ציוניזם, וואס איז עס נוגע למעשה?

אין אן אנדער אשכול האט מען שוין דורכגעשמועסט דעם ענין ווי זיי זענען נאך היינט פעסט אקטיוו... און מען מוז זיך על כל צעד ושעל שלאגן און קעמפן קעגן זיי מיט אן אומגעהויערע שטרענגקייט, אזש קאליע מאכן פרנסות פון אידן.

מיר איז נאר אינטערעסאנט צו וויסן וואס פונקטליך איז דאס? וואס האט דאס א שייכות מיט אונזער טאג טעגליכע אידישקייט?

איז נאך בכלל דא היינט דער סארט ציוני וואס איז געווען מיט יארן צוריק? אדער האבן עס די אגודאים איבערגענומען און וועגן דעם דארף מען פארברענען זייערע צייטונגען?

איך ווייס אז דא איז דא אסאך סאטמארע אידן, בעט איך א קורצער הסבר וואס דאס איז. נישט קיין לאנגע מאמרים און געדרייטע ערקלערונגען. קורץ און שארף.

אין קורצן,

בכל שבת קודש בשעת פתיחת הארון אנו מתפללים ומבקשים מה'

"אב הרחמים הטיבה ברצונך את ציון תבנה חומות ירושלים כי """בך לבד""" בטחנו מלך קל רם ונשא אדון העולמים"

הנה כל העתונות האגודאים בכל שם וכינוי שיש להם הם מלאים בתחבולות והשארות איפה ואיה ואימתי להטיב את ציון ולבנות חומות ירושלים בשילול הבטחון במלך קל רם ונשא אדון העולמים.

90pct

דו האסט עס קלאהר ארויס

די תורה הייסט זיך פירען בדרך הטבע אבער דו פאר שטייסט בעסער.

עירובין מד

אמר רב יהודה אמר רב נכרים שצרו על עיירות ישראל אין יוצאין עליהם בכלי זיינן ואין מחללין עליהן את השבת תניא נמי הכי נכרים שצרו וכו' במה דברים אמורים כשבאו על עסקי ממון אבל באו על עסקי נפשות יוצאין עליהן בכלי זיינן ומחללין עליהן את השבת ובעיר הסמוכה לספר אפילו לא באו על עסקי נפשות אלא על עסקי תבן וקש יוצאין עליהן בכלי זיינן ומחללין עליהן את השבת אמר רב יוסף בר מניומי אמר רב נחמן ובבל כעיר הסמוכה לספר דמיא ותרגומא נהרדעא

אין הכי נמי, דאס איז דאך אין מס' עירובין וואס כידוע די ציונים האבן אויסגעטראפן

אבער אזוי ווערט געפסקענט אין שו"ע או"ח שכ"ט


(ו) עכו"ם שצרו על עיירות ישראל אם באו על עסקי ממון אין מחללין עליהם את השבת באו על עסקי נפשות ואפילו סתם יוצאים עליהם בכלי זיין ומחללין עליהם את השבת ובעיר הסמוכה לספר אפילו לא באו אלא על עסקי תבן וקש מחללין עליהם את השבת: הגה ואפילו לא באו עדיין אלא רוצים לבא (א"ז):
(ז) יש מי שאומר שבזמן הזה אפילו באו על עסקי ממון מחללין שאם לא יניחנו ישראל לשלול ולבוז ממונו יהרגנו והוי עסקי נפשות (ומ"מ הכל לפי הענין)

דו אליין

לייג נישט קיין שלעסער אויף דיינע טירן און אויב דו הערסט איינברעכן רוף נישט קיין פאליציי

כמאמר הכתוב
אם ה' לא ישמור עיר שוא שקד שומר

דיפלאמאט

ציוניזם איז זעהר נוגע למעשה, ספעציעל פאר אונזער היימישן עולם
וויאזוי דען קען א גרויסער עולם אידען שלא קראו לא שנו אלא שמשו(!) זיך האלטן גרעסער פון אלע תלמידי חכמים בדור.

ציוניזם!

וואדעווער דעט איז



תוקן על ידי - baachi - 15/12/2005 18:42:29

קבלתי באישי א שטיקל פון ר' אביגדור מילר ז"ל

איך קלער לכבוד כ"א כסליו, דבר בעתו מה טוב

ש. מה נענה לעם הפלסטיני הטוען שהעם היהודי "זרק" אותם ממולדתם?


ת. מה תענה לאדם שמגרש אותך מביתך באיום של אקדח, ולאכר מכן הוא טוען: זה ביתי, עתה אני גר כאן. הרוצה אתה לגרשני?...

יש לנו היהודים, שטר בעלות מפורש על ארץ ישראל. התורה אומרת בפירוש שהארץ שייכת לנו. העובדה שגורשנו מארצנו באיום של סכין אינה אומרתת שאיבדנו את זכותנו לחיות בארץ. השאלה אם עלינו להשתלט על הארץ בכח הזרוע, היא נושא בפני עצמו ולא ניכנס אליו, אולם בהחלט וללא שום ספק מוצדק לומר שהארץ שייכת לנו. זו מולדתנו, בארץ זו גרנו והרומאים גירשונו ממנה בכח הזרוע. ארץ ישראל היא ארץ היהודים. אם פלסטיני מעוניין לגור בארץ, איש לא מונע זאת ממנו אבל אם הוא עושה צרות ומאיים על חיי התושבים יש להעניש ולגרשו. אין לפלסטינים טענה מוצדקת נגד היהודים, כיון שאילו הם לא היו מציקים ומסכנים את חיי האזרחים, הרי שהיו יכולים לגור בשלום בארץ ישראל.


ע"כ גענומען פון ספר אור עולם, נאכגעשריבן פון די טעיפס פון ראביי מילר ע"ה. איך שיק עס פאר אינטערעסאנטקייט אז אין סאטמאר איז אנגענומען אז ער איז אינגאנצען לויט זייער שיטה, וואס אין פאקט איז עס נישט אזוי.

עכ"ל.

כ'האב פונקט ביי מיר אן אלטן ספר געדרוקט אין אמעריקע נאך פאר די קריג, עפעב שטייט דארט אויך אז ארץ ישראל געהער צו אידן, לאמיר הערן דיין מיינונג, איז דער בעל הספר געווען א סאטמערער אדער אנטי סאטמער? ילמדנו רבינו!

כ'האב דאפלט אונטערגעשטראכן דער מקום הספק מפני הנכנסים והיוצאים ועמי הארץ
[בילד – נישט אפגעהיט]

לדעתי זענען די קלויזנבערגער חסידים פון די געבליבענע ציוניסטן וואס ביי זי ענגט מען א "דגל" און "יום העצמאות".

נבוכדנאצר,

ליין די ווערטער:

אבל אם הוא עושה צרות ומאיים על חיי התושבים יש להעניש ולגרשו

סאטמאר האט טאקע אויך אזוי געהאלטן?

נבוכדנצר

איך האב מורא איך ווייס ווער דו ביזט

דו ביזט מיין צווייטער שוואגער! פון די ממשלה'ס זייט.

ער קען אויך פירען די גאנצע וועלט אבער ער קען זיך נישט אויסלערנען אריין שטעקן דאס העמד אין די הויזען.די נאז אונטער די בריללען אדער די פאות ארום די אויערן, ער זאגט אז ספעלט איהם דער כוח המצמצם

אפשר לערנסטו דיך אויס פאר אגוט יאהר ארויף צושטעלן א פאסט ווי א בן אדם?

נישט אלל אווער דע פלעיס- ווילסט אויף יידיש: כל העולם כולו...

כקען נישט לייענען,נישט נאר דיינע תגובות, די ביזט אפילו א חב לאחריני

לאט לך (טעיק איט איזי בלע"ז)

יוסףתשעים

מיר "ענגען" נישט קיין דגל אין יום העצמאות פון מדינת ישראל

און מיר "ענגען" נישט קיין אידן וואס האלטן נישט ווי אונז

דער טעם פארוואס מיר "ענגען" נישט קיין פאהן פון מדינת ישראל איז פונקט דערזעלבער פארוואס נבוכדנצר "ענגט" נישט קיין פאהן פון זיין מלכות של חסד אין פערטן יולי.

די אייציגע זאך וואס מ"ענגט" אין קל"ב
איז א מקוה האנטוך צו טרוקענען אויפן פלויט פון ביהמ"ד אין שב"ק.
נבוכדנצר וועט טרעפן די תשובה אין דברי יציב



תוקן על ידי - baachi - 19/12/2005 21:13:57

כ'האב נישט געטראפן קיין איין ווארט אין ר' אביגדור'ס ווערטער וואס כ'זאל זיך דערמיט נישט אידענטיפיצירן.

כאטש איך בין אויך מסופק צו ער האט געהאלטן ממש ווי סאטמאר אין די שיטה, איז אבער קלאר אז די דאזיגע ווערטער זענען כלל נישט מנגד די תורה הקדושה.

באטשי, האסט אומזיסטע שרעק!

חלמא בישא חזית, חלמא בישא חזית, חלמא בישא חזית

דו ווייסט נישט ווער איך בין ווייל ווען יא וואלסטו געזעהן דעם ריזן פאהן פלאטערן פאר מיין דירה פון דעם ערשטן יולי ביזן זיבעטן בו (שלשה ימים לפני אידיהם ושלשה לאחריהם) איך בין מתפלל לשלומה של מלכות, ממילא קענסט שוין רופן די חרטומים פון שכנות'דיגן עגיפטן און פותר חלום זיין, א סגולה בדוקה ומנוסה כנגד "מורא"

און איך בין אויך מתפלל דריי מאל אין טאג ומלכות הרשעה מהרה תעקר ותשבר ותמגר, דוכט זיך אז אין צאנז פעהלט נישט די ברכה פון יבנה

לפי שאיבוד המינים גדול מכל צרכי בני אדם - רמב"ם (פאר די וועלכע עס זענען נישט בגדר בני אדם איז עס נישט פון זייערע צרכים)

דו באשולדיגסט די גאנצע וועלט ווייל דיין סקרין איז פיצל? טוט דיר א טובה פארקלענער דעם סקרין וועסטו נישט דארפן קוקן ווי א האן אין בני אדם און קרייען אז איך מאך דיר בלינד און שטום

פארגעס נישט צו שיקן א קוויטל צום זוועהיל'ער און גיב א פופציגער פאר די נייע מאנסי'ער קהילה זאלסט האבן וואו צו טרינקען קאווע נאך 8 פארטאגס

כ'ליין צווישן דיינע שורות אז עס טוט דיר באנג אז נאך איינער קוקט דברי יציב, האב נישט מורא, איך וועל נישט מאכן קיין אשכולות ערב ט' תמוז "דברי יציב תמוה מאוד" ווייל פון מיין זייט זאל דער גאנצער דברי יציב זיין איין שטיק פירכא, וועמען קימערט דאס? נישט מיר און נישט טויזנטער אנדערע אידן יראים ושלמים איבער דער וועלט

כ'האב געהערט אז דעם ספר וואס איך האב געסקענט האט מען שוין איבערגעדרוקט, כ'מיין אז ר' אביגדור האט עס אויך געהאט, אפשר האט ער גענומען זיין מיינונג פון דארט? מ'דארף זעצן א בית דין של שבעים ואחד דאס מברר צו זיין

**

חאכאם דיפלאמאט,

יש להעניש ולגרשו

ווער? מען רעדט פון א "אידישע" ממשלה? אפשר פריער אדער שפעטער, אין דעם שטיקל איז נישטא קיין זכר דערפון.

נבוכדנצר

1) מיט דעם פאהן פארשטיי איך נישט וואס דו ווילסט

2) אין צאנז איז מען מתפלל ברכת המינים אבער מגיט נישט דעם באשעפער קיין אדרעססען, מיר האלטן אז דער רבש"ע איז גענוג בהאוונט און די היינטיגע נייעס צו וויסן אליין.

3) מיין סקרין איז נישט פיצל, דו קענסט נישט סקענען

4) קאווע טרינק איך אין בית לואיס ( היינטיגע ויואל משה) נישט ח"ו וועגען ואכלת שלל אויביך, נאר ווייל סאיז בעסערע קאווע.

5) קענסט פרעגן אויפן דברי יציב וויפיל דו ווילסט, אדרבה יגדיל תורה ויאדיר, נאכאמאהל אשיינעם דאנק פאר דעם מראי מקום.

6) סקימערט נישט קיינעם ווייל סאיז פונקט ווי אלע חלקים פון די הייליקע תורה וועלכער זענען נתחבר געווארן נאכן חתימת התלמוד או השו"ע, די קל"ב זענען קיינעם נישט מחייב, ק"ו נישט טעראריזירן אין רופן מסית ומדיח ולמעלה מזה, משא"כ דעם ספר פון דעם קוה"ט דער בעל ההילולא דכ"א כסליו, ולכן מצוה להקשות.

7) מיט ר' אביגדור האב איך גארנישט איינגעלייגט, ער איז געוועהן א ליטוואק אין א קנאי, דער סקען איז געוועהן לשיטתכם.

זיי געזונט אין שטארק אין דערלעב ווי אלע היינטיגע מחלוקתלעך ווען שלום און סברעכן אויס נייע, פון די היינטיגע שלום'ס


עיקר שכחתי

חאכאם דיפלאמאט,

יש להעניש ולגרשו

ווער? מען רעדט פון א "אידישע" ממשלה? אפשר פריער אדער שפעטער, אין דעם שטיקל איז נישטא קיין זכר דערפון.




דאס האסטו געשריבן?

דער ר' אביגדור האט גערעט צו די גויים WOW!
ווער האט אים געפרעגט די שאלה? ראמספעלד? קיסינדשזער? מן הסתם קאספער ווינבערגער? (NO RELATION)

ער איז געווען בשעת דעם שיעור? יעצט פארשטיי איך פארוואס ער האט גערעט ענגליש

אגב ער הייבט אהן זיינע ווערטער "לנו היהודים"

אבער זאג נאר טייערער, דאס איז איידישע ממשלה דארט?
אינטערסאנט אז די מזרחי האלט אויך פונקט אזוי,
ווען ביזטו געווארן אויס סאטמערער?

לשיטתך אז א ממשלה וואס זיצען דארט יידען הייסט א יידישע ממשלה, איז דאך אין מאנראו די זעלבע זאך

ג-----י-----ו-----ו------א------ל-----ד!!!!!

תוקן על ידי - baachi - 19/12/2005 23:37:01

תשעים יוסל שרייבט:
לדעתי זענען די קלויזנבערגער חסידים פון די געבליבענע ציוניסטן וואס ביי זי ענגט מען א "דגל" און "יום העצמאות".

וויאזוי קען דאס זיין א "לדעתי?" דא האנדלט מען מיט א פאקט! אדער הענגן זיי אדער נישט. דאס האט נישט מיט קיין דעה.

חוץ טאמער גייסטו דא מיט א "לשיטתכם" אז אויב איז עס נישט אמת מאכט מען דערפון א "לדעתי" אין פין דארט מאכט עץ שוין זיכער אז די עולם גלייבט אז ס'איז א פאקט.

תוקן על ידי - Kutchma - 20/12/2005 0:15:00

באטשי טייערער ביזסטו געווען ביי די גע'אסר'טע שבע ברכות אין וויליאמסבורג?


לכבוד כ"א כסלו...

דער ג-ע-ו-ו-א-ל-ד-י-ג-ע-ר ג-ע-ש-ר-י-י האט מיר אזש אויפגעוועקט פונעם נאכמיטאג דרימל, עס שיינט אז איך האב דיר ארויסגענומען פון גלייכגעוויכט, א קלייניגקייט! שבוע שחל בו כ"א כסליו!!

דער הייליגער לובלינער האט געזאגט אז אין זיין יאהרצייט וועלן די מתנגדים נישט קענען געבן קיין טרונק וואסער

פון דעם קוה"ט איז אונז געבליבן צוויי יומא דפגרא'ס, כ"ו אב און כ"א כסליו, און די תלמידים און תלמידי תלמידים פרייען זיך מיט דעם תורת אמת, קענסט קומען אין איינע פון די סאטמערע צענטערן נעמען א גלעזל בראנפן און זיך דערווארימען לכבודו פונעם בעל הנס אום כ"א כסליו, אדער זיך אפקיהלן מיט א קאלטן געטראנק אין דעם הייסן כ"ו אב, קיינער וועט דיר נישט שטערן, אין מאנסי זיכער נישט

בית לואי איז שוין היינט דוכט זיך א ישיבה, זעהט אויס אז דו ביזט נישט באהאוונט מיט די סאטמערער נייעס זינט דו ביסט ארויס פון דארט, דער עיקר אז ר' י"ט דרוקט אייערע פלאקאטן איבער דעם בונים היכל דאס איבריגע דארף דיר נישט אנגיין

ווען איך זאג ברכת המינים דערמאן איך זיך פון די ווערטער פונעם הייליגן רמב"ם (נישט דער פונעם אגרת תימן, א צווייטער, תרי רמב"ם הוי):

בימי רבן גמליאל רבו האפיקורוסין בישראל והיו מצירים לישראל ומסיתין אותן לשוב מאחרי השם, וכיון שראה שזו גדולה מכל צרכי בני אדם עמד הוא ובית דינו והתקין ברכה אחת שתהיה בה שאלה מלפני השם לאבד האפיקורוסין וקבע אותה בתפלה כדי שתהיה ערוכה בפי הכל

כ'קלער אז דו האסט אינזינען ביי על הצדיקים דיין צדיק און ביי ברך עלינו דעם פולן טייסטער, וויאזוי טרייבסטו אוועק די מחשבות און אדרעס ביי ולמלשינים? האסט א בעסערן טייטש? וויאזוי האט מען געטייטשט אין קלויזנבורגער חדר יכרתו? אפיקורוס איז אפיקורוס, דער ראש הממשלה פון מדינת ישראל מיט נאך צוויי דריי זענען מצירים לישראל ומסיתין אותן לשוב מאחרי השם, די אנדערע מיליאנען פרייע אידן זענען נעבעך כתינוקות שנשבו, אויף זיי האט דער קוה"ט געשריגן מיט בכיות ביי די נשא תורה וויפיהל יתומים און אלמנות זענען געבליבן! אבער די ראשי הכת זענען ווי די מתיונים און קראים וואס האבן געריסן שטיקער אידישקייט, אז דו האסט רחמנות אויף די ראשי הרשעים ביסטו עובר אויף א לאו פון לא תחמול ולא תכסה עליו לשיטת דברי יציב, וקשיא באטשי אדברי יציב

מסית ומדיח האט דער קוה"ט נישט געשריבן אויף עהרליכע אידן, אבער אלטער באקָ האט דער רודניקער עילוי געזאגט אויף יעקב אבינו'ן, עיין מכון תורה טעיפס ודו"ק

חלילה צו זאגן אויביך איין איד אויפן צווייטן, איך האב נישט פיינט קיין איד אין דער וועלט, חוץ פון די וועלכע עס גלייבן נישט אין איינע פון די י"ג עיקרי הדת וואס דער רמב"ם זאגט מצוה לשנאו, כ'קען נישט אזא איינעם אין דער גאנצער וועלט! דער שרון און לפיד זענען מסיתים און מסיתים טראצדעם וואס זיי גלייבן מעגליך אין די עיקרי הדת, איז עס ממילא נישט מאסגעבנד, און מען דארף אויף זיי מלמד חובה זיין ווייל זיי זענען נישט עושה מעשה עמך און טוען עבירות בפרהסיא און ווען זיי שטארבן דארף ען זיך מתעטף זיין בלבנים עיין יו"ד סימן שמ"ה

טענו בחטים והודו לזכר למקדש, ר' אביגדור באציהט זיך נישט צו קיין אידישע ממשלה, ער האט געזאגט אז מען קען פארטרייבן א מוסלמענער וואס מאכט צרות, ווי די שומרים פון בארא פארק

ווי פלעגט דער אב"ד ספרדים אויספיהרן בעידן חדוותא: "דאס איז תורת אמת".

נאכאמאל, קען זיין אז ווען איך וועל זעהן מה לפנים ומה לאחור וועסטו זיין גערעכט, ד ע ר שטיקל זאגט אבסאלוט גארנישט.

געדענק: האלבערשטאם תחת האלבערשטאם, נפש תחת נפש, און טאקע אויפן פיאקער, ר' ישעיה'לע טשעחויבער איז אויך א נפש, מענינא דיומא וק"ל

עס איז פשוט אז ר' אביגדור רעדט נישט כלפי די מדינה אז זיי האבען א רעכט צו פאררטייבען אראבער, ער רעדט אז כלפי די פאליסטענער אז זיי, דוקא זיי, האבען נישט קיין טענה, ווייל ווען איינער שטערט די אנדערע איינוואינער, אידען, וואס האבען אויך א רעכט דארט צו וואינען, דארף מען נישט טאלערירען. אבער דאס מיינט נישט אז אידען האבען א רעכט זיי צו פארטרייבען מצד די אידישע הלכה.

דוגמה לדבר, שרון'ס גיין אויף'ן הר הבית, לדעתינו האט ער זיך גערייצט מיט די אראבער, און האט דאס נישט געדארפט טוהן, אבער מיינט דאס אז די אראבער זענען גערעכט אז שרון האט נישט געטארט דארט גיין? אוודאי נישט, זיי זענען נישט בעלי בתים.

קוק אריין וואס רש"י הק' שרייבט אין ערשטן פסוק חומש.

"בראשית ברא אלוקים את השמים ואת הארץ..." (בראשית א, א)

פירוש רש"י:

א"ר יצחק: הלא היה צריך להתחיל את התורה מ"החודש הזה לכם" שהיא מצווה ראשונה שנצטוו בנ"י, ומה טעם פתח ב"בראשית"?
משום "כח מעשיו הגיד לעמו לתת להם נחלת גויים". שאם יאמרו אומות העולם לישראל: ליסטים אתם, שכבשתם ארצות שבעה גויים, הם אומרים להם: כל הארץ של הקב"ה. ברצונו נתנה להם וברצונו נטלה מהם ונתנה לנו.


די אנשי כנסת הגדולה ווייס איך שוין ווי זיי זענען געשטאנען, אבער מיט רש"י הק' וואס טיט זיך איז ער אויך געווען פון די אנטי...?

האסט פארגעסן אויסצולאזן די לעצטע ווערטער פון רש"י:

ברצונו נתנה להם וברצונו נטלה מהם ונתנה לנו

ואידך פירושא זיל גמור.

ציוניזם, וואס איז עס נוגע למעשה ?

כדי צו פארשטיין אויף וואס עס איז נוגע למעשה, דארף מען קודם פארשטיין די שייכות פון דער "סאטמאריזם" צום "ציוניזם"

איינע פון די "רעיון הציוני" איז דער "כוחי ועוצם ידי" אז זיי האלטען אז "זיי" האבען מנצח גיווען אין זייערע "מערכות" אין אז מיט זייער כח "פירען זיי א מדינה, הארגענען מענטשען, טשעפענען "פרומע אידען וכדומה,

זה לעומת זה, איז דער "רעיון הסאטמארי" בדעה אחת, זיי פירען זייערע "מערכות" מיט א "כוחי ועוצם ידי" איינע קעגן דעם צווייטען, אויך רודפען זיי רוב פרומע אידען וואס זענען נישט מיט זיי "בשיטה אחת", אזוי אויך האלטען זיי דעם טעראריסטישע מיינונג פון יענעם "שטיל צו מאכען"

און אזוי ווי די "ציונים" ווילען נישט וויסען וואס עס שטייט אין די תורה,
אזוי אויך די "סאטמורים" ווען עס קומט צו זייער "כוחי ועוצם ידי" ווילען זיי נישט וויסען וואס עס שטייט אין די תורה ר"ל

אין טאקע וועגען דעם, אז די צווי זענען היינט אזוי ענדליך,
איז די "מלחמה לה' בעמלק" נאך מער נוגע ווי אמאל, און מען דארף זיך היינט וואס מער זיך דערווייטערען פון דעם "נגע הציונות" און ווייזען אז "מיר" זענען נישט ווי זיי "כגרועים שבאומות" אין "מיר" דארפען זיך וואס מער מחזק צו זיין אויס צו רודפ'ן די "פרומערע פארטייען" כדי צו בלייבען די "בעלי בתים" אויף די תורה.

אין אזוי ווי יענער האט גיזאגט,
אלע מאכען געלט (וועגען) פון די מדינה, סיי די וואס נעמען אין סיי די וואס נעמען נישט....

ציונות וואס איז נוגע למעשה, פון מיין קוק-פונקט:

איך האב נישט צופיל צייט יעצט, איך וועל זייער מקצר זיין און שרייבן כמעט ווי בלויז ראשי פרקים, מבלי ליכנס לעצם ולעמקות הענינים לאורך ולרוחב. ווייל איך קען דא אפשרייבן גאנצע בלעטער, און נישט פארטיג ווערן.
מיט פערציג פופציג יאר צוריק איז אנטשטאנען א העפטיגע מערכה צווישן גדולי ישראל. א טייל גדולים האבן געזאגט אז מ'מעג גיין צו בחירות און עס איז גאר א מצוה, און א טייל האבן געשריגן אז ס'איז יהרג ואל יעבור.
א טייל גדולים האבן געזאגט, אז נעמען געלט פון די ממשלת הכופרים איז נישט קיין שום פראבלעם. ווידער א טייל גדולי ישראל האבן געזאגט אז ס'איז אסור ווי חזיר.
דאס איז קלאר געווען די שטעלונג פון "אלע גדולי ישראל" בדעה אחת, אז די עצם קיום המדינה איז חירוף וגידוף בה' ובתורתו, אז מ'טאר זיי נישט חונף זיין אדער ווערן נאנט מיט זיי פערזענליך באיזה שייכות שיהי', און אז די קיום המדינה איז אסור בתכלית.
אוודאי איז געווען דרגות דערין, טייל האבן געהאלטן אז דאס איז ממש מעכב ביאת משיח און מ'דארף טאג און נאכט רעדן דערוועגן און מוחה זיין בכל נפש ובכל מאוד. טייל האבן געהאלטן אז דאס איז היינט א גרויסע פירצה און א בכי' לדורות.
אנדערע האבן אבער געהאלטן אז עס איז טאקע אסור בתכלית. אבער מ'דארף נישט איבערקערן די וועלט דערוועגן.
סך הכל האבן "אלע" געהאלטן און נישט געלייקענט דעם ביטערן מציאות, אז זיי זענען מעביר על הדת בזדון רבבות אידישע נשמה'לעך פון אונזערע ברודער, און שמד'ן טעגליך אויס אן א צאל קינדער פון ק-ל חי וקים. און אלע האבן געהאלטן פון דעם ענין פון התבדלות, איינער מער איינער אביסל ווייניגער.
היינט, איז דא ארויפגעשווימען א געוויסע פאלשע טעות'דיגע רעיון, אז דער זעלבער מענטש, וואס פאר דרייסיג יאר צוריק וואלט ער בלויז געגאנגען צו בחירות, וחסל. היינט איז ער א געהעריגער פולשטענדיגער פאטריאט פאר מדינת ישראל מיט אלע קליפערלעך.
איין משל: ווען עס האנדעלט זיך פון צוריקגעבן שטחים, ווער בונטעוועט? נישט דער פרייער ציוני...
דער פאקט איז געווארן אז מ'לעבט אין אזא טשטוש הדעת והמוחין, אז מען ווייסט נישט מבחין צו זיין צווישן בחירות וכדו', און צווישן גראבע אפענע ציונות, וואס דאס האט אמאל געהערט בלויז צו די פרייע, וואס האבן געזוכט צו מאכן א מדינה למרוד בה' ובתורתו.
עס האלט אזוי ווייט, אז די קנאים וואס האלטן תרי"ג מצוות, און זענען ערליכע שומרי תורה, האט מען פיינט. און וואונדערליך, דער פרייער ציוני האט שוין עפעס באקומען חן מ'גיט אים סימפאטיע, און מ'דינגט זיך אין זיינע געשעפטן צו פירט מען יא גוט די לאנד צו נישט.
איז די ארבעט היינט קודם צו אפטיילן אין קאפ א חילוק צווישן בחירות, נעמען געלט, און פון זיין געטריי צו די פרייע מדינה.
דערנאך קען יעדער נעמען א ויואל משה און דורכלערנען, אויב זעט אויס ריכטיג וואס דארט שטייט, נעם עס אן...

ציונות בדורנו

די מלחמה קעגן ציונות איז געווען ווייל סהאט געשאדט פאר שמירת הדת, נישט ווייל דער עצם רעיון איז געוועהן קעגן די תורה.

דער שיניעווער רב זצ"ל -צווישען אנדערע - האט לכתחילה געהאלטן מיט דעם רעיון אבער שפעטער ווען ער האט געזעהן ווער סשטייט בראשם און אז זייער כוונה איז געוועהן להעביר על הדת, האט ער זיך אפגעשאקלט.

נישט די מדינה איז געוועהן איין איסור, רוב מנין און רוב בנין פון גדולי ישראל אין פוילן, רוסלאנד און רומעניע האבן זיך געפרייט מיט די באלפור דעקלאראציע. די אונגארישע און דייטשע זענען געוועהן דערקעגן, זיי איז גוט געוועהן דארט - קיין ארץ ישראל זאלען די גוייפ פאהרן ...

אזוי אויך די ערשטע חובבי ציון אין בילויים געוועהן ערליכע יידען

די מלחמה האט זיך אנגעהויבן ווען די ראשים פון די ציוניסטן וועלכע זענען געוועהן רשעים האבן גענומען נוצען דעם גוטן רעיון אויף העברה על הדת.

און מיט איז TZUDICK גערעכט, די ציוניסטן האבן גענוצט דעם רעיון פון א מדינה פאר אפשמדן אידן און די אונגארישע קנאים האבן גענוצט דאס אפשמדן אידן זיך צו שלאגן קעגן דעם רעיון הציוני

פארדעהם האט קיינעם נישט געשטערט א ספר ויואל משה, מען האט געקענט באשטיין די ציונים זאלען מיינען אז זייער גאנצער יסוד איז פסול, למעשה אבער האט מען דאס איגנארירט.

למסקנא. די מערכה פון פופציג - זעכציג יאהר צוריק איז געוועהן לחיזוק הדת און קעגן העברה על הדת,

די מערכה פון היינט איז אויך לחיזוק הדת און קעגן העברה על הדת

דער חילוק איז נאר אמאהל איז די ממשלה פון די מדינה געוועהן אין די האנט פון מפא"י דער גרעסטער מעביר על הדת, האט מען זיך געמוזט שלאגן קעגן זיי

היינט איז די ממשלה פון די מדינה און אנדערע הענט, די מדינה איז היינט דער גרעסטער תומך תורה מימות חזקיה המלך, איז דער טאקטיק אנדערש. מען מוז ארבעטן מיט זיי.

סאטמער אבער איז ווי דער יאפאנישער גענעראל וואס וויל נישט מודה זיין אז די צווייטע וועלטס קריג האט זיך שוין גיענדיגט.

מיין קשיא אויף זיי איז:
מיילא דער גענעראל האט דאך פשוט נישט געקענט טוהן עפעס אנדערש א חוץ שלאגן. האט ער געמוזט האלטן אז די קריג גייט נאך אהן. אבער איהר קענט דאך יא ארבעטן אין בויען, איז צו וואס פעלט אייך אויס דער גארבידש?

דער תירוץ איז די אלע ליידיגייער, צייטונג שרייבער און סיקריקים (ס'קרענקטאים) מאכן פרנסה פון דעהם, אידער פולען אהן זייער ליידיגן טאג דערמיט, מוזן זיי זאגן אז די קריג האט זיך נאך נישט גענדיגט

דער ווייל שלאגט מען זיך קעגן עירוב, קעגן דף היומי, קעגן אגודת ישראל, קעגן אויסוועלן פרומע אידן צום מדינת ישראל פארלאמענט ("כנסת המינים") און בעיקר איינעם מיט'ן צווייטן, אלעס בשם המלחמה ב"ציונות"

די מערכה וואס האט זיך אנגעהויבן קעגן העברה על הדת שלאגט זיך היינט מיט'ן חיזוק דת! דער אפיס ארבעט ווייטער

רוב גדולי ישראל האבן דאס פאראויס געזעהן, סאטמערער רב זצ"ל, נישט!

זו דעתי!



תוקן על ידי - baachi - 20/12/2005 18:12:50

באטשי,

בקיצור נמרץ:

דייין עיקר טענה איז אז מימות חזקיה המלך איז נאכנישט געווען א ממשלה וואס איז תומך תורה ווי ממשלת בן גוריון

טרייבסט שפאס אדער האסט יעצט אן ערנסטן געזיכט? אדער מיינסטו דעם תורה חדשה, ניו טעסטאמענט, אדער אונזער תורה?

אלע צייטונגען אין מדינת ישראל שרייען אז די ממשלה איז פארפוילט, זיי רעכענען זיך נישט מיט די "געפילן" פון די "חרדים" אויסער איינער, נכבדינו באטשי!

ילדי טעהעראן
ילדי תימן
גיוס בנות
חוק טל
גיוס בני ישיבה
ליבה
בריכת שחיה מעורבת
שיעור נישט פארגעסן: "קיצוצים"

איך האב נישט קיין צייט פאר נאך גזירות

דאס איז תומך תורה? הרב שך ז"ל האט יעדן טאג צווישן 8:00 און 8:10 געוויינט בכיות נוראות ווייל מיליאנען קינדער וואלטן יעצט געדארפט זאגן שמע ישראל און זיי זאגן נישט,

מר בוש יר"ה און זיין קאבינעט זענען תומכי תורה,

לאנטש פראגראם
שכר לימוד וואוטשערס
טראנספארטעישן פראגראם
מוס"ף (מעדיקעיד, וויק-וועלפעיר, סעקשן אכט, פ"ס)
וכו' וכו'

געלט איז נישט קיין "תמיכת תורה" זיי געבן פאר קריסטן מוסלמענער להבדיל אידן צוגלייך ס'מוז זיך כאטש אויסערליך שפילן "דעמאקראטיש", בעגין איז נישט געווען קיין "אוהד" אביי ורבא

וויפיל מזרחי'סטן שרייען היינט אז די מדינה איז כנגד התורה, אבער איין פרומער נאר שרייט אז די מדינה איז תומך תורה! דאס האט סאטמאר רב זי"ע פאראויסגעזהן, אז מען זאגן אויף טמא טהור, אן די אנדערע נישט!

הרב הקדוש והנורא מבעלזא זי"ע האט מתיר געווען בוחר זיין אידן אין כנסת ישראל (נישט כנסת המינים ח"ו ח"ו ווייל דארט דאמינירט דאך די תורה נישט ענגליש-אייראפעישע געזעצן און מען דארף נישט שווערן שבעות אמונים פאר א סעקולערע מדינה) מפני חובת השעה כדי צו לוחם זיין מיט די פרייע - ווער האט אבער ערלויבט בוחר זיין פארן ראש הממשלה? וואס האבן פרומע אידן מיט די מדינה? למאי נפקא מינה ביבי צו שרון? ביידע דאוונען נישט מיט קיין גארטל... סוף דבר, דאס האט געברענגט א פאראייניגונג פון די פרומע מיט די פרייע, דאס האבן די הייליגע אויגן פון בעלזער רב לכאורה נישט געזעהן, אבער דער פיקח דער קוה"ט מסאטמאר יא! חכם עדיף מנביא!

**

דער אמת איז אז דער אופן פון די מערכה קעגן ציונות שטאמט פון די מערכה קגן די רעפארמער, כידוע האבן די אונגארישע, בראשם הכתב סופר מהר"ם שיק ומחנה חיים זי"ע, זיי ארויסגעווארפן פון כלל ישראל, די פוילישע-רומענער זענען געווען דערגעגן, ס'טייטש! אפטיילן כלל ישראל? אלע טענות הכתובים עלי ספר ואין לי זמן לפורטם, אבער עס זענען געווען צוויי מיינונגען, יעדער מיט תילי תילין ראיות לכאן ולכאן, ביי ציונות האט זיך איבערגעשפילט די מערכה, ועיין זכור ימות עולם יאקאבאוויטש, לפלגות ישראל גרינוואלד וספריו האחרים, תיקון עולם מונקאטש, די רוסישע ספרים קעגן ציונות דעת הרבנים און אור לישרים, פון קאוונער חדר, ועוד ועוד ועוד הרשימה ארוכה וברוך היודע

נאר דער פלא איז אויפן אב"ד קהל ספרדים בקלוזש וואס אזי אויך געווען רב אין א געטיילטע קהילה, פון די איינציגע קהילות וואס דער טיילונג איז געווען צוליב ציונות כמפורש בקונטרס ישוב משפט (http://www.jnul.huji.ac.il/dl/books/html/bk2057447.htm) און ר' קוק איז געווען קעגן די קהילה ווייל עס "שמעקט מיט מינות צו אפטיילן צדיקים פון רשעים"... עיין בקונטרס מכתבו הארוך, וב"ה שנתחרק מכלל ישראל הוא ובניו וספריו לעולמי עד, אפילו ביי די נישט אונגארישע!

אבער וויבאלד ער האט עולה געווען קיין מדינת ישראל, כמו שנצטוה במגילת העצמאות, האט ער מחליט געווען אז תורת אונגארן איז נישט גוט, בעסער תורת אסטראווצא און גורא קאלאווריע, און ער האט געגעבן די האנט פאר דוד גריון, שקרא עצמו בן בוריון דער מין (איך האב א קונטרס דברי מינות וואס ער האט געשריבן שוין נאכן זיין ראש הממשלה, ער איז געווארן א שריפטשטעלער, נאר א שאד נישט פריער) ער איז דאך דער תומך תורה!

חוץ קאשער, הרב טייכטאהל ווייס איך נישט פון א פערטן חוץ דעם כתוב השלישי וואס האט משנה דעתו געווען ביי די מדינה

אוי איז דער הייליגער קוה"ט גערעכט געווען! בדם לבבו האט ער געשריגן ואנחנו מאשרים זדים, שוא עבוד את האלקים (ווייזט אויס אז דער נביא מלאכי איז נישט געווען קיין פוילישער), די הייליגע צדיקים וואס האבן יא מתיר געווען בחירות האבן דען איין רגע געטראכט פון מאשרים זדים? עס איז געווען א צרה פאר די תושבי ארץ הקודש, האט מען געמוזט לדעתם אריינגיין אין די ממשלה (כ'זוך נאך א רשימה פון "אויפטוען" חוץ "צור ישראל" אין די מגילת העצמאות, כ'וויל אבער נישט טשפענען מיינע אגוד'יסטישע פריינט דא..) אבער כשר'ן די ממשלה האט בלויז די מזרחי

דער הייליגער רב זי"ע האט געשריגן אין איינע פון די דרשות אין הייליגן לאנד (געדרוקט אין דעם פרקי אבות באנד אפשר א' פנחס תשי"ט אדער בהעלותך, ערגעץ דארט מיין זכרוןזאגט מיר דף י"ג, כ'האב עס נישט יעצט קען זיין אז איך ביו נישט גוט מעתיק) פון וואס זעהט מען זיין טיפע פקחות און ווייטער בליק, אז דער מזרחי'סט ווערט נישט נענש פארן זיין יעצט א מזרחי'סט, נאר פארן זיין פריער אן אגוד'יסט וואס האט איהם געברענגט צו זיין א מזרחי'סט,

ליידער איז מקויים געווארן די ווערטער, רוב אגודאים זענען היינט פארמישט אין די מיינונג פון זייערע (ס'זענען אונזערע פונקט ווי זייערע, אויף בעלזער רב'ס זכות איז געשטאנען די וועלט, כ'מיין בלויז לענין זה והבן) גדולים, קיינער האט נישט גע'כשר'ט די מדינה חלילה, נאר אינעם דין פון מלחמה האלטן איז געווען א מחלוקה, אין דאס ראיית הנולד האט סאטמאר רב זצ"ל מצליח געווען, די אגודאים זענען געווארן מזרחיים, השם ישמרנו, אודאי זענען דא יוצאים מן הכלל, אבער בדרך כלל איז די מדינה א "אידישע" ביי רוב אגודאים אין די אויגן, וואס אפילו ביי הרב שך ז"ל האט דאס נישט געמיינט, ודרשותיו יוכיחו, נאר ער האט געהאט אן אנדערן מיינונג אשר אין כאן המקום

כ'האף אז מען פארשטייט מיינע געאיילטע רייד

נבוכרנצר




נאר איין וויכוח, די אגודאים זענען נישט געווארען מזרחי, אדרבה זיי ווייסען ליידער היינט אויך דער הייליגער אמת, מען קען עס ליינען אפילו אין המודיע, יתד, און המחנה החרדי.

אדרבה זייט גירוש גוש קטיף זענען אפילו מזרחי נישט קיין ריכטיגער מזרחי.

פארשטייט זיך אז זיי זענען אזוי אריינגעדרייט אז זיי הערן נישט אויף צו נעמען געלט, אבער דער אמת זיגט.

מילא די סאטמוירים פארשטיי איך פארוואס זיי זענען פארנומען מיט ציונות, לדעתם, ולדעת הרבה גדולי ישראל נ"ע, איז עס א קליפה נוראה אונטער פארשידענע שלייערן וועלכע קעמפפט קעגן אידישקייט, דארף מען דאך ארויסגיין אין א מלחמה קעגן דעם,

אבער פארוואס קעמפפן די קלויזנבורגער (מער ווי אנדערע) קעגן סאטמאר? נניח אז סאטמאר רב האט זיך טועה געווען מרישא לסיפא, און ויואל משה איז כולו אגדה און אפגעוואנדן פון קאפ ביז פוס, הבל הבלים - וואס גייט עס זיי אהן? האט ער זיי דען צוגענומען איין בנין אין קיריאט צאנז? איינעם אין סאטמאר קימערט דען אז די חומש רש"י שיעורים זענען מלא וגדוש מיט זאפט? יהי לך אשר לך און לאז יענעם געמאך

כ'בין מודה אז די סאטמערע קענען גוט טעראריזירן, אבער נישט דאס איז דער ויכוח, וואלטן זיי געזאגט די סאטמערער זענען רשעים מערדערס שלעגערס - מיילע; זאגסט דאך אבער יעדן טאג אז סאטמאר איז פארנומען מיט דף יומי - אגודה - מזרחי - מדינה - אירגון שיעורי תורה - אבות ובנים - כותל - בחירות - "עירוב" - ווייסעכוואס נאך, דאס באדערט דער, אפשר ביסטו מיר מסביר?

ילמדנו באטשיינו!

מיין חבר א קלוגער איד האט מיט דערציילט, אז ער האט געהאט א ויכוח מיט א חשוב'ן איד איבער ציונות (ראובן און שמעון), גיט ראובן א זאג, אידן יודעים בש"ס האבן נישט גערעדט פון די זאכן!

פרעגט שמעון: דער קלויזנבורגער איז געווען א יודע בש"ס? סאטמאר רב איז געווען א יודע בש"ס? ביידע האבן גערעדט פון "די זאכן"! זאגט ראובן, זיי האבן "געמעגט"...

פרעגט שמעון, איהר האט קינדער אין ארץ ישראל? זאגט ראובן יא, פרעגט שמעון: זיי גייען צו די בחירות? זיי שיקן אין מוסדות וואו מען לערנט העברעאיש? זאגט ראובן אז ער ווייסט נישט, זאגט שמעון, כ'פארשטיי נישט! ס'איז דאך אדער א יא אדער א ניין, נישטא קיין מיטל וועג, רעגט ראובן זיך אויף און זאגט, כ'האב נישט צייט, און פארענדיגט דעם גלעזל בראנפן (ס'איז געווען נאך שחרית)

נאך א נקודה

ס'איז דא א איד אין מאנסי ר' מ.ש. ער איז א טיטשער אין ישיבה אונבערסיטי, ה' אייר זאגט ער א שיעור איבער איזראעל און טיילט איין כלל ישראל אין דריי: 1. ציונים. 2. נאן-ציונים. 3. אנטי-ציונים.

די קאלעגעס פרעגן יעדעס מאל, מיילע די ציונים - פארשטייען מיר; די אנטי-ציונים - האבן א מיינונג; אבער וואס איז די מיינונג פון די נאן-זייעניסטס, מה נפשך, איז ציונות גוט אדער שלעכט? מען קען נישט בלייבן שטיין אינדערמיט!

You want the goernment - give your blood! וכהנה וכהנה טענות

היות ער איז פן די אנשי ר' משה בער, לאזט ער זיי בלייבן מיט די שווערע קשיא אויף די פרומע אגודאים, און ער קוועלט

נבוכדנאצר.

כדרכך מיט א הערליכן קלארן בירור, כאטש אויף באטשי מאכט דאס במילא נישט קיין רושם, כל שכן דפקר טפי.

נאר א זייטיגע נקודה.

הרב קוק ז"ל איז ליידער נישט נחלק געווארן פון כלל ישראל, ניטאמאל ביי די אונגארישע !

נישט נאר אין גער, וואו אפילו דער אמרי אמת האט אים נישט ארויסגעהאט, נאר כמעט אלע אגודי'סטן רעכענען אים צווישן זייערע גדולים.

ס'איז טאקע נאר א לעצטיגערע זאך בעוה"ר, פאר פופציג יאר צוריק איז ער באמת געווען אויסגעשלאסן, אבער דאס איז נאך א ראי' חותכת איבער די וויכטיגקייט פון א טיילונג !

הרב קוק ז"ל איז נישט בלויז דער רוחניות'דיגער פאטער פון די מזרחי'סטישע ציונות - וואס איז היינט ליידער די שיטה אין די גאנצע אגודיסטישע גאס, טראץ וואס זיי פרובירן עס נאך עמטליך צו לייקענען - וואס דאס האט אים אפגעסטעמפלט ביי אלע גדולים אלס רשע מרושע (ע"ע מהרי"ד מבעלז, אמרי אמת מגער, חפץ חיים, וכו').

נאר ער שרייבט אין זיינע ביכער (ספרים בלע"ז) זאכן אקעגן יעדע הייליגע זאך וואס איז נאר פאראן ביים כלל ישראל.

ניטאמאל געט ער די ערלויבעניש פאר די סנהדרין צו דן זיין יאשקע !

תוקן על ידי - jewboy - 20/12/2005 21:40:40

נבוכדנצר

דברי פי חכם חן!

נבוכדנצר

איין תגובה אויך א מאהל

אויף דעם ערטשן, דו שרייבסט אזא פארפלייצונג פון ווערטער, זעהט אויס ווי דו ווילסט צודעקען בכמות וואס ספעלט באיכות, איך וועל דיך מוזען נומערירן




1) דיין עיקר טענה איז אז מימות חזקיה המלך איז נאכנישט געווען א ממשלה וואס איז תומך תורה ווי ממשלת בן גוריון

2)טרייבסט שפאס אדער האסט יעצט אן ערנסטן געזיכט? אדער מיינסטו דעם תורה חדשה, ניו טעסטאמענט, אדער אונזער תורה?

3) אלע צייטונגען אין מדינת ישראל שרייען אז די ממשלה איז פארפוילט, זיי רעכענען זיך נישט מיט די "געפילן" פון די "חרדים" אויסער איינער, נכבדינו באטשי!

4) ילדי טעהעראן
ילדי תימן
גיוס בנות
חוק טל
גיוס בני ישיבה
ליבה
בריכת שחיה מעורבת
שיעור נישט פארגעסן: "קיצוצים"

5) איך האב נישט קיין צייט פאר נאך גזירות



1) בן גוריון איז געשטארבן, באגראבן און אראפ פון מארק, סאיז אנדערע מענטשן, סאיז געוועהן באשריבן אין "דער איד"

2) כמיין די אלטע אריגינאלע תורה, קודם ויואל משה

3) ממשלה איז פארפוילט, אזוי ווי רובא דרובא ממשלות אין די וועלט, וועט מען וועלן אנייע ממשלה.

4) ילדי טהעראן מיט ילדי תימן זענען שוין זיידעס
און שטייען שוין אויך בזכות עצמם

גיוס בנות איז שוין בטל געווארען 50 יאהר צוריק און זיי זענען שוין אלטע באבעס

חוק טל ווייסט קיינער נישט וואס דאס איז

גיוס בני ישיבה, איך קען נישט קיין אמתער בחור וועמען מען האט בגוואלד געשלעפט צום מיליטער, זיי ווילן זיי נישט אמאהל האבן דארט

ליבה איז נאר פאר אחדר וואס סוויל נעמען פון די רעגירונג אסאך געלט

די בריכת שחייה איז שוין לאנג אויסגעטרוקנט

די קיצוצים זענען פון געלט וואס מהאט קודם געגעבן

הרב ש"ך האט געוויינט ווייל ער האט עפעס געטוהן דערוועגן, וואס טוטסו?

מר בוש יר"ה און זיין קאבינעט זענען תומכי תורה,

לאנטש פראגראם
שכר לימוד וואוטשערס
טראנספארטעישן פראגראם
מוס"ף (מעדיקעיד, וויק-וועלפעיר, סעקשן אכט, פ"ס)
וכו' וכו'



די אלע אויסגענארטע געלטער קומען נישט צו למחצה ולשליש ולרביע וואס די מדינה גיט פאר תורה, אפן על פי חוק נישט ברמאות

געלט איז נישט קיין "תמיכת תורה" זיי געבן פאר קריסטן מוסלמענער להבדיל אידן צוגלייך ס'מוז זיך כאטש אויסערליך שפילן "דעמאקראטיש",

קודם כל איז עס שקר, ווייז מיר אקריסטליכן "כולל"
והשנית וואס איז דאס גורע? פארדעהם קען מען נישט צאלען כולל יונגעלייט צו מגידי שיעור ווייל מגעט פאר ישמעאלים?

בעפאר איך באגין דיין לאנגע דרשה פון בעלז סאקמער מיט אלטע דרשות, וויל איך פריער ליינען אין די צייטונג וואס פראנץ יוזעף האט געווינקען פאר דעם גראף עסטערהאזי און וואס ביסמארק האט אריין געפאהרען פאר פרעזידענט ווילסאן.

סאיז פונקט אזוי רעלעוואנט.

דו לעבסט אין די פארגאנגענהייט, דו שלאגסט דיך די מלחמות פון אמאהל.

שטיי אויף
מאך אויף די אויגן
גיס אפ נעגל וואסער
מודה אני!

סאיז איין אנדערע מלחמה.

דו ביזט אזוי ווי דער פארקאלעכטער יאפאנישער גענעראל וואס וויל נישט גלייבן קיינען אז די צווייטע וועלט קריג האט זיך גיענדיגט.

דו ביזט ווי דער אלטער רוסישער גענעראל דער גיבור פון די יאפאנישע קריג, וועלכער האט ער אויס געשטעלט אלע זיינע באטאליאנען זיך צו שלאגן מיט דעם דייטש כלפי מזרח! ווען מהאט מיט איהם געטענעט אז דער פראנט איז יעצט אויף מערב. האט ער געברענגט בפירושע גרויסע מאפעס פון 1905 ווי מזעהט קלאהר דעם פראנט אויף מזרח.

ווער סהאט געזאגט אנדערש האט ער דן געוועהן ווי א פארעטער.

אזוי זענען דיינע אלע ראיות פון יאקאבאוויטש, גרינוואלד, מונקאטש, קלושז, מאשרים זדים. קאשער, כתב סופר ומחנה חיים, פונקט ווי דו ברענגסט אראי פון זיי וויאזוי צו דרייוון א קאר.

איין זאך בעט איך אבער.

דער צייל נישט נאכאמאהל די מעשה פון די היסטארישע טיילונגנאר דאס נישט!

יציאת מצרים דערמאנט מען נישט אזוי פיהל מאהל

אויב יא גיב איך זיך אונטער

תוקן על ידי - baachi - 20/12/2005 23:06:48

וואס איז נוגע למעשה,

איך האלט אויב מ'פארשטייט גרינטלעך דעם חומר הענין, און מ'פארשטייט אז די עצם רעיון פון א מדינה קודם ביאת משיח, איז א סכנה גדולה פאר דת און יהדות, ברויך מען שוין נישט צופיל זאגן וואס איז נוגע,

פונקט ווי איינער וואס פארשטייט די שעדליכקייט פון סם, ברויך מען איהם נישט געבן אינסטראקשן ווי אזוי און ווי זיך אומצוגיין מיט עס,

איך פארשטיי יא, די חורבן פון די מדינה און איך לערן עס מיט מיינע קינדערלעך, איך האב שוין מערערע מאל געהאט ביי מיר אין שטוב סתם עמך אידן וואס זענען פארכישופט פאר די מדינה מיט די אזויגערופענע ניסים, און איך האב זיי אויפגעקלערט די פאלשקייט דערפון,

אפאר זאכן וואס מ'דארף אלס וויסן,

1. א אידישע מיליטער אן אורים ותומים איז שפיחת דמים

2. א אידישע מדינה וואס איז געבויט אויפן יסוד אז א איד מוז נישט מקיים זיין תורה ומצות, קען נישט האבן אין זיך קיין טראפ שייכות מיט גאולה, אדרבא, אויב עס האט יא א שייכות צו גאולה איז עס נאר מעכב,

3. א אידישע מדינה וואס פראקטיצירט צו מחנך זיין אידישע קינדער נישט צו היטן תורה ומצות, קען נישט האבן אין זיך קיין טראפ שייכות מיט גאולה,

4. דער עקזיסטענץ פון א מדינה קודם ביאת המשיח, איז נישט מעגליך צו פינקציאנירן אן חילול שבת און פריקת עול התורה והמצוות, וואס דאס אליין גיבט צו פארשטיין פארוואס עס איז א סכנה פאר יהדות,

5. אפי' אויב לו יצויר הייפיטעטיקעלי מ'זאל יא קענען גרינדן א מדינה מיט קוים המצוות, איז עס נאך אלס אן עון פלילי צו דוחק זיין את הקץ, און אויפשטעלן א מדינה אן די סימני גאולה,

6. עאחכו"כ ווען דער מציאות איז אז די מדינה איז א "סעקיולער" מדינה וואס גלייבן נישט אין ביאת משיח, איז זעלבסט פארשטענדליך אז מ'דארף זיך מרחק זיין פון זיי,

א כלל, דער עיקר איז צי "פארשטיין", און "פארשטיין" געבן די קינדער

תוקן על ידי - מקוה_איד - 20/12/2005 23:47:16

נבוכד

דיין צווייטע תגובה

מילא די סאטמוירים פארשטיי איך פארוואס זיי זענען פארנומען מיט ציונות, לדעתם, ולדעת הרבה גדולי ישראל נ"ע, איז עס א קליפה נוראה אונטער פארשידענע שלייערן וועלכע קעמפפט קעגן אידישקייט, דארף מען דאך ארויסגיין אין א מלחמה קעגן דעם,


די סאקמארים זענען לוחם קעגן קליפות? WOW! ס'הערטזיך מיט די אריגינאלע קליפות, שוין אלע אונטער געברענגט? זוכט שוין נייע?

אבער פארוואס קעמפפן די קלויזנבורגער (מער ווי אנדערע) קעגן סאטמאר? נניח אז סאטמאר רב האט זיך טועה געווען מרישא לסיפא, און ויואל משה איז כולו אגדה און אפגעוואנדן פון קאפ ביז פוס, הבל הבלים - וואס גייט עס זיי אהן? האט ער זיי דען צוגענומען איין בנין אין קיריאט צאנז? איינעם אין סאטמאר קימערט דען אז די חומש רש"י שיעורים זענען מלא וגדוש מיט זאפט? יהי לך אשר לך און לאז יענעם געמאך


צוליעב דעם זעלבן טעם פארוואס דו קימערסט דיך יעצט וואס קלויזנבורג טוט

BTW "קרית צאנז" אזוי לייגט זיך דאס אויס, "קיריאט" איז די עבריתישע אויס לייג פון "קרית צאנז" און אויך פון "קריעת יואל"

כ'בין מודה אז די סאטמערע קענען גוט טעראריזירן, אבער נישט דאס איז דער ויכוח, וואלטן זיי געזאגט די סאטמערער זענען רשעים מערדערס שלעגערס - מיילע; זאגסט דאך אבער יעדן טאג אז סאטמאר איז פארנומען מיט דף יומי - אגודה - מזרחי - מדינה - אירגון שיעורי תורה - אבות ובנים - כותל - בחירות - "עירוב" - ווייסעכוואס נאך, דאס באדערט דער, אפשר ביסטו מיר מסביר?


הוא הנותנת! ווייל איר "ברעין וואשט" אייערע קעלבלעך אז די אלע זאכען הנ"ל ווי דף היומי וכו' זענען חמורה שבחמורות, לויפן זיי נעבעך צו טוהן עשיו'ס מצוות, ווילען מיר זיי אויסרעדן כדי זיי זאלען אונז לאזן מנוחה

פרעגט שמעון, איהר האט קינדער אין ארץ ישראל? זאגט ראובן יא, פרעגט שמעון: זיי גייען צו די בחירות? זיי שיקן אין מוסדות וואו מען לערנט העברעאיש? זאגט ראובן אז ער ווייסט נישט, זאגט שמעון, כ'פארשטיי נישט! ס'איז דאך אדער א יא אדער א ניין, נישטא קיין מיטל וועג, רעגט ראובן זיך אויף און זאגט, כ'האב נישט צייט, און פארענדיגט דעם גלעזל בראנפן (ס'איז געווען נאך שחרית)



זעהט אויס אז ראובן האט נישט געהאט דעם גאנצן טאג פריי, זאג פאר שמעון ר'זאל טרייען נאכאמאהל אין ניטל נאכט הבעל"ט

ס'איז דא א איד אין מאנסי ר' מ.ש. ער איז א טיטשער אין ישיבה אונבערסיטי, ה' אייר זאגט ער א שיעור איבער איזראעל און טיילט איין כלל ישראל אין דריי: 1. ציונים. 2. נאן-ציונים. 3. אנטי-ציונים.

די קאלעגעס פרעגן יעדעס מאל, מיילע די ציונים - פארשטייען מיר; די אנטי-ציונים - האבן א מיינונג; אבער וואס איז די מיינונג פון די נאן-זייעניסטס, מה נפשך, איז ציונות גוט אדער שלעכט? מען קען נישט בלייבן שטיין אינדערמיט!

...וכהנה וכהנה טענות



איך וועל דיר ענטפערן מיט א קשיא כנהוג

דו ביזט

1) PRO USA ARMY
2) NON USA ARMY
3) ANTI USA ARMY

מה נפשך, איז THE USA ARMY גוט אדער שלעכט? מען קען נישט בלייבן שטיין אינדערמיט!

You want the government - give your blood


דברים כדרבונות, אויף דיין מצבה וועט שטיין: לוחם מלחמות ה' בעוז! אזוי ווי אויף משנה פיליפא אין מאיר ראזן הי"ד.

היות ער איז פן די אנשי ר' משה בער, לאזט ער זיי בלייבן מיט די שווערע קשיא אויף די פרומע אגודאים, און ער קוועלט

און פון דעם "קוועלט" ער? ווער סאיז איהם מקנא?

נישט קיין וואונדער ער איז משה בער'ס מענטש, מען האט מיר געזאגט לעצטנס אז דער מב"ב האט זיך שוין דערקייקלט אז ער דארף א פערזענליכן נוירס 24 שעה. דאס איז ער דער יעניגער אוודאי.

ער "ק...וו...ע...ל...ט" לאמיר אלע מיט קוועלן מיט איהם!



תוקן על ידי - baachi - 21/12/2005 21:15:22

כ'קען דיר אזויפיהל ענטפערן, כ'מיין אז יעדער וואסט האט געלייענט די תגובות אהין און צוריק וועט נישט זאגן צופיהל אנדערש

איך האב געפרעגט כהוגן, דו האסט געענטפערט שלא כהוגן ושלא מן הענין, געמאכט גרינע בוכשטאבן און פארשידענע זיו איקונין וואס איך האב זענען נישט דומה לשלך, האסט געשריבן און געשריבן און גארנישט געענטפערט

כ'האב נישט קיין צייט צו אפענטפערן די נארישע שקרים אז גדולי ישראל הבאן געהאלטן פון ציונות, אויב דאס איז דיין תירוץ פארשטיי איך שוין זייער זייער גוט וואס מיר דאנקען דעם רבונו של עולם טעגליך שהבדילנו מן התועים, ביז היינט האב איך געמיינט אז דוגמתך זענען טועים, זיי האבן א טעות, זיי האלטן ציונות איז טרייף אבער מיט דעם דרך המלחמה זענען זיי טועה, (לטעמך: האלטן אנדערש), היצטערט אבער אז די גאנצע מדינה מיט די טומאת הציונות איז קיינמאל נישט געווען טרייף, ביזטו נעבעך פארבלאנזשעט, תועה ווייל דיין אייגענער רבי האט נישט אזוי געהאלטן, אז דו קענסט זאגן אז יעצט איז פורים קען איך דיר נישט אפווענדן, וועסט שרייען אז דער בעל הלוח האט זיך טועה געווען, וכהנה וכהנה

בלייב נאר ביי דעם, אויב דאס זענען דיינע סברות, שטייען מיר זייער זייער גוט, וואלטסטו געהאט כאטש איין סברא טובה וואלטן מיר געדארפט ענטפערן, כ'זעה - און אלע זעהען - אז כל דבריך עורבא פרח, וואס ברויך מען ענטפערן, דו זוכסט דאך בלויז צו איבערקייען אלטע סחורה ווי יענער יאפאנעזער גענעראל

והטיב אשר ראה רבינו הקדוש והטהור (רשכבה"ג?) זכותו יגן עלינו ועל כל ישראל, ווי איך האב געשריבן אויבן אין די תגובה, סופם של האגודה להיות כמזרחי, סתם אידן דארפן רחמי שמים נישט צו ווערן מיטגעשלעפט מיט די גאס, אין אלע ענינים, איבערהויפט מיט ציונות וואס עהרליכע אידן האבן געבלוטיגט קעגן איהר, און די געשטאפטע קעלבעלעך מיט שנאה קעגן סאטמאר זענען מטיח דברים כלפי מעלה

זיי זענען מצדיק חיטוטי שכבי (לדבריך זענען די קברים פון קריסטן?), "הרב" א"ל מתלמידי ריש"א בריכת שחיה אין ירושלים (לדבריך פארטריקענט), נחל חרדי (כ'ווייס נישט און כ'וויל נישט וויסן וואס דו ענטערסט) און ביזט מדמה דעם מיליטער אין אמעריקע צו דעם טמא'דיגן אין מדינת ישראל, כ'האב שוין געברענגט מיט א צייט צוריק א לינק פון די CIA אז פון צווישן אלע לענדער אין די וועלט זענען דא פיהר לענדער מיט גיוס בנות, איינע פון זיי מדינת ישראל, דו רעדסט זיך איין אז גיוס בנות איז בטל? די נישט חדי'שע גייען נישט, אבער די טומאה און זוהמא וואס דארט טוט זיך אפ איז אין לשער, דער "אלגעמייינער" איז שוין מודה אז "אונזערע קינדער" ווערן קאליע אין מיליטער, מען פרובירט אויס CPA בחורים אויף מיידלעך וכו' די אויפזעערין קומט אריין צו בחורים ווי א חצופה אויסגעשניטן כ'קען נישט שרייבן מער אלס הרחק מן הכיעור והדומה לו, אין אמעריקאנער מיליטער קומען באשטימט אזעלעכע זאכן נישט פאהר, צא ובדוק

און דו פריי זיך מיט די תמיכת תורה פון די רשעים, אויף א זאך וואס די לינקע זעעהן איין, זעעהן נישט איין די בני אחים צוליב בלינדע שנאה

מיר האבן געלויבט דעם אויבערשטן געהאט א הייליגן רבי'ן וואס האט אונז קלאר געמאכט דעם קאפ, וואס איז מותר און וואס איז אסור, וואס קען זיין אתי למיסרך און וואס די התחברות וועט ברענגען, למעשה אין מדינת ישראל רעדן די פרומע און די פרייע איין שפראך, ס'איז מקרב לבבות, צוליב די טעמים האבן חכמינו ז"ל גע'אסר'ט פתם משום בנותיהם, דעריבער פרייען מיר זיך כ"א כסליו וואס אי לאו האי יומא ווער ווייסט וואו מיר וואלטן געהאלטן, פון דעם גברא האבן מסתפי געווען אלע אלע, הרב שך און ר' שמחה עלבערג האבן דאס נישט באהאלטן, ווייל ס'איז געווען א מחלוקת לשם שמים, מה שאין כן די בני אחיו וכו'

והוא רחום יכפר עון, לאמיר זאגן מיט כוונה ולאסירים פקח קוח, איך וועל פון היינט כולל זיין די אלע אידן בתוך שאר חולי ישראל זיי זאלן האבן א רפואה שלימה, איך וועל זיי אויך אינזינען האבן ביי מתיר אסורים

**

א פרייליכן כ"א כסליו, ס'איז דאך אסרו חג כ' כסליו, יום שעלה בו הרב מקל"ב ז"ל לאה"ק לדבריך, ודומה לת"ב בבחינת דברים שבצנעא נוהג

מקוה איד

מדרכי הנימוס צו ענטפערן אויף א תגובה

קוק זיך אליין אהן ווי אזוי דיין שוואכער לאגיק ארבעט
דו ברענסט אראיה אז דער ויואל משה איז גערעכט.

וויאזוי?
ווייל די מדינה גייט קעגן ויואל משה!

דער ויואל משה האט געשריבן צוויי יסודות
וואס לכאורה איינס מאכט שוואך דאס אנדערע

א מדינה/ לשון קודש / יישוב ארץ ישראל איז אסור יעצט בתכלית האיסור ווי חמורה שבחמורות. אפילו סוועט זיין קודש קדשים. ווייל סאיז דחיקת הקץ וכו' וכו'

2) די מדינה/לשון הקודש/יישוב ארץ ישראל שאדט פאר קיום התורה והמצוות.


יעצט טאמער וואלט ער געוועהן זיכער אז די מדינה איז עבודה זרה, צו וואס שרייבט ער אז סשאדט פארן דת?

יהודה ועוד לקרא?

האסט געזעהן איינער זאל זאגן אז מטאהר נישט קויפן קיין דבר אחר פלייש פון SHOPRITE

1) ווייל סאיז פשוט חזיר טריף
2) סאיז אויך גורם א קלות אין שטוב.

עד כאן טעאריע.

לענינו.

דאס וואס גדולי ישראל האבן אוועק געמאכט דעם ויואל משה איז געווען צוליעב טעם נומער 1 דאס איז באזירט אויף אגדות סותרות און האלבע ציטאטן און דרושים מפולפלים כיד ה' הטובה עליו.

ווידער טעם נומער צוויי איז דאך א מציאות, סאיז געוועהן א שווערע צייט האט מען לוחם געוועהן קעגן די דאמאלטס ציונים.

יעצט אז דער מצב דארט האט זיך געטוישט אויף בעסער ב"ה. קאאפערירט מען מיט די מדינה ווייל דאס איז לטובת הדת.

דעם יסוד נומער 1 האלטן רוב גדולים אז סאיז מופרך און תמוה אינגאנצן, דו קענסט טרעפען סתירות ממש אויף יעדן דף. סאיז זעהר שיין בדרך דרוש אדער זיך צו פארענפערן זיין שיטה.

יעצט לעניננו , צו דיין תגובה וואס דו "לערנסט מיט דיינע קינדער"

1. א אידישע מיליטער אן אורים ותומים איז שפיחת דמים

דער שו"ע פסקענט אז מעג מלחמה האלטן שבת מיט גויים

שו"ע או"ח שכ"ט


(ו) עכו"ם שצרו על עיירות ישראל אם באו על עסקי ממון אין מחללין עליהם את השבת באו על עסקי נפשות ואפילו סתם יוצאים עליהם בכלי זיין ומחללין עליהם את השבת ובעיר הסמוכה לספר אפילו לא באו אלא על עסקי תבן וקש מחללין עליהם את השבת: הגה ואפילו לא באו עדיין אלא רוצים לבא (א"ז):
(ז) יש מי שאומר שבזמן הזה אפילו באו על עסקי ממון מחללין שאם לא יניחנו ישראל לשלול ולבוז ממונו יהרגנו והוי עסקי נפשות (ומ"מ הכל לפי הענין)

דער שו"ע איז געזאגט געווארן בזמן הזה, אין סנישט געזאגט געווארן פאר א גוייש מיליטער

ווי קענסטו אויס לערנען דיינע קינדער אזא בלאף?


2. א אידישע מדינה וואס איז געבויט אויפן יסוד אז א איד מוז נישט מקיים זיין תורה ומצות, קען נישט האבן אין זיך קיין טראפ שייכות מיט גאולה, אדרבא, אויב עס האט יא א שייכות צו גאולה איז עס נאר מעכב,


ווער זאגט סאיז א אידישע מדינה?
די ציוניסטן זאגן אז סאיז א אידישע מדינה.
סאיז א מדינה ווי אלע מדינות וואס רוב תושביה זענען אידן.

די מדינה האט שייכות מיט די גאולה, פונקט ווי קרית יואל האט שייכות דערמיט.

פארוואס האלסטו ווי די ציונים און מזרחיסטן?
דאס ביזטו מוריש דיינע קינדער?


3. א אידישע מדינה וואס פראקטיצירט צו מחנך זיין אידישע קינדער נישט צו היטן תורה ומצות, קען נישט האבן אין זיך קיין טראפ שייכות מיט גאולה,


סאיז נישט קיין יידישע מדינה, סדא פרייע שולען ווי מלערנט כפירה אזוי ווי דא הי- און סאיז אויך דא פרומע שולען - נישט ווי דא הי -יעדער קען שיקן זיינע קינדער ווי ער וויל.

סאיז א דעמאקראטישע מדינה,


4. דער עקזיסטענץ פון א מדינה קודם ביאת המשיח, איז נישט מעגליך צו פינקציאנירן אן חילול שבת און פריקת עול התורה והמצוות, וואס דאס אליין גיבט צו פארשטיין פארוואס עס איז א סכנה פאר יהדות,


דאס איז געבויט אויף פאקטן אדער סתם געפלוידערט? אויב רוב וועלן זיין שומרי תורה וועט זיך די מדינה פירען ווי זיי ווילען.


5. אפי' אויב לו יצויר הייפיטעטיקעלי מ'זאל יא קענען גרינדן א מדינה מיט קוים המצוות, איז עס נאך אלס אן עון פלילי צו דוחק זיין את הקץ, און אויפשטעלן א מדינה אן די סימני גאולה,


יעצט רעדסטו הוילע ויואל משה. געזונטערהייט קענסט אזוי האלטן.נאר קיין ראיה לדבריך האסטו ניטש, חוץ פון ספר ויואל משה, נו צווואס ביזטו אזוי מאריך מיט פארדרייטע פאקטן. זע משל הד"א לעיל


6. עאחכו"כ ווען דער מציאות איז אז די מדינה איז א "סעקיולער" מדינה וואס גלייבן נישט אין ביאת משיח, איז זעלבסט פארשטענדליך אז מ'דארף זיך מרחק זיין פון זיי,


מיט לעצטן סעיף גראבסטו אליין אונטער אלע דיינע ערשטע סעיפים.ממ"נ! אז סאיז א סעקיולער מדינה, וועמען ארט עס וואס זיי טוען. ס'ארט דיך וואס לבנון טוט? צו מעקסיקא?


א כלל, דער עיקר איז צי "פארשטיין", און "פארשטיין" געבן די קינדער


איך האף אז דיינע קינדער וועלן דיך נישט פרעגן קיין טיפע קשיות אויף ויואל משה אזוי ווי זיי פרעגן אויף תורת משה. ווייל טאמער וועסטו ביידע צאם לייגען.... זענן זיי ביידע איינגעשטעלט...





תוקן על ידי - baachi - 23/12/2005 2:16:26

שולחן ערוך איז נישט קיין ראיה וועגען מיליטער, נאר וועגען די שומרים למשל ביי א פראגראם.

דער שולחן ערוך איז דאס נישט ביי הלכות בית הבחירה אויך נאך ווען משיח וועט קומען.

נבוכדנצר,

האסט געשריבען:

<מילא די סאטמוירים פארשטיי איך פארוואס זיי זענען פארנומען מיט ציונות, לדעתם, ולדעת הרבה גדולי ישראל נ"ע, איז עס א קליפה נוראה אונטער פארשידענע שלייערן וועלכע קעמפפט קעגן אידישקייט, דארף מען דאך ארויסגיין אין א מלחמה קעגן דעם,

אבער פארוואס קעמפפן די קלויזנבורגער (מער ווי אנדערע) קעגן סאטמאר? נניח אז סאטמאר רב האט זיך טועה געווען מרישא לסיפא, און ויואל משה איז כולו אגדה און אפגעוואנדן פון קאפ ביז פוס, הבל הבלים - וואס גייט עס זיי אהן? האט ער זיי דען צוגענומען איין בנין אין קיריאט צאנז? איינעם אין סאטמאר קימערט דען אז די חומש רש"י שיעורים זענען מלא וגדוש מיט זאפט? יהי לך אשר לך און לאז יענעם געמאך >



אויב געדענק איך ריכטיג, איז פאר א צייט צוריק געוועהן א הכרח דא אין פארק פון כמעט דער זעלבע שרייבערס דא אויבן, אז דער ויואל משה איז גערעכט, נאר פון דעם וואס ס'האט נאך קיינער נישט ארויס געגעבען א ספר דאס אפצוווענדען.

THANKS FOR MAKING MY POINT,

איך וואלט עס נישט געקענט זאגען בעסער.

דזשיד


איך אויך נישט

קיינער קען נישט אפפרעגן! טאמער יא. פארוואס פלוצים פרעגסטו?

ער קען דיר נישט ענפערן, דאס איז דאס ערשטע מאהל בחיי וואס איך זעה א תירוץ הלכה למעשה: עורבא פרח

כמה גדולים דברי חכמים.