בילדער פון אוקריינא

דא וועל איך בעזהשי"ת ארויפלייגן בילדער וואס אונזערע חשוב'ע חברים האבן געכאפט וויילענדיג אינעם לאנד אוקריינא, ארומפארענדיג אויף די מקומות הקדושים, וואו זיי האבן זיך האפענטליך אויסגעבעטן אלעס גוטס, פאר זיך און פאר אונז, און פאר גאנץ כלל ישראל.

פארשטייט זיך אז רוב בילדער קען מען נישט ארויפשטעלן, צוליב גילוי זהות פון די חשוב'ע מיטגלידער. אבער וואס מען קען, וועט מען אי"ה ארויפלייגן.

==

באריס און וולאדימיר שפילן "האפ קאזאק" ביים "טאנץ פון בער".
[בילד – נישט אפגעהיט]

די זייטיגע וואנט פון די קרעטשמע, וואס דארט ביי די זייט כאפט חיים חייקל דער וואסער טרעגער פון דארף א געדאטשקע מיט נחמן נטע'ן דער האלץ האקער יעדן "ליל ששי" נאכן שיעור אין ארעכייעמאקאדעש...
[בילד – נישט אפגעהיט]

דער בוידעם פונעם קרעטשמע, וואס די לעגענדע לויטעט אז דארט דרייען זיך די נישט גוטע (די יודעי דבר ווייסן אבער אז דאס איז נאר א שם וואס די קרעטשמער האבן ארויסגעלאזט, כדי די נייגעריגע אידעלעך פון דארף זאלן נישט אריינקומען אויף זיי אומגערישט).
[בילד – נישט אפגעהיט]

דער פייער סיגנאל פונעם דארף, אויב עס פלאצט חלילה אויס א שריפה (אדער דער דיין עסט זיך איבער) שלעפט מען דעם גלעקל, און אלע דארפסלייט לויפן צום ברונעם און קומען צוריק מיט עמערס וואסער צו פארלעשן...
[בילד – נישט אפגעהיט]

אוי ווער געדענקט נאך ווען בשעת די פאגראמען פון שנת תנצב"ה - ווען מאסן אידן זענען נעבעך אומגעקומען - איז דער הייוועי וואס לויפט דורך אין שטעטל צובראכן געווארן, און נאר אדאנק די קלעצער וואס נחמן נטע האט אהינגעלייגט מיט גרויס מיה האבן די וועגענער געקענט ווייטער פארן דערויף.
[בילד – נישט אפגעהיט]

דאס הינטל פון גראף - וואס האט שוין ציפקע צרות אנגעטיילט פאר אונזערע אידעלעך - שטייט אויף דער וואַך פארענט פונעם גראף'ס פאלאץ, גרייט צו פארציקן יעדן אינוואדירער.
[בילד – נישט אפגעהיט]

איך ווייס נישט פונקטליך וואס דאס בילד צייגט, אבער עס איז פונקט גענוג מיר צו דערמאנען די ביטערע גזירות וואס דער גראף האט ארויסגעגעבן , עס זעהט אויס אביסל ווי אן ארבייטס לאגער.
[בילד – נישט אפגעהיט]

די באק אויוון פון פייטל דער בעקער, נישט איין מסור האט געפונען זיין סוף צווישן די פיר ווענט פון דעם אויוון...
[בילד – נישט אפגעהיט]

די וואג וואס דער דיין נוצט אויסצורעכענען וואו עס ענדיגן זיך די שיעורים פון עירובי תחומין...
[בילד – נישט אפגעהיט]

פרייז ליסטע פון א טעלער טשאלענט דאנערשטאג אווענט אין די קרעטשמע:

די אויבערשטע איז מיט קושקע
די צווייטע איז מיט זויער פיקל
די דריטע אן בונדלעך
די פערטע איז ווען מען קויפט דאס מיט א ביר
[בילד – נישט אפגעהיט]

אויפ'ן וואונק פונעם כאשיוון קרעטשמער באטשי, טוה איך איבער טייטשן די רוסישע ווערטער, אז די אלע פולישע אימגראנאטן, זאלן דאס קאנען ליינען

אויבן אויף די אלארעם ליינט זיך ווי פאלגענד
אָטְקְרִיט
אויף רעכט'ס ליינט זיך
קְנאָפְּקאָ, דאס איז מלשון קנעפל
אויף די לינקע זייט, לכאורה ווייל די ערשטע אות איז האלב באהאלטן
נאַזשׁאַט
און אונטן ליינט זיך
פּאָזשׁאַר

און דאן אריבער צו די גאז סטאנציע, וואס קרעמער מיינט אז ער איז ביי געטיס אין מאנסי, און ער וועט באקומען דארט צ'ולענט,
די ערשטע שורה (שוין אביסל שווער)
ציִנַא 1 ל פּאַלִיוואַ
און דאן די 4טע רייע האט די אותיות
דפּ
און דאן אונטן ליינט זיך
אַפּעראַטאָר מלשון אפרעטער

ר' קרעמער, דיינע הערות זענען געוואלדיג.
עס דערמאנט מיך ווי איך פלעג לייענען אלץ קינד אין תהלים, בעפאר יעדער קאפיטעל. "דער קאפיטאל רעדט זיך ווי דוד המלך האט בלא בלא בלאא

א בילד וואס איך האב באקומען פון איינע פון די מיטפארער
[בילד – נישט אפגעהיט]

חייקלס אלטע אויטא
[בילד – נישט אפגעהיט]

איז נישט דא נאך בילדער פון די באליבטע אוקריינא

נישטא קיין בילדער פין קברים ?
איך גלייב אז זיי זענען דארט אויך געווען.
אפשר וואלט דאס אויך געווען אינטערעסאנט ארויפצולייגען?

איך האב נאך אסאך אסאך בילדער פון אוקריינא און אנדערע מקומות הקדושים, עס ליגט אבער אין די אנדערע קאמפיוטער, און עס ווערט געזוכט: 1) צייט 2) געדולד 3) א מעכאניקער אויפצוברעכן מיין אלטע קאמפיוטער...

נישטא קיין מעכאניקער דא אין קרעטשמע?

נאך ווי סיז דא א מעכאניקער, אונזער אלעמען באקאנטער משה וואלף דער מעכאניקער, ער איז שוין דא פאר א היבשע צייט, מיר ווארטן ער זאל שוין עפעס פארעכטן.

מיין פראבלעם איז אז איך האב נישט די געצייג......

נו דאן אפשר פון אוקריינא וועט שוין קרעמער ברענגן געצייג.