsoft-com:office:office" />

דאס אז די פאליציי דארט זענען שונאי הדת און האבען פיינט א חרידישען איד איז דאך אויסער יעדע פראגע.

די רבנים רב גרוס רב דחסידי גור  באשדוד מיט הרב הורביץ רב דחסידי בעלזא באשדוד וואס האבען עוסק גיווען און די פרשה האבען גארנישט מוחה גיווען קעגען דעם פארכאפען, נאר אז זיי האבען נישט קיין חלק דערין און אז זיי האבען עס נישט געטוען.

ממילא צו זאגען אז דאס איז קעגען די הלכה במקום וואס די רבנים שווייגען ווייס איך נישט (קען זיין אז דא איז דא צווישען אונז א גרויסער דיין).

זיי האבען גיוואלט פאלמעסען און נישט קיין DNA ווייל א BLOOD SAMPLE קען א יעדע נורס נעמען אויפן פלאץ און עס אפשיקען קיין אבו כביר און מען האט פארדעם נישט גידארפט אריבער פירען דאס קינד קיין אבו כביר.

דאס איז א שקר גס צו זאגען אז און ניו יארק פאלמעסט מען א יעדעס אויסערגיווענליכער טויט,

מען פאלמעסט נאר ווען מען איז חושד אויף רציחה וכו'

עס איז נישטא קיין שום פעדעראלע געזעץ און אמעריקע וואס איז מחייב עלטערען צו immunize  זייערע קינדער.
מען ווערט נישט פאררעכענט און די אמעריקאנער געזעצען פאר א רוצח פארן נישט געבען קיין וועקסין פאר די קינדער.