פרעגט מיר נישט פארוואס פארווען אדער פארוואו, אבער די משוגעת האט זיך אריינגעכאפט ביים עולם טרונקער, און איינער נאכן צווייטן גייט מען אריין אין די עלעקטראנישע געשעפטן וואו פאר א קליינע אפצאל קען מען זיך איינהאנדלן אזא סארט "מייק" וואס דורכדעם קען מען רעדן פון איין עק וועלט צום צווייטן פאר אומזינסט, דורך גוגעל טאלק, יאהו מעסענדזשער, אדער עם.עס.ען.
אנגעהויבן האט זיך עס מיט א האלב יאר צוריק, ווען איך האב זיך איינגעהאנדעלט א נייע קאמפיוטער, וואס איז געקומען מיט אן אריינגעבויעטן מייק סיסטעם, אז איך רעד און דו הערסט, פשוטו כמשמעו, אן קיין ספעציעלע אינסטרומענטן. אזוי האב איך אנגעהויבן רעדן מיטן עולם שעות ארוכות, איך האב גערעדט מיטן קעניג (מר. דזשובוי), מיט נתן101 (איינער געדענקט אים נאך?), און שפעטער האט זיך אנגעהויבן א סעריע געשפרעכן מיטן דיין התאחדות, וועלכער האט געשיקט זיין אונטערשמש סאכדעס זאל אים איינהאנדלן די ספעציעלע ווייערל מיט וואס ער וועט זיך קענען פארשטענדיגן צו אלע דיינים און שאלה פרעגער איבער די וועלט.
אבער יעצט - ממש לעצטנס - האט די עפידעמיע באטראפן א שיין חלק פונעם עולם דא, צוביסלעך קומען אריין ביפס דא און דארט, פארברענגן וויל פארברענגן, יאנאש וויל שטופן די צייט, און אפילו דער דריי מאל גארנישט האט זיך געלאזט וואוילגיין און איינגעקויפט דעם מייק, וואס וועט אים ערמעגליכן צו רעדן מיט די מיליאן און צוויי הונדערט טויזענט גוגעל קאנטאקטן וואס ער האט זיך שוין פארשאפט זינט זיין אדרעס איז ארויפגעשווימען אין איינע פון די קרעטשמע אשכולות.
לאמיר הערן וואס דער עולם האט צו זאגען דערויף... און טאקע "זאגען"! רופט אריין און לאמיר הערן.
אנגעהויבן האט זיך עס מיט א האלב יאר צוריק, ווען איך האב זיך איינגעהאנדעלט א נייע קאמפיוטער, וואס איז געקומען מיט אן אריינגעבויעטן מייק סיסטעם, אז איך רעד און דו הערסט, פשוטו כמשמעו, אן קיין ספעציעלע אינסטרומענטן. אזוי האב איך אנגעהויבן רעדן מיטן עולם שעות ארוכות, איך האב גערעדט מיטן קעניג (מר. דזשובוי), מיט נתן101 (איינער געדענקט אים נאך?), און שפעטער האט זיך אנגעהויבן א סעריע געשפרעכן מיטן דיין התאחדות, וועלכער האט געשיקט זיין אונטערשמש סאכדעס זאל אים איינהאנדלן די ספעציעלע ווייערל מיט וואס ער וועט זיך קענען פארשטענדיגן צו אלע דיינים און שאלה פרעגער איבער די וועלט.
אבער יעצט - ממש לעצטנס - האט די עפידעמיע באטראפן א שיין חלק פונעם עולם דא, צוביסלעך קומען אריין ביפס דא און דארט, פארברענגן וויל פארברענגן, יאנאש וויל שטופן די צייט, און אפילו דער דריי מאל גארנישט האט זיך געלאזט וואוילגיין און איינגעקויפט דעם מייק, וואס וועט אים ערמעגליכן צו רעדן מיט די מיליאן און צוויי הונדערט טויזענט גוגעל קאנטאקטן וואס ער האט זיך שוין פארשאפט זינט זיין אדרעס איז ארויפגעשווימען אין איינע פון די קרעטשמע אשכולות.
לאמיר הערן וואס דער עולם האט צו זאגען דערויף... און טאקע "זאגען"! רופט אריין און לאמיר הערן.