(להבדיל בין קודש לחול) חדשים לבקרים: היינט געזען

אין דעם פורם שיעור עיון האט אונזער קאלעגע קרעמער געפנט אן אשכול  "חדשים לבקרים: היינט געזען",
 וואס אגב, איז עס זייער א שיינע אשכול, האב איך געקלערט צו גיין אין זיינע פיס-טריט נאר לגבי מילי דעלמא.



איך האב היינט געזען אויפ'ן 'דבר יום ביומו' צעטל, אז אויב קויפט מען די טראלי טיקעט ביכעל מיט די שבת ארדער, גייט עס אריין אין כלל פון הוצאת שבת.


(טאמער פארשטייט איר נישט וואס איך האב געשריבען, דאן פרעגטס איינעם פון ענקערע וויליאמסבורגע חברים)

תוקן על ידי - פרעטצעל - 14/05/2006 16:41:01

די דבר יום ביומו צעטל האט א הסכמה?

פרעטצעל;

יישר כח פארן מפרסם זיין מיין אשכול אין דעם שיעור עיון פורום, איך האב טאקע געקלערט אז עס איז כדאי אז די קרעטשמע זיצער זאלן געוואויר ווערן דערפון, ווי נישט ווי, קען מען דערפון ארויסנעמען עפעס אינטערסאנט און נוצליך, יישר כח פארן מודיע זיין דעם עולם דערוועגן.

דיין בייפאל פון להבדיל בין קודש לחול איז אויך נישט אזוי שלעכט, וועל איך טאקע דא אריינלייגן א גוטס וואס איך האב היינט אינדערפרי געזען אינעם וויליאמסבורג בולעטין, ער שרייבט (אויף זייט 4 בערך) אז גנבים ברעכן זיך לעצטנס איין אין שוהלן צו גנב'נען פושקעס, אין די לעצטע 2 וואכן האט מען שוין געכאפט צוויי חברה, איינער האט זיך איינגעבראכן אין קאשוי ביהמ"ד, און דער אנדערער אין קינגס טערעס שוהל אויף קליימער סטריט...

יא, מען זעט אז די וויליאמסבורג בולעטין ווערט צוזאמגעשטעלט אין מאנרא... (דאס איז אויסער די סימן מובהק וואס מען האט געקענט זען אינעם תורה ארטיקל פונעם פארגאנענעם וואך וואס צוליב תקנות הפורום וועל איך נישט אריינגיין דערין).

מאך מיך נישט טראכטן פון די בולעטין! אלע ארטיקלעך איז נאך אראפצושלינגען, אבער דאס צו מוחה זיין יעדע וואך אויף עפעס אנדערש אין די עדיטאריעל, עעך עעך עעך! מען צאלט געלט פאר א שרייבער און מען ווארנט אים אן טרעף עפעס אויף וואס מוחה צו זיין, משטיינס געזאגט.

אוקיי?

היינט געזען אז אברהם אבינו איז געגאנגען מיט א געפלאכטענע עטרה.


מר. קרעמער פון ווי נעמסטו דאס?
 

פרעטצעל;

אינטערסאנט אז פון אלע קרעטשמע וואנדערער האט נאך קיינער נישט איבערגעפרעגט וואס מיין ראיה איז, טראצדעם וואס עס איז שוין פארלאפן א היבשע פאר חדשים זינטן שרייבן פון די תגובה.

זעט אויס אז די וועלטס ווערטל: "א גאסט אויף א ווייל, זעט א מייל" האט עפעס אמת אין זיך.

עניוועי, די ראיה איז גאנץ א פשוט'ע, איך קען א איד וואס איז אן איידעם ביי אברהם אבינו (ער האט חתונה געהאט מיט א גיורת) און ער גייט מיט א געפלאכטענע עטרה אויפן טלית, איך גלייב אז זיין שווער האט אים דאס געקויפט.

סימפל.

קרעמער;

האסט מיר אריינגעלייגט אין א שטיקל דילעמע. ווייל איך קען א איד וואס איז גראדע א זון פון אברהם אבינו'ן, און ער איז אויך א שוואגער מיט וועם דו קענסט, ווייל זיי זענען ביידע איידעמער אויף איין פלאץ... און ער גייט אין א געקעסטלטע עטרה.

ס'שוין גארנישט אזוי סימפל.

העי העי העי העעעעעעעעעעעעעי!!!!!!!!!!!!!........ כאפטס אים! כאפטס אים!!!!!!!!!......... יין שרף קום אהער!.... איין רגע נאר.......... ההההההה......... איך וויל נאר מיטשיקן א פעקל פאר 'אב הרחמן' ווען די גייסט צוריק ארויף אויבן........ קענסט מיר אזוי גוט זיין טון די טובה? אדער דארטן מאכט מען אויך אזא אונטערזיכונג אויף יעדן ווי דא ביים עירפארט?....

היינט געזען א איד וואס האט קנעפלעך אויף זיין קראגען.


איינער ווייסט די פשט דערפון?
צו האט איינער פון ענק שוין געזען אזא זאך?

איז ער א פרומער איד געווען?

אויב יא, האב איך א שטיקל פשט דערויף בדרך נסתר.

קרעמער,

WOW!  דו קענסט נסתר אויך, ואנכי לא ידעתי.

צו ער איז א פרומער איד? המממממ... ווענד זיך וואס ס'מיינט ביי דיר פרום, איי דאוד אז ס'האט עפעס מיט נסתר, באט העי יו קען נעבער נאו!

קרעמער,

איך ווארט נאך אלץ צו הערן די פשט פון די קנעפלעך אויף די קראגן.

==
היינט האב איך געזען אויף די וויליאמסבורגע גאסן ארומפארן א גרינע טראק און אויף די זייטן פון די טראק איז געווען אדווערטייזמענטס, אבער נישט קיין פלעינע עד'ס נאר ס'איז געפארן, א יעדע מינוט א צווייטע אדווערטייזמענט.

פרעצל.

די קנעפלעך אויפן קראגען איז ביים העמד אדער ביים רעקל?

אויפן העמד איז די אלט-נייע סטייל.