היידפארק — ארכיוו
זוך אין אלע ארכיוון
הויפט זייט » אידישע נייעס אפסטעיט ניו יארק » ברעקינג נוס:אלייענס עד אין רעקארד זונטיג

ברעקינג נוס:אלייענס עד אין רעקארד זונטיג

20 פאסטס אין ארכיוו · אשכול #1214472

גולםקלאץ » 10/12/2004 18:37

איינער פון די אלייענס האט מיך איבערגעגעבן, אז זונטיג גייט זיין א גרויסע עד פון די אלייענס, צו דערקלערן זייער שטעלונג אז מען טאר זיך נישט רייצן מיט די גוים.

און מאנטאג גייט די רעקארד שרייבן א נייעס איבער די אלייענס און זייער שטעלונג.

פרטים יבואו.

majyar718 » 12/12/2004 08:09

היפאקריטן
דא זענען זיי די פייער צינדערס
און דא קומען זיי לעשן

זשוליאני08 » 12/12/2004 11:21

די עד
http://www.recordonline.com/sites/kj/
[בילד – נישט אפגעהיט]

באראש » 12/12/2004 11:35

אזא געמיינע רשעות איז נאכנישט געזען געווארן זייט די וועלט שטייט.

זיך ארויסשטעלן אין פאבליק און דערקלערן פאר די אנטיסעמיטן, די שונאי ישראלים וואס שלאגן זיך מיט קרית יואל פאר די איינציגסטע סיבה אז מיר זענען אידן אז "אחינו אתה", איר זענט אונזערע ברידער און פריינט און מיר האבן ענק ליב, און דערקלערן אז קרית יואל טאר נישט בויען די וואסער פייפליין. וואו נאך איז געזען געווארן אזא געמיינע זאך?

און דאס איז שוין נאכדעם וואס זיי האבן אנגעצינדן דעם פייער, מיט'ן אריינגעבן די ענעקסעשן פעיפערס צו די רעקארד.

און דאס איז בשעת זיי מאכן שרעקליכע התגרות באומות מיט זייערע סקול בילדינגס אין לארקין ראוד און אין קווינס.

באראש » 12/12/2004 11:56

דאס האב איך געשריבן אין חדשות אנ"ש:

קרית יואל איז היינט א שטאט ווי יעדע אנדערע שטאט אין די וועלט. אונז דארף מיר זיך מער נישט שעמען פין קיינעם. אונז האמיר שוין היינט אפילו אונזערע אייגענע נאצי/טעראריסטן/אנטיסעמיטן ליבהאבער וואס גייען זיך קושן מיט די גרעסטע שונאי ישראלים. אונז דארף מיר זיך מער נישט שעמען פאר וויליאמסבורג און בארא פארק וואס האבן די נטורי קרתא.

ווי יעדער איינער ווייסט שוין ליידט קרית יואל פין א מאנגל אין וואסער שוין פאר יארן. מיט א פאר יאר צוריק איז דער מעיאר אברהם ווידער אויפגעקומען אויף א געוואלדיגע פלאן אז קרית יואל זאל נעמען וואסער פון ניו יארק סיטי'ס רעזערווארס. ער האט אויסגעארבעט א פלאן, ס'האט געקלאפט הונדערט פראצענט.

ביז....... סאיז אנגעקומען די "אלייענס" און אויפגערייצט די שכנים קעגן קרית יואל (http://masoret.hydepark.co.il/hydepark/topic.asp?topic_id=1212517) און מיט דעם געברענגט א שרעקליכע העצע קעגן הייליג שטעטל. אלע אנטיסעמיטן האבן זיך צאמגענומען אז זיי גייען באקעמפן די וואסער פון קרית יואל. זיי האבן געמאכט אסיפות ווי מען האט צאמגערעט גאר שרעקליכע דיבורים קעגן אידן. די לאקאלע ברענטש פון די קו-קלוקס-קלען האט זיך אויך צוגעשטעלט גאר שיין צו דעם קאמף קעגן קרית יואל. איין גרויסע אנטיסעמיט האט געשריבן א בריוו אז קרית יואלע אידן זענען בלוט זויגערס, זויגן אויס די גאנצע געלט פון די גויאישע שכנים, זיי פארלעשן נישט די וואסער גאנץ שבת און אנדערע געפערליכע ווערטער וואס מען האט שוין נישט געהערט זייט היטלער.

יעצט נאכ'ן אויפרייצן די גויאישע שכנים זענען געגאנגען די צינדערס און געלאפן צו די גוים שרייען "אחינו אתה", אונז זעמיר ברודערס, אונז זעמיר מיט ענק, אונז האמיר ענק ליב. אונז זעמיר קעגן די וואסער פייפליין, מיט א שרעקליכע עד וואס זיי האבן אריינגעלייגט אין די רעקארד היינט זונטיג.

ווי קומט אזא רשעות צו אידן? און נאכדערצו אידן וואס האבן זיך גערייצט מיט די גוים אויפן ערגסטן פארנעם, ווי גוט אויסגעשמיעסט אין אנדערע אשכולות?

תוקן על ידי - באראש - 12/12/2004 11:59:25

שדים_טאנץ » 12/12/2004 13:02

פארגלייך זיי נישט צו די נטורי קרתא. די נטורי קרתא האט קיינמאל נישט דערקלערט פאר די אראבער: גייטס ווייטער אן מיט ענקערע רציחות און טעראריזם ווי לאנג מדינת ישראל ברעכטס זיך צו ענק.

די אלייענס אין קרית יואל דערקלערט קלאר אין זייער עד, פאר די שונאי ישראלים: קיפּ אן! גייטס ווייטער אן מיט דעם קאמף קעגן געבן וואסער פאר קרית יואל! זאלן קרית יואל'ער מאמעס און פיצלעך קינדער אויסגיין פאר דורשט.

איך גלייב אז אפילו די זאליס וועלן מודה זיין אז דאס איז שוין געגאנגען אווער די לימיט.

אראבער » 12/12/2004 21:13

איך פארשטיי נישט וואס עטס פארפירטס אזוי!!!
זיי האלטן אז מיט גיין אויפן שיינעם וועג וועט מען מער אנקומען!!
אויב עטס האטס אפגעליינט דעם גאנצן עד

From Experience

באראש » 13/12/2004 05:02

ווי ס'קוקט אויס וואוינען 100,000 מענטשן אין קרית יואל, ווייל די אלייענס שרייבט אין זייער אדווערטייזמענט אז זיי פארטרעטן 8,000.

נישט אזוי?

DERBARICHT » 13/12/2004 09:04

מר. שדים טאנץ דו לייגסט עס אראפ זייער דראמאטיש און געפיליש לאמיר עס צונעמען שטאטעלעך

קודם, צו האסטיו אפגעליינט דעם גאנצן אינהאלט פונעם OPEN LETTER TO THE PEOPLE OF ORANGE COUNTY און די רעקארד?
צו די האסט בלויז געקוקט אויפן LETTERHEAD און שוין אפגע'פסק'נט אז עס איז העצעריש און גיפטיג???!!

וויל איך דיר דא שרייבן מיין מיינונג, איך האב דעם בריוו דורכגעליינט נישט איינמאל, עס איז א זעלטן רייך געשריבענער בריוו, דער מעסעדזש איז זייער קלאר אז עס וואוינען און קרית יואל א באדייטענדער צאל משפחות וואס שטייען נישט מיט, מיט די ווילעדזש פירערשאפט און זייער קאמפיין וואס ווערט אנגעפירט קעגן די TOWNS און VILLAGES ארום קרית יואל

צווייטנס, דאס אז די שרייבסט וועגן מאמעס און פיצלעך קינדער, די מאכסט עס זייער שרעקעדיג און דאס איז געווען דער טאקטיק וואס איז גענוצט געווארן און די פארגאנגענהייט דורך די צייטונגען וואס צירקולירן און קרית יואל.

ר' שדים טאנץ, סטאפ מיט די שטותים מען האסט נאך נישט געהערט און די היסטאריע אז א שטעטל זאל חלילה אויסגיין צוליב מאנגל און וואסער

הא הא עס איז נישט דא ווער עס זאל לאכן, די שדים טאנץ קומסט דא פארקויפן אז מען גייט אומברענגען מאמעס מיט פיצלעך קינדער, שדים טאנץ נישט דאס איז דא די נושא, וואסער וועט זיין מען וועט קענען טרינקען וויפיל מען וויל,
זיך באדן
וואשן די הענט
און גיין און מקוה אפי' צוויי מאל א טאג
עס וועט ווייטער זיין קאווע און אלע בתי מדרשים
און היכל וועט זיין 24 שעה קאווע
וואס נאך ווילסטו, לאז די מאמעס און פיצלעך קינדער וואו זיי זענען.

די שאלה איז דא צו מען האט גענוצט די ריכטיגע צוגאנג,
זארג דיך נישט דאס וועט אויך קלאר ווערן ביז א שטיק צייט

קיינער ווערט נישט פאר דעם קיין מסור מערדער רשעים וכדומה אלעס קען בלייבן אזוי וואו ביז איצט, עס איז נאר א פאליטישע פראגע עס איז נישט א פראגע וואס רירט אן דיין חסידות
געוויין דיך איין אז נישט יעדעס ווארט אדער אקט וואס ווערט גענוצט אקעגן די פאליטישע פירערשאפט און קרית יואל מיינט דאס אהרן פערזענליך אדער ארונים בכלל עפן דיר אביסל דעם קאפ לעב נישט און דעם שמאלקייט

תוקן על ידי - derbaricht - 13/12/2004 9:08:16

majyar718 » 13/12/2004 15:43

געדענקט איר די ערב רב ?
געדענקט איר די מתיוונים?
געדענקט איר די אידישע קאפויס?

דאס וואס שפילט זיך אפ איז היינו כך

מען חנפט שונאי ישרא־ל אויפן חשבון פון שלאגן אייגענע אידישע ברודער

די יודישע קאפויס וואס האבן געפייניגט זייער אייגענע ברידער פאר זעכציג יאר צוריק
זענען אויך דערמערדערט געווארן דורך די דייטשן
עס האט זיי גארנישט געהאלפן


דא איז נאך מער!
די אלייענס ערב רב זענען זעלבסט שולדיג
פארן אויפהעצען די גוים קעגן זייערע אייגענע אידישע ברודער
זיי האבן אנגעצינדען דעם פייער!
זיי האבן געגאסן אויל אויפן פייער!
און יעצט ווילען זיי גאר לעשן....

גאסט » 13/12/2004 16:11

און קוק אן זיי האבן גארנישט אויפגעטון

אינעם היינטיגן רעקארד
http://www.recordonline.com/archive/2004/12/13/kjadfolo.htm

ברענגן זיי דעם סטעיטמענט פונעם SOCA אנפירער
Jonathan Swiller, a leader of the Southern Orange County Alliance, a citizens group opposing the water project, said he appreciated the Kiryas Joel Alliance's call for better communication with the neighbors, but noted that regionalizing the water project wouldn't answer his group's strongest concerns. Those concerns, he said, are that Kiryas Joel will expand into Woodbury if it gets more water and that the village hasn't explained how its additional sewage would be treated.
"I don't think the negative response would go away," he said.


יעצט זאג וואס די ווילסט

5_גארפיעלד » 13/12/2004 17:03

דאס וואס א פירער פון SOCA ווייסט נישט צו די שווערע געפילן וועלן נאכלאזן, מיינט גארנישט, עס איז זיכער אז די טויזנטער גוים וואס האבן געליינט דעם ארטיקל אין רעקארד, וועלן נאכלאזן פון זייער שנאה, זעענדיג אז מיר ווילן לעבן גוט מיט זיי.

דער גוי וואס שטייט אין די ליין ביי וואל-מארט אונטער מיר וועט מיך אנקוקן מיט ווייניגער שנאה, טראכטנדיג אז אפשר בין איך פון די אידן וואס זוכן צו לעבן גוט מיט די שכנים...

קריתיואלער » 13/12/2004 17:53

מיינסט דער גוי אין וואל מארט האט נישט געליינט דעם רעקארד וואס די אלייענס האט געטון ביי די בילדינג אין לארקין ראוד? וויאזוי זיי האבן אויסגעשפילט די טאון און זיי איינגערעדט אז די בילדינג גייט זיין א ארבעטס פלאץ?

מיינסט אז דער גוי האט שוין פארגעסן וואס חיים הערש ליימזידער, משה פריעדמאן ETC. האבן געטון ביים גרינדן די וויליזש? מיינסט אז דער גוי איז אזא פערד אז ער רעדט זיך איין אז די אלייענס מיינט נישט פאליטיק נאר זיי מיינען אמת'דיג אז זיי ווילן לעבן מיט די גוים?

קרית_יואל » 13/12/2004 18:26

נארישער אהרוני

דער גוי אינטערסירט נישט וויאזוי דו האסט פארלאנגט א פערמיט.

ער פארלאנג דו זאלסט האבן פארשטענדעניש מיט אים. און דער איינציגער וועג איז צו רעדן און פארהאנדלען אויף א פרידליכן וועג.

באראש » 13/12/2004 22:08

דער גוי איז נישט אזוי נאריש ווי דיר. והא ראי' סאקא האט תיכף געזען אז מען האנדלט דא מיט א באנדע כעלעמער וואס רייצן זיך אליינס מיט די גוים און נאכדעם קומען זיי זיך לעקן צו זיי און זיי האבן ענק געזאגט לא מעוקצך ולא מדובשך...

קריתיואלער » 14/12/2004 01:40

לאמיך ענק דערציילן א מעשה. איך וועל עס מאכן בקיצור.

עס איז געווען בימים ההם, ווען דער רשכבה"ג מרן אדמו"ר זצוק"ל האט אויסגעדרוקט זיין באגער צו בויען א שטעטל. ס'איז געווען גאר שווער דאס צו ארלעדיגן. קיין שום גויאישע קאמיוניטי האט נישט געוואלט האבן קיין אידישע געגנט לעבן זיך.

ר' חיים הערש ליימזידער האט מקיים געווען רצון צדיק. ער האט זיך פארשטעלט ווי א גוי און שפאצירט מיט א הינטל און אזוי געגאנגען קיין מאנרא אפקויפן גרויסע שטחים, מכלומר'שט פאר א פארם. די גויאישע שכנים האבן גארנישט פארדעכטיגט און זיי האבן אלעס צוגעלאזט.

א שטיק צייט שפעטער האבן א גרופע מסירת נפש'דיגע אידן מקיים געווען דעם פסק פון רבינו זצ"ל, אראפגעלאזט קיין מאנרא און זיך אריינגעצויגן אין זייערע נייע הייזער.

ווי נאר די שכנים האבן געזען אז מען האט זיי מיאוס אויסגעשפילט האבן זיי געעפנט א בלוטיגן קאמפיין קעגן קרית יואל. קרית יואל האט פרובירט צו גרינדן אן אייגענע וויליזש אבער די שכנים האבן געטון וואס זיי האבן געקענט עס צו שטערן.

די פירערס פון דעם נייעם שטעטל זענען געגאנגען און געעפנט א שארפע קאנטער-קאמפיין. זיי האבן אראפגעריסן די שכנים אלס אנטיסעמיטן און אנגעקלאגט אלע מאנרא איינוואוינערס אין געריכט. חיים הערש ליימזידער האט זיך פארשטעלט ווי א גוי, געגאנגען אין באר און אנגע'שיכור'ט א לאיער פון די שכנים. יענער האט זיך פאררעדט און ארויסגעגעבן אלע סודות. אלעס איז געווען רצון צדיק. מען האט ח"ו זיך נישט גערייצט מיט די גוים.

אין איין שיינעם טאג שטעלט זיך אויף אן ארגאניזאציעלע, זיי זאגן אז זיי פארטרעטן 8,000 נפשות און זיי שטעלן אריין א מודעה אין דעם רעקארד אז יאקאבאוויטש/פריעדמאן/ליימזידער פארטרעטן נישט זיי און אז זיי האלטן אז מען דארף גיין נאר פרידליך מיט די שכנים.

אין זייער אדווערטייזמענט דערקלערן זיי אז זיי זענען קעגן גרינדן א ווילידזש אין קרית יואל ווייל מען רייצט זיך מיט די גוים, און ווילאנג מען זעצט זיך נישט אראפ מיט די גוים טאר מען נישט מאכן די ווילידזש.

יעצט שטעלט זיך די פראגעס?
1. וויאזוי האט רביה"ק זצ"ל רעאגירט צו דעם עד?
2. וויאזוי האט ר' לייביש יאקאבאוויטש רעאגירט צו דעם עד?
3. וויאזוי האבן די אנטיסעמיטן רעאגירט צו דעם עד?

אויף די דריטע שאלה האב איך אן ענטפער. דער פירער פון די אנטיסעמיטן האט געענטפערט די פאלגנדע ווערטער:

he appreciated the Kiryas Joel Alliance's call for better communication with the neighbors, but noted that opposing the village wouldn't answer his group's strongest concerns. Those concerns, he said, are that Kiryas Joel will expand into Woodbury

זשוליאני08 » 14/12/2004 02:36

5_גארפיעלד, די עד אין רעקארד איז געווען כדי צו ווייזן אז "אונז קען מיר יא אויפטאן, ווייל אונז גיי מיר מיט שיינעם."

נו, האט עטס תיכף ומיד באקומען א שטויס פון אונטן פון סאקע. זיי האבן געזאגט פאר די אלייענס: ס'באדערט אונז נישט וואס קרית יואל טוט. ס'באדערט אונז "פן ירבה"! ס'באדערט אונז אז זיי וואקסן!

ווען וועלן די כעלעמער אלייענס איינזען אז זיי טוען גארנישט אויף? זיי מאכן נאר ערגער די מצב?

(עקשועלי. דאס איז דאך וואס זיי ווילן...)

תיבהאישית » 14/12/2004 22:00

די אלייענס ווערט געפירט דארך 25 יעריגע...

פאריגע וואך האט מ. שטערן און פ. יאקאבוויטש געשריבן א בריוו צי אברהם ווידער, אז די וויליזש ווערט געפירט דורך יונגע מענטשען וואס קענען נישט די דעת רבינו זצ"ל.

אינטערסאנט. יעצט ליין איך די רעקארד זעי איך אז זיי ווערען געפירט דארך 25 יעריגע מענטשען. קיקטס ווי אלט די חברה וואס האבען גערעדט צי די רעקארד זענען.

שדים_טאנץ » 17/12/2004 02:31

באראש, די רעקארד אליינס מאכט חוזק פון דעם וואס זיי שרייבן אז זיי פארטרעטן 8,000 מענטשן. קוק די ווערטער:

Just how many residents in this community of 16,000 agree with the alliance on the volatile pipeline issue is difficult to say. In the November election, almost 1,400 voters – about a third of those who cast ballots – supported Bonnie Kraham, the Democratic state Assembly candidate and county legislator whom alliance leaders called a voice of moderation and harmony on the pipeline. But nearly 2,700 other voters supported Kraham's victorious, Republican opponent, Annie Rabbitt – and, arguably, the leadership's stance on the water project.


אפילו די רעקארד וואס טרייבט אייביג איבער לטובת די דיסידענטס שרייבט קלאר ארויס אז די אלייענס פארטרעט נישט מער ווי about a third of those who cast ballots

דאס מיינט: געגעסן די פארשטונקענע פיש, געכאפט די שמיץ, און פון שטאט ארויסגעווארפן...

זיי האבן זיך מבזה געווען פאר די גאנצע וועלט און נאך געכאפט אפאר טעפ מיט צואה רותחת פון זייערע פריינט, די רעקארד און סאקא, און ערשט האבן זיי נאר ערגער געמאכט דעם מצב.

תוקן על ידי - שדים_טאנץ - 17/12/2004 2:32:16

באראש » 20/12/2004 10:33

איך האב מיך געקלאפט אין די פלייצע ווען איך האב געליינט וויאזוי דער באריכט געט מיך פאבליסיטי.

דער באריכט שרייבט אז "נאך די זעלבע טאג" וואס זיי האבן אריינגעלייגט די עד אין די רעקארד האט מען זיי זייער מיאוס אראפגעריסן און געשריגן אז זיי האבן געמאכט א חילול השם.

יעדער וואס דרייט זיך אין קרית יואל ווייסט אז נישט דער בלאט, נישט די בולעטין, נישט די זשורנאל האבן דערמאנט א ווארט וועגן די גאנצע עד. די וויליזש האט באשלאסן אז אזעלכע קליינקעפיגע מענטשן איז בעסער צו איגנארן.

די איינציגסטע וועמען זיי קענען מיינען איז נאר איך. וועגען דעם רבותי קאנגרעטשולעיטס מיך
[בילד – נישט אפגעהיט]