מחלוקה צווישן בני יואל און זאליס ברענט!

די מחלוקה צווישן די בני יואל און די זאליס אין קרית יואל האט זיך פארשטארקט און ברענט יעצט אין פילן קראפט.

ווי באראש האט שוין באריכטעט מיט אפאר וואכן צוריק (אגב, וואו איז ער לעצטנס פארשוואונדן געווארן?) גייט אן אן ערנסטע מחלוקה צווישן די זאליס און די בני יואל, ווייל די זאליס האבן לכתחלה געמיינט אז די בני יואל וועלן זיך צושטעלן צו זיי און זיך פאראייניגן מיט זיי, אבער די בני יואל האלטן זיך נישט ביים צושטעלן און די זאליס זענען געבליבן קרח מכאן ובלק מכאן

די לעצטע פאר חדשים האבן די זאליס און בני יואל אנגעפאנגען צו גיין עקסטער, ביידע האבן זיך געעפנט עקסטערע ארגאניזעישאנס און די זאליס סטראשענען צו גיין עקסטער ביי די וואלן, אויב די בני יואל שטעלט זיך נישט מער צו צו זיי.

די בני יואל איז אבער נישט שולדיג און פייט צוריק.

מיט צוויי וואכן צוריק האבן די זאליס אויסגעהאנגען צעטלעך מכלומר'שט אין נאמען פון אלע קהלות אין קרית יואל, אז זיי גייען מאכן א פסח יריד און פארקויפן עסן און זאכן לכבוד פסח פאר ביליג. פאר די בני יואל האט שטארק געבאדערט אז די זאליס רעדן אין זייער נאמען און זיי האבן וועגן דעם ארויסגעלייגט עקסטערע צעטלעך, צו ווייזן אז בני יואל גייט גיין עקסטער און נישט צוזאמען מיט די זאליס.

תוקן על ידי - זשוליאני08 - 05/04/2005 22:22:24

דאס איז די זאלי צעטל
[בילד – נישט אפגעהיט]

די בני יואל בלייבט נישט שולדיג
[בילד – נישט אפגעהיט]

האט איר באמערקט אז עס שטייט אויף זייער לעדער העד דריי קהלות, זה שאמר רבותינו אז יעדער איז דארט רב

פאריאר האט טאהש אויך געמאכט א יריד, וואס טוט זיך היי יאר ווייסט איינער.

איך פארשטיי מיך נישט אויף די התאחדות הקהילות.
זיי רעכענען אויס נאר 4-5 בונקערס
וואס מיט די אנדערע קהילות, ווי:
1) שארמאש
2) ברסלב (2)
3) ספינקא
4) קאשוי
5) טשאטה
6) באדישל
7) נועם אלימלך
8) טאהש
9) דברי יואל
10) יפו
11) בית יואל (בעיקערטאון).
12) בעהוץ
ועוד, ועוד, ועוד.

עס איז א חוצפה און א אומדערהערטע אראגאנץ פון די התאחדות הקהילות.
איך האלט אז ביי קומענדיגע וואלן, וועלן די אלע אויבנדערמאנטע איגנארירטע קהילות, זיך אפרעכנען און אראפווארפן דעם מעיאר שווימער פון זיין פאסטן.

אויב דער מעיאר איז נישט מאחד אלע קהילות הקודש, צו וואס האט מען אים געדארפט ערוועלן?