עצות פטור צו ווערן פון א נודניק

ווי אזוי קען מען פטור ווערן פון א נודניק?

יעדער איינער ווייסט פון וואס איך רעדט, יעדער האט עס, דער יונגערמאן זעצט זיך אראפ ביי יעדע מסיבה/טיי אווענט/וואך-נאכט/ברית/קרי"ש ליינען א.א.וו. לעבן מיר, און הערט נישט אויף צו רעדן
דער יונגערמאן ווי מ'וויל אים אויסקרויסן איז ער דא!

איך דארף וויסן ווער זיין שוויגער איז/ ווער זיין בעה"ב איז. איך קען נישט הערן וואס דער בעל-דרשן רעדט ווייל ער האט עפעס "וויכטיג'ס" "מיר" צו זאגן "פרייוועט"...
ועוד ידיו נטויה
ווי אזוי ווערט מען פטור פון אים?

א באקאנטע ווארט... הנפטר מחבירו לא יפטר אלא מתוך דבר הלכה... (כ'געדענק נישט פונקטליך דאס לשון), פשוט פשט איז מ'זאל זיך געזעגענען מתוך דבר הלכה, אבער די וועלט זאגט א ווערטל: ווילסטו פטור ווערן פון דיין חבר, זאג אים א דבר הלכה וועט ער אפציען פון דארט... ער וויל נאר רעדן נארישקייטן נישט קיין תורה (ליידער).

אזוי אויך טייטשט מען, אל תקרי הליכות אלא הלכות, אז דו ווילסט איינער זאל אוועקגיין פון דיר, זאג נישט "גיי דיר פון דאנעט", נאר הייב אן צו לערנען הלכות וועט ער זאפארט אפטראגן. דאס איז פשט אל תקרי הליכות, זאג נישט "גיי", אלא הלכות.

ע' פנים לתורה, פון די תורה קען מען טרעפן עצות צו אלע פראבלעמען!...

געהערט האבען מיר א טייטש "מתוך דבר הלכה" פון אין די ווארט "הלכה", וועלכע זענען די "ל" מיטן "כ" וואס דאס איז לך , אז מען וויל פארשיקען א אימגעווינטשענער פארשוין קען מען ניט ניצען קיין רמזים נאר מען מיז אים קלאָר זאגען לך גייט אייך פון דאנעט.

יא, און בעטן ערליך יעדן טאג שתצילני היום ובכל יום ... משכן רע ומפגע רע... און מכוון זיין די שמות... דאס וועט אויך נישט שאדן...